Жаңалықтар

Қазақстанның сыртқы сауда жағдаяты 2025 жылы күрделі әрі қарама-қайшылыққа толы кезеңді бастан өткерді. Бір жағынан, жалпы тауар айналымының номиналды өсімі байқалса, екінші жағынан, экспорттық түсімнің азаюы мен импорттың агрессивті өсуі байқалады. Бұл үрдістер ел экономикасының құрылымдық өзгерістерге мұқтаж екенін тағы бір мәрте дәлелдеп берді.

Жалпы жағдаят: сауданың номиналды өсімі мен нақты сын-қатерлер

2025 жылдың қаңтар-желтоқсан айларында Қазақстанның сыртқы сауда айналымы 143 888,2 млн АҚШ долларын құрап, 2024 жылмен салыстырғанда номиналды мәнде 1,3%-ға өсті. Бұл көрсеткіш сыртқы экономикалық байланыстардың тұрақтылығын көрсеткенімен, ішкі құрылымдағы теңгерімсіздік алаңдаушылық тудырады.

Жалпы айналымның ішінде экспорт 79 041,2 млн АҚШ долларын құрап, өткен жылмен салыстырғанда номиналды...

Алматыда жер сілкінісіне байланысты психологтар көмегіне жүгінуге болатын «сенім телефоны» ашылды.

Бұл туралы Төтенше жағдайлар министрлігінің баспасөз қызметі хабарлады.

«Тіркелген жер сілкінісіне байланысты ТЖМ психологтарының қатысуымен «сенім телефоны» ашылды», – делінген министрліктің ақпаратында.

Онда Стратегиялық жоспарлау және жедел басқару орталығының нөмірі ( 8(7172) 704119) көрсетілген. Алматы облысы бойынша тұрғындар  8(727) 7226097 нөміріне хабарласа алады.

Айта кететін жайт, 17 ақпанда Астана уақытымен сағат 15:08-де жер сілкінді. Алматы қаласының тұрғындарына сезіліп, көшеге шыға бастады. Дүмпу ошағы Есік қаласына жақын орналасқан. Ұлттық деректер орталығы жер сілкінісі магнитудасын 5 балл деп бағалаған.

Қазақстандықтар қолма-қол ақшадан бас тартып, жаппай картамен төлеуге көшкен. 2025 жылы қолма-қол ақшасыз жасалған сауда-саттық көлемі 186 трлн теңгеге жетті. Бұл көрсеткіш елдегі бір жылда өндірілген барлық тауар мен қызметтің құнынан екі есе артық.

Қазақстан қаржыгерлер қауымдастығының шолуына сәйкес, қолма-қол ақшасыз есеп айырысу нарығы қарқынды өсу сатысынан тұрақты даму кезеңіне аяқ басқан. Транзакциялардың көлемі артқанымен, олардың жалпы нарықтағы үлесінің өсімі бәсеңдеген.

Нарықтың негізгі көрсеткіштері қандай

2025 жылдың қорытындысы бойынша, қолма-қол ақшасыз жасалған транзакциялар көлемі 186 трлн теңгеге жетті. Бұл өткен жылмен салыстырғанда 13%-ға көп және еліміздің жалпы ішкі өнімінен (ІЖӨ) екі есе(187%) асып түседі.

Бұл...

Ресейлік автокөлік өндіруші Ульянов автокөлік зауыты (УАЗ) көлік экспортын едәуір кеңейтуді жоспарлап отыр.

Компания өкілдерінің мәлімдеуінше, қазірдің өзінде автокөліктерді шет мемлекеттерге жеткізу бойынша белсенді келіссөздер жүргізілуде.

«Экспорт географиясын Латын Америкасы, Азия, Африка және Таяу Шығыс елдеріне кеңейту жоспары тұр», – делінген хабарламада.

2025 жылы УАЗ 1 159 автокөлікті Қазақстан, Беларусь, Әзербайжан, Өзбекстан, Моңғолия, Куба, Гондурас және Мысырға экспорттаған.

Айта кетейік, Қазақстанда УАЗ автокөліктерінің ресми дистрибьюторы – Вираж компаниясы. Ішкі нарықта «УАЗ СГР» және «УАЗ Профи» модельдері ұсынылған.

Осыған дейін Ульянов автозауыты УАЗ «Хантер» жол талғамайтын көлігіне көлік құралының типін мақұлдау туралы құжатын (ОТТС...

18 ақпанға қараған түні Чемпиондар лигасы аясында лиссабондық «Бенфика» өз алаңында мадридтік «Реал» командасын қабылдайды.

Лиссабон клубы топтық кезеңді 9 ұпаймен 24-орында аяқтаған. Соңғы турда дәл осы мадридтік клубпен кездесіп, 4:2 есебімен жеңіске жеткен. Сол ойында шешуші голды «Бенфиканың» қақпашысы салған еді.

Ал мадридтік клуб жалпы кезең қорытындысында 9-орын алып, плей-офф кезеңіне жолдама алған. Енді қос команда турнирдің шешуші кезеңінде қайта кездесіп, келесі айналымға шығу үшін таласады.

Кездесу Қазақстан уақыты бойынша 01:00-де басталады. Матчтың тікелей трансляциясын Qazaqstan телеарнасынан көруге болады.

Еске сала кетейік, бұған дейін ыстанбұлдық «Галатасарай» мен «Ювентус» ойынын қайдан көруге болатынын жазған едік.

Таяу күндері Шымкентте автобус жүргізушісі мен жеңіл көлік иесі ерегісіп, бірінің көлігін бірі сүйреген. Енді көп өтпей өзге жүргізушілердің сөзге келіп қалған видеосы тарап кетті. Бұл видеодан да жүргізушілердің жанжалдасқаны байқалады. Оқиға №42 бағыттағы жүргізушінің қатысуымен болған.

Әзірге дау неден, қалай туғаны белгісіз. Ал куәлардың сөзінше, екеуі жолға таласқан. Жеңіл көлік жүргізушісі автобус жүргізушісін ұрған. Тартыс кезінде кей жолаушылар оларды ажыратып, қалғаны автобустың ішінде күтіп отырған. Оқиғаға қатысты полиция әкімшілік іс қозғаған.

«Аталған жайт бойынша оқиға қатысушылары анықталып, полиция бөліміне жеткізілді. Құқық бұзушылар қоғамдық тәртіпті бұзғаны және жол қозғалысының басқа қатысушыларына кедергі келтіргені үшін әкімшілік жауапкершілікке...

Қаржы министрлігінің Ішкі мемлекеттік аудит комитеті 2025 жылдың қорытындысын жариялады. Мекеме былтыр 11 мыңнан астам әкімшілік іс қозғап, 1,2 млрд теңге өндіріп алған.

Тексеру нәтижесі

«Жаңа тәсілдер енгізгенін» мәлімдеген аудит комитеті 2025 жылы 1 359 іс-шара жүргізгенін, тексеру 2024 жылмен салыстырғанда 22%-ға аз екенін мәлімдеді. Ресми мәліметке сенсек, қаржы тәртібін бұзу 36%-ға ұлғайып, 462,4 млрд теңгеге жеткен. Мекеме «бір тексерудің өнімділігі үш есеге ұлғайды» деп отыр.

«Бұл ретте 418,4 млрд теңге қалпына келтіріліп, бюджетке қайтарылғанын айта кетейік. Бюджет пайдасына шамамен 1,2 млрд теңге өндіріп алынып, 11 мыңнан астам әкімшілік іс қозғалды», – деп таратты комитет.

Бұған қоса, құқық қорғау органдарына сомасы 25,7 млрд теңге болатын аудит материалдары жіберіліп, соған...

Президент Қасым-Жомарт Тоқаев Қырғызстан Президенті Садыр Жапаровпен телефон арқылы сөйлесті.

Қазақстан Президенті қазақ-қырғыз қарым-қатынасының оң динамикасына тоқталып, оған тұрақты саяси диалог, екі ел үкіметтері мен іскер топтары арасындағы белсенді ықпалдастық септігін тигізіп отырғанын атап өтті.

«Бауырлас елдердің көшбасшылары сауда-экономика, көлік-логистика және су-энергетика салаларындағы ынтымақтастықтың қарқынды түрде дамып келе жатқанына назар аударды», – делінген Ақорданың ақпаратында.

Президенттер достық, стратегиялық серіктестік пен одақтастық рухындағы мемлекетаралық байланыстарды одан әрі кеңейтуге бейіл екенін растаған.

Қасым-Жомарт Тоқаев Садыр Жапаровқа елімізде Конституциялық реформа жүргізіліп жатқанын айтты. Қырғызстан Президенті Қазақстандағы ауқымды өзгерістерді қолдайтынын мәлімдеді. Мемлекеттер басшылары өңірлік ынтымақтастық мәселелері жөнінде...

Бүгін 17 ақпан күні ыстанбұлдық «Галатасарай» өз алаңында италиялық «Ювентус» клубын қабылдайды. Матч Астана уақытымен 22:45-те басталады.

Кездесудің тікелей трансляциясын Q League арнасы, сондай-ақ Кинопоиск және Freedom Media стриминг платформалары арқылы көруге болады.

Плей-оффтың алғашқы ойындары 17 ақпанда басталады. Жасыл алаңға Еуропа футболының алпауыт клубтары Реал Мадрид, ПСЖ, Интер Милан, Дортмунд, Атлетико Мадрид және өзге де атақты командалар шығады.

24 ақпанда қарымта кездесулер өтеді.

Плей-офф кезеңінің барлық матчтарын Freedom SuperApp қосымшасындағы Freedom Media онлайн-кинотеатры арқылы тамашалауға болады.

Бұдан бөлек, әзербайжандық «Қарабах» футбол клубы өз алаңында Англияның «Ньюкаслмен» ойнайды.

Алматыда жер сілкінісі болды. Бірақ көпшілігіне бірдей алдын ала ескерту хабарламасы келмеді. Төтенше жағдай министрлігі арнайы түсініктеме берді.

Ведомствоның мәліметінше, дабыл жүйесі 5 балдан жоғары болған кезде ғана істейді.

«Жер сілкінісі 2 балл болғандықтан Mass Alert істемеді. Жүйе 5 балл және одан жоғары жағдайда ғана іске қосылады. Ешнәрсе бүлінген жоқ, ешкім зардап шекпеді. Төтенше жағдай министрлігі дүрбелеңге бой алдырмай, тек ресми дереккөздерге сенуге шақырады», – деп жазылған министрлік хабарламасында.

Бүгін сағат 15:08-де Алматыда жер сілкінісі тіркелді. Дүмпу ошағы Есік қаласы маңайында орналасқан. Ұлттық деректер орталығы жер сілкінісі магнитудасын 5 балл деп бағалады.

Ақтөбе қаласындағы Әлия Молдағұлова атындағы әуежай жанынан авиаотын сақтайтын қойма салынады. Бұл қоймада жоғары сапалы ЈЕТ-А1 маралы отын сақталады.

Ақтөбе халықаралық әуежайын дамыту мәселесі облыс әкімдігінде өткен кеңесте қаралған.

Инфрақұрылымды жаңғырту аясында «ҚазМұнайГаз-Аэро» компаниясы жаңа жанармай құю кешенінің құрылысын бастады. Қазіргі кезеңде инженерлік-геологиялық зерттеулер аяқталған.

Жоба екі кезеңмен іске асады: алдымен мобильді жанармай құю кешені мен арнайы техникалар алынады, кейін сыйымдылығы 20,2 мың текше метр болатын резервуар паркі, теміржол құю-түсіру эстакадасы және диспетчерлік орталық салынады. Жобаның құны шамамен 5 млрд теңгені құрайды, 50-ден астам тұрақты жұмыс орны ашылады.

Кеңесте жүк инфрақұрылымын дамыту мәселесі де қозғалды. S SISTEM инвесторының қатысуымен...

Маңғыстау облысында сарбаз қайтыс болды. Оқиға 2025 жылдың 17 ақпанында Бейнеу полигонында болған.

Құрлық әскерлерінің баспасөз қызметінің хабарлауынша, жоспарлы далалық атыс жаттығуларын өткізу кезінде «Батыс» өңірлік қолбасшылығының мерзімді қызметтегі әскери қызметшісі қаруды пайдалану барысында жарақат алып, оқиға орнында көз жұмды.

«Осы факті бойынша Батыс өңірінің әскери-тергеу органдары қылмыстық іс қозғады. Қазір болған оқиғаның барлық мән-жайы мен себептерін анықтау мақсатында сотқа дейінгі тергеп-тексеру жүргізіліп жатыр», – делінген ақпаратта.

Қорғаныс министрінің тапсырмасы бойынша оқиға орнына Қорғаныс министрінің орынбасары генерал-майор Шайх-Хасан Жазықбаев бастаған комиссия жіберілді.

Бас прокуратураның хабарлауынша, әскери-тергеу органдары сотқа дейінгі тергеп-тексеруд...

2033 жылы іске қосылатын төртінші мұнай өңдеу зауыты елдің ішкі нарығындағы авиакеросинге сұранысты толық өтеуге мүмкіндік береді. Бұл жөнінде Энергетика вице-министрі Қайырхан Тұтқышбаев мәлімдеді.

«Мемлекет басшысының тапсырмасын іске асыру шеңберінде 2026 – 2033 жылдарға  қуаттылығы жылына 10 млн тонна болатын жаңа мұнай өңдеу зауытының техникалық-экономикалық негіздемесін әзірлеу, жобалау, салу және іске қосу жоспарланған. Бұл еліміздің мұнай өңдеу қуатын жылына 40 млн тоннаға дейін жеткізуге мүмкіндік береді», – дейді вице-министр.

Вице-министрдің сөзінше, жаңа зауыттың іске қосылуы және қолданыстағы зауыттарды жаңғырту ішкі нарықтағы мұнай өнімдері тапшылығын кезең-кезеңімен қысқартуға жол ашады.

...

Рамазан айында ауыз бекітетін жандар арасында сәресі мен ауызашар кезінде дәрет алу міндетті ме деген сұрақ жиі туындайды. Көпшілік ауыз бекіту алдында міндетті түрде дәрет алу керек деп ойлайды.

Бұл сұраққа Қазақстан мұсылмандары діни басқармасы Шариғат және пәтуа бөлімінің маманы Медет Құрмашұлы жауап берді.

Ұстаздың айтуынша, сәресі уақытында немесе ауызашарда дәрет алу шарт емес. Яғни, ауыз бекіту үшін адамның дәретті болуы міндеттелмейді. Дәретсіз күйде де ораза ұстауға болады.

Дегенмен, дәрет алып, тазалық сақтап, дұға жасап ауыз бекіту – мұсылман әдебіне сай құптарлық іс саналады. Бірақ бұл оразаның қабыл болуының міндетті шартына жатпайды. Сондықтан сәресіде немесе ауызашарда дәрет алмаған адамның оразасы...

Шымкент қаласы Еңбекші ауданындағы «Бозарқақпа» тұрғын алабында жеңіл автокөлік газ реттегіш пунктіне соқтығысып, газ-ауа қоспасы жарылды. Қалалық төтенше жағдайлар департаментінің хабарлауынша, жарылысқа дейін жүргізуші өз бетімен көліктен шығып үлгерген.

Әлеуметтік желіде тараған видеоларға қарағанда, жарылыстан болған жалын бірнеше метрге дейін жайылғанын байқауға болады.

Оқиға орнына тез арада жеткен төтеншеліктер өртті сөндірген. Нәтижесінде қызыл жалын жақын тұрған жеке үйлерге тарап үлгермеген. Алайда жарылыстан таяу маңдағы үйдің терезелері сынған.

Одан бөлек Түркістан облысы Төлеби ауданы Абдулабад ауылында да газ құбыры маңында автокөлік өртенген. «QazaqGaz Aimaq» АҚ-ның мәлімдеуінше, автокөлік газ құбырының жерүсті тұсына соғылған. Құбыр зақымданған, газ алауы тұтанып, көлік жанған.

XIV қысқы Паралимпия ойындарына қатысатын ұлттық құрама тізімі анықталды. Қазақстан намысын қорғайтын саңлақтардың тізімін Туризм және спорт министрлігі жариялады.

6-15 наурыз күндері Милан және Кортина-д’Ампеццо (Италия) қалаларында XIV қысқы Паралимпия ойындары өтеді.

«Төрт жылда бір рет ұйымдастырылатын дүбірлі додада 79 медаль жиынтығы сарапқа салынып, әлемнің 600-ден астам спортшысы қатысады. Ойындар бағдарламасына пара сноуборд, пара хоккей, тау шаңғысы, арбадағы керлинг, пара биатлон және пара шаңғы жарысы енгізілген», –  деп хабарлады министрлік.

Қазақстан атынан қанша спортшы барады

Қазақстан құрамасы пара шаңғы мен пара биатлон бойынша сынға түседі. Ұлттық құраманың сапына Ербол...

2026 жылдың қаңтар айында банктердегі депозит көлемі 1,8 трлн теңгеге қысқарып, жалпы көрсеткіш 46,2 трлн теңгені құрады. Депозиттен алынған 1,8 трлн теңгенің 17 трлн теңгесі – елдегі бизнеске тиесілі жинақ.

Экономист Руслан Сұлтанов бұл — желтоқсандағы рекордтық көрсеткіштерден кейін күтілген маусымдық құбылыс деп жазады.

Әдетте жыл соңында банктерде уақытша шоғырланатын қаражат қаңтар айында нарық айналымына қайта шығады.

Депозит нарығындағы жалпы қысқаруға қарамастан, жылдық динамика әлі де жоғары. 2025 жылдың қаңтарымен салыстырғанда салымдар көлемі 14,3%-ға өскен.

Қазіргі таңда жинақтардың басым бөлігі, яғни 79,3%-ы ұлттық валютада сақталып отыр. Атап айтқанда, теңгедегі депозиттер 36,6 трлн теңген...

17 ақпанда Астана уақытымен сағат 15:08-де жер сілкінді. Оны Алматы қаласының тұрғындары да сезді. Дүмпу ошағы Есік қаласына жақын орналасқан. Ұлттық деректер орталығы жер сілкінісі магнитудасын 5 балл деп бағалады.

Дүмпу туралы мәлімет

Қазақстандағы сейсмикалық станциялар жер сілкінгенін анықтады. Төтенше жағдайлар министрлігінің мәліметінше, дүмпу ошағы Қазақстан аумағында – Алматы қаласынан шығысқа қарай 74 шақырым жерде орналасқан.

Жер сілкінісін Алматы және Жетісу облысының тұрғындары сезді. Алматы қаласында 2 балл, Есік қаласында 4 балл, ал Талғар қаласында 3 балл болды.

Естеріңізге сала кетейік, бір күн бұрын – 16 ақпанда түсте Қытай аумағында қуаты 5,3 балды...

Қазақстан мұсылмандары діни басқармасының төрағасы Наурызбай қажы Тағанұлы мұсылмандардың қасиетті айы туралы ғибрат айтты. Бас мүфтидің пікірінше, Ораза – жүректі тазарту амалы.

Ораза мақсаты

Мүфтият басшысы оразаның шынайы рухын түсінген адам ас пен судан тыйылуды басты мақсат етпейді деп есептейді.

«Ораза – ең алдымен жүректің амалы. Ол – жүректі тазартуға, ниетті түзетуге, нәпсіні тәрбиелеуге және тақуалыққа жетуге бағытталған ұлы құлшылық», – дейді бас мүфти.

Оның пікірінше, ауыз бекітудегі негізгі мақсат – жүректі Аллаға жақындатып, ой мен жүректі түрлі дерттен тазалау, ішкі жан дүниені көркем мінезбен безендіру.

«Сондықтан оразаны...

Баку қаласындағы әскери сот Рубен Варданянға қатысты қылмыстық іс бойынша үкім шығарды.

Report агенттігінің хабарлауынша, ашық сот отырысы судья Зейнал Агаевтың төрағалығымен өткен. Айыпталушы кінәлі деп танылып, 20 жылға бас бостандығынан айырылды.

Сот алқасының құрамында судьялар Джамал Рамазанов пен Анар Рзаев жұмыс істеген. Ал қосалқы судья болып Гюнель Самедова бекітілген.

Сот процесі Баку қаласында өтті. Айыпталушыға орыс тіліне аудармашы және мемлекет есебінен адвокат қамтамасыз етілген.

Іс материалдарына сәйкес, Азербайджан Қылмыстық кодексінің бейбітшілік пен адамзатқа қарсы қылмыстар, әскери қылмыстар, терроризм және терроризмді қаржыландыруға қатысты баптары бойынша айып тағылған. Бұған дейін мемлекеттік айыптаушы оған өмір бойына бас бостандығынан айыру жазасын...

Қазақстанда жыл сайын 140 мың жаңа пәтердің шамамен 30 мыңы жеңілдетілген ипотека бойынша сатылады. Бұл туралы «Бәйтерек» ҰК» АҚ басқарма төрағасы Рустам Қарағойшин айтты.

Холдинг жетекшісінің айтуынша, 2024 жылы «Отбасы банк» арқылы ипотекалық өнімдерге оффтейк-келісімшарттар механизмі енгізілді. Бұл механизм тұрғын үйдің өзіндік құнын бақылауға және бастапқы нарықтағы ұсынысты көбейтуге мүмкіндік береді.

Рустам Қарағойшин ипотекалық бағдарламаларға бөлінетін қаржы көлемі аз емес, бірақ олардың жалпы тұрғын үй нарығына әсері шектеулі екенін айтады.

«Өткен жылы ипотекалық бағдарламаларға 1,6 трлн теңге бөлдік, оның ішінде шамамен триллионнан астамы жинақтау бағдарламаларына арналды», – деді ол.

Холдинг нарықтағы сұраныстың тек...

Алматыда 14 ақпанда қызға гүл жеткізген курьерге қатысты әкімшілік өндіріс басталды. Курьер гүлді әкелгенде қыздың пәтеріне кіріп, оған тиісе бастаған. Бойжеткен оқиғаның мән-жайын айтып, видеоүндеу жариялады. Бұл туралы Almaty Today жазды.

Оқиғаның мән-жайы

Қыздың айтуынша, курьер кешкі сағат 21:00 шамасында пәтеріне көтерілген. Гүлді бұрышқа қоюын сұрағаннан кейін ер адам оған тиісе бастаған. Қыз айқайлап, оны үйінен қуып шыққан.

Хат алмасу барысында курьер дөрекі жауап беріп, кейін болған жайтты «түсінбеушілік» деп атап, кешірім сұрауға тырысқан.

«Мұндай видео түсіремін деп ойлаған емеспін. Өмірімде алғаш рет өз пәтерімде қорықтым. Неге мен курьерге есік ашудан қорқуым керек...

Burger King Kazakhstan, бірнеше күнге созылған даудан соң, екі қызметкерді жұмыстан шығарды. «Сергей мен Анастасия енді компания қызметкерлері емес» деп мәлімдеді фастфуд компания.

Сергей жұмыстан шықты

Алматылық аспаз Әлібек Қаратайды жақтаушы көпшілік дегеніне жетті. 17 ақпанда Burger King қоғамда наразылық туғызған жағдайға қатысты тағы бір мәлімдеме таратып, екі менеджерді жұмыстан шығарғанын жариялады.

«Қабылданған басқарушы шешімді ескере отырып аумақтық менеджерлер Сергей мен Анастасия енді компания қызметкерлері емес», – деп мәлімдеді фаст-фуд компания.

Бұрын Дариға Назарбаева иелік еткен «Думан» қонақүйі «Отбасы банкке» сатылған. Бұл туралы Үкіметтегі брифингте «Бәйтерек» холдингінің басқарма төрағасы Рустам Қарағойшин мәлімдеді.

Оның айтуынша, «Думан» – мемлекетке қайтарылған актив. Оны бұған дейін аукцион арқылы сату әрекеттері жасалған. Қонақүй ғимараты аукционда бұрын 14 млрд теңгеге бағаланған еді.

«Бұл активті сату саясаты аясында оны аукционға шығару әрекеттері болды. Алайда ұсынылған баға әлеуетті қатысушыларды қанағаттандырмады. Аталған нысан шаршы аумағы мен техникалық параметрлері жағынан дәл «Отбасы банкінің» көшуіне лайық болды. Банкке арнайы инфрақұрылым қажет, бұл ғимарат соған сәйкес келді. «Отбасы банк» заңнама аясында конкурсқа толыққанды қатысып, нысанды сатып алды және қаражатты...