Жаңалықтар

Шымкентте сот Тұран аудандық полиция басқармасының басшысы Нұржан Тілеуовті 6 жылға түрмеге жапты. Сотталушы сот үкімімен келіспейді. Оның қорғаушысы әрі әйелі бұл қолдан ұйымдастырылған арандатушылық деп бағалайды.

Сот үкімі

Шымкент қалалық қылмыстық істер жөніндегі ауданаралық соты 50 жастағы Нұржан Тілеуовті Қылмыстық кодекстің «Пара алу» бабымен кінәлі деп таныды. Оны 6 миллион теңге пара алды деген айыппен 6 жылға бас бостандығынан әрі полковник шенінен айырды.

Нұржан Тілеуов жазасын қауіпсіздігі орташа түзеу мекемесінде өтейтін болды. Оған шығарылған үкім күшіне енгенге дейінгі 1 күні жаза мерзімінің бір жарым күніне есептелді.

Сот барысы

Судьяның сөзінше, Тілеуовтің кінәсі өзінің және жәбірленушінің сотқа дейінг...

Ыбырай Алтынсарин атындағы Ұлттық білім академиясының президенті тағайындалды. Бұл туралы академияның баспасөз қызметі ақпарат таратты.

«Қазақстан Республикасы Оқу-ағарту министрінің 2026 жылғы 2 ақпандағы бұйрығымен және конкурстық комиссияның 2026 жылғы 26 қаңтардағы хаттамалық шешімімен Зүльфия Темірханқызы Төребекова Ы. Алтынсарин атындағы Ұлттық білім академиясының президенті лауазымына тағайындалды», – делінген хабарламада.

Зүльфия Төребекованың білім және ғылым саласында 20 жылдан астам еңбек өтілі бар. Ол Мұхтар Әуезов атындағы Оңтүстік Қазақстан мемлекеттік университетінде «Физика, математика және информатика пәні мұғалімі» мамандығы бойынша білім алған. 2016 жылы АҚШ-тың Дьюк университетінде магистратураны тәмамдады және Сиракьюс университетінде докторантурада оқыған. PhD дәрежесіне ие...

Бәзбіреулер UFC дүлдүлі Шавкат Рахмоновтың атынан әлеуметтік желіде фейк парақша ашқан. Бұл туралы спортшының өзі жазды.

«Әлеуметтік желілерде менің атымнан фейк аккаунттар ашылып жатыр. Онда жарияланған жазбалар мен пікірлердің маған ешқандай қатысы жоқ. Жалған аккаунт. Арандатушылыққа ермеңіздер. Тек ресми және тексерілген дереккөздерге сеніңіздер», – деп жазды Рахмонов.

Жалған парақшада халық талқылап жатқан Конституция жобасына қатысты пікір жазылған.

Әйелі жол апатына түсті

Шавкат Рахмоновтың әйелі Гүлайым Рахмонова 2025 жылдың 27 шілдесінде Алматы – Екатеринбург тас жолының 299-шақырымында жол апатына түсті. Toyota Land Cruiser 200 автокөлігінің жүргізушісі рөлге ие бола алмай, көлік аударылып кеткен. Апат салдарынан екі адам...

«Өнер қырандары» әзіл-сықақ театрының басшысы Мадияр Серікбаев танымал әнші Құдайберген Бекіштен пародия жасағаны үшін кешірім сұрады

«Мен Құдайберген Бекіш ағамнан кешірім сұраймын. Құдайберген аға, кешіріңіз. Мен кезінде сіздің рұқсатыңызсыз дауысыңызға, әніңізге, күлкіңізге, сөзіңізге пародия жасадым. Түрім қатты ұқсады сізге. Даусыммен еліктедім. Сосын өте танымал «Қуыр, қуыр, қуырмаш» әніңізді айтып шығып, концертте сізге пародия жасадым. Сізден кешірім сұрап, үлгерген жоқпын сол кезде. Сізді ренжіп жүр деп естідім», – деді Мадияр Серікбаев.

Оның айтуынша, екеуі бір тойда кездесіп қалған кезде пародия үшін Құдайберген Бекіш ренішін білдірген.

«Иә, черный, сен маған пародия жасап жүр екенсің ғой. Сен менімен...

2 ақпанда Ұлттық банк (ҰБ) бағаны бірден 7,5 мың теңгеге түсіріп, 1 грамм алтын құнын 81 562 теңге деп белгіледі. Әлем нарығында алтын мен күміс арзандап жатыр.

Алтын мен күміс бағасы

Бір күн бұрын ғана ҰБ алтынның бір грамын 89 мың теңгеден сатқан. Бұл – қадағалаушы банк тарихындағы ең жоғары баға.

Әлем нарығында алтынның бір унциясы 5 600 долларға дейін көтеріліп, қайта түсті. Қазір ол шамамен 4 763 доллардан сатылып жатыр. Баға айналдырған үш-төрт күннің ішінде қатты түсті. Алтын бір тәулікте 120 долларға арзандады.

Алтынмен бірге күміс те құнын жоғалтып жатыр. Қазір оның бір унциясы шамамен...

«Қорғас» шекара маңы халықаралық ынтымақтастық орталығы (ШЫХО) 16 ақпаннан 1 наурызға дейін уақытша жұмысын тоқтатады. Бұл туралы арнайы экономикалық аймақтың әкімшілігі хабарлады.

Осы кезеңде Қытайда Көктем мерекесі (ай күнтізбесі бойынша Жаңа жыл) атап өтіледі.

«Аталған кезеңде Қазақстан тарапында туристерге қолайлы жағдай жасау мақсатында жоспарлы жөндеу жұмыстары жүргізіледі», – делінгеген хабарламада.

2 наурыздан бастап «Қорғас» орталығы қалыпты режимде жұмысын қайта бастайды.

Сондай-ақ 16–18 ақпан аралығында Қазақстан–Қытай шекарасындағы автокөлік өткізу пункттері де жұмыс істемейді. Бұл да Қытайдағы мерекеге байланысты. Аталған кезеңде адамдар, көлік құралдары мен жүктерді өткізу уақытша тоқтатылады, ал теміржол...

Италиядағы Турин қаласында тұрғындар биліктің әлеуметтік орталықты сүруіне қарсы болды. Осы себеппен 15 мыңға жуық адам көшеге шығып, соңы әлеуметтік наразылыққа ұласты деп жазады халықаралық БАҚ.

Алғашқыда щеру көпшілік пікірін білдіріп, бейбіт түрде басталғанымен, соңы полициямен қақтығысқа ұласты. Полицейлердің бірі көтеріліске шыққан азаматты ұрып соққан. Оны көрген өзге тұрғындар сол маңайдағы тәртіп сақшыларына жаппай тиісе бастайды.

«Бұл кісі өлтіруге оқталу»

Италия журналистерінің жазуынша, 97 полицей жарақат алған.

Елдің премьер-министрі Джордж Мелони Туринге барып, ауруханада жатқан тәртіп сақшыларымен кездесті.

Біреуді балғамен ұрғанда, оның салдары өте ауыр болуы мүмкін екенін біле отырып әрекет етесің. Бұл протест...

Әсет Ерғалиев президент кеңесшісі болды. Бұл туралы Ақорда хабарлады.

«Мемлекет басшысының жарлығымен Әсет Ерғалиев Қазақстан президентінің кеңесшісі – Стратегиялық жоспарлау және реформалар агенттігінің төрағасы лауазымына тағайындалды», – делінген ақпаратта.

Ерғалиев 2021 жылдың қаңтарынан 2022 жылдың қаңтарына дейін Ұлттық экономика министрі болды. Содан кейін Стратегиялық жоспарлау және реформалар агенттігінің төрағасы, президентінің экономикалық мәселелер жөніндегі көмекшісі қызметін атқарған.

2024 жылдың мамырынан 2025 жылдың ақпанына дейін Дүниежүзілік сауда ұйымы мен халықаралық экономикалық ұйымдар жанындағы Қазақстанның тұрақты өкілі болды.

Бір жыл бұрын Стратегиялық жоспарлау және реформалар агенттігінің төрағасы қызметіне қайта кіріскен.

Қаңтар айындағы ҰБТ-ны 139 мың талапкер тапсырды. Бұл туралы Ғылым және жоғары білім министрлігінің баспасөз қызметі хабарлады.

Ведомствоның мәліметінше, талапкерлердің 76 пайызы тестілеуді қазақ тілінде, 24 пайызы орыс тілінде және 86 адам ағылшын тілінде тапсырған. Екі аптаның қорытындысы бойынша талапкерлердің 69 пайызы шекті балл жинады. Бес пән бойынша орташа балл 64 балды құрады. Ең жоғары нәтиже – 138 балл.

«Ерекше білім беру қажеттіліктері бар оқуға түсушілер үшін қолайлы жағдай жасаудың арқасында ҰБТ-ға 328 талапкер қатысқанын айта кеткен жөн. Талапкерлердің тест тапсырмаларының мазмұны бойынша тестілеу аяқталғаннан кейін 30 минут ішінде апелляцияға беру құқығы бар. Техникалы...

2025 жылы «Қазатомөнеркәсіп» уран өндірісін 11%-ға арттырып, 25,8 мың тоннаға жеткізді. Алайда сатылым бағасы арзандап, 2026 жылға болжам қысқарған.

Ұлттық атом компаниясының дерегінше, 2025 жылы жалпы уран өндірісі 25 839 тоннаға жетіп, бір жылда 11%-ға өсті. Өсім негізінен «Буденовское» бірлескен кәсіпорнының жобалық қуатқа шығуымен байланысты.

Компаниялар тобы бойынша сатылым көлемі де дәл осы қарқынмен өсіп, 18 495 тоннаны құрады. Ал «Қазатомөнеркәсіптің» үлесіне шаққандағы өндіріс көлемі 13 519 тонна болды.

Баға динамикасы табысқа қысым түсіреді

Өндіріс пен сатылым артқанымен, нарықтағы баға компания үшін жағымсыз сигнал берді. Уран концентратының орташа сату бағасы 6%-ға төмендеп, бір фунты...

2025 жылдың қорытындысы бойынша Қазақстанның жалпы мемлекеттік борышы шамамен 38,7 трлн теңге, яғни 77 млрд доллардан асты. Бұл туралы Kursiv.Media Қаржы министрлігінің мәліметіне сүйене отырып хабарлайды.

Мемлекет борышы көбейді

2026 жылғы 1 қаңтардағы мәліметке қарағанда, қарыз 77 млрд 90 млн доллар болды. Соның 72,5 млрд доллары мемлекеттік қарызға, қалғаны мемлекет кепіл болған борыштарға жатады.

Қарыз айналдырған екі айдың ішінде шамамен 20%-ға көбейгенін көріп отырмыз. Себебі 2025 жылғы қазанда ғана Қаржы министрлігі борышты 64,7 млрд доллар деп есептеген. Қарыз аз уақытта шамамен 12,3 млрд долларға артқан.

Үкімет қарызы

Қарыздың басым бөлігін, яғни 69,3 млрд

Ақпаннан бастап балалар тұратын және білім алатын мекемелер ескертусіз тексеріледі.

Денсаулық сақтау министрлігі санитариялық-эпидемиологиялық бақылау комитеті төрағасының орынбасары Марал Рақымжанованың айтуынша, бұл тізімге балабақша, мектеп, медициналық ұйымдар, интернаттар, студенттік жатақханалар, медициналық-әлеуметтік мекемелер, балалар үйлері, сәбилер үйлері кіреді.

Айтуынша, мемлекеттік мекеме мен кәсіпорын, сондай-ақ мемлекеттік бюджеттен қаржыланатын жеке бизнес тексеріледі.

«Бақылаушы органдарға мектеп ішіндегі асхана, медициналық пункт, спорт залдарын  бір уақытта тексеруге мүмкіндік беріледі. Бұл балалардың мектеп ішіндегі жағдайын көруге көмектеседі», – дейді маман.

Бұған дейін алдын ала хабарлау арқылы жүргізілген тексеру заң бұзушылықты жасыруға мүмкіндік беріп келген. Енді кенеттен барып тексеру бақылауды тиімді етеді.

Мәселен, алдын...

Осы жылы наурызда Халықаралық әйелдер күні мен Наурыз мейрамына байланысты демалыс әдеттегіден көбірек болады.

Халықаралық әйелдер күні 2026 жылы жексенбі, 8 наурызға сәйкес келеді. Еңбек заңнамасына сай, мереке күні демалыспен қабаттасса, демалыс жұмыс күніне ауыстырылады. Осылайша, қосымша демалыс 9 наурыз, дүйсенбіге белгіленеді.

Демалыс кестесі:

Бес күндік жұмыс аптасында:

Алты күндік жұмыс аптасында:

Наурыз мейрамы дәстүрлі түрде 21–23 наурыз аралығында атап өтіледі және ресми мемлекеттік мереке болып саналады. 2026 жылы 21 және 22 наурыз сенбі мен жексенбіге түсетіндіктен, демалыс күндері 24 және 25 наурызға (сейсенбі мен...

Geely Galaxy M7 жаңа плагин-гибрид кроссоверін таныстырды. Carnewschina мәліметінше, Galaxy M7 – M-сериясындағы флагмандық M9 моделінен кейін шыққан екінші кроссовер.

Негізгі техникалық көрсеткіштері көңіл көншітерлік: электр қуатымен 225 шақырымға дейін жүре алады, ал аккумуляторы толық таусылған жағдайда 100 шақырымға небәрі 3,35 литр отын жұмсайды.

Geely Atlas-қа ұқсас

Пішіні мен өлшемдері жағынан Galaxy M7 Geely Atlas моделіне жақын. Кроссовердің ұзындығы 4770 мм, ал дөңгелек базасы 2785 мм, яғни бұл толыққанды отбасылық SUV. Сыртқы келбеті заманауи әрі ұстамды стильде жасалған, алдыңғы бөлігі жабық, жіңішке фаралар тұтас жарық жолағымен біріктірілген, ал артқы бөлігі барынша қарапайым.

Салон және жабдықталуы

Салонда...

Атырау облысында 82 жастағы кейуананың өліміне қатысты қылмыстық іс сотта қаралып жатыр.

Облыстық полиция департаментінің дерегінше, қайғылы оқиға өткен жылдың мамыр айында болған. Сол күні үйде енесі мен келіні ғана отырған. 38 жастағы келіні енесіне ас үй пышағымен тап берген. Ол енесінің басы мен денесіне кемінде төрт рет пышақ жарақатын салған. Кейуана аудандық ауруханаға жеткізілгенімен, алған жарақаттарынан көз жұмған.

Аталған дерек бойынша Қылмыстық кодекстің 99-бабы бойынша іс қозғалып, күдікті әйел қамауға алынды. Сараптама қорытындысына сәйкес, күдіктіден созылмалы психикалық ауру – параноидты шизофрения анықталды.

Қазіргі уақытта іс Атырау облысының мамандандырылған ауданаралық қылмыстық істер жөніндегі сотында қаралып жатыр.

Нұрлан Имам спорттың дамуына рухани үлес қосқаны үшін америкалықтардың қолынан Sport Oskar 2026 халықаралық сыйлығын алды.

Бұл туралы блогер Жұлдызай Смайлова өз парақшасында жариялады.

«Бүгін біздің ағатай (Нұрлан Имам – ред.) Американың төрінде бір емес, бірнеше марапат алды. Спорт, өнер саласына қосқаны үшін, әлемде бейбітшілік болсын деген ұранмен сыйлық алды. Құтты болсын, аға!» – деді Смайлова.

Нұрлан Байжігітұлы түрлі кәде-сыйлықтарға толы үстелдің басында қол бұлғап, құттықтауға ризашылығын білдірді.  Жұлдызай Смайлова бүкіл сыйлықтың қазақстандықтардың үстелінде тұрғанын мақтанышпен жеткізді.

Нұрлан Имамның өзі де алған марапаттарын көрсетіп түскен фото-суреттерін жариялады.  

Нұрлан Байжігітұлы 2024 жылы қаңтар айында...

Ұлттық статистика бюросы (ҰСБ) Қазақстандағы халық саны бойынша жаңа ақпарат жариялады. Жаңа дерек бойынша, 2026 жылғы 1 қаңтардағы жағдайға сай, Қазақстан халқының саны – 20 495 975 адам.

Оның ішінде:

– 10 477 240 адам – әйел,
– 10 018 735 адам – еркек.

Бюроның нақтылауынша, қала халқының саны – 13 млн, ауыл халқы 7 млн-ға тең.

2025 жылдың басымен салыстырғанда халық саны 212 576 адамға өсті, оның ішінде:

– табиғи өсім есебінен – 196 423 адам,
– көші-қон сальдосы есебінен – 16 153 адам.

Қытайда қоймалар мен дүкендерде ЖИ-роботтарды қолдану артып келеді. 2025 жылы қытайлық AgiBot компаниясы 5 100-ден астам гуманоид роботты жеткізді. Бұл – әлемдік нарықтың шамамен 40 %-ы. ЖИ-робототехника секторы қарқынды дамып, қазірдің өзінде әлем бойынша еңбек нарығына, өндіріс пен логистика саласына әсер ете бастады. Бұл туралы Kursiv.media Xinhua агенттігіне сілтеме жасап хабарлайды.

Енгізу ауқымы

Салалық есепке сәйкес, AgiBot 2025 жылы гуманоид роботтарды жеткізу көлемі бойынша әлемде көш бастады. Бұл роботтар жасанды интеллект пен адам қимылына ұқсас механизмдерді пайдалана отырып, қоймаларда, өндірісте және қызмет көрсету саласында түрлі міндеттерді орындайды. Олардың қатарына сәлемдемелерді өңдеу, тауарларды сақтау, клиенттермен жұмыс істеу сияқты...

Ресми ақпарат бойынша елде бір жылда 200-ге тарта балаға буллинг жасалған. Жауапты тарапқа әкімшілік құқық бұзушылық туралы кодекстің 127-2-бабы негізінде шара қолданылған. Бұл туралы Оқу-ағарту министрлігі балалардың құқықтарын қорғау комитеті төрағасының орынбасары Юлия Овечкина айтты.

Маманның айтуынша, бұл көрсеткіш өңірлер мен қалаларда болып жатқан жағдайды нақты көрсетпейді.

«Өңірлердегі рейтингті жасау кезінде бұл көрсеткішке қараудың қажеті жоқ. Себебі бұл буллингтің нақты санын емес, қанша адамның мұны хабарлауға дайын екенін көрсетеді. Сол себепті бұл дерек елдегі нақты көрсеткіш емес», – дейді Овечкина орталық коммуникациялар қызметіндегі брифингте.

Айта кетейік, әкімшілік құқық бұзушылық туралы кодекстің 127-2-бабына сәйкес кем дегенде...

Қазақстанда қытайлық BYD автокомпаниясының жаңа BYD Seal 6 DM-i көлігі ресми түрде сертификатталды. Бұл туралы «Казстандарт» базасында жарияланған Көлік құралы типін мақұлдау құжаттарынан белгілі болды.

Атауы халықаралық нұсқамен бірдей болғанымен, Қазақстан нарығына арналған модель көлемі ұлғайтылған әрі техникалық сипаттамалары жақсартылған гибридті седан болмақ.

Үлкейтілген өлшемдер

Қазақстанда сатылатын нұсқа халықаралық Seal 6 моделінен едәуір үлкен. Егер жаһандық нұсқасының ұзындығы 4830 мм болса, отандық нарыққа сертификатталған көліктің ұзындығы 4980 мм деп көрсетілген.

Ал доңғалақ базасы 2790 мм орнына 2900 мм болады. Осылайша, көлік ішкі кеңдігі бойынша Е-класс седандарымен бәсекелесе алады.

Құжаттардағы мәліметке сүйенсек, Қазақстанда Seal 6 атауымен іс жүзінде...

2026 жылдың қаңтарында Қазақстанның өңдеу өнеркәсібіндегі іскерлік ахуал біршама әлсіреді. Freedom Holding Corp. пен S&P Global әзірлеген Өңдеу өнеркәсібі өндірістік индексінің (PMI®) мәліметіне сәйкес, көрсеткіш 49,8 деңгейіне дейін төмендеп, бейтарап 50,0 шегінен төмен қалыптасты. Бұл соңғы сегіз айда саладағы операциялық жағдайдың қайта нашарлағанын аңғартады

Нарықтағы баға факторы қысым тудырып келіп отыр. Қаңтар айында қосылған құн салығының (ҚҚС) өсуі өндіріс секторындағы инфляциялық қысымды күрт күшейтті. Сауалнамаға қатысқан компаниялардың шамамен 44 пайызы ресурс құнының қымбаттағанын атап өткен. Нәтижесінде шикізат пен қызмет бағасының өсу қарқыны 2022 жылғы қарашадан бергі ең жоғары деңгейге жетті.

Шығындардың артуы өндірушілерді дайын өнім бағасын көтеруге...

Лос-Анжелесте 68-рет «Грэмми» сыйлығын табыстау шарасы өтті. Бұл – музыка әлеміндегі ең беделді сыйдың бірі. Осы жолы рэпер Кендрик Ламар, Билли Айлиш пен Леди Гаганың жолы болды.

«Біз мал емеспіз»

Грэмми бойынша барлығы 95 номинация бар. Бірақ салтанатты жиында оның тек тоғызы ғана марапатталады. Ең басты номинация – «Жыл альбомы». Биыл бұл санатта пуэрториколық рэпер Бэд Банни жеңімпаз болды. Оның «Debi Tirar Mas Fotos» альбомы толығымен испан тілінде жазылған.

Сыйлығын алуға шыққан Банни ерекше сөз сөйледі. Ол Америкадағы мигранттарға қатысты саясатты, ICE иммиграциялық қызмет агенттерінің әрекетін сынады.

«Біз жабайы емеспіз, мал емеспіз, бөтен...

Дариға Бадықованың бұрынғы күйеуі Мұсаев Дархан кино түсіруге кіріскенін мәлімдеді. Көрермендерден қолдау күтетінін жасырмады.

Десе де, ол қандай кино түсіретіні, онда қай актерлер ойнайтыны жөнінде ашып айтпады.

«Киноның жұмыстары басталды. Мен бұл уақытқа дейін босқа жүрген жоқпын. Қазақстанның түкпір-түкпірінде жүрдім. Өзіме серіктес іздедім. Идея іздедім. Нарықты зерттедік. Аллаға шүкір, таптым. Өзіме керекті таптым. Алдағы уақытта осы киномдағы актерлар жөніндегі мәлімдеме жасайтын боламын. Әсіресе, басты рөлдегі актер жөнінде өте қызықты мәлімдеме жасайтын боламын. Күтіңіздер. Назарларыңызға рахмет! Қолдауларыңызды күтемін. Алла жар болсын, барлықтарыңызға», – деді Дархан Мұсаев.

Оқырмандары актердің бастамасына қолдау білдіріп жатыр. Бастаған ісіне сәттілік тілеп...

Ақмола облысының прокуратурасы Бурабай кентіндегі Сейфуллин атындағы мектепте тамақтандыруды ұйымдастыруға қатысты заңбұзушылықтар анықталғанын мәлімдеді.

Тексеру қорытындысы бойынша мектеп директоры қызметінен босатылған. Ал аудандық білім бөлімінің бір қызметкері тәртіптік жауапкершілікке тартылған.

«Мектеп әкімшілігі жеткізушінің біліктілік талаптарына сәйкестігін тиісті түрде тексермей, мектептегі тамақтануды ұйымдастыруына жол берген. Сөйтіп бұл жағдай кәмелетке толмағандардың өмірі мен денсаулығына айтарлықтай қауіп төндірген. Прокуратураның талап етуімен жеткізушімен жасалған келісімшарт бұзылды. Сондай-ақ оны мемлекеттік сатып алуға жауапсыз қатысушы деп тану үшін сотқа талап арыз берілді», – делінген хабарламада.

Прокуратура дерегінше, конкурс жеңімпазы ретінде танылған жеткізуші іс жүзінде жұмыс істемейтін қызметкерлерді көрсеткен...