Жаңалықтар

Шымкент қалалық ауыл шаруашылығы және ветеринария басқармасының дерегінше, тексеру кезінде 226 кәсіпкер бағаны негізсіз көтергені белгілі болған. Олар әкімшілік жауапқа тартылған. Ал кей тауар бағасын ұстап тұру мүмкін болмаған.

Басқарма басшысы Талғат Мекембаевтың қалалық өңірлік коммуникациялар орталығында өткен баспасөз мәслихатында хабарлауынша, сиыр еті 31 пайызға қымбаттаған.

Оның айтуынша, соңғы уақытта сиыр етімен қатар тауық еті мен сүт өнімдерінің бағасы өскен. Бұған қаланың сырттан келетін өнімдерге тәуелділігі әсер еткен. Сонымен қатар мал азығының қымбаттауы ет бағасының өсуіне тікелей ықпал етіп отыр.

«Қала ұн, ұн өнімдері, жұмыртқа, сүт өнімдерімен 70-80 пайызға қамтылған. Бірақ, мысалы, еттің 80 пайыздан...

23 желтоқсанда жергілікті уақытпен сағат 08:32-де Каспий теңізінде жер сілкінісі тіркелген.

Лада мәліметі бойынша, бұл туралы Әзербайжан Ұлттық ғылым академиясы жанындағы Республикалық сейсмологиялық қызмет орталығы хабарлаған.  

Жерасты дүмпулерінің магнитудасы 4,8 балл болды. Жер сілкінісінің ошағы теңізде, Баку қаласы мен Қара-Боғазкөл шығанағының аралығында орналасқан.

Volcanodiscovery.com деректеріне сәйкес, жер сілкінісінің магнитудасы 5,1 балл болған, ал ошағы 57 шақырым тереңдікте жатқан.

Айта кететін жайт, 11 желтоқсанда Каспий теңізінде магнитудасы 3,8 болатын жер сілкінісі тіркелді. Дүмпу ошағы теңіз табанында Түркіменстанға жақын аймақта орналасқан еді.

Джеймс Кэмеронның кезекті фильмі «Аватар: От пен күл» прокатқа шыққан алғашқы аптасында-ақ Қазақстан кинотеатрларында рекордтық табыс жинады. Freedom Ticketon ұсынған деректерге сәйкес, фильм 962,7 млн теңгеден астам кассалық түсім көрсетіп, апталық бокс-офисте сөзсіз көш бастады.

Ауқымды фантастикалық жоба көрерменнің қызығушылығын тудырып, прокаттағы өзге фильмдерді айқын басып озды. Тіпті прокаттың алғашқы жеті күнінде-ақ «Аватар: От пен күл» жылдың ең табысты премьераларының біріне айналды.

Апталық бокс-офис көшбасшылары (18–21 желтоқсан):

Жоғары аудиторлық палата Қаржы министрлігіне қарасты «Электрондық қаржы орталығы» (ЭҚО) АҚ қызметіне жүргізілген аудитті қорытындылады. Мемлекеттік сатып алу саласы операторының жұмысынан жүйелі кемшіліктер анықталған.

Аудит барысында 566 млн теңгеге қаржылық бұзушылық анықталды. 13,5 млрд теңге қаражат орынсыз жоспарланып, тиімсіз пайдаланылған.

«Электрондық мемлекеттік сатып алу» жүйесіне 600-ден астам техникалық өзгерістер енгізу жағдайы тіркелген. Мәселен, кейбір жағдайларда қатысушылардың тәжірибесі мен рұқсат құжаттарын тексеру функциясы қолдан өшіріліп тасталған.

Аудиторлар мемлекеттік ұйым жұмысының стратегиялық басқаруынан олқылықтар анықтады. 2023-2024 жылдардағы даму жоспарының орындалуы туралы есеп жоқ, ішкі аудит дұрыс жүргізілмейді.

Тексеру барысында аудиторлар ақпараттық қауіпсіздікті қамтамасыз ету мәселесіне көп көңіл бөлді. «Электрондық коммерциялық сатып алу» А...

Премьер-министр Олжас Бектенов жаңа Бюджет кодексіне сәйкес шағын бизнестен түсетін барлық салық түсімдері енді әкімдіктердің иелігінде қалатынын мәлімдеді. Бұл туралы ол шағын және орта бизнесті қолдауға арналған «Іскер аймақ» бірыңғай бағдарламасының жобасын қарау барысында айтты.

«Жаңа Бюджет кодексі шағын бизнестен түсетін барлық салық түсімдерін әкімдіктердің иелігінде қалдыруды көздейді. Енді әкімдер әрбір кәсіпкердің табысқа жетуіне мүдделі болады, өйткені ол жергілікті бюджет кірістерінің өсуіне тікелей ықпал етеді», –  деді Олжас Бектенов.

Бұған дейін Үкімет өңірлердегі шағын және микробизнесті қолдауға арналған жаңа «Іскер аймақ» бірыңғай бағдарламасын ұсынды. Бағдарлама ауылдар мен шағын, моноқалаларда өндірісті дамытуға бағытталған.

Қазақстанда Altel, Tele2 секілді байланыс операторлары 2026 жылдан бастап тарифті еселеп арттырып жатса, ғаламторды спутниктен тікелей ұсынатын Starlink интернет жүйесі арзандады. Kursiv.Media бағаларды салыстырып, бағалар теңесіп келе жатқанын аңғарды.

Мобильді интернет қымбаттады

2025 жылдың аяғында Қазақстандағы байланыс нарығында елеулі өзгеріс болып жатыр. Мәселен, «Мобайл Телеком-Сервистің» қос бренді – Altel мен Tele2 секілді мобильді операторлар 2026 жылдан бастап тарифті бірден 15-20%-ға көтеретінін хабарлады. Оның алдында Beeline қызметі қымбаттайтыны мәлім болған.

Операторлар мұны желіні күту шығынының өсуімен, инфляциямен, сонымен бірге салықтың қымбаттауымен түсіндіреді. Қос бренд бір айдағы орташа тарифті шамамен 2 мың теңгеге көтерді. Мысалы...

Қаржы министрі Мәди Такиев Үкімет отырысында шағын бизнесті шектен тыс әкімшілік шаралардан қорғау жүргізіліп жатқанын тілге тиек етті.

Такиев азғантай сома үшін микро және шағын бизнеске қысым жасамау үшін салық берешегін мәжбүрлеп өндіріп алу тәсілдері айтарлықтай өзгертіліп жатқанын айтты.

Негізгі өзгеріс – қарыз бойынша шаралар қолданылатын ең төменгі сома ұлғайды. Бұған дейін салық берешегі шамамен 26 мың теңгеден (6 АЕК) бастап өндірілсе, әлеуметтік аударымдар бойынша нақты шек болмаған. Енді салық қарызы 87 мың теңгеге (20 АЕК) жеткенде ғана шаралар қабылданады, ал әлеуметтік төлемдер бойынша шекті сома 26 мың теңге (6 АЕК) болып белгіленді.

Министрдің мәліметінше, қазір әлеуметтік төлемдер бойынша берешек...

Үкімет өңірлердегі шағын және микробизнесті қолдауға арналған жаңа «Іскер аймақ» бірыңғай бағдарламасын ұсынды. Бағдарлама ауылдар мен шағын, моноқалаларда өндірісті дамытуға бағытталған.

Премьер-министрдің орынбасары Серік Жұманғариннің айтуынша, бастама тез іске асатын, технологиялық жағынан қарапайым әрі нақты нәтиже беретін жобаларға арналған. Атап айтқанда, ауылшаруашылық өнімдерін қайта өңдеу, шағын наубайханалар ашу, жиһаз және құрылыс материалдарын өндіру сияқты бағыттарға басымдық беріледі.

Бағдарлама аясында екінші деңгейлі банктер арқылы жыл сайын 400 млрд теңге көлемінде несие беріледі. Бір жобаға берілетін қарыз сомасы 200 млн теңгеге дейін, пайыздық мөлшерлеме шамамен 8,8%, оның 40%-ын мемлекет субсидиялайды.

Несие мерзімі – 3 жылға дейін. Егер кәсіпкерд...

Актер Еркебұлан Тоқтар әуежайда блогер Бота Мианы (Ақбота Нұрақынды) гүл шоғымен қарсы алған видеосын жариялады. Кадрлар желі қолданушылары арасында қызу талқыланып, көпшілік екеуінің көңіл қосқаны жөнінде жарысып жазып жатыр.

Видеодан кейін желіде түрлі пікірлер жазылды. Кейбір қолданушылар эмоциясын жасырмай:

«Өзімнің жігітім басқа қызбен жүріп кеткен ұқсап қиналып отырғаным ше»,
«Өте жарасымды жұп, сіздер үшін қуаныштымын», – деп жазды.

Еркебұланның қызғанған жанкүйерлері тіпті әзіл-шыны аралас пікір қалдырып:

«Бота Миа, мен саған вызов тастаймын», – деп жазған.

Қаржы министрі Мәди Такиев Үкімет отырысында 2026 жылы Бірыңғай жеке кабинетте жеке тұлғалар мен жеке кәсіпкерлерге арналған «Салық әмиянына» ұқсас тетік іске қосылатынын мәлімдеді.

Такиевтің айтуынша, салық төлеуші төлемдердің автоматты түрде шешілу түрін таңдайды немесе есептен шығару басымдықтарын реттей алады. Қосымша онлайн-көмекші – «Калькуляторы» іске қосылады. Ол сауалнама бойынша:

«Салық қызметтерімен өзара байланысты жеңілдету және «түсінікті» ету үшін, ақпараттық жүйелерде жасанды интеллект технологияларын қолдана отырып, жеке цифрлық көмекшілер болатынын атап өту керек. Осылайша, салы...

23 желтоқсанда Алматыда Абай атындағы опера және балет театрында актер, режиссер, Қазақ КСР және КСРО халық әртісі Асанәлі Әшімовпен қоштасу рәсімі өтіп жатыр. Қаралы жиынға мәдениет саласының өкілдері, қоғам қайраткерлері, актердің шәкірттері мен әріптестері, қала тұрғындары келді.

Қоштасу рәсімінде мәдениет және ақпарат министрі Аида Балаева, мемлекеттік кеңесші Ерлан Қарин, Алматы қаласының әкімі Дархан Сатыбалды сөз сөйледі. Қазақстан Жазушылар Одағының төрағасы Мереке Құлкенов, қырғыз жазушысы, ТҮРКСОЙ ұйымының бас хатшысы Сұлтан Раев та еске алды.

Актерді ақтық сапарға шығарып салу үшін жиналған халықтың қарасы көп.

Асанәлі Әшімовті Кеңсай-1 зиратына жерлейді. Қонақасы Royal Tulip мейрамханасында өтеді.

23 желтоқсанда Қазақстанның төрт қаласында қолайсыз метеорологиялық жағдай күтіледі.

 «Қазгидромет» РМК хабарлауынша, 23 желтоқсанда Атырау, Алматы, Павлодар және Балқаш қалаларында ауа қатты ластануы мүмкін.

«Қолайсыз метеорологиялық жағдай – атмосфераның жерге жақын қабатында зиянды заттардың жиналуына ықпал ететін тынық ауа, әлсіз жел, тұман, инверсия секілді қысқа мерзімді метеорологиялық факторлардың жиынтығы», – делінген хабарламада.

Мұндай кезде елді мекендерде атмосфералық ауаның сапасы нашарлауы мүмкін. Бұл адамдардың денсаулығына әсер етеді.

Қолайсыз метеорологиялық жағдайлар кезінде ашық ауада жүру уақытын қысқарту керек. Әсіресе автожолдар мен басқа да ластану көздерінің маңында абай болған жөн. Балалар мен жүкті әйелдерге ұзақ серуендеуден бас...

2026 жылдан бастап елде жеке табыс салығын есептеу тәртібі өзгереді. Қазіргі қолданыстағы барлық азаматқа бірдей 10 пайыздық мөлшерлеменің орнына прогрессивті шкала енгізіледі. Бұл өзгеріс, ең алдымен, айына шамамен 3 млн теңгеден жоғары табыс табатын қазақстандықтарға қатысты болмақ.

Жаңа Салық кодексіне сәйкес, жылдық табысы 8 500 айлық есептік көрсеткішке дейінгі азаматтар бұрынғыдай 10% жеке табыс салығын төлейді. 2026 жылы бір АЕК 4 325 теңге деп белгіленген, яғни шекті сома 36 762 500 теңгені құрайды. Ал осы деңгейден асатын табысқа 15 пайыздық мөлшерлеме қолданылады.

Мемлекеттік кірістер комитеті төрағасының орынбасары Жәнібек Нұржановтың түсіндіруінше, егер адам бірнеше жерде жұмыс істеп, табысты әртүрл...

2025 жылдың III тоқсанының қорытындысы бойынша, елдегі ең ауқатты тұрғындар арасындағы табыс деңгейі жөнінен Қарағанды облысы көш бастады.

Ұлттық статистика бюросының дерегінше, өңірдегі ең ауқатты 10% тұрғынның жан басына шаққандағы орташа айлық табысы – 413,2 мың теңге. Бұл көрсеткіш Қазақстан бойынша орташа деңгейден (272,7 мың теңге) 1,5 есе жоғары.

Статистикаға сәйкес «байлар» кім

Бюро халықты табыс деңгейіне қарай әр тоқсан сайын он топқа бөледі. Соңғы оныншы топқа ең жоғары табысқа ие 10% тұрғын кіреді – статистикада олар «шартты түрде байлар» деп аталады. Айта кету керек, бұл топқа кіру шегі аса жоғары емес: шілде–қыркүйек айларында алғашқы ондыққа ену...

АҚШ президенті Дональд Трамп жаңа «алтын флот» құру жоспары туралы мәлімдеді. Ол бұл туралы Мар-а-Лаго резиденциясында сөйлеген сөзінде айтты.

Трамп жаңа класстағы кемелер гипердыбысты зымырандармен, лазерлік жүйелермен жабдықталатынын және алғаш рет ядролық оқтұмсық алып жүре алатынын, қанатты зымырандармен қаруланатынын айтты.

«Біз 1994 жылдан бері линкорлар жасамадық. Бұл озық кемелер қырып-жойғыш әскери кеменің бірі болмақ», – деді Дональд Трамп.

Fox News мәліметінше, Трамптың айтуы бойынша, кемелердің су ығыстырғыштығы 30 мыңнан 40 мың тоннаға дейін жетеді. Әскери-теңіз күштері алдымен екі кеме сатып алмақ. Сосын флотты 25 кемеге жеткізеді. Алғашқы екі кеме екі жыл ішінде жасалуға...

2025 жылы Қазақстанда сәбилерге қойылған ең танымал есімдер белгілі болды. Ұлттық статистика бюросының деректеріне сүйенсек, биыл да ата-аналар дәстүр мен заманауи үрдісті ұштастыратын есімдерге басымдық берген.

Қыз балалар арасында

Ең көп қойылған есім – Айлин. Бұл есім 2025 жылы 5305 рет тіркелген. Алғашқы ондыққа енген өзге де танымал қыз есімдері мыналар:

Бұл тізімнен араб, түркі және қазақы мағынасы терең есімдерге сұраныс жоғары екенін байқауға болады.

Ұл балалар арасында

Ұлдарға...

Атырау облысында этан мен пропанды тасымалдауға арналған магистраль құбыржолдарын салу бойынша EPC-келісімшарт жасалды. Келісімге «ҚазМұнайГаз» ұлттық компаниясының еншілес ұйымы – KMG PetroChem ЖШС және China Petroleum Pipeline Engineering Co., Ltd. (CPP), CITIC Construction Co., Ltd. пен «ЧППИ Қазақстан» ЖШС-нен құралған халықаралық консорциум қол қойды.

EPC-келісімшарт жобаны толық циклмен іске асыруды қамтиды: жобалау құжаттамасын әзірлеу, қажетті жабдықтарды сатып алу, құрылыс-монтаждау және іске қосу-баптау жұмыстары, сондай-ақ нысанды пайдалануға беру.

Жоба этан мен пропанды сұйытылған күйде қауіпсіз әрі үздіксіз тасымалдауға мүмкіндік беретін бірыңғай технологиялық тізбекті қалыптастыруға бағытталған.

Шикізат «Теңізшевройл» компаниясынан және Теңіз кен орнында салынып жатқан Газ сепарациялау кешенінен...

Алматыдағы Логистика және көлік академиясында (ALT University) орын алған атышулы оқиғаға қатысты жаңа дерек белгілі болды. Оқытушысына пышақпен тап берген 18 жастағы екінші курс студенті 7 жылға дейін бас бостандығынан айырылуы мүмкін, деп хабарлады КТК телеарнасы.

Оқиға оқу орнының ерлер дәретханасында болған. Студент 35 жастағы математика пәнінің оқытушысына ешқандай ескертусіз тап беріп, мойын тұсына жарақат салған. Алдын ала болжам бойынша, қақтығысқа төмен баға қойғаны себеп болуы мүмкін.

Университет әкімшілігінің мәліметінше, зардап шеккен ұстаздың өміріне қауіп төніп тұрған жоқ, ол қазірдің өзінде жұмысқа шығып, сабақ беріп жүр.

«Мұғалім әжетханаға кірген, артынан іле-шала студент кіріп, бір ауыз сөз айтпастан пышақпен...

Call of Duty видеоойындар сериясының авторларының бірі Винс Зампелла АҚШ-та жол апатынан көз жұмды. Бұл туралы шетелдік БАҚ жазады.

Қайғылы оқиға Лос-Анджелес маңындағы Сан-Габриэль тауларында болған. Зампелла жүргізген жүк көлігі жолдан шығып кетіп, бетон қоршауға соғылған. Полицияның мәліметінше, рөлде отырған Винс оқиға орнында тіл тартпай кеткен. Ал көлікте болған жолаушы кейінірек ауруханада қайтыс болды.

Винс Зампелла Call of Duty сериясының бастауында тұрған тұлға. Ол Call of Duty 2, Call of Duty 4: Modern Warfare, Modern Warfare 2, сондай-ақ жаңа Battlefield 6 ойындарын әзірлеуге қатысқан. Сонымен қатар, ол Infinity Ward және Respawn Entertainment студияларының негізін қалаушы әрі басшысы болды.

Call...

Ерлан Жаңбырбай беделді «Алтын Адам» жобасының «Еңбек адамы. Шахтёр» номинациясы бойынша лауреаты атанды. Ол шамамен 20 жылға жуық Шахтинск шахтасында еңбек етіп келеді. Кәсіби жолын 2007 жылы жерасты тау-кен жұмысшысы ретінде бастаған.

Ерлан Жаңбырбай Қарағанды техникалық колледжін «Пайдалы қазбалар кен орындарын жерасты әдісімен игеру» мамандығы бойынша тәмамдаған. Салалық білімі, жоғары кәсібилігі және көпжылдық практикалық тәжірибесі оның қызметтік өсуіне берік негіз болды. Соңғы жылдары ол монтаждау-бөлшектеу учаскесі бастығының орынбасары міндетін атқарып келеді.

Аталған учаске тау-кен жабдықтарын орнату, бөлшектеу, жөндеу және жылжыту бойынша негізгі өндірістік міндеттерді орындайды. Ұжымның үйлесімді жұмысы өндірістік үдерістердің үздіксіздігі мен қауіпсіздігіне тікелей әсер етеді. Ерланның айтуынша, еңбектің нәтижес...

23 желтоқсан белсенді әрі мазмұнды өтеді. Geocult.ru деректеріне сәйкес, бұл күн іскерлік белсенділіктің артуымен және жеке бастамалардың күшеюімен ерекшеленеді. Күн жаңа идеялар мен нақты жоспарлар жасауға қолайлы. Kursiv LifeStyle барлық жұлдыз белгілеріне арналған болжамды ұсынады.

Тоқты

Энергияңызды келісімдер мен маңызды істерді аяқтауға бағыттаңыз. Қаржыда асығыс шығындардан сақ болып, ұзақ мерзімді инвестицияларға басымдық беріңіз. Жеке қарым-қатынаста сабыр мен ортақ жоспарларды байыппен талқылау маңызды.

Торпақ

Бұл күн бизнесті кеңейтуге және шетелдік серіктестермен кеңес жүргізуге қолайлы. Құжаттарға мұқият қарап, заңдық тәуекелдерді алдын ала ескерген жөн. Кешкі уақыт жақын адаммен ашық әңгіме құрып, сенімді нығайтуға мүмкіндік береді.

Егіздер

Келіссөз жүргізудегі шеберлігіңіз...

Адамзат тарихында алғаш рет алтынның бір унциясының бағасы 4,5 мың доллардан асты. Құнды металл кейінгі елу күннен бері үздіксіз нығайып келеді.

23 желтоқсанда Нью-Йорк тауар биржасында (COMEX) алтынның бір унциясының ақпандағы фьючерсі 4502,4 долларға дейін көтерілді. Bloomberg агенттігі қымбат металл құнының көтерілуін әлемдегі геосаяси тұрақсыздықпен, сонымен бірге АҚШ федералдық қоры бойынша мөлшерлемесін түсіреді деген болжаммен байланыстырды.

Дегенмен дәл осы сәттегі сауда барысында алтын әлі 4 500 доллардың межені еңсере қойған жоқ. 23 желтоқсан сағат 08:30-да алтынның бір унциясы 4 486,62 доллардан сатылып жатыр. Алтын бір тәулікте ғана 3,38%-ға, яғни 146 долларға көтерілген. Баға дәл осылай көтеріле берсе, ол...

Ресей президенті Владимир Путин Санкт-Петербургте Тәжікстан басшысы Эмомали Рахмонға кездесу барысында көңіл айтты.

Коммерсантъ ақпаратына қарағанда, ол Мәскеу облысындағы мектепте 10 жастағы Кобилджон Алиевтің қазасына қатысты пікір білдірді.

«Балаларға қатысты теракті жасау – аса жиіркенішті қылмыс. Тергеу, еш күмәнсіз, соңына дейін жеткізіледі және, әрине, (кінәлілер) толық көлемде жазаланады», — деді Путин.

Айта кететін жайт, 16 желтоқсанда Мәскеу облысындағы Успен мектебінде жасөспірім Тимофей К. күзетшіні жаралап, төртінші сыныптың 10 жастағы оқушысы Кобилджон Алиевті өлтірген. Шабуыл алдында ол мектептегі балалардан олардың ұлты қандай екенін сұраған. Тимофей К.-ның үстінде жаппай қырып-жою оқиғаларын меңзейтін жазулары бар арнайы...

АҚШ пен Қазақстан азаматтық ядролық энергетика саласындағы серіктестікті кеңейтеді. Арнайы FIRST бағдарламасы аясында шағын модульдік реакторлар үшін техникалық-экономикалық зерттеу, аймақтық оқу орталығы және қызметкерлерді дайындауға арналған Holtec симуляторы іске қосылды, деп хабарлайды АҚШ консулдығы. 

Америкалық елшіліктің баспасөз қызметі хабарлауынша, Алматыда Curtiss–Wright еншілес компаниясының Нoltec International және WSC Inc американдық компанияларынан шағын модульдік реакторлар (ММР) симуляторымен өңірлік оқу орталығын ашқысы келеді.

MMR симуляторы не үшін қажет

Бұл Орталық Азияда шағын реакторларды қауіпсіз және сенімді енгізу үшін мамандар даярлауға мүмкіндік береді. MMR тренажері – бұл атом станциясының инженерлері мен операторлары үшін нақты жаттықтырушы, бірақ нақты ядролық отын мен радиоактивті қауіп жо...