Жаңалықтар

Оқу-ағарту министрлігінің Балалардың құқықтарын қорғау комитеті Ұлыбританияда дүниеге келген бір жасар қыз елге аман-есен оралғанын хабарлады.

Комитеттің дерегінше, сәбиін шетелде туған анасы одан бас тартқан. Содан бала Ұлыбританиядағы балалар үйінің қамқорлығына алынған. Кейін Ұлыбританияның құзырлы органдары сәбиді британдық отбасыға асырауға беру мүмкіндігін қарастырған. Сондықтан бұл жағдай шұғыл әрекет етуді талап еткен. Қазақстан тарапының үйлесімді әрі жедел іс-қимылының нәтижесінде сәби өзінің туған әжесімен және әкесімен қауышқан.

Мамандардың баланың туыстарымен жүргізілген профилактикалық жұмыс барысында қыздың әжесі мен әкесі баланы өз қамқорлығына алып, отбасында тәрбиелеуге ниетті екенін білдірген.

«Кішкентай отандасымызды елге қайтару үшін ҚР Сыртқы істер...

Әлемге әйгілі актер Джеки Чан «Құдай сауыты: Ультиматум» фильмін Бозжыра мен Каспий теңізі жағалауында түсіреді. Бұл туралы орталық коммуникациялар қызметінде өткен брифингте облыс әкімі Нұрдәулет Қилыбай айтты.

Бұған дейін фильмнің Маңғыстауда түсірілетіні айтылды, алайда нақты қай жерінде түсірілетіні әзірге белгісіз.

«Келіссөз ұзаққа созылды. Әлемдік жұлдыздың тобы үш ай бұрын Маңғыстауға келді. Оның алдында да келіп кеткен екен.

Кино түсіретін кезде алдымен суретін салады екен. Сол суреттерден Бозжыра, Ақтаудағы Каспий теңізі жағасын көріп қалдым. Анимация секілді салған. Жұмыс барысында өзгере беруі де мүмкін», – дейді облыс әкімі.

Сөзінше, түсірілім тобы жұмысты қашан бастайтынын нақты...

Танымал актер, «Рэкетир» фильмінің жұлдызы Мұрат Бисембиннің денсаулығы күрт нашарлады. Бұл туралы актердің қызы әлеуметтік желідегі парақшасында хабарлады.

Қызының жазуынша, Мұрат Бисембин инсульт алып, ауруханаға түскен. Қазіргі таңда өнер иесі дәрігерлердің бақылауында, тиісті медициналық көмек көрсетіліп жатыр.

Актердің жағдайына алаңдаған әріптестері мен жақындары бейжай қалмады. Өнер саласындағы әріптестері Жан Байжанбаев пен Саят Исембаев әлеуметтік желілерде жазба жариялап, қаржылай көмек сұрап, реквизиттерді бөлісті.

Еске сала кетейік, Мұрат...

Mercedes компаниясы америкалық елу прокурордан тұратын коалициямен ортақ келісімге келді: автогигант көлік иелеріне 149,6 млн доллар төлеуге көнді. Бұл туралы штаттардың бірінің прокуратурасы таратқан мәлімдемеде айтылған.

Құзырлы мекеме дерегінше, Mercedes компаниясы 2008-2016 жылдар аралығында Құрама Штаттарда дизельмен жүретін 211 мыңнан астам жеңіл көлік сатып, оны қоршаған ортаға зияны жоқ таза автомобиль ретінде жарнамалаған.

Алайда, тексере келе, көліктер азот оксидін (NOx) шамадан тыс шығаратыны мәлім болып отыр. Компания оны жасыру үшін түтін мөлшерін әдейі азайтып көрсететін құрылғы орнатқан.

Прокуратура NOx улы түтін түзеді, адамның тыныс алу жолдарын бітеп, ерте өлуіне себеп болады деп есептейді.

Енді автогигант мұндай көліктерді өз...

Қазақстанда қаржы омбудсманы қызметі іске қосылады. Оның мақсаты – тұтынушы мен қаржы ұйымы арасындағы дауды сотқа жеткізбей реттеу деп түсіндіреді Қаржы нарығын реттеу және дамыту агенттігі.

Бұған дейін елде банк, сақтандыру және микроқаржы омбудсманы жұмыс істейтін. Қаржы омбудсманы сол екеуінің қызметін біріктіреді.

«Қаржы омбудсманы тұтынушылар мен қаржы ұйымдары арасындағы дауларды қарайды және қаржы ұйымдары орындауға міндетті шешімдер шығарады. Дау реттелмеген жағдайда, тұтынушыда сотқа жүгіну құқығы сақталады», – деп түсіндіреді ҚНРДА.

Қаржы омбудсманынан қандай жағдайда көмек сұрай аласыз

Ақшалай талаптар (Мүліктік даулар)

Егер банк, микроқаржы (МҚҰ), сақтандыру компаниясы немесе брокерлік ұйым...

Еуразиялық экономикалық одақ аумағында импортталатын автокөліктер нарығында ауқымды өзгерістер күтіліп отыр. Kolesa.kz порталының хабарлауынша, жуырда ЕЭК кеңесінің отырысында бес елдің вице-премьерлері «сұр» дилерлердің қызметін едәуір шектейтін қатаң шараларды мақұлдады.

Тек ресми өкілдер ғана көлік әкеле алады

Құжатқа сәйкес, ЕАЭО аумағына жаңа автокөліктерді тек өндіруші зауыттардың ресми өкілдері ғана әкеле алады. Жекеменшік автосалондар тек үш жылдан асқан көліктерді импорттауға құқылы болады. Белгілі бір брендтер ресми ұсынылмаған елдер үшін де ешқандай жеңілдік қарастырылмаған.

Қашан күшіне енеді?

Бұл шешім 2025 жылдың соңына дейін жарияланып, 2026 жылғы қаңтардың соңғы онкүндігінде күшіне енеді. Құжатта өтпелі кезең қарастырылмағандықтан, бейресми дилерлер тапсырыс берген...

25-30 желтоқсан аралығында Қазақстанның бірқатар қалаларында дәстүрлі жаңа жылдық Coca-Cola керуені жолға шығады. Мерекеге сай безендірілген жүк көліктері тұрғындарға ерекше көңіл күй сыйлап, қала көшелерімен жүріп өтеді.

Биыл Coca-Cola керуенінің қозғалысын 2GIS қосымшасы арқылы онлайн бақылауға болады.

Алматы

Алматы қаласында Coca-Cola керуені 25, 26, 27, 29 және 30 желтоқсан күндері негізгі бағыт бойынша, ал 28 желтоқсанда балама бағытпен жүріп өтеді.

Астана

Елордада керуен 25, 26, 27, 29 және 30 желтоқсан күндері бірінші мерекелік бағытпен, ал 28 желтоқсанда балама бағытпен қозғалады.

Абай облысының әкімі Берік Уәли өңірдегі жиырма ауылға қытай тракторын таратты. JINMA 904A маркалы жаңа трактор «Үлгілі ауыл» байқауының жеңімпаздарына берілді. Бұл туралы Kursiv.Media облыс әкімдігінің мәліметіне сүйене отырып хабарлады.

«Техникалар ауылдарыңыздың гүлденіп, таза әрі жайлы болуына қызмет етеді деп сенемін. Бұл байқауды дәстүрге айналдырып, келесі жылы да жалғастырамыз», – дейді өңір басшысы.

Үздіктер интернетпен қамту, креатив, халықтың әлеуметтік жағдайын жақсарту, инфрақұрылым, туризм, үлгілі ауыл, мәдени мұраны сақтау және басқа да санаттар бойынша анықталды.

«Туған жеріміздің түлегені, тұрған ортамыздың кіршіксіз болғаны, ең алдымен, өзімізге керек», – деп...

Украина парламенті – Рада соғыс жағдайында президент сайлауын өткізу туралы заң жобасын дайындай бастады.

УНИАН ақпаратына қарағанда, парламент спикері Стефанчуктың хабарлауынша, бұл құжат бір реттік болады және тек бір ғана сайлауға қолданылмақ.

Оның айтуынша, бірінші вице-спикер Корниенконың жетекшілігімен жұмыс тобы құрылды. Оның құрамына парламенттегі барлық фракциялар мен топтардың өкілдері, азаматтық қоғам және Орталық сайлау комиссиясының мүшелері кіреді.

Жұмыс тобы негізгі мәселелерді пысықтайды. Атап айтқанда, әскери қызметшілердің дауыс беруі, шетелдегі украин азаматтарының сайлауға қатысуы, уақытша оккупацияланған аумақтарда дауыс беру ұйымдастыру, сондай-ақ шетелдік байқаушылардың қатысуы қарастырылады.

Мұның алдында Еуропа елдері Украинаға 90 млрд еуро көмек беруге келіскен болатын.

Мемлекеттен жалдамалы пәтер алудың 2 талабы бар. Біріншісі – тұрғын жайды мақсатына сай пайдалану, екіншісі – төлемақысын уақытылы төлеу. Бұл туралы Шымкент қалалық тұрғын үй басқармасы басшысының міндетін уақытша атқарушы Көпжан Түлебаев өңірлік коммуникациялар орталығында өткен баспасөз мәслихатында хабарлады.

«Бірінші талап бойынша жыл басынан бүгінгі күнге дейін басқарма тарапынан 45 көпқабатты тұрғын үйдегі 2500-ден аса пәтер тексерілді. Нәтижесінде, 65 азаматқа ескерту берілді. Төлемақысын уақытылы төлеу бойынша 1582 адамға берешегін өндіру бойынша сотқа бару туралы хабарлама жолданған. Нәтижесінде бүгінгі күнге арендалық төлемнен 1,5 млрд теңгеден астам қаржы бюджетке түскен», – деді Түлебаев.

Қазақстанда тұрғын үйді жалдау...

2025 жылы елде бірқатар шулы сот процесі болды. Арасында Талғарда кісі қолынан қаза тапқан Шерзат Полаттың ісі, әйелін бірнеше жыл қинап келген дипломат Сәкен Мамаш пен қайырымдылыққа жиналған қаражатты өз қажетіне жұмсаған Перизат Қайраттың соты бар.

Биыл болған сот отырыстары туралы толығырақ KursivMedia шолуынан оқыңыз.

Қаңтар ісінен кейін қамалған 44 адам сотталды

Жыл басында 2022 жылғы Қаңтар оқиғасынан кейін қамауға алынған «Дикий Арман» мен тағы 43 адам сотталды.

«Дикий Арман» лақапатымен танымал Арман Жұмагелдиев 20 жылға, бұрынғы депутат Қайрат Құдайберген 8 жылға, ҰҚК полковнигі болған Руслан Ысқақов 15 жыл 6 айға бас бостандығынан айырылды.

Олар...

2022 жылы Қостанай облысында болған ауқымды өрттен кейін шамамен 39 мың гектар орман жойылды. Алайда зардап шеккен аумақтарды тазарту және қалпына келтіру жұмыстары әлі жалғасып жатыр. Өңір әкімі Құмар Ақсақаловтың айтуынша, орманның 38%-ы тазартылып, өртенген ағаш аукцион арқылы сатылып жатыр.

«Бүгінгі күні шамамен 38% аумақ тазартылды. Бұл ағашты сатып алғысы келетін кез келген адам аукцион арқылы иемдене алады. Ол ағаш кейіннен ағаш өңдеу кәсіпорындарына жіберіліп, экономикаға қайта қосылады», –  деді Ақсақалов Орталық коммуникациялар қызметіндегі брифингте.

Әкімнің айтуынша, тазарту жұмыстары аяқталғаннан кейін, бұл жерлерде қайта көгалдандыру жүргізілуде.

Өрттен кейін өңірде не өзгерді

Журналистер...

Премьер-министрдің орынбасары, ұлттық экономика министрі Серік Жұманғарин маса мен шыбын-шіркейге қарсы 13,6 млрд теңгенің күмәнді тендерін тексереді. Қыруар ақшаның мемлекеттік тапсырысын бір күн бұрын Асайын Байханов басқаратын Павлодар облысы әкімдігінің мекемесі жариялаған.

Үкіметтің 23 желтоқсандағы жиналысынан шыққан Жұманғарин Kursiv.Media тілшісінің қансорғыш жәндіктермен күреске бөлінетін қаражат туралы сауалынаа жауап берді.

«Мен қазір әкімшілікпен хабарласып, не болып жатқанын сұраймын», – деді Жұманғарин.

Естеріңізге сала кетейік, 22 желтоқсанда Павлодар облысы әкімдігіне қарасты мекеме өңірді жайлаған маса мен шыбын-шіркейді жою үшін 13 млрд 674 млн 377 мың теңгенің мемлекеттік тапсырысын сатып алу порталына орналастырды. Бір ғана...

Премьер-министрдің орынбасары – Ұлттық экономика министрі Серік Жұманғарин әлеуметтік желілерде алдағы жылға қатысты айтылып жүрген экономикалық дағдарыс, шағын бизнестің жаппай жабылуы және инвесторлардың кетуі туралы болжамдарға сын көзбен қарауға шақырды.

Журналист вице-премьерге «экономика мен салық саясаты инвесторлар үшін Қазақстанның тартымдылығын төмендетіп жатыр ма, халыққа осынша кері әсерін беріп жатыр ма» деген сұрақ қойды.

«Әлеуметтік желіге көп сенуге болмайды. Онда жауапкершілік жоқ. Жазып отырғандардың көбінде экономикалық білім де жоқ. Ковид кезінде бәрі вакцинацияның маманы болды, қазір Салық кодексінің білгіріне айналды», – деп жауап берді әлеуметтік желілердегі пікірлердің негізсіз екенін айтқан Жұманғарин.

Вице-премьердің сөзінше, Үкімет шешімдерді жабы...

Президент Әкімшілігі басшысының орынбасары, Алматы қаласының бұрынғы әкімі Ерболат Досаев «Самұрық-Қазына» АҚ Директорлар кеңесінің мүшесі болып сайланды.

Қазір «Самұрық-Қазына» директорлар кеңесіне премьер-министр Олжас Бектенов, Болат Жамішев, Лука Сутера, Вонг Хэн Файн, Нұрлан Жақыпов, Мохаммед Джамиль Аль Рамахи және Ерболат Досаев кіреді. Кеңесте сондай‑ақ SKAI (Samruk-Kazyna Artificial Intelligence) – жасанды интеллект бейнесіндегі виртуалды директор бар.

Айта кетерлігі, қыркүйек айының соңында Қанат Шарлапаев қордың директорлар кеңесінен шығарылып, кейін «Бәйтерек» холдингі директорлар құрамынан да кеткен.

Ерболат Досаев он жыл бұрын да кеңестің құрамында болған Ал 2022 жылғы қаңтардан 2025 жылғы мамырға дейін Алматы қаласының әкім...

Алтын бағасы жай ғана бір унция металдың құны емес. Ол – әлемдік экономиканың, қаржы жүйесіне деген сенімнің және геосаяси ахуалдың индикаторы. Сондықтан алтын бағасының қозғалысын инвесторлар, орталық банктер және саясаткерлер мұқият қадағалайды.

Нарықтар Рождествоны күтуде, орталық банктер – деректерді аңдиды

Жыл соңына қарай жаһандық қаржы нарықтары екіұдай күйге түсті: инвесторлар дәстүрлі Рождестволық раллиге үміт артса, орталық банктер экономикалық деректерге сүйеніп, асықпай әрекет етуге көшті. Ақша-несие саясатының болашағы қазір бұрынғыдан да көбірек статистикаға тәуелді.

Debasement trade және алтынның тарихи серпілісі

Негізгі әлемдік валюталардың әлсіреуі мен облигация кірістілігінің жаһан бойынша өсуі (әсіресе, Жапонияның мемлекеттік қағаздары есебінен) инвесторларды қайтадан debasement trade

Алматы қаласының әкімдігі 2040 жылға дейінгі бас жоспарға енгізілетін түзетулер жобасын ұсынды. Қоғамдық тыңдаулар 24–26 желтоқсан аралығында өтеді. Жоба қала құрылысы және сәулет басқармасының сайтында жарияланған. Құжат жобасында метро желісінің толық сызбасы да берілген.

Алматыда метро қай аумақтарға дейін салынады

Сызбаға қарағанда, метро желісі қаланың барлық ауданын қамтитын шеңбер түрінде тартылады.

2025 жылғы 23 желтоқсанда ұлттық валюта бірден шамамен 6 теңгеге нығайды. Сейсенбі күні түскі сағат 12:30-дағы мәлімет бойынша, KASE-де 1 доллар 509,10 теңге тұрады.

Бір күн бұрын – 22 желтоқсанда Қазақстан қор биржасында валюта саудасында доллар бағасы 515,55 теңгемен жабылған. Енді бүгін көк қағаздың шамамен 6 теңгеге арзандағанын көріп отырмыз.

Сағат 12:30-дағы мәлімет бойынша, биржада 213 млн долларға валюта саудасы жасалды. Соған қарағанда, Ұлттық банк теңгені нығайту үшін «айналау», яғни интервенцияның бір түрін жүргізіп жатқан болуы керек. Банк төрағасы Тимур Сүлейменовтің айтуынша, 2025 жылғы қараша-желтоқсан айларына осы мақсатқа тағы 1 трлн теңге салу көзделген. Ал қаңтар-қазан айларына 2,7 трлн теңге...

АҚШ Президенті Дональд Трамп Қасым-Жомарт Тоқаевқа естелік сыйлықтар табыстады. Атап айтқанда, Америка басшысы Ақ үйдің символикалық кілтін және өз қолтаңбасы қойылған бейсболканы жолдаған. Бұл туралы Президенттің көмекшісі – баспасөз хатшысы Руслан Желдібай мәлімдеді.

Сыйлықтар Қазақстанның АҚШ-тағы Төтенше және Өкілетті Елшісі Мағжан Ілиясов арқылы елшінің сенім грамоталарын тапсыру рәсімінен кейін жеткізілген. Қысқа әңгіме барысында Дональд Трамп қараша айында доғал кабинетте өткен Қасым-Жомарт Тоқаевпен кездесуін еске алып, Қазақстан президентіне жылы лебізін жолдауды өтінген.

АҚШ Президенті Қасым-Жомарт Тоқаевты «тамаша адам әрі халықаралық үдерістерді терең және салмақты түсінетін тәжірибелі мемлекет қайраткері» деп сипаттаған.

Айта кетейік, 2025 жылды...

Үкіметтегі баспасөз орталығында Қаржы министрі Мәди Такиев республикалық бюджет биыл қаншалықты игеріліп жатқаны жайлы сұраққа жауап берді.

Такиевтің айтуынша, биыл 30 млрд теңгеге жуық қаражат игерілмей қалуы мүмкін.

«Әзірге күтіп отырмыз. Өйткені жылдың аяқталуына әлі екі апта бар», – дейді Мәди Тәкиев.

Айта кетейік, бұған дейін елдегі 5 министрлік республикалық бюджеттен бөлінген қомақты қаржыны игермегені жайлы жазған едік. Қаржы министрлігінің дерегіне сәйкес, 5 атқарушы орган бөлінген 480,5 млрд теңгені игермеген.

2025 жылдың 11 айында республикалық бюджетке 19 трлн теңге кіріс түсіп, шығысы 22,7 трлн теңгені құраған.

Тірі шыршалармен бірге үйге кене де келуі мүмкін. Бұған қыстың жылы болуы түрткі болып отыр. Сондықтан кенелер ерте оянуы ықтимал.

Молния ақпаратына қарағанда, мұндай бірнеше жағдай Ресейдің астанасы Мәскеуде және Мәскеу облысында тіркеліп үлгерген.

Күн жылынған кезде кенелер қар мен мүктің астынан шығып, қылқанжапырақты ағаштарға қонады. Қоңыр түсті болғандықтан, оларды жиі қабықжегі қоңыздармен шатастырып жатады.

Кенелер көбінесе ағаш қабығының жарықтарында және инелердің арасында жасырынғанды ұнатады.

Кененің шағуы адам өмірі үшін қауіп тудыруы мүмкін. Сонымен қатар, энцефалитке, боррелиозға әрі анаплазмозға шалдықтырады.

Мұның алдында кене энцефалитіне қарсы вакцинаны қалай салдыру керек екені туралы толық ақпарат жарияланған болатын.

Премьер-министрдің орынбасары, Ұлттық экономика министрі Серік Жұманғариннің айтуынша, Үкімет 2026 жылды мал шаруашылығын дамытуға жұмсайды. Бұл туралы вице-премьер Астанадағы брифингте мәлімдеді.

Жұманғариннің айтуынша, осыған дейін билік егін шаруашылығын дамытуға басымдық беріп келді, енді мал шаруашылығына да айтарлықтай мән беретін кез келді. Үкіметтің мұндай шешім қабылдауына Қазақстанда биыл ет бағасының қатты қымбаттап кетуі себеп болған.

«2026 – ауыл шаруашылығын жан-жақты дамыту жылы. Екі жыл егін шаруашылығына көп қаражат құйдық. Енді дәл осындай жұмыстар ауыл шаруашылығында атқарылады», – дейді шенеунік.

Оның айтынша, үкімет осы саладағы шаруаларды қолдау үшін «Игілік» деп аталатын ауқымды бағдарламаны іске қосқалы отыр. Әсіресе...

МРТ (міндетті резервтік талап) бойынша талапты көтергеннен кейін, банктер осы жылдың тоғыз айында 100 млрд теңге табыстан қағылды. Қаржыгерлер қауымдастығы сараптау орталығының бас директоры Рамазан Досов осылай деп мәлімдеді. Бұл жайлы «Ручная экономика» телеграм арнасы жазады.

Экономистің сөзінше, МРТ талабын қатаңдатқаннан кейін, банк жүйесіндегі өтімділік құрылымы өзгерген.

Осыған дейін Ұлттық банк төрағасы Тимур Сүлейменов МРТ бойынша талап енгізілгеннен кейін, сектордағы артық өтімділік 2-2,2 трлн теңгеге азайды деген еді. Жалпы «3,7 трлн артық өтімділік аламыз» деп жоспарлап отыр. Бұл Ұлттық банк саясаты үшін тиімді болғанмен, коммерциялық банктерді пайдасынан айырады.

«Банктер үшін бұл пайызды...

Алматыда мыңдаған адам халық әртісі Асанәлі Әшімовті ақтық сапарға шығарып салды.

Қаралы қауым арасында марқұмның туыстарымен қатар мемлекеттік кеңесші Ерлан Қарин, премьер-министрдің орынбасары – мәдениет және ақпарат министрі Аида Балаева, Алматы қаласы әкімі Дархан Сатыбалды, жазушылар одағының төрағасы Мереке Құлкенов, актер Болат Әбділманов, ақын Жүрсін Ерман және басқа да мәдениет саласы өкілдері бар.

Президент жеделхаты

Мемлекеттік кеңесші Ерлан Қарин жиналған қауымға президент Қасым-Жомарт Тоқаевтың көңіл айту жеделхатын оқып берді.

«Асанәлі Әшімов бүкіл саналы ғұмырын театр және кино саласына арнап, төл мәдениетіміздің көкжиегін кеңейтуге өлшеусіз үлес қосты. Ол көптеген образды шебер сомдап, көрерменнің ыстық ықыласына бөленд...