Жаңалықтар

Үкіметтің 10 ақпандағы кеңейтілген отырысында Aitu мессенджері сөз болды. Жасанды интеллект және цифрлық даму министрі Жаслан Мәдиев отандық өнімді 700 мың адам пайдаланады десе, оған күмәнданған президент Қасым-Жомарт Тоқаев мәліметтің дәлдігін тексеруді тапсырды.

Мәдиевтің мемге айналған күмәнді мәліметі

«Менің байқауымша, үкімет отандық Aitu мессенджеріне тиісті деңгейде көңіл бөлмей отыр. Тіпті оны мемлекеттік қызметкерлер де пайдаланбайды«, – деп сынаған мемлекет басшысы. Оны Ақорда таратқан.

Үкіметте көтерілген мәселе әлеуметтік желілерде талқыланып, министр Мәдиев мәліметі бірден әшкере болып қалды. Мәселен, бизнес сарапшы Алмас Қасымжанов App Store-да Aitu қосымшасы бір айда шамамен 10 мы...

Ауа райының нашарлауына байланысты Тараз – Алматы республикалық жолдағы Қордай асуы учаскесінде қоғамдық және жүк көліктерінің қозғалысына уақытша шектеу қойылды. Шектеу 11-13 ақпан аралығында үш күнге созылады. Бұл туралы «ҚазАвтоЖол» ұлттық компаниясы хабарлады.

Қалың қар, боран…

Аталған аумақта қардың мол түсуі, боран және көріну деңгейінің күрт төмендеуі жол қозғалысының қауіпсіздігіне айтарлықтай қауіп төндіріп отыр. Қордай асуы қыс мезгілінде күрделі учаскелердің бірі саналады.

«Қазіргі уақытта бұл бағытта «Қорғас», «Достық», «Қалжат» өткізу пункттерінен, сондай-ақ Алматы қаласынан шыққан жүк автокөліктері қозғалыс жасауда. Уәкілетті органдар жалғасқан қозғалыс жабық учаске маңында көліктердің шоғырлануына, арнайы техниканың жұмысына...

Қазақтардың сүйікті көлігі Toyota тағы бір жаңа моделін көпшілік назарына ұсынды. Жаңа кроссовер АҚШ-та Highlander топтамасының ізбасары болады, соның атауын да алады. Автомобиль электр қозғалтқышпен жабдықталған және дизайны жағынан алдыңғы үлгілерінен түбегейлі ерекшеленеді.

Бұрынғы Highlander-ден айырмашылығы

Жаңа кроссовердің сыртқы көрінісі – 2021 жылғы bZ Large SUV концептісіне негізделген. Сериялық нұсқаның сыртқы пішіні мен артқы жарық шамдары бұрынғыша қалған. Алайда алдыңғы бөлігі брендтің қазіргі фирмалық стилінде жаңартылған дизайнмен ұсынылды.

Өлшемі жағына келсек, төртінші буындағы Highlander моделінен сәл үлкенірек: ұзындығы 5050 мм-ге дейін өскен, ал доңғалақ базасы 3050 мм-ге созылған. Үшінші қатардағы орындықтарды бүктегенде багаж сыйымдылығы 1292 литрді құрайды, ал орындықтарды көтергенде...

Астанада Конституциялық комиссияның отырысы өтіп жатыр. Мәжіліс депутаты Айдос Сарым Ата заң жобасына ой қосқан азаматтарға алғыс хат беруді ұсынды.

Сарым тарихи жұмыстың бүгін аяқталатынын айтып өтті.

«Осы күндері ел болашағына шынайы алаңдаушылығын танытып, электронды платформалар арқылы ой бөліскен он мыңнан асқан азаматтарымызға, саяси партия өкілдеріне де зор алғысымды айтқым келеді. Көптеген ой, ұсыныс жүзеге асты. Сөзбе-сөз болмаса да Ата заңға енді. Барша ұсыныс берген азаматтардың аты аталып, оларға Конституциялық сот немесе Конституциялық комиссия атынан ресми түрде алғыс айтылып, алғыс хат беруді ұсынамын», – деді Сарым Конституциялық реформалар жөніндегі комиссия отырысында.

Айтуынша, мыңдаған азаматты...

Германияда қайтыс болған экс-судья Айгүл Сайлыбаеваға қатысты іс материалдары Ресейге беріледі. Бұл туралы Бас прокурордың орынбасары Ғалымжан Қойгелдиев айтты.

Бұған дейін желіде Сайлыбаеваның күйеуі Александр Донцовтың Мәскеудегі пәтерде түсірілген видеосы тарады. Видео сипаттамасында Сайлыбаеваның енесі Наталья Донцова мен Александр Донцовтың Мәскеуде тұрып, жұмыс істеп жатқаны айтылған.

Қойгелдиевтің сөзінше, Қазақстан тарабы күдіктілердің қай елдің азаматы екенін анықтауы керек. Содан кейін іс материалдары Ресейге беріледі. Тергеу әрі қарай сол елде жалғасады.

Айгүл Сайлыбаеваның қазасы

Айгүл Сайлыбаева 2024 жылы 3-4 маусымда хабарсыз кеткен. 16 маусымда пышақталған денесі қала шетінен пластикалық қапшыққа салынған күйі табылды.

2025 жылдың Сайлыбаеваның бұрынғы күйеу...

Мәжіліс депутаттары автогазмен жүретін көлік иелеріне қатысты ережелерді өзгертетін заң жобасын бірінші оқылымда мақұлдады. Жаңа нормалар қауіпсіздікті арттыруға және отын тапшылығына қарсы күреске бағытталған.

Реформаны енгізудегі басты себеп – 2025 жылы Түркістан және Атырау облыстарындағы жер үсті резервуарлары бар автожанармай құю станцияларында жарылыс болып, адамдардың қаза табу фактілері болып отыр.

Қауіпсіздік стандарттары

Қазіргі таңда елдегі 3 мыңнан астам нысанның шамамен 90%-ы жер үсті резервуарларын қолданады. Заң жобасы осы секторға қатаң шектеулер енгізеді:

Полиция Анар Абдуллаев (Ресей) пен Ренат Пашаевтың (Грузия) үстінен «алауыздықты қоздыру» бабы негізінде қылмыстық іс қозғады. 11 ақпанда Астанада өткен брифингте Бас прокурордың орынбасары осылай деп мәлімдеді.

«Біздің полиция Қылмыстық кодекстің 174-бабы – «ұлтаралық араздықты қоздыру» әрекеті бойынша тексеру жүргізе бастады», – деп мәлімдеді Ғалымжан Қойгелдиев.

Бұл бап 7 жылға дейін бас бостандығынан айыру жазасын қарастырады. Қазір Абдуллаев пен Пашаев Алматы абақтыда отыр.

Бұл екеуі, полиция мәліметінше, TikTok-та тікелей эфир жүргізу барысында қоғамдық тәртіпті бұзатын, көпшіліктің ар-ұжданына тиетін сөздер айтқан. Құзырлы мекеме «интернет кеңістігі жауапсыздыққа жол ашатын алаң емес екендігін ескерткен.

Әлеуметтік желілерде шетел стримерлерін...

Қазақстан мұсылмандары діни басқармасы (ҚМДБ) 2026 жылғы пітір садақа мөлшерін бекітті. Бұл туралы бүгін, 11 ақпанда елордада Рамазан айына орай өткен Төралқа мәжілісінде Бас мүфти Наурызбай қажы Тағанұлы мәлім етті.

ҚМДБ мәліметінше, биыл пітір садақа мөлшері 735 теңге болып бекітілді.

Сондай-ақ мүфтият Рамазан айы 2026 жылдың 19 ақпанында басталатынын ресми жариялады.

«Біз Түркі мемлекеттері ұйымына қарасты Мүфтилер алқасы жанындағы пәтуа кеңесінің және ғылыми зерттеулер нәтижесін ескеріп, ортақ шешім қабылдадық. Биыл Рамазан айы 19 ақпанда басталады. Ал наурыздың 16-нан 17-не қараған түн – қасиетті Қадір түні. 20 наурыз – ораза айт мерекес...

Қазақстанның бұрынғы Бас прокуроры Қайрат Қожамжаровтың құқықтық статусы әлі күнге дейін белгісіз. Бұл туралы Бас прокурордың орынбасары Ғалымжан Қойгелдиев мәлім етті.

«Қожамжаровқа қатысты қылмыстық іс тергеліп жатыр, оның статусы әзірге анықталған жоқ», – деді ол Мәжіліс кулуарында.

Айта кетейік, күзде Қайрат Қожамжаровқа қатысты сотқа дейінгі тергеп-тексеру басталған. 2 желтоқсанда іздеудегі Қожамжаров Мәскеуде жүр деген ақпарат тараған.  

Ресейге кіруге тыйым салған әртіс Нұрлан Сабуровтың басы тағы дауға қалды. Оның ісімен енді Ұлттық қауіпсіздік комитеті айналысып жатыр.

Мәселенің мән-жайы

Осыдан біраз күн бұрын әзілкеш Ресей әскеріне материалдық көмек көрсетті деген ақпарат тарап еді. Ресейлік басылымдардың дерегінше, ол «Барлығы жеңіс үшін» қорына қаржылай көмек берген. Кейін әлеуметтік желілерде әртістің «Вагнердің Истра легионы» атты бөлімшеге он мотоцикл сыйлаған видеосы тарап кетті. Ол жерде әртіс: «Жігіттер жеңіспен оралады деп сенеміз», – деген тілек айтады.

Осы жаңалық тарағаннан кейін қазақ белсендісі Марат Тұрымбетов Нұрлан Сабуров үстінен Бас прокуратураға арыз түсіргенін жазды. Ол Ресей әскеріне қолдау...

Соңғы күндері Түркістан қаласында толассыз жауған жауыннан көшелерде су жиналып, қозғалыс қиындаған. Судан тазалау жұмысы әлі жалғасып жатыр. Бұл туралы тұрғындар әлеуметтік желіде жазып жатыр.

Тұрғындардың жазуынша, әуелі жол бойындағы суағар суға толған. Артынан көшелерге жайылған.

Тұрғындардың шағымын қала әкімдігі де растады. Әкімдік дерегінше, су жиналған аумақтарда шұғыл түрде тазалау және суды сорып шығару жұмыстары әлі де жалғасып жатыр. Бұл үшін қырықтан аса арнайы техника мен жүзден аса маман тартылған. Мамандар тәулік бойы жұмыс істеп жүр.

Ресми мәліметке қарағанда, кеше қаладан мың текше метрден аса су шығарылған.

«Кәріз жүйесі жүргізілген көшелерде орын алған кемшіліктерді қалпына келтіру...

Олимпиада ойындарының қола жүлдегері, боксшы Еркебұлан Шынәлиевтің арызы бойынша қылмыстық іс тіркелді. Бұл туралы мәжіліс кулуарында бас прокурордың орынбасары Ғалымжан Қойгелдиев айтты.

«Бір-екі күн бұрын ғана «адам ұрлау» бабы бойынша қылмыстық іс қозғалды. Қазір іс тергелу сатысында», – деді ол.

Қойгелдиевтің айтуынша, күдіктілерді Қазақстанға әкелу бойынша Түркия тарапына өтінім жолданған.

Еркебұлан Шыналиев бірнеше күн бұрын әлеуметтік желіде үндеу жариялаған еді. Ол Түркияда өзін әлдекімдер қорқытып, күштеп бірдеңелерді айтқызғанын мәлімдеген. Танымал боксшының айтуынша, 2025 жылдың мамыр айында Шыңғыс Мұқашев және Иманалиев Нұржан деген екі азамат оны қорқытқан.

«Ыстанбұлдан 150–200 шақырым...

Рамазан айы 2026 жылдың 19 ақпанында басталады. Бұл туралы Қазақстан мұсылмандары діни басқармасының төрағасы, Бас мүфти Наурызбай қажы Тағанұлы хабарлады.

«Біз Түркі мемлекеттері ұйымына қарасты Мүфтилер алқасы жанындағы пәтуа кеңесінің және ғылыми зерттеулер нәтижесін ескеріп, ортақ шешім қабылдадық. Биыл Рамазан айы 19 ақпанда басталады. Ал наурыздың 16-нан 17-не қараған түн – қасиетті Қадір түні. 20 наурыз – ораза айт мерекесі», – деді Наурызбай қажы Тағанұлы.

Барлық өңір үшін жасалған ауыз бекіту мен ауызашар уақытының ресми кестесін мына жерден көре аласыз.

Ауызашарда оқылатын дұға

«Аллаһуммә ләкә сумту...

Танымал продюсер әрі актриса Дариға Бадықова мен актер Олжас Абай жаңа фильмнің жарнамасы аясында көрермендерге автокөлік ұтып алу мүмкіндігін ұсынып отыр. «Таптым-ау сені 3» фильміне креативті жарнама байқауын жариялады.

Байқауға қатысу үшін «Таптым-ау сені» фильмінің алдыңғы бөлімдері немесе бейнебаяндар негізінде креативті, қызықты видео түсірілу керек әрі онда шыққалы жатқан үшінші бөлім аталуға тиіс. Ұйымдастырушылар пародия жасау міндетті емес екенін атап өткен.

Ұйымдастырушылардың айтуынша, ең үздік креативті жарнама авторы жеңімпаз атанып, автокөлік алады. Жеңімпаз 15 наурыз күні шығармашылық топтың тікелей эфирі барысында анықталады.

Ресей Қазақстанда салатын АЭС үшін мемлекеттік кредит беруге құжаттар дайындап жатыр. Құрылыстың барысы туралы жобаға да жақын арада қол қоймақшы. Бұл жайлы «Россия 24» телеарнасына берген сұхбатында Ресей Федерациясының Қазақстандағы төтенше жағдай бойынша елшісі Алексей Бородавкин айтты.

«Атом электр станциясын салуды бастауға арналған құқықтық рәсімдер жүргізіліп жатыр. Қазіргі уақытта дайындалып жатқан құжаттарға жақында қол қойылады деп үміттенемін. Оның біріншісі – ұйымдастырушылық, заңдық және техникалық аспектілерге қатысты. Екінші бөлігі – осы АЭС құрылысы үшін Ресейден мемлекеттік кредит беру туралы. Бұл құжаттар да соңғы келісу кезеңінде тұр. Жақын арада оларға қол қойылады деп есептеуге болады», – деді Бородавкин.

11 ақпанда баспасөз бен әлеуметтік желілерде Kaspi Gold төлем картасының бір жылдық қызмет тарифі 10 мың теңгеге дейін көтеріледі-мыс деген қауесет тарады. Қаржы мекемесі мәліметті жоққа шығарды.

«Тарифтер мен қызмет көрсету шарттары сүйікті клиенттеріміз бен әріптестеріміз үшін өзермейді», – деп мәлімдеді kaspi.kz.

Қаржы мекемесі интернет кеңістігінде Kaspi Gold-тың жылдық қызметінің құны көтеріліп, картаны қайта шығару шарттары өзгеретіні, басқа банкке ақша аудару комиссиясы өсетіні туралы жалған мәлімет тарап жатқанын ескертті.

«Тарифтер туралы жаңарған заң құжатын дұрыс түсінбеу осындай қауесеттік таралуына себеп болды. Онда Қазақстан заңдары талабына сай, шекті мәні ғана...

2026 жылдың 1 сәуірінен бастап Алматыда жылу энергиясының тарифі көтеріледі. Алматы жылу желілері жаңа тарифтерді енгізеді. Орташа есеппен жылумен қамтамасыз ету, тарату және жеткізу құны 6%-ға өседі деп күтілуде.

Жаңа жылу тарифі

Қосылған құн салығын (ҚҚС) есепке алынған орташа тариф – 5237,37 теңге/Гкал. Халық үшін өсім айтарлықтай байқалады – шамамен 9,8%.

Жеке тұлғалар үшін жаңа тарифтер:

Ыстық су тарифі қаншаға қымбаттайды

Ыстық сумен қамтамасыз ету тарифі де өседі. 1 сәуірден бастап баға шамамен 9% қымбаттайды.

Мамандарды...

Украинаның Қазақстандағы елшісі Виктор Майко Ресей мен Украина арасындағы соғыстың биыл аяқталатынын мәлім етті.

Ол бұл туралы The Times of Central Asia-ға берген сұхбатында айтты.

«Менің ойымша, бұл шектеулер тез арада шегіне жетіп келеді. Сондықтан мен әлі де соғыс биыл аяқталады деп сенемін. Мен бұған шын жүректен сенемін», – деді елші.

Оның айтуынша, Украина Қазақстанның экономикасына немесе инфрақұрылымына ешқашан соққы жасаған емес.

«Қазақстанның біздің егемендігіміз бен аумақтық тұтастығымызды өзгермейтін түрде қолдап келе жатқанын жоғары бағалаймыз және Қара теңіз арқылы энергия тасымалдаушылардың сенімді жеткізілуін қамтамасыз етуге ұмтыламыз», – деді ол.

Әлеуметтік осал топтағы азаматтарға үйге газ құбырын тартуға қандай да бір жеңілдік қарастырылған ба? Осы сауалды мәжіліс депутаты Кенжеғұл Сейтжан сәрсенбі күні парламентте газға қатысты заң жобасын таныстырған әріптесі Еділ Жаңбыршинге жолдады.

«Әлеуметтік осал топтағы азаматтарға газ магистралынан үйіне дейін жеткізіп беру мәселесі заң жобасында қарастырылған ба? Қарастырылмаса, біз өзгерту енгізсек, ұсынысты министрлік қолдай ма?» – деп сұрады депутат.

Құжат авторы Еділ Жаңбыршин мұндай мәселе жобада қарастырылмағанын айтып, сауалды «QazaqGaz» ұлттық компаниясына жолдады.

«Газ жүйелерін үйге дейін жеткізу «QazaqGaz» бен жергілікті атқарушы органдардың құзыретінде. Оған қаражат бөлінеді. Ол жұмысты біз солармен...

Қазақстан Миланда өтетін қысқы Олимпиада ойындарына дайындық аясында спортшыларды төрт жыл бойы даярлауға 13,3 млрд теңге бөлді. Бұл қаражат биатлон, хоккей, шаңғы жарысы, мәнерлеп сырғанау және фристайлды қоса алғанда, жалпы 13 спорт түрін дамытуға бағытталды.

Туризм және спорт министрлігі қысқы олимпиадалық спорт түрлеріне бөлінген қаржы туралы мәлімет Kursiv.Media ресми сауалына берген жауапта айтылған.

Негізгі қаржылық жүктемені өңірлер көтерді. Мәселен, жалпы соманың 50%-ы (6,65 млрд теңге) жергілікті бюджеттерден бөлінген. Республикалық бюджет шығындардың 35%-ын қамтамасыз етсе, қалған 15%-ы бюджеттен тыс және демеушілік қаражат есебінен түскен.

Қаражат бірнеше негізгі бағыт бойынша бөлінді:

Астанада ауа райына байланысты оқушылар қашықтан оқуға жіберілді.

Білім басқармасының хабарлауынша, 11 ақпанда екінші ауысымның 0-7 сынып оқушылары қашықтан оқыту форматына ауыстырылады.

Бұған қалада желдің күшейіп, көктайғақ болып жатқаны себеп болған.

Айта кетейік, 11 ақпанда Ақмола, Солтүстік Қазақстан, Түркістан, Шығыс Қазақстан, Жамбыл, Ақтөбе, Алматы, Атырау, Ұлытау, Абай, Жетісу, Қарағанды, Павлодар және Қостанай облыстарының кей жерінде қар жауып, боран соғады.

2025 жылдың шілде-қыркүйек айларында TikTok Қазақстан аумағында шыққан 1,5 млн видеоны өшірді. Ал сәуір-маусым аралығында 1,4 млн видео бұғатталған. Олар платформа қағидасын бұзған деп хабарлайды компаниядан.

Миллиондаған контенттің 99,7%-ы проактивті түрде яғни қолданушылардан шағым түскенге дейін өшірілген. Басым көпшлігі жарияланғанына 24 сағат өтпей тұрып бұғатталған.

Жалпы өткен жылдың үшінші тоқсанында TikTok әлем бойынша платформа қағидаттарын бұзды деп 200 млн видеоны өшірді. 32 млн LIVE-трансляция бұғатталды.

«Алдымен авторларға ескерту жіберіледі, олардың контенті ережелерге қайшы келеді деп, оны түзетуге мүмкіндік береді. Егер одан әрі жалғаса берсе, TikTok автордың тікелей эфирлердегі монетизация мүмкіндіктерін шектейді», – деп түсіндіред...

Аталған ұсынысты арнайы заң жобасын әзірлеген Мәжіліс депутаттары енгізді.

Мәжілісте газбен жабдықтау және газды үнемді пайдалану мәселелері бойынша заң жобасы қаралып жатыр. Құжатты Еділ Жаңбыршин бастаған бір топ депутат әзірлеген. Олардың айтуынша, қазіргі заңнама газ тарифіне келгенде қолданыстағы баға белгілеу жүйесі газды нақты тұтыну көлемін ескермейді. Сонымен қатар өңірлердің климаттық ерекшеліктері назарға алынбайды.

«Мәселен, жылы өңірде орналасқан ауданы 200 шаршы метр тұрғын үй суық климатты өңірдегі осындай үйге қарағанда газды көбірек тұтынады. Алайда бұл айырмашылық баға белгілеуде көрініс таппайды. Бұл әлеуметтік әділеттілік қағидатын бұзып, газды үнемдеуге ынталандырмайды. Осыған байланысты заң жобасында тұтыну нормаларын бекіту және белгіленген...

Әлеуметтік желіде әнші Ерболат Құдайбергенді полиция қызметкері ұстап, наркологиялық орталық алдында тұрған видео тарады. Бейнежазба 100Baksoff парақшасында жарияланды.

Видеода Ерболат Құдайбергенге ұқсайтын ер адам полиция көлігінің алдында темекі шегіп тұр. Кадр сыртындағы дауыс: «Ерболат Құдайберген ғой, танисыңдар ма», – дейді.

Kursiv Media әншінің директорына хабарласты. Ол әртістің өзі сұхбат бермейтінін айтты. Ал видеода Ерболат па деген сұрақты растаған да жоқ, теріске де шығармады. Тек біраз уақыттан кейін ғана оны жалған деді.

«Бұл жалған ақпарат. Әркім өз шаруасын істесін. Ал біз шығармашылықпен айналысамыз. Жақында Ерболат ағаның әлеуметтік желідегі осы тақырыпқа қатысты жаңа синглінің релиз...