Жаңалықтар

Олжас Бектенов Президенттің сынынан кейін Ермек Көшербаевты өңірге жіберді. Бұл жайында үкіметтің шұғыл жиынында белгілі болды.  

Премьер-министр Олжас Бектенов Президент Қасым-Жомарт Тоқаевтың туристік саладағы тапсырмаларының орындалу барысы туралы жиын өткізді.

Алакөл туралы баяндамада не айтылған?

Онда Премьер-министрдің орынбасары Ермек Көшербаевтың, туризм және спорт министрі Ербол Мырзабосыновтың Алакөл көлінің жағалауындағы ахуал туралы, сондай-ақ туристік инфрақұрылым, сервис және қауіпсіздік мәселелерін қоса алғанда, еліміздің туристік аймақтарында жазғы демалыс пен қолайлы жағдайларды ұйымдастыру жөніндегі баяндамалары тыңдалды.

Лауазымды тұлғалар жауапкершілікке тартылады

Премьер-министр өңір әкімдері мен министрлерге бұл бағыттағы жұмысты күшейтуді тапсырды. Бірқатар тапсырма берілді.

Мемлекет басшысы берген ескертулерді жедел жою...

2026 жылдан бастап туристер Emirates әуе компаниясының рейстеріне билетті криптовалюта арқылы сатып алуға болады. Тура солай Dubai Duty Free дүкендеріндегі тауарларды да крипто арқылы сатып алуға мүмкіндігі бар. Бұл туралы әуе тасымалдаушының сайтында жазылған.

Криптовалюта арқылы төлем жасау мүмкіндігі барлық бағыттағы рейстерге қолжетімді болады, яғни сіз қай елден ұшқаныңызға қарамастан қолдана аласыз.

Билетті криптовалюта арқылы сатып алу Crypto.com Pay платформасы арқылы жүзеге асады. Компания бұл процестің қауіпсіз әрі қарапайым болатынын уәде етті. Сонымен қатар, Emirates туристерге жаңа төлем тәсілін қалай қолдану керегін түсіндіру үшін арнайы жарнамалық кампания бастамақ.

Emirates Алматыдан Дубайға тікелей рейстер орындайды. Ұшақтар күн сайын қатынайды...

Қазақстандықтар зейнетақы жинағын баспана алуға жиі пайдалана бастаған. 2025 жылғы маусымда осы мақсатта 82,5 мың өтініш орындалған. Бұл бір ай бұрынғы көрсеткішпен салыстырғанда 35%-ға көп артық.

Бірінші несие бюросының мәліметінше, бұл соңғы жарты жылдағы ең жоғары көрсеткіш.

Алайда бір адамға тиетін орташа сома азайып отыр. Маусымда бір өтінішке орта есеппен 528 мың теңге берілген: 2023 жылдан бері тіркелген ең төмен көрсеткіш. жалып бір айда қазақстандықтар БЖЗҚ-дағы артық жинағынан баспана алуға 43,6 млрд теңге теңге шешкен.

Емделуге деп өтініш бергендер де көбейді. Олардың қатары 40 мыңнан асқанымен, төлеген орташа сома азайған: 797 мың теңге. Жалпы осы бағытта зейнетақы...

Бес жыл бұрын жүргізілген саяси реформа ауылдарды басқару ісіне айтарлықтай өзгеріс әкелген. Бұл салада жүргізілген жұмыс нәтижелері туралы өзінің телеграм арнасында мемлекеттік кеңесші Ерлан Қарин жазған.

«Бес жыл бұрын саяси реформалар аясында Президент Қасым-Жомарт Тоқаев ауыл әкімдерін тікелей сайлау механизмін енгізу туралы бастама көтерген болатын.
Соның нәтижесінде, кейінгі жылдары ауыл әкімдерінің корпусы 100 пайыз жаңартылды», – дейді ол.

Айтуынша, елдің 17 облысында жалпы саны 2 969 әкім сайланған. Соның ішінде 864 әкім өзін-өзі ұсынған. Ал 283 ауыл мен ауданды әйел-әкімдер басқарып отыр. Бір қызығы, сайланған әкімдердің дені бұған дейін мемлекеттік қызметте істемеген. Яғни...

Жақында актер Мейірхан Шерниязов бостандыққа шықты. Ол 2023 жылы Mudarabah Capital қаржы пирамидасына қатысты іс бойынша 5 жылға сотталған. Онымен бірге вайнер Мейіржан Төребаев та сотталды. KursivMedia Мейіржан Төребаев туралы ақпарат пен вайнерге қатысты қылмыстық іс туралы ақпаратты жинақтады.

Актер әрі вайнер

Мейіржан Төребаев – актер, сценарист, продюсер, вайнер. НТК арнасындағы «Патруль» телехикаясында Берік рөлі арқылы танымал болды. Сондай-ай Instagram желісінде отбасылық вайн түсіреді. Әйелі Дана Есеева да блогер ретінде белгілі. Ерлі-зайыптының бес баласы бар.

Қаржы пирамидасына қатысы бар

Төребаев 2022 жылы «Mudarabah Capital» қаржы пирамидасын ұйымдастырды деген күдікпен ұсталды.

Мейіржан Төребаев компания...

Жұбайыңыз сізге ескертпестен несие алса оны кері қайтаруға бола ма? Қаржы нарығын реттеу және дамыту агенттігі (ҚНРДА) ол тұтынушылық несиені қалай жоюға болатынын түсіндіретін нұсқаулық әзірледі.

Қазіргі ереже бойынша банк немесе микроқаржы ұйымы (МҚҰ) жұбайының келісімінсіз несие бере алмайды. Бірақ ондай жағдай болса, кредит жайында білмеген адам банкке немесе микроқаржы ұйымына (МҚҰ) барып, ақпарат сұрауы керек. Мысалы: несие сомасы, шарттың күні, несиелік келісімнің көшірмесі ала алады.

Сосын несиені жұбайының келісімінсіз алғанын көрсетіп, оны жоюды сұрап өтініш жазасыз. Қаржы ұйымы сізден оны растайтын дәлел сұрауы мүмкін. Келісімсіз несие алғанын растағаннан кейін ғана, кредит жойылады.

Банк, микроқаржы ұйымы келіспесе, банк...

30 маусым күні Алматы облысы Қарасай ауданы Алмалыбақ ауылындағы футбол алаңында 10 жасар баланы иттердің шабуылынан құтқарып қалған тұрғын марапатталды.

Қарасай ауданының әкімдігі тұрғын Серікбек Сақайбаевтың батылдығын елеусіз қалдырмады. Оған құрмет көрсету мақсатында арнайы марапаттау шарасы ұйымдастырылған. Шара барысында тұрғынды Қарасай ауданының әкімі Жасұлан Естеновтың атынан құттықтап, Алғыс хат пен демеушілер атынан қаржылай сыйлық табыстаған.

Сонымен қатар, жиынға аудандық полиция басқармасының басшысы Нұсқабек Зауланбаев пен төтенше жағдайлар бөлімінің басшысы Бағдат Шәріпбеков келіп, Серікбек Сақайбаевқа Алғыс хаттар мен естелік сыйлықтар тапсырған. Қарасай аудандық ақсақалдар кеңесінің төрағасы Сағат Мәсімақынов батасын беріп, бұл ерлік елге үлгі болатынын атап өткен.

«ЛОТТЕ Рахат» акционерлік қоғамы 2024 жылғы топ-менеджерлеріне 234,7 млн теңге сыйақы төлеген. Бұл ақпарат Қазақстан қор биржасының (KASE) сайтында жарияланды.

Компания мәліметінше, былтыр атқарушы орган мүшелеріне төленген жиынтық сыйақы сомасы 234,727 млн теңгені құрады. Бұл сома жалақы, сыйақы және басқа да ақшалай ынталандыру түрлерін қамтиды.

«Рахат» фабрикасы – Қазақстандағы ең көне әрі ірі кондитер кәсіпорындарының бірі.

Кейінгі жылдары ол толығымен шетелдік инвесторлардың, нақтырақ айтқанда, Оңтүстік Кореяның LOTTE Confectionery Co., Ltd. компаниясының бақылауына өтті.

LOTTE 2013 жылы «Рахат» компаниясының акцияларының басым бөлігін сатып алған еді, ал 2021 жылы акционерлік құрылымнан қалған жергілікті инвесторлар да үлестерін сатқаннан кейін...

Жапондық автокөлік өндіруші Mazda үшінші буындағы CX-5 кроссоверін ресми түрде таныстырды. Жаңа модель брендтің болашақ автокөліктеріне негіз болатын жаңартылған дизайнмен жабдықталған.

2026 жылғы Mazda CX-5 моделі 2,5 литрлік атмосфералық қозғалтқышпен жабдықталған. Қозғалтқыш қуаты — 187 ат күші. Сондай-ақ, көлікте 6 сатылы автоматты беріліс қорабы және толық жетек жүйесі бар.

Mazda компаниясы көліктің нақты габариттерін әлі жарияламағанымен, жаңа буын моделі алдыңғы нұсқасына қарағанда ұзынырақ екені айтылды. Бұл дөңгелек базасының ұзаруына байланысты. Соның арқасында артқы қатардағы жолаушыларға арналған кеңістік және есік ойықтары кеңейген. Бұл — бұрынғы модельдерге қатысты Mazda тұтынушылары жиі айтқан басты шағымдардың бірі болатын.

Жаңа CX-5 2025 жылдың соңына дейін...

Павел Дуров Снуп Доггтың Telegram туралы клипі арқылы небәрі отыз минутта 12 миллион доллар тапты. Әңгіме цифрлық сыйлықтар туралы болып отыр.

Telegram мессенджерінің негізін қалаушы Павел Дуров рэпер Снуп Доггпен бірлесіп жасаған цифрлық сыйлықтар топтамасы қысқа уақыт ішінде толық сатылып кеткен.

Telegram-арнасында жарияланған мәліметке сәйкес, америкалық орындаушы стилінде жасалған NFT форматындағы дербес цифрлық сыйлықтардың миллионға жуық данасы небәрі 30 минутта түгел сатылған. Жалпы, сатылым құны 12 миллион доллар болған.

«Telegram-дағы Снуп Доггтың цифрлық коллекциялық заттары небәрі 30 минутта сатылып, сатылым айналымы 12 миллион доллар болды», – деп жазды Дуров.

Сонымен қатар, ол блокчейн негізіндег...

Әлеуметтік желілерде 240 мың теңге немесе 40 мың сомға өткізілген үйлену тойы қызу талқыланып жатыр. Қырғыз жұбы суретке, киімге және той дастарханына осыншама ақша жұмсаған.

«Өзіміз армандаған үйлену тойын екеуміз ғана ұйымдастырдық. Шамамен 40 мың сом жұмсадық. Иә, иә. Шынымен. Ақша суретке, үстелдер жалдауға, смокингке, қалыңдық киімін тіктіруге, фуршетке және басқа да ұсақ-түйекке төленді», – деп жазды Threads әлеуметтік желісіне ataeva_aiperi нигімен тіркелген қолданушы.

Айпері Атаева даңғаза мен астатөк тойды ұнатпайтынын жасырмады. Сол себепті жас жұбайлардың табиғат аясындағы некелесу рәсіміне 15 адам ғана қатысты.

Қалыңдықтың әлеуметтік желідегі шағын жазбасына 5 мыңнан аса адам...

Үлескерлерден 400 млрд теңге жинап алып, үй салмаған құрылыс компаниясының ісі сотқа жолданды. Бұл туралы Астана қаласы прокуратурасының баспасөз қызметі хабарлады.

«Елорда прокуратурасының үйлестіруімен үлестік құрылысқа азаматтардан қаражатты заңсыз тарту фактісі бойынша тергеу аяқталды», – делінген баспасөз хабарламасында.

Тергеу барысында анықталғандай, компания қылмыстық схема бойынша жұмыс жүргізіп, 400-ден астам отбасыдан 4,6 млрд теңге жинап алған. Компания өкілдері тиісті рұқсат қағазын алмастан, заң талаптарын бұза отырып, азаматтардан ақша тартқан. Үлескерлерге 3 тұрғын үй кешенін салуға уәде берген. Алайда, іс жүзінде жиналған қаражат мақсатсыз жұмсалған. Құрылыс жұмыстары мүлде қолға алынбаған.

Осындай қиындықтар туындап қалмас үшін...

Алматы қаласы Жетісу ауданының әкімі Ләззәт Жылқыбаева Солтүстік айналым көшесі бойындағы жайма базарлар мен жерасты, жерүсті өткелдеріндегі заңсыз сауда нүктелерімен күрес жайында айтып берді.

Әкім заңсыз саудамен күресте жиі жүргізілетін рейдтер мәселені толық шеше алмай отырғанын мойындады. Десе де Айнабұлақ ықшамауданы Жұмабаев көшесіндегі жабайы сауданы тоқтату бағытындағы жұмыстар бірқатар нәтиже берген. Ол жерде әкімдік пен жергілікті тұрғындар ортақ чат ашып, жаңа заңсыз сауда нүктесі пайда болған жағдайда тұрғындар чатқа жолдап, әкімдік бірден әрекет етуге көшкен.

Ал Солтүтік айналым көшесі бойындағы жерасты және жерүсті өткелдеріндегі жағдай біршама күрделілеу. Әкімнің сөзінше, күннің жылынуымен ол жақта сауда қыза түседі. Аталған мәселені шешу...

«First Heartland Jusan Invest» акционерлік қоғамы өзінің ресми атауын «Alatau City Invest» акционерлік қоғамы деп өзгертті. Бұл туралы компания Қазақстан қор биржасына (KASE) жолдаған ресми хабарламасында мәлімдеді.

Сонымен қатар, атқарушы орган мүшелеріне төленген сыйақы көлемі туралы мәліметті жария етті.

2024 жылы компанияның атқарушы орган мүшелеріне төленген жиынтық сыйақы сомасы 187,9 млн теңгені құраған. Бұл көрсеткіш компания төлеген бүкіл жалақы мен ақшалай сыйақыларды қамтиды.

Брокердің басқарма құрамында бес адам болса, директорлар кеңесінде үш адам бар.

Брокердің 100 пайыз жай акциясы First Heartland Jusan Bank акционерлік қоғамына тиесілі. Jusan Bank жақында атауын Alatau City Bank деп өзгертті.

Қазірг...

Жұма, 11 шілдеге арналған валюта бағамы анықталды. Қазақстан қор биржасының (KASE) мәліметінше, қазір 1 АҚШ доллары 518,34 теңге тұрады. Ұлттық валюта бағамы екі күн бойы нығайса, Bitcoin жаңа рекорд орнатты. Басқа да криптовалюта құны артты.

Доллар тағы да арзандады

Доллар бір тәулікте 0,56 теңгеге арзандады. Теңге кеше де нығайған. Жалпы алғанда, шілде айы ұлттық валюта үшін айтарлықтай тұрақты болып тұр. Теңге 24 маусымнан бері шамамен 518-520 теңге аралығында сақталып тұр. Салыстырар болсақ, тура бір ай бұрын доллар 508 теңге болған. Содан бері АҚШ валютасы шамамен 10 теңгеге күшейгенімен, кейінгі бірнеше күн бойы теңге құнын айтарлықтай жоғалта қойған жоқ.

Kurs.kz сайтының мәліметінше, Алматы қаласындағы ақша айырбастау мекемелерінде бір...

Астанада өтіп жатқан Comic Con Astana-2025 гик-мәдениет фестивалінің аясында «Аниме дубляжы: қазақша даббинг» атты шеберлік сабағы ұйымдастырылды. Іс-шараны Anidybys дубляж студиясы танымал блогер DickThor-мен бірлесіп өткізді.

Шара қазақ тілінде өтті және анимені дыбыстауға қызығатын жастарды, шығармашылық мамандықтарда оқып жүрген студенттерді, сондай-ақ болашақ дубляж актерлерін бір алаңға жинады. Ұйымдастырушылардың айтуынша, шеберлік сабағына жоғары қызығушылықтың болуы қазақтілді дубляжға деген сұраныстың артып келе жатқанын көрсетті.

Қатысушылар тек кәсіби кеңестер тыңдап қана қоймай, дубляж актерінің рөлін өздері де сынап көру мүмкіндігіне ие болды.

Қазақ тіліндегі аниме

Шеберлік сағаты барысында сөз алған Anidybys студиясының негізін қалаушы, дубляж режиссері әрі дыбыс маманы Диас...

Шымкенттегі №125 мектептің пайдалануға берілгеніне 8 жыл болды. Ал мектептің спорт залы апатты жағдайда деп танылғанына 1 жылға жуықтаған. Десе де онда не жөндеу жүрмеген, сүрілмеген, не қауіпсіздік шаралары сақталмаған.

Мектеп әкімшілігі өткен оқу жылында оқушылар толыққанды дене шынықтыру сабағын оқи алмады деп налиды. Егер осылай созбалаңға салынса, биылғы оқу жылында қайғылы жағдай бола ма деп алаңдайды. Бұл мәселеден қалалық білім басқармасы мен қалалық құрылыс басқармасы хабардар.

Апатты спорт зал

№125 мектеп директорының шаруашылық ісі жөніндегі орынбасары Өмірзақ Керімбековтің айтуынша, спорт залдың көлемі 600 шаршы метр. Зал едені шамамен 15 сантиметрге түсіп кеткен. Қабырғалары ашылып, жарылып тұр.

Қырғыз Республикасының жоғары оқу орындары Қазақстан азаматтарына 10 білім грантын ұсынып отыр. Бұл жайлы «Болашақ» халықаралық бағдарламалар орталығының баспасөз қызметі хабарлады.

Мұндай мүмкіндік Қазақстан мен Қырғызстан үкіметтері арасындағы білім беру саласындағы ынтымақтастық туралы келісім аясында беріліп отыр. Грантқа үміткер болу талаптары — ашық әрі қолжетімді.

Гранттар үш бағыт бойынша бөлінеді:

Техникалық мамандықтар — 4 орын:

Медицина саласы — 3 орын:

Гуманитарлық және экономикалық мамандықтар — 3 орын:

«Оқу орыс және қырғыз тілдерінде жүргізіледі. Сондықтан тілдік кедергі оқу үшін...

Қазақстанда спортшылар, жаттықтырушылар мен спорт төрешілеріне қатысты этика талаптары енгізілді. Енді оларға бейәдеп сөздер қолдануға, діни көзқарасын жария көрсетуге және діни үгіт-насихат жүргізуге тыйым салынады. Бұл туралы 2025 жылғы 27 маусымда Туризм және спорт министрі Ербол Мырзабосынов қол қойған «Қазақстан Республикасының спорттық этикасын бекіту туралы» бұйрығында жазылған.

Екі бөлімнен тұратын құжат

«Спорттық этика» ережесі екі бөлімнен тұрады: жалпы ережелер және тәртіп қағидалары.

Жалпы ережелерде жаттықтырушы, төреші, спорттық жарыс, спорттық іс-шара және спорттық этика ұғымдарына анықтама беріледі. Құжатта спорттық этика – спортшыларға, жаттықтырушыларға, жаттықтырушы-оқытушыларға және төрешілерге арналған мінез-құлық нормаларының жиынтығы ретінде сипатталған.

Этикалық тәртіп ережелері

Бір кездері интернеттегі ойынқұмар хакерлер мен программистердің ермегі саналған биткоин бүгінде әлемдік қаржы жүйесіне ықпал ете алатын күшке айналды. «Цифрлық алтын», «болашақтың ақшасы» деп аталып жүрген бұл криптовалюта туралы соңғы жылдары естімеген жан кемде-кем. Ендеше, Bitcoin криптосының қайдан шыққаны, қалай дамығаны және 2025 жылы бағасы қалай өзгергеніне тоқталайық.

Биткоин қалай пайда болды?

Бәрі 2008 жылы басталған. Әлем қаржы дағдарысынан ес жия алмай жатқанда, Сатоши Накамото деген бүркеншік атпен танылған адам (немесе адамдар тобы) биткоин жүйесін сипаттайтын ғылыми мақаласын жариялады.

Онда үшінші тарап, яғни, банк немесе делдалға жүгінбей-ақ ақша аударуға мүмкіндік беретін жүйе сипатталған еді. Бұл жаңалы...

«ҚазАвтоЖол» республикалық маңызы бар автомобиль жолдарындағы жол-көлік оқиғаларының санын азайту мақсатында заманауи ролик қоршаулар орнатуды қолға алғанын хабарлады. Мұндай нысандардың бірі Астана қаласының айналма жолында орналасқан.

Ұлттық компания аталған құрылғылар соқтығысу кезінде соққы күшін едәуір азайтып, жарақат алу қатерін төмендететінін айтады.

Роликтік қоршаулар неден тұрады

«Полиуретанды көбік материалынан жасалған айналмалы барабандар соққы кезінде кинетикалық энергияны айналу есебінен сейілтуге қабілетті. Үшөлшемді буферлік және ұстап тұру рамалары көлік қозғалысын қоршау бойымен бағыттайды, қарсы бағыттағы жолаққа немесе жол жиегіне шығып кетудің алдын алады. Берік металл тіректер қоршаудың жоғары механикалық жүктемеге төтеп беруін қамтамасыз етеді,» – дейді компаниядағылар.

Жұмыс...

Трамп Мәскеуді бомбалауға уәде берген. Бұл туралы АҚШ президенті 2024 жылы демеушілердің жасырын кездесуінде мәлімдеген.

СNN ақпаратына қарағанда, Трамп Ресей мен Қытайға әскери сипаттағы қоқан-лоққы жасаған. Бұл әңгімесін Украинаға шабуылын тоқтату мақсатымен, Ресей президенті Владимир Путинге айтқан.

Сонымен қатар, Дональлд Трамп Тайванға басып кірсе, Бейжіңді де бомба астына алатынын ескертіпті.

Трамптың сөзіне қарағанда, ол Путинге:

«Егер Украинаға басып кірсеңдер, мен Мәскеуді бомбалап жоқ қыламын. Бұл менің таңдауым емес – міндетім» деген.

Трамптың айтуынша, Путин бұған бастапқыда күмәнмен қарапты. Десе де, «10 пайыз сенді» деп тұжырымдайды АҚШ президенті.

Трамптың сөзіне сенсек, ол Си Цзиньпинге де...

10 шілде, бейсенбі күні, Қазақстанның екі бірдей командасы — Шымкенттік «Ордабасы» мен «Ақтөбе» 2025/26 маусымындағы Еурокубоктық ойындарын бастайды. Алғашқы кезеңде қос ұжым сырт алаңда ойнайды.

«Торпедо» – «Ордабасы»: Конференциялар лигасындағы алғашқы сынақ

Шымкенттің «Ордабасы» командасы УЕФА Конференциялар лигасының алғашқы іріктеу кезеңінде Грузияның Кутаиси қаласындағы «Торпедо» клубымен кездеседі. Қос команданың алғашқы ойыны 10 шілде күні, сағат 21:00-де Рамаз Шенгелия атындағы стадионда өтеді. Жауапты матч бір аптадан кейін Шымкентте өтеді.

Екі матчтың қорытындысы бойынша жеңіске жеткен команда екінші іріктеу кезеңіне жолдама алады. Ал ұтылған ұжым Еурокубоктық маусыммен қош айтысады.

Айта кетейік, «Ордабасы» өткен маусымда Қазақстан Премьер-лигасында төртінші орын алған болатын...

Денсаулық сақтау министрлігі Оқу-ағарту министрлігімен бірлесіп елдегі медициналық колледждер тексерілетінін хабарлады.

Мақсат – медицина қызметкерлерінің білімін сапалы жаңа деңгейге шығару. Олардың ішінде фельдшер, мейіргер, акушер, зертханашы және басқа да мамандарды оқыту үрдісі тексеріледі.

Бақылау төмендегідей негізгі бағыттар бойынша жүзеге асырылады:

* оқытушылар құрамының біліктілік талаптарына сәйкестігі;
* оқу процесін материалдық-техникалық жарақтандыру;
* оқу жоспарлары мен бағдарламаларын орындау;
* санитариялық-эпидемиологиялық нормалар мен қауіпсіздік талаптарын сақтау;
* іске асырылатын білім беру бағдарламалары бойынша қолданыстағы аккредиттеудің болуы.

«Бақылау жоспарлы түрде жүргізіледі. Бұзушылықтар анықталған кезде — білім беру қызметіне лицензияны тоқтата тұруға немесе күшін жоюға дейінгі заңнамада көзделген шаралар қолданылады», – деп атап...