Жаңалықтар

2025 жылы Ұлттық қорға 10,2 трлн теңге түскен. Алайда бюджет тапшылығын жабу үшін былтыр 5,25 трлн теңге алынған. Сонымен қатар қорды басқаруға және жыл сайынғы сыртқы аудитті жүргізуге 54 млрд теңге жұмсалған. Нәтижесінде қор активтері бір жылда шамамен 4,9 трлн теңгеге өсіп, 39,6 трлн теңге болды.

2026 жылдың 1 қаңтарына жасалған ресми есеп Ұлттық қордың 2025 жылы екі түрлі функцияны қатар атқарғанын көрсетеді. Бір жағынан, қор республикалық бюджеттің әлеуметтік және экономикалық міндеттемелерін қаржыландыруға пайдаланылса, екінші жағынан, инвестициялық табыс арқылы өзінің жинақтаушы рөлін сақтап қалды.

Есепті кезеңнің басында Ұлттық қорда 34,7 трлн теңге болған. Жыл ішінде қорға...

2026 жылдан бастап Қазақстанда медицина қызметкерлерінің жалақысы өсіп, олардың құқықтық қорғалуы күшейтіледі. Бұл туралы денсаулық сақтау бірінші вице-министрі Тимур Сұлтанғазиев мәлім етті.

Денсаулық сақтауға бөлінетін қаржы

Сұлтанғазиевтің айтуынша, соңғы жылдары денсаулық сақтау саласына бөлінетін мемлекеттік шығындар шамамен үш есе өсіп, 2025 жылы 3 трлн теңгеге жеткен.

«Мемлекет басшысының тапсырмасы бойынша жүзеге асып жатқан ауылдық денсаулық сақтау саласын жаңғырту жөніндегі ауқымды жоба аяқталуда. Қазірдің өзінде ауылдық жерлерде 650-ден астам медициналық нысан пайдалануға берілді, бұл қала мен ауыл арасындағы алшақтықты едәуір азайтты», – деп атап өтті вице-министр.

Жаңа нысандар

Вице-министрдің сөзінше...

Қостанай өңірінің басты футбол командасы жаңартылған логотипін көпшілікке ұсынды. Жаңа нұсқада клуб атауы «Тобол» емес, «Тобыл» деп таза қазақ тілінде жазылды.

Клуб баспасөз қызметінің мәліметінше, бұл – уақыт талабына сай жасалған ұқыпты әрі байыпты жаңарту. Жаңартылған логотипте жанкүйерлерге бұрыннан таныс негізгі элементтер мен символика сақталған.

«Жаңа логотип клубтың тарих сабақтастығын және алға ұмтылысын бейнелейді. Онда өткенге деген құрмет пен болашаққа бағытталған көзқарас қатар көрініс тапқан. Құндылық сақталды. Құрамы өзгерді. Заманауи нұсқа», – деп жазды «Тобыл» футбол клубы әлеуметтік желідегі ресми парақшасында.

Бұған дейін «Тобыл» мен Қазақстан құрамасының футболшысы Ислам Чесноков еуропалық клубқа ауысқаны...

Қазақстандық теннисші Елена Рыбакина Аустралияның Брисбен қаласында өтіп жатқан WTA 500 санатындағы турнирдің 1/8 финалында өнер көрсетті.

Sports.kz хабарлауынша, бұл жолы қазақстандық спортшының қарсыласы әлемнің бұрынғы екінші ракеткасы, испаниялық Паула Бадоса (25-орын) болды. Кездесу нәтижесінде Рыбакина екі сетте жеңіске жетті – 6:3, 6:2. Теннисшілер кортта 1 сағат 26 минут ойнады.

Осылайша, Елена Рыбакина ширек финалға жолдама алып, онда Чехия өкілі Каролина Мухова (20-орын) мен ресейлік Екатерина Александрова (10-орын) арасындағы матчтың жеңімпазымен кездеседі.

Айта кетейік, биыл Брисбендегі турнирдің жүлде қоры 1 691 602 АҚШ долларына жетті. Турнир жеңімпазы 214 530 доллар табыс тауып, рейтингке 500 ұпай қосады. Елена Рыбакина...

Chevron компаниясы Венесуэлада мұнай өндіру лицензиясын кеңейту мақсатында АҚШ үкіметімен келіссөз жүргізіп жатыр. Бұл туралы Reuters жағдаймен жақсы таныс төрт дереккөз мәліметіне сүйене отырып хабарлады.

Chevron – Венесуэлада жұмыс істейтін жалғыз ірі америкалық компания. АҚШ үкіметі оған осы елде жұмыс істеуге рұқсат беріп, санкциялардан босатқан. Дегенмен Дональд Трамп әкімшілігі 2024 жылғы маусым айында, Венесуэла президенті Николас Мадуроға қысымды күшейту үшін, Chevron лицензиясына қосымша шектеу енгізген. Соған байланысты компанияның мұнай экспорты тәулігіне 100 мың баррельге дейін азайған.

Вашингтон рұқсат берсе, мұнай гиганты бұрынғы өндіріс көлеміне қайта оралады.

Вашингтон басқа да америкалық компанияларды Венесуэладан мұнай экспорттау ісіне тартуды көздеп отыр. Оларды...

Мәжіліс депутаты Асхат Аймағамбетов Мемлекет басшысы жақында қол қойған тарихи-мәдени мұра объектілерін қорғау туралы заң нақты қандай мәселелерді реттейтінін айтып берді.

Депутат тарих факультетінің студенті болып жүргенде археология дәрістерін тыңдап, кейін қазба жұмыстарына қатыса жүріп, ең алдымен қаншама құнды тарихи ескерткіштердің жоғалып кеткеніне қынжылғанын айтады. Ол кезде болашақта тарихи-мәдени мұра объектілерін қорғауға арналған заң жобасының авторларының бірі боламын деп ойламаған.

Аймағамбетов заңның негізгі жаңашылдықтарын атап өтті.

Лицензиялардың жаңа түрлері енгізіліп, олардың қолданылу мерзімі белгіленді, алу талаптары күшейтілді. Бұған дейін археологиялық және реставрациялық жұмыстардың барлық түріне бір ғана мерзімсіз лицензия берілетін. Бұл жеткілікті құзыреті жоқ ұйымдардың да жұмыс...

2025 жылдың қаңтар-қараша айлары аралығында Қазақстан алтын сатып алу бойынша әлемде екінші орынға көтерілді. Бұл туралы Дүниежүзілік алтын кеңесі (World Gold Council) хабарлады. Осы 11 айдың ішінде Қазақстан Ұлттық банкі 49 тонна алтын сатып алып, тек Польшаға жол берген. Польша аталған кезеңде қорын 80 тонна алтынмен толықтырған.

Алтын нарығындағы белсенділік жаһандық деңгейде орталық банктердің алтынға деген қызығушылығы әлі де жоғары екенін көрсетеді. Дегенмен 2025 жылдың қараша айында алтын сатып алу көлемі қазанмен салыстырғанда біршама төмендеген. Дүниежүзілік алтын кеңесінің дерегінше, қараша айында әлемнің орталық банктері 45 тонна алтын сатып алған.

Қарашада Қазақстан Ұлттық банкі ең ірі сатып...

Актер әрі ММА шебері Еркебұлан Тоқтар Бота Миа атымен танымал блогер Ақбота Нұрақынмен арадағы қарым-қатынасқа қатысты желіде тараған қауесеттерге жауап берді. Әлеуметтік желідегі парақшасында видеолар жарнамалық түсірілім екенін мәлімдеді.

«Реклама түсіріп жүрміз, не болды сооонша», – деп жазды Еркебұлан Тоқтар.

Бұған дейін Еркебұлан блогер Ақбота Нұрақынға гүл сыйлап, күтіп жүрген сәттерін көрсеткен видеоларын жариялаған еді. Сол жазбалардан кейін желі қолданушылары екеуін жұп деп ойлап болжам жасаған.

Алайда жуырда жарияланған жаңа видеоларда Еркебұлан Тоқтар мен Бота Мианың бірге жаттығу жасап жатқаны, сондай-ақ кинода құшақтасып отырған кадрлары көрсетілді. Аталған бейнематериалдар «Ғашықпын саған» фильміне...

Шатырдан түсе алмай қалған мысыққа құтқарушылар көмекке келді. Бұл туралы Қызылорданың төтенше жағдайлар департаменті хабарлады.

«Бүгін түнде Қызылорда облысы ТЖД-ның 112 пультіне Қызылорда қаласындағы Жельтоксан көшесінде орналасқан сауда үйінің шатырында төрт тәулік бойы өздігінен түсе алмай отырған мысық бар екені туралы хабарлама түсті. Жануарды құтқару үшін құтқарушылардың көмегі қажет болды», – делінген хабарламада.

Оқиға орнына ТЖМ Жедел-құтқару жасағының қызметкерлері жедел жеткен. Құтқарушылар үш буынды саты орнатып, мысықты ғимарат шатырынан абайлап түсіріп алған.

Құтқарылған жануар иесіне тапсырылды.

Тұрғындар құтқарушыларға қошемет көрсетіп, алғысын білдірген.

Ал Талдықорғанда құтқарушылар бес қабатты үйдегі өрттен жеті баланы алып...

АҚШ Мемлекеттік департаменті азаматтарынан АҚШ визасын алу үшін кепілдік жарна талап етілетін мемлекеттердің тізімін жариялады. Жаңа ережелер кей елдер үшін 2026 жылғы 21 қаңтардан бастап немесе одан ертерек күшіне енеді.

Виза алу үшін кепілдік төлеуі керек елдер: Алжир, Ангола, Антигуа және Барбуда, Бангладеш, Бенин, Бутан, Жаңа Зеландия, Бурунди, Кабо-Верде, Орталық Африка Республикасы, Кот-д’Ивуар, Куба, Джибути, Доминика, Фиджи, Габон, Гамбия, Гвинея, Гвинея-Бисау, Қырғызстан, Малави, Мавритания, Намибия, Непал, Нигерия, Сан-Томе және Принсипи, Сенегал, Тәжікстан, Танзания, Того, Тонга, Түрікменстан, Тувалу, Уганда, Вануату, Венесуэла, Замбия және Зимбабве.

Иммиграция және азаматтық туралы заңға сәйкес, осы елдердің B1/B2 визасына үміткер азаматтары 5000-нан 15000 долларға дейін көлемде кепілдік жарна төлеуі тиіс. Нақты...

Алматы маңындағы тас жолда болған жантүршігерлік жол-көлік апатында Үндістан студенттері қаза тапты.

Tengrinews.kz хабарлауынша, қайғылы оқиға 6 қаңтар күні болған.

Астанадағы Үндістан елшілігінің мәліметінше, көлікте Үндістанның бес азаматы болған. Олардың төртеуі – Шымкент қаласындағы Оңтүстік Қазақстан медицина академиясының студенттері, біреуі – турист. Олар Шымкенттен Алматыға қарай жолға шыққан.

«Өкінішке қарай, екі адам оқиға орнында көз жұмды. Тағы үшеуі ауыр жарақат алып, қазіргі уақытта жансақтау бөлімінде ем қабылдап жатыр», – деп хабарлады елшілік.

Үндістан елшілігі Оңтүстік Қазақстан медицина академиясының қаза тапқан студенттерінің отбасыларына көңіл айтып, олардың Раджастхан штатынан шыққанын мәлімдеді.

Мұның алдында Ақтауда автокөлік теміржол өткелінде...

Танымал әнші Төреғали Төреәлінің қарындасы Дина Төреәлі үшінші баласын дүниеге әкелді. Қуанышты жаңалықты өзінің Instagram парақшасында бөлісті.

Дина Төреәлі жариялаған жазбасында алғашқы екі ұлдан кейін дүниеге келген қызына арнап «Қош келдің, қызым» деп жазған.

Айта кетейік, Дина Төреәлі 22 жаста. Осыған дейін Ибраһим және Ерманби есімді екі ұлды дүниеге әкелді. Ал жаңа туған сәби отбасының тұңғыш қызы.

АҚШ президенті Дональд Трамп 66 халықаралық ұйымдағы мүшелігін тоқтату туралы меморандумға қол қойды. Бұл туралы Deutsche Welle жазады.

Материалда аталған ұйымдардың 31-і БҰҰ аясында, ал өзгелері оның сыртында жұмыс істейтіні айтылған.

АҚШ шығатын халықаралық ұйымдардың тізімі Ақ үйдің сайтында қолжетімді. Олардың қатарында Украина ғылыми-технологиялық орталығы (УНТЦ), Венеция комиссиясы, БҰҰ Бас хатшысының балаларға қатысты зорлық-зомбылық мәселелері жөніндегі арнайы өкілінің кеңсесі, БҰҰ Демократия қоры және басқалары бар.

«АҚШ Мемлекеттік хатшысы Марко Рубионың сөзінше, Дональд Трамп әкімшілігі бұл ұйымдарды «ысырапшыл, тиімсіз, зиянды», «нашар басқарылатын», «артық» немесе «мемлекеттік егемендік, бостандық пен ортақ өркендеуге қауіп төндіретін» құрылымдар деп таниды.

2024 жылы Трамп АҚШ-тың Дүниежүзілік денсаулық сақтау ұйымынан кететінін мәлімдеген...

Венесуэла ішкі істер министрі Диосдадо Кабельо АҚШ-тың президент Николас Мадуроны ұстау мақсатында жүргізген шабуылынан 100 адам қаза тапты деп мәлімдеді. Бұл туралы Reuters хабарлады.

Каракас бұған дейін нақты қанша адам өлгені туралы ресми мәлімет таратпаған, бірақ армия 23 жауынгердің есімін жариялаған.

Венесуэла шенеуніктері Мадуро қауіпсіздігін қорғаушылардың басым бөлігі «аяусыз өлтірілгенін» хабарлады. Бұл уақытта Куба билігі де Венесуэладағы жауынгерлері мен барлау бөлімінің қызметкерлері қаза тапқаны туралы жариялаған.

Министр Кабельоның айтуынша, Мадуроның әйелі Силия Флорес америкалық рейд барысында басынан жараланған. Бұған қоса, президенттің аяғына зақым келгені мәлім болды.

Осының алдында ғана Венесуэла президенті міндетін атқарушы Дельси Родригес АҚШ операциясы кезінде қаза тапқандарды...

Атырау облысы Қызылқоға ауданына қарасты Жангелдин ауылында жоғалған отбасына қатысты жаңа деректер белгілі болды. «Ақ Жайық» басылымының хабарлауынша, төрт ересек адамның жоғалуына марқұмдардың күйеу баласы басты күдікті ретінде танылып отыр.

Алдын ала мәлімет бойынша, негізгі күдікті 29 жастағы Сұлтан Сәрсемәлиев. Қаза тапқан Қарабалиндер әулетінің күйеу баласы. Тергеу аясында оның анасы да жауапқа тартылды. Бірақ құқық қорғау органдары пайдалы ақпарат ала алмаған. Сонымен қатар марқұмдардың үлкен қызы, Сұлтанның жұбайы Ақбаян да әлі күнге дейін хабар-ошарсыз кеткендер қатарында.

Отбасына жақын дереккөздің айтуынша, Сәрсемәлиев отбасы діндар болған, ешкіммен араласпаған.

«Олар ешкіммен араласпайтын, үйден сирек шығатын. Бес баланы...

8 қаңтарға қараған түні Алматы қаласы Солтүстік айналым тас жолында орналасқан қойма өртенді. Бұл туралы Төтенше жағдайлар министрлігі хабарлады.

Өрт сөндірушілер оқиға орнына жеткен уақытта қойманың ашық жалынмен өртеніп жатқаны анықталды. Өрт сөндіру штабы құрылды. Оны сөндіруге 85 адам мен 22 бірлік техника жұмылдырылды.

Сол жерде үш жауынгерлік учаске ұйымдастырылды. Өртті сөндіруге ТЖМ автопойызы тартылды.

Түнгі сағат екіде ТЖМ күштері өртті оқшаулады. Ал таңғы сағат жетіде өрт толық сөндірілгені хабарланды.

Тілсіз жау 1900 шаршы метр алаңды шарпыды. Құтқарушылар өрттің жанындағы ғимаратқа таралуына жол бермеді. Зардап шеккендер туралы ақпарат түскен жоқ.

Венесуэла президентінің міндетін атқарушы Дельси Родригес АҚШ Қарулы күштерінің операциясы кезінде қаза тапқан қауіпсіздік қызметкерлерін еске алу үшін жеті күндік ұлттық аза тұту туралы жариялады, деп хабарлайды euronews.

Америка Қарулы күштерінің рейдінде Венесуэланың күш құрылымдарының кем дегенде 24 қызметкері, сондай-ақ 30-дан астам кубалық әскери қайтыс болды. Кубада аза тұту 5 және 6 қаңтарда жарияланды.

«Бұл жерде соғыс жоқ, өйткені біз соғыс жағдайында емеспіз. Біз шабуылға ұшыраған бейбіт елміз. Біз бейбітшілік жолымен жүре береміз. Бүкіл Венесуэла халқы ұлттық бірлікте, болашағымыз үшін жұмыс істеп, тарихымыз бен қадір-қасиетімізді қорғай отырып, бірге болайық», – деді Дельси Родригес.

АҚШ...

Америка Құрама Штаттарының өкілдері Париждегі кездесу қорытындысы бойынша қабылданған Украина үшін қауіпсіздік кепілдігі туралы Декларацияға қол қоймады. Қорытынды құжаттан АҚШ-тың елді қолдау жөніндегі міндеттемелері туралы тармақ алынып тасталды, деп жазады Politico.

Елисей сарайында Еуропалық Одақ пен АҚШ Украинаны ұзақ мерзімді қолдау жоспарын ұсынды. Ол Ресеймен бейбіт келісім болған жағдайда қауіпсіздік кепілдіктерін, соның ішінде АҚШ басшылығымен атысты тоқтатуды бақылауды және бітімнен кейін Украинада еуропалық миссияны орналастыруды көздейді.

Франция мен Ұлыбритания өз әскерлерін Украина аумағына жіберуге дайын екенін растады. Сонымен қатар олар әскери хабтар мен қару-жарақты сақтау үшін қауіпсіз инфрақұрылым құрғысы келеді. Франция президенті Эммануэль Макронның айтуынша, миссия Украинаның батыс бөлігінде...

Талдықорғанда бес қабатты тұрғын үйде өрт шықты. Өрт Қаратал шағынауданындағы бірінші қабаттағы пәтерде болған. ҚР ТЖМ баспасөз қызметінен хабарлағандай, өрт пен қалың түтіннің салдарынан кіреберісті тез түтін басты.

«Оқиға орнына ТЖД бөлімшелері жедел келді. Өрт сөндірушілер құтқару операциясын жүргізді: жоғарғы қабаттардың терезелерінен баспалдақтың көмегімен сегіз адам эвакуацияланды. Олардың жетеуі – бала», – деп хабарлады ТЖМ.

Құтқарушылардың айтуынша, зардап шеккендер жоқ. Барлық құтқарылған азаматтар профилактикалық мақсатта медициналық тексеру үшін Талдықорған көпсалалы ауруханасына жеткізілді. Өрттің себептері анықталуда.

Қытайлық авто алпауыттар инновациялық технологиялар мен автомобиль қауіпсіздігі саласындағы өз орнын нығайтуды жалғастырып жатыр. Жақында «Аспан асты елінде» әлемдегі ең ірі автомобиль қауіпсіздігін сынау орталығы ашылды. Аталған нысан Гиннестің әлемдік рекордын бес рет жаңартты. Жоба автомобиль қауіпсіздігі стандарттарын айтарлықтай жақсартып, бүкіл сала үшін жаңа талаптар орнатуды көздейді.

Инновация және инвестиция

Орталықты танымал қытайлық бренд Geely ашқан. Қауіпсіздік орталығы 45 000 шаршы метрді алып жатыр. Бастапқы инвестиция көлемі 140 млрд теңгеден (2 млрд юань) асады. Бұл әлемдегі ең ірі нысан, заманауи зертханалармен, арнайы апаттық сынақ жолдарымен және жел туннельдерімен жабдықталған. Ол қазірдің өзінде бес Гиннестің әлемдік рекордын жаңартты, бұл...

Қазақстанда күн қатты жылынады. Атап айтқанда, оңтүстікте температура бағаны +14 градусқа өседі. «Қазгидромет» алдағы күндерге ауа райы болжамын ұсынды.

Елдің батысы, солтүстік-батысы мен солтүстігіне жауын-шашын мен көктайғақ болады. Солтүстікте қарлы боран болады деп болжануда. Жалпы республика бойынша тұман мен екпінді жел күтіледі.

Бүкіл ел бойынша ауа температурасы біртіндеп жылына бастайды:

Алматылық «Қайрат» жартылай қорғаушылары Офри Арадпен және Джорги Зариямен қоштасатынын ресми түрде жариялады.

Баспасөз қызметінің ақпаратына сүйенсек, екі футболшы да келісімшарттың аяқталуына байланысты клубтан кетті.

Гиорги Зария

Грузиялық футболшы «Қайрат» құрамына 2024 жылдың қаңтарында келген. Дебюттік Маусымда Зария 30 матчта 15 нәтижелі іс-қимылмен көзге түсіп, Қазақстан премьер-лигасының үздік жартылай қорғаушысы атағына ие болды.

2025 жылы ол Қайратқа отандық чемпионаттың жеңімпазы болуға, Суперкубокты жеңіп алуға және Чемпиондар Лигасының топты...

Еуропалық Одақ Венесуэла президентінің міндетін атқарушы Дельси Родригестің билігінің заңдылығын мойындамайды, бұған дейін одақ Николас Мадуроны да мойындамаған. Брюссель Венесуэла билігімен «шектеулі байланыста» болуға ниетті.

Бұл туралы Брюссельдегі брифингте Еуропалық комиссияның өкілі Анита Хиппер мәлімдеді.

«Дельси Родригес Венесуэла президентінің міндетін атқарушы ретінде ант берді, бірақ қазіргі билік өз мандатын демократиялық жолға сәйкес келмейтін сайлау негізінде алды», — деп атап өтті Хиппер.

Еуропалық Одақ Венесуэланың жаңа билігін әлі заңды деп санамайтынын, бірақ практикалық мәселелерді шешу үшін байланыс арналарын сақтайтынын атап көрсетеді.

АҚШ Венесуэлаға соққы беріп, диктатор Николас Мадуроны тұтқындағанына қатысты көптеген жайт әлі де белгісіз қалып отыр. Ақ үй...

Қытай билігі сәрсенбі күні таңертең болған 5,2 балдық жер сілкінісінен кейін Шыңжаң-Ұйғыр автономиялық ауданында төртінші деңгейдегі шұғыл әрекет ету режимін енгізді, деп хабарлайды Синьхуа.

Қытайдың сейсмологиялық желілер орталығының мәліметі бойынша, жер сілкінісі 7 қаңтарда жергілікті уақыт бойынша сағат 03:17-де Тәжік автономиялық округінде тіркелді. Жер сілкінісінің ошағы 10 км тереңдікте.

Оқиғаға байланысты ведомство ықтимал төтенше жағдайлардың салдарын жою жөніндегі жұмыс жүргізуге бұйрық берген. Өңірлік бөлімшелерге сейсмикалық мониторингті күшейту, жағдайды бағалау және деректердің уақтылы жаңартылуын қамтамасыз ету тапсырылған.

Эпицентрден 10 шақырым радиустағы аумақ теңіз деңгейінен орташа биіктігі шамамен 4545 метр болатын биік таулы аймақта орналасқан. Осы уақытқа дейін қайтыс болғандар немесе...