Жаңалықтар

22 қаңтар – Талғардағы төбелес кезінде қайтыс болған Шерзат Полаттың туған күні. Осыған байланысты Threads әлеуметтік желісінде ssmitova атты пайдаланушы Шерзатты еске алып, жазба жариялап, сирек суреттерімен бөлісті.

«18 жасқа толар еді, сол түн болмағанда…» деп жазды ол.

Еске сала кетейік, Шерзат Полат 2024 жылғы 4 қазанға қараған түні Алматы облысының Талғар қаласында болған жаппай төбелес кезінде қаза тапқан. 16 жастағы жасөспірімнің жүрек тұсына пышақ сұғылып, ауруханаға жеткізілгенімен, дәрігерлер оның өмірін сақтап қала алмады.

ІІМ деректеріне сәйкес, дүкен иесімен келіспеушілікке түскен азамат сыртта төбелес бастап, жақтастарын шақыртқан. Соның салдарынан Шерзат Полат және ағасы...

Соңғы екі жылда елдегі агроөнеркәсіп саласын қолдауға 1,2 трлн теңге бөлінген. Бірақ сол қаражаттың 300 млрд теңгесі дұрыс игерілмеген. Оның ішінде бюджетке тікелей 32 млрд теңге шығын келген. Қаржы министрі Мәди Такиев осылай деп мәлімдеді.

Аудит нәтижесі бойынша, субсидиялауда алаяқтық схемалары анықталды. Мәселен, кейбір кәсіпкерлер бір ірі қара малдың бағасын 808,1 млн теңге деп көрсеткен. Кей өңірде мал мен жабдық мүлдем жеткізілмеген немесе аз мөлшерде жеткізілген фактілер белгілі болды. Жеке құрылыс жұмыстары төленген, бірақ іс жүзінде орындалмаған.

Кейбір шаруалардың берешегі бола тұра микронесиелер қайта берілген. Мәди Такиевтің мәлімдеуінше, жалпы берешегі 45,8 млн теңгені құрайтын 25 қарыз алушыға...

Жеке мектептерді қаржыландыру бойынша алдын ала аудит қорытындысы жарияланды. Оның нәтижелерін Қаржы министрі Мәди Такиев премьер-министр Олжас Бектенов төрағалық еткен жиында мәлім етті.

Министрдің дерегінше, соңғы бес жылда елдегі жеке мектептер саны 203-тен 878-ге, ал оқушылар саны 53 мыңнан 322 мыңға дейін артқан. Сондай-ақ аталған бағыт бойынша бюджет шығыстарының көлемі 2020 жылғы деңгейден (13,3 млрд теңге) 20 есе асып, 248 млрд теңгені құрады.

Такиевтің айтуынша, 2025 жылдың соңына дейін қаржыландыру жүйесі бақылаусыз болған, сондықтан бюджет қаражаттарын дұрыс пайдаланбау және деректерді бұрмалау жағдайлары туындаған. Осы себепті былтыр қаржыландыру Orta-bilim.e-qazyna цифрлық платформасына көшірілді.

Жеке мектептерді қаржыландыру аудитінің қорытындысы бойынша мынадай...

Қазіргі кезде интернет тек қарым-қатынас пен ойын-сауық алаңы болудан қалды. Бүгінде цифрлық кеңістікте біздің қаржымыз, жұмысымыз, құжаттарымыз, жеке, тіпті биометриялық деректеріміз сақталады. Осыған байланысты жеке ақпарат аса құнды ресурсқа айналды. Оны иеленуге компаниялар мен жарнама платформалары ғана емес, алаяқтар да мүдделі. Сондықтан интернеттегі жеке деректерді қорғау қазіргі заман адамы үшін маңызды мәселеге айналып отыр.

Интернетте жеке ақпараттарды құпия сақтау енді әлеуметтік желілердегі баптаулармен ғана шектелмейді. Бұл кілтсөздерден бастап, интернеттегі тәуекелдерді түсінуге дейінгі кешенді қорғаныс. Деректердің таралуы, фишинг пен интернет-алаяқтық бүгінде жаппай сипат алып отыр, ал оның салдары жақсылыққа апармауы мүмкін. Яғни қаржылық шығындардан бастап, бопсалау сынды қылмысқа дейін.

Жеке...

Мәжіліс жанындағы Қоғамдық палата төрағасының орынбасары Ғалым Байтоқ ішкі рейстерде билет құнын қайтармау туралы талапты алып тастауды ұсынды.

Айтуынша, билет құнын қайтармау барлық жауапкершілікті жолаушыға жүктейді. Азамат қандай жағдаймен бетпе-бет келгеніне қарамастан, билет ақшасын қайтарып ала алмайды.

Байтоқ авиация жай ақша табатын бизнес емес, қоғам үшін маңызы бар көлік түрі екенін айтады. Сөзінше, мемлекет бұл жағдайда азаматтардың құқығын қорғауға міндетті.

«Ішкі әуе рейстерінде билет ақшасын қайтарып алуға болмайды дегенді тоқтату керек. Немесе әуе компания басқа күні ұшу үшін билетті тегін ауыстыру мүмкіндігін беруге тиіс», – дейді ол.

Айта кетейік, FlyArystan ұшақтары Астанадан Грузияны...

Ұлттық банк төрағасы Тимур Сүлейменов доллар бағамы 1000–1500 теңгеге дейін өсуі мүмкін деген болжамды жоққа шығарды. Оның айтуынша, мұндай деңгейдегі девальвацияға жол беру де, оны әкімшілік жолмен жасау да мүмкін емес.

Тимур Сүлейменов теңгенің долларға қатысты бағамы ең алдымен нарықтағы сұраныс пен ұсынысқа, сондай-ақ елдегі тауар мен қызмет өндірісінің дамуына байланысты қалыптасатынын айтып өтті. Қазір Қазақстанда теңге бағамы экономиканың нақты көрсеткіштеріне сай, теңгерімді деңгейде тұр.

Ұлттық банк басшысы 2015 жылдан бері елімізде еркін өзгермелі валюта бағамы енгізілгенін еске салды. Осы жүйеге сәйкес, теңгенің бағасы нарықтағы жағдайға қарай өздігінен өзгереді. Бұл саясат экономиканың сыртқы және ішкі сын-қатерлерге бейімделуіне...

Мас болып көлік айдаған судья Әсел Досаева қызметінен босатылды. Бұл туралы Жоғары сот кеңесі хабарлады.

Кеңес жанындағы Сот жюриінің кезекті отырысында 6 судья тәртіптік жауапкершілікке тартылды. Ішінде төртеуі сот ісін қарау кезінде заңдылықты өрескел бұзуға жол берген. Үшеуіне ескерту жасалды, бір судья сөгіс алды.

Тағы екі судья әдеп талаптарын бұзған. Екеуі де қызметінен босатылды.

Айта кетейік, Әсел Досаева Астанадағы Азаматтық істер жөніндегі ауданаралық соттың судьясы болған. 2025 жылдың қарашасында полиция рейд кезінде Mazda маркалы көлікті тоқтатқан. Ал жүргізушінің мас екені сараптама арқылы расталған.

Содан кейін ІІМ судьяның жүргізуші куәлігінің мерзімі өтіп кеткенін хабарлаған.

Франция президенті Эммануэль Макронның Дүниежүзілік экономикалық форумдағы стилі италиялық iVision Tech компаниясына күтпеген жерден табыс әкелді. Президент аталған брендтің көзілдірігін тағып шыққаннан кейін, өндірушінің акциялары бірден 28%-ға ұшып, компанияның нарықтық құны 3,5 млн еуроға артты, деп жазады Reuters.

Макрон Pacific S 01 моделіндегі көзілдірікті таққан. iVision Tech бас директоры Стефано Фульчир көзілдірікті президентке 2024 жылы жеке өзі сыйға тартқанын растады.

Дегенмен Франция президенті баспасөз қызметінің хабарлауынша, Макрон көзілдірік тағып шығуға мәжбүр болған. Себебі көзіндегі қан тамырлары жарылып, студиядағы қатты жарық оған жайсыздық тудырған.

Осыған дейін Макронның әйелімен арасындағы кикілжің туралы жазған едік. Халықаралық сапардың бірінде ұшақтан түсер сәтте Францияның бірінші ханымы Брижит Макрон күйеуін бетінен...

Осы жылдың 23 қаңтарынан бастап Alibaba Group Holding Ltd және Baidu, Inc. акциялары Қазақстан қор биржасында саудаланады. Бұл жайлы KASE хабарлады.

Инвесторлар енді компаниялардың америкалық депозитарлық қолхаттарымен (ADR) сауда-саттық жасай алады. Олардың бағасы АҚШ долларымен белгіленеді.

KASE Global алаңында бағалы қағаздар BABAd (Alibaba ADR) және BIDUd (Baidu ADR) деп таңбаланады. Бұл құралдар бойынша маркет-мейкер болып «Standard» инвестициялық компаниясы» АҚ тағайындалған.

«Alibaba мен Baidu америкалық депозитарлық қолхаттарының KASE-де пайда болуы жай ғана құралдар желісін кеңейту емес, бұл – инвесторлар үшін азиялық нарықтардың технологиялық өсімімен үйреншікті инфрақұрылымда, айқын баға белгілеу арқылы тікелей жұмыс істеу мүмкіндігі», – деп...

Қазақстанда енді құрылыстардың сапасын бақылау күшейтіледі. Бұл туралы Өнеркәсіп және құрылыс министрлігі хабарлады.

Министрліктің мәліметінше, жаңа Құрылыс кодексі аясында құрылысты бақылауды күшейту және сала қатысушыларының жауапкершілігін арттыру бойынша бірқатар шаралар іске қосылады.

Енгізілетін шараларға да кеңінен тоқталынған.

Айталық, Мемлекеттік сәулет-құрылыс бақылауы (МСҚБ) органдарының құрылыс объектілеріне «жоспарлы инспекциялау» жүргізеді. Бұл құрылыс жұмыстары басталған сәттен бастап пайдалануға берілгенге дейін барлық кезеңдерді қамтиды.

Сондай-ақ, нысандарға бармай-ақ, есептер мен мониторинг негізінде камералар арқылы қашықтан бақылау жүргізіледі.

Заңсыз салынған объектілерге ауыртпалықтар салынып, анықталған заңбұзушылықтар туралы әділет органдарын міндетті түрде хабардар етіп отырмақ. Сонымен қатар, объектілерді пайдалануға қабылдау процесіне Мемлекеттік сәулет-құрылыс бақылауы және Төтенше...

Отбасы банк салымшылары мемлекеттік сыйақыны 2026 жылғы 1 наурызға дейін алады. «Тұрғын үй құрылыс жинақтары туралы» заңға сәйкес, бұл төлемді жүзеге асырудың соңғы мерзімі.

Отбасы банк түсіндіріп өткендей, мемлекеттік сыйақы есептелетін нақты күн әзірге белгіленбеген. Белгілісі төлем ақпан айында жүргізіліп, барлық салымшыға бір мезгілде аударылады.

Салымшыларға қанша сыйақы төленеді

2025 жылы үшін мемлекеттік сыйақының ең жоғары мөлшері – 157 280 теңге болды.
Бұл соманы жыл ішінде депозитін кемінде 200 АЕК-ке (786 400 теңге) толықтырған салымшылар алады.

Яғни, жылдық ең жоғары мемлекеттік сыйақыны алу үшін депозитті кемінде 200 АЕК көлемінде толықтыру қажет.

2026 жылғы мемлекеттік сыйақы

2026 жылы...

«ҚазМұнайГаз» бен «Қазатомөнеркәсіп» компанияларының акциялары Ұлттық қорға қомақты табыс алып келген. Бұл туралы брифинг барысында Ұлттық банк төрағасы Тимур Сүлейменов мәлімдеді,

Алайда бас банкир қос компанияның акциялары қанша табыс әкелгенін нақтыламады.

«ҚМГ мен «Қазатомнеркәсіп» акциялары сатып алынғалы бері Ұлттық қордың басқарушысы – Ұлттық банкке жақсы табыс алып келді. Бұл сәттті инвестиция болды деп ойлаймыз», – деді Сүлейменов.

Сонымен қатар ол алдағы уақытта Ұлттық қор активтеріне өтімділігі жоғары акцияларды сатып алу жоспарланып отырғанын айтты. Қазіргі кезде бұл мәселе үкіметпен келісіліп жатыр. Бас банкирдің айтуында, қордағы 3,5 млрд долларға өтімді компания акциялары сатып алынуы мүмкін. Осылайша қорды...

Ұлттық банкте өткен баспасөз жиынынан кейін журналистер қаржы регуляторының басшысы Тимур Сүлейменовтен декларация тапсырған-тапсырмағанын сұрады.

Сүлейменов жауабында заң бойынша қажет болса, кез келген ақпаратты тапсыруға әзір екенін айтты.

«Бізде ешқандай шектейтін еш мәлімет жоқ», – деді.

Соған қарамастан тілшілер «Сонда қанша соманы декларация ретінде тапсырғаныңыз есіңізде жоқ па?» деп қайтадан сұрады.

«Біріншіден, жылдық сома көрсетілуі керек. Солай емес пе!? Жеке мүліктер де көрсетілуі керек. Декларация өткен жылы берілген. Егер сұрақтар болса, жазбаша жазыңыздар. Жеке деректер жайлы сұраққа заңға сай жауап беремін», – деді ол.

Журналистер сонда да...

FlyArystan ұшақтары Астанадан Грузияның Кутаиси қаласына уақытша ұшпайтын болды.

Әуе компанияның хабарлауынша, ақпаннан 15 наурыз аралығында рейстер уақытша тоқтатылады.

16 наурыздан бастап Астана – Кутаиси бағытындағы рейстер қайта орындалады.

Ал билет алып қойған жолаушыларға басқа билет алу мүмкіндігі берілген. Сондай-ақ билет құнын толық қайтарып алуға болады.

Билет FlyArystan ресми сайтынан немесе мобильді қосымшасынан сатып алынған болса, жолаушы өзгерістерді «Брондауды өзгерту» бөлімінде енгізуіне болады. Билет басқа платформалар немесе агенттіктер арқылы рәсімделген жағдайда, жолаушыларға сол платформаға жүгінуі қажет.

Бұған дейін көлік министрі Нұрлан Сауранбаев овербукинг фактілері (рейсте ұшақтағы орындарға қарағанда көбірек билет сатылатын жағдай – ред.) тексерілмейтінін айтты. Сөзінше, бұл...

Ұйымдасқан қылмысқа қарсы күрес басқармасының қызметкерлері қылмыстық топтың қызметін тоқтатты.

ІІМ хабарлауынша, олар Алматы, Шымкент қалаларында, сондай-ақ Алматы, Батыс Қазақстан және Түркістан облыстарында әлеуметтік осал азаматтардың атына автонесие рәсімдеп, кейін автокөліктерді шетелге шығарып отырған.

«Күдіктілер қысым көрсету және қорқыту арқылы қорғансыз азаматтарды өз атына автонесие рәсімдеуге мәжбүрлеген. Төлем қабілеттілігі бар деген жалған көрсеткіш қалыптастыру мақсатында күдіктілер азаматтардың банк шоттарын уақытша толықтырып, олардың кредиттік тарихын жасанды түрде жақсартқан», – делінген хабарламада.

Күдіктілер жалған құжаттарды пайдалана отырып, автокөліктерді кепілге қойып, микроқаржы ұйымдарынан несие алған. Осыдан соң қымбат автокөліктер шетелде сатылған.

 «Қазіргі уақытта осындай...

Lada Largus Қазақстанда қайтадан өндіріле бастайды. «ҚазСтандарттың» ашық дерекқорындағы мәліметке сәйкес, ресейлік модель 2026 жылғы 23 қаңтарда Саран индустриялық аймағында құрастыру үшін көлік құралы түрін мақұлдау (ОТТС) құжатын алды. Курсив Авто универсалдың нарықтағы соңғы он жылын шолып шықты. Осы уақыт ішінде модель үш өндірістік алаңды және екі серіктесті ауыстырған.

Өскемендегі өндіріс

Қазақстандағы Largus тарихы 2016 жылы Өскемендегі «Азия Авто» зауытында басталды. Ол кезде холдинг басшылығы АвтоВАЗ-дың бірден жеті моделін, оның ішінде Lada Granta, Kalina және Vesta модельдерін іске қосуды уәде етіп, Қазақстанды экспорттық хабқа айналдыруды көздеген.

Алайда 2020 жылы дәнекерлеу және бояу цехтарын салу жөніндегі міндеттемелер орындалмағандықтан, кәсіпорынмен жасалған...

Ұлттық банк төрағасы Тимур Сүлейменов дезинфляцияның кейбір белгілеріне қарамастан, экономикадағы баға қысымы жоғары болып отырғанын айтты.

Бүгінгі брифингте Тимур Сүлейменов азық-түлік инфляциясы қарқын алып, салық реформасынан және қосымша құн салығындағы өзгерістерден халық пен бизнестің инфляциялық күтімі өскенін мәлім етті. Ал базалық жылдық инфляция әлі де жоғары деңгейде қалып отыр. Осы факторлар бірігіп, инфляцияның тұрақты сипаты мен баға процестерінің инерциясын көрсеткен.

«Елде экономикалық белсенділік жоғары. Халықтың табысы төмендеп, тұтынушылық кредиттеу азайса да, ішкі сұраныс жоғары деңгейде сақталып отыр», – дейді ол.

Ұлттық банк басшысының сөзінше, Қазақстан экономикасы қарқынды өсіп келеді. Жалпы ішкі өнімнің өсімі 6,5% болған...

Қазақстан бокс федерациясы Олимпиада чемпионы, Қарағанды облысының дене шынықтыру және спорт басқармасының басшысы Серік Сәпиевке қатысты жағдайға байланысты ресми мәлімдеме жасады.

Федерацияның хабарлауынша, қандай да бір спорттық регалиялар, атақтар мен өткен жетістіктер физикалық қысым көрсетуге немесе зорлық-зомбылық жасауға негіз бола алмайды. Ұйым кез келген лауазым иесіне, оның ішінде мемлекеттік қызметшілер мен спорт ұйымдарының басшылығына қатысты күш қолдану немесе қорқыту әрекеттері жол берілмейтінін атап өтті. Мұндай іс-әрекеттер билік пен басқару институттарына, сондай-ақ қоғамдық тәртіпке қол сұғу ретінде бағаланады.

Сондай-ақ федерация спорт саласындағы жария тұлғалардың жоғары әлеуметтік және саяси жауапкершілікке ие екенін еске салды. Олардың мінез-құлқы қоғамға, әсіресе жастарға үлгі болатыны айтылды...

Табиғатты жоюға әкелетін қызмет түрлеріне салынатын инвестиция табиғатты қорғау шараларына бөлінетін қаржыдан 30 есе көп.

Бұл туралы БҰҰ-ның Қоршаған орта жөніндегі бағдарламасының жаңа баяндамасында айтылған.

Баяндама 2023 жылғы деректерге негізделген. Авторлардың мәліметінше, табиғатқа зиян келтіретін қызметке байланысты қаржылық ағындардың жалпы көлемі 7,3 трлн доллар болып отыр. Оның 4,9 трлн доллары – жеке капитал инвестициялары. Негізінен олар коммуналдық қызметтер, өнеркәсіп, энергетика және шикізат өндірісі сияқты салаларда шоғырланған.

Тағы 2,4 трлн доллар – қазба отын өндіруге, құрылысқа, экологиялық таза емес көлік түрлерін пайдалануға, сондай-ақ табиғатқа зиян келтіретін ауыл шаруашылығы мен су пайдалану әдістеріне берілетін мемлекеттік субсидиялар.

Ал 2023 жылы табиғатты қорғауға...

Күні кеше экс-қалаулымдық Бауыржан Зорбайдың отбасына опасыздық жасағаны туралы жаңалық желіде қызу талқыға түскен еді. Айман Әбдіреева есімді қолданушы үш жылдан бері отбасылы еркекпен көңіл қосып жүргенін мойындаған болатын. Дегенмен артынша Зорбай да, Әбдіреева да мұны «хайп» деп жаппақ болды.

Ақшаға сатылған «шындық»

Басында Әбдіреева ақылы телеграм-арна ашып, бүкіл шындықты сол жаққа жайып салатынын айтқан еді. Жабық арнаға қосылғысы келген адам 1590 теңге төлеуі керек деген шарт қойды. Артынша сол каналға қосылғандар ол жақтағы жазбаларды тарата бастады. Оның ішінде жасырып жүрген қарым-қатынасын неге айтамын деп шешкенін түсіндірген.

«Себебі бізде осы кезге дейін, соңғы бір айға дейін...

Қазақстанның ірі бизнес өкілдері туралы сөз қозғалғанда Қаппаровтар әулетінің аты жиі аталады. Отағасы Нұрлан Қаппаров саясат пен ірі бизнесте ықпалды тұлға ретінде танылса, оның жары Гаухар Қаппарова тәуелсіз бизнес бағытын қалыптастырып, халықаралық деңгейдегі активтерді басқаруға көшті. Бүгінде олардың отбасылық бизнестері ұлдары Нұрсұлтан Қаппаровтың белсенді қатысуымен дамып келеді.Forbes‑тың 2025 жылғы рейтингі бойынша бұл отбасы Қазақстанның ең бай бизнесмендері тізімінде 72‑орынға ие болды, олардың бағаланған активтері шамамен 94 млн АҚШ долларына тең.

Нұрлан Қаппаров кім?

Қаппаров Нұрлан Жамбылұлы – (30.03.1970- 26.03.2015жж.) Алматы қаласында дүниеге келген. Ол инженер‑экономист мамандығы бойынша Алматы технологиялық институтын тәмамдаған. Кейінірек Гарвард университетінің Дж. Кеннеди атындағы Мемлекеттік басқару...

«Бәйтерек» холдингі экономиканың нақты секторына несиелеуге 8 трлн теңге бөлгелі отыр. Бұл елдегі инфляцияны күшейтпей ме? Бұл сұрақ бүгінгі брифингте Ұлттық банк төрағасы Тимур Сүлейменовке қойылды.

«Өте дұрыс сұрақ. Біз баяндамамызда бұл жағдай – тәуекелдердің бірі екенін атап өттік. Қазір бұл несиелеу фактор емес, бірақ соған айналуы әбден мүмкін. Республикалық бюджет тарапынан саясат күшейеді: трансферт азаяды, бюджет дефициті азайып, салықтар шегі көтеріледі. Бюджет бейтарап жағдайға көшеді. Ал егер квазиынталандыру тетіктерімен дұрыс жұмыс істемесе, яғни бір қалтаны тігіп тастап, екіншісін сөгіп тастасақ – бұл жағдайға жол бермеу керек. Үкіметтегі әріптестер мұны жақсы түсініп отыр», – дейді Ұлтты...

Әлеуметтік желіде Қарағанды облысының дене шынықтыру және спорт басқармасының басшысы, Олимпиада чемпионы Серік Сәпиев пен оның орынбасары Дәурен Есімханов арасындағы төбелеске қатысты видео тарады.

Видеода Серік Сәпиев орынбасары самбодан әлем чемпионы Есімхановпен жаға жыртысып, кабинеттен шыққаны көрініп тұр.

Қазіргі уақытта полиция оқиғаның мән-жайын анықтау бойынша тергеу амалдарын жүргізіп жатыр, тергеу мүддесіне байланысты қосымша ақпарат жарияланбаған.

Қазақстанның Ұлттық қоры 2025 жылы 15 пайыз табыс алып, рекорд жаңартқан. Соның есебінен «Ұлттық қор – балаларға» жобасы аясында 18 жасқа дейінгі әр баланың есепшотына 130 доллардан түседі. Бұл туралы Ұлттық банк төрағасы Тимур Сүлейменов айтты.

Тимур Сүлейменовтің айтуынша, қазір қорда 87 млрд доллар қаржы жинақталған. Осы активтің жылдық 15 пайыз табыс алуы – Ұлттық қор тарихында бұрын-соңды болмаған көрсеткіш.

2024 жылғы 1 қаңтардан «Ұлттық қор – балаларға» жобасы басталды. Соған сәйкес Ұлттық қордың инвестициялық табысының 50%-ы 18 жасқа дейінгі балалардың есепшотына аударылады.

2024 жылы Ұлттық қордың 2023 жылғы инвестициялық табысынан әр балаға 100 доллардан аударылған. Ал былтыр...