Жаңалықтар

Танымал әнші Ерке Есмахан әлеуметтік желідегі жазбасында декреттен кейін, сахнаға қайта оралатынын мәлімдеді. Үш баланың анасы бұл жолы үзілісті ұзаққа созбай, шығармашылыққа тезірек қайта кіріспек.

«З баланың анасынан жалынды сәлем! Бұл жолы декретте көп отырмай, тез-тез Ерке Есмахан болуға асығудамын. J.Lo да көзді қыздырып әлі жүр. Қайтса екен концерттерін аяқтап, фигураны ойламай, өзіміз тыныш отырып бешбармақ жейтін», – деп жазды әнші.

Желі қолданушылары Еркенің жазбасын әзілмен де, сүйіспеншілікпен де қабылдап, түрлі пікір қалдырды:

«Джейлоға батаңды бер де, қайта берсің де», «Біздің J.Lo өзің боп тұрсың ғой, Ерке», «Шакира келеді деген...

GF Securities сарапшысы Джефф Пу инвесторларға арналған зерттеуінде iPhone 17 сериясы iPhone 16-ға қарағанда қымбатырақ болатынын мәлімдеді.  

Ақпарат көзіне сүйенсек, жаңа смартфонның бастапқы бағасы 849 долларды құрайды, бұл қазіргі үлгісінен (799) қымбатырақ. Сонымен қатар бұл жолы құрылғының ең төменгі жадының көлемі 256 ГБ болады деп күтілуде. Бұған дейін Apple дәл осындай тәсілді iPhone 15 Pro Max-қа да қолданған болатын, бірақ ол кезде баға бірден 100 долларға өскен еді.

Apple-дың жаңа смартфондар сериясының таныстырылымы келесі айда өтеді деп күтілуде. Биыл компания Plus моделінен бас тартып, оның орнына өте жұқа корпустағы iPhone 17 Air ұсынуы мүмкін. Ал негізгі модельден басқасыны...

11 тамызда Биткоин (BTC) бірден 3,33%-ға қымбаттап, 122 мың долларға дейін жетті. Нарықта криптовлаюталардың басқа да түрлері қымбаттап жатыр. Мәселен, Эфириум құны 4 300 доллардан асты.

Биткоин бағасы айналдырған үш тәуліктің ішінде бірден 5 мың долларға өсті. Қазір ол шамамен 122 мың долларға саудаланып жатыр. Бұл – крипвалюта тарихындағы жаңа рекорд.

BTC-ның нарықтағы капиталы да айтарлықтай өсті. Енді Биткоинның нарықтағы құны 2 трлн 429 млрд доллар тұрады.

Биткоин ғана емес, нарықта криптовалютаның басқа да түрлері қымбаттап жатыр. Мәселен, Эфириум (ETH) 1.80%-ға көтеріліп, 4 300 долларлық межеге қайта көтерілді. Тамыздың басында ғана ETH бар болғаны 3,5 мың доллар...

Nvidia және Advanced Micro Devices (AMD) Қытайда чип сатудан түскен табысының 15%-ын АҚШ-қа беретін болды. Бұл жайлы дереккөздеріне сілтеме жасаған Financial Times пен The New York Times хабарлайды.

Келісім АҚШ билігі Nvidia компаниясына Қытайда H20 атты ЖИ-чипін сатуды қайта бастауға рұқсат бергенін хабарлағаннан бір ай өткен соң жасалды. Алайда, NYT жазуынша, сол кезде Трамп әкімшілігі «жасыл жарық» бергенімен, нақты лицензия берілмеген. 6 тамыз, сәрсенбі күні Nvidia басшысы Дженсен Хуанг Ақ үйде президент Трамппен кездесіп, табыстың бір бөлігін беруге келісті. Екі күннен кейін ғана Сауда министрлігі сату лицензияларын бере бастады.

Келісім бойынша, Nvidia Қытайға сатылатын H20 чиптерінің, ал AMD MI...

Шымкенттегі Түркістан облыстық балалар ауруханасының кіші қызметкерлері аурухана әкімшілігі еңбегімізді қанап отырғанына шағымданды. Айтуларынша, еңбегіне қарай ақысын төлемейді. Оған қоса міндетінен тыс жұмысқа салады. Жұмысшылар өздерінің аты-жөнін атамауды сұрайды. Олар мәселені ашық көтерсе, жұмыстан шығарып жіберуі мүмкін деп алаңдайды. Ал аурухана әкімшілігі олардың шағымымен келіспейді.

Кіші қызметкерлердің шағымы

«Облыстық балалар ауруханасында жұмыс істеймін. Жалақы көтеріледі деген болатын. Көтерілмек былай тұрсын төмендеп кетті. Мысалы, 132 сағат істеген жұмысыма 182 мың теңге шықты. Қаңтар, ақпан айында 130-140 сағатқа 225 мың теңге жалақы алған едім. Күнара жұмысқа түсеміз. Өз жұмысымыздан бөлек дала сыпырамыз, шөп жұламыз. Кіші қызметкерден...

Қазақстан қаржыгерлері қауымдастығы ұлттық валютаның долларға шаққандағы бағамына қатысты болжамын өзгертті. Сарапшылар доллар бір жылдан соң 573 теңге болады деп есептейді. Бұған дейінгі болжам 548,5 теңге еді.

Бұған қоса, қауымдастық теңгенің бір айдан кейінгі бағамына қатысты болжамын да 523,4 теңгеден 541,7 теңгеге дейін көтерді. Қазір Қазақстан қаржы қорында (KASE) АҚШ валютасы 542 теңгеден саудаланып жатыр.

Қаржыгерлер ұлттық валюта бағамының нашарлауын нарықтағы өте күшті әрі негізсіз ауытқулармен байланыстырып отыр. Бұған қоса, ішкі нарықта шетел валютасына сұраныс артқан. Оның үстіне шикізат нарығындағы баға тұрақсыз болып тұр.

Мұндай жағдайлар Ұлттық банкті ақша-несие саясатын қатаң ұстауға мәжбүрлейді. Қаржы қадағалаушы мекеме сол арқылы инфляциялы...

Алматының Орталық стадионында әлемдік супержұлдыз Дженнифер Лопестің Up All Night әлемдік туры аясындағы жеке концерті өтті. Бұл кешке 20 мыңнан астам көрермен жиналды, оның ішінде әлемнің 35-тен аса елінен келген 8 мың турист болды.

Фанаттар сүйікті әртісіне деген махаббатын білдіру үшін түрлі сыйлықтар тарту етті. Сахнаға әсем гүл шоқтары мен авторлық портреттер, естелік сувенирлер мен жүрекжарды сыйлықтар ұсынылды. Көпшілік Дженнифер Лопеспен бірге суретке түсіп, әсерлі сәттерін әлеуметтік желілерде бөлісті.

«Шегірткеден асқан бақытты жан жоқ»

Концерттің ең есте қаларлық оқиғасы әнші мойнына қонған шегіртке болды. Әлеуметтік желі қолданушылары оны «VIP-қонақ» деп атап кетті. Дженнифер бұл жайтқа байсалды қарап, шегірткен...

Қайтарылған активтердің 10 млрд теңгеден астамы Абай облысында сумен жабдықтау желілерін салуға жұмсалады.

Өңірде барлығы 21 жоба жүзеге асырылуда, оның жетеуі – Семей қаласында. Нақты айтқанда Бородулиха, Үржар және Абай аудандарында сумен жабдықтау желілері жаңартылады. Сумен қамту ауылдық аумақтарды да қамтиды.

«Бұл жобаларды жүзеге асыру халықтың өмір сүру сапасын арттыруға, коммуналдық қызметтерге қолжетімділікті қамтамасыз етуге және инфрақұрылымды жаңғыртуға бағытталған. Нысандарды биыл пайдалануға беру жоспарланып отыр», – деп жазылған хабарламада.

Өнеркәсіп және құрылыс министрлігінің деректеріне сәйкес, сумен жабдықтау қызметтеріне қол жеткізу Семей қаласында 95,5%-ды, Абай облысының ауылдарында 95%-ды құрайды.

Бұған дейін қайтарылған...

Қостанай облысында кәмелет жасқа толмаған балаға зорлық көрсеткен күдікті Ресейден Қазақстанға экстрадицияланды. Бұл туралы Бас прокуратура хабарлайды.

Құзырлы мекеме мәліметінше, бұл оқиға 2024 жылғы қарашада Қостанай облысында болған.

«Ата-анасын танитын күтікді жасөспірімнің пәтеріне келген. Жәбірленушімен екеуі жалғыз қалғанда, оның жасы мен психикалық ауруы туралы біле тұра, ер адам оған қатысты жыныстық сипаттағы зорлық-зомбылық жасаған», – деп жазды прокуратураның баспасөз қызметі.

Осы оқиғадан кейін күдікті Қазақстаннан қашып кеткен. Оған халықаралық іздеу жарияланған.

Күдікті былтыр Ресейдің Челябі облысында ұсталып, Бас прокуратураның сұрауы бойынша Қазақстанға экстрадицияланды. Қазір ол тергеу изоляторында отыр. Күдікті 15-17 жылға дейін бас бостандығынан...

АҚШ вице-президенті Джей Ди Вэнстің айтуынша, Құрама Штаттар Ресейден мұнай алғаны үшін Қытайға қосымша баж салығын енгізу туралы шешімді әлі қабылдаған жоқ. Бірақ Ақ үй басшысы ойланып жүр. Бұл туралы Fox News хабарлайды.

Телеарнаның мәліметінше, АҚШ президенті Дональд Трамп Украинадағы жанжалды қаржыландыруды доғарғысы келеді. Вэнс осылай деп мәлімдеген.

«Бірақ еуропалықтар белсенділік танытып, америкалық қару-жарақ сатып алғысы келсе, біз қарсы емеспіз. Дегенмен біз өз бетімізбен оны қаржыландырмаймыз», – дейді Вэнс телеарна эфирінде.

Тамыздың басында АҚШ сенатының комитеті Украинаға шамамен 1 млрд доллар көмек бөлуді мақұлдаған. Президент Трамп мұнай ұсыныс тастамаса да, бастаманы демократтар да, республикашылар...

Димаш Құдайбергеннің қарындасы Раушан Құдайбергеннің үйлену тойына арналған ерекше бейнебаян жарық көрді. 13 минуттық бұл туынды жай ғана Love Story емес, нағыз көркемдік мазмұны бай, қазақы рух пен эстетикаға толы шағын фильм ретінде шықты.

Сюжет бойынша, батырлардың кейпінде түсірілген бейнебаянда Димаш Ермаханды (күйеу баласын) «тұтқынға» алады. Алайда түнде қарындасы Раушан жігітті аяп, босатып жібереді. Таң ата бере Димаштың ауылына жау шабуыл жасап, ойран салады. Сол сәтте Ермахан қайта оралып, Раушанды құтқарып қалады.

Әр сәті қазақтың дәстүрлі киімдерімен, қылыш пен ер-тоқымның, ұлттық ою-өрнектің көріністерімен көмкерілген бұл бейнебаян көрермендерді ерекше әсерге бөледі. Көріністердің драматургиясы мен атмосферасы тойға арналған видеоны нағыз кино...

Түркияның батысында орналасқан Балыкесир өңірінде 6,1 балдық жер сілкінісі болды. Дүмпу Ыстанбұл мен Измир қалаларында сезілді. Бір адам қаза тауып, бірнеше адам жараланды. Бұл туралы түрік баспасөзі хабарлайды.

Мәліметтерге қарағанда, жер сілкінісі жергілікті уақытпен сағат 19.53-да (Астана уақытымен сағат 21.53) басталды. Содан кейін қуаты 4,6, 4,1 және 4 балдық тағы үш мәрте жерасты дүмпуі болды.

Дүмпу ошағынан шамамен 120 км жердегі Измир, шамамен 200 км жердегі Ыстанбұл қалаларының тұрғындары да жер сілкінгенін сезді. Түрік төтенше жағдайлар қызметінің мәліметінше, шамамен жиырма шақты афтершок тіркелген. Олардың бесеуінің қуаты 4-5 балл шамасында болған.

Балыкесир провинциясының Сындырғы ауданында болған жер сілкінісінен бір...

Тамыздың алғашқы аптасында жаһандық қаржы нарықтары бірнеше маңызды фактордың ықпалында болды: АҚШ-тағы саяси және монетарлық өзгерістер, мұнай бағасының қысқа мерзімді әлсіреуі, алтынның тұрақтылығы, валюталық нарықтағы теңгенің салыстырмалы тұрақты бағыты және Қазақстандағы корпоративтік акциялардың аралас динамикасы.

АҚШ нарығы: Өсу фонында сақтық белгілері

Апта бойы S&P 500 индексі оң динамика көрсетті:

Дегенмен техникалық тұрғыда индекс әлі де коррекциялық сценарийде. Негізгі мақсат – 6030–6130 пункт. Бұған дейін 6230 деңгейінде сатылым сигналы пайда болған. Қазір 6370–6390 – негізгі қарсылық аймағы, ал 6270–6290 – маңызды...

«Қазгидромет» синоптиктерінің болжамынша, алдағы күндері еліміздің оңтүстігі мен батысында аптап ыстық, ал кей өңірлерде жауын-шашын, желдің күшеюі және найзағай күтіледі.

Түркістан облысы мен Шымкентте күндіз ауа температурасы +40°С-қа дейін көтеріліп, төтенше өрт қаупі сақталады.

Алматы облысында 11–13 тамызда солтүстік-батыстан солтүстік-шығысқа ауысатын желдің екпіні 15–20 м/с-қа дейін жетеді. Күндіз +35…+38°С ыстық болады. Оңтүстікте ауа температурасы жоғары, Қонаев қаласында – төтенше өрт қаупі бар. Алматыда +38°С ыстық пен жоғары өрт қаупі сақталады.

Жетісу облысында шығыстан соққан желдің екпіні 15–20 м/с-қа дейін күшейеді. Батыс, солтүстік және орталық аудандарда, сондай-ақ Талдықорғанда да жоғары өрт қаупі ықтимал.

Қызылорда облысының солтүстігінде қатты жаңбыр, найзағай, бұрша...

Алматыда президент Қасым-Жомарт Тоқаевтың тапсырмасымен басталған алғашқы ұлттық мектептің жаңа ғимаратының құрылысы аяқталуға жақын. Бұл туралы Оқу-ағарту министрі Ғани Бейсембаев хабарлады.

Министрдің айтуынша, бұрынғы Абай атындағы республикалық мамандандырылған қазақ тілі мен әдебиетін тереңдетіп оқытатын мектеп-интернаты бүгінде «Абай Ұлттық мектебі» атауымен қайта жаңғыртылды.

Бұл білім ордасының тарихы өткен ғасырдың 1950-жылдарынан бастау алады. Жетпіс жыл ішінде талай өнер, қоғам және мемлекет қайраткерлерін тәрбиелеген мектеп қазақ мәдениеті мен білімінің іргелі орталықтарының біріне айналған.

Абайдың есімі – Қазақстанның халықаралық деңгейдегі зияткерлік бренді. Жаңа Абaй Ұлттық мектебі заманауи инфрақұрылымға ғана емес, сонымен қатар инновациялық білім беру бағдарламаларына негізделмек. Мұнда тәрбиенің озық әдістері мен сыныптан...

Алматыда бүгін 10 тамыз кешке өтетін Дженнифер Лопестің концертіне санаулы сағаттар қалса да, Орталық стадион алдында ұзын сонар кезектің соңы көрінбейді. Әлемдік жұлдыздың алғашқы концертіне келген халықтың қарасы қалың – фотозоналар мен жарқын маскоттар алдында билеп, қуанышқа бөленіп жүрген қонақтар мен көрермендердің көңіл күйі ерекше.

Кешке қарай стадионға 20 мыңнан астам көрермен жиналады деп күтілуде, оның ішінде әлемнің 35-тен астам елінен келген 8 мың турист бар.

Қазіргі уақытта концертке кіретін ұзын-сонар кезек те көзден бұл-бұл ұшады. Халықтың көптігі сонша – кезектің соңы көрінбей кетеді.

Қазақстан Президенті Қасым-Жомарт Тоқаев АҚШ Президенті Дональд Трамптың белсенді әрі тиімді араласуымен Вашингтонда Әзербайжан мен Армения арасындағы қақтығысты бейбіт жолмен реттеу жөніндегі тарихи декларацияға қол қойылуымен Әзербайжан Президенті Ильхам Әлиевті құттықтады. Бұл туралы Аөорда хабарлады.

Қасым-Жомарт Тоқаев бұл құжаттың халықаралық құқық қағидаттары мен БҰҰ Жарғысына сәйкес жасалғанын және ол Әзербайжан мен Арменияның стратегиялық мүдделеріне толықтай сай келетінін атап өтті. Мемлекет басшысының айтуынша, бұл келісім Кавказ өңірінде халықаралық ынтымақтастықтың жан-жақты дамуына жол ашпақ. Қазақстан Әзербайжанның стратегиялық серіктесі ретінде көптен күткен бейбітшіліктің орнауын шын жүректен қолдайды.

Сонымен бірге Қасым-Жомарт Тоқаев Астананың алдағы уақытта келіссөздер өткізуге арналған алаң ұсынуға дайын екенін растады. Ильхам...

Украина тарапының бастамасымен Қазақстан Президенті Қасым-Жомарт Тоқаев пен Украина Президенті Владимир Зеленский телефон арқылы сөйлесті. Бұл туралы Ақорда хабарлады.

Әңгіме барысында Қасым-Жомарт Тоқаев қазақ халқының украин халқына, оның тарихына, мәдениетіне және тіліне ерекше құрметпен қарайтынын атап өтті. Мемлекет басшысы Қазақстанның Украинада халықаралық құқық қағидаттары негізінде бейбітшілік орнауына сөзсіз мүдделі екенін жеткізді.

Президент Астананың әуел бастан әділдік негізінде бейбітшілік формуласын бірлесе іздеуді жақтағанын, БҰҰ Жарғысын, мемлекеттердің егемендігі мен аумақтық тұтастығына қолсұқпаушылық қағидатын сақтау туралы жүйелі ұстанымын еске салды.

Қасым-Жомарт Тоқаевтың пікірінше, қазіргі өте күрделі жағдайда Украина мемлекеттілігін сақтау мен қорғауды қамтамасыз ете отырып, қақтығысты байыпты түрде шешу маңызды. Ол тараптар...

Белгілі әзілкеш Тұрсынбек Қабатов басына ота жасатқаны жайлы өзі сахнада жария етті. Бұл сәт 6 шілде күні Астанада өткен концертінде айтылған, концерттің эфирі кеше 9 тамыз күні Жібек жолы арнасында көрсетілді.

Сахнада Қабатов денсаулығына қатысты жағдайды әзілмен жеткізді:

«Жақында басыма операция жасатқам. Тромп болып қалып, басымның «крышкасын» алып тастады. Қазір алдарыңызға жарты бас болып шығып тұрмын», – деп қалжыңдады Қабатов.

Көрермендер бұл сөзді ду күлкімен қарсы алды. Әзілкеш денсаулығы жақсарып, қайта сахнаға оралғанына ризашылығын білдірді.

Әлеуметтік желіде оқырмандар да әзілкешке зор денсаулық тілеп, жылы лебіздерін білдіріп жатыр.

Еске сала кетейік, Тұрсынбек Қабатов...

Алматыда бүгін 10 тамыз күні әлемдік поп-жұлдыз Дженнифер Лопес концерті өтеді. Концертке санаулы сағаттар қалғанда Орталық стадион маңында мерекелік атмосфера орнады.

Қала нышаны — қар барыстары көрермендерді жылы жүзбен қарсы алып, суретке түсіп, шаттық сыйлап жатыр. Стадион алдындағы алаң түрлі түске боялып, әр қонақ өзін үлкен мерекенің бір бөлшегіндей сезінді.

Көрермендер арасында әртүрлі қала мен елдерден келген адамдар бар. Кейбірі естелікке суретке түссе, енді біреулері өнерпаздардың импровизацияланған қойылымдарына би билеп, балалар маскоттарды қуана құшақтап жүр.

Дженнифер Лопестің Алматыдағы концерті — оның Up All Night атты әлемдік турының бір бөлігі. Бұл шоу қазақстандық жанкүйерлердің сұрауы бойынша тур кестесіне қосылған. Кешке АҚШ...

Әлеуметтік желіде 600 мың теңгелік торт қызу талқыға түсті. Белгілі құрақ көрпе тігуші, кәсіпкер Аселлина Батыр әлеуметтік желіде өзінің іс-шарасына тапсырыс берген торт төңірегінде туындаған дауға қатысты мәлімдеме жасады.

Оның айтуынша, торттың бағасы тапсырыс берерде де, тапсыру кезінде де айтылмаған. Аселлина ханым алдын ала сұрағанда орындаушы тек «Кейін жазамын» деп жауап берген. Бұл әңгімені оның командасы мен тортты қабылдаған куәгерлер де естіген.

«Орындаушы кеткеннен кейін ғана соңғы сома жіберілді. Біз ешқашан ол бағаға келіскен емеспіз. Бұл – алдын ала келісімсіз келген сома. Мен алдын ала 100 мың теңге төлем жасадым, бірақ толық баға ары кетсе...

Бүгін Түркістан облысы Төле би ауданы Сұлтанрабат ауылында Алматы облысындағы Сорбұлақ су қоймасында жоғалған әскери тікұшақ экипажының командирі Нұржігіт Үйсінбаевтың жаназасы шығарылды.

Кеше Қорғаныс министрлігі тікұшақ бөлшектері мен бір адамның денесі табылғанын хабарлаған еді.

Ұшқыш, майор Нұржігіт Үйсімбаевтың отбасы қара жамылды. Үй алдында беліне ақ шыт байлап оннан аса еркек «бауырым-ай» деп аза тұтып тұр. Үй ішінен әйелдердің аңырап, жоқтаған дауысы естіледі. Қаралы үйге кіріп, шығып жүрген адам көп.

Нұржігіт Үйсінбаевдың інісі Ержігіт Үйсінбаевтың айтуынша, ағасының денесі кеше кешке үйіне жеткізілген.

«Кеше таңғы сағат жеті шамасында әскери тікұшақты таптық деген хабар келді. Біз сол...

Қазақстандық әнші Сәкен Майғазиев әлеуметтік желілерде тараған жалған ақпаратқа қатысты пікір білдірді. Бұған дейін интернетте әзіл-шыны аралас бейнеролик жарияланып, онда әнші Дженнифер Лопестің концертін онлайн-трансляциялап, одан табыс тапқан деген пікір айтылған. Кейбір желі қолданушылары бұл қалжыңды шын қабылдап, Майғазиевке қатысты жағымсыз пікірлер қалдырған.

«Бұл – тек өсек. Джей Ло қайда, мен қайда? Мен сол күндері анамның ауылында болып, демалып, күш жинап жатқан едім. Алматыға қайтып келе жатып, осы жазбаны көріп таңғалдым. Егер біреу расымен трансляция сатып жатса да, оған неге жамандық тілеу керек?» – деді әнші.

Әнші мұндай теріс пікірлер өзіне әсер етпейтінін айтты...

Обсессивті-компульсивті бұзылыс, қысқаша ОКБ, – адамның өмірін едәуір қиындататын психикалық жағдай. Бұл кезде адамда мазасын алатын ойлар немесе бейнелер пайда болады. Мұндай ойларды обсессия деп атайды. Олар көбіне қисынсыз, бірақ адам оған ерекше мән береді және ол ойдан құтыла алмайды. Мысалы, кейбіреулер шкаф ішіндегі заттар дәл бір тәртіппен тұрмаса, бірдеңе жаман болады деп сенеді немесе микробтардан қатты қорқып, қолын қайта-қайта жуады.

Обсессиялармен бірге көбіне компульсиялар да болады — бұл обсессиядан туындаған мазасыздықты азайту үшін жасалатын қайталанатын әрекеттер. Мысалы, үтіктің сөнген-сөнбегенін қайта-қайта тексеру, есікті бірнеше рет құлыптау, заттарды дәл бірдей етіп орналастыру. Бұл әрекеттер уақытты да, күшті де көп алады, кейде...