Жаңалықтар

Қазақстандағы ең бай бизнесмендер арасында 21-орында тұрған миллиардер Владимир Жұманбаев алтын компаниясынан қомақты дивиденд алады. «Алтыналмас» компаниясы 2025 жылдың ІІІ тоқсаны үшін акционерлеріне 127,7 млрд теңге сыйақы төлейді. Жұманбев оның 25 пайыз акциясын иеленеді.

Бұл шешім «АК Алтыналмас» компаниясы акционерлерінің кезектен тыс жалпы жиналысында қабылданған.

Соған сәйкес, қоғамның 2025 жылдың III тоқсаны бойынша таза табысының бір бөлігі акционерлер арасында бөлінеді. Дивиденд төлеуге 127 742 668 167 теңге көлеміндегі қаражат (салықтар ұсталғанға дейін) бағытталады. Таза табыстың қалған бөлігі бөлінбей, қоғамның қарамағында қалады.

Бір қарапайым акцияға шаққандағы дивиденд мөлшері 13 047 теңге (салық ұсталғанға дейін) болып бекітілген.

Танымал опера әншісі Майра Мұхамедқызы жаңа жылдан бастап Түркістан қаласында дәріс оқиды. Халық әртісін Ахмет Ясауи университеті шақыртты. Бұл туралы Kursiv.Media оқу орны таратқан мәліметке сүйене отырып хабарлайды.

Әнші университеттің Өнер, медиа және дизайн факультеті «Орындаушылық өнер» кафедрасында студенттерге сабақ береді. Майра жастарға кәсіби орындаушылық шеберліктің қыр-сырын үйретеді. Бұған қоса, шеберлік сағаттар өткізеді.

«Бұл – оқу ордамызда білім алушы өнерпаздардың шығармашылық әлеуетін дамытуға үлес қосары анық», – деп таратты университет.

Түркістандағы университет ректоры Жанар Темірбекова опера әншісінің халықаралық деңгейдегі маман дайындап шығатынына сенімді. Ол Майраны ұжыммен таныстырып, жұмысына сәттілік тіледі.

Майра...

Мәжілісте Еуразиялық экономикалық одақ елдеріндегі өзара сауда мәселелері талқыланып жатыр. Депутаттардың сұрақтарына дұрыс жауап бере алмаған Сауда және интеграция министрінің міндетін атқарушы Айдар Әбілдабеков Мәжіліс төрағасы Ерлан Қошановтан ескерту естіді.

Айдар Әбілдабеков сұрақ-жауап барысында бір сұрақты жөнді түсінбей, екіншісіне дұрыс жауап бере алмай тосылды. Депутат Ерболат Саурықовтың кезегі келгенде, «ЕАЭО ішкі келісімдері бойынша верификациялаушы органның талаптары бойынша құжаттарды ұсынбаған жағдайда тараптарда қандай да бір жауапкершілік көзделген бе» деп сұрады. Алайда бұл сұраққа да Айдар Әбілдабеков жауап бере алмай, кейін жазбаша жауап жолдайтынын айтты. Осы кезде сөзге араласқан Ерлан Қошанов вице-министрге ескерту жасады.

«Министр қазір шетелде іссапарда...

Шенеуніктер мен олардың әйелдерінің байлығы қоғамда наразылық тудырып жатыр. Бұл жағдайды қалай бағалау керек? Бүгін Мәжіліс кулуарында тілшілер депутат Мұрат Әбеновке осындай сұрақ қойды.

«Олар да азаматтар, егер кәсіппен айналысса, айналыса берсін. Тек екі шарт орындалуы тиіс: біріншісі – іс заңды болуы керек, екіншісі – салықтар толық төленуі тиіс», – деді ол тілшілер сұрағына. 

Депутаттың сөзінше, бұл ақпараттан кейін адамдарда белгілі бір «жағымсыз сезім» болғаны рас.

«Сондықтан шенеуніктер де, біз, депутаттар да, көпшілік алдында жүрген адамдар болғандықтан, тек сөзімізге емес, жалпы өмір салтымызға өте ұқыпты қарауымыз керек», – деп түйіндеді депутат.

Курчатов қаласында қуаты 700 МВт болатын жаңа жылу электр станциясын салатын компания белгілі болды. Тиісті тендердің жеңімпазы ретінде «ГРЭС Курчатов» ЖШС танылған.

E-gov дерегіне сәйкес, компанияның құрылтайшысы – Темірлан Өтегенов. Ол сонымен қатар Kazakmys Energy ЖШС-ның бас директоры қызметін атқарады. Бұл компания Kazakhmys Power Projects B.V. құрылымына кіреді және бұған дейін «Қазақмыс» тобының энергетикалық активтерімен байланысты болған.

Сарапшы Нұрлан Жұмағұловтың жазуынша, «Қазақмыстың» жаңа иесі Нұрлан Артықбаевқа энергия өндіруші ұйымдар өтпеген. Осыған байланысты Курчатовтағы жаңа ЖЭС құрылысы бұрынғы акционер Владимир Кимнің бақылауында қалған немесе энергетикалық активтер жаңа иесіне берілген болуы мүмкін. Жобаның болжамды...

Шымкенттегі Асқаров көшесі мен Мангелдин көшесінің қиылысында орналасқан көпқабатты тұрғын үйдегі пәтерден зейнеткердің мәйіті табылды.

Бейресми мәліметке қарағанда, қария шылым тұқылы төсекке тиіп, одан шыққан түтінге тұншығып қайтыс болуы мүмкін. Оқиға орнына полициямен бірге төтеншеліктер де шақырылған.

Аталған жайтқа қатысты қалалық полиция департаменті қылмыстық іс қозғады.

«Адамның қайтыс болу фактісі бойынша қылмыстық іс қозғалды. Қазіргі уақытта істің мән-жайын анықтауға бағытталған тергеу шаралары жүргізілуде» делінген полиция хабарламасында.

Бұған дейін, Жезқазған қаласында театр ғимараты өртенгенін жазғанбыз.

2025 жылдың қорытындысы бойынша Қазақстанда жеке гигиена заттары мен тұрмыстық химия бағасы айтарлықтай өскені байқалды. Ұлттық статистика бюросының дерегінше, кейбір тауар санаттарында жылдық өсім 11,2%-ға жетіп, азық-түлікке жатпайтын тауарлар инфляциясынан әлдеқайда жоғары болған.

Тіс пастасы мен сабын бағасы шарықтады

Осы аптада Францияда фермерлер наразылыққа шықты. FNSEA және Jeunes Agriculteurs ұйымдарының шаруалары 350 трактормен Парижге кірді, деп жазады Euronews.

Тракторлар таңғы сағат 6-ы шамасында батыстан Парижге кіріп, полиция көліктерінің сүйемелдеуімен Фош авенюі арқылы Салтанат қақпасына бет алған. Содан кейін Элисей алаңы мен Георг-V авенюі арқылы Альма көпірінен өтіп, Орсе жағалауындағы митингіге барған. Тіпті жүк көліктері Францияның Ұлттық жиналысының алдына шамамен 30 тонна картоп төгіп тастаған.

Бұл наразылық – ел үкіметінің саясатына қарсылық. Осыған дейін ЕО мен МЕРКОСУР (Аргентина, Бразилия, Уругвай және Парагвай) арасындағы еркін сауда аймағын құру туралы келісім жасалған еді. Оны одаққа мүше мемлекеттердің басым көпшілігі мақұлдаған. Бірақ Франция, Польша, Аустрия, Венгрия...

Қара теңізде мұнай тасымалдайтын танкерлерге Украина дрондары шабуыл жасаған соң, теңіз тасымалына қатысты тәуекел айтарлықтай артты. Соның салдарынан осы бағытта жүзетін кемелерді сақтандыру құны екі есеге жуық өсті. Бұл туралы Reuters басылымы жазады.

Сарапшылардың айтуынша, сақтандыру тарифінің қымбаттауы Қара теңіз арқылы жүк тасымалдау құнына тікелей әсер етеді. Себебі бұл аймақ әлемдік мұнай тасымалы үшін маңызды бағыттардың бірі саналады. Қара теңіздегі Ресей терминалдары арқылы әлемдік мұнай көлемінің 2 пайызы жөнелтіледі.

Жуырда орын алған шабуыл салдарынан сақтандыру компаниялары аймаққа қатынайтын танкерлер үшін тарифті қайта қарап, бағасын көтеруге мәжбүр болған.

Қара теңіз тек мұнай тасымалы үшін ғана емес...

Қаржы мониторингі агенттігі блогер Қайсар Қамзаға халықаралық іздеу жариялады. Оған қатысты «қамауда ұстау» түріндегі бұлтартпау шарасы санкцияланған. Блогер заңсыз ойын бизнесіне жәрдемдесті деген күдікке ілінген.

Сондай-ақ Қамзаның 182 мың доллар криптоактивіне тыйым салынды.

Агенттік ақпаратына сүйенсек, күдікті 5 жыл бойы Instagram әлеуметтік желісінде @qais_arr аккаунтын жүргізген. Telegram-дағы «Қора энтертейнмэнт» жабық арнасы да (368 мың жазылушы) Қамзаға тиесілі болған.

Күдікті әлеуметтік желілердегі жеке аккаунттарын пайдаланып, Қазақстан азаматтарына «Pinco» сайтында тіркелуге және құмар ойындарға қатысуға бағытталған тікелей сілтемелерді, графикалық элементтерді және үндеулерді қамтитын бейнематериалдар жариялаған. Видеода бонус беретін жеке промокодын көрсеткен.

«Осылайша, Қайсар Қамза азаматтарды құмар...

Ауа температурасының күрт төмендеуіне және қолайсыз ауа райына байланысты Қостанай облысының бірқатар қалалары мен аудандарында мектеп оқушылары қашықтан оқыту форматына көшірілді. Бұл Қазақпарат жазады.

Бейімбет Майлин ауданы: Барлық мектептердің 1–11 сынып оқушылары қашықтан оқуға көшті. Ауа температурасы: –30°C-тан –33°C-қа дейін.
Қостанай қаласы: 1–9 сынып оқушылары қашықтан оқыту форматына ауыстырылды.
Рудный қаласы: Бірінші ауысымдағы 0–9 сынып оқушылары қашықтан оқиды.
Жітіқара ауданы: Ауа температурасы –26,1°C және желдің жылдамдығы 5 м/с болуына байланысты, бірінші ауысымдағы мектепалды даярлық тобы мен 1–7 сынып оқушылары қашықтан оқытуға көшірілді.
Алтынсарин ауданы: Температура –27°C болғандықтан, бірінші ауысымдағы 0–9 сынып оқушылары онлайн форматқа ауысты.
Қарабалық ауданы: Температура –29°C және жел 12 м/с болуына байланысты 1–11 сынып оқушылары қашықтан...

АҚШ Мемлекеттік хатшысы Марко Рубио Ақ үйде Дания Сыртқы істер министрі Ларс Лёкке Расмуссенмен және Гренландия Сыртқы істер министрі Вивиан Моцфельдтпен кездеседі.

Дания Сыртқы істер министрі хабарлағандай, кездесуге АҚШ вице-президенті Джей Ди Вэнс те қосылады.

Ақ үйдегі кездесуден кейін, 19 қаңтарда Дания Қорғаныс министрі Троэльс Лунд Поульсеннің, Гренландия Сыртқы істер министрінің және НАТО Бас хатшысы Марк Рюттенің қатысуымен келіссөздер жүргізіледі деп жоспарланған.

Бұл кездесулердің барлығы Арктика аймағындағы қауіпсіздікті және Гренландияның мәртебесіне қатысты мәселелерді талқылау үшін өтпекші.

Еске салайық, күні кеше АҚШ Конгресі Гренландияны күштеп қосып алу туралы заң жобасын ұсынған. Құжат авторы, конгрессмен Ренди Файн, елді АҚШ-тың бір штатына айналдыру керек деген идеяны айтты.

Миллиардер Илон Маск қазір байланыссыз отырған Иран халқы үшін Starlink спутниктік интернетті тегін таратпақ. Бұл туралы Bloomberg жазды.

Иран билігі халық көтерілісі күшейген тұста елде интернет пен байланысты сөндірген. Тұрғындар 120 сағаттан бері сыртқы әлеммен хабарласа алмай отыр.

Илон Маскінің SpaceX компаниясы ирандықтар үшін спутник көмегімен байланысу қызметін тегін ұсынып отыр.

Компания осы елде Starlink қызметіне төленетін ақыны алып тастады. Спутникпен байланыс орната алатын құрылғылары бар азаматтар оны тегін қолдана алады, деп мәлімдеді америкалық ұйымның атқарушы директоры Ахмад Ахмадиан.

Bloomberg-тің компания қызметімен таныс бір дереккөзі де қызмет тегін екенін растады.

Естеріңізге сала кетейік, 2025 жылғы 28 желтоқсанда Иранда...

Назарбаев Зияткерлік мектептеріне оқуға түсу үшін өтінішті енді eGov.kz порталында беруге болады. Сондай-ақ қызмет eGov mobile мобильді қосымшасында да қолжетімді.

Өтінішті онлайн түрде 6-сыныпта оқитын балалардың ата-анасы немесе заңды өкілі бере алады.

Құжаттар 2026 жылдың 9 ақпанына дейін қабылданады.

Конкурс 7-сыныпқа қабылдау үшін ғана өткізіледі. Оған жалпы білім беретін ұйымдардың 6-сыныбында оқып жатқан оқушылар қатысады. Қазір 7-9 сыныпта оқып жатқан оқушылар, бұрын өтініш тапсырған немесе қолданыстағы рұқсаттамасы бар үміткерлер конкурсқа қатыса алмайды.

Айта кетейік, құжатты офлайн форматта Назарбаев Зияткерлік мектептері филиалдарының қабылдау комиссиялары арқылы да тапсыруға болады.

Ақы төлеудің қажеті жоқ

Құжат тапсырғаны үшін ақы төлеудің қажет...

14 қаңтарға қараған түні Жезқазған қаласы Сәтпаев көшесі бойында орналасқан театр ғимараты өртенді. Бұл туралы Төтенше жағдайлар министрлігі хабарлады.

Ресми мәліметке қарағанда, от театрдың жертөлесінен шыққан.

«Алғашқы өрт сөндіру жасақтары келгеннен кейін жертөледен қалың түтін шығып жатқаны анықталды. Тез арада газ-түтіннен қорғау қызметінің буындары өртті барлауға және сөндіруге кірісті», – деп таратты ТЖМ.

Өрт сөндіру бөлімшелері келгенге дейін ғимараттан 12 адам өздігінен көшеге шықты.

Өрт сөндірушілердің үйлесімді, кәсіби және жедел әрекеттерінің арқасында сахналық материалдың жануы қысқа мерзімде сөндірілген.

Төтенше оқиғадан ешкім зардап шекпеді. Өрттің шығу себебі анықталып жатыр.

Қазақстандық сарапшылар алпауыт елдердің әлемді қайта бөліске салып жатқанын алға тартып отыр.

АҚШ-тың көршілеріне күш көрсетіп, шекарасын кеңейтуге ұмтылып жатқаны құпия емес. Сарапшы Қазбек Бейсебаевтың пікірінше, гәп тек Трамптың тұлғасында да емес. Ал Ресейдің Украинамен соғысып жатқанына биыл төрт жыл болады. Қазақстандық саясаттанушының пайымдауынша, АҚШ пен Ресей арасында әлемді қайта бөліске салу туралы бір құпия келісім болуы әбден мүмкін. Оның ішінде Орталық Азия мен Қазақстанға да қатысты да бөлімдер болуы ықтимал.

Трамп Монро доктринасын қайта құрып жатыр

«Қырғи қабақ соғыс аяқталған соң да, халықаралық құқық сақталып келді. Бірақ Ирак пен Ливанға шабуыл жасалғанда, халықаралық құқы...

Үкімет геологиялық барлауға 240 млрд теңге бөледі.

2025 жылы 100 мың шаршы шақырым жалпы алаңда 1:50.000 масштабты геологиялық түсірілім жүргізуге 20 жоба әзірленген.

Енді үш жылда осы жобаларды жүзеге асыруға, аз зерттелген шөгінді бассейндер аумағын сейсмикалық барлауға 240 млрд теңге бағытталады.

Айта кету керек, кейінгі 15 жылда бұл жұмыстарға 469 млн доллар салынған.

«Жобаларға Жерді қашықтықтан зондтау деректерін талдау, аэрогеофизикалық және геохимиялық зерттеулер, далалық жұмыстар кешені кіреді», – делінген ақпаратта.

Мыс, алтын, қорғасын, мырыш, сирек жер элементтері, барит, боксит кен орындары анықталуы мүмкін алаңдар анықталған.

«Аз зерттелген мұнай-газ перспективалы – Солтүстік...

Елдің оңтүстігінде плюс температура сақталады, батыста және орталықта жел күшейеді, ал солтүстікте температура бағаны -35 градусқа түседі. «Қаз,идромет» 14 қаңтарға ауа райы болжамын ұсынды.

Алматыдан кешке ұшатын Air Astana рейстері ауа райының қолайсыздығына байланысты кешіктірілуде. Бұл туралы авиакомпанияның баспасөз қызметі хабарлады.

«Алматыдан Airbus NEO әуе кемелерімен ұшатын Air Astana кешкі рейстері тұманға және 150 метрден кем көрінуіне байланысты кешіктіріледі. Авиакомпания осындай метеожағдайда Airbus өндірушісі енгізген ұшуға шектеу шеңберінде әрекет етеді», – деп түсіндірді авиакомпания.

Сондай-ақ, Air Astana-да рейстердің бір бөлігін орындау үшін Air Astana тобына кіретін FlyArystan лоукостерінің резервтік ұшағын іске қосу жоспарланып отырғанын хабарлады.

Бұған дейін Астана халықаралық әуежайы ауа райының қолайсыздығына байланысты ұшуға бірнеше рейстің кешігуі туралы хабарлаған едік.

Энергетика министрлігі Қара теңіз акваториясында Қазақстанның экспорттық мұнайын тасымалдаған екі танкерге жасалған шабуылға қатысты мәлімдеме жасады.

Ведомствоның хабарлауынша, 13 қаңтарда Каспий құбыр консорциумының (КҚК) теңіз терминалы маңында Мальта туымен жүзетін Matilda танкері ұшқышсыз ұшу аппаратының шабуылына ұшыраған. Аталған кеме «ҚазМұнайГаз» ұлттық компаниясының еншілес ұйымы арқылы жалға алынған. Либерия туымен жүрген Delta Harmony танкері де жүктеу жұмыстарына дайындық кезеңінде ұшқышсыз ұшу аппараты шабуылына ұшырағаны расталды.

Екі оқиғаның салдарынан зардап шеккендер жоқ. Delta Harmony-да өрт болған, ал Matilda-да өрт шықпаған. Алдын ала техникалық бағалау нәтижесі бойынша танкердің теңізде жүзу қабілеті сақталған. Ақпаратқа сүйенсек, экспорттық ресурсқа зиян келмеген.

Осыған дейін ҚМГ компаниясы Matilda танкері «Қазақтеңізкөлікфлоты...

Алматы облысында Ұлттық ұланның мерзімді қызметінің әскери қызметшісі полигондағы жаттығу кезінде оқтан жарақат алды.

Ұлттық ұланның «Оңтүстік» өңірлік қолбасшылығының баспасөз қызметінің хабарлауынша, оқиға 13 қаңтарда сағат 15:05 шамасында 5571 әскери бөлімінің оқу полигонында жауынгерлік даярлық жоспары шеңберінде болған.

Ведомствоның мәліметінше, оқу-жаттығу барысында 2-2025 әскерге шақырудың мерзімді қызметінің әскери қызметшісі қауіпсіздік шараларын бұзу нәтижесінде АК-74 автоматынан сол аяғынан жарақат алды.

«Оқиға орнында оған қажетті медициналық көмек көрсетілді, содан кейін ол шұғыл түрде Қонаев қалалық ауруханасына жатқызылды. Әскери қызметшінің жағдайы қанағаттанарлық деп бағаланады, өмірлік маңызды органдар зақымдалмаған»,-делінген Ұлттық ұланның» Оңтүстік » өңірлік қолбасшылығының баспасөз қызметінің хабарламасында.

Қазірг...

Қазақстан президенті Қасым-Жомарт Тоқаев QazaqGaz басқарма төрағасы Әлібек Жамауовпен кездесу өткізді. Ақорда ақпаратына сүйенсек, президентке компания қызметінің 2025 жылғы нәтижесі, сондай-ақ, газ саласындағы негізгі жобалардың іске асырылу барысы туралы есеп берілді.

Баяндама барысында Жамауов газ тұтынудың өскенін және газ өңдеу қуатын ұлғайту қажеттілігін ескере отырып, геологиялық барлау мен күрделі құрылысқа баса назар аударылғанын айтты. Сондай-ақ, басымдықтардың қатарында Астананы және оған іргелес аймақтарды газдандыруды қоса алғанда, газ инфрақұрылымын кеңейту көрсетілген.

Президентке 2025 жылы 400 мыңға жуық адам табиғи газға қол жеткізгенін, ал 112 елді мекен газбен жабдықтау жүйесіне қосылғанын хабарлады.

«Талдықорған – Үшарал газ құбырының іске...

Ауа райының нашарлауына байланысты Астанадағы бірінші ауысымның 0-9 сынып оқушылары уақытша қашықтықтан оқыту форматына ауыстырылды. Бұл туралы қала әкімінің баспасөз қызметі хабарлады.

Шешім қолайсыз ауа райы кезінде оқушылардың қауіпсіздігін қамтамасыз ету мақсатында қабылданған. Қашықтықтан оқыту режимі 2026 жылдың 14 қаңтарында бірінші ауысымда оқитын 0-9 сынып оқушыларына қатысты.

Осыған дейін алдағы күндері Қазақстанда ауа райы күрт нашарлайтынын жазған едік. Солтүстік-батыс циклонының арқасында елде қар, жаңбыр, боран және көктайғақ болады деп болжанды.

Қазақстанның Сауда және интеграция министрлігі АҚШ-тың Иранмен сауда байланысын жалғастырып жатқан елдерге қарсы баж салығын енгізу туралы мәлімдемесіне түсініктеме берді. Ведомство жағдайды мұқият қадағалап отырғанын, алайда АҚШ тарапынан нақты шара әлі белгісіз екенін атап өтті.

«Қазіргі уақытта ықтимал шаралардың қолдану параметрлері әлі нақты белгісіз, осыған байланысты Министрлік әртүрлі даму сценарийлерін бағалауда», – деп хабарлады сауда министрлігі.

Министрлік Қазақстанның халықаралық сауда-экономикалық міндеттемені дәйекті түрде орындайтынын және сыртқы экономикалық саясатта салмақты және прагматикалық көзқарасты ұстанатынын атап өтті.

Осыған дейін АҚШ президенті Дональд Трамп Иранмен байланыс орнатқан елдерге қосымша баж салығын енгізетінін ескертті.

«Бүгіннен...