Жаңалықтар

Экс-премьер Кәрім Мәсімов жазасын қай түрмеде өтеп жатқаны туралы сауалға ІІМ өкілі нақты жауап беруден бас тартты. Ол 2022 жылғы қаңтарда ұсталып, бір жылдан соң 18 жылға сотталған.

5 наурызда ішкі істер министрінің орынбасары Санжар Әділов Астанада баспасөз брифингін өткізіп, БАҚ өкілдерінің сауалдарына жауап берді. Тілшілердің бірі Кәрім Мәсімовтің нақты қай мекемеде жазасын өтеп жатқаны туралы сауал қойды.

«Қайда жазасын өтеп жатқанын оның адвокаттары мен туыстары біледі. Заңда көрсетілген тәртіппен жазасын өтеп жатыр», – дейді вице-министр.

Ұлттық қауіпсіздік комитетінің бұрынғы басшысы Мәсімов төрт жыл бұрын Қаңтар оқиғасынан кейін ұсталып, 2023 жылғы сәуірде 18 жылға сотталған. Сот...

Маңғыстаудағы «Glamp Mangystau» жобасының бірінші кезеңін жүзеге асыруға 500 млн теңге жұмсалмақ. Бөлінген қаражат өңірдегі туризмді жаңа деңгейге көтеру мақсатында Шерқала, Бозжыра және «Голубая Лагуна» атты бірегей табиғи локацияларда үш заманауи глэмпинг салуға бағытталады.

Қаржы есептілігі депозитарийіндегі хабарламаға сәйкес, бұл туралы шешімді «Каспий» әлеуметтік-кәсіпкерлік корпорациясының Директорлар кеңесі 2026 жылдың 19 ақпанында қабылдады.

Аталған инвестицияны тарту үшін корпорация құны 1 000 теңге болатын 500 000 дана қарапайым акциясын орналастыруды жоспарлап отыр.

Орналастырылған акцияларды жалғыз акционер басым құқықпен сатып алады. «Каспий» әлеуметтік-кәсіпкерлік корпорациясы – Маңғыстау облыстық қаржы басқармасына тиесілі.

2025 жылдың қарашасында облыс әкімі Нұрдәулет Қилыбай Түпқараған...

Сенат кулуарында Ішкі істер министрінің орынбасары Санжар Әділов Ақмола облысының Жібек жолы ауылында болған қылмысқа қатысты түсініктеме берді.

«Аталған факт бойынша қылмыстық іс қозғалды. Бұл – аса ауыр санаттағы қылмыс, яғни адам өлтіру дерегі. Қазіргі уақытта күдікті қамауға алынды. Тергеу амалдары жалғасып жатыр», – деді Әділов.

Әділов күдіктінің бұрын сотталғанын да растады.

«Күдікті бұрын сотталған. Қазіргі уақытта ол қамауға алынды. Тергеу әрекеттері толық аяқталған соң, олардың нәтижелері бойынша Ақмола облысы полиция департаментіне қосымша ақпарат ұсынылады», – деді Әділов.

Еске салайық, бұған дейін әлеуметтік желілерде Жібек жолы ауылында ер адамның өзін...

Индонезияда ұсталған Сұлтан Сәрсемәлиев пен Ақбаян Мұқанғалиева елге наурызда жеткізіледі. Бұл туралы ішкі істер министрінің орынбасары Санжар Әділов айтты.

«Жақын арада екі күдікті Индонезиядан Қазақстанға жеткізіледі. Жұмыс атқарып жатырмыз. Осы айда алып келеміз», – дейді Санжар Әділов.

Ал Атырау облысында із-түссіз кеткен екі адамды іздеу жұмыстары жалғасып жатыр. Арнайы тергеу тобы жұмыс істеп жатыр.

Атыраудағы жұмбақ өлім

2025 жылдың 25 желтоқсанында Атырау облысы полициясы іс-түссіз жоғалған бір отбасының 4 адамына іздеу жариялады. Кейінірек полиция олардан бөлек осы отбасының қызы мен күйеу баласы да жоғалғанын мәлімдеді.

Оларды іздеу барысында ерлі-зайыпты Максот Қарабалин мен Нәсіп Өтешқалиеваны...

Қаржы нарығының өкілдері алдағы уақытта қымбатшылық деңгейі төмендемейді, оған қоса, Ұлттық банктің ақша-несие саясаты қатаң күйінде қалады деп болжайды. Қаржы нарығы мамандарының пікірінше, инфляцияның қос таңбалы көрсеткіште сақталуы базалық мөлшерлеменің жоғары болуына және экономикалық өсімнің біраз баяулауына әкелуі мүмкін.

Қымбатшылық қысып тұр

Ақпан айында бағаның өсу қарқыны (инфляция) қаңтармен салыстырғанда жеделдеп, 1,1%-ды құрады. Осыған байланысты сарапшылардың басым бөлігі (82%) 6 наурызда Ұлттық банк базалық мөлшерлемені қазіргі 18,0% деңгейінде қалдырады деп есептейді. Тіпті, кейбір мамандар негізгі көрсеткіштің бұдан да жоғары көтерілуі мүмкін екенін айтады.

Инфляциялық қысымның артуына байланысты бір жылдан кейінг...

Сенат Жоғарғы соттың бірқатар судьяларын қызметінен босатты. Отырыста Жоғары Сот кеңесінің төрағасы Дмитрий Малахов Мемлекет басшысының аталған судьяларды қызметінен босату туралы ұсынысын Сенат қарауына енгізді.

Президенттің ұсынысы бойынша Сенат депутаттары ҚР Жоғарғы сотының судьялары Асқаржан Қапезұлы Кенжеғаринді, Ғазиза Шамшидинқызы Мұсабекованы және Бейбіт Бекмұхамбетұлы Шермұхаметовты қызметтерінен босатуға дауыс берді.

Бүгінге дейін Жоғарғы соттың судьясы болған Асқаржан Кенжеғарин Астана қаласы сотының қылмыстық істер жөніндегі сот алқасының төрағасы қызметін 8 жылдан астам уақыт атқарған.

Ғазиза Мұсабекова Жамбыл облыстық сотының қылмыстық істер жөніндегі сот алқасын басқарған және 10 жылдан астам уақыттан бері Жоғарғы соттың судьясы қызметін атқарып келеді.

Жоғарғы соттың тағы...

8 наурыз – Халықаралық әйелдер күні қарсаңында Астана мен Алматыда бірқатар іс-шара өтеді.

Елорда әкімдігінің хабарлауынша, мереке 5 наурыздан басталады. Сол күні Қошқарбаев көшесі, 29/1 мекенжайындағы Белсенді ұзақ өмір сүру орталығында «Келін ененің топырағынан» байқауы өтеді. Әл-Фараби атындағы Оқушылар сарайында ұлттық сән үлгілерінің «Moda FEST» дефилесі ұйымдастырылады.

6 наурызда елордада сағат 11:00-ден 19:00-ге дейін түрлі концерт, әдеби-мәдени кештер, шеберлік сабақтары, спорттық жарыстар және онлайн жобалар жоспарланған.

Байқоңыр ауданында аналарға арналған «Шынайы алғыс – жүректен шыққан сый» концерті ұйымдастырылады.

Sintez ізденіс-эксперименттік театрының сахнасында «Арулар асыл жандар» поэзиялық кеші өтеді.

Сағат 15:00-де Өнер музейінде «Анаға тағзым – аруға құрмет» концерт...

Алматы облысында жекеменшік стоматология клиникалары іс жүзінде жасалмаған емдеу шараларын қағаз жүзінде көрсетіп келген. Тергеу мәліметінше, клиникалар желісінің директоры мемлекеттік сақтандыру қорымен 450 миллион теңгеден астам сомаға келісімшарт жасасқан.

Ақша алу үшін «Дамумед» жүйесіне ем қабылдамаған адамдар туралы өтірік мәлімет енгізілген.

Ол үшін бұрын емханаға келіп кеткен балалардың жеке деректері мен дәрігерлердің есептік жазбалары пайдаланылған. Осылайша, жалпы саны 4 597 жалған медициналық қызмет тіркелген.

«Алайда күдікті медициналық ақпараттық «Damumed» жүйесіне ортодонтиялық қызметтер көрсетілгені туралы жалған мәліметтер енгізуді ұйымдастырған. Нақтысында аталған медициналық қызметтер пациенттерге көрсетілмеген. Заңсыз әрекеттеріне заңдылық сипат беру мақсатында күдікті дәрігерлердің есептік...

Петропавл сотында бұрынғы судьяларға сот үкімі шықты. Сотталғандар арасында Солтүстік Қазақстан облысының мамандандырылған ауданаралық экономикалық сотының бұрынғы төрағасы Бекбол Баймаханов пен Петропавл қаласы №2 сотының бұрынғы төрағасы Ерлан Ибраев бар. Олармен бірге алматылық заңгер Артем Иванов пен өңірге танымал екі кәсіпкер де сотталды.

Тергеу жерге қатысты істен кейін басталғаны айтылды.

Сот кабинетіндегі ақпаратқа сәйкес, Бекбол Баймаханов қылмыстық кодекстің 24-бабы 3-бөлігі – 190-бабы 4-бөлігі 2-тармағы (алаяқтық жасауға оқталу), 190-бабы 3-бөлігі 2-тармағында (алаяқтық) көрсетілген қылмысты жасағаны үшін кінәлі деп танылып, түпкілікті 8 жылға сотталды. Экс-судьядан мемлекет пайдасына 1,2 млн теңге өндіріледі.

Іс барысында экс-судья Бекбол Баймахановтың кабинетінен 15 мың АҚШ...

Қазақстандағы букмекерлік кеңселер ақша төлеуді уақытша тоқтатып қойды. Бірақ ақша салуға тыйым жоқ. Бұл туралы Kursiv.Media хабарлайды.

Мәселен, «NetBet (НэтБэт)» компаниясының Olimpbet букмекерлік кеңсесі 4 ақпанда кешке төлем уақытша тоқтағанын ескертті. Бірақ ақша салуға болады.

«Қазақстан заңнамасына енгізілген өзгерістерге байланысты, Ұлттық банктің арнайы нұсқауы шыққанға дейін, барлық букмекерлік кеңселер бойынша төлемдер уақытша тоқтатылды. Қазіргі уақытта шоттарды тек Kaspi қолданбасы арқылы толтыруға болады», – деп таратты Olimpbet.

Елдегі басқа да букмекерлік кеңселерден ақша шығару мүмкін болмай тұр. Олардың арасында 1xbet де бар. «UAK A» компаниясына тиесілі бұл сайт техникалық себептерге сүйенген.

Қазақстандағы басқа да...

Қазақстан Үкіметі ішкі нарықтағы энергетикалық тұрақтылықты сақтау мақсатында сұйытылған мұнай газын (СМГ) ел аумағынан шығаруға қойылған шектеу мерзімін кезекті мәрте ұзарту туралы шешім қабылдады.

2023 жылдың қараша айында алғаш рет енгізіліп, содан бері әр жарты жыл сайын жаңартылып келе жатқан бұл шара отандық тұтынушыларды отынмен үздіксіз қамтамасыз етуге бағытталған.

«Ашық НҚА» порталында жарияланған Энергетика министрінің «Сұйытылған мұнай газын тасымалдаудың кейбір мәселелері туралы» бұйрық жобасына сәйкес, жаңа тыйым 2026 жылдың 14 мамырынан бастап күшіне еніп, алдағы алты ай бойы пропан мен бутанды автокөлік және теміржол көлігімен экспорттауға тосқауыл қоймақ.

«Қазақстан мұнайы мен газы» телеграм-арнасының авторы Олег Червинскийдің пікірінше, ресми...

Интернетте «шетелде айлығы көп жұмыс» ұсынамыз деген хабарландыру көбейді. Ішкі істер министрлігі мұның артында алаяқтар тұруы мүмкін екенін ескертті.

«Алаяқтар әлеуметтік желілерде, мессенджерлер мен түрлі хабарландыру сайттарында табысы жоғары, жол ақысы мен жатын орны тегін, тәжірибе мен тіл білуді талап етпейтін оңай жұмыс ұсынамыз деп хабарландыру жасайды. Мұндай хабарландырулар көбіне Telegram-дағы арналарда, WhatsApp топтарында және өзге де онлайн алаңдарда таратылады», – делінген хабарламада.

ІІМ дерегінше, шетелге барған соң жағдай басқаша болуы мүмкін. Алаяқтар құжатты тартып алып, еркін жүріп-тұруға шектеу қояды. Интернет-алаяқтыққа күштеп тартады. Уәде етілген жалақы берілмейді. Тіпті елге қайтару үшін ақша сұрайтындар бар.

Иранның бұрынғы көсемі Аятолла Әли Хаменеиді жерлеу кейінге қалды. Арнайы рәсім қашан өтетіні жақын арада хабарланады деп жазады жергілікті Tasnim басылымы.

Рәсім 4 наурыз күні кешке басталып, үш күнге созылуы керек еді. Алайда қоштасу рәсіміне қатысуға ниет білдірушілердің тым көптігіне және толық қауіпсіздікті қамтамасыз ету мүмкін болмағандықтан тоқтатылды.

Тегеран провинциясының Исламдық насихат жөніндегі үйлестіру кеңесінің басшысы Сейед Мохсен Махмуди рәсімнің нақты өтетін уақыты жақын арада жарияланатынын хабарлады.

«Осы рәсімге қатысқысы келетін адамдар тым көп болғандықтан, олардың барлығы үшін қажетті жағдай жасау керек екенін де ескере отырып, шараны қолайлырақ уақытта өткізу туралы шешім қабылданды», – деді ол.

Қазақстан футболында маңызды өзгеріс болды. Елдегі белгілі кәсіпкерлердің бірі, Шухрат Ибрагимов ресми түрде Қостанайдың «Тобыл» клубының бас құрылтайшысы атанды.

Ресми мәліметке сәйкес, бұл шешім Қасым-Жомарт Тоқаевтің футболды коммерцияландыру жөніндегі тапсырмасына сәйкес қабылданған. Қазіргі уақытта ERG директорлар кеңесінің төрағасы әрі бас атқарушы директоры қызметін атқарып жүрген Шухрат Ибрагимов енді «Тобылдың» жаңа бас құрылтайшысы болады.

Шухрат Ибрагимов – 2021 жылы өмірден өткен белгілі кәсіпкер, Әлижан Ибрагимовтің мұрагері. Әлижан Ибрагимов – Eurasian Resources Group компаниясының негізін қалаушылардың бірі.

Ибрагимовтер әулеті ұзақ жылдар бойы әлемдегі ең бай отбасылардың қатарында. Forbes Kazakhstan журналының 2024 жылғы деректеріне сәйкес, отбасының байлығы шамамен 1,5 млрд АҚШ долларына бағаланған.

Айта кетейік, Қостанайдың «Тобылы» өткен маусымда Қазақстан Премьер-Лигасы турнирін үшінші орынмен аяқтады...

5 наурызда таңертең Астана уақытымен сағат 05:15-те Қытайдың Шыңжаң өңірінде жер сілкінді. Думпу ошағы Үрімші қаласынан 35-40 км жерде орналасқан.

Қазақ Ұлттық деректер орталығының мәліметінше, жер сілкінісінің магнитудасы 5,2 балл болды.

Дүмпу ошағынан қазақ-қытай шекарасына дейін 380 км, ал Алматы қаласына дейін шамамен 780 км бар.

Тянь-Шань тауларының шығыс сілемдерінде үнемі жер сілкініп жатады. Оның әсерін кейде Алматы секілді ірі қалалардың тұрғындары да сезеді.

2026 жылғы 19 ақпанда қазақ-қытай шекарасында қуаты 5,7 балдық жер сілкінісі болды. Ал 17 ақпанда Есік қаласына жақын маңдағы жерасты дүмпуін Алматы тұрғындары да сезді.

Оқу-ағарту министрі Жұлдыз Сүлейменова желідегі парақшасында жекеменшік мектептер үшін жағымды жаңалықты хабарлады.

Министрдің айтуынша, Оқу-ағарту министрлігінде жекеменшік мектептерде мемлекеттік тапсырысты орналастырудың бірлескен бұйрығына қол қойылған. Бұл бұйрық барлық 20 өңірдің әкімдіктерімен келісілген. Сондай-ақ ол Қаржы министрі мен Оқу-ағарту министрінің бірлескен бұйрығы саналады.

«Бүгіннен бастап бұйрықты бүкіл 20 әкімдік өздеріне тіркей бастайды. Қаржы жергілікті атқарушы органның ақшасы. Олар қаржысын Қаржы орталығына аударады. Қаржы орталығы жекеменшік мектептерге мемлекеттік тапсырысты орналастыруда оператор саналады», – дейді ол.

Сүлейменова Оқу-ағарту министрлігі өз тарапынан барлық нормативті әрі ұйымдастырушылық жұмыстарды толық атқарғанын атап өтті.

«Сондықтан бүгінгі таңда бұған...

Қарағанды қаласында Данияр Елеусіновтің жұбайына байланысты тұрмыстық жанжал қоғам талқысына түсті. Қала тұрғындары спортшының әйелі екі әйелге қол көтерді деп айыптауда. Оқиға туралы КТК телеарнасы хабарлады.

Жәбірленушілердің бірі Әсел Жабықбаева жанжал көршілер арасындағы түсініспеушіліктен басталғанын айтады. Оның сөзінше, боксшының жұбайы негізсіз айып тағып, өзіне және анасына күш қолданған.

«Оның бізге қандай да бір негізсіз өкпесі болды. Мені екі рет ішімнен тепті, шашымнан сүйреді. Сол сәтте атасы жүгіріп кіріп, анамның басынан ұрды. Біз арыз жазып жатқанда, ол дәлізде тұрып, «Күйеуі – Олимпиада чемпионы Данияр Елеусінов» деп айтты», – дейді Әсел Жабықбаева.

Жәбірленушілер соққы іздерін...

Қазақстан сыртқы істер министрінің орынбасары Әлібек Бақаев Иранның Астанадағы елшісі Әли Ақбар Жоукарды қабылдады. Бұл туралы СІМ баспасөз қызметі хабарлады.

Шағын ресми мәліметке қарағанда, кездесу барысында Таяу Шығыс өңіріндегі жағдай сөз болды.

«Тараптар қазақ-иран ынтымақтастығына қатысты мәселелерді талқылап, жоғары деңгейдегі келіссөздер нәтижесінде туған уәделерді іске асыруға бейілдігін растады».

СІМ таратқан мәлімдемеде олардың қандай уәделер екені туралы ештеңе айтылмады.

Сәрсенбі күні президент Қасым-Жомарт Тоқаев Сауд Арабиясының тақ мұрагері Мұхаммед бен Салман Әл Саудпен сөйлесіп, аймақтағы жағдайды талқылаған.

Президент Қасым-Жомарт Тоқаев Сауд Арабиясының тақ мұрагері Мұхаммед бен Салман Әл Саудпен телефон арқылы сөйлесті, деп хабарлайды Ақорда.

Ресми мәліметке қарағанда, олар әңгімелесу барысында Таяу Шығыстағы қақтығыстың ушығуы аймақтық қана емес, жаһандық қауіпсіздік пен тұрақтылыққа орасан қатер төндіретініне назар аударды.

«Президент пен Тақ мұрагері қақтығысқа қатыспаған елдердің аумағына шабуылдардың жалғасуы мұсылман үмбетінің өзара құрмет пен төзімділік танытатын айында болып жатқанына қынжылатындарын жеткізді», – деп таратты Ақорда.

Мемлекет басшысы отандастарымызды Қазақстанға эвакуациялауға көмектескен Сауд үкіметіне алғыс айтты.

Өз кезегінде Салман Әл Сауд қолдау көрсеткені Тоқаевқа ризашылығын білдіріп, қасиетті Рамазан айында Қазақстан халқына ізгі тілегін...

Чжи Чэн есімді азамат 2 наурызда өткен акционерлердің жалпы жиналысының тиісті шешіміне сәйкес «Матен Петролеум» мұнай-газ компаниясының директорлар кеңесінің мүшесі, тәуелсіз директор болып тағайындалды (сайланды). Бұл туралы компания хабарлады.

Сонымен қатар, директорлар кеңесінің құрамынан тәуелсіз директор Делатур Грейс Фан шығарылды. Осылайша мұнай компаниясының директорлар кеңесінің құрамына Чжан Дин, Вань Вэй және Чжи Чэн кіріп отыр.

2026 жылғы 1 қаңтардағы жағдай бойынша «Матен Петролеум» акцияларының 99,07%-ы нидерландылық Sino-Science Netherlands Energy Group B.V. компаниясына (қытайлық Hainan Zhenghe Industrial Group компаниясының «еншілес» ұйымы) тиесілі. Ал 2024 жылғы 31 желтоқсанда Sino-Science Netherlands Energy Group B.V. компанияның 98,974% акциясына, ал қазақстандық кәсіпкер Бахаридин Аблазимов...

Елдің батысында, орталығында және оңтүстігінде қар аралас жаңбыр жауып, жел соғып, көктайғақ болады. «Қазгидромет» 5 наурызға ауа райы болжамын ұсынды.

4 наурызда Таяу Шығыс елдерінен Қазақстан азаматтарын қайтару үшін Air Astana әуе компаниясының екі рейсі және FlyDubai-дың үш рейсі жоспарланған. Бұл туралы Көлік министрлігі хабарлады.

Ведомствоның мәліметінше, Air Astana екі рейсті орындайды:

Сонымен қатар FlyDubai әуе компаниясы:

Жоспарланған рейстердің жалпы сыйымдылығы — 506 жолаушы.

Министрлік азаматтарды тасымалдауды ұйымдастыру жұмыстары уәкілетті мемлекеттік органдармен үйлестіріле отырып жалғасып жатқанын атап өтті.

Бұған дейін Сыртқы істер министрлігінің деректеріне сүйеніп, Иранны...

Қостанай облысында қылмыстық істер жөніндегі сот алқасы мас күйде көлік басқарды деп танылған қала тұрғынына қатысты әкімшілік істі қарады.

Оқиға биылғы жылдың ақпан айында болған. Полиция қызметкерлері көпқабатты үйдің ауласына дұрыс қойылмаған көлікке қатысты шағым түсуіне байланысты келген. Олар көлік иесінен автокөлікті басқа жерге қоюды талап еткен. Кейін жүргізушіден алкоголь иісі шыққандықтан, оған медициналық тексеруден өту ұсынылған.

Сараптама нәтижесі жеңіл дәрежедегі масаң күйді көрсеткен. Осыған байланысты жүргізушіге мас күйде көлік басқарғаны үшін тағы бір хаттама толтырылып, іс сотқа жолданған. Сот оны кінәлі деп танып, 15 тәулікке қамауға алып, 7 жыл мерзімге жүргізуші куәлігінен айырған.

Алайда апелляциялық сот көлікті ер...

АҚШ президенті Дональд Трамптың Израильмен бірігіп, Иранға соққы жасау керек деген тоқтамға келуіне жеке басқа қатысты себептер де әсер еткен: Иран билігі оған 2024 жылы қастандық жасамақшы болған, деп жазады The Washington Post жақында жариялаған мақаласында.

Өткен аптада Израиль мен АҚШ-тың Иранға жасаған әуе шабуылы кезінде, Тегерандағы резиденциясы бомбаның астында қалып, елдің жоғарғы басшысы Аятолла Әли Хаменеи қаза тапты. Жексенбі күні АВС арнасына берген сұхбатында, Трамп Иран басшылығының оның өміріне қауіп төндіргенін алға тартып: 

«Мен оның [Аятолланың] көзін құртпасам, ол менің көзімді құртатын еді», – деген.

АҚШ билігі өкілдерінің сөзінше, Иран тарабы...