Жаңалықтар

Бүгін телефондарымыз тынымсыз хабарламаларға толады. Kursiv LifeStyle Geocult.ru порталының нақты деректері негізінде 28 қаңтарға арналған жұлдызжорамалды ұсынады.

Тоқты

Марс сіздің энтузиазмыңызды арттыра түседі. Бизнесте ұжымдық ойлау алдыңғы қатарға шығады тапсырма бөлісуден қорықпаңыз. Кешкі уақыт тосын кездесулер үшін қолайлы, көңілді болатыны анық.

Торпақ

Ай белгіңізден шығып, тыныштық орнайды. Бүгін бәрін бақылауда ұстауға тырыспаңыз әріптестеріңізге бастама көтеруге мүмкіндік беріңіз. Ал жеке өмірде болашаққа қатысты жағымды әңгімелер күтіледі.

Егіздер

Құжаттар мен хат-хабарда ұсақ-түйекке мұқият болу маңызды. Қаржылық жағдай артық шығынға жол бермесеңіз тұрақты болады. Жеке өмірде ашық әңгіме түсініспеушіліктің алдын алады.

Шаян

Юпитердің кері қозғалысы өткенді сағындыруы мүмкін. Доллар...

Қазақстандық теннисші, әлемнің бесінші ракеткасы Елена Рыбакина Australian Open турнирінің ширек финалында әлемнің екінші ракеткасы, Польша өкілі Ига Швёнтекті сенімді түрде жеңді. Кездесу 7:5, 6:1 есебімен аяқталды.

Матч 1 сағат 35 минутқа созылды. Осы уақыт ішінде Рыбакина 10 эйс жасап, үш қос қателікке жол берді және жеті брейк-пойнттың төртеуін сәтті пайдаланды.

Бұл жеңіс Елена Рыбакина үшін «Үлкен дулыға» турнирлеріндегі төртінші жартылай финал болды. Australian Open-дегі екінші жартылай финал. Айта кетерлігі, қазақстандық теннисші турнир барысында бірде-бір сетте қарсыластарына мүмкіндік берген жоқ.

Australian Open–2026 жартылай финалында Рыбакина АҚШ өкілімен кездеседі. Джессика Пегула (WTA №6) мен Аманда Анисимова (WTA №4) арасындағы...

Қымыз Ресей тұрғындарының сүйікті сусынына айналды. 2025 жылы федерацияға 1,38 млн литр бие сүті сатылған. Бұл бір жыл бұрынғы көрсеткіштен 64,75%-ға көп. Бұл туралы Kursiv.Media Коммерсантъ мәліметіне сүйене отырып хабарлайды.

Айран одан да көп сатылып жатыр. Былтыр ресейліктер 35,4 млн литр айран, 23,5 млн литр тан сатып алған.

Ресейлік диетолог Владимир Сударев сұраныстың артуын халықтың дәруменге бай табиғи сусындарға көбірек қызыға бастағанымен түсіндіріп отыр. Оның айтуынша, қышқыл сусындарда бифидо және лактобактериялар бар. Олар ас қорытуды жылдамдатады.

Сонымен бірге, дәрігердің айтуынша, қымыз бен айран В дәрумені мен түрлі минералдарға (кальций, фосфор және басқа да микроэлементтер) бай. Олар...

Соңғы кездері мұғалімдер әлеуметтік желілер мен түрлі трендтерге тым әуестеніп кетті. Алайда педагогтер бұл пікірмен келіспейді. Олар бұл да білім бөлімдерінен түскен қосымша тапсырма екенін айтып шағымдануда. Мұғалімдер, әсіресе, пән апталығы, ашық сабақ және басқа да іс-шаралар өткізген соң, оның есебін әлеуметтік желідегі парақшаға жүктеуге мәжбүр болатынын айтады. Мұғалімдердің атқарған жұмысын әлеуметтік желіге жариялап, есеп беріп отыруы қаншалықты орынды. Kursiv.Media тілшісі мәселеге тереңірек үңіліп көрді.

Тапсырма үстіне, тапсырма келіп жатады…

Әлеуметтік желіге апталық өткізгенін дәлелдеп, оның есебін беріп отыру қазір мұғалімдердің күнделікті жұмысына айналған. Тіпті кей кезде, сабақ беру екінші жоспарға ығысатынын айтады.

Шарын мемлекеттік ұлттық табиғи паркі дала мысығы мен оның баласын бейнелейтін бірегей бейнежазбамен бөлісті.

Ұлттық парктің ресми парақшасында жария болған манул (дала мысығы) жер шарының ең құпия жабайы мысығы. Оны тікелей көру – миллионға бір мүмкіндік, ал отбасылық көріністі түсіру – үлкен ғылыми сәттілік.

«Видеода жабайы табиғаттың сирек кездесетін және сүйкімді сәттерінің бірі – марғаудың анасын іздеуі түсірілген. Кадрларда сақ әйелдің алдымен аумақты мұқият зерттейтіні көрінеді. Жақын жерде адам жоқ екеніне көз жеткізгеннен кейін, ол сигнал береді», – делінген хабарламада.

27 қаңтарда Жамбыл облысында қару ұстау кезінде жарақат алған сарбаздың қайтыс болуына байланысты сотқа дейінгі тергеу істері басталды, деп хабарлайды Бас прокуратура.

«27 қаңтарда Жамбыл облысында қаруды ұстау кезінде жарақат алған мерзімді қызметтегі әскери қызметшінің қайтыс болу фактісі бойынша ІІМ-нің әскери-тергеу органдары сотқа дейінгі тергеп-тексеруді бастады», – делінген хабарламада.

Істі Бас прокуратура жеке бақылауға алған.

Оқиғаның мән-жайын анықтауға үшін Қорғаныс министрінің орынбасары, Бас әскери прокурор және ІІМ Әскери-тергеу департаментінің бастығы оқиға орнына жолға шыққан.

Сонымен қатар бұл топқа алдына әскери бөлімдермен әскери тәртіптің сақталуы мен жеке құрамның қауіпсіздік талаптарының сақталуына жан-жақты тексеруді ұйымдастыру тапсырылды.

Таңертең барлық өңірде тұман болып, кейіннен елдің басым бөлігінде қар жауады. «Қазгидромет» 28 қаңтарға ауа райы болжамын ұсынды.

Екібастұз тұрғын үй коммуналды шаруашылық бөлімінің басшысының орынбасарын мас болып көлік жүргізгені үшін жұмыстан шығару ұсынылды. Айдын Қояғановтың теріс қылығы Мемлекеттік қызмет істері агенттігінің Павлодар облысы бойынша Әдеп жөніндегі кеңесінде қаралды, деп хабарлайды Pavlodarnews.kz.

2025 жылдың желтоқсанында Айдын Қояғанов мас болып көлік жүргізген. Полицейлер мемлекеттік қызметшіні өз үйінің ауласында тоқтатты. Полицейлердің айтуынша, ол орташа дәрежеде мас болған.

Әкімшілік сот шешімімен бұған дейін шенеунік 15 тәулікке қамауға алынып, жеті жылға көлік жүргізу құқығынан айырылған.

Әдеп жөніндегі кеңестің отырысында Айдын Қояғанов кешірім сұрап, жасаған ісі үшін барлық жауапкершілікті толық түсінгенін мәлімдеді.

«Сол күні менің балам ауырып қалды...

Айтыскер әрі психолог Айнұр Тұрсынбаева айтысқа оралды деуге болады. Бірақ «Жүрсіннің жүйріктері» секілді сахна төрінде отырып айтыспайды. Кейінгі күндері халыққа қатты ұнап жатқан жаңаша онлайн-айтыстың додасына сан жылдан бергі досы – Балғынбек Имаштың шақыруымен қосылды.      

Балғынбек Имаш осыдан бірнеше күн бұрын айтыстағы інілері – Жандарбек Бұлғақов пен Сырым Әуезханға Instagram арқылы ақыл айтып, рэп форматында жыр жолдаған еді. Жас әнші Еңліктің әндерінің мәтінін сынаған Жандарбекке тоқтау қою мақсатында жазылған әзіл шыны аралас жолдаудың соңы қызу айтысқа ұласып кетті. Жандарбек пен Сырым бір жақ болып, Балғынбек ағасына «қарсы» айтысқан. Жастарға қауқары жетпеген ақын Айнұр Тұрсынбаеваны көмекке шақырған еді. Оқырманға онлайн айтыс...

Ауа райының қолайсыздығына байланысты 28 қаңтарда Астанадағы бастауыш сынып және 5,6-сынып оқушылары бірінші ауысымнан бастап онлайн сабаққа көшеді.

«2026 жылдың 28 қаңтарында бірінші ауысымның 0-6 сынып оқушылары қашықтықтан оқыту форматына көшеді», — делінген елордалық білім басқармасының хабарламасында.

Мұғалімдерге бекітілген кесте бойынша онлайн сабақтар ұйымдастыруға, ал ата-аналарға балаларға үйден оқуға қажетті жағдай жасауға кеңес беріледі.

Сонымен қатар «Қазгидромет» 28 қаңтарда желдің күшейіп, тұман мен көктайғақ болатынын болжады. Көптеген аймақтарда дауылды алдын ала ескерту жарияланды.

Ресей еңбек мигранттарының отбасына медициналық сақтандыру жасаудан бас тартқаны үшін Қырғызстан ЕАЭО сотына талап арыз түсірді.

Бұл туралы Қырғызстан Міндетті медициналық сақтандыру қорының төрағасы Азамат Мұқанов Жогорку Кенештің Еңбек, Денсаулық сақтау, Әйелдер істері және әлеуметтік мәселелер жөніндегі комитетінің отырысында мәлімдеді, деп хабарлайды 24.kg.

Депутаттар еңбек мигранттарын Ресейде медициналық көмекпен қамтамасыз ету қалай жүріп жатқанына қызығушылық танытты. Мұқанов ЕАЭО елдері арасында еңбек мигранттары мен олардың отбасыларына міндетті медициналық сақтандыруға қол жеткізуге кепілдік беретін келісім бар екенін атап өтті.

«Бүгінгі таңда Ресей еңбек мигранттарының отбасы мүшелеріне сақтандыру жасаудан бас тартып, осы Келісімнің 96-97-баптарын бұзуда. Сондықтан Қырғызстан ЕАЭО...

Шымкенттегі №59 «Айша» мемлекеттік балабақшасында түсірілген видео әлеуметтік желіде тарап, қызу талқыланып жатыр. Онда бейнебақылау камерасын тексерген ата-аналар тәрбиешінің әрекетінен шошынды.

«Не істеп жатыр? Инені тығып жатыр. Міне, ине бар қолында. Балаларды қорқытып-үркітіп, психологиялық қысым жасаған. Балаларымызды қайда жіберіп жүрміз?», – дейді жылаған ата-аналар.

Желіге тараған видеоға қатысты түрлі пікір жазылды. Бірі тәрбиешіні жақтаса, енді бірі сөкті. Қоғамдық талқылауға түскен соң, кешке жақын оқиғаға қатысты қалалық полиция департаменті мен қалалық білім басқармасы пікір білдірді.

Қаржы министрлігі Ішкі мемлекеттік аудит комитеті профилактикалық бақылау барысында Алматы халықаралық әуежайының қаржылық қызметінде бірқатар қателікті анықтады.

Тексеру нәтижесінде акционер емес заңды тұлғаға 6,8 млрд теңге көлемінде дивиденд заңсыз төленгені белгілі болды. Аталған жағдай стратегиялық нысанның активі мен даму әлеуетіне кері әсер етіп, қаржылық тұрақтылығын әлсіреткен.

«Жүргізілген аудит қорытындысы бойынша заңсыз төленген қаражат толық көлемде әуежайдың есепшотына қайтарылды. Бұл қаражат Алматы халықаралық әуежайын дамытуға, жолаушыларға көрсетілетін қызмет сапасы мен сервисті жақсартуға бағытталатын болады», – делінген комитет ақпаратында.

Комитет төрағасы Ержан Мыңжасаровтың айтуынша, 2025 жылы енгізілген жаңа тәсілдер бақылау органдарының жұмысын жаппай тексеруден нақты, атаулы...

Атырау облысында жаңа битум зауыты пайда болды. Жоба бойынша инвестициялық шартқа Астанада өткен Қазақстан-Израиль бизнес-форумында қол қойылды.

«Kazakh Invest» ұлттық компаниясының хабарлауынша, форумға 30-дан астам израильдік компанияның өкілдері қатысты. Шара Израиль Сыртқы істер министрі Гидеон Саардың Қазақстанға ресми сапары аясында өтті.

Сыртқы істер министрінің орынбасары Әлібек Қуантыров атап өткендей, өткен жылдың 11 айының қорытындысы бойынша Қазақстан мен Израиль арасындағы тауар айналымы 162 млн долларды құрады, алайда тараптар ынтымақтастықтың өсу әлеуетін көріп отыр.

«Қазақстан мен Израиль көптеген бағыттар бойынша бірін-бірі толықтырады – аграрлық технологиялар мен азық-түлік қауіпсіздігінен бастап цифрлық шешімдер мен су ресурстарын басқаруға дейін. Біз...

Жасанды интеллект министрлігінің Аэроғарыш комитеті Байқоңырдың туристік бағдарламасын таныстырды. Ол қалада рұқсаттама алу үшін Визит-орталық, балаларға арналған Ғарыш лагері мен демалыс күндері турлар құруды көздейді, деп хабарлайды «ҚазАқпарат«.

Байқоңырда алғаш рет ресми сапар орталығы пайда болады. Ол Төретам ауылында – қалаға кіре берісте орналастырылады. Онда туристер, оқушылар және шетелдік делегациялар ғарыш объектісіне рұқсаттама рәсімдеп, маршруттар мен экскурсиялар бойынша ақпарат ала алады.

Сондай-ақ, Байқоңырда «Балалар ғарыш лагерін» ашу жоспарлануда. Оқушылар ғарыш объектілерінде зымыран модельдеуді, ғарыш тарихы мен инженерлік технологияларды зерттей алады.

Сонымен қатар, демалыс күндері тур ұсынылып, онда ғарыш айлағына бару оңайырақ болады. ҚазҒарыш бағдарламасы Байқоңыр ғарыш айлағына өту жүйесін...

Алматы облысының Қарасай ауданында полиция қызметкерлері 31 жастағы жергілікті тұрғынды ұстап, уақытша ұстау изоляторына қамады, деп хабарлайды өңірлік полиция департаменті.

Ақпаратқа сүйенсек, тексеру барысында ер адам мен оның жұбайы арасында тұрмыстық жанжал болғаны анықталған. Ол әйелін және оның анасын соққыға жығып, кейіннен бұл бейне жазба желіде таралып кеткен.

Оқиға салдарынан әйелі мен оның анасы дене жарақаттарын алған, сондай-ақ олардың мүлкіне қасақана зақым келген.

Аталған факті бойынша полиция Қылмыстық кодекстің екі бабы бойынша қылмыстық іс тіркеді. Қазіргі уақытта тергеушілер оқиғаның мән-жайын жан-жақты анықтауға бағытталған қажетті тергеу жүргізуде.

Полиция ақпаратынша, тергеу қорытындысы бойынша күдіктінің әрекетіне қолданыстағы заңнама талаптарына сәйкес қатаң құқықтық баға...

2025 жыл Орталық Азия үшін тек күнтізбелік кезең емес, аймақтық экономиканың сапалы жаңа деңгейге көтерілген айрықша белесіне айналды. Соңғы сараптамалық деректерге сүйенсек, өңір елдерінің жалпы ішкі өнімінің (ЖІӨ) көлемі мен оның өсу динамикасы әлемдік турбуленттілікке қарамастан, тұрақтылық пен ішкі резервтердің әлеуетін паш етіп отыр. Өткен жылдың соңына қарай Орталық Азияның бес елінің (Қазақстан, Өзбекстан, Түрікменстан, Қырғызстан және Тәжікстан) жиынтық номиналды ЖІӨ көлемі алғаш рет 500-550 млрд доллар аралығындағы межені бағындырды.

Экономикалық көшбасшылық: Қазақстанның 500 млрд долларлық межесі

Аймақтың экономикалық локомотиві ретіндегі Қазақстанның орны бұл жолы да айқын. 2025 жылдың қорытындысы бойынша елдің ЖІӨ көлемі 300 млрд долларлық тарихи межеге...

Президент Қасым-Жомарт Тоқаев Конституциялық комиссияның төрағасы – Конституциялық сот төрағасы Эльвира Әзімованы қабылдады.

Ақорданың хабарлауынша, кездесуге Конституциялық комиссия төрағасының орынбасары – мемлекеттік кеңесші Ерлан Қарин және аонституциялық комиссия мүшесі – президенттің құқықтық мәселелер жөніндегі көмекшісі Ержан Жиенбаев та қатысқан.

«Мемлекет басшысына Конституциялық комиссияның бұған дейін өткен отырыстарының нәтижесі туралы мәлімет берілді. Эльвира Әзімова комиссия қызметінің ашықтығын қамтамасыз ету мақсатында барлық отырыс медиа кеңістікте, соның ішінде арнайы телеграмм арналары арқылы тікелей көрсетіліп жатқанын баяндады», – деп хабарлады Ақорда.

Әзімова жарты жыл бойы Конституциялық реформаларды қоғамдық талқылау өткізілгенін айтқан.

«Электронды платформаға азаматтардан, құқықтанушы ғалымдардан...

Есірткі сатқаны үшін жеті жылға сотталған Орал тұрғыны қамаудан босатылды. Бұған тергеу әрекеттеріндегі заң бұзушылықтар себеп болған.

Ер адам психотроптық заттарды заңсыз сатып алу, сату мақсатында сақтағаны үшін сотталған. Апелляциялық сатыда үкім заңға сәйкес деп тапқан.

Іс кассациялық сатыда қаралып, қылмыстық істі тергеп-тексеру барысында құқық қорғау органы тарапынан заңсыз әрекеттер жасалғанын анықтаған. Оның ішінде сотталғаннан табылған заттар туралы үш хаттаманың мазмұны әртүрлі болған.

Сот қаулысы жоқ екеніне қарамастан, тергеушілер тінту жүргізген. 21 түйіншек есірткі табылды делінген сәт видеоға түсірілмеген. Заң талабы бұзылғандықтан, табылған заттардың заңды күші болмайды.

Осылайша сот бұған дейін шыққан үкімнің күшін жойып, ер адамды қамаудан босатты. Енд...

Оқу-ағарту министрі Жұлдыз Сүлейменова Ыбырай Алтынсарин атындағы Ұлттық білім академиясының президенті Нәзипа Аюбаеваның қызметтен кету себебін түсіндірді.

Министрдің айтуынша, академия басшысы бұл шешімді өзі қабылдаған.

«Ол өз шешімімен кетті. Бұған дейін үш пәнді біріктіру бойынша реформаны тоқтатуға қатысты ұсыныс айтылды. Ол ұсынысқа президенті (академия) көнбеді. Қабылданған шешімді өзгертпеуіне байланысты және өзі осындай шешім қабылдады», – деді Сүлейменова.

Министр командасы жоқ екенін, кеңесшісі, көмекшісін қосқанда бес адаммен ғана келгенін айтады. Кейбір азаматтар айтқандай кадрларды ауыстыру толқыны байқалмайтынын атап өтті.

«Менің командам жоқ. Мен көмекші және кеңесшімен келдім. Небәрі 5 адам. Ал қазірг...

Ақмола облысының Щучинск қаласындағы Шоқан Уәлиханов атындағы Қорғаныс министрлігінің Әскери колледжінде қызылша ауруының таралуына байланысты карантин енгізілді.

Оқу орны әкімшілігінің мәліметінше, каникулдан кейін бірнеше кадеттен жұқпалы аурудың белгілері анықталған. Алдын ала болжам бойынша, инфекция сырттан әкелінген.

«Бүгінгі таңда 66 кадет бейінді медициналық ұйымның бақылауында. Екі жағдайда ауру асқынумен өтуде, науқастар мамандандырылған медициналық көмек алуда, олардың жағдайы тұрақты, оң динамика байқалады. Колледжде байланыста болған тұлғалар анықталып, оқшауланды. Барлық пациенттерге қажетті медициналық көмек көрсетілуде, олардың денсаулық жағдайы тұрақты деп бағаланады, – делінген хабарламада.

Қазіргі уақытта колледжде карантин режимі енгізіліп, санитарлық шаралар күшейтілді, сондай-а...

Үкімет отырысында Оқу-ағарту министрі Жұлдыз Сүлейменова «Қазақстан балалары» тұжырымдамасын таныстырды. Бұл бағдарламаға бюджеттен 1,3 трлн теңге бөлінген.

Тұжырымдама негізінен төрт бағыттан тұрады. Олар: балалар қауіпсіздігі, білім, денсаулық, отбасы және әлеуметтік қорғаудағы құқықтары. Осының аясында 158 іс-шара жоспарланған.

Маңызды өзгерістің бірі – елдегі психологиялық қолдау орталықтарының пайда болуы. Қазір елімізде 20 психологиялық қолдау орталығы жұмыс істейді. Осы жылы зорлық-зомбылыққа ұшыраған балалар үшін тағы 40 көмек кабинетін ашу жоспарланған. Барлық мектепке педагог-психолог сағаты енгізіледі.

Одан бөлек білім беру мекемелері техникалық қауіпсіздік жабдықтарымен толық жабдықталуына көңіл бөлінеді. Сүлейменованың сөзінше, жазғы лагерьлердің қызметін лицензиялау 2026 жылдың 1 сәуірінен, ал мектепке дейінгі мекемелерд...

Қақпашы Темірлан Анарбеков «Қайрат» футбол клубымен келісімшартты тағы үш жылға созды. Ол 2028 жылғы қарашаға дейін алматылық команда қақпасын қорғайды. Бұл туралы Kursiv.Media ФК таратқан мәліметке сүйене отырып хабарлайды.

«Қайрат» клубының баспасөз қызметі таратқан шағын ақпаратты келісімшарт құны туралы ештеңе айтылмаған.

Бұған дейін жанкүйерлер Анарбековті Еуропадағы азулы клубтардың бірі сатып алуы мүмкін деп болжаған. Дегенмен голкипердің ауысуы туралы әңгімелер қауесет күйінде қалды: Темірлан Алматыдан ешқайда кетпейтін болды.

Анарбеков «Қайрат» сапындағы алғашқы матчын 2020 жылғы 30 қарашада өткізген. «Таразға» қарсы ойынға шыққан уақытта голкипер бар болғаны 17 жаста еді. Қазір ол 22 жаста.

Темірлан 2025-2026 жылдары «Қайратты...

Зайсанда салынып жатқан жаңа әуежай 2026 жылдың жазында ашылады. Бұл туралы Үкімет отырысында Көлік министрі Нұрлан Сауранбаев мәлімдеді. Жоба бойынша бас мердігер – Мәжіліс депутаты Ұлықбек Тұмашиновтың жұбайы Сәуле Тұмашиноваға тиесілі «Элхон» компаниясы.

Биыл құрылысы аяқталатын әуежайлар

Министрдің айтуынша, 2026 жылы бірнеше әуежайдың құрылысы толық аяқталады. Атап айтқанда, Катонқарағай, Кендірлі мен Арқалықта салынып жатқан жаңа әуежай пайдалануға беріледі.

Сонымен қатар биыл Павлодар әуежайының ұшу-қону жолағын реконструкциялау, Ақтауда перронды жөндеу, сондай-ақ Атырау әуежайының терминалын жаңғырту жұмысы басталады.

Зайсан әуежайын кім салып жатыр

Зайсан мен Катонқарағай әуежайының құрылысына бас мердігер ретінде «Элхон» компаниясы тартылған. Компанияның құрылтайшылары – Сәуле Тұмашинова мен...