Жаңалықтар

Еуразиялық экономикалық одақ елдерінің бюджетіне кедендік баждан түскен 15,2 млрд долларды құрады. Бұл рекордтық көрсеткіш деп хабарлайды Еуразиялық экономикалық комиссияның (ЕЭК) баспасөз қызметінен.

«Еуразиялық экономикалық одаққа мүше мемлекеттердің үкімет басшылары ЕЭК-тің кедендік баждарының сомасын мүше елдердің бюджеттері арасында бөлу және аудару туралы жыл сайынғы есебін қарады. Құжатқа сәйкес, 2024 жылы одақ елдерінің бюджетіне 15,2 млрд доллар түсті. Бұл 2023 жылмен салыстырғанда шамамен 3%-ға көп», – деп жазылған хабарламада.

ЕЭК атап өткендей, бұл көрсеткіш 2015 жылдан бері, яғни ЕАЭО-ны құру туралы шарт күшіне енгеннен бергі ең жоғары деңгей болды.

«Импорттық кедендік баж...

23 қазаннан бастап еліміздің барлық кинотеатрларында көптен күткен ерекше туынды – «Бақыт құшағында» фильмі көрерменге жол тартады. Бұл – қазақ тіліндегі алғашқы jukebox мюзикл және қазақ музыкасының алтын қорына енген Шәмші Қалдаяқов әндеріне құрылған жаңа форматтағы кино.

Фильм ұлы композитордың 95 жылдығына орай түсірілген. Фильмде Шәмшінің 12 әйгілі әні симфониялық оркестрдің сүйемелдеуімен қайта жазылып, актерлердің орындауында сахналанады. Көрермен ән мен бидің тоғысқан ерекше қойылымын үлкен экраннан тамашалай алады.

Туындының режиссері – New York Film Academy түлегі Санат Шапашов. Музыкалық продюсерлер – композитордың ұлы Мұхтар Қалдаяқов пен келіні Ботагөз Қалдаяқова.

Басты рөлдерді отандық театр мен киноның танымал жұлдыздары сомдайды: Дәурен...

Алматыда 15 тамызда найзағай ойнап, жел екпіні секундына 15-20 метрге дейін жетуі мүмкін. Синоптиктердің болжамына сүйеніп төтенше жағдайлар департаменті дабылды ескерту жариялады.

Ал қалада 16 тамызда өрт қаупі жоғары болады. Сол себепті департамент тұрғындарды ауа райын бақылап, қауіпсіздік шараларын сақтауға шақырды.

Оның ішінде тауға демалуға барғанда от жақпауды, тұтанған темекі қалдықтарын тастамауды сұрады.

«Құрғақ шөптерді әдейі қасақана өртейтіндер айрықша қауіп төндіреді, үй иелері мен бағбандар шабылмаған, ыстық күннен құрғаған шөп пен қоқысты жақын маңдағы аумақты ретке келтіру үшін әдейі жағады. 

Осыған байланысты төтенше жағдайлар департаменті алматылықтар мен қала қонақтарын ⁠қураған шөптерге темекі қалдықтарын тастамауға, құрғақ шөп...

Шымкент қаласында өтіп жатқан футбол орталықтары мен академияларының 2011 жылы туған балалар арасындағы чемпионатта «Тұран» және «Екібастұз» командаларының ойыны жаппай төбелеспен аяқталды.

Қазақстан футбол федерациясы (ҚФФ) бұл оқиғаны спорт құндылықтарына және футбол қағидаттарына мүлдем сай келмейтін әрекет деп бағалады. Ұйым мәлімдемесінде футболдың құрметке, әділ бәсекеге және Fair Play қағидаттарына негізделгенін атап өтті. Әсіресе, балалар мен жасөспірімдердің агрессиясы мен зорлық-зомбылығы – спорттық этика мен адами құндылықтарды өрескел бұзу болып саналады.

Оқиғаға қатысты төрешілердің хаттамалары мен бейнежазбалар ҚФФ-ның Бақылау-тәртіптік және этикалық комитетіне жолданды. Арнайы отырыс келесі аптада өтеді.

Федерация барлық кінәлілерге қатаң жаза қолданылатынын, тіпті футболдан өмір бойына шеттетуге дейінгі шаралар...

Қазақстанда басқа адамның электрондық цифрлық қолтаңбасын (ЭЦҚ) пайдаланғандарға жауапкершілік көзделген. Биыл көктемде бұл ереже қатаңдатылды, яғни айыппұл мөлшері ұлғайды.

Енді ЭЦҚ кілт иесі де, оның атынан қандайда бір қызметті жүзеге асырған адам да жауапкершілікке тартылады.

Басқа адамның ЭЦҚ-сын пайдаланғаны үшін айыппұл мөлшері: 

ЭЦҚ-ны үшінші тұлғаға берген иесіне салынатын айыппұлдар: 

Блогер Әлішер Елікбаев Мемлекеттік кірістер комитетімен соттасып, жеңіп шықты деген ақпарат шындыққа сәйкес келмейді. Сот ондай шешім шығарған жоқ. Блогердің мәлімдемесіне қатысты комитет арнайы жауап берді.

«Әлеуметтік желілерде блогер Әлішер Елікбаевтың мемлекеттік кірістер органдарын сотта жеңіп шыққаны жөнінде ақпарат таратылуда. Бұл шындыққа сәйкес келмейді.
Сот оның талабын мәні бойынша қараған жоқ және мемлекеттік кірістер органдарының әрекеттерін заңсыз деп таныған жоқ. 2025 жылғы 15 тамыздағы жағдай бойынша, мемлекеттік кірістер органдарының әрекеттерін заңсыз деп тану туралы немесе өзге де сот шешімдері мен жолданған хабарламалар жоқ», – деп жазылған ұйым таратқан мәлімдемеде.

Мемлекеттік кірістер органдары осыған дейін...

Алматыда әйел адамның үстіне бұтақ құлап қаза тапқаннан кейін оқиға болған Әди Шәріпов көшесінде ағаштарды кесу жұмысы басталды, деп хабарлады Tengrinews.kz.

Құрғақ бұтақтар қайғылы оқиға болған жердің дәл жанында – Әди Шәріпов пен Қарасай батыр көшелерінің қиылысында кесілген. Басылым жол жиегінде кесілген бұтақтардың жанында ұйып қалған қанның ізі көрінетінін жазды.

Алмалы ауданы әкімдігінің өкілі ағаштарды кесу жұмысы адам өліміне байланысты емес, тұрғындардың өтініші негізінде жүргізіліп жатқанын айтқан.

Оның ақпаратынша, үлкен әрі құрғақ бұтақтар екі жерде – Шәріпов пен Қарасай батыр көшелерінің қиылысында, сондай-ақ Шәріпов көшесінің бойында Қабанбай батыр мен Жамбыл көшелерінің арасында кесіледі.

Алматы әкімдігі Алмалы ауданында ағаштарды санитарлы...

АҚШ президенті Дональд Трамп 15 тамыз күні Аляска аумағында Ресей президенті Владимир Путинмен «көптен күткен» кездесу өткізетінін жариялады. Kursiv Media алыста жатқан аралдың ерекшеліктеріне тоқталып өтті.

Алясканың географиялық ерекшелігі

АҚШ-та көрші штаттармен шектеспейтін екі ғана штат бар – Гавай араладары және Аляска. Аляска – бір мезетте ең солтүстік, ең батыс және ең шығыс штат. Мұның себебі – Алеут аралдарының халықаралық күн ауысу сызығын кесіп өтуінде. Осылайша АҚШ-тың бір бөлігі Жапониядан да шығысырақ орналасқан.

Аумағы 1 723 000 км². 1867 жылы АҚШ Алясканы Ресейден небәрі 7,2 млн долларға сатып алған (қазіргі бағамен шамамен 162 млн доллар). Ал штат...

Миллионер және Qazaq Stroy құрылыс компаниясының иесі Нұрлан Артықбаев «Самұрық-Қазынаға» тиесілі газ өндіруші компанияның үлескері атанды. Бұл – Артықбаевтың мемлекеттік холдинг компанияларымен екінші әріптестігі.

Бұл жолы сөз шілде айында «Астана» қаржы орталығына тіркелген Taiqonyr Energy компаниясы туралы болып отыр. AFSA дерегінше, ұйымның меншікті капиталы – 44,2 млрд теңге. Ол «Маңғышлақ-Мұнай» және Qazaq Gaz арқылы «Самұрық-Қазынаға», сондай-ақ құрылтайшысы Артықбаев деп есептелетін Gas Solutions компаниясына тиесілі.

Өз кезегінде «Маңғышлақ-Мұнай» Түркістан облысындағы Придорожное кен орнында газ өндіруге жер қойнауын пайдалану құқығына ие.

Артықбаевтың «Самұрық-Қазынамен» тағы қандай байланысы бар?

2027 жылы «Самұрық-Қазынаның» басқа еншілес ұйымы, «Қазатомөнеркәсіп» Түркістан облысы Тайқоңыр ауылында жылына 800 мың тонна өнім өндіретін...

Жетісу облысының қылмыстық істер жөніндегі мамандандырылған ауданаралық соты Талдықорғанда қонаүйде болған қылмыстық іс бойынша үкім шығарды.

Істің мән-жайы

Мамыр айында сотталушы жеке шаруаларымен Талдықорған қаласына келіп, қонақүй нөмірін жалдайды. Келесі күні қонақүйдің мейрамханасында жеген тамағының ақысын төлей алмай, мейрамхана әкімшілігімен келесі күні төлейтін болып келіскен. Кейін сотталушыда қарызын қонақүйдің ресепшнінен ақша ұрлап қайтару туралы ой пайда болады.

Ойын іске асыру үшін қонақүй әкімшісі ұйықтап жатқанын көріп, электр жарығын өшіріп, тіркеу орны маңынан ақша іздей бастаған. Ақша таппаған соң, «Kaspi» банкінің төлем терминалын алып кетпек болады. Сол сәтте шудан оянған қонақүй әкімшісі бөлмесінен шығып, сотталушыны көріп, полицияға қоңырау...

Шымкент қаласының қылмыстық істер жөніндегі мамандандырылған ауданаралық соты қала әкімінің орынбасары Руслан Берденовке оқ атқан Ернар Жиембайға қатысты сот тергеуін жалғастырды. Сот басталғаннан айыпталушы тарап бірнеше талап-тілек түсірді.

Айыпталушының қорғаушысы Мұсақұлов сараптама қорытындысы бойынша үшінші және төртінші тұжырымдаманы алып тастау керектігін айтты. Оның сөзінше, тергеуші оқиға орнынан 5 дана оқ гильзасын алған.

«Тура осындай гильзаның бытырасын санау керек еді. Тергеуші ондай гильза табылмағандықтан, сарапшыға басқа оқ берген», – дейді адвокат Мұсақұлов.

Айыпталушы Жиембайдың әкесі әрі қоғамдық қорғаушысы Жиембай Пірәлиев қылмыстық іс біржақты жүргізілгенін байқаған. Оның айтуынша, іс бұрмаланған. Қылмыстық істі жүргізу кезінде өрескел қателіктер жіберілген.

Алматы облысында учаскелік полиция екі адамды құтқарып қалды. 14 тамызда Қарасай аудандық полиция басқармасына жедел жәрдем бригадасынан жеке үйлердің бірінде болған жанжал туралы хабарлама түсті.

Оқиға орнына бірінші болып учаскелік полиция инспекторы Бахыт Ғұмаров барған. Үйге кірген сәтте ол бір ер адамның екіншісіне ас үй пышағымен соққы жасап жатқанын көрген. Полицей қаруды қағып түсіріп, қайғылы жағдайдың алдын алды.

«Оқиға болған жерде бірнеше адам алкогольді ішімдік ішкен. Туындаған жанжал барысында солардың бірі етті шабуға арналған пышақпен жанындағы адамға бірнеше рет соққы жасаған. Үй иесі шабуылды тоқтатпақ болып, өзі де дене жарақатын алған», – деп хабарлады полиция.

12 тамыз күні украиналық қорғаушы Илья Забарный «Пари Сен-Жермен» клубымен 2030 жылға дейін келісімшартқа қол қойды. Трансфер кезінде «ПСЖ» Забарныйдың жайлылығы үшін ресейлік қақпашы Матвей Сафоновпен қоштасуы мүмкін деген ақпарат тараған еді.

Алайда ресейлік қақпашы да, украиналық қорғаушы да париждік клубта қалды. Забарный ресми таныстырылымнан кейін бірден жаттығуға кірісіп, сол күні-ақ Сафоновпен бірге алаңға шықты.

Әлеуметтік желідегі бейнежазба астындағы пікірлерде жанкүйерлер әзілдеп: «Бір күні ПСЖ-да орыс, украин және грузин жиналыпты», – деп жазуда. Мұндағы «грузин» деп отырғаны – клубтың жартылай қорғаушысы Хвича Кварацхелия.

Айта кетейік, ПСЖ жаңа маусымның басында алғашқы трофейін жеңіп алды. Париждік команда «Тоттенхэммен» Суперкубок үшін таласта...

Президент Қасым-Жомарт Тоқаев қыркүйектен бастап қай мамандық студенттері 84 мың теңге шәкіртақы алатынын айтты.

Мемлекет басшысы тамыз конференциясының пленарлық отырысына қатысып сөз сөйледі. Тоқаев биыл білім беру саласына 13 мыңнан астам грант бөлінгенін атап өтті.

«Педагог мамандығы бойынша оқып жатқан студенттердің шәкіртақысы бес жылда екі есе көбейді. Жаңа оқу жылынан бастап шәкіртақы 84 мың теңге болады. Осындай нақты шаралардың нәтижесінде жастардың мұғалім болуға ынтасы артып келеді»,– деп мәлімдеді Президент.

Сондай-ақ Тоқаев былтыр 1800-ге жуық «Алтын белгі» иегері педагог мамандығына оқуға түскенін еске салды. Ал биыл 2 мыңнан астам үздік түлек ұстаз мамандығын таңдап отыр.

Алматы прокуратурасы ПД Киберқылмыспен күрес басқармасымен бірлесіп алаяқтарға нөмір ауыстыруға көмектескен Ресей азаматын ұстағанын хабарлады.

Бәйтереков көшесіндегі пәтерде жүргізілген жедел іс-шаралар барысында Ресей Федерациясының 18 жастағы азаматынан «Sim-Box», қазақстандық ұялы байланыс операторларының 300-ден астам сим-картасы және басқа да жабдықтар тәркіленген.
 
«Sim-Box» жабдығы қылмыстық мақсатта телефон қоңырауларын жаппай жасау, жіберу, абоненттік нөмірлерді ауыстыру үшін кеңінен қолданылады.

Аталған фактіге қатысты қылмыстық кодекстің 213-бабы (Абоненттік құрылғының сәйкестендіру кодын өзгертуге арналған бағдарламаларды құқыққа сыйымсыз пайдалану) бойынша сотқа дейінгі тергеп-тексеру басталған.

Прокуратура 213-бап бойынша 5 жылға дейін бас бостандығынан айыру жазасы көзделгенін атап өткен.

Биыл осыған ұқсас 7 іс сотқа жолданса, оның 4-і бойынша үкім...

2024 жылдың наурызынан бері Алматыда Төле би бойында орналасқан City Center сауда орталығы сатылмай жатыр. Хабарландыру орталықты иеленетін Halyk Bank сайтында ілінген.

Банк коммерциялық нысанды 5,4 млрд теңгеге бағалап отыр. Бірақ жылжымайтын мүлік нарығындағы бағаға байланысты ол сома да өзгеруі мүмкін екенін хабарлайды.

Жалпы аумағы 12 244,9 шаршы метр болатын «City Center» сауда орталығы Төле би,136 мекен-жайында орналасқан. Оның 11 280,7 шаршы метрі саудаға арналған.

«Қабырға ғимараты кірпіштен. Кеңсе үй-жайларының ауданы – 694,1 шаршы метр, жер учаскесінің жалпы ауданы – 0,7377 гектар (немесе 73,7 сотық – Ред.)», – деп жазылған банк...

Түркістан облысы Мақтаарал ауданында 17 жастағы қыздың ата-анасы (аты-жөнін көрсетуден бас тартты – ред.) туысы әрі ауылдасы баласына зорлық-зомбылық көрсеткенін мәлімдеді.

Оқиға 2024 жылдың тамыз айында болған. Жетісай қаласынан ауылына қайтпақ болған қыз таксиге жалғыз отырған. Жол-жөнекей такси жүргізушісі оны сөзге тартқан. Көлік жүргізуді тегін үйрететінін айтып, сеніміне кірген.

«Бензин бағасын алып шықсаң болды, көлік жүргізуді тегін үйретемін деді. Ауылдың адамы әрі туысым болған соң мен келістім. Ауылға жеткенде өзім хабарласамын деді. Сөйтіп 2 күннен кейін хабарласты. Кешқұрым еді. Біздің жақта Мырзакент деген ауыл бар, сол жаққа көлік жүргізуді үйретті. Бірінші күні ештеңе демеді, тиіспед...

Президент «Педагог мәртебесі туралы» заңға ұстаз құқығын қорғау жөнінде өзгерістер енгізуді ұсынды.

«Мұғалімнің құқығын қорғау мәселесі әрдайым басты назарда болуға тиіс. Мен сөз басында ұстаздардың өз міндетінен тыс жұмыстардан босатылғанын айттым. Бірақ кейде жергілікті билік өкілдері заң талаптарын өрескел бұзып жатады. Прокуратура органдары мұндай заң бұзушылықтарға тосқауыл қоюы керек.

Сондай-ақ балаларға қатысты кез келген жазатайым жағдай үшін де мұғалімді жазалау орынсыз деп санаймын», – деді президент.

Мектептен тыс жерде, ата-аналардың жауапсыздығынан оқыс оқиға болса, оған ұстаз жауапты емес.

«Алматы облысында түлектер арасында болған қайғылы жағдай үшін директор мен мұғалімдер жауапқа...

Трамп отбасы Джо Байденнің ұлы Хантерді сотқа беріп, 1 млрд доллар өтемақы талап етпек. Бұған желідегі өсек түрткі болып отыр.

CNN ақпаратына қарағанда, Дональд Трамп жұбайы Меланияға Хантер Байденнің үстінен талап-арыз жазуды бұйырған.

Даудың бас

Өйткені Джо Байденнің ұлы АҚШ президенті мен бірінші ханымды сексуалды қылмыс жасағаны үшін сотталған Джеффри Эпштейн таныстырған деп мәлімдеген.

«Мені Меланиямен Джеффри Эпштейн таныстырған жоқ. Оның мүлде қатысы жоқ. Олар бәрін ойдан шығарып жатыр», – деп ақталды Дональд Трамп.

Бірінші ханым талабы

Дай-дамай Хантер Байденнің YouTube арнасына жарияланған сұхбатынан туындап отыр. Мелания Трамп болса...

«Қазақстанның Автокөлік Одағы» автомобиль саудасы бойынша шілде айының мәліметін жариялады. Одақ дерегінше,өткен айда 20 мыңнан аса жаңа көлік өткен, бұл маусыммен салыстырғанда 3,9% жоғары әрі жыл басталғалы тіркелген ең үздік нәтиже.

Атап айтқанда ресми дилерлер 20 165 жеңіл және коммерциялық техника сатқан. Жалпы жыл басынан бері 125 034 жаңа машина иесін тапқан, бұл былтырғы осы кезеңге қарағанда 23,4% көп.

ҚАО президенті Анар Мақашева шілдеде ең көп өткен 10 машинаның 8-і отандық өнім екенін айтады.

«Қазақстандықтар сапасы жоғары әрі заманауи қауіпсіздік талаптарына сәйкес келетіндіктен жаңа машина таңдайды. Десе де, автопаркті жаңарту шараларын қолдануды жалғастыру қажет», – дейді ол.

Үздіктер...

Ресей премьер-министрі Михаил Мишустин Қырғызстанға ресми іс-сапармен келді. Ол Қырғызстан преиденті Садыр Жапаровқа орыс тілі оқулықтарын сыйға тартты деп жазады TACC агенттігі.

Қос тарап кездесуде сауда айналымын арттыру, инвестициялық әріптестік мәселелерін талқылады. Михаил Мишустан екі ел арасындағы мәдени-гуманитарлық байланысқа мән беріп, тоғыз мектеп жобасына ерекше тоқталды.

«Біз мәдени-гуманитарлық байланысымызды дамытуға ерекше мүдделіміз. Сіздің Владимир Путинмен келісіміңізге сай Қырғызстанда екі елдің диплом стандартына тең болатын тоғыз орыс мектебін салу бойынша жүйелі жұмыс жүргізіп жатырмыз. Сізге орыс тілі қолданысына барынша назар салып жатқаныңыз үшін алғыс айтқым келеді. Осы сәтті пайдаланып, Садыр Нұрғожаұлы, сізге орыс тіл...

Қытай көліктерінің ғұмыры ұзаққа бармайды, оларды бір реттік өнім ретінде қарастыруға болады. Мұндай пікірді автосарапшы Жасұлан Оспанов айтты.

Оның айтуынша, Қытайдан келген арзан көліктер елдегі көлік бағасының едәуір құлауына себеп болды. Әсіресе эконом санттағы маркалардың құны күрт төмендеп кеткенін алға тартады.

«Қытай деген арзан көліктер. Олар Range Rover, Cadillac Escalade, Lamborghini сияқты қымбат көліктер сатпайды. Қытай нарыққа Toyota Camry, Hyundai Sonata сияқты эконом санаттағы көліктермен кірді. Нәтижесінде, дәл осы маркалардың бағасы төмендеді», – дейді сарапшы.

Zhassulan Ospanov қытайлық көліктердің сапасына әлі де күмәнмен қарайтынын жасырмады.

«Қытайлық көліктер – «одноразовый», бұл менің қазірг...

Президент Тоқаев тамыз конференциясында ұлттың жаңа сапасын қалыптастыру үшін нақты реформалар қолға алынғанын айтты.

Айтуынша, елдегі саяси жүйе толық жаңғырды. Ұлттық экономиканың жаңа бағдары айқындалды. Қоғам дамып, азаматтардың сана-сезімі өзгеріп жатыр.

«Мемлекеттік қызметте меритократия қағидаты басты орынға шықты. Билікте де «отбасылық жүйе» жоқ. Азаматтарды қызметке тағайындау кезінде ең алдымен олардың білімі мен кәсіби білігі ескеріледі», – деді Тоқаев.

Президент білім сапасын жақсарта түсу қажет екеніне де тоқталды.

«Қазір ғылым мен білім, технология өте жылдам өзгеріп жатыр. Кеше алған білімің ертең өзекті болмай қалуы мүмкін. Сондықтан мұғалімнің білікті болуы...

Президент Қорғаныс мнистрлігі мен Әскери теңіз күштерінде кадрлық өзгеріс жасады.

Президент өкімімінен Серік Жақсығалиұлы Борамбаев Қорғаныс министрінің орынбасары болып тағайындалды, ол бұрын атқарған Қарулы Күштердің Әскери-теңіз күштерінің бас қолбасшысы лауазымынан босатылды.

Ал Қазақстан Республикасының Қарулы Күштері Әскери-теңіз күштерінің бас қолбасшысы лауазымына Қанат Серікқалиұлы Ниязбеков тағайындалды.

Серік Борамбаев 1969 жылы 16 сәуірде Павлодар қаласында дүниеге келген. Киев жоғарғы әскери-теңіз политехникалық училищесін, РФ Әскери университетін, РФ Әскери университеті жанындағы адъюнктурасын, ҚР Ұлттық қорғаныс университеті жанындағы академиялық курсты тәмімдаған.

Қызмет жолын Каспий флотының корабльдер күзеті дивизионы саяси бөлімнің комсомолдық жұмыстар жөніндегі бастығының көмекшісінен бастаған. Әр түрлі жылдары Атырау облыстық әскери комиссариатында Әскери-теңіз...