Жаңалықтар

Маса мен шыбын-шіркейге қарсы күреске бөлінген 13,6 млрд теңгені кәсіби палуан Әміре Бағұстардың клининг компаниясы игереді. Әкім Асайын Байханов басқаратын өңір дүйсенбі күні түнде тендер нәтижесін жариялады.

Тендер нәтижесі

Павлодар облысының мемлекеттік сатып алу басқармасы қан соратын жәндіктермен күреске бөлінген 13 млрд 674 млн 377 мың теңгені игеруге қатысты тендер нәтижесін 2 ақпан күні түнде жариялады. Байқауға өтініш қабылдау сол күні аяқталған.

Тендерге үш компания өтініш берген. Олар:

Комиссия алғашқы екеуін тендерге өткізіп, Түркістан облысындағы бір ауылда тіркелген үшіншісін байқаудан шығарды.

Қанат Момынов төрағалы...

Вьетнам инвесторы Алматы облысындағы Ak Bulak Village туристік кешені мен Қонаев қаласының «Арна» индустриялық аймағына қомақты инвестиция салады.

Қонаев қаласының «Арна» индустриялық аймағында 90 млн долларға азық-түлік зауыты салынады.

Бұл туралы Премьер-министрдің орынбасары – ұлттық экономика министрі Серік Жұманғариннің Вьетнам Премьер-министрінің тұрақты орынбасары Нгуен Хоа Бинмен кездесуінде белгілі болды.

Серік Жұманғариннің айтуынша, екі ел сауда, инвестиция, көлік және логистика, АӨК және ақпараттық технология саласындағы ынтымақтастықты арттырмақ.

Қазақстан 2026 жылға қарай өзара тауар айналымын екі есе арттыруға ниетті. Осы жылдың ортасында Вьетнамға сауда-экономикалық миссия жіберуге дайын.

Бұған дейін «Ақ-Бұлақ» курортын вьетнамдық Crystal Bay Group компаниясымен бірлесіп, казиносы бар...

АҚШ-та Medicare бағдарламасына қатысты миллиардтаған қаржы алаяқтығы ісінде қазақстандықтар күдікті деп танылды.

«За нами уже выехали» ақпаратына қарағанда,  Чикаго прокуратурасы істі медициналық жабдықтарды жалған жеткізу схемаларына байланысты қозғаған. Соның кесірінен мемлекеттік және жекеменшік сақтандыру компаниялары 1 млрд доллардан астам қаржы жоғалтуы мүмкін.

Тергеу нұсқасы бойынша, Ануар Абдрахманов Priority One Medical Equipment компаниясы арқылы пациенттерге шын мәнінде жеткізілмеген глюкометрлер мен катетерлер үшін шамамен 666 млн доллар көлемінде жалған өтінім берген.

Екінші айыпталушы Таир Смағұл, тергеу мәліметінше, шамамен 470 мың шот ұсынған басқа компанияны бақылауда ұстаған. Бұл шоттардың жалпы көлемі 953 млн доллар болады. Ал көрсетілген медициналық жабдықтар не қажет болмаған...

Соңғы үш жылда шетелден Қазақстанға келетін ақша көлемі күрт азайып, 2022 жылғы деңгеймен салыстырғанда шамамен үш есе қысқарды. Бұд туралы Ұлтты банк статистикасында жазылған.

Атап айтқанда, 2025 жылдың қаңтар-желтоқсан айларында Қазақстанға халықаралық ақша аудару жүйелері арқылы шетелден 226,2 млрд теңге жіберілген. Ал 2022 жылдың осы кезеңінде бұл көрсеткіш 678,5 млрд теңгені құраған еді. Осылайша, сырттан келетін аударым көлемі үш жыл ішінде едәуір төмендеген.

Ресейден келетін ақша аударымдары әжептәуір азайған. Егер 2022 жылы Ресейден Қазақстанға 357,1 млрд теңге аударылса, 2025 жылы бұл сома 54,1 млрд теңгеге дейін кеміді.

Яғни көрсеткіш 6,6 есе қысқарды. Соған қарамастан Ресей...

Қазақстанның Риелторлар ұлттық палатасы (PANA) мәліметтеріне сәйкес, 2025 жылы тұрғын үйді сатып алу-сату бойынша 448 мыңнан астам мәміле тіркелген. Алайда риелторлық қызметтердің 70%-дан астамы ресми түрде тіркелмей, жасырын жүргізілген.

Жасырын табыс

Сарапшылардың бағалауынша, нарықтың жалпы айналымы жылына шамамен 170 млрд теңгені құрайды. Оның ішінде төленбеген салықтар мен алымдардан мемлекет бюджеті жыл сайын 22 млрд теңгеден астам шығын көреді.

«Қазір елде 25–30 мың адам риелторлық қызмет көрсетеді, бірақ ресми тіркелген мамандар саны шамамен екі есе аз. Қалғандары лицензиясыз, клиент алдында міндеттемесіз және кәсіби жауапкершіліксіз жеке делдалдар ретінде жұмыс істейді», –деп хабарлады сарапшылар.

Былтыр елдегі ет экспорты 24,8%-ға өскен. Бұл өткен жылмен салыстырғанда 90 мың тоннаға артық деп хабарлайды Ауыл шаруашылық министрлігінен.

Атап айтқанда, сиыр еті экспорты 59,1%-ға артып, 31,3 мың тоннаға, қой еті – 92,8%-ға өсіп, 29,4 мың тоннаны құрады.

«Қазіргі таңда Қазақстан сиыр, қой, жылқы еттерімен және тағамдық жұмыртқамен толық қамтамасыз етілген. Экспорттық әлеуетті арттыру бағытында белсенді жұмыс жүргізілуде», – дейді министрліктен.

Жалпы елдегі ірі қара мал басы – 8,2 млн. Қой мен ешкі – 20,6 млн бас, жылқы – 4,6 млн бас, түйе – 294 мың, құс – 48,6 млн.

Ет өндірісінің көлемі 2,7%-ға...

Серік Сәпиев Туризм және спорт министрінің штаттан тыс кеңесшісі болып тағайындалды.

Сондай-ақ жазғы ХХ Азия ойындарына дайындық штабының спорт бойынша үйлестірушісі қызметін атқаратын болды.

«Бұл шешім былтыр күшіне енген «Дене шынықтыру және спорт туралы» заңның жаңа редакциясында көзделген ротация аясында қабылданды», – деп хабарлады министрлік.

Айта кетейік, Серік Сәпиев бірнеше сағат бұрын Қарағанды облысының дене шынықтыру және спорт басқармасы басшысы қызметінен босатылды.

Оған дейін Сәпиевтің орынбасары Дәурен Есімхановпен жанжалдасқан видеосы тарады.

Telegram-да алаяқтар «тегін электронды кітаптар» деп зиянды файлдар таратады. Полиция алаяқтықтың жаңа түрі туралы ескерту жасады.

Polisia.kz ақпаратына қарағанда, олар кітаптың орнына «арнайы қосымша» жібереді. Оны орнатсаңыз, жеке деректеріңіз бен қаражатыңыз ұрлануы мүмкін.

Алаяқтар telegram-нан кітаптардың үлкен жиынтығы қолжетімді екені жайлы шектеусіз хабарлама жібереді. Қажетті басылым сұралғаннан кейін бот нақты сервиске имитиция жасайды. Сосын кітап сюжетінің қысқаша сипаттамасын береді. Бірақ кітапты оқу немесе жүктеудің орнына «арнайы қосымша» деген атаумен вирустық файл жібереді.

Файлды орнатқан кезде алаяқтар құпиясөздер мен қаражат ұрлап, хат алмасуға және фотосуреттерге қол жеткізеді. Сондай-ақ бұл «тегін кітапхананың» салдары смартфонды қашықтан басқару және жеке деректерді жоғалтуға...

Қазақстанда тауарды пайызсыз бөліп төлеуге алу тұтынушылық несиенің ең жылдам дамып келе жатқан сегментіне айналды. Ұлттық банк алғаш рет бұл нарық бойынша толық деректерді жариялап, Halyk Finance сарапшылары бөліп төлеудің ауқымы мен тәуекелдеріне назар аударды.

Бөліп төлеудің үлесі артып келеді

Ұлттық банктің деректеріне сәйкес, бөліп төлеудің тұтынушылық несие құрылымындағы үлесі 2022 жылғы сәуірдегі 14,7%-дан 2025 жылғы тамызда 19%-ға дейін өсті. Ал 2024 жылдың қорытындысында бұл көрсеткіш 21,1%-ға жеткен. Halyk Finance сарапшылары мұны халықтың қысқа мерзімді және пайызсыз қаржы құралдарына сұранысының артқанымен байланыстырады.

«Рассрочкаға» сұраныс жоғары

Зерттеу нәтижесі бойынша, бөлшек несие алушылардың 63%-ы «рассрочка...

Кісі қолынан қаза тапқан Нұрай Серікбайдың ағасы Сұлтан Серікбай әлеуметтік желіде жазба жариялап, қарындасының өзі тіккен пальтосын көп киіп үлгермегенін айтты.

Ағасы Нұрайдың ешкімге қиянаты жоқ адал адам болғанын, қарындасының жоқтығына сену әлі де қиын екенін жазды.

«Нұрайдың қолы алтын. Нұрай осы пальтосын өз қолымен тіккен болатын. Өкінішке қарай, жаңа туындысын көп киіп үлгерген жоқ. Өте өкінішті. Не үшін дүниедегі ең таза адамның жолы осылай аяқталды? Не үшін? Біреудің жолын кесуден, біреуге зиян тигізуден алшақ жүретін жанды осылай қорлауға болады ма? Жұмсақ, нәзік гүлдің тағдыры осындай болды дегенге сене алмаймын, жәй ғана сене алмаймын… Кешірші мен...

Башқұртстанның астанасы Уфада травматикалық тапаншамен қаруланған 9-сынып оқушысы мектепке шабуыл жасады.

Алдын ала мәлімет бойынша, мұғалім зардап шеккен. Mash мәліметінше, оқиға №16 оқу орнында болған.

Оқушы назарды басқа жаққа аудару үшін өрт дабылын қосып, кейін травматикалық тапаншамен мұғалімге оқ атқан. Жасөспірім мұғалімдер мен сыныптастарына шағымданып жүріпті. Ол жуырда басқа мектептен ауысқан.

Сол күні жасөспірімнің сынып жетекшісімен әңгімесуі тиіс болған. Оқушы алғашқы екі сабаққа келмей, үшінші сабаққа кешіккен. Шабуыл алдында оны сыныптасы дәлізде бетперде киіп келе жатқан сәтін видеоға түсіріп алған.

Ал гимназияға шабуыл жасаған оқушының Crosman AK1 пневматикалық винтовкасын пайдаланғаны айтылды. Мұғалімнен бөлек, үш сыныптасына оқ атқан. Петарда жарған...

«Атамекен» ұлттық кәсіпкерлерлер палатасының бұрынғы басшысы Райымбек Баталов Президенттің штаттан тыс кеңесшісі болып тағайындалды.

Ақпаратты Kursiv.media тілшісіне Ақорданың баспасөз қызметі растады.

Жақында Райымбек Баталов «Атамекен» ҰКП басқарма төрағасы қызметінен кеткен. Ол қызметке экс-министр Қанат Шарлапаев тағайындалған еді.

Райымбек Баталов – Қазақстанның ең дәулетті 50 кәсіпкерінің қатарындағы бизнесмен. Ол 1970 жылы 21 қараша Алматы қаласында дүниеге келген. Қазақ сәулет-құрылыс академиясын «құрылысшы-инженер» мамандығы бойынша оқу бітірген.

Тоқсаныншы жылдары «Риддер Инвест» металлургиялық кешенінің басқарушылар кеңесіне кіріп, «Новожамбыл фософор зауыты» химиялық кешенін, Тобол элеваторын, Меркедегі қант зауытын, Шымкент ЖЭЦ-3 басқарған.

1992 жылы бүгінде табысты дамып келе жатқан Raimbek Group холдингіне айналған «Раимбек» сауда...

Freedom Holding Corp. негізін қалаушы Тимур Турлов Қазақстанда тағы бір банк сатып алуды, жергілікті маркетплейс бойынша келісімге шығуды және Түркияда екінші деңгейлі банк табуды жоспарлап отыр. Осы мақсаттарды қаржыландыру үшін холдинг 500 млн АҚШ долларына дейін облигация шығару мүмкіндігін қарастыруда. Бұл жоспарлары туралы Турлов Bloomberg-ке берген сұхбатында айтты.

Турловтың сөзінше, Қазақстанда «теориялық тұрғыда» сатуға арналған бірнеше банк бар. Freedom Holding бұл банктерді баланстық құнынан сәл төмен бағада сатып алуға дайын. Мақсат –  Freedom Bank-пен бірігіп, корпоративтік клиенттер базасына қол жеткізу. Сатып алынатын банк көлемі жағынан Freedom Bank-пен салыстырылатын болуы тиіс (активтері–  2,5 трлн теңге, капиталы –  500 млн...

Қазақстан мен Қытай Шымкент мұнай өңдеу зауытының өндіріс қуатын 12 млн тоннаға дейін кеңейту жобасын әзірлеуге кірісті. Бұл туралы Kursiv.Media Энергетика министрлігінің мәліметіне сүйене отырып хабарлайды.

Министрлік делегациясы Қытайдың Циндао қаласындағы стратегиялық кеңеске қатысты. Бұл кеңес Шымкенттегі зауытты кеңейту жобасының техникалық-экономикалық негіздемесін әзірлейді.

Кездесу барысында тараптар жобаны іске асырудың негізгі параметрлерін бекітті. «ПетроКазахстан Ойл Продактс» компаниясы бастапты деректер пакетін ұсынса, Шығыс Қытай жобалау институты бекітілген техникалық тапсырмаға сай жұмыстарды бастауға дайын екендігін растады.

«Келіссөздердің басты нәтижесі — зауытты кеңейтудің «6+6» сызбасы бойынша (әрқайсысы 6 млн тоннадан болатын екі технологиялық желі) конфигурациясын бекіту...

Атырау облысында жұмбақ жағдайда қайтыс болған ерлі-зайыптының немерелері мемлекет қамқорлығына алынды, деп хабарлайды Kursiv.Media.

Істің мән-жайы

Атырау облысы Қызылқоға ауданында бүтін бір отбасы жоғалып кетті. Ақпарат тарағаннан кейін, араға бірнеше күн салып Жангелдин ауылында ерлі-зайыпты Максот Қарабалин мен Нәсіп Өтешқалиеваның сүйегі өздері тұрған үй аумағынан табылды.

Отбасының ұл-қыздарынан әлі күнге дейін хабар жоқ.

Үйдің кенжесі Ақбаян Мұқанғалиева мен оның күйеуі Сұлтан Сәрсемалиевке іздеу жарияланған. Екеуінің бес баласы бар.

Бес баланың тағдыры

Атырау облысы білім басқармасының хабарлауынша, 2 ақпанда полициядан балаларға қатысты шұғыл шара қабылдау жөніндегі ұсыныс хат түскен. Хатта күдіктінің кәмелет жасына толмаған 5 баласын қауіпсіз...

Актер әрі спортшы Еркебұлан Тоқтар қазір Америкада жүр. ММА жауынгері келесі жекпе-жегіне дайындалу үшін сол жаққа кеткен еді. Әлеуметтік желідегі парақшасында жаттығуға арналған зал іздеп жүріп ол күзетшінің көзіне түсіп қалып, өмірі қыл үстінде қалған жағдай туралы айтып берді.

Еркебұлан Тоқтар Америкада бокс залын іздеуге шығып, жексенбі екенін ұмытып кеткен. Энтони Джошуа, Тайсон Фьюри сынды атақты боксшылардың жаттығатын жерін тауып алып, ішін көрмекке барады. Зал жабық тұрғанын көрген олар артқы есіктен кіреді. Аралап жүргенде жанына бір адам келіп, не істеп жүргендерін сұрайды. Кейін бұл жердің жеке аймаққа жататынын біледі.

«Сендерд...

Ұлттық қауіпсіздік комитеті қызметкерлері Алматыда қылмыс әлемінің өкілін ұстады.

ҰҚК мәліметінше, ол аса ірі мөлшердегі ақшаны қорқытып алғысы келді деген күдікпен ұсталған.

«Ұсталған адам уақытша оқшаулағышқа қамалды. Осы іс шеңберінде қаңтарда Шымкент қаласында оның екі сыбайласының құқыққа қарсы әрекеті тоқтатылды. Сотқа дейінгі тергеп-тергеу жұмыстары жүргізіліп жатыр», – делінген ҰҚК хабарламасында.

БАҚ кешелі бері ұсталған адам – Шымкентте «Кропаль» лақап атымен танымал Асылбек Түлетпеков екенін жазып жатыр. Orda.kz басылымы 40 жастағы Түлетпеков 2004, 2010 жылдары да суық қару ұстағаны үшін істі болғанын хабарлады.

2029 жылы X Қысқы Азия ойындары Алматы қаласында өтетін болды. Өйткені Сауд Арабиясы ірі спорт жарысына дайындалып үлгермеді.

Алматы екінші мәрте Қысқы Азия ойындарының астанасы атанады. Азиада-2029 Қазақстандағы ең ірі мегаполисте өтетін болды.

Ірі турнир Сауд Арабиясының Неом қаласында өтуі керек болған. Алайда арабтар жауапты жарысқа тыңғылықты дайындалып үлгермеді: спорт нысандарының құрылысы бітпей жатыр. Соған байланысты Эр-Рияд пен Азия Олимпиада кеңесі келісімге отырды. Құжат бойынша, Неомдағы ойындар кейінге қалдырылды.

Осылайша, 2029 жылғы Азиада, яғни 10th Asian Winter Games Алматы қаласында өтетін болды. Ресми келісімшартқа 2026 жылғы 5 ақпанда Милан қаласында қол қойылады.

Естеріңізге сала кетейік, VII Қысқы Азиада...

Әнші Абай Бегейдің шаңырағына тағы бір сәби келеді. Жаңалықты әншінің жұбайы, блогер Фариза Жұманова парақшасына қарашада салған еді. Ал жақында отбасымен Вьетнамға демалысқа барған олар сол жақта гендер пати жасады. 

Абай Бегей желтоқсанның аяғында Республика сарайында үлкен жеке ән кешін өткізіп, қаңтарда отбасымен демалысқа кеткен еді. Фукуок аралдарына үш қыз, бір ұлын алып барды. Сол демалысты пайдаланып сәбидің жынысын анықтауға жөн көрген. Парақшаларына жүктеген видеода Бегейдің қызы Гүлеркем мұндай рәсімдерді алдын-ала жасауға әкесі басында қарсы болғанын айтады.

«Бүгін бізде – гендер пати. Негізі бұлай алдын-ала салуға папамыз қарсы. Бірақ бәріміз үйімізге келе жатқан сегізінші бөпен...

Серік Сәпиев Қарағанды облысының дене шынықтыру және спорт басқармасы басшысы қызметінен босатылды.

Сондай-ақ оның орынбасары Дәурен Есімханов та өз еркімен жұмыстан кеткен.

Бұған дейін бокстан Олимпиада чемпионы Серік Сәпиевті оның орынбасары Дәурен Есімханов ұрып-соқты деген ақпарат тараған.

Содан кейін Қарағанды облысының әкімі Ермағанбет Бөлекпаев жағдайға қатысты пікір білдірді.

«Қоғамда кез келген келіспеушілік пен жұмыс барысындағы даулы мәселелер тек құқықтық алаңда шешілуі қажет. Әрбір басшы ұжымдағы тәртіпке, заңның сақталуына және мемлекеттік органның беделіне жеке жауап береді», – деді Бөлекпаев.

Ал Туризм және спорт министрі Ербол Мырзабосынов жағдайға әкімдік пен мемлекеттік қызмет істері департаменті баға беретінін...

АҚШ-тың Флорида штатында тұратын ер адам шаңсорғышпен «жыныстық қатынас жасағаны» үшін қамауға алынды.

Orlando News хабарлауынша, Осиола округінің полициясы 22 қаңтар күні Киссимми қаласындағы Грассендейл-стрит көшесіне ер адам жыныс мүшесін көрсетіп жүргені туралы хабарламадан кейін барған.

51 жастағы Кевин Дейл Вестерхолд көршілердің көзінше үйінің алдында шаңсорғышпен әдепсіз әрекеттер жасаған. Полицияға берілген видеоларда жартылай жалаңаш ер адам жыныс мүшесін шаңсорғыштың түтігіне салғаны көрінеді.

Шерифтің мәліметінше, бұған дейін де ол қоғамдық орындарда жалаңаш жүргені үшін тұрғындардың шағымына іліккен. Тергеу барысында күдікті мен оның жұбайы осы ауданда Airbnb арқылы жалға берілетін екі нысанның иесі екені анықталды.

Көршілер бақылау камераларынан алынған, желтоқсан...

Ұлттық қауіпсіздік комитеті (ҰҚК) бір ай ішінде Қазақстанда қанша сыбайлас жемқорлық дерегі тіркелгенін мәлімдеді.

ҰҚК дерегінще жыл басынан бері 126 қылмыстық құқықбұзушылық тіркелген. Олардың 110-ы сыбайлас жемқорлыққа байланысты.

«Сыбайлас жемқорлық фактілерінің басым бөлігі парақорлық, алаяқтық және лауазымдық өкiлеттiктерді теріс пайдалану сияқты қылмыстарға қатысты»– делінген хабарламада.

Атқарылған жұмыстардың нәтижесінде 89 адамның заңсыз қызметі тоқтатылды. 129 қылмыстық істі тергеу аяқталып, оның 121 сотқа жіберілді.

Аяқталған қылмыстық істер аясында келген шығын сомасы 18 млрд теңгені құрады. Осылайша бюджетке 100 млн теңгеден аса қаржы қайтарылды.

Еске салсақ, осыған дейін Шығыс Қазақстан облысында жолаушылар көліг...

Беларусь билігі шетел азаматтары үшін дактилоскопиялық тіркеуді міндеттейтін заң қабылдады. Енді Беларуське баратын қазақстандықтар да шекарадан өту кезінде саусақ ізін тапсырады.

Құжат ұлттық қауіпсіздікті қамтамасыз ету мақсатында саусақ іздерін алу міндеттелетін тұлғалар санатын кеңейтеді.

«Заңға сәйкес, мемлекеттік шекараны кесіп өту кезінде шекаралық бақылаудан өтетін шетел азаматтары мен азаматтығы жоқ адамдар, сондай-ақ депортациялауға, елден шығаруға немесе реадмиссия жөніндегі халықаралық шартқа сәйкес берілетін тұлғалар дактилоскопиядан өтеді», – делінген президенттің ресми сайтындағы хабарламада.

Сондай-ақ Беларуське кіруге тыйым салынған немесе сол ел кіргенін қаламайтын тұлғалар да дактилоскопиялық тіркеуден өтеді.

Дактилоскопиялық деректерді құқық қорғау органдары, соттар, ішк...

Наурыздан бастап FlyArystan әуе бортына тегін алып кіруге болатын қолжүк салмағы 5 келіден 7 келіге артады. Бұл туралы әуекомпания хабарлады.

«Қолжүк өлшемдері өзгеріссіз 56 × 23 × 36 см болуға тиіс және бір жолаушыға бір дана қолжүк қана рұқсат», – делінген ақпаратта.

Жолаушы салонға өзімен бірге алып кіретін барлық зат, оның ішінде сөмке, ноутбук, фотоаппарат, гүл, торт, музыкалық аспап қолжүк болып есептеледі.

Ал халықаралық рейстерде Duty Free дүкендерінен сатып алынған және пломбалы қауіпсіздік пакетінде немесе фирмалық Duty Free пакетіндегі, өлшемі 56 × 23 × 36 см-ден аспайтын тауарлар тегін тасымалданады. Пакет санына шектеу болмайды.

Бұған...