Жаңалықтар

Джеймс Кэмерон түсірген «Аватар» франшизасының үшінші бөлімі – «Аватар: От пен күл» фильмінің ресми трейлері шықты. Көптен күткен кинотуынды Қазақстанда 18 желтоқсанда шығады.

Фильм оқиғасы «Аватар: Су жолы» атты екінші бөлімнен кейін екі апта өткен соң басталады. Бас кейіпкер Джейк Салли ауыр психологиялық күйзеліс кезеңін бастан кешіреді. Үлкен ұлы Нетейаманың қазасы Салли отбасына ауыр соққы болып, өмірін өзгертеді.

Бұл жолы кейіпкерлер Пандора планетасындағы жаңа қауіпті күшпен күлден жаратылған халықпен бетпе-бет келеді. Бұл тайпаны қатал әрі соғысқұмар Варанг есімді көшбасшы басқарады.

Режиссер Джеймс Кэмерон бұл фильмде фантастикадан бөлек, адамзаттық сезімдерге ерекше көңіл бөлінгенін атап өтті:

«Бұл...

Еңбек және халықты әлеуметтік қорғау вице-министрі Асқар Биахметов 31 желтоқсанды демалыс күні деп жариялау туралы сұраққа жауап берді.

Үкіметтегі брифингте БАҚ өкілі 31 желтоқсанда кей азаматтың жарты күн жұмыс істейтінін, Жаңа жылды қарсы алуға дайындалатынын айтып, ресми түрде демалыс деп бекіту жоспары бар-жоғын сұрады.

«Менің білуімше, қазір бұл мәселе қаралып жатқан жоқ. 31 желтоқсан мереке күндеріне қатысты заңда көрсетілмеген, яғни жұмыс күні қатарында тұр», – деді Биахметов.

Вице-министрдің пікірін министрліктің басқа өкілі де растады. Оның айтуынша, бұл сұрақ бұған дейін бірнеше рет көтерілген, халықаралық тәжірибе зерттелген. Соның нәтижесінде 31 желтоқсан демалыс күні деп бекітілмейтін болған.

Жетісу облысындағы Алакөл жағалауында он шақты ер азамат төбелесіп қалды. Олар балалар мен басқа да демалушылардың көзінше жанжалдасты. Төбелес кезінде түсірілген видеолар әлеуметтік желілерде тарады.

Instagram желісінде жарияланған бір видеодан бірнеше ер азаматтың бір-біріне жұдырық сілтеп, теуіп, тіпті таяқпен ұрып жүргенін көруге болады. Осының бәрін өте жақын жерде бір бала бақылап тұрды. Жақын маңда басқа да балалар мен демалушылар жүрді. Олардың бірқатары төбелесті видеоға түсірген.

Жетісу полициясының департаменті Алакөлде осындай...

Еуропа Ресеймен соғысқа әзірлене бастады. Еуропаның шығысына әскери техника таситын жолдар мен жаңа көпірлер жаңғыртылмақ.

Бұл туралы ЕуроОдақтың көлік жөніндегі комиссары Апостолос Цицикостас Financial Times газетіне берген сұхбатында мәлімдеген.

«Көпірлерді жаңғырту керек»

Комиссардың пікірінше, Ресеймен қақтығыс болса, Еуропадағы жолдары, көлік жүйесі әскери техника тасуға жарамсыз. Бұл біршама қиындық тудыруы әбден мүмкін. Бұл түйткілді шешу үшін алдымен Еуропа жолдар мен көпірлерді жаңғыртуды жоспарлап отыр.

«Бізде жаңартуды қажет ететін ескі көпірлер, кеңейтілуі тиіс тар көпірлер және жаңадан салынуы қажет көпірлер бар», – деді Цицикостас.

«Бірнеше сағатта жетеміз»

Оның пікірінше, онсыз әскери техниканы Еуропаны...

2025/26 жылғы маусымдағы Чемпиондар лигасының іріктеу кезеңінде ел намысын қорғап жүрген алматылық «Қайрат» 29 шілде күні екінші айналымның қарымта ойынын өткізеді. Алматының Орталық стадионында өтетін кездесуде қазақстандық команда Финляндияның «КуПС» клубын қабылдайды. Матч сағат 20:00-де басталады.

Алғашқы ойын Финляндияда өтіп, алматылықтар күтпеген жерден 0:2 есебімен жеңілген болатын. Енді Рафаэль Уразбахтин шәкірттері өз алаңында есепті теңестіріп, жарысты жалғастыруға бар күшін салмақ.

Бұл маңызды кездесуді Qazsport телеарнасынан тікелей эфирде тамашалауға болады. Ал стадионға барып көрем деген жанкүйерлер билеттерді Freedom Ticketon сайтынан ала алады.

Айта кетейік, жеңіске жеткен команда Чемпиондар лигасының үшінші іріктеу кезеңінде Словакиялық «Слован» мен Босния және Герцеговиналық «Зриньски...

2026 жылдан қала мен аудандар әкімдері халықты жұмыспен қамту көрсеткіштері үшін де тікелей жауапты болмақ. Бұл туралы Үкімет отырысында белгілі болды.

Премьер-министр Олжас Бектенов өңір әкімдері мен тиісті министрліктерге еңбек нарығындағы жұмысты күшейтуді тапсырды. Еңбек және халықты әлеуметтік қорғау министрлігі әкімдермен бірлесе отырып, өңірлік жұмыспен қамту карталарында белгіленген негізгі көрсеткіштердің орындалуын қамтамасыз етуі тиіс. Әсіресе, тұрақты жұмыс орындарын құруға баса мән беріледі.

«Өңір әкімдері тұрақты жұмыс орындарын құруға баса назар аудара отырып, жұмыспен қамту жоспарларының орындалуын жеке бақылауға алсын», — деді премьер-министр.

Бұдан бөлек, Ұлттық экономика министрлігі мен әкімдіктер 1 қыркүйекке дейін 2025–2027 жылдары...

ЕуроОдақ 18-санкция пакеті аясында Қазақстаннан Ресей порттары арқылы көмір тасымалдауға қатысты салынған шектеуді біршама жұмсартты. Бұл туралы ҚР Сауда және интеграция министрлігі хабарлады.

ЕО-ның 2025 жылдың ақпанында қабылданған 16-санкция пакеті аясында бірқатар ресейлік порттармен кез келген мәмілеге тыйым салған болатын. Бұл шектеу Қазақстан көмірін Еуропаға тұрақты жеткізуге қауіп төндірді. Атап айтқанда, Усть-Луга порты Еуропаға тасымалданатын қазақ көмір транзитінің негізгі нүктесі болған.

Сондықтан Қазақстан ЕО-осы бағытта келіссөз жүргізіп, көмірді Ресей порттары арқылы тасымалдауға рұқсат алған.

Министрліктің мәліметінше, Қазақстан көмірі Еуропаға экспорттау үшін оның шығу тегі Қазақстаннан болуы тиіс. Сондай-ақ көмірге иелік ететін тарап ЕО-ның шектеу қойған елдері қатарынан болмауы...

Елімізде 80 932 ардагер тұрады. Оның ішінде Ұлы Отан соғысының (ҰОС) 96 ардагері бар. Бұл туралы еңбек және халықты әлеуметтік қорғау министрлігі хабарлады.

Ведомство ақпаратына сәйкес, жеңілдіктер бойынша ҰОС ардагерлеріне теңестірілген 16 630 ардагер, 26 580 басқа мемлекеттердің аумағында ұрыс қимылдарының ардагерлері, 37 626 ҰОС жылдарындағы тыл еңбеккерлері бар.

«2025 жылы бұл санаттағы азаматтарға 8,5 млрд теңге сомасында арнаулы мемлекеттік жәрдемақы төленді. 2025 жылы осы мақсаттарға 17 млрд теңге қарастырылған», – делінген ақпаратта.

Министрлік республикалық бюджеттен берілетін ай сайын берілетін арнаулы мемлекеттік жәрдемақы көлемін де жариялады:

ҰОС ардагерлері – 16 АЕК (2025 жылы...

Елімізде өзін-өзі жұмыспен қамтыған 2,1 млн адам бар. Ал жұмыссыздық деңгейі 4,6%-ды құрап отыр. Сол себепті 2029 жылға дейін 3,3 млн азаматты жұмысқа орналастыру қажет. Еңбек және халықты әлеуметтік қорғау вице-министрі Асқар Биахметов осылай деп мәлімдеді.

«1-жартыжылдықтың қорытындысы бойынша еңбек нарығында тұрақтылық байқалады және жұмыссыздық деңгейі 4,6% мөлшерінде сақталды. Жұмыспен қамтылғандардың өсуін жалдамалы жұмыскерлер қамтамасыз еттті, олардың саны 7,1 млн адамға жетті, ал өзін-өзі жұмыспен қамтығандардың саны – 2,1 млн адам»,– деді вице-министр Үкімет отырсыныда.

Асқар Биахметов бүгінде адамдардың көпшілігі онлайн-платформалар арқылы жұмыс істейтінін, оның ішінде фриланспен, электрондық саудамен айналысатынын атап өтті.

Ресей үкіметі 2025 жылғы 31 тамызға дейін мұнай өнімдерін өндірушілерге бензин экспорттауға тыйым салды. Бұл туралы Коммерсантъ басылымы хабарлайды.

Мұндай шешім маусымда сұраныс артатын уақытта ішкі жанармай нарығын тұрақты сақтау мақсатында қабылданып отыр.

Басылымның мәліметінше, Петербург биржасында АИ-95 маркалы бензиннің құны 0,4%-ға қымбаттап, тоннасы 76,33 мың рубльге дейін көтерілді. Баға 2023 жылғы қыркүйектегі тарихи рекордты қайталай жаздады. 28 шілдеде АИ-92 маркалы бензин 0,42%-ға қымбаттап, тоннасы 65,58 мың рубльге дейін жетті.

Қазір жылына 1 млн тоннадан астам бензин өндіретін ірі өнеркәсіптерге ғана бензин экспорттауға рұқсат бар. Трейдерлер, қуаты аз мұнай базалары мен мұнай өңдеу зауыттарына өнім экспорттауға тыйым салынған.

Ірі өнеркәсіптерге...

Белгілі әнші, композитор Марат Омаров АҚШ-та жүріп жаңа ән шығарды. Welcome to America атты әнге түсірілген жаңа бейнебаян тыңдармандарын таңғалдырды. Себебі бейнебаян атақты Голливудта түсірілген.

Бірнеше жылдан бері АҚШ-та тұрып, шығармашылығын жалғастырып жүрген Марат Омаров бұл жолы да көрерменге шынайылық пен жылулық сыйлағасы келгенін айтады.

Бұл ән — менің Америкадағы өмірімнің, сезімімнің және жаңа мүмкіндіктерге деген үмітімнің көрінісі. Әрбір сөзі жүректен шыққан, әрбір нотасы тыңдарманға махаббатпен жолданған, — дейді Марат Омаров.

Санкт-Петербург губернаторы Александр Беглов еңбек мигранттарына такси жүргізуге тыйым салды. Мәлімет қала билігінің телеграм-арнасында жарияланды.

Компанияларға патентпен такси қызметінде жұмыс істейтін шетел азаматтарын жұмыстан шығару үшін үш ай уақыт берілді.

Қала әкімі мұндай шешімді «такси саласының сапасын, қызмет қауіпсіздігін арттыру», сонымен бірге Ресей азаматтарына жұмысқа тұруға мүмкіндік беру мақсатында қабылдаған. Губернатор жарлығы 10 күннен кейін күшіне енеді. Шектеу 2025 жылдың аяғына дейін созылады.

РБК мәліметінше, 2024 жылғы тамызда Ленинград облысында шетел азаматтарына жыл аяғына дейін жеңіл такси саласында жұмыс істеуге тыйым салынған.

Ленинград қана емес, осындай тыйымды Ресейдің басқа да өңірлері енгізіп отыр. Мәселен, Татарстан 2025 жылдың аяғына...

Астанада ерлі-зайыпты баласының еміне деп ақша жинап, оны дүние-мүлік алуға жұмсаған. Қаржы мониторингі агенттігінің хабарлауынша, алаяқтық фактісі бойынша тергеп-тексеру аяқталды.

Тергеу амалдарына сай, баланың қатысуымен көрсетілген бейнероликтер, әсерлі жазбалар Instagram және Facebook арқылы жүргізілген таргет жарнама арқылы қазақстандықтар баланың еміне ақша аударғаны анықталды.

«Азаматтардың сенімі мен жанашырлығын пайдалана отырып, күдіктілер 1,3 млрд теңгеден астам көлемде қаражат жинаған. Алайда баланың еміне тек 6,4 миллион теңге жұмсалған. Қалған қаражатты ерлі-зайыпты жеке қажеттіліктеріне пайдаланылған. Нақты айтқанда, елордада 3 пәтер, жер телімі, 5 автокөлік сатып алынған», – делінген ақпаратта.

Сонымен қатар қаражаттың бір бөлігі құмар ойындарына жұмсалған.

Қайырымдылы...

Астанадағы қатты тұрмыстық қалдықтар полигонында өрт толық оқшауланды. Бұл туралы ҚР Төтенше жағдайлар министрлігі хабарлады.

Оқиға Байқоңыр ауданына қарасты Алаш тас жолы маңындағы ҚТҚ полигонында тіркелген. Алдын ала мәлімет бойынша, қоқыс шамамен 1200 шаршы метр аумақта жанған.

Министрліктің мәлімдеуінше, өрт салдарынан зардап шеккендер жоқ.

Өртті сөндіруге Төтенше жағдайлар департаментінің және жергілікті атқарушы органдардың күштері мен құралдары жұмылдырылды. Оперативті әрекеттердің арқасында оттың одан әрі таралуына жол берілмеді, – делінген ресми хабарламада.

Қазіргі уақытта өрттің шығу себептері анықталып жатыр. Тиісті қызметтер оқиға орнында жұмысын жалғастыып жатыр.

Қазақстандық әлем жұлдызы Димаш Құдайбергеннің «Love’s Not Over Yet» атты композициясы алғаш рет әлемдегі ең ірі музыкалық радиобрендтердің бірі — Radio Disney-де шырқалды. Мексика радиостанцияларының барлық эфиріне енді. Бұл туралы dimashnews хабарлады.

Аталмыш бастаманың авторы — 2023 жылы Будапеште өткен концерттен шабыт алған жанкүйер. Димаштың дауысын Radio Disney эфирінде естуге деген арманы әлемнің 30-дан астам елінен шыққан Dears жанкүйерлерінің жаһандық қолдауына ұласты.

Жанкүйерлер әлеуметтік желілердің, соның ішінде X платформасының (бұрынғы Twitter) көмегімен #DimashRadioDisney хэштегін 2024 жылдың қыркүйек айының соңында трендке айналдырды. Бұл бастама Мексикадағы радиостанция жүргізушілері мен продюсерлерінің назарын аударды. Пачука қаласындағы Radio Disney жүргізушісі Бриссия мен эфир продюсер...

28 шілде күні кешке Қазақстан президенті Қасым-Жомарт Тоқаев ресми сапармен Түркияға барды. Анкара әуежайында оны Түркия президенті Реджеп Тайип Ердоған күтіп алды. Бұл туралы Ақорда хабарлайды.

Ресми мәлімет бойынша, әуежайда екі ел президенттері аз-кем әңгімелесті.

«Қонақжайлық танытқаныңызға көп рақмет. Әуежайға келіп, мені қарсы алдыңыз. Бұл мен үшін үлкен құрмет. Біздің арамызда ешқандай түйткіл жоқ. Бізді тек туыстық, ынтымақтастық байланыстырады. Ертең маңызды сапар болады. Сапардың бағдарламасы өте мазмұнды. Оны толық іске асырамыз деп ойлаймын», – деді Қасым-Жомарт Тоқаев.

Сейсенбі, 29 шілдеде, мемлекет басшылары қазақ-түрік стратегиялық серіктестігін одан әрі нығайту болашағын талқылап, келіссөз жүргізеді.

Ақорда Тоқаевты...

Түркия президенті Реджеп Таийп Ердоған Украинадағы соғыс аяқталған соң «бейтшілік дастарханын» жаюға уәде берді. Бұл туралы жергілікті TRT Haber хабарлайды.

«Бұл соғыс дәл қазір аяқталуы тиіс деп есептейміз. Мен жоғары деңгейдегі кездесу ұйымдастыруға дайынмын деп үнемі айтып жүрмін. Түркияда келіссөз үстелі секілді, жарқын болашақта елде бейбітшілік дастарханы да жайылады. Қанды соғыс тоқтайды«, – дейді Ердоған.

Түрік президенті Ресей мен Украина арасындағы соғыс басталған сәттен Анкара «тепе-теңдікті бұзбай, әділетті, бейбітшіл саясат» ұстанды деп мәлімдеді.

Ердоған астық дәлізі туралы келісім, тұтқын алмау және келіссөздерді Анкараның бейбітшілікке ұмтылысын көрсетеді деп сипаттады. Оның айтуынша, Ыстанбұлда 16 мамырда...

Алматы облысындағы Сорбұлақ маңында жоғалған әскери тікұшақ төрт күннен бері табылмай жатыр. Соған байланысты Қорғаныс министрлігі басқа да өңірлерден қосымша күш-құралдар жеткізуге мәжбүр болды.

EC-145 тікұшағы 25 шілдеде Луговойдан ұшып шығып, радардан жоғалып кетті. Оның бортында экипаждың үш мүшесі болған.

Әскери тікұшақтың қалдықтары Сорбұлақ су қоймасы аумағынан табылған. Сол себепті іздеу жұмыстары дәл осы жерде жүріп жатыр.

Қорғаныс министрлігінің мәліметінше, күні бойы операция жүргізілетін ауданға басқа өңірлерден қосымша күш-құралдар жеткізілді. Қонаев қаласынан іздеу бөлімшесі, оған қоса Ақтау қаласынан А-400 әскери-көлік ұшағымен жеткізілген жеке құрам мен техника осында алдырылды. Құрамында су айдынының жету қиын учаскелерін зерттеуге арналған сүңгуірлік жабдықтар, эхолоттар...

«Қайрат» – «KuPS» матчы кезінде 1,5 мың полиция қызметкері қоғамдық тәртіпті қамтамасыз етеді. Бұл туралы Ішкі істер министрлігінің сайты хабарлайды.

Матч сейсенбі, 29 шілдеде, Алматы қаласындағы Орталық стадионда өтеді. Жергілікті «Қайрат» өз алаңында «KuPS» командасын қабылдайды. УЕФА Конференциялар лигасының екінші іріктеу кезеңіндегі алғашқы ойында алматылық футболшылар сырт алаңда 0:2 есебімен жеңіліп қалған. Бірінші кездесу 22 шілдеде Финляндияда өткен.

«Бұл матчқа көптеген жанкүйер жиналады. Осыған байланысты полицияның кешенді күштері күшейтілген тәртіпте жұмыс істейді. Қоғамдық тәртіпті сақтау, құқық бұзушылықтардың алдын алу және көлік қозғалысын реттеу мәселелеріне ерекше назар аударылады», – деп хабарлады полиция.

Бұған қоса, ішк...

Алматы қаласында ғалым, сүннит мектебінің төрт имамының бірі Әбу Ханифа атындағы мешіт ашылды. Kursiv LifeStyle тілшілері жаңа ғимаратпен танысты.

Мешіт мегаполистің Медеу ауданындағы Халиуллин көшесінде ашылды. Бұған дейін ол жерде 1998 жылы салынған «Нұрлы» мешіті тұрған. Жаңа ғимараттың ашылу салтанатына Алматы қаласының бас имамы Төлеби қажы Оспан қатысты.

Мүфтияттың мәліметінше, жамағат сұранысы мен мүфтият шешіміне сай, мешітке ғұлама, Ханафи мәзһабының негізін қалаушы Әбу Ханифа есімі берілді.

Мұсылмандар үйі кәсіпкер Рифат Самигуллиннің қолдауымен тұрғызылды.

Ғимараттың ерекше дизайны бірден көзге түседі. Оның қыры көп сәулеті біз көріп жүрген мешіттерден ерек. Аула ішіне жаңа орындықтар мен қоқыс жәшіктері орнатылған. Оның бәрі ғимаратты...

Президент Қасым-Жомарт Тоқаев Италияда өткен ХІ халықаралық CLIP 2025 опера байқауында топ жарған Әйгерім Алтынбекке құттықтау жеделхатын жолдады.

«Еліміздің мәдениетін төрткүл әлемге танытып, халықаралық сарапшыларды мойындатқан бұл жетістігіңіздің мән-маңызы зор. Сіз мемлекетіміздің мерейін үстем етіп, төл өнерімізді әлемнің төріне шығардыңыз. Алдағы уақытта да биік белестерді бағындыра бересіз деп сенемін!» – деп жазды Президент.

Айта кететін жайт, Әйгерім Алтынбек Италияның Портофино қаласында өткен халықаралық опера әншілері байқауында 1-орынды иеленген еді.

Биыл 50-ден астам елден 200-ден аса әнші CLIP байқауына қатысуға тілек білдірген. Бірақ тек 92 вокалист қана шақырту алған. Жартылай финалдан 22 әнші ғана сүрінбей...

Катонқарағай мемлекеттік ұлттық табиғи паркіні кіруге уақытша шектеу қойылды.

Шектеу парк аумағындағы өрт қаупіне байланысты болып отыр. Мамандар тілсіз жаудың қауіп деңгейін 5-ші класқа жетқызған.

«Өрт қауіпсіздігі қағидаларының 17-тармағы, 9-тармақшасына сәйкес, жеке тұлғалардың мемлекеттік орман қоры аумағында болуына шектеулер енгізіледі. Орманда өрт қауіпсіздігі ережелерін қатаң сақтауға шақырамыз», – делінген хабарламада.

Бүгінгі күннен басталған шектеу қашанға дейін жалғасатыны әзірге айтылмады.

Бұған дейін, Euronews телеарнасы Қазақстанның туристік бағыттары туралы түсірілетін Modern Nomads бағдарламасының екі жаңа эпизодының түсірілімін аяқтағанын хабарлағанбыз. Түсірілім тобы Байқоңыр мен Қатонқарағай өңірлеріне сапар шеккен. Эпизодтар 2025 жылдың қыркүйек айында эфирге шығады деп жоспарланып отыр.

Бұған дейін Ресейге атысты доғаруға 50 күн уақыт берген АҚШ президенті Дональд Трамп ультиматум мерзімі қысқарғанын мәлімдеді. Бұл туралы Reuters хабарлайды.

«Менің президент Владимир Путиннен көңілім қалды. Сол себепті мен оған бұған дейін берген 50 күнді қысқартамын», – деп мәлімдеді Трамп.

Қазір Трамп Шотландияда сапармен жүр. Бүгін ол Ұлыбритания премьер-министрі Кир Стармермен кездесті. Жүздесуден кейінгі брифингте Трамп ультиматум мерзімін 10-12 күнге қысқартқанын мәлімдеді. Жаңа талап бүгіннен басталады.

«Күтуге ешқандай себеп жоқ», – деп түсіндірді президент журналистерге. Себебі ол Украинадағы жанжалды реттеу мәселесінде ешқандай қозғалыс байқалмайды дейді.

Естеріңізге сала кетейік...

Құрылысы аяқталып, әлі күнге дейін пайдалануға берілмеген елдегі алғашқы крематорийді Алматы қаласының меншігіне беру мәселесі қарастырылып жатыр. Бұл туралы қалалық Құрылыс басқармасы KursivMedia-ның сауалына берген жауабында мәлім етті.

Басқарма мәліметінше, крематорий толықтай дайын.

«Бүгінгі таңда крематорий нысанын Алматы қаласының коммуналдық меншігіне беру және Басқармамен «Қалалық патологоанатомиялық бюро» КМК арасында қабылдау-беру актісі бойынша жұмыстарды жүргізу қаралуда», – делінген басқарма жауабында.

Редакцияға жолданған жауапта крематорий ғимараты 2024 жылы кепілдік міндеттемелер шеңберінде косметикалық жөндеуден өткізілгені айтылады.

Крематорийдің құрылысы мен сыртқы инженерлік желілерді тартуға жиыны 1,7 млрд теңге жұмсалған.

Бұған дейін, мәжіліс депутаты Сергей Пономарев Қазақстандағы алғашқы крематорий...