Жаңалықтар

Қазақстандықтар пәтерді, үйді немесе жер телімін сатқанда кей жағдайда салық төлейтінін білмей жатады. Krisha.kz мамандары пәтер сатқанда қашан салық төлеу керектігін, оны қалай есептеу керек екенін және Жаңа жылдан кейін салық мөлшері қаншалықты өсетінін түсіндірді.

2025 жылдың 31 желтоқсанға дейін келесі ереже қолданылады:

Егер жылжымайтын мүлік бір жылдан аз уақыт иелікте болса және одан табыс түссе – жеке табыс салығы (ЖТС) төленеді. Салық мөлшерлемесі – табыстың 10%-ы.

Мысал:

Пәтерді 30 млн теңгеге сатып алып, 35 млн теңгеге саттыңыз.
Түскен пайда – 5 млн теңге.
Салық – 500 000 теңге.

2026 жылдың 1 қаңтарынан кейін пәтерді тез сату үшін...

Алтын, мұнай, биткойн

Апта бойы алтын мен мұнай бағасы әртүрлі динамика көрсетті. Қазіргі уақытта алтын бағасы 4 373,00 доллар шамасында өсіп, 1,23%-ға артты. Бұл әлемдік экономикалық белгісіздік және инфляцияға қарсы құнды металл ретінде танымал болуына байланысты. Ал мұнайдың Brent маркасының бағасы соңғы бір аптада 60,65 доллар деңгейіне төмендеп, 0,79%-ға арзандады. Бұл мұнай нарығындағы артық ұсыныс пен шикізатқа сұраныстың төмендеуіне байланысты болуы мүмкін.

Биткоин бағасы аптаның соңына қарай 88 203,40 доллар деңгейінде болды, 2,28%-ға төмендеді. Цифрлық валюталардың бағасының төмендеуі, бір жағынан, нарықтағы құбылмалылық пен реттеу мәселелерінің әсерінен болуы ықтимал. Криптонарық соңғы екі айда қиын кезеңде десекте болады...

2026 жылдың қаңтар айында қазақстандықтар үшін 12 демалыс күні бар. Жаңа жыл мен Рождество мейрамдарына арналған бес күндік және алты күндік жұмыс аптасына сәйкес нақты демалыс кестесін ұсынамыз.

Мемлекеттік мерекелер – Жаңа жыл мен православтық Рождество мерекелерінің арқасында қазақстандықтар жалпы 12 демалыс күн демалады.

Жаңа жыл мен Рождествоға арналған демалыс күндерінің кестесі

Жаңа жыл мерекесінің ресми демалыс күндері 1 және 2 қаңтар деп белгіленген. Алайда күнтізбелік демалыстарды ескергенде кесте төмендегідей болады:

Аптасына 5 күн жұмыс істейтіндер үшін:

21 желтоқсан, жексенбі күні Қазақстанның көптеген аймақтарында қар жауып, боран соғады деп күтілуде. Солтүстік-батыс, солтүстік, шығыс және орталық облыстарда қатты қалың қар жауады деп күтілуде.

Синоптиктердің болжауынша батыс пен оңтүстік аймақтарында жаңбыр мен қар жауады. Республика оңтүстік және оңтүстік-шығыс таулы аудандарында қарлы боран күтілуде.

Сондай-ақ елдің басым аймағында тұман, көктайғақ және желдің күшеюі күтілуде.

Республикасының солтүстік-батыс, солтүстік, шығыс және орталық облыстарында ауа температурасы 0…–5 °C ден –18…–30 °C дейін өзгеріп тұрады. Қостанай және Солтүстік Қазақстан облыстарында қатты аяз болады – температура –33…–35 °C дейін төмендейді. Басқа өңірлерде температураның айтарлықтай ауытқуы күтілмейді.

SpaceX, Tesla және xAI компанияларының негізін қалаушы Илон Маск тарихта алғаш рет байлығы 700 млрд долларға жеткен адам атанды.

Миллиардердің дәулеті Делавэр штатының Жоғарғы соты Маскке Tesla акцияларына берілген опциондарды жойған төменгі сот шешімінің күшін жойғаннан кейін күрт өсті. Бұл опциондардың қазіргі нарықтық құны — 139 млрд доллар.

Forbes мәліметінше, Илон Масктың қазіргі жалпы байлығы рекордтық 749 миллиард долларды құрап отыр.

Сот шешімінен кейін Tesla Илон Масктың ең құнды активіне қайта айналды. Акцияларға берілген опциондардан бөлек, Маск электромобиль өндіруші компанияның жай акцияларының 12 пайызына иелік етеді. Бұл үлестің құны — 199 млрд доллар, ал Tesla-дағы барлық активтерінің жалпы...

Кәсіпкер Тұрсын Алагөзов қызметкерлерін тағы бір жомарттығымен қуантты. Ерекше жаңалығын «GALANZ bottlers» компаниясының жаңа жылдық корпоративтік кешінде айтты.

Бизнесмен компания қызметкерлерінің ата-аналарын қолдауға бағытталған ерекше әлеуметтік бастаманың іске қосылғанын мәлімдеді. Енді компаниядағы қызметкерлердің жасы 65-тен асқан ата-анасы болса, оларға ай сайын 50 мың теңге көлемінде қаржылай төлем беріледі.

Бұл шара қызметкерлерді тәрбиелеп, қолдағаны үшін олардың ата-аналарына деген алғыс деп атап өтті кәсіпкер. Әрі осы жоба арқылы «GALANZ bottlers» компаниясының әлеуметтік жауапкершілік қағидаттарына адалдығын айқындайды.

Осы жылы жазда Алагөзов 100 қызметкеріне пәтер сыйлаған.

Ал күзде «Қайрат» клубына екі микроавтобус сыйлаған еді.

Бельгияның Женап қаласындағы мұражайдан белгісіз біреулер Наполеонның алтын жүзігін және басқа да тарихи құндылықтарды ұрлап кетті. Бұл туралы RTBF телеарнасы хабарлайды.

Екі күдікті француз императорының «Соңғы штаб-пәтері» саналатын (Le Dernier Quartier Général de Napoléon) ғимаратына басып кірген, қазіргі уақытта оларға іздеу жарияланды.

Болжам бойынша, күдіктілер мұражай ғимаратына терезені сындырып кірген. Олар экспозицияның бір бөлігі сақталған шыны витриналарды зақымдап, жәдігерлерді үптеп кеткен.

Ұрланған заттардың ішінде Наполеонға тиесілі болған, бес гауһар таспен безендірілген 18 караттық алтын жүзік бар. Әшекей 1815 жылы 18 маусымда Ватерлоо шайқасында император жеңіліске ұшырап қашқаннан кейін табылған. Сонымен қатар Наполеон дәуіріне тиесілі алтын және күміс монеталар да қолды болды.

La...

Жаңа жылдық дастарқанды жасауға күні бұрын дайындаламыз. Ертерек барып азық-түлік алып қою үшін тізім жасаймыз, мәзір құрастырамыз. Отбасы мүшелерінің басы қосылатын ғажап мереке күні көңіл-күй дастарқанға да тікелей байланысты. Олай болса, жаңа жылдық дастарқанды қалай жаямыз, қандай ерекше тамақ пісіреміз, қатты ысырап болмауы үшін не істейміз – бәрін осы материалда қамтуға тырыстық.

Жаңа жылдық мәзірге неге баса мән береміз?

Жаңа жыл көпшілік үшін – қорытынды жасайтын, келер жылға үміт артатын айрықша мереке. Бұл күні алыс-жақыннан отбасының барлық мүшесі бір дастарөан басында жиналуға тырысады. Басқа қалада оқитын, жұмыс істейтіндер де қара шаңыраққа келіп, бірге қарсы алады. Оған қоса, әдеттегі кешк...

МӘМС қаражаты есебінен сақтандырылған қазақстандықтар түрлі операцияларды жасата алады. Олардың құны 1 млн теңгеден 10 млн теңгеге дейін жетеді. Денсаулық сақтау министрлігі соларды сараптап, 2025 жылы жасалған ең қымбат операцияларды атап шықты.

Орал қаласында пациентке кардиовертер-дефибриллятор орнатылып, өмірі сақталды

Николай Макрушин ұзақ жылдар бойы жүрек соғысының күрт өзгеруінен зардап шеккен: бірде пульсі минутына 160-қа дейін көтерілсе, бірде 40-қа дейін төмендеген.
Батыс Қазақстан облыстық кардиологиялық орталығында оған қарыншалардың жұмысын синхрондайтын және кенеттен болатын өлімнен қорғайтын үш камералы кардиовертер-дефибриллятор орнатылды. Кардиохирург Талғат Серікұлының айтуынша, бұл құрылғы созылмалы жүрек жеткіліксіздігі бар пациенттер үшін аса маңызды.
Операциядан кейін аритмия ұстамалары тоқтап, Николай өзін...

Біріккен Араб Әмірліктерінің қалалары су астында қалдырды. Ел билігі халықты үйден шықпауға, су басқан аймақтардан аулақ болуға және көлікпен жүруді шектеуге шақырып жатыр деп жазады Қазақпарат тілшісі.

БАӘ Ұлттық метеорология орталығы бүкіл ел аумағында ауа райының тұрақсыз болатынын хабарлады. Алдағы уақытта да нөсер жауын мен қатты жел соғады деп болжануда.

Толассыз жауын Әмірліктердің үлкен бөлігін қамтыды. Khaleej Times басылымының мәліметінше, ең көп жауын-шашын Рас-эль-Хаймада тіркелген (127 мм). Сондай-ақ Сакр портында 123 мм, ал Джабаль ар-Рахба мен Джабаль-Джейс таулы аймақтарында тиісінше 117,5 мм және 166,6 мм жауын жауған.

Елдегі ең ірі қалалардың бірі Дубайды да су басты. Қауіпсіздік мақсатында билік қаладағы...

Қысқы маусымның келуімен Қазақстанның қос мегаполисінде мұз айдындары есігін айқара ашты. Қала әкімдігінің мәліметінше, тұрғындар мен қала қонақтары үшін тегін жұмыс істейтін орындар бар. Тек өзіңізбен бірге конькиді ала келу керек.

Астана қаласы бойынша:

Алматы қаласы бойынша:

Қала әкімдігінің мәліметінше, Алматыда тұрғындар мен қонақтар үшін келесі мекенжайларда ашық мұз айдындары қолжетімді:

Қазақстандық YouTube-тың жыл өткен сайын ауқымы кеңейіп келеді. Оған дәлел ретінде шығып жатқан жоба саны көбейіп жатқанын және ондағы қаралымның да жүздеген мың, тіпті миллион деген межеден асып кеткенін келтіруге болады. Танымдық видео, сұхбат пен подкастарды бөлек алып қарағанда, қазақша шоулардың орны бір төбе екенін байқаймыз. Олай болса, ана тілімізде жасалып жатқан жобаларға шолу жасағанды жөн көрдік. 

Сең қозғалды: қазақша жоба да, аудитория да көбейді

Осыдан бес жыл бұрынғы жағдаймен салыстырғанда, қазір Youtube кеңістігінде қазақша контент әжептәуір көбейді. Оның ішінде нишаларға бөлінген, бағыты айқындалған жобалардың қатары күн өткен сайын артып келеді. Қаралымы да жарияланған сәттен көп ұзамай бірнеше мыңнан...

2026 жылдан бастап докторантураға түсетіндерге қойылатын талаптар өзгерді. Енді бірқатар мамандықтар үшін ағылшын тілін меңгеру міндетті болмайды. Бұл өзгеріс жайлы Мәжіліс депутаты Асхат Аймағамбетов айтты.

Депутат сөзінше, қазақ филологиясы немесе музыка саласындағы зерттеушілер шет тілі сертификататы жоқтығынан докторантураға түсе алмай жүрген жағдайлар бар. Бұрын бұл міндетті талап болған. Бірақ қазір GPT мен Gemini сияқты құралдар шыққаннан кейін жағдай өзгерді.

Осыны ескере отырып Аймағамбетов кей мамандықтар үшін шет тілін меңгеруді міндеттемеу туралы ұсыныс білдірген. Ғылым және жоғары білім министрлігі бұл бастаманы қолдады.

Енді мына білім беру бағдарламаларының топтары бойынша оқуға түсу үшін шет тілін меңгергенін растайтын сертификат...

АҚШ әскерилері 20 желтоқсанда, Сириядағы «Ислам мемлекеті» (ДАИШ) террористік тобының нысандарына соққы берді. ДАИШ содырларына, сондай-ақ топтың инфрақұрылым нысандары мен қару-жарақ қоймаларына шабуыл жасалған. Бұл туралы АҚШ қорғаныс ведомствосының басшысы Пит Хегсет өзінің X әлеуметтік желісіндегі парақшасында хабарлады.

Пентагон өкіліне сілтеме жасаған AFP агенттігінің хабарлауынша, жалпы алғанда 70-тен астам нысан жойылған. Al Hadath телеарнасының мәліметінше, АҚШ базаларының бірінен атылған зымырандар Дейр-эз-Зор, Ракка және Хомс провинцияларына бағытталған.

Пентагон бұл операцияны «Қаршыға соққысы» (Hawkeye Strike) деп аталды. Бұл АҚШ-тың соңғы айлардағы Таяу Шығыстағы жалғыз операциясы емес. Америкалық әскерлер мұндай шабуылдарды Башар Асад режимі құлағаннан кейін елді басқарып отырған Сирияның уақытша билігімен үйлестіре отырып жүргізіп келеді.

Хегсетт...

Қазақстан мен Жапония тарапы 3,7 млрд доллардан асатын 60-тан астам екіжақты құжатқа қол қойды. Бұл туралы Ақордадан хабарлайды.

Мемлекет басшысы Қасым-Жомарт Тоқаев «Орталық Азия – Жапония» форматындағы бизнес форумында екіжақты байланыстарды жандандырып, жаңа инвестициялық жобаларды іске асыруда қажетті уағдаластықтар жасалғанын атап өтті.

«Сауда-экономикалық және инвестициялық байланысты жандандыруға баса мән беру қажет. Жапонияға сапарымның аясында 60-тан астам екіжақты құжатқа қол қойылды. Оның ішінде сомасы 3,7 миллиард доллардан асатын коммерциялық келісімдер де бар», – деді Тоқаев.

Жапония – Қазақстан экономикасының негізгі инвесторларының бірі. Елімізге құйған қаржы көлемі 8,5 млрд доллардан асты.

Тоқаевтың сөзінше, екі ел...

«Қазақстан 2027 жылы дзюдодан Әлем чемпионатын өткізеді. Бұл жайлы «Орталық Азия – Жапония» саммитінде Қасым-Жомарт Тоқаев айтты.

«Біз спорт саласындағы ықпалдастықты өркендетуге, ең әуелі жапонның дзюдо, сумо және кэндо секілді дәстүрлі жекпе-жек өнер түрлерін дәріптеуге әзірміз. Қазақстан 2027 жылы дзюдодан Әлем чемпионатын өткізу құрметіне ие болды. Тығыз мәдени-гуманитарлық байланыстарымыз алдағы уақытта да халықтарымыз арасындағы өзара түсіністік пен достықты нығайтуға қызмет ете береді деп сенемін», – деді ол.

Дзюдоның негізін Дзигоро Кано есімді жапондық шебер қалаған. Алғашқы әлем чемпионаты да Жапонияда өтті. Ал былтырғы халықаралық турнир Абу-Дабиде болған еді.

Жапонияға сапары кезінде Тоқаев қазақстандық сумоист Кимбозанмен...

Тоқаевтың Жапонияға сапары әлі жалғасып жатыр. Бүгін ол «Орталық Азия – Жапония» диалогының бірінші саммитінде сөз сөйледі.

Президент Жапония Үкіметінің Ақтау портындағы кедендік рәсімдерді жетілдіруге атсалысу туралы шешімін құптады.

«Азия мен Еуропа бағытында құрлық жолымен тасымалданатын жүктің 80 пайыздан астамы Қазақстан арқылы өтеді. Транскаспий халықаралық көлік бағдарын дамыту айрықша маңызды. Жапон Үкіметі Каспий теңізінің Ақтау портындағы кедендік рәсімдерді жетілдіруге атсалысуға ниетті. Біз бұл шешімді құптаймыз», – деді ол.

Тоқаев сөзінше, жапон компаниялары алдағы уақытта Орта дәліздің теміржол, порт, автокөлік және логистика инфрақұрылымын ілгерілетуге үлес қосқаны өңір үшін пайдалы болмақ.

Одан бөлек...

«Қайтарылған активтерді басқару компаниясы» ЖШС 2025 жылғы жұмысты қорытындылады және сатылған немесе мемлекеттік меншікке берілген ең ірі объектілерді сатылымға шығарған.

Олардың ішінде Астанадағы «Думан» қонақүйі мен Дубайдағы виллалар бар, ал активтерді сатудан түскен жалпы табыс 38 млрд теңгеден асты.

КУВА баспасөз қызметі хабарлағандай, бұл туралы мәжілісмен Марат Башимовтың төрағалығымен өткен қамқоршылық кеңестің отырысында сөз болды.

«Компания құрылған сәттен бастап басқаруға жалпы құны 96,5 млрд теңге активтер берілді. 2025 жылы 577 электрондық сауда өткізілді, оның қорытындысы бойынша 38,4 млрд теңге сомасына 155 актив сатылды (ҚҚС-сыз), бұл e-Qazyna платформасында рәсімдердің тиімділігі мен ашықтығын растайды», – делінген КУВА хабарламасында.

Маңғыстау облысы полициясының басшысы мен оның орынбасарлары ұйымдасқан қылмыстық топ құрды деп айыпталған анонимді ұжымдық хат тарағаннан кейін Ішкі істер министрлігі қызметтік тексеру жүргізілді, деп хабарлайды Кazinform.

Агенттіктің хабарлауынша, Ішкі істер министрлігінің комиссиясы жүргізген тексеру қорытындысы бойынша тағылған айыптардың ешқайсысы расталмаған. Анонимді ұжымдық хатта 15 тармақ бойынша айыптаулар болғандығы атап өтілді.

Осы мәселе бойынша комиссия мүшелері Маңғыстау облыстық мәслихатының депутаты Бердіғали Берекетов, Киікбай Ешман, Маңғыстау облысы Қазақстан халқы Ассамблеясы ақсақалдар кеңесінің төрағасы Оңайбек Әбділов және жергілікті қажылар бірлестігінің төрағасы Әбдірахман Қуанышбек анонимді хатта баяндалған барлық мәліметтер жала екеніне мәлімдеме жасады.

Естеріңізге сала кетейік, бұған дейін Маңғыстау облыстық полиция департаментін...

Елдің солтүстігі мен шығысында желдің күшіп, жалпы ел аумағында қар жауып, боран соғып, көктайғақ болады. «Қазгидромет» 20 желтоқсанға ауа райы болжамын ұсынады.

Израиль күштері Газа секторының оңтүстік бөлігіне бірқатар авиациялық және теңіз соққы жасады. Палестинаның Wafa ақпарат агенттігінің хабарлауынша, шабуылдар Хан-Юнис пен Рафах аудандарында тіркелген.

Хан-Юнистің шығысындағы Бани-Сухейл аймағында Израиль авиациясы тұрғын аудандарға соққы жасады. Сонымен бірге, қаланың шығыс аудандарына пулемет атысы, сондай-ақ, артиллериялық соққы жасалды. Израиль әскери-теңіз күштері Хан-Юнис жағалауында оқ жаудырды.

Рафах ауданында израильдік қайықтар жағаға жақын орналасқан балық аулау кемелеріне қарай пулеметпен оқ жаудырды. Зардап шеккендер туралы ақпарат түскен жоқ.

Шабуылдар 10 қазанда күшіне енген Газа секторындағы атысты тоқтату режиміне қарамастан жасалған. Палестина тарапы анклав аумағындағы азаматтық нысандарға қарсы соғыс қимылдары туралы мәлімдейді.

Сонымен қатар, АҚШ Мемлекеттік департаментінің хабарлауынша...

Ауа райының нашарлауына байланысты елдің бірнеше учаскелерінде қозғалысқа шектеу енгізіледі, деп хабарлайды Қазавтожол.

2025 жылғы 19 желтоқсанда сағат 20:00-де ауа-райының нашарлауына байланысты Республикалық маңызы бар мынадай автожолдарда жүк және қоғамдық автокөлік үшін қозғалысты шектеу енгізіледі.

Ақтөбе облысы

Қостанай облысы

Жолдың ашылуының болжамды уақыты – 2025 жылғы 19 желтоқсан сағат 23: 00.

Астана халықаралық әуежайында 2025 жылғы 21 желтоқсаннан бастап Т2 жолаушылар терминалын «Әуежай» жеңіл рельсті көлік станциясымен (LRT) байланыстыратын өтпелі галереяның құрылысы басталады.

Елордалық әуежайдың баспасөз қызметі хабарлауынша, құрылыс жұмыстары 2026 жылдың 30 сәуіріне дейін жалғасады. Жоба авиациялық және жеңіл рельсті көліктер арасындағы ауысуды жеңілдетуге, сондай-ақ, әуежайдың көліктік қолжетімділігін арттыруға бағытталған.

«Астана халықаралық әуежайы жолаушыларға Т2 терминалына келу бағытын алдын ала жоспарлауды және жаңартылған қозғалыс схемасын ескеруді ұсынады. Жұмыстар қауіпсіздік талаптарын сақтай отырып және терминал жұмысына барынша аз әсер ете отырып жүргізіледі», – делінген хабарламада.

Құрылыс кезінде T2 терминалы аймағында көлік қозғалысының схемасы өзгереді. Жедел жәрдем...

Қазақстанда 22-30 желтоқсан аралығында қаңтардағы ұлттық бірыңғай тестілеуге қатысу үшін өтініштер қабылданады, деп хабарлады Ғылым және жоғары білім министрлігі.

Емтиханға Ұлттық тестілеу орталығының сайтында немесе UTO қосымшасы арқылы тіркелуге болады. Тестілеудің өзі 10 қаңтардан 10 ақпанға дейін өтеді.

Кімдер тапсыра алады: