Жаңалықтар

Қазақстанда ер адамдар кіші дәретке жиі баруды қалыпты жағдай деп санайды. Себебін анықтау үшін дәрігерге жүгінбейді. Тіпті «онкология» сөзінен сескенеді. Алайда дәрет сындыру үшін түнде бірнеше рет ояну онкологияның алғашқы белгісі болуы мүмкін. Бұл туралы Ұлттық ғылыми онкологиялық орталықтың онкоурологы Шалқарбек Мұғалбеков айтты.

Сондай-ақ маман ер адамда тестостерон түсетін жағдай және мұсылмандарда сирек кездесетін урологиялық онкология түрлеріне тоқталды.

Урология нені зерттейді?

Уролог ер адамдарда бүйрек, қуық, қуық асты безі, аталық без, жыныс мүшелерін зерттейді және емдейді. Әйелдерде бүйрек пен қуықты емдеумен айналысады.

20 жыл тәжірибесі бар маманның сөзінше, ер адам ауырса да, дәрігерге бармай шыдап жүреді. Салдарынан онкологиялық ауру...

Қазақстандық стартап Duolingo-ны басып озды. Ағылшын тілін үйренуге көмектесетін Aleem стартапы жайлы отандық БАҚ осылай шулап жатыр. Іске қосылғанына үш-ақ күн болса да, қосымшаны 90 мыңға жуық адам жүктеген. App Store-да білім беру санатында бірінші орынға шықты. Қандай жоба? Қалай пайда болды? Duolingo-ны қалай басып озды? Kursiv.Media тілшісі Aleem қосымшасының жетекшісі Асылжан Алтаймен сұхбаттасты.

– Қайырлы күн, Асылжан! Үш күн ішінде тредс пен инстаграмды шулаттыңыздар. Әуелі өзіңізбен жақын танысып алсақ. Қай жердің тумасысыз? Қай жерде оқисыз?

– Мен Шымкент қаласының тумасымын. Жасым 21-де, 2023 жылы физика-математика бағытындағы Назарбаев зияткерлік мектебін бітірдім. Қазір Бостон қаласындағы университетте «бизнес» мамандығы бойынша...

Қазақстан президент Қасым-Жомарт Тоқаев Ресейге ресми сапары аясында президент Владимир Путинмен Кремльде бейресми кездесу өткізді, деп хабарлайды Ақорда.

Тоқаев өзін Ресейде ыстық ықыласпен қарсы алғаны үшін Путинге алғыс айтып, әрі таңғалып әрі қуанғанын жеткізген.

«Мемлекеттеріміз арасында ешқандай түйткіл жоқ. Мәселе туындаған күннің өзінде президенттер мен үкімет басшыларының күш-жігері арқасында оң шешімін табады. Сіздің шақыруыңызды зор ықыласпен қабыл алдым. Расында, бүгін бейресми жағдайда пікір алмасамыз. Менің Өзіңізбен талқылағым келетін біраз пікір-пайымым бар», – деді Тоқаев.

Өз кезегінде Путин уақыт бөліп, Мәскеуге келгені үшін Тоқаевқа алғыс айтып, шын жүректен қуанышты екенін жеткізген.

Ақтөбе облысында Хромтау қаласының әкімі Сағындық Шабықбаев пара алды деген күдікпен ұсталып, тергеу аяқталғанға дейін қамауға алынды, деп хабарлайды «Қазақпарат«.

Агенттікке ақпарат берген Ақтөбе облыстық сотының баспасөз қызметінен хабарлауынша, Хромтау қаласының әкімі Сағындық Шабықбаев алдағы екі айды тергеу изоляторында өткізеді. Ол ҚР Қылмыстық кодексінің «пара алу» бабы бойынша күдікке ілінген.

«Сот екі айға қамауға алуға рұқсат берді. Басқа ақпарат жария етілмейді», – деп хабарлады Ақтөбе облыстық сотының баспасөз қызметі.

40 жастағы Сағындық Шабықбаев әкім қызметіне екі жыл бұрын келген. Бұған дейін ол әкімнің орынбасары қызметін атқарған. Еңбек жолын 2008 жылы Әйтеке би ауданыны...

Қазақстан президенті Қасым-Жомарт Тоқаев Түркия президенті Режеп Тайып Ердоғанға көңіл айту жеделхатын жолдады, деп хабарлайды Kursiv.Media.

«Қасым-Жомарт Тоқаев Түркия қарулы күштері ұшағының апатқа ұшырауына байланысты көптеген адамның қайтыс болғаны туралы суыт хабарды күйзеліспен қабылдағанын жеткізіп, президент Режеп Тайып Ердоған мен бауырлас түрік халқына көңіл айтты», – делінген Ақорда хабарламасында.

Айта кетейік, 11 қарашада Түркия қарулы күштерінің әскери ұшағы апатқа ұшыраған. C130 типті әскери ұшақ Әзербайжаннан Түркияға жол тартып, Грузия-Әзербайжан шекарасының аумағында құлаған. Іздеу-құтқару жұмыстары басталған. Түркияның Қорғаныс министрлігінің ақпаратына сәйкес, бортта 20 адам болған.

Қазақстандық теннисші Елена Рыбакина жанкүйерлеріне маусым бойы және Эр-Риядтағы WTA қорытынды турнирі кезінде қолдау көрсеткендері үшін алғыс білдірді.

Алдымен ол қолдау үшін әр жанкүйеріне жеке алғыс айтатынын жазды. Стендтерде, экранда, хабарламалар мен матчтан кейінгі жылы хаттарда бәрін көргенін атап өтті.

«Қазақстан атынан жарысқа қатысып, сіздерге жағымды эмоция мен жеңіс сыйлағаныма мақтанамын. Әсіресе, көптеген жандар ракетка алып, тенниске келіп жатқанын көргенде қуанамын. Егер менің ойыным сізді армандауға, жұмыс істеуге және өзіңізге сенуге шабыттандырса, бұл менің ең үлкен жеңісім», – деп жазды Рыбакина.

Айтуынша, алдағы уақытта ол қысқа уақытқа демалыс алып, жаңа дайындық кезеңін бастайтынын...

«Қазгидромет» болжамына сүйенсек, 12 қарашада Қазақстанның кей өңірлерінде қар, жаңбыр жауып, көктайғақ және боран күтіледі.

Синоптиктердің болжамы бойынша республика аумағының басым бөлігінде жел қатты болады, ал түнде және таңертең кей жерлерді тұман басып, автожолда жүру қауіпті болады.

Ұлытау облысында түнде және таңертең жаңбыр, қар, көктайғақ және боран күтіледі, күндіз жауын-шашын солтүстікте, шығыста және орталықта сақталады. Жезқазғанда қар мен көктайғақ, жел екпіні 20 м/с.

Қарағанды облысында түнде және күндіз жауын-шашын мен көктайғақ болуы мүмкін. Қарағандыда екпінді жел 20 м/с жетеді.

Ақмола облысында түнде және күндіз қар мен көктайғақ, батыста және оңтүстікте тұман түседі. Көкшетауда түнде және таңертең көктайғақ, жел екпін...

Қазақстан мен Израиль ерекше білім беру қажеттілігі бар балаларды оқытуда ынтымақтастық туралы Меморандумға қол қойды, деп хабарлайды Kursiv.Media.

Оқу-ағарту министрлігінің баспасөз қызметі хабарлауынша, тараптар тәжірибе алмасуға, педагогтердің біліктілігін арттыруға және мектептерде инклюзивті ортаны дамытуға келісті.

«Біз ерекше білім беру қажеттілігі бар балаларды оқыту тәжірибесін жетілдіруге және мамандардың кәсіби әлеуетін дамыту бойынша әріптестікті нығайтуға мүдделіміз», — деп атап өтті министр Жұлдыз Сүлейменова.

Израильдегі инклюзивті білім жеткілікті деңгейде дамыған елдердің бірі болып саналады. Соңғы мәліметтер бойынша, Израильде ерекше қажеттілігі бар балалардың 70%-дан астамы жеке білім беру жоспары мен мамандар тобының қолдауымен қарапайым мектептерде оқиды. Мұғалімдер инклюзивт...

Футболдан Қазақстан жастар құрамасы Еуропа чемпионатының іріктеу кезеңіндегі алғашқы ойынында Хорватия жастар құрамасын жеңді, деп хабарлайды Kursiv.Sport.

«ЖЕҢІС! Қазақстан U17 құрамасы Еуропа чемпионатының іріктеу кезеңін жеңіспен бастады», – делінген Қазақстан футбол федерациясының хабарламасында.

Ақпаратқа сүйенсек, қазақстандық жастар Хорватияны 2:1 есебімен жеңген. Хорват қақпасына Ислам Рақым мен Расул Әкімов гол соққан. Жерлестеріміздің бұл 2025/2026 Еуропа чемпионатынің іріктеу кезеңіндегі алғашқы ойыны болған. Матч Хорватияның Неделишче қаласындағы «Спортпарк Трате» стадионында өтті.

Ресейлік «Лукойлға» тиесілі Болгарияның Бургас қаласындағы «Лукойл Нефтохим Бургас» МӨЗ жабылу алдында тұр. Себебі әлі күнге дейін «Лукойл» компаниясына қатысты санкциялар әсер етуде, деп хабарлады Reuters.

Лукойл санкциялары 21 қарашада күшіне енуі керек. Ресейлік компания Бургастағы ең ірі МӨЗ-ге, сондай-ақ жүздеген жанармай құю бекеттеріне ие. Бүгінгі таңда Болгариядағы бензин қоры тек 35 күнге, ал дизель отыны 50 күннен асады. Ел билігі жағдайға алаңдаулы.

Елдің шикі мұнай қоры өзге елдерде орналасқан. Олар оны «Лукойл» құбыры түпкілікті санкцияланғанға дейін мүмкіндігінше тезірек импорттауы керек.

«Новая газетаның» жазуынша, Бургастағы МӨЗ 2023 жылы елдің ЖІӨ-сінің шамамен 10%-ын қамтамасыз еткен. Сонымен қатар Болгарияға отынны...

Халықаралық валюта қорының (ХВҚ) қазан айындағы есебіне сәйкес, әлемдік экономика 2026 жылы ақырындап өсіп келе жатыр, деп хабарлайды Kursiv.Media.

Ұйым ақпаратына сүйенсек, әр ел өзінің ішкі нарығын шетелдік тауарлармен бәсекелестіктен қорғауының әсерінен әлемдік экономиканың дамуы баяулап келеді. Негізгі тәуекелдердің қатарына технологиялық компаниялардың акцияларын қайта бағалау және мемлекеттік институттардың тәуелсіздігін әлсірету жатады.

Көшбасшылар тізімі өзгеріссіз қалды:

Қытай, Жапония және Үндістан есебінен Азия...

7 қарашада Almaty театрында өткен қазақстандық продюсер Багым Мұхитденованың концертінде әнші Жанар Дұғалова өнер көрсетті. Әнші «Бір сұрақ» әнін орындап, көрермендер мен желі қолданушыларының көңіл-күйін көтерді.

Шарадағы видео әлеуметтік желіге тез тарап, онда жанкүйерлер әншіден сахнаға оралып, жеке концерт ұйымдастыруды сұрайды.

Бейнежазбаға пікір жазған азаматтар «Қашан жеке концерт бересіз?», «Концерті болса, барайық», «Мен «Бір сұрақты» жеке концертіңізде тыңдағым келеді», – деп жазды.

Қазір Жанар Дұғалова Silk Way Star халықаралық вокалдық жобасының қазылар алқасының мүшесі. Әнші соңғы рет 31 мамырда, Ашаршылық және қуғын-сүргін құрбандарына арнап «Есімдер» әнін шығарған.

Түркістан қаласындағы Жамбыл Жабаев атындағы мектептің 9 сынып оқушысы қайтыс болды. Қайғылы оқиға 3 қараша күні болған, деп хабарлайды Kursiv.Media.

Алдын ала мәлімет бойынша оның кеудесінен сыныптасы ұрып-соққан.

«Оқушының қайтыс болу фактісі бойынша сотқа дейінгі тергеу амалдары жүргізілуде.
Оқиға орнына барған жедел-тергеу тобы барлық қажетті іс-шаралар кешенін жүргізді. Алдын ала мәлімет бойынша тоғызыншы сынып оқушысы сыныптасының кеуде тұсынан ұрған. Соққы алған оқушы сол жерде қайтыс болған», – делінген облыстық полиция департаментінің хабарламасында.

Күдікті мен оқиғаға қатысқан оқушылар ұсталған. Олардың заңды өкілдері балаларды тәрбиелеу жөніндегі міндеттерді орындамағаны үшін жауапқа тартылған.

Кейінгі кездері әлеуметтік желіде ерлерді «ред флаг» және «грин флаг» деп бөлетін тренд пайда болды. Бұған медиатұлғалардың әрекеті себеп. Мәселен сұхбатта айтқан сөзі, парақшасына салған stories не жасырын камераға түсіп қалғанына қарап, әрекетіне баға береді. Егер жағымсыз қылық танытып, қыз-келіншектер қауымына қауіп тудыратыны байқалса, әлеуметтік желіде бірден кәнсілдеп, «ред флаг» қатарына қосады. Ал енді, керісінше, жұбына қамқор болып, елді сүйсіндіретін әрекет көрсеткендерді мақтап, «грин флаг» санайды. Бүгінгі материалымызда қоғамда оң баға алған ерлердің мысалын жинақтадық.

«Грин флаг» деген не?

Green flag (ағылшын тілінен аударғанда, «жасыл жалау») термині адамның іс-әрекетіндегі жағымды белгілерді білдіреді. Яғни сау қарым-қатынас құра алатын, эмоциялық фоны...

Қазақстанда келесі жылдан бастап «Инвестицияға тапсырыс» бағдарламасы іске қосылады. Бұл туралы Үкіметтің баспасөз қызметі хабарлады.

Үкіметте Премьер-министрінің орынбасары – ұлттық экономика министрі Серік Жұманғариннің төрағалығымен «Инвестицияға тапсырыс» бағдарламасы шеңберінде экономиканың басым бағыты бойынша жобалар пулын қалыптастыру мәселесі талқыланды.

Жаңа бағдарлама

«Инвестицияға тапсырыс» – халық арасында сұранысқа ие, көбі импортқа шығарылатын тауарларды өндіру үшін ШОБ және жеке сектордағы ірі бизнестің инвестициялық жобаларын қолдауға арналған мемлекеттік жаңа бағдарлама. Бұл – негізінен АӨК және өңдеу өнеркәсібі саласының тұтыну тауарлары. Мемлекет импортты алмастыру және экспортқа тауар өндіру әлеуеті жоғары перспективалық салаларды, ал өңірлер оларды жүзеге асыруға қабілетті нақты жобалар мен...

Семейде 15 миллиард теңгеге жаңа стадион салынады. Бұл туралы Абай облысының әкімі Берік Уәли мәлімдеді.

Әкімнің айтуынша, спорт нысанының құрылысын бастау үшін 15 миллиард теңге бөлінеді.

Tengrisport ақпаратына қарағанда, бұған дейін стадион 2026 жылы пайдалануға берілуі жоспарланғаны хабарланған. Алайда нақты мерзім әзірге белгісіз. Әкімнің сөзінше, алдымен жобалық-сметалық құжаттама әзірленіп, содан кейін ғана құрылыс басталады.

«Стадионның капсуласы әлі салынған жоқ. Жер телімі қоршалды. Ал KAZ Minerals 15 миллиард теңге бөлді», – деді Берік Уәли.

Бастапқыда жаңа «Семей» аренасы 2 мың көрерменге арналған ескі «Пищевик» стадионының орнында салынады деп жоспарланған еді.

Алайда кейінірек оны басқа...

Қытай миллиардері Джек Маның әйелі Кэти Ин Чжан Лондонда бұрынғы елшілік ғимаратын сатып алды. Бұл туралы Financial Times жазды.

Alibaba компаниясының негізін қалаған миллиардердің әйелі былтыр Лондондағы ғимаратты 19,5 млн фунт стерлингке сатып алған. Бұрын ол үйде Италияның Ұлыбританиядағы елшілігі орналасқан. 15 жыл бұрын ғимарат жеке резиденцияға айналған. Мұнда алты жатын орын, үй кинотеатры, сонымен бірге бақ бар.

Жылжымайтын мүлік нарығын зерттейтін LonRes мәліметінше, ғимарат былтырғы ең қымбат 34 сауда тізіміне енген. Ма отбасы қолайлы ауданда орналасқан үйдің қауіпсіздігіне назар аударған.

Мәліметтерге қарағанда, бастапқыда ғимарат 21,5 фунт стрелингке бағаланған. Алты бөлмелі таунхаус Белгравия ауданында орналасқан. Үй XX ғасырдың басында...

2025 жылдың тоғыз айында «Аркада Индастри» компаниясы 131,9 миллион теңге шығынға батқан. Бұл өткен жылдың осы кезеңіндегі 271,7 миллион теңгемен салыстырғанда екі есеге аз. Компания Ақмола облысында қиыршық тас шығарады.

Компанияның қаржы есебіне сәйкес, кірісі 3,3 млрд теңгеге жетті. Бұл бір жыл бұрынғы көрсеткіштен шамамен 12 пайызға жоғары. Ал сатылған өнімнің өзіндік құны 2,26 миллиард теңге болды.

Осылайша, жалпы пайда 1,05 млрд теңгеге жетіп, өткен жылғы 778 миллион теңгеден артты. Операциялық пайда да өсіп, 494,8 миллион теңге болды (өткен жылы – 293,5 миллион теңге).

Алайда қаржыландыру бойынша шығын (668 миллион теңге) қаржы табысынан әлдеқайда көп...

Шымкент қаласының санитариялық-эпидемиологиялық бақылау басқармасы Kursiv.Media-ға жекеменшік «Березка» балабақшасына жүргізілген жоспардан тыс тексеру нәтижесімен бөлісті.

Әлеуметтік желідегі видеолар мен басқармалардан түскен шағым негізінде жекеменшік балабақшаға жоспардан тыс тексеру жүргізілген.

«Видеодағы бірнеше кемшіліктер расталды, анықталды. Бұл жерде кемшіліктердің басым бөлігі асхана немесе тамақтану жүйесінде құжаттардың дұрыс рәсімделмеуі немесе мүлдем рәсімделмеуінен», – дейді Шымкент қаласы Абай аудандық санитариялық-эпидемиологиялық бақылау басқармасы басшысының орынбасары Нұркен Сәрсенбаев.

Тексеру кезінде ондаған кемшілік анықталған. Мысалы, балабақшада медицина қызметкері мүлдем жоқ болып шыққан. Ас мәзірі жасалмаған. Сүртінділерден бактерия анықталған.

Анықталған кемшіліктерге қатысты әкімшілік хаттама түзіліп, балабақша құрылтайшысына 630 мың теңге...

Қазақстанға келген шетелдік туристер өз шығындарының басым бөлігін қоғамдық тамақтану саласына жұмсайды. Бұл – елдің гастрономиялық туризмге тартымдылығы артып келе жатқанын көрсетіп отыр.

Kazakh Tourism компаниясы шетелден келушілердің шығын құрылымына талдау жасады. Деректерге сәйкес, орта есеппен шетелдік туристер өз қаражатының 27 пайызын тамақтануға, яғни мейрамхана мен дәмханаларға жұмсайды.

Тағы 23 пайыз қаржысы қонақүйлер мен басқа да орналастыру орындарына бағытталады. Бұл – елдің қонақжайлылық индустриясына деген сұраныстың артқанын білдіреді.

Саяхатшылар шығындарының тағы 23 пайызы азық-түлік, кәдесыйлар мен жергілікті өндіріс тауарларын сатып алуға жұмсалады.

Шетелдік меймандар қаражатының 12 пайызы әуе тасымалына, ал 4 пайызы көлік жалдауға және елдің табиғи нысандарымен...

Бүгін әлеуметтік желіде Түркістан облысында полиция қызметкерінің ұсталғаны туралы видео тарады. Онда облыстық полиция департаментінің өзіндік қауіпсіздік басқармасы мен ұлттық қауіпсіздік комитеті қызметкерлерінің полицейді тексеріп жатқанын байқауға болады. Тексеру кезінде ұсталған қызметкердің қашуға әрекеттенгені көрінеді. Оның Созақ аудандық полиция бөлімінің қызметкері екені және 200 мың теңге пара алғаны жазылды.

Осы видеоға қатысты облыстық полиция департаменті түсініктеме берді.

«Құқыққа қайшы әрекеттер жасады деген күдікпен аудандық полиция бөлімінің қызметкері ұсталды. Қазіргі уақытта күдікті уақытша ұстау изоляторына қамалды. Аталған факт бойынша болған оқиғаның барлық мән-жайларын анықтауға бағытталған сотқа дейінгі тергеу амалдары жүргізілуде» делінген полиция хабарламасында.

Департамент...

Air Astana әуе компаниясы ұшақ моторындағы ақау салдарынан 25,5 млн доллар жоғалтты. Бұл туралы компанияның қаржы есебінде айтылды.

Air Astana табысы азайды

Әуе компаниясының үшінші тоқсан мен тоғыз айдың нәтижесіне арналған қаржы есебі Қазақстан қор биржасында (KASE) жарияланды.

2025 жылдың алғашқы тоғыз айында әуе компаниясының жалпы түсімі мен басқа да кірісі 10%-ға өсіп, 1 млрд 97 млн доллар болды. Компания былтыр дәл осы уақытта 996,5 млн түсім көрсеткен.

Дегенмен таза пайда бірден шамамен 40%-ға азайып, 31,2 млн доллар ғана болды. 2024 жылдың алғашқы тоғыз айында ол 51,9 млн долларға жеткен еді.

Табыстың азаю себебі

Air Astana...

Меруерт Түсіпбаева қытайша ән орындады. Бұл әннің мәтіні Тайвань саясаткерінің шенеуніктерді сынаған сөздерінен алынған.

Қытайлық музыкант Ван Бо қызық үшін Ван Шинцзян деген депутаттың сыни мәлімдемесін әнге қосып, әлеуметтік желіге жариялаған. Сол-ақ екен, Қытайда танымал әуенге айналып кеткен.

«Қытайдың осы хит әнін естідіңіз бе? Осы әннің сөзін 2 апта жаттадым. Мейірлан Орынтаевқа кетіп бара жатып, бірауыз мәтінді қазақша айтайын деген ой сап ете қалды. Дереу Рахат Әбдірахманов ақынға хабарластым. 15 минут ішінде осы нұсқаны жазып берді, Қос талантқа мың алғыс. Менің орындауымда қандай баға бересіз?», – деп жазды Меруерт Түсіпбаева.

Әншінің орындауындағы қытай әні көпшілікт...

Лондонның әйгілі «Арсенал» футбол клубы УЕФА Чемпиондар лигасының негізгі кезеңінде «Қайратпен» өтетін ойынының билеттері сатылымға қашан шығатынын хабарлады.

Клубтың ресми сайтындағы ақпаратқа сәйкес, бұл ойын B санатындағы баға деңгейіне жатады. Билеттердің құны 44,80 фунттан 80 фунт стерлингке дейін (шамамен 30 мыңнан 50 мың теңгеге дейін) болады. Алдын ала тапсырыс беру 21 қарашада басталады.

Матч 2026 жылдың 29 қаңтарында Лондондағы әйгілі «Эмирейтс» стадионында өтеді. Бұл кездесу Чемпиондар лигасының топтық кезеңіндегі соңғы, сегізінші туры.

Айта кетейік, бұған дейін «Қайраттың» Алматыдағы ойындарына билет бағасы 30 мыңнан 250 мың теңгеге дейінгі аралықта сатылған. Осылайша, Лондонда өтетін матчқа бару Алматыдағыдан шамамен...