Жаңалықтар

Еуропалық одақ 12 қазаннан бастап бүкіл Еуропаға ортақ шекарадан өту жүйесін енгізеді. Бұл жайлы Финляндияның Yle ресурсы хабарлайды.

«Еуропа шекарадағы бақылауды күшейтуде: әуежайларда саусақ іздерін алу және бет бейнесін тіркеу бойынша ауқымды жоба басталады», – деп жазады Yle.

Порталдың дерегінше, жүйенің негізгі мақсаты – жалған паспорт пайдаланатындарды, сондай-ақ белгілі бір рұқсаты бар, бірақ ЕО елдерінде болу мерзімін асырған адамдарды анықтау.

Еуропалық шекаралық бақылаудың жаңа жүйесі – EES (Entry/Exit System) он жыл бойы дайындалды. Бірақ қолданысқа енуі бірнеше рет техникалық мәселелерге байланысты кейінге шегерілген. Енді осы жылы 12 қазаннан бастап пайдалануға беріледі.

Жаңа жүйе бойынша...

Қазгидромет демалыс күндеріндегі ауа райына солтүстік-батыс циклоны және онымен байланысты атмосфералық фронтальды бөліктердің өтуі әсер ететінін хабарлады.

Соған байланысты елдің көп бөлігінде жаңбыр жауып, найзағай ойнайды.

6 қыркүйекте солтүстік-батыста, 7-8 қыркүйекте солтүстікте, 8 қыркүйекте шығыс пен орталықта қатты жаңбыр, бұршақ, дауылды жел болады деп болжанып отыр.

Республика бойынша желдің күшеюі күтіледі, солтүстік-батыста, солтүстікте, шығыста, орталықта түнгі және таңертеңгі сағаттарда тұман түсуі ықтимал. Елдің оңтүстік-батысы мен оңтүстігінде шаңды дауыл болжанады.

Температуралық фон бойынша ауа температурасының төмендеуі болжанып отыр:

Ұлттық банк төрағасы Тимур Сүлейменов зейнетақы активтерін жеке компанияларға көбірек беру керек деген пікірде.  LS басылымының хабарлауынша, ол бұл туралы Astana Finance Days аясында сөйлеген сөзінде айтқан.

Оның пайымдауынша, қордың Ұлттық банк басқарып отырған активінің өтімділігі жоғары.

«Біздің тәжірибелі команда бар, олар нәтижеге жұмыс істейді. Дегенмен, зейнетақы активтерін жеке басқарушы компанияларға көбірек беруіміз керек. Әрине, бұл процесс өте сақтықпен жүреді және біз оған қатаң бақылау орнатамыз», – деді Сүлейменов.

Ұлттық банк басшысы сонымен қатар ірі халықаралық компанияларды зейнетақы ақшасын басқаруға тарту мүмкіндігіне де тоқталған.

«2013 жылы...

Қазірге дейін Ерболат Жанабыловтың курсын 6 мыңға жуық адам сатып алған. Курстың құны – 30 мың теңге. Блогер курсты сатып, сатып алғандар арасында 10 автокөлікті ұтысқа қойған.

Блогерге қатысты әкімшілік іс елорда сотында қаралып жатыр.

18-21 тамыз аралығында Instagram-да @Zhanabylov_e және @elt6i аккаунты арқылы танымал блогерлер 10 автокөлік ойнататынын жариялады. Алайда тікелей эфирдің орнына қолданушыларға Zhana Business атты ақылы оқу курсының сілтемесі ұсынылған. 

Ерболат Жанабылов сотта курстардың жарнамасына және ұтыс ойынына қатысты ғана түсініктеме беретінін мәлімдеді. Ал жұбайы Эльмира Төлегенова басқаратын «Zhana Бизнес» ЖШС қызметіне қатысты сұрақтарға жауап беруден бас тартты.

Алайда ол бұл ЖШС-ға құны шамамен бір миллион...

Президент Қ.Тоқаев мұнай-газ саласының қызметкерлерін кәсіби мерекесімен құттықтаған жиында қытайлық серіктестермен бірге жасалатын мұнай-газ саласында жобалар туралы айтты.

Қасым-Жомарт Тоқаев экономиканың түрлі саласына шетел инвестициясын тарту жұмысына ерекше назар аударып отырғанын жеткізіп, жақында өткен Қытайға сапарын атап өтті.

«Бұл сапар шын мәнінде өте жемісті болды. Екі елдің арасындағы стратегиялық серіктестікке мықты әрі тың серпін берді. Екіжақты келіссөздердің күн тәртібі ауқымды және ең бастысы Қазақстанның ұлттық мүдделеріне, ең алдымен, экономика саласындағы мүдделеріне тікелей байланысты болды. Қытай Халық Республикасының Төрағасы Си Цзиньпинмен әңгімелесу кезінде мәңгілік достық пен стратегиялық серіктестік рухындағы жан-жақты ынтымақтастыққа ерекше мән берілді», – дед...

Қазақстанда есірткі қылмыстары азаймай тұр. Оған дәлел осы жылдың 8 айында есірткі қылмыстары 3%-ға артқаны анықталды.  Бұл туралы ІІМ Есірткі қылмысына қарсы іс-қимыл комитеті төрағасының орынбасары Қуандық Әлжанов айтты.

Ведомство өкілінің мәліметінше,  8 ай ішінде жалпы 2 388 қылмыс анықталған. Нәтижесінде  14 ұйымдасқан қылмыстық топ жойылды, оның үшеуі трансұлттық. Ұйымдасқан қылмыстық топтың 13 жетекшісі мен 52 белсенді қатысушысы қамауға алынған.

«Заңсыз айналымнан 13,5 тонна есірткі тәркіленді. Бұл ретте синтетикалық түрлері өткен жылмен салыстырғанда 3 есе артық болды және 1 100 тоннадан асты. Осылайша, 7 миллионнан астам доза есірткі заттары заңсыз айналымға жіберілмеді. 105 жасырын есірткі зертханасы жойылды...

Туризм және спорт министрлігі ойын бизнесі және лотереяны реттеу комитеті өкілі сотта блогер Ерболат Жанабылов қандай әкімшілік құқықбұзушылық әрекет жасағанын айтты.

Айта кетейік, Астананың мамандандырылған ауданаралық әкімшілік сотында блогерге қатысты іс қаралып жатыр.

Сотқа қатысқан комитет өкілінің хабарлауынша, блогер Ерболат Жанабыловқа қатысты хаттама бір азаматтың шағымы және қаржылық мониторинг агенттігі ұсынған құжат негізінде толтырылған. Бұған дейін 21 тамыз – 2 қыркүйек аралығында Жанабыловтың әрекетіне қатысты eOtinish платформасы арқылы сегіз шағым түскені айтылды.

«2025 жылдың 21 тамызында ойын бизнесі және лотереяны реттеу комитетіне азаматтан арыз түскен. 22 тамызда қаржылық мониторинг агенттігінен Instagram әлеуметтік желісінде @zhanabylov_e...

Тәуелсіздік жылдары елдегі мұнай өндірісі 4 есе артқан. Бұл туралы мұнай-газ саласының қызметкерлерін кәсіби мерекесімен құттықтау кезінде президент Қасым-Жомарт Тоқаев айтты.

Президент қазақ мұнайының 125 жылдығы атап өтілгенін, осы жылы да бұл салада айтулы күндердің көп көп екенін айтты. Атап айтқанда, Атырау мұнай өңдеу зауытының ашылғанына 80 жыл толса, Шымкент мұнай өңдеу зауытына 40 жыл, ал «QazaqGaz» ұлттық компаниясына 25 жыл толған.

«Бұл мерекелік күндер еліміздің мұнай-газ саласының мән-маңызын көрсетеді. Мұнай мен газ – стратегиялық маңызы бар ресурс, бұл – жұртшылыққа белгілі дерек. Себебі бұл сала еліміздің өсіп-өркендеуіне айрықша ықпал етті. Тәуелсіздік жылдары...

Әлемнің 46 елінде жүргізілген зерттеу нәтижесі бойынша 18 бен 24 жас аралығындағы жастар – Z буыны ең бақытсыз жас тобы болып шықты. Бұл туралы АҚШ-тағы Дартмут колледжі мен Лондон университеттік колледжінің ғалымдары хабарлады.

Бұған дейінгі деректерге сәйкес, бақыт деңгейінің төмендеуі көбіне 40 жас шамасында байқалатын «орта жастағы дағдарыспен» байланысты саналатын. Алайда жаңа зерттеу бұл пікірге қайшы келіп отыр.

Ғалымдар зумерлердің өмірге қанағаттанбауының нақты себебін айта алмады. Дегенмен, бірқатар ықтимал факторларды атап өтті: жастар арасында психикалық денсаулық проблемаларының өсуі, соның салдарынан оқу мен жұмысты жиі қалдыру немесе тіпті мерзімінен бұрын қызметтен кету жағдайлары жиілеген.

Зерттеу қорытындысына сәйкес, Z буынының жартысына...

30 қыркүйектен бастап тұтынушылық, кепілсіз онлайн-несие алғысы келгендердің ойлануына қосымша уақыт беріледі. Бұл ресми тілде «салқындату кезеңі» деп аталады. Осы уақыт несие алатын азаматтың тағы бір ойланып, нақты шешім шығаруына арналған. Ал ақша шұғыл қажет болса, банк бөлімшесі немесе МҚҰ кеңсесіне баруы керек болады.

«Салқындату уақыты» не үшін керек?

Көбіне адамдар эмоциямен несие рәсімдеп алып, артынан кредитті бекер алдым деп өкініп жатады. Одан бөлек, алаяқтардың арбауына түсіп, кредит алып қоюы мүмкін. «Салқындату кезеңі» осындай жағдайлардың алдын алуды көздейді.

Қанша уақыт күту керек?

Егер 450–255 АЕК немесе 590 мың-1 млн теңге аралығында кредит қажет...

Әйгілі бизнесмен Тұрсынғали Алагөзовке тиесілі «GALANZ Bottlers» компаниясының активі бір жылда 45%-ға, ал таза табысы 55%-ға артты. Бұл жайлы кәсіпорынның қаржы есебінде жазылған.

Компанияның жалпы активтері 2023 жылғы 41,1 млрд теңгеден 2024 жылы 59,7 млрд теңгеге өсіп, бір жылда шамамен 45% арту байқалды. Оның ішінде:

Компания капиталы – 43,4 млрд теңге, 2023 жылмен салыстырғанда екі есе өскен

Табысы

2024 жылы компанияның жалпы кірісі 28 млрд теңгені құрады, 2023 жылмен салыстырғанда...

16 қыркүйектен бастап, өзінің есепшоты мен банк картасын бөтен адамға берген адамдар қылмыстық жауапкершілікке тартылатын болады. Бұл туралы Әшкі істер министрлігінің баспасөз қызметі хабарлады.

«2025 жылдың 16 қыркүйегінен бастап елімізде жаңа заң күшіне енеді. Қазақстан Республикасының Қылмыстық кодексіне енгізілген 232-1-бапқа сәйкес, өз атына рәсімделген банк картасы мен есепшотын үшінші тұлғаға берген азамат қылмыстық жауапкершілікке тартылады», – делінген баспасөз хабарламасында.

Мұндай қылмысқа қандай жаза қолданылады?

Полиция мұндай қылмысқа барғандар үшін өте қатаң жаза қолданылатынын ескертеді. Яғни, заңды бұзғандар 160 АЕК (629 120 теңге) айыппұл салынып, 7 жылға дейін бас бостандығынан айырылуы мүмкін.

Көпшілік күткен қазақстандық қорқынышты фильм «Дәстүр 2» жобасының түсірілім алаңынан алғашқы кадрлармен бөлісті. Тылсым мен құпияға толы фильмнің жалғасы жылдың соңында көрерменге жол тартады.

2023 жылы жарық көрген «Дәстүр» фильмі қазақ киноиндустриясында нағыз сенсацияға айналып, елімізде және шетелде шамамен 2 млрд теңге жинап, қазақстандық кинематография тарихындағы ең кассалық жоба болды.

Жаңа картинаның продюсерлері – алғашқы бөлімді түсірген Қуаныш Бейсек пен Алмас Жали. Фильмнің режиссері – Әлішер Үтев, ал сценарийді Арыстан Қаунев пен Біржан Қабылбаев жазған.

«Дәстүр» фильмінің режиссері Қуаныш Бейсек биыл тағы бір туындыны прокатқа шығармақ. 13 қараша күні кинотеатрларда «Ауру» фильмі шығады.

Қаржы министрлігі соттан тыс банкроттық ережелеріне өзгерістер енгізбек. Жаңа құжатқа сәйкес, 2025 жылғы 1 қаңтарға дейінгі қарыздарды реттеу талабы жойылады.

Сонымен қатар борышкерге себебін көрсетпестен соттан тыс банкроттық рәсімін тоқтату құқығы берілмек. Оған қоса қаржы ұйымдары алдындағы, оның ішінде кредиттік бюро базасында көрсетілмеген барлық міндеттемелерді (соттан тыс банкроттық рәсімі аяқталғаннан кейін) тоқтатуға қатысты өзгеріс енгізіледі.

Ведомствоның мәліметінше, бұл шара банкроттық рәсімін халық үшін қолжетімді етіп, азаматтардың қаржылық жүктемесін азайтуға бағытталған.

Бұған дейін заңгерлер банкроттық туралы заң шикі, кем-ктігі көп деп мәлімдеген.

2023 жылы банкроттыққа тапсырған азаматтардың өтініштер саны 77 мыңнан асқан. 2024 жылы...

Қырғызстанның Жалал-Абад қаласында тәуелсіздік күніне арналған мерекелік жәрмеңке кезінде Хайдарқан сынап комбинатының қызметкерлері балалар мен ересектерге сұйық сынапты жалаң қолмен ұстауға рұқсат берген.

Бейнежазбада адамдар көрме стендінің үстінде ашық колбадағы улы металға қолын батырып жатқаны анық көрінеді.

Сынап қауіпті ауыр металдардың қатарына жататындықтан көрініс желіде жұртты шошытты. Олар сынаптың қауіпті екенін айтып, комбинат қызметкерлерінің әрекетін сынға алып жатыр.

Сусып, қолға жұқпайтындай көрінетін сынап шынымен де адамды ауруға шалдықтыруы мүмкін. Онымен біраз уақыт жанасу әсіресе балаларға зиянды, олардың жүйке жүйесі толық қалыптаспағандықтан, аз ғана мөлшердің өзі баланың дамуына әсер етеді.

Ал сынаптың буын жұту – аса улы. Сынап бөлме температурасында-а...

Астанада блогер Ерболат Жанабыловқа қатысты әкімшілік іс басталды. Сотқа келген блогердің әйелі Эльмира Төлегенова сот залынан шығарылды.

Істі қарап жатқан судьяның айтуынша, Instagram-да @elt6i аккаунты арқылы танымал блогер Эльмира Төлегеноваға қатысты да хаттама толтырылған. Ол – блогер Ерболат Жанабыловтың әйелі. Сол себепті бұл істе ол мүдделі тұлға болуы мүмкін.

Айта кетейік, 18-21 тамыз аралығында Instagram-да @Zhanabylov_e және @elt6i аккаунты арқылы танымал блогерлер 10 автокөлік ойнататынын жариялады. Алайда тікелей эфирдің орнына қолданушыларға Zhana Business атты ақылы оқу курсының сілтемесі ұсынылған. Курс құны – 30 мың теңге. Ұтысқа қатысу үшін осы курсты сатып алу қажет болған. 

Туризм және спорт министрі Ербол...

Блогер Ерболат Жанабылов ісі сотта қаралып жатыр. Астананың мамандандырылған ауданаралық әкімшілік сотында қаралып жатқан іске ерлі-зайыпты блогер Ерболат Жанабылов пен Эльмира Төлегенова, туризм және спорт министрлігі өкілдері және БАҚ өкілдері қатысып отыр.

Министрлікке қарасты ойын бизнесі және лотереяны реттеу комитеті өкілінің хабарлауынша, 21 тамыз – 2 қыркүйек аралығында Жанабыловтың әрекетіне қатысты eOtinish платформасы арқылы сегіз шағым түскен. Бұл деректер іс материалдарына қосылды.

Даудың басы

18-21 тамыз аралығында Instagram-да @Zhanabylov_e және @elt6i аккаунты арқылы танымал блогерлер 10 автокөлік ойнататынын жариялады. Алайда тікелей эфирдің орнына қолданушыларға Zhana Business атты ақылы оқу курсының сілтемесі ұсынылған. Курс құны – 30 мың теңге. Ұтысқа...

Алматыда адам өмірін құтқаруға бағытталған «Бір тамшы қан – бір өмір» атты қайырымдылық акциясы өтеді. Бұл туралы «Qamqor Charity» қоғамдық қорының баспасөз қызметі хабарлады.

«Алматы қаласында 2025 жылғы 5 қыркүйек күні сағат 11:00-де «Бір тамшы қан – бір өмір» атты қан тапсыру акциясы өтеді», – делінген баспасөз хабарламасында.

Шараны «Qamqor Charity» қоғамдық қоры мен Республикалық қан орталығы бірлесіп өткізіп жатыр.

Ұйымдастырушылар бұл шараның мақсаты қоғам назарын донорлыққа аударып, мейірімділік пен өзара көмек мәдениетін дамытуға бағытталғанын атап өтті. Сондай-ақ мұндай қолдау көмекке мұқтаж жандардың өмірін сақтап қалуға көмектеспек.

Акцияға қатысқан азаматтар мамандардан...

2025 жылдың 6 айында ипотекалық нарық қайта жанданып, өсім көрсетті. Жаңа берілген қарыздар көлемі 1 трлн теңгеге жетіп, былтырмен салыстырғанда 24,9%-ға артты. Бірақ бұл өсімге негізінен жеңілдетілген бағдарламалар себеп болған. Негізгі үлес «Отбасы Банкке» тиесілі. Соның салдарынан екінші деңгейлі банктердің ипотекадағы үлесі қысқарып келеді. Бұл туралы Қаржыгерлер қауымдастығының шолуында жазылған.

Отбасы банктің рөлі

Ипотекалық нарықтағы бүкіл өсімді Отбасы банк қамтамасыз етті. Бұл банк берген қарыз жарты жылда 48%-ға өсіп, 690,2 млрд теңгені құрады. Бұл мемлекеттік бағдарламалардың артуы, салымшылардың көбеюі және халықтың арзан ипотекаға деген сұранысының артуымен байланысты.

Осыған орай, Отбасы банктің үлесі 69%-ға жетті. Былтыр бұл...

Премьер-министр Олжас Бектенов цифрландыру мен әлеуметтік қолдау жүйесіндегі процестерді оңтайландыру тиімсіз шығындарды айтарлықтай қысқартқанын мәлім етті.

Үкімет басшысының сөзінше, Еңбек министрлігі әлеуметтік шығындар бойынша мемлекетке түсетін жүктемені оңтайландыруға бағытталған жұмыстарды белсенді түрде жүргізіп жатыр. Мұндағы мәселе мұқтаждар санатына жатпайтын адамдарды әлеуметтік қолдау жүйесінен шығаруды көздейді.

Қазір біз Цифрлық отбасы картасының көмегімен Қазақстан халқын 6 санатқа бөлдік. Алтыншы санатқа – үйі, автокөлігі, жұмысы бар, бірақ соған қарамастан мемлекеттен әлеуметтік төлемдер алып отырған адамдар жатады», – деп атап өтті премьер-министр AMANAT партиясы фракциясының кеңейтілген отырысында

Оның сөзінше, қазіргі уақытта скорингтік жүйені енгізу бойынша пилоттық жоба Қарағанды...

Қазақстанда сәби өлімі азайып келе жатыр. Биылғы жылдың бірінші жартыжылдығында нәресте өлімі 22,7%-ға төмендеді. AMANAT партиясы фракциясының кеңейтілген жиынында премьер-министр Олжас Бектенов осындай мәлімет келтірді.

Үкімет басшысының айтуынша биылғы жылдың алғашқы алты айында жалпы өлім-жітім көрсеткіші 3%-ға азайған.

«Біз 2029-шы жылға қарай халықтың өмір сүру ұзақтығын кемінде 77 жылға жеткізу мақсатына біртіндеп жақындап келеміз. Өткен жылдың қорытындысы бойынша өмір сүру ұзақтығы алғаш рет 75 жыл 4 айға жетті. Мемлекет басшысының қолдауы мен тұрақты назарының арқасында денсаулық саласындағы негізгі көрсеткіштерді жақсартуға қол жеткізілді»,  — деп атап өтті Олжас Бектенов.

Денсаулық сақтау министрінің дерегі мүлдем...

Тимур Бөкейханұлы Әбілқасымов Қазақстан Республикасының Қаржы нарығын реттеу және дамыту агенттігі Төрағасының бірінші орынбасары болып тағайындалды. Бұл жайлы агенттік сайтында жазылған.

2024 жылдан бастап тағайындалғанға дейін Т.Б. Әбілқасымов Агенттік Төрағасының орынбасары лауазымын атқарды, онда екінші деңгейдегі банктерді қадағалап бағалауға, қадағалау технологияларын дамытуға, жасанды интеллект пен іс-қимылды қадағалауды енгізуге жетекшілік етті. Сондай-ақ Т.Б. Әбілқасымов Қазақстанның банк жүйесін жаңғыртуға және орнықтылығын арттыруға бағытталған «Банктер және банк қызметі туралы» жаңа Заңды дайындау мен әзірлеуді үйлестірді.

2012 жылы Қазақстанның Менеджмент, экономика және болжам институтын (ҚМЭБИ) «Бизнес экономикасы және мемлекеттік саясат экономикасы» мамандығы бойынша бітірді. 2015 жылы London Metropolitan University-де (Ұлыбритания) тәуекелдерді басқару саласында MBA дәрежесін алды.

...

Кейбір отбасыларға мемлекеттік қолдау көрсетілмейді. Бұл туралы AMANAT партиясы фракциясының кеңейтілген отырысында премьер-министр Олжас Бектенов айтты.

Бектенов президенттің масылдық психологиядан арылтуға қатысты тапсырмалары бойынша тиісті шаралар атқарылғанын атап өткен.

«Мемлекет басшысы атап өткендей, біз масылдық психологияға тосқауыл қоюымыз керек. Цифрландырудың арқасында біз табысы жоғары отбасыларға көрсетілетін мемлекеттік қолдау шараларын тоқтатып, бұл қаражатты қиын жағдайға тап болған адамдарға бағыттауды жоспарлап отырмыз», – деген Бектенов.

Осы орайда алдағы жылдан бастап, әлеуметтік қажеттіліктерге бөлінетін шығыстардың пайыздық арақатынасы оңтайландырылатынын ал үкімет пен әкімдер жұмысының тиімділігі, ең алдымен, азаматтардың өмір сүру сапасын жақсарту көрсеткіштері бойынша бағаланатынын атап...

Мәскеу қаласында қырғызстандық қылмыс әлемінің серкесі Қамшы Көлбаевтың жақын серіктесі әрі жеке күзетшісі Ұлан Барчакеев ұсталды. Бұл туралы Қырғызстан ІІМ баспасөз қызметі хабарлады.

1972 жылы туған Барчакеев қылмыстық ортада «Ұзын Улан» деген лақап атпен танымал. Ведомство мәліметінше, ол ұйымдасқан қылмыстық топтың белсенді мүшесі ретінде есепте тұрған. Сондай-ақ Көлбаевтың сенімді адамы болып, оның жеке қауіпсіздігіне жауап берген.

ІІМ деректеріне қарағанда, Барчакеев бірнеше қылмыстық жанжалдарға қатысқан, кәсіпкерлерден ақша бопсалап, фирмалары мен жылжымайтын мүліктерін тартып алып отырған. Бұл әрекеттер қылмыстық қорды толықтыру мақсатында жасалған.

Сонымен қатар «Ұзын Ұлан» 2019 жылы Бішкекте шетелдік кәсіпкерге қарақшылық шабуыл жасағаны үшін айыпталып отыр. Сол кезде жәбірленушін...