Жаңалықтар

Астанада тоғызқұмалақтан әлем чемпиондары мен жасанды интеллект арасында ойын өтті.

Адамзат ақылы мен цифрлық алгоритмді тоғыстырған зияткерлік бәсекеде Әлем чемпионадары Асылхан Қожанәсіп пен Аяна Исахан жасанды интеллектіге қарсы тоғызқұмалақтың классика түрінен сайысқа түскен. Олардың әрқайсысы бір ойыннан жеке кездесіп, нәтижесінде 2:0 есебімен жасанды интеллектіге есе жіберді.

Дүниежүзілік Тоғызқұмалақ федерациясының президенті Әлихан Байменов адам мен технология арасындағы ой жарысы өтіп тұратынын атап өтті.

«Тарихқа қарасақ,  1997 жылы шахмат сияқты күрделі ойында Каспаровты компьютер жеңді. Алайда шахматты ойнауды ешкім тастап кеткен жоқ. Адамдар өзарасында үздіктерді анықтай береді. Ол – жарыс. Ал жаңа технология адамның мүмкіндігін ары қарай кеңейтіп...

Қытайдың Бэйхай қаласында BYD Song Plus электромобиліне қатарынан үш мәрте найзағай түсті. Оқиға көліктің камерасына түсіп қалған. Онда найзағайдың жарқ етіп, көліктің төбесіне дәл тигені анық көрінеді. Сол сәтте көлік ішінде болған жүргізуші дін аман қалған.

Carnewschina хабарлауынша, BYD дилерлік орталығының мамандары тексеріс жүргізіп, аккумулятор, басқару жүйесі мен қозғалтқыштың зақымданбағанын анықтады. Кроссовердің төбесінен найзағайдың екі ізі табылғанымен, шанаққа айтарлықтай зақым келмеген.

Мамандардың түсіндіруінше, BYD көлігінің металл шанағы найзағай түскен кезде «фарадей торы» тәрізді әсер береді. Яғни найзағайдың электр тоғы көліктің сыртымен өтіп, жерге тарайды, ал жолаушыларға зиян тимейді. Мұндай жағдайда көліктен бірден шықпай, кәсіби мамандардан көмек сұраған жөн.

Дауыл кезінде...

Атаулы әлеуметтік көмек алушылар үшін цифрлық азық-түлік ваучерлерін ұсынуға бағытталған пилоттық жоба жүзеге асырылып жатыр. Бұл туралы Сауда және интеграция министрлігі хабарлады.

Бастама әлеуметтік маңызы бар азық-түлік тауарларын төмендетілген бағамен сатып алу мүмкіндігін қамтамасыз ету арқылы халықтың әлеуметтік осал топтарын қолдауға бағытталған.

Жобаның негізінде бағаларды тұрақтандыруға арналған қолданыстағы тетік – «айналым схемасы» жатыр. Механизм шеңберінде сауда желілеріне айналым қаражатын толықтыру үшін төмен пайыздық мөлшерлемемен жеңілдетілген қайтарымды несие беріледі. Өз кезегінде, аталған сауда орындары әлеуметтік маңызы бар азық-түлікті АӘК алушыларға нарықтық бағадан 15% төмен ұсынуға міндеттеледі.

Пилоттық жоба бірінші Ақмола облысының Ақкөл қаласында іске қосылады. Келесі кезеңде бұл бастама Көкшетау...

Ұлытау облысында жылдық 5% жеңілдетілген мөлшерлемемен ипотекаға өтінім қабылданып жатыр. Бағдарлама Сәтбаев қаласында тұратын жұмысшы мамандарға арналған.

«Сәтбаев жұмыскер» ипотекасы дәнекерлеуші, механик, құрылысшы және өзге де жұмысшы мамандарға арналған.

«Сәтбаев жұмыскер» бағдарламасының шарттары: 

Бағдарламаға кімдер қатыса алады 

Қандай...

Елімізде 7 айда қылмыс саны 9 мыңға азайған. Бұл туралы Ішкі істер министрі Ержан Сәденов президент қабылдауында болған кезде айтты.

Сәденовтің сөзінше, елде адам өлтіру, қарақшылық, денсаулыққа ауыр зиян келтіру, бұзақылық және тағы басқа негізгі қылмыс түрлерінің төмендеуі байқалады.

«Ауыр және аса ауыр қылмысқа қатысы бар 146 қылмыстық топ жойылды. Полиция өндірісіндегі барлық қылмыстық іс бойынша азаматтардың 28 миллиард теңгеден астам шығыны өтелді», – деді Сәденов.

Қылмыскерлерді іздестіру жұмыстарына да тоқталған министр 7 айда 956 адам ұсталғанын айтқан. 24 адам шетелден Қазақстанға экстрадицияланды. Хабар-ошарсыз кеткен 600 адамның, соның ішінде 125 кәмелетке толмағанның жүрген жер...

Жамбыл облысы Талас ауданында екі жасөспірім құлдықта болған. Бұл туралы ақпарат «Письма президенту» Telegram каналында жарияланды.

«5 жыл тұрдым ба…5 жыл бойы көрген қорлығым. (…) Телефонымды алып қойды. Мал бағып жүрміз. Әр өткен көліктен сағат сұраймыз. Көретін қорлығымыз осы ғой. Бұлай қорлық көрмеп едім. Жатсам да тұрсам да бір нәрсені ойлаймын: туған әкемнің қолына барсам деп. Үйдегі мамам сөйлегісі келеді, бірақ өзі қорқады. Көмектесіп жіберіңіздерші. Бір күні екеуміздің біріміз өлмесек… көмектесіп жібермесеңіздер», – дейді жасөспірім видеода.

Жамбыл облысының полициясы KursivMedia тілшісіне бұл деректі растады. Сондай-ақ қылмыстық іс қозғалғанын мәлімдеді.

Полиция кәмелетке толмағандарды Тараз...

АҚШ президенті Дональд Трамп пен Ресей басшысы Владимир Путин 11 тамызда Римде кездесуі мүмкін. Fox News телеарнасы осындай мәлімет таратты.

Телеарна мәліметінше, Трамп пен Путин арасындағы саммит келесі аптада өтуі мүмкін. Келіссөздерге қатысы бар екі дереккөздің айтуынша, президенттердің жүздесуін дүйсенбі күні ұйымдастыру жоспарда бар. Бұған қоса, дереккөздер саммит өтетін орынның бірі деп Рим қаласын атаған.

Кездесу апта аяғында өтер болса, Рим ыңғайлы орын ретінде белгіленген. Дегенмен Еуропа мен әлемнің басқа да елдері қарастырылып жатыр.

FOX News мәліметінше, саммит өтпей қалуы да ғажап емес. Себебі Украина президенті Владимир Зеленский Құрама Штаттарға бейбіт келісім аясында бір пұшпақ жерді де Ресейге бергіс...

Танымал түрік актері Бурак Өзчивит қазақ баласының тұсауын кесіп, сол үшін 200 мың доллар алды.  

Қазақ дәстүріне қатысып, әртістің осыншалықты ақы алғаны туралы ақпарат түріктің БАҚ беттерінде қызу талқылануда. Бұл оқиға Қазақстанда наурыз меркесінде болған, алайда түрік басылымдары оның алған ақысына қатысты ақпаратты енді ғана жарысып жазып жатыр.

Түріктің әлеуметтік желілерінде жазылған  пікірлер де  сан түрлі. Бірі бұл дәстүрдің әдемілігіне және танымал адамның қатысуына сүйсінсе, енді бірі тұсаукесер дәстүрін жасағаны үшін осыншама ақша төлеу ысырап деп жазып жатыр.  

Алайда актердің өзі әзірге желіде тараған суреттер мен оқиғаға қатысты ресми мәлімдеме жасаған жоқ.

Айта кетейік, 200 мың доллар...

Қаңтар оқиғасынан кейін 20 жылға сотталған «Дикий Арман» ретінде белгілі Арман Жұмагелдиевтің анасы дүниеден өтті. Қаралы хабарды Жұмагелдиевтің досы Нұржан Иманалиев жеткізді.

«Бүгін жүрегімізді ауыртқан қаралы хабар жетті…Ардақты досымыз Арманның асыл анасы, қадірлі Роза апай өмірден озды. Роза апайымыз иманды, парасатты, сабырлы, текті, ақылгөй жан еді. Тағдырдың ауыр сынақтарын бастан өткерді… Жалғыз ұлына ұзақ жыл жаза беріліп, баласының басына бұлт үйірілген қиын кезеңдер болды. Бірақ ана жүрегі соның бәріне төзіп, баласынан ешқашан теріс айналған жоқ», – деп жазды Иманалиев.

Айтуынша, анасы Қостанайға барып, ұлын көріп қайтқан.

«Сол сәттен кейін жүрек ауыртпалығына шыдай алмай...

8 тамыз, жұма күні Қазақстан қор биржасындағы (KASE) валюта нарығында айтарлықтай өзгеріс болмады. АҚШ валютасы бүгін бар болғаны 0,25 теңгеге нығайды.

KASE-нің сағат 15.30-дағы мәліметінше, 1 доллар 539,49 теңге тұрады. Құрама Штаттар валютасы болмашы ғана нығайды. Доллар мен теңге итжығыс түсті деуге болады.

Аптаның соңғы жұмыс күні, сағат 15.30-дағы нәтиже бойынша, шамамен 64 млрд теңгеге, яғни 119 млн долларға валюта саудасы жасалды. Ерекше көзге түсетін көрсеткіш болмағандықтан, Ұлттық банк валюта саудасына араласып жатқан жоқ екенін түсінеміз.

Қазақстандағы екінші деңгейлі банктер көк қағазды 540 теңгеден сәл ғана жоғары бағаға саудалап жатыр. Ал ақша айырбастау мекемелері Құрама Штаттар валютасын 545 теңгеден...

Шымкент қалалық әкімшілік құқық бұзушылықтар жөніндегі мамандандырылған ауданаралық соты Нұрсат ықшам ауданындағы перзентхананың босану бөлмесінде акушер-гинеколог дәрігерді балағаттап, шапалақпен ұрған зейнеткердің ісін қарады. Зейнеткер «ұсақ бұзақылық» жасады деген күдікке ілінген.

«13 шілде күні таңертең Шымкент қаласы Нұрсат шағын ауданында орналасқан перинаталдық орталығының 2-қабатындағы 3-босану бөлмесінде акушер-гинеколог дәрігерді зейнеткер балағаттап, айналасындағы адамдарды сыйламаған. Әкімшілік кодексінің 434-бабы 1-бөлігі бойынша ұсақ бұзақылық, яғни қоғамдық орындарда былапыт сөйлеу, қоғамдық тәртiптi және жеке 2 тұлғаның тыныштығын бұзатын, төңiрегiндегiлердi сыйламаушылықты бiлдiретiн басқа да осындай iс-әрекеттер жасағаны үшін әкімшілік жауапкершілік көзделген» делінген сот қаулысында.

Сот кабинеті жүйесіндегі сот қаулысында зейнеткер дәрігерді балағаттаумен...

Арман Әбдірәсілов қауіпсіздік кеңесінің ахуалдық орталығының меңгерушісі болды. Бұл туралы Ақорда хабарлады.

«Мемлекет басшысы өкімімен Арман Әбдірәсілов Қазақстан Республикасы қауіпсіздік кеңесінің кхуалдық орталығының меңгерушісі лауазымына тағайындалды», – делінген ақпаратта.

Айта кетейік, Әбдірәсілов 2020 жылы «Зерде» ұлттық инфокоммуникация холдингі» АҚ басқарма төрағасы қызметіне тағайындалды. 

Алматыда жолаушы әйел такси жүргізуші қызға эскорт қызметіне жұмыс істеуді ұсынған. Бұл оқиға туралы жүргізуші TikTok-тағы парақшасында баяндап берді.

Yandex Go қызметінде «Премьер» тарифімен жұмыс істейтін такси жүргізуші қыз Талғардан жолаушы алып бара жатқанда күтпеген ұсыныс естіген.

«Жолда ол маған: «Білесің бе, менің саған жаным ашып кетті. Таксиде не жоғалттың? Сенде эскортта жұмыс істеуге барлық мүмкіндік бар. Кел, мен сені жұмысқа орналастырайын. Менде Али деген таныс бар, соған қоңырау шаламын. Бәрін шешеміз, сенде көп ақша табуға мүмкіндік бар», – деп айтты», – дейді жүргізуші.

Такси жүргізушісі  мұндай ұсынысқа қалай жауап беру керегін білмеген. Айтуынша...

Қазақстан президенті Қасым-Жомарт Тоқаев Ресей президенті Владимир Путинмен телефон арқылы сөйлесті. Бұған Ресей тарабы бастамашы болған.

«Әңгімелесу барысында екіжақты ынтымақтастықты дамытудың, бірлескен экономикалық жобаларды іске асырудың өзекті мәселелері талқыланды. Владимир Путин таяуда Мәскеуде АҚШ Президентінің арнаулы өкілімен болған әңгіменің негізгі нәтижелері жөнінде мәлімет берді», – деп хабарлады Ақорда.

Кремльдің хабарлауынша, Тоқаев бұл ақпарат үшін ризашылығын білдіріп, қақтығысты бейбіт жолмен шешу жолдарын іздеуге бағытталған қадамдарды қолдайтынын жеткізген.

«Владимир Путин Қасым-Жомарт Тоқаевқа қоңырау шалып, Вашингтонмен Украина дағдарысын реттеу мәселелері бойынша жүргізілген диалогтың барысы туралы айтып берді. Әңгіме барысында АҚШ президентінің арнайы...

Бүгін Үлкенде елдегі алғашқы АЭС құрылысы басталды. Стансаның құрылысы басталғанға дейін бір жарым жыл инженерлік ізденістер жүргізіледі. Қазақстан Атом энергиясы жөніндегі агенттігі АЭС құрылысына бағытталған «инженерлік ізденіс» деген не екенін түсіндірді.

Аудан таңдалды, ендігі кезек – алаң таңдау

Қазақстан Республикасының «Атом энергиясын пайдалану туралы» Заңында бекітілген алаңды таңдау тәртібіне сәйкес, құрылыс ауданы анықталғаннан кейін АЭС салуға арналған алаңды таңдау жұмыстары жүргізіледі, оның шеңберінде инженерлік ізденістерді жүргізу қарастырылған. МАГАТЭ ұсынымдарына сәйкес, ең қолайлысын анықтау мақсатында инженерлік-ізденіс жұмыстары ең кемінде үш баламалы алаңды алдын ала зерттеуді қамтиды.

Инженерлік ізденісті кім әрі қанша уақыт жүргізеді

Инженерлік-ізденіс жұмыстарын Ресейлік «Росатом...

АҚШ билігі Венесуэла президенті Николас Мадуроға қатысты ақпарат үшін берілетін сыйақы мөлшерін 25 млн-нан 50 млн долларға дейін арттырды. Бұл туралы АҚШ Бас прокуроры Пэм Бонди мәлімдеді.

«Әділет министрлігі мен Мемлекеттік департамент Мадуроның тұтқындалуына әкелетін кез келген ақпарат үшін 50 млн доллар көлемінде сыйақы жариялайды. Мадуро әлемдегі ең ірі есірткі саудагерлерінің бірі және біздің ұлттық қауіпсіздігімізге қатер төндіріп отыр», – деді Бонди.

Венесуэла АҚШ-тың мәлімдемесін саяси шабуыл деп атады

Венесуэланың Сыртқы істер министрі Иван Хиль Пинто бұл қадамды «саяси үгіт-насихаттың бір түрі» деп атап, АҚШ жариялаған сыйақыны «тұрпайы әрі мәнсіз әрекет» деп...

Астана қаласында Ardingly Astana кампусының құрылысы басталды. Ол – Ardingly College ағылшын мектебінің Қазақстандағы филиалы. Білім ордасы ішінара Алматы әкімінің бұрынғы орынбасары Сапарбек Тұяқбаевқа тиесілі. Мәлімет Астана халықаралық биржасы (AIX) сайтында жарияланды.

Rise Capital құрылыстың бас мердігері болып тағайындалды. Компания кампус құрылысын 2026 жылғы 15 тамызға дейін аяқтауы тиіс. Келісімшарт құны – 7,4 млрд теңге. Оған 12% қосылған құн салығы да кіреді.

Қаражат Ardingly Astana-ның таза активінен 5%-ға асып тұр. Сол себепті келісім туралы мәлімет 7 тамызда AIX-те жарияланды.

eGov.kz мәліметінше, Ardingly Astana мектебі Сапарбек Тұяқбаевқа, Нұрлан Құрақбаев пен Әсел Сүгірбаеваға тиесілі.

2019-2020 жылдары Тұяқбаев Алматы қаласы әкімінің орынбасары қызметін атқарған...

Мемлекет басшысы кәсіпкерлердің құқығын қорғау жөніндегі уәкіл Қанат Нұровты қабылдады. Бұл туралы Ақорда хабарлады.

Қанат Нұровтың айтуыннша, кәсіпкерлердің құқығы бұзылуына қатысты келіп түскен 3275 шағымның 1759-ы (53,7%) бойынша оң шешім қабылданған.

«Соның нәтижесінде 20 миллиард теңгеден астам шығынның алдын алуға мүмкіндік туды. Жалпы, арыз-шағым саны 12 пайызға азайған», – делінген ақпаратта.

Сөзінше, бизнестің дамуын тежейтін басы артық әкімшілік кедергілерді анықтауға және жоюға баса мән берілген.

Нұров кәсіпкерлік қызметті реттейтін нормативтік-құқықтық актілерге өзгерістер енгізуге қатысты бірқатар ұсынысын жеткізді. Кейбір жекелеген жағдаяттар бойынша тиісті реттеуші және құқық қорғау органдарына талап-арыз жолданған.

Қасым-Жомарт Тоқаев кәсіпкерлердің құқығын қорғау шараларын...

Apple смартфондары мен смарт сағаттарының өндірісін ішінара АҚШ-қа көшіреді. Енді Apple-дің бұл өнімдері АҚШ-та жасалған шынымен жабдықталады.

Report мәліметінше, бұл туралы Ақ үйде техногигант басшысы Тим Кук мәлімдеген.

«Алғаш рет әлемнің кез келген жерінде сатылатын әрбір жаңа iPhone мен жаңа Apple Watch құрылғылары Кентуккиде өндірілген шынымен жабдықталады», – деді ол.

Куктің айтуынша, аталған штатта компания құрылғыларына арналған шыны өндіретін ең ірі әрі заманауи желі салынатын болады.

Еске салсақ жуырда Apple компаниясы 2007 жылы алғашқы iPhone шыққалы бері 3 млрд құрылғы сатылғанын мәлімдеді. Бұл  2018 жылдан бері сатылым деректерін жарияламаған компания үшін үлкен жетістік.

Сондай-ақ Apple...

«Самұрық-Қазына» әл-ауқат қоры өзіне еншілес «Қазақстанның атом электр станциялары» кәсіпорынын (ҚАЭС) мемлекетке қайтарады. Бұл туралы холдинг өкілдері Kursiv.Media-ға хабарлады.

Осының алдында Атом энергиясы жөніндегі агенттік кәсіпорынды басқаруға алатынын мәлімдеген.

«Қор «ҚАЭС» ЖШС-ны мемлекет меншігіне толық қайтару жөнінде жұмыс атқарып жатыр», – деп жауап берді «Самұрық-Қазына» Kursiv.Media сауалына.

Холдингтің мәліметінше, мұндай тапсырманы мемлекет басшысы берген. Енді атом агенттігі кәсіпорын жарғысын, жарғылық капиталын, атауы мен орналасқан жерін өзгерте алады.

Бұған қоса, агенттік ЖШС-ны немесе оның мүлкін басқа біреуге басқаруға тапсыра салады. Бұған қоса, мекеме оның қаржы есебін бекітіп, таза табысын бөле алады. Агенттік бұдан басқа да...

Алматыда қазақтың ұлы ақыны Абай Құнанбайұлының 180 жылдығына арналған ауқымды бағдарлама басталды, деп хабарлады Алматы әкімінің баспасөз қызметі.

Әкімдіктің мәліметінше, тамыз айы бойы қалада 120-дан астам іс-шара жоспарланған. Олардың қатарында театр қойылымдары, поэзия кештері, әдеби сағаттар, көрмелер, концерттер, жастармен кездесулер, сондай-ақ спорттық, қайырымдылық және ағартушылық акциялар бар.

Мерейтойдың басты салтанаты 10 тамызда – Абайдың туған күнінде өтпек.

Сағат 10:00-де Республика сарайының алдындағы Абай алаңында ұлы ақынның ескерткішіне гүл шоқтарын қою рәсімі өтеді. Ал сағат 12:00-де дәл осы алаңда «Алаштың Абайы» атты музыкалық-драмалық концерт ұйымдастырылады. Концертке Асанәлі Әшімов, Тұңғышбай Жаманқұлов, Саят Мерекеұлы, Роза Рымбаева, Айгүл Қосанова және өзге де танымал...

Қазақстандық көрермендерді жаңа әрі ерекше туынды күтіп тұр. ASTANA FILM студиясы мен «Өнер қырандары» театры бірлесіп дайындаған алғашқы коммерциялық толықметражды анимациялық фильм – ADAM.NARTAUEKEL 20 тамызынан бастап кинотеатрларда көрсетіледі.

Мультфильмнің басты кейіпкері – Тоқтар есімді жас бала әкесін табу үшін ғарышқа сапар шегеді. Бұл жолда ол ата-анасынан айырылған өзге ғаламшарлық балалармен танысып, қатыгез билеуші Тумға қарсы күрес басталады.

Алайда бар мәселе – Тум Тоқтардың әкесінің жадысын өшіріп, оны өзінің оң қолына айналдырып қойған. Енді Тоқтар әкесінің жүрегіндегі адамдықты оята ала ма, әлде әкесі зұлымдықтың шырмауында мәңгіге қалып қоя ма – бұл сұраққа жауапты көрермен кинодан таба алады.

«Өнер қырандары...

«Қазгидромет» алдағы үш аптаға арналған ауа райы болжамын жариялады.

Синоптиктердің болжамынша, алдағы үш күнде атмосфералық фронтальды бөліктердің өтуіне байланысты ел аумағының басым бөлігінде ауа райы құбылмалы болады.

Солтүстік-батыста, шығыста және республиканың орталығында қатты жаңбыр жауады, кей жерге бұршақ жаууы мүмкін.

Елдің оңтүстігі мен оңтүстік-шығысында жауын-шашынсыз ауа райы сақталады.

Республика бойынша желдің күшеюі күтіледі, солтүстік-батыста, солтүстікте, орталықта және шығыста түнгі және таңғы уақыттарда тұман түседі.

Оңтүстік өңірлерде ауа температурасы 36-41 градусқа дейін, ал оңтүстік-шығыста 32-39 градусқа дейін жетеді деп күтіліп отыр.

Ал Батыс Қазақстанда ауа температурасы төмендейді. Түнде 12-23 градус, күндіз 25-37 градус болады деп күтіліп отыр. Қалған аумақта ауа...

Түркістан облысы Шардара ауданы Шардара қаласында ауызсу азайды. Облыс әкімдігі мұны Шардара су қоймасындағы судың шамадан тыс азаюымен байланыстырады. Су әсіресе көпқабатты тұрғын үйлер мен әлеуметтік нысандарға жетпей жатыр. Бұл мәселені шешу үшін арнайы штаб құрылған.

Облыс әкімінің бірінші орынбасары Зұлпыхар Жолдасовтың айтуынша, 32 мың халқы бар Шардара қаласында су тұтыну проблемасы туындаған. Осыған байланысты жедел штаб құрылған.

«Шардара су қоймасынан насос станциясына дейін жер астынан тартылған құбырдан су мүлде тартылмай жатыр. 6 тамыз күні қалада мүлде су болған жоқ. Су қоймасындағы судың азаюынан, қысымға байланысты қалаға қарай су көтерілмей жатыр. Штабта бірнеше шешім қабылданды. Оны...