Жаңалықтар

Соңғы екі жылда Қазақстандағы шаруа қожалықтар саны күрт азайып жатыр. Екі жыл бұрын олардың саны 270 мың болса, 2025 жылдың басында 260,3 мың қалған. Ал жыл соңында 245,8 мыңға дейін азайған. Ауыл шаруашылық сарапшысы Төлеутай Рахымбеков бұны өте алаңдарлық жағдай ретінде сипаттайды. Бұл туралы Eldala.kz сайты жазды.

«Шаруа қожалықтар санының азаюын соңғы 35 жылда алғаш рет байқап тұрмын. Жеке қосалқы шаруашылықтардың саны да азайып келеді. Егер 2024 жылғы 1 қаңтарда олардың саны 1 млн 631 мың болса, 2025 жылғы 1 қаңтарда бұл көрсеткіш 1 млн 605 мыңға түсті», – деді сарапшы.

Рахымбековтың сөзінше, елдег...

2025 жылғы қаңтар-желтоқсан айларында Қазақстанның жалпы ішкі өнімінің өсімі 6,5% болды. Үкімет Ұлттық статистика бюросының алдын ала деректерін жариялады.

Экономиканың басты көрсеткіштері

Ресми мәлімет бойынша, былтыр экономикалық өсімге негізгі үлесті көлік, құрылыс және сауда салалары қосты.

Өнеркәсіп өндірісінің индексі жыл қорытындысы бойынша 7,4% болды. Өңдеу секторы 6,4% деңгейінде тұрақты өсімді көрсетіп отыр. Азық-түлік өндірісі 8,1%-ға, өңделген мұнай өнімдерін өңдеу 5,9%-ға, химия өнеркәсібі 9,8%-ға, металлургия 1,2%-ға, машина жасау 12,9%-ға ұлғайды.

Ақтөбе, Алматы, Атырау, Батыс Қазақстан, Жамбыл, Жетісу, Қарағанды, Қостанай, Маңғыстау, Павлодар, Солтүстік Қазақстан, Ұлытау, Түркістан облыстарында, Астана, Алматы және Шымкент қалаларының өсімі жоғары.

Көлік және қоймалау саласындағы өсім...

Астанада екінші ауысым оқушылары қашықтан оқуға жіберілді. Бұл туралы қаланың білім басқармасы хабарлады.

«Ауа райының қолайсыздығына байланысты 12 қаңтарда екінші ауысымда оқитын 0-4 сынып оқушылары қашықтан оқу форматына ауыстырылады», – делінген ақпаратта.

Айта кетейік, елордада қалың қар жауып тұр. Төтенше жағдайлар министрлігі ақпаратына сәйкес, батыстан соққан желдің екпіні 15-20 м/с болады. Одан бөлек көктайғақ болуы мүмкін.

Ал Алматыда оқушылар ЖРВИ жұқтырғандар саны көбейген жағдайда ғана қашықтан оқуға жіберіледі.

Бүгін, 12 қаңтар күні, қазақ халқының көрнекті мемлекет және қоғам қайраткері, саясаткер, академик Дінмұхамед Ахметұлы Қонаевтың дүниеге келгеніне 114 жыл толып отыр.

Дінмұхамед Ахметұлы 1912 жылы 12 қаңтарда Верный қаласында (қазіргі Алматы) қарапайым шаруаның отбасында дүниеге келген. Шыққан тегі – Ысты тайпасының Ойық руы. Әкесі Меңліахмет Жұмабайұлы ауыл шаруашылығы мен сауда саласында еңбек еткен, қазақ және орыс тілдерін меңгерген сауатты адам болған. Анасы Зәуре Байырқызын үй шаруасымен айналысып, бала тәрбиелеген.

Білімі мен қызмет жолы

1930 жылы Алматыдағы №14 орта мектепті тәмамдаған Қонаевты 1931–1936 жылдары Қазақстан Өлкелік комсомол комитеті Мәскеудегі Түсті металл институтына оқуға жібереді. Оқу орнын тау-кен инженері мамандығы...

Алматыда кейінгі бір аптада 8 мыңнан аса адам жедел респираторлық вирустық инфекция (ЖРВИ) жұқтырған. Бұл туралы санитариялық-эпидемиологиялық бақылау департаменті мамандары айтты.

Бөлім басшысы Алмаш Ахметованың сөзінше, науқас санына қарамастан оқушыларды қашықтан оқуға жіберуге негіз жоқ.

«Сыныптағы оқушылардың 30%-ы бір уақытта ЖРВИ-мен ауырған жағдайда балаларды онлайн оқуға жіберуге болады. Мұндай шешімді мектеп директоры қабылдайды. Алматыда қазір мұндай жағдай тіркелген жоқ. Өткен аптада 76 баладан анықталған. Олар қаладағы 33 мектепте оқиды», – дейді Алмаш Ахметова.

Мамандар қаладағы эпидемиологиялық жағдайды қалыпты деп санайды. Бұған оқушылардың қысқы демалыста болғаны да әсер еткен.

Одан бөлек 2025 жылы қалада 314 адам...

Арыстанғани Заппаров Түркістан облыстық полиция департаментінің басшысы қызметіне тағайындалды. Бұл туралы Kursiv.Media өңір әкімдігі таратқан мәліметке сүйене отырып хабарлады.

Жаңа басшыны Ішкі істер министрінің орынбасары Бауыржан Әленов пен Түркістан облысының әкімі Нұралхан Көшеров таныстырды.

Бұған дейін осы өңір полициясын басқарған генерал-майоры Мұрат Қабденов ІІМ Әкімшілік полиция комитетінің төрағасы ретінде жаңа қызметіне кірісті. Ал Түркістанға ауысқан Арыстанғани Расилханұлы бұған дейін Алматы қаласы полиция департаментін басқарған.

Арыстанғани Заппаров 1969 жылы Жамбыл облысында дүниеге келген. Әл-Фараби атындағы Қазақ ұлттық университетін, ІІМ Академиясының Заң институтын тәмамдаған. Полиция генерал-майоры. Ішкі істер органдарында 1993 жылдан бері қызмет атқарып келеді. Әр жылдары Алматы...

АҚШ президенті Дональд Трамп Truth Social әлеуметтік желісінде ерекше сурет жариялады. Уикипедияға ұқсас скриншотта Трамп Венесуэла президентінің міндетін атқарушы деп жазылған.

Суретте Трамп «жаңа қызметіне» 2026 жылдың қаңтарына кірісті деп көрсетілген. Ал АҚШ президенті деген лауазымы өзгеріссіз тұр.

Бірақ ресми Уикипедиядағы Трамптың өмірбаянында мұндай ақпарат жоқ, Венесуэланың уақытша президенті деп көрсетілмеген.

3 қаңтарда АҚШ Венесуэла астанасы Каракаста арнайы операция жүргізіп, ел президенті Николас Мадуро мен оның әйелін ұстады. Оларды тұтқындап, Нью-Йоркке жеткізді.

Осыдан кейін Трамп елді АҚШ басқарады деп мәлімдеді. Венесуэланың уақытша президенті ретінде Делси Родригес  тағайындалды.

Танымал нумеролог Құралай Бақытқызы 2026 жылға болжам жасады. Оның айтуынша, бұл жыл – еңбекқорлық жылы.

«Бұл – ізденіс жылы. Адамдар кәсіп игеріп, пысық болуға ұмтылатын кезең. Үйленгісі келетін адамдар биыл тез шешім қабылдайтын болады. Той көбейеді», – дейді нумеролог.

Құралай Бақытқызының сөзіне қарағанда, биыл онлайн бизнестің тасы өрге домалайды. 2026 жыл – алдағы 9 жылдың іргетасын қалайтын жыл.

«Өткен жылы адамдар көп нәрсемен қоштасты. Биыл да әлемде көп өзгеріс болмақ. Ғылым, спорт, цифрлану жылы деп атасақ, қателеспейміз. Адамдар денсаулығын бірінші орынға қояды. Спортқа тартылады. Елімізде спорттық іс-шаралар көп болады деп ойлаймын...

Батыс Қазақстан облысында лауазымды тұлғалар шекарадан заңсыз тауар өткізу үшін 100 млн теңге пара алған. Олардың қатарында Мемлекеттік кіріс департаменті басқарма басшыларының бірі және астаналық тұрғын бар. Бұл туралы ҰҚК-ден хабарлады.

«Көрсетілген тұлғалар ақшалай сыйақыға елге халық тұтынатын тауарларды кедергісіз әкелу үшін шетелдік азаматтарға көмек көрсеткен. Олардың 100 млн теңгеден астам пара алғаны процестік тұрғыдан құжатталған», – деп жазылған хабарламада.

Қазір күдіктілер қамауға алынды. Алдын ала есеп бойынша, олардың әрекетінен мемлекетке 1,9 млрд теңге шығын келген.

Комитет қылмыстық-процестік кодекстің 201-бабына сілтеп өзге ақпарат жарияланбайтынын жеткізді.

2025 жылдың есебі бойынша, елде сыбайлас жемқорлыққа...

Таиландтың Пхукет аралында бір топ турист мінген катер балық аулайтын кемемен соғысты. Катер теңізге батып кетті. Оқыс оқиғадан бір адам қаза тауып, 21 адам жараланды.

Оқиға 11 қаңтарда жергілікті уақытпен таңертең сағат 9:10 шамасында болған. Thairath басылымының мәліметінше, катер Андаман теңізінде, Кох Кхиао аралына жақын маңда суға батып кеткен.

Мәліметтерге қарағанда, кемелердің соғысуынан барлығы 22 адам зардап шеккен: 3 тай экипажының мүшесі және 19 шетел турисі. Бір адам қаза тапқан. Ол 18 жастағы ресейлік Елизавета Старых екені кейін мәлім болған.

People дерегінше, туристік катерде барлығы 52 жолаушы мен экипаждың үш мүшесі отырған.

Ресейдің Пхукеттегі бас консулы...

Гүлзира Айдарбекова Instagram парақшасында бала-шағасының Мальдив аралдарынан елге оралған сәтін көрсетті.

Продюсер үйде күтіп алған видеоны жариялап, әсерлі жазба қалдырды:

«Бүгін бала-шағамыз Мальдив аралдарынан демалыстан келіп, басымыз қосылып мәре-сәре болып жатырмыз. Төрт көзіміз түгел, амандықпен жүздесу де бір бақыт!», — деп жазды Айдарбекова.

Бейнежазбада Қайрат Нұртастың анасы келіні Жұлдызға және немерелеріне сыйлық табыстап жатқан сәті бейнеленген. Отбасылық жылы атмосфера мен қуанышқа толы кадрлар желі қолданушыларын сүйсіндірді.

Қазақстан мұсылмандары діни басқармасы дипфейкке қатысты пәтуа шығарды.

Дипфейк – жасанды интеллектіні қолдану арқылы видео жасау технологиясы. Яғни, кез келген дауысты бұрмалап, мимика қосып, адам айтпаған сөздерді қосу.

Діни басқарманың мәлімдеуінше, ислам діні ғылым мен технологияның дамуына, жаңалық ашуға тыйым салмайды. Алайда бұл даму әділет пен адамгершілікке негізделіп, шариғат аясында жүзеге асуға тиіс.

«Кез келген технологияны игі мақсатта қолдануға рұқсат, ал зиян келетін мақсатта қолдануға тыйым салынады», – делінген діни басқарма шығарған пәтуада.

Deepfake әдетте өзгеге зиян келтіру мақсатында пайдаланылады. Мұндай контент адамды қорқытып, өміріне қауіп төндіруі мүмкін. Шариғатта адамды қалжыңдап...

Қазақстан Даму Банкі цифрлық теңгедегі алғашқы кредитті рәсімдеді. Қарыз алушы – «Qazaq-Astyq Group» ЖШС. Кәсіпорын өсімдік майын өндіреді, Шығыс Қазақстан облысы мәслихатының депутаты Әсемқан Досқожановқа тиесілі. Әзірге несие сомасы белгісіз.

Банктің хабарлауынша, қаржыландыру Экспорттық-кредиттік агенттіктің (ЭКА) сақтандыруымен берілді. Транзакция операторы яғни ортада қызмет көрсетуші банк – ЦентрКредит.

Қарыз алушы «Qazaq-Astyq Group» компаниясының Абай облысында май сығу зауыты бар, өнімдерін шетелге экспорттайды. «Курсив» басылымының мәліметінше, кәсіпорынды Дәулет және Еркінбек Досқожановтар бақылайды. Олар – Шығыс Қазақстан облыстық мәслихатының депутаты, кәсіпкер Әсемқан Досқожановтың ұлдары.

Досқожановтар отбасы мемлекеттік даму институтымен (ҚДБ) ұзақ уақыттан бері серіктес болып келеді. 2024 жылы Қазақстан Даму Банк...

Орал қаласында 112 жастағы кейуана Нәфиза Жарылғапова дүние салды. Азалы хабарды Самара қазақтары паблигі таратты.

Нәфиза Исламбекқызы 1914 жылы туған. Кейуана бір ғасырдан астам ұзақ ғұмырының көп бөлігін Орынбор өңірінде өткізген. Кейінгі жылдары Ресейдің Самара облысына тұрақтаған.

Самара қазақтары паблигі Нәфиза апаның Бірінші дүниежүзілік соғыс кезінде дүниеге келіп, патша үкіметінің құлауы, совет билігі орнауы секілді тарихи кезеңдерді бастан кешіріп, Екінші дүниежүзілік соғыс зардабын тартқанын атап өтті.

Ғұмырының соғы күндерін кейуана Орал қаласында тұратын ұлының шаңырағында өткізіп, сол жерде 8 қаңтарда бақилық болды.

Бес баланы дүниеге әкелген Жарылғапованың 24 немересі, 52 шөбересі және 32 шөпшегі бар.

Әйелдер теннисі қауымдастығы (WTA) спортшылардың жаңартылған жекелей және жұптық рейтингін жариялады.

Рейтинг көшбасында өзгеріс жоқ. Беларусь өкілі Арина Соболенко бірінші орнын сақтап қалды. Польша теннисшісі Ига Швёнтек екінші сатыда тұр. Үздік үштікке америкалық Кори Гауфф қайта оралып, отандасы Аманда Анисимованы төртінші орынға ығыстырды.

Қазақстанның бірінші ракеткасы Елена Рыбакина әлемдік рейтингте бесінші орнын сақтап қалды. Өткен аптада Брисбенде өткен турнирдің ширек финалына дейін жетіп, чехиялық Каролина Муховадан жеңілген еді. Ал аталған турнирдің чемпионы атанған Арина Соболенко финалда украиналық Марта Костюкты жеңіп, 500 рейтингтік ұпайға ие болды.

Өкінішке қарай, тағы бір қазақстандық теннисші Юлия Путинцева рейтингте 31 орыннан...

2026 жылы Қазақстанда жылжымайтын мүлікті сатып алу-сату шартын рәсімдеу қымбаттады. Нотариус арқылы мәмілені рәсімдеу айлық есептік көрсеткіштің (АЕК) өсуіне байланысты болып отыр. Бұл туралы kursiv.media krisha.kz-ке сілтеме жасап хабарлайды.

2026 жылы мәміле құны қанша тұрады?

Нотариустың қызмет ақысы мәмілеге қатысушыларға байланысты есептеледі:

Жұбайының келісімін нотариалды түрде растау: 1,5 АЕК – 6487 теңге.

11 қаңтар күні кешке Шымкентте жан түршігерлік оқиға болды. Төлеметов көшесі мен Өтегенов көшесінің қиылысындағы жаяу жүргіншілер жолында 21 жастағы қызды пышақтап кетті. Ол ауыр жарақаттан оқиға орнында қайтыс болды. Бейресми ақпаратқа қарағанда, күдікке марқұмның сөйлесіп жүрген жігіті ілінген.

Аталған оқиғаға қатысты полиция Қылмыстық кодекстің «Адам өлтіру» бабымен қылмыстық іс қозғады.

«Күдіктінің кім екені анықталды. Алдын ала мәлімет бойынша, ол марқұммен таныс болған. Қазіргі уақытта оны іздестіру бойынша қажетті іс-шаралар жүріп жатыр» делінген полиция хабарламасында.

Осыдан екі күн бұрын Павлодар облысының Екібастұз қаласында да тұрмыстық жанжал адам өлімімен аяқталды.

Конституцияның 30 жылдығына орай жарияланған рақымшылыққа ілігу үшін 16 мыңға жуық сотталғаннан өтініш түскен. Бұл туралы ішкі істер министрлігі қылмыстық-атқару жүйесі комитеті хабарлады.

Нәтижесінде қылмыстық-атқару жүйесі мекемелерінен 2 мыңнан астам адам босатылды, ішінде әйелдер мен кәмелетке толмағандар да бар. 11 мыңнан астам сотталғанның жаза мерзімі қысқарды.

Пробация есебінде тұрған 2 888 адам жазадан босатылып, 7 600-ден астам сотталғанның жаза мерзімі қысқартылды.

Рақымшылыққа кәмелетке толмағандар, баласы бар әйелдер, жүкті әйелдер, мүгедектер және қарт адамдар ілікті.

«Босатылған барлық адам пробация қызметінің тұрақты бақылауында болып, полицияның жеке есебіне қойылды»,- делінген ақпаратта.

Комитет бостандыққа шыққандарға жұмысқа орналасуға жәрдемдесу...

Технологиялық алпауыт Meta компаниясы Аустралия үкіметін жасөспірімдерге әлеуметтік желіге тыйым салу туралы заңнамасын қайта қарауға шақырады. Компания мәлімдеуінше, заң күшіне енгеннен кейін елде 544 000 аккаунт бұғатталған.

Цукербергке тиесілі платформа өткен жылдың желтоқсанындағы бір аптада Instagram-дағы 331 000, Facebook-тегі 173 000 және Threads-тегі 40 000 жасөспірімнің аккаунттарын өшірген.

«Дегенмен, біз Австралия үкіметін жаппай тыйым салудың орнына, мәселені шешудің жақсырақ жолын табу үшін сала өкілдерімен конструктивті диалогқа шақырамыз. Мысалы, бүкіл саланы интернетте қауіпсіз, құпиялылықты қамтамасыз ететін және жас ерекшелігіне сәйкес келетін контент ұсыну стандарттарын арттыруды ұсынамыз», – деп жазылған мәлімдемеде.

Meta заңға балама...

Украина қарулы күштері Ресейдің «Лукойл» компаниясының Каспий теңізіндегі мұнай платформаларына шабуылдады. Бұл туралы Kursiv.Media Украина Бас штабы мәліметіне сүйене отырып хабарлады.

Штаб дерегінше, украин күштері ресейлік корпорацияның үш мұнай нысанын – Владимир Филановский, Юрий Корчагин және Валерий Грайфер атындағы бұрғылау платформаларын зақымдаған.

Олардың бәрі Қазақстан аумағына жақын орналасқан. Мәселен, Филановский атындағы платформа қазақ теңіз шекарасынан шамамен 20-30 км, ал қазақ жағалауына дейін шамамен 50-60 км қашықтықта орналасқан.

Айта кетейік, дәл осы Каспий теңізінде Қазақстанның Қашаған, Құрманғазы, Хазар секілді бірнеше ірі мұнай кен орындары бар. Олардың бәрі теңіз қайраңынан шикізат өндіреді.

Естеріңізге сала кетейік, украин дрондары Каспий...

Берлинде ерекше акция жарияланды. Ecosia компаниясы қала тұрғындары мен мекемелерге 4 млн келі немесе 4000 тонна картопты тегін таратып бермекші. Бұл туралы DW жазады.

Мұндай «жомарттыққа» себеп – егістің мол болуы. Биыл Германия рекордты 13 млн тонна картоп жинады. Бұл соңғы 25 жылдағы ең жоғары көрсеткіш. Ұсыныс сұраныстан күрт асып кеткендіктен көптеген шаруалар шығынға батып, өнімін қоймаға сақтау үшін тағы қаражат жұмсауға мәжбүр.

Жоғары сорттағы картоп Лейпцигтен алыс емес маңайдағы қойманың бірінде сақталған, бірақ оны сатып алушы табылмапты.

Осының әсерінен фермерлердің бірі артық өнімді Берлинге апарып таратуды ұсынып, картоп акциясы ұйымдастырылып отыр. Кейбір БАҚ жазуынша, бұл...

Жұмыс аптасының басы – ұзақмерзімді жоспар құруға, қаржылық тәртіпті күшейтуге және маңызды шешімдер қабылдауға қолайлы кезең. Geocult.ru порталының мәліметіне сүйене отырып, Kursiv LifeStyle дүйсенбіге арналған арнайы жұлдызнама болжамын ұсынады.

Тоқты

Бүгін маңызды жұмыс мәселелерін қолға алатын кез. Келіссөздер жүргізуге, жалақыны немесе жаңа жобаларды талқылауға қолайлы күн. Жеке өмірде жұмсақтық танытыңыз.

Торпақ

Торпақ белгісіндегі Уран қаржыны басқарудағы үйреншікті тәсілдерді жаңартуға және инновациялық шешімдерді енгізуге шақырады. Істе сенімді серіктестерге сүйеніп, табыс табудың балама жолдарын сынап көруден қорықпаңыз. Кешкі уақытта жақындарыңызға көңіл бөлу ішкі үйлесімділік сыйлайды.

Егіздер

Құжаттар мен хат-хабарда ұсақ-түйекке мұқият болу маңызды. Қаржылық жағдай артық шығынға жол бермесеңіз...

Өзбекстанда бір әйел ауруханада жасырын түрде босанып, жаңа туған сәбиді қоқыс шелекке тастап кеткен.

Gazeta ақпаратына қарағанда, оқиға Самарқанд облысының Пайарық ауданында болған. Дәрігерлер шақалақтың өлі денесін тапты. Қазіргі уақытта тергеу жүргізіліп жатыр.

Медициналық мекеменің мәліметінше, 27 желтоқсанда әйел іш қатқанына шағымданып, ауруханаға енесімен бірге келген. Ол медициналық тексеруден бас тартып, клизма жасауды сұраған. Дәрігер тексеріп, УДЗ-дан өтуді ұсынғанымен, ол бұдан үзілді-кесілді бас тартқан.

Әйел процедуралық кабинетке жіберілген. Процедура кезінде ол медбикеден өзін жалғыз қалдыруды сұрапты. Біраздан соң кетіп қалған. Кабинетті тексерген медицина қызметкерлері қоқыс жәшігінен өлі сәбиді тапқан.

Аурухана қызметкерлері бейнебақылау камералары арқылы әйелдің жеке басын анықтап, оқиға...

Ирандағы халық көтерілісі барысында қаза тапқандар саны 500-ден асып кетті. Бас кеңсесі АҚШ-та орналасқан HRANA адам құқықтарын қорғау ұйымы осындай мәлімет таратты.

Ұйым дерегінше, Иранда екі аптаға созылған қақтығыстар барысында 490 ереуілдеуші мен қауіпсіздік күштерінің 48 қызметкері мерт болды. Бұған қоса 10 600-ден астам адам ұсталды.

Иран билігі елдегі толқулар кезінде нақты қанша адам өлгені туралы ресми мәлімет таратпай отыр. Дегенмен, CNN телеарнасының дерегінше, Тегеран үш тәулікке созылатын аза тұту күндерін жариялады. Жергілікті билік Ирандағы толқуларды елге қарсы жасалған жаппай тәртіпсіздік деп бағалайды. Мемлекеттік Tasnim ақпарат агенттігі көтеріліс басталғалы бері қауіпсіздік күштерінің 100-ден астам қызметкері қаза тапты деп...