Жаңалықтар

2025 жылы Қазақстан қоғамында үлкен талқылау тудырған және әлі де даулы болып қалып отырған бірнеше негізгі заң жобалары мен бастамалар бар. Олар жыл бойы талқыланды, депутаттар үкіметте бірнеше рет оқылымнан өткізді. Сол жобалардың ішінде ерекше ел назарына іліккен құжаттарды ұсынамыз.

ЛГБТ насихатына тыйым салу

Заңды кім ұсынды: Елдегі ең жылдам қабылданған ең шулы заң жобасының бірі – ЛГБТ насихатына тыйым салу. Осы жылы қазанда Ринат Зайытов, Наталья Дементева, Ирина Смирнова және Еділ Жаңбыршин бастаған бір топ депутат ЛГБТ насихатына тыйым салу керек деген норманы заңға енгізу деген ұсыныс айтты.

Заңды талқылау қалай өтт...

Қазақстан президенті биыл 23 рет шетелге шығып, 30 елдің басшысын республикада қарсы алды. Бұл туралы президент Қасым-Жомарт Тоқаевтың баспасөз хатшысы Руслан Желдібай жазды.

Президент бір жылда Ресейге және Өзбекстанға мемлекеттік сапармен барған.

ҚХР, Иордания, Түркия, Қырғызстан және Жапония секілді елдерге 5 ресми сапар ұйымдастырылды.

Ресей (екі рет), АҚШ (екі рет), Түрікменстан (екі рет), БАӘ, Өзбекстан, Әзербайжан, Тәжікстан және Қырғызстан сияқты мемлекеттерге 16 мәрте жұмыс сапарымен барды.

Осылайша президент ішкі және сыртқы рейстерді қосқанда 252 сағат уақытын ұшақта өткізді.

Ал шет мемлекет басшылары Қазақстанға 30 рет cапармен келді. Арасында ҚХР, Италия (екі рет), Грузия, Өзбекстан, Словения, Вьетнам, БАӘ, Руанда...

Мереке алдындағы бұл күн тұрақтылық пен байыпты шешімдерге толы болады. Ғаламшарлардың үйлесімді әсері аяқталмаған істерді бітіруге, қаржылық мәселелерді реттеуге және мерекеге асықпай дайындалуға қолайлы жағдай жасайды. Kursiv LifeStyle Geocult.ru деректеріне сүйене отырып, жұлдыз жорамал ұсынады.

Тоқты

Марс Тауешкі белгісінде болғандықтан, ұзақмерзімді мансаптық мақсаттарға назар аударыңыз. Қаржыда тосын шығындардан аулақ болып, сенімді активтерді таңдаған дұрыс. Кешті тыныш ортада өткізу күш жинауға көмектеседі.

Торпақ

Ай сіздің белгіңізде – бизнес пен инвестицияда түйсігіңіз күшейеді. Маңызды құжаттар рәсімдеуге және ірі сатып алуларға қолайлы күн. Қарым-қатынаста жұмсақтық танытыңыз, сенімділігіңіз өзгелерді өзіне тартады.

Егіздер

Меркурий ақпараттың шамадан тыс ағымын тудыруы мүмкін, сондықтан қажетсіз байланыстарды сүзгіден өткізіңіз...

Құтқарушылар Ақтөбе және Қарағанды облыстарында жолда тұрып қалған 100-ден астам жолаушыны жылы жерге эвакуациялады. Бұл туралы Төтенше жағдайлар министрлігі хабарлады.

Ақтөбе облысының Әйтеке би ауданында республикалық маңызы бар автожолда қозғалыстың шектелуіне байланысты Қарабұтақ ауылындағы блок-бекетте 78 жолаушысы бар екі автобус қалып қойды.

Сонымен бірге Қарағанды облысының Абай ауданында, жабық жол учаскесінің алдында орналасқан Топар кентіндегі блок-бекетте 56 жолаушысы бар бір автобус тоқтап қалды.

Құтқарушылар, полиция өкілдері және жергілікті атқарушы орган қызметкерлері автобустардан жүзден астам адамды жақын маңдағы жылыту пункттеріне орналастырды. Олардың ешқайсына медициналық көмек қажет болған жоқ.

Министрлік ауа райы нашарлаған жағдайда елдімекеннен тыс жерлерге шықпауға кеңес береді.

2025 жыл адамзат үшін аса жағымсыз, бірақ маңызды оқиғаларға толы болды. Әсіресе, биыл түрлі қарулы қақтығыстар мен жанжалдар саны шамамен 60-қа артып, Жылан жылы Екінші дүниежүзілік соғыстан бері ең тұрақсыз кезең ретінде тарихта қалды. Мемлекеттер арасындағы араздық күрт көбейгенін байқаған сарапшылар әлем терең дағдарысқа ұшырады деп бағамдады. Kursiv.Media өтіп бара жатқан жылға тағы бір көз жүгіртіп, ең маңызды деген жеті оқиғаны тізіп шықты.

Трамп – әлем әміршісі

Жыл әлемдегі ең ықпалды елде биліктің ауысуымен басталды. Дональд Трамп 2024 жылдың аяғында президент сайлауында жеңіске жеткенімен, Ақ үйге осымен екінші мәрте кірген саясаткерді ұлықтау рәсімі биыл қаңтарда...

Ақтөбе облысында сот биыл қазанда 12 адам қаза тапқан жол апатына айыпталған жүк көлігінің жүргізушісіне қатысты қылмыстық істі тоқтатты, деп хабарлады Kazinform.

Істі өңірдің қылмыстық істер жөніндегі мамандандырылған ауданаралық соты қарады. Судья Сабыров айыпталушының қайтыс болуына байланысты қылмыстық қудалауды тоқтату туралы қаулы шығарды.

Сабыров істің сотқа дейінгі тергеу сатысында тоқтатылатын нақтылады, алайда полиция немқұрайлылық танытып, айыптау актісін сотқа жіберген.

«Полиция қызметкері өз міндеттерін толық орындамады және іс жүргізу заңнамасының талаптарын сақтамады. Мұндай бұзушылықтарды болдырмау мақсатында бұған Ақтөбе облысы полиция департаменті бастығының назарын аудару қажет», – деп атап өтті судья.

Бұған дейін Ақтөбе облысындағы...

Қазақстанның экс-президенті Нұрсұлтан Назарбаев пен Өзбекстан президенті Шавкат Мирзиеев 29 желтоқсанда телефон арқылы сөйлесті.

Өзбекстан басшысының ресми сайтының хабарлауынша, олар Жаңа жыл қарсаңында екі елдің халқына бейбітшілік, тұрақтылық пен амандық тілеп, жылы лебіздерімен алмасты.

«Өзбекстан мен Қазақстан арасындағы достық, тату көршілік, стратегиялық әріптестік пен одақтастық қатынастарының қол жеткізілген жоғары деңгейі, сондай-ақ өзара іс-қимылдың барлық негізгі салаларында көпжоспарлы ынтымақтастықтың үдемелі дамуы ерекше қанағаттанушылықпен атап өтіледі», – делінген хабарламада.

Бұған дейін Нұрсұлтан Назарбаев Мәскеуге барып, Ресей президенті Владимир Путинмен кездесті. Кездесудің егжей-тегжейі нақтыланбаған.

Шағын бизнес пен жеке кәсіпкерлерді есепке алғанда, қазақстандық кәсіпорындағы орташа жалақы 2025 жылдың үшінші тоқсанында 412,6 мың теңгені құрады. Бұл ретте жекелеген салаларда орташа жалақы 800 мыңнан асады.

2025 жылдың үшінші тоқсанында жалдамалы қызметкерлердің орташа жалақысы ең жоғары салалар арасында (барлық компаниялар, соның ішінде шағын бизнес және жеке кәсіпкерлер) өнеркәсіп салаларының бірі – тау-кен және карьерлерді қазу жетекші орын алады. Бұл компанияларда қазақстандықтар орта есеппен 868 мың теңге алады.

Екінші орында Қаржы және сақтандыру қызметі жүреді. Қазақстанда банкирлер, сақтандыру агенттері мен брокерлер орта есеппен 825,6 мың теңге табады. Үшінші орында – ақпарат және байланыс саласы, оның ішінде IT-мамандар. Бұл салада...

Ресейдің Сыртқы істер министрі Сергей Лавров 29 желтоқсанға қараған түні украиналық дрондар Ресей президенті Владимир Путиннің Новгород облысындағы Валдайдағы президенттік резиденциясына шабуыл жасамақ болғанын мәлімдеді, деп хабарлайды ТАСС.

Лавровтың айтуынша, резиденцияға 91 дрон шабуыл жасап, оларды әуе шабуылына қарсы қорғаныс құралдары жойған. Ол зардап шеккендер мен шабуылдан келген зиян туралы ақпаратты жария етпеді.

Лавров бұл шабуыл «Ресей мен АҚШ арасындағы украин қақтығысын реттеу жөніндегі қарқынды келіссөздер барысында» болғанын атап өтіп, бұған қоса, Киевтің әрекеттерін «террористік шабуыл» деп атады. Ол, сондай-ақ, мұндай әрекеттер жауапсыз қалмайды деп сендірді. Дегенмен, Ресей АҚШ-пен келіссөздер рәсімін тоқтатпайды.

Украина президенті Владимир Зеленский АҚШ президенті Дональд...

Украина президенті Владимир Зеленский АҚШ президенті Дональд Трамппен Флоридадағы жексенбілік кездесудің нәтижелері туралы әлеуметтік желіде жазба жариялады. Оның айтуынша, келіссөздердің басты тақырыбы Украинаның қауіпсіздік кепілдігі болды.

АҚШ-тан қауіпсіздік кепілдігі – 15 жыл

«АҚШ қауіпсіздікке кепілдік береді. Қазір әңгіме 15 жыл туралы болып отыр. Мен 30-40-50 жылды қарастыруды ұсындым – бұл тарихи шешім болар еді», – деді Зеленский.

Бейбітшілік жоспарын талқылау

Келесі кезең – Украинаның, АҚШ-тың және Еуропаның Ұлттық қауіпсіздік жөніндегі кеңесшілерінің кездесуі, содан кейін Украинаның қатысуымен Еуропалық көшбасшылардың кездесуіне құжаттар дайындалады. Негізгі мақсат-қаңтар айында Трамппен және еуропалық көшбасшылармен болашақ келіссөздердің шарттарын келісу.

Елдің солтүстігінде, оңтүстігінде және шығысында жел күшейіп, көктайғақ болады деп болжанып отыр. «Қазгидромет» 30 желтоқсанға ауа райы болжамын ұсынды.

Маңғыстау облысының Мұнайлы ауданында жергілікті аурухананың 1040 қызметкерінің жалақысы уақытында төленбей, конституциялық құқықтарын бұзу фактісі анықталды, деп хабарлайды Бас прокуратура.

Тексеру барысында осы жылдың қазан айындағы дәрігерлердің жалақысы белгіленген мерзімде төленбегені анықталды. Құқық бұұзушылықтарды жою үшін медициналық мекеме басшылығына прокурорлық қадағалау актісі енгізілді.

«Енгізілген қадағалау актісінің нәтижелері бойынша аудандық аурухана 273 млн теңгеден астам сомаға жалақы төледі, бұл қызметкерлердің конституциялық құқықтарын толық қалпына келтіруге мүмкіндік берді», – деп хабарлады прокуратура.

Аурухана ұжымының еңбек құқығы қалпына келтіріліп, жалақы бойынша қарыз толық көлемде өтелді.

Қазақстанның үш өңірінде республикалық автожолдарда қозғалыс шектелді, деп хабарлайды «ҚазАвтоЖол«.

Қай жолдарда шектеу енгізілді

Жетісу облысы:

Үшарал-Достық автожолы, 84-164 км, Көктұм кентінен Достық станциясына дейінгі учаске.

Ақтөбе облысы:

РФ шекарасы – Мартук – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы автожолы, 776-1240 км, «ЭКО ойл» ЖМҚС-дан Қызылорда облысының шекарасына дейінгі учаске жүк және қоғамдық көлік үшін жабылды. Жол шамамен 30 желтоқсанда сағат 8.00-де ашылады.

Қызылорда облысы:

РФ шекарасы – Мартук – Ақтөбе – Қарабұтақ – Қызылорда – Шымкент – Тараз – Қордай – Алматы...

Әнші Beyonce-нің байлығы 1 миллиард долларға жетті. Осылайша ол миллиардер атанған әншілердің бестігіне кірді, деп жазады Forbes.

Басылымның жазуынша, ол негізгі капиталын ауқымды гастрольдер өткізгенінің арқасында арттырған. Дәлірек айтқанда, үш жыл қатарынан өткен гастрольдік туры әншіні миллиардерлер қатарына қосты.

Бұдан бөлек, оның альбомдары мен әндерінің музыкалық платформаларда тыңдалып, сатылуы да оның қанжығасын майлайды.

Әнші 2010 жылы музыкасын, концерттерін және деректі жобаларын шығарумен айналысатын Parkwood Entertainment компаниясын...

2025 жылдың үшінші тоқсанында шағын бизнесті ескере отырып, Қазақстандағы орташа жалақы 412,5 мың теңгені құрады. Бұл өткен тоқсанмен салыстырғанда 4,5%-ға аз. Мұны Ұлттық статистика бюросының деректерінен көруге болады.

Бұл ретте статистикада ұсынылған 19 саланың ішінде 8 салада нақты жалақының өсуі байқалды. Орташа нақты жалақының өсуі бойынша көшбасшы – жылжымайтын мүлік саласының қызметкерлері болды. Мұнда жалақы 7,8%-ға өсіп, жалақы көлемі 330,6 мың теңгені құрады.

Екінші орында құрылыс саласы, тоқсан ішінде нақты өсім 6,1%-ға өсіп, жалақы көлемі 409 мың теңгені құрады. Үштікті 5,8% өсіммен, яғни 305 мың теңгеге дейінгі өсім ауыл және балық шаруашылығы қорытындылады.

Тоқсандағы нақты жалақы көтерме және бөлшек саудада...

Қазақстандықтар ауа райының қолайсыздығына байланысты уақытша шектеу енгізілген Астана – Щучинск және Астана – Теміртау автобандарында айыппұл келгеніне жаппай шағымданды. Олардың айтуынша, айыппұл негізінен жылдамдықты асырғаны үшін келген.ІІМ трассалардағы электрондық таблолардың заңды күші бар және толыққанды жол белгілері болып саналатынын түсіндірді.

«Азаматтар Астана – Щучинск және Астана – Теміртау трассаларында жылдамдық шектеулерін сақтамағаны үшін әкімшілік айыппұлдар бойынша көптеген өтініштер жолдады. Осыған байланысты ІІМ еске салады: қала сыртындағы жол ақпараттық таблолары заңнамаға сәйкес толыққанды электрондық белгілер, онда 3.24 «ең жоғары жылдамдықты шектеу» белгісі көрсетіледі», — делінген хабарламада.

ІІМ мәліметтері бойынша, мұндай таблолар ауа райына байланысты...

«ҚазМұнайГаз» ұлттық компаниясы қытайдың CITIC Construction компаниясымен батыстағы Қарашығанақ газ өңдеу зауытын салу бойынша ынтымақтастықты нығайтуға келісті, деп хабарлады ҚМГ баспасөз қызметі.

«ҚазМұнайГаз» ҰК АҚ және Қытайдың «CITIC Construction Co., Ltd» компаниясы арасында Қарашығанақ газ өңдеу зауытын салу бойынша ынтымақтастықтың базалық қағидаттары туралы келісімге қол қойылды», – делінген хабарламада.

Ақпаратқа сүйенсек, құжатта зауыт жобасын іске асыру негіздері, оның ішінде құнын бағалау, жабдықтар жиынтығы және ынтымақтастық бағыттары айқындалған. Енді екі компания жобалық құжаттаманы (FEED) әзірлеуге көшіп, тиімді техникалық және ұйымдастырушылық шешімдерді іздеу жолын бірлесіп жұмыс істеуі қажет.

Естеріңізге сала кетейік, 2025 жылғы 19 қазанда ресейлік осы...

Мемлекет басшысы Қасым-Жомарт Тоқаев Астанада Қауіпсіздік Кеңесінің отырысын өткізіп, елдің энергетикалық қауіпсіздігіне қатысты бірқатар тапсырмалар берді, деп хабарлайды Ақорда.

Тоқаевтың сөзінше, аграрлық секторға, өнеркәсіп пен экономиканың басқа да салаларына су үнемдеу технологияларын кеңінен енгізу маңызды. Сондай-ақ, энергетикалық қауіпсіздік еліміздің тәуелсіздігі мен экономикалық орнықтылығын қамтамасыз ететінін атап өткен.

Энергетика министрі Ерлан Ақкенженов пен Су ресурстары және ирригация министрі Нұржан Нұржігітов тақырып төңірегінде баяндама жасаған.

«Бүгінде Қазақстанның электр қуатын өндіруге қажетті ресурстары жеткілікті. Дегенмен сұраныстың ұдайы артуы қуат көздерін ұтымды әрі оңтайлы пайдалануды талап етеді. Кеңесте отандық электр қуатын қажеттілікке қарай икемдеп өндіру мәселесі қозғалды. Соның ішінде...

Мектептерде SMM-маман немесе мобилограф секілді жеке вакансия ашу мәселесі қарастырылуы мүмкін бе? Бұл сұрақты Kursiv.Media тілшісі Оқу-ағарту вице-министрі Майра Мелдебековаға қойды.

Kursiv.Media тілшісі әлеуметтік желілерде мұғалімдерге мектептегі түрлі іс-шаралар бойынша фото және видео есепті мектеп парақшаларына жүктеу міндеттелетіні, соның салдарынан педагогтердің қосымша SMM мен мобилографтың қызметін қатар атқарып жүргенін атап өтті. Осыған байланысты мектептерде арнайы мамандарға арналған жеке штат енгізу жоспары бар-жоғы сұралды.

Вице-министрдің айтуынша, мұғалімдерге өз функциясына жатпайтын жұмыстарды жүктеуге заң жүзінде тыйым салынған. Сөзінше, мектептерде SMM немесе мобилограф мамандарын жеке штат ретінде ұстау тиімсіз.

«Министрліктің бұл мәселеге қатысты арнайы бұйрығы бар. Мұғалімдерге...

Астанада 31 желтоқсаннан 1 қаңтарға қараған түні сағат 00:00-де мерекелік отшашу атылады. Қала әкімдігінің хабарлауынша, бәрі демеушілер қаражатына ұйымдастырылады.

Отшашу екі жерде атылады: Ботаникалық бақ және «Атырау» көпіріне іргелес аумақ.

«Елорда тұрғындары мен қонақтарына отшашу кезінде қауіпсіздікті қамтамасыз ету мақсатында «Атырау» көпірі ауданындағы жағалаудың мұзына шығуға қатаң тыйым салынады», – делінген ақпаратта.

Сонымен қатар Жаңа жыл қарсаңында 31 желтоқсаннан 1 қаңтарға дейін қаланың үш жерінде іс-шара өтеді.

31 желтоқсан сағат 21:00-ден бастап «Қазақ елі» монументінің жанындағы алаңда, «EXPO» аумағында, сондай-ақ әкімдік алдында шығармашылық ұжымдар мен қазақстандық эстрада жұлдыздарының қатысуымен қала тұрғындары мен қонақтары үшін концерттер...

Қазақстанда ең төменді жалақы екі жылдан бері 85 мың теңге деп белгіленген. Алдағы үш жылда да бұл көрсеткіш өзгермей, 85 мың теңге көлемінде қалады. Сонымен қатар республикалық бюджеттен білім беру саласына бөлінетін ақша азайып, мәдениет, спорт, туризм, ақпарат саласына бағытталатын қаржы қысқарады. Бұл туралы 2026-2028 жылдарға бекітілген республикалық бюджеттің азаматтық бөлігінде жазылған. Құжатты Қаржы министрлігі жариялады

Жалпы алдағы үш жылда респубикалық бюджеттің шығысы артады. Жоспар бойынша, 2026 жылы шығыс 25,7 трлн теңгені құраса, 2027 жылы бірден 3 трлн теңгеге өсіп, 28,8 трлн теңгеге жетпек. Ал 2028 жылғы бюджет шығысы 29,8 трлн теңгені құрайды. Осы үш...

«ҚазАвтоЖол» ұлттық компаниясы жол қозғалысы қауіпсіздігі бойынша қысқа арналған ескерту жасады.

Компанияның мәліметінше, жүргізушілер қар тазалайтын техникаға міндетті түрде жол беруі керек.

«Алдағы күндері қар жаууына байланысты жүргізушілерге автожолдарда қар тазалайтын арнайы техникамен кездескен кезде қауіпсіздік шараларын сақтауды еске саламыз», – деп хабарлады ұлттық компания.

Өйткені, қар тазалайтын машиналар жол жамылғысын тазалау кезінде, әдетте, шамамен 50–55 км/сағ жылдамдықпен қозғалады. Сондықтан арнайы техниканың қауіпсіз жұмыс істеуі үшін жеткілікті кеңістік қажет.

«Қар тазалайтын көлікке жақындамауды және кемінде 100 метр қашықтықты сақтауды сұраймыз», – деп хабарлады «ҚазАвтоЖол».

Компания қар тазалайтын техниканы басып...

Әнші Қайрат Нұртастың жұбайы, актриса Жұлдыз Әбдікәрімова анасына ерекше сый жасады. Әлеуметтік желідегі парақшасында көптен күткен арманының орындалғанын айтып, анасына Астана қаласынан пәтер сыйлағанын жариялады.

Жұлдыз соңғы бес жыл бойы анасы өзіне де, балаларына да үлкен тірек болғанын жазды. Оның айтуынша, анасы Алматы мен Астананың арасында үздіксіз қатынап, әкесінің жағдайын жасап, немерелерін бағып-қағып келген.

«Менің алаңсыз іссапарға шығып, жұмыс істеп, шығармашылығымды дамытуыма анамның қолдауы себеп болды. Балаларым толықтай анашымның қамқорлығында, мейірімінде өсіп жатыр», – деп жазды ол.

Жұлдыз Әбдікәрімова әкесі өмір бойы мемлекеттік қызметте еңбек еткенін, ғылым жолына адал болғанын және ұстаздықты ең маңызды миссия...

«Болашақ» бағдарламасымен АҚШ-та оқитын Аида есімді Threads қолданушысы Қазақстан оқу ақысын төлемей отырғанын жазды.

Ол Ғылым және жоғары білім министрлігіне жүгініп, Халықаралық бағдарламалар орталығы тарапынан оқу ақысы төленбегенін, салдарынан оқуын жалғастыра алмай отырғанын жеткізді.

«Бірнеше күннен кейін жаңа семестр басталады, алайда мені оған жібермейді. Себебі «Болашақ» орталығы Ғылым және жоғары білім министрлігі тарапынан қаржыландыру жоқ екеніне сілтеп, оқу ақысын төлей алмай отырғанын хабарлады», – деп жазды Аида.

Ғылым және жоғары білім министрлігінің баспасөз хатшысы Олжас Беркінбаевтың айтуынша, Рождество мерекесіне байланысты бірқатар университетте әкімшілік және қаржылық рәсімдер уақытша тоқтатылған.