Жаңалықтар

Ұлттық экономика министрі Серік Жұманғарин Үкімет жеке сектордағы жалақыны көтеру жүйесін басқара алмайтынын айтты. Оның айтуынша, бизнестегі жалақы деңгейі нақты компаниялардың қаржылық жағдайына тікелей байланысты және оны бір орталықтан реттеу мүмкін емес. Бұл туралы ол Ұлттық Құрылтайдың кулуарында айтты.

Жалақыға бизнес пен кәсіподақ жауапты

Жұманғарин жеке компаниялардағы жалақыны көтеру мәселесі Үкіметтің тікелей өкілеттігіне жатпайтынын атап өтті.

«Мен қазір жеке сектордағы жалақыны көтеру қозғалысына жауап бере алмаймын. Бұл кәсіподақтардың жұмысы. Бұл әр нақты кәсіпорынға байланысты», – деді ол.

Ол қызметкерлердің өздері әдетте компанияның нақты жағдайын түсінетінін айтады.

«Кәсіпорында жұмыс істейтіндер, негізінен...

19 қаңтарда алтын мен күмістің әлемдік бағасы абсолютті рекордты жаңартты. Бұл АҚШ президенті Дональд Трамптың Гренландия төңірегінде дау тудыруымен Еуропалық Одақ елдеріне қарсы жаңа баж салығын енгізу мүмкіндігі әсерінен болды, деп хабарлайды Reuters.

Унциясы (31,1 г) үшін алтын 4666,65 долларға дейін өсті (19 қаңтардағы Ұлттық Банк бағамы бойынша 2 390 071 теңге). Сауда-саттық барысында баға тарихи максимум 4689,39 долларға (2 401 718 теңге) дейін көтерілді. АҚШ-та алтын фьючерстері бір унция үшін 4671,40 долларға жетті (2 392 504 теңге). Күміс бір унция үшін 93,50 долларға дейін қымбаттады (47 887 теңге), ал сауда-саттықтың максималды бағасы 94,08 долларды (48 184 теңге) құрады.

Қазақстан кәсіпқой бокс федерациясының президенті Рақымжан Ерденбековтің хабарлауынша, Жәнібек Әлімханұлына қатысты допинг сынамасының ресми нәтижесі 19 қаңтар күні жариялануы керек еді.

Алайда, федерация президентінің айтуынша, бұл іс қосымша медициналық, сараптамалық және құқықтық бағалауды қажет етеді. Осыған байланысты 23 қаңтарға қайта тыңдау тағайындау туралы шешім қабылданды.

«Айта кетейін, допинг сынамасының оң нәтижесі спортшының ниетін немесе кінәсін дәлелдей алмайды. Комиссия істі халықаралық спорт құқығы мойындаған No significant Fault or Negligence қағидатын ескере отырып қарайды. Барлық рәсімдер аяқталғанға дейін комиссия түпкілікті қорытындылардан бас тартады. Барлық шешімдер әділеттілік қағидаттары мен халықаралық стандарттарды сақтай отырып, тек фактілер негізінде қабылданады...

Кейбір экономистер алдағы уақытта 1 доллар 1000 теңге тұруы мүмкін деген пікірлер айтуда. Журналистер вице-премьер, Ұлттық экономика министрі Серік Жұманғаринге осы туралы Үкімет не ойлайтынын сұрады.

«Егер экспортқа жәрдемдесу үшін ақша бағамын әлсірету керек десек, бұл үлкен жүктеме болады. Біздің ішкі нарыққа, оның ішінде жеке шаруашылыққа жүктеме болады. Олардың кірістерін одан әрі төмендетеді. Сонымен қатар, экспорттаушылар, бөлшектер және т.б. үшін компоненттердің қымбаттауына әкеледі. Олардың өнімдерінің құны артып, сыртқы нарыққа бәсекеге қабілеттілік төмендейді», – деді Жұманғарин Қызылордада журналистерге.

Ол 1000 долларға дейін теңгені түсіруді ұсынатындар өздеріне назар аударғысы келетінін атап өтті.

«Бүгінг...

Халықаралық шаңғы Федерациясы (FIS) 2026 жылғы Олимпиада ойындарына лицензияларды бөлу туралы түпкілікті шешім қабылдады. Шаңғы спорт түрлерінде Қазақстан 2026 жылғы Олимпиадаға 21 спортшыны Миланға жібере алады.

FIS ұпайларды түпкілікті есептеу барысында Қазақстан шаңғы жарысында 7 квота (төртеуі әйелдер жарысына және үшеуі ерлер жарысына), шаңғымен трамплиннен секіруде 2 квота (екеуі де ерлер), қоссайыста 1 квота (ерлер арасында), тау шаңғысы спортында 2 квота (бір еркек және бір әйел) бөлді), фристайл-могулда 4 квота (үш әйел және бір еркек) және фристайл-акробатикада 5 квота (бір әйел және төрт әйел) алды.

Енді Қазақстан бөлінген квоталарды растауы, сондай-ақ, Олимпиадаға баратын спорт түрлерінің әрқайсысында ел намысын қорғайтын спортшыларды...

Жамбыл облысы Байзақ ауданында ер адам «Сергек» камерасына оқ атқан. Осыған қатысты бөтеннің мүлкін қасақана жою ісі әкімшілік сотта қаралды.

Оқиға 2025 жылдың желтоқсанында болған. Ер адам «Сарыкемер-Түймекент-Ақшолақ» тас жолында «Сергек» камерасына пневматикалық мылтықтан оқ атқан.

Сотта құқық бұзушы кінәсін толық мойындап, келген залал ішінара өтелгенін хабарлады.

Сот ер адамның кінәсін мойындауын жазаны жеңілдететін мән-жай ретінде таныды. Әкімшілік құқық бұзушылық туралы кодекстің 147-1-бабы 1-бөлігінде 50 АЕК (216 250 теңге) мөлшерінде айыппұл салу не 5-20 тәулікке әкімшілік қамауға алу көрсетілген.

Сот қаулысымен ер адам кінәлі деп танылып, 196 мың теңге айыппұл төлейтін болды.

Қаулы заңды күшіне енді.

2026 жылғы 10 қаңтарында басталған ҰБТ-ны бүгінгі күнге дейін 36 мыңнан астам адам өтті. Талапкерлердің 64%-ы тестілеуді қазақ тілінде, 36%-ы орыс тілінде және 52 адам ағылшын тілінде тапсырды. Бұл туралы Ғылым және жоғары білім министрлігі хабарлады.

Министрлік мәліметінше, бірінші аптаның қорытындысы бойынша талапкерлердің 60,3 пайызы шекті балл жинаған. Бес пән бойынша орташа балл 57 балды құраған. Ең жоғары нәтиже – 131 балл. Ерекше білім беру қажеттіліктері бар оқуға түсушілер үшін қолайлы жағдай жасаудың арқасында ҰБТ-ға 156 талапкер қатысқан.

Талапкерлердің тест тапсырмаларының мазмұны бойынша тестілеу аяқталғаннан кейін 30 минут ішінде апелляцияға беру құқығы бар. Техникалық себептер бойынша апелляция тікелей тестілеу кезінде қабылданады...

Президент жанындағы Ұлттық құрылтай мүшесі Тәттігүл Талаева Қазақстан аумағы арқылы транзитпен өтетін шетелдік жүргізушілерден айыппұлдарды кеден бекеттерінде өндіріп алуды ұсынды. Бұл туралы Құрылтайдың секция отырысынан «Курсив» тілшісі хабарлады.

Оның айтуынша, Ақтөбе облысы арқылы жыл сайын Ресей, Өзбекстан, Қырғызстан және Тәжікстаннан мыңдаған көлік өтеді. Көбіне бұл – жолдарды тез тоздыратын әрі жол-көлік оқиғаларына жиі ұшырайтын жүк көліктері.

Өткен жылдың 11 айында өңірде жол-көлік оқиғаларының саны 23,9%-ға артқан, ал осы апаттарда зардап шеккендер саны 19,7%-ға көбейген. Жол апатына кінәлі азаматтарға айыппұл салынғанымен, олардың шамамен жартысы ғана бюджетке түскен. Қолданыстағы заңнамаға сәйкес, егер транзиттік жүргізуші жол ережесін бұзғаны үшін салынған айыппұлды екі ай...

Атырау облысында бір отбасында төрт адамның бірнеше ай бойы хабар-ошарсыз жоғалып кетуі жұрттың төбе шашын тік тұрғызды.

Kursiv. Media Атырау облысына барып, ауыр қылмыс жайында там-тұм ақпарат жинап, қанды оқиға ізімен жүріп өтті.

Аз-кем, шегініс жасасақ, қаңтар айының басында ерлі-зайыптылар Максот Қарабалин мен Нәсіп Өтешқалиеваның денесі ауласындағы асхана ішінен – бір метр тереңдіктен табылды. Ал олардың қызы Мейрамгүл және ұлы Наурыз Мұқанғалиевтерді полиция мен құтқарушылар қанша іздесе де, хабар-ошар жоқ.

Мұның алдында ұлының атынан әлдебіреу «әке-шешемді Ташкентте емдетемін» деген сылтаумен ұсақ-малдарын сата бастаған. Ұзақ уақыт хабарсыз кеткен Максоттың туыстары секемденіп, сиырларын сатқызуға жол бермеген.

Туыстары дабыл қағып, бір отбасының жоғалып...

Ресей Қазақстан нарығына жеңіл автокөліктер жеткізуде оң көрсеткіш көрсетті. «Прайм» агенттігінің хабарлауынша, 2025 жылдың 11 айында Ресейден автокөлік импорты 2,5 есеге өсіп, 59,4 млн АҚШ долларына жеткен.

Ресейдің үлесі

Қазақстанның жеңіл автокөлікке деген сұранысының 47%-ын Қытай қамтамасыз етіп, негізгі жеткізуші болып отыр. Үздік үштікке сондай-ақ Жапония (29%) мен АҚШ (9,7%) кіреді. Ресейдің үлесі әзірге небәрі 2,4% болғанымен, 2024 жылмен салыстырғанда айтарлықтай артқан. Сарапшылар бұл өсімді бағаның қолжетімділігімен және дилерлік желілердің дамуына байланыстырып отыр.

Импорт статистикасы

Ұлттық статистика бюросының деректеріне сәйкес, 2025 жылдың 11 айының қорытындысы бойынша Ресей Қазақстанның импорттағы басты сауда серіктесі атанды. Көрші елдің жалпы...

Қызылорда қаласында өткізілетін Ұлттық құрылтай алдында Мәжіліс депутаты Ермұрат Бапи бірпалаталы Парламентке қатысты өзінің ұсынысын білдірді.

Депутаттың айтуынша, партияда жоқ азаматтардың сайлану құқына қатысты мәселе өзекті. Бапи егер елде 8 миллионға жуық партияда жоқ сайлаушы азаматтар бар екенін ескерсек, бұл сұрақты жылы жауып қоюға болмайды деп есептейді.

«Мұндай жағдайда алда болатын парламенттік сайлаудың легитимдігіне азаматтық қоғам тарапынан оң баға берілмеуі әбден мүмкін. Билікке деген мұндай ерегес қоғамдық тұрақтылықты қамтамасыз ете алмайды! Бірден айтайын, мен өзім бір мандатты сайлау жүйесі бойынша сайланған депутат бола тұрсам да, Президент Тоқаевтың өткен күздегі Халыққа жолдауында айтылған партиялық сайлау...

Kazakhmys Copper холдингі «Қазақмыс» корпорациясын иелігінен шығарды. Бұл туралы Қазақстан қор биржасының сайтына жолданған хабарламада жазылған.

Құжатта Kazakhmys Copper компанияның 99,9 пайыз акциясын иеліктен босатқаны туралы жазылған. Шешім 2025 жылдың 30 желтоқсанында қабылданған. Енді Kazakhmys Copper құрамында тек Qaz Copper Group ЖШС қалған.

Ашық дереккөзге сәйкес, «Қазақмыс» корпорациясының қазіргі иесі – Qazaq Acquisition Corp. Ltd. Ал бұл компанияның құрылтайшысы – кәсіпкер Нұрлан Артықбаев.

2025 жылдың аяғында «Қазақмыс» корпорациясы Qazaq Stroy компаниясының иесіне сатылды. «Қазақмысты» Артықбаев Швейцариядағы шикізат трейдері Mercuria Energy Group Ltd-дан қарызға алған 1,2 млрд доллаға сатып алған.

Оған...

«Dara» қорының жаңа басшысы болып медиа және мемлекеттік басқару саласында 25 жылдан астам тәжірибесі бар маман Әлия Адамбаева тағайындалды. Бұл туралы ұйымның ресми сайтында хабарланды.

Әлия Адамбаева өз мансабында мемлекеттік және квазимемлекеттік құрылымдарда бірқатар жауапты қызметтерді атқарған:

Әлия Адамбаева «Журналистика» мамандығы бойынша жоғары білім алған. Сондай-ақ экономика және бизнес магистрі дәрежесіне ие, MBA және Executive MBA бағдарламаларының дипломдары бар.

Соңғы жылдары Қазақстанда құмар ойындарға қатысты заң талаптары қатаңдап келеді. Алайда көпшілік букмекерлік кеңсе мен онлайн-казиноның айырмашылығы мен жарнамасына қойылатын талаптарды шатастырып жатады. Бұл екі ұғым бір-біріне ұқсас көрінгенімен, заң тұрғысынан айырмашылығы бар.

Kursiv LifeStyle Букмекерлік кеңсе мен онлайн-казиноның айырмашылығына тоқталады. Құмар ойын жарнамасына қатысты заң талаптарын саралай отырып, блогер Қайсар Қамза не себепті ауыр жағдайға тап болғанын талдап көрді.

Букмекерлік кеңсе деген не

Букмекерлік кеңсе – спорттық немесе өзге де оқиғалардың нәтижесіне бәс «(ставка) қабылдайтын ұйым. Яғни, адам нақты бір спорттық матчқа, жарысқа немесе оқиғаға болжам жасап, ақша тігеді.

Мысалы: футбол, бокс, теннис матчтарының нәтижесі, гол саны...

Солтүстік Қазақстан облысында төтенше жағдайлар департаменті қызметкерлері тұрғын үй ішінен баланың мәйітін тапты.

18 қаңтарда Ольшанка ауылындағы жеке тұрғын үйде өрт шыққан. Құтқарушылар оқиға орнына келгенше үй толық өртеніп, шатыры құлап кеткен. Өртті сөндіру кезінде үйдің ішінен кәмелетке толмаған баланың мәйіті табылған.

Облыстың ТЖД хабарлауынша, өрт үйдегі пештен шыққан.

Halyqstan Telegram арнасының жазуынша, ересектер бес жастағы қызды үйде жалғыз қалдырып, есікті құлыптап кеткен.

Бұған дейін Kursiv.Media кейінгі жылдары өрттен қайтыс болған балаларға қатысты ақпаратты топтастарды.

2026 жылы Қазақстан экономикасының өсімі 4,4%-ды құрауы мүмкін. Мұндай болжамды Халықаралық валюта қоры (ХВҚ) ұсынды. Қор 2026 жылға арналған экономикалық өсімге қатысты болжамын төмендетіп, қазан айындағы 4,8% көртсеткішті 4,4%-ға дейін төмендетті.

ХВҚ бағалауынша, 2025 жылы жоғары қарқынмен өскен экономика келесі жылы біршама баяулайды.

Қор деректеріне сәйкес, 2025 жылы Қазақстанның ЖІӨ-і 6,2% өскен. Бұл көрсеткіш қордың алдыңғы болжамынан жоғары. Ал Экономика министрлігінің мәліметі бойынша, 2025 жылғы нақты экономикалық өсім 6,5% құраған. Ресми мәлімет бойынша, былтыр экономикалық өсімге негізгі үлесті көлік, құрылыс және сауда салалары қосты.

2027 жылға арналған болжам өзгеріссіз қалды...

Енді елдегі жеке мектептерге қойылатын талаптар өзгереді. Бұл туралы Алматы қаласындағы жеке мектептердің құрылтайшылары мен директорларының қатысуымен өткен кездесуде Оқу-ағарту министрі Жұлдыз Сүлейменова мәлімдеді.

Министрліктің мәліметінше, бұдан былай елімізде жеке мектептер нақты қажеттілік туындап отырған өңірлерде ғана ашылады. Лицензия үшауысымды мектептерді, апатты жағдайда тұрған білім ордаларын алмастыру мақсатында мемлекеттік мектептер жетіспейтін өңірлерге ғана беріледі.

«Сонымен қатар жеке мектептер құрылтайшыларының жауапкершілігі де заң аясында жетілдіріледі. Олар мектептердегі білім сапасы, ұстаздардың біліктілігі және оқушылардың қауіпсіздігін қамтамасыз етуге жауапкершілік алады. Қазіргі таңда құрылтайшылардың ғана емес, мектеп директорларын тағайындау тәртібін де өзгерту жоспарланып отыр. Енді мектеп директорларын бұрынғыдай құрылтайшылар таңдамайды...

Қазақстанда мерзімді қызмет өткеріп жүрген әскери қызметшілер бұдан былай несие ала алмайды.

Қаржы нарығын реттеу және дамыту агенттігі «Мерзімді әскери қызметке шақырылған әскери қызметшілер, сондай-ақ олардың қызметтен босатылуы, банк қарыздары мен микрокредиттерінің бар-жоғы және банк қарызы мен микрокредит шарттары бойынша төлемдерді кейінге қалдыру туралы ақпарат алмасу қағидалары туралы» қаулы жобасын әзірледі.

Құжат «Ашық НҚА» сайтында 3 ақпанға дейін қоғамдық талқылауға шығарылды.

Аталған жоба 2026 жылғы 16 қаңтарда Президент қол қойған «Банктер және банк қызметі туралы» заңды іске асыру мақсатында әзірленген.

Құжатта мерзімді әскери қызмет өткеріп жүрген әскери қызметшілерге қатысты Қорғаныс министрлігі мен кредиттік бюролар арасындағы ақпарат...

Үкімет басшысының бірінші орынбасары, ұлттық экономика министрі Серік Жұманғарин Қазақстанға төнген басты қауіптерді атады.

Мұнай бағасы

19 қаңтарда Ұлттық құрылтай аясындағы сессиялардың бірі экономика тақырыбына арналды. Қызылорда қаласындағы отырыста вице-премьер Серік Жұманғарин баяндама жасап, кеңес беруші орган мүшелерін толғандырған сауалдарға жауап берді. Атап айтқанда, шенеунік Қазақстан экономикасына төніп тұрған басты қауіптерді атады.

«Экономикадағы тәуекелдер сыртқы факторларға тікелей байланысты. Соның ішінде ең маңыздысы – мұнай бағасы. АҚШ-тың сыртқы саясаты да соған әсер етеді. Бірақ біз кез келген сценарийге дайынбыз», – деп мәлімдеді Жұманғарин.

Оның айтуынша, қазір бір баррель мұнай шамамен 64 доллар болса, республика қара...

Елде мектеп оқулықтарын дайындау және сараптамадан өткізу жүйесі түбегейлі жаңартылды. Салаға мемлекеттік аудит жасаған Жоғары аудиторлық палата осындай байламға келді.

Аудиторлар өткен жылдың ақпанында білім беру саласына бөлінген қаражаттың тиімділігін тексеріліп, оқулықтарды дайындау процесінде бірнеше кемшілік анықтаған еді. Осыған байланысты Оқу-ағарту министрлігіне нормативтік базаны қайта қарау және процестерді автоматтандыру тапсырылды.

Енді оқулық жазатын авторлық ұжымның құрамында тиісті білімі мен тәжірибесі бар кемінде үш білікті маман (ғалым, әдіскер және педагог) болуы міндетті. Олардың арнайы оқыту курстарынан өткені расталуға тиіс.

Сыбайлас жемқорлық тәуекелдерін азайту керек. Тақырыптық жоспарды бекіту процесі жеңілдетілді. Енді министрлік жекелеген баспаларға сұрау салмай-ақ, жоспарды бекітіп, оны міндетті түрде ашық жариялайды.

Қазақстандағы «Теңіз» және «Королев» мұнай кен орындарында мұнай өндіру уақытша тоқтады. Бұған өндірістік нысандардағы электр энергиясын тарату жүйелерінде туындаған техникалық ақау себеп болған. Бұл туралы Reuters «Теңізшевройл» (ТШО) компаниясының баспасөз қызметіне сілтеме жасап хабарлады.

ТШО мәліметінше, сақтық шарасы ретінде «Теңіз» және «Королев» кен орындарындағы өндіру жұмыстары уақытша тоқтатылған. Шешім мұнай зауытындағы өрттің кейбір электр тарату жүйелеріне әсер еткеніне байланысты қабылданды.

Компания өкілдері қызметкерлер арасында зардап шеккендер жоқ дейді. Қазіргі уақытта техникалық қызметтер ақаудың себептерін анықтап жатыр. Компания мемлекеттік органдармен тығыз байланыста жұмыс істеп, ықтимал салдардың алдын алуға күш салып жатыр.

Сонымен қатар ТШО Теңіз кен орны...

Олжас Абай мен Дариға Бадықованың «Сен керексің» әніне түсірілген бейнебаянының кадрлары желіде жұрт талқысына түсіп жатыр. Әсіресе, Бадықованың сырт-келбеті мен киген киіміне қарап, кейбірі «Дариғаның аяғы ауыр сияқты» деп жазды. Оған қоса, клипте Олжас артқа бұрылып, үш саусағын көрсетеді. Оның да астарын көпшілік әрқалай талдап жатыр. 

ТикТок желісінде Бадықованың продакшнына тиесілі Dbadykova_production парақшасына «Сен керексің» бейнебаянының үзінділері жиі салынып жүр. Мұнысы, әрине, жаңа шыққан ән мен көктемде жарық көретін фильмді таныту мақсатында жасалып жатқан маркетиң амалы екені белгілі. Әнге түсіріліп жатқан видео саны да аз емес. Осы ретте парақшадағы посттардың астына жазылатын пікірлерде де қызу талқы жасалатынын байқадық. Атап айтқанда...

Ресей президенті Владимир Путин Газа бойынша «Бейбітшілік кеңесінің» құрамына қатысу жөнінде АҚШ тарапынан шақырту алған. Қазір ұсыныс қарастырылып жатыр. Ресей президентінің баспасөз хатшысы Дмитрий Песков журналистерге осылай деп мәлімет берген.

Песковтың сөзінше, Путинге дипломатиялық арналар арқылы аталған кеңес құрамына кіру ұсынысы түскен.

«Қазір біз ұсыныстың барлық егжей-тегжейін зерделеп жатырмыз», – деді ол.

Сондай-ақ Песков барлық жайтты нақтылап алу үшін америкалық тараппен байланыс орнатуға үміттенетінін айтқан.

Айта кетейік, бұған дейін Қазақстан президенті Қасым-Жомарт Тоқаев АҚШ президенті Дональд Трамптан Газа бойынша Бейбітшілік кеңесінің құрамына кіруге ресми шақыру алған еді. Ал Қазақстанға осы кеңестің құрылтайшы...

27 қаңтардан бастап Қазақстан азаматтығын алу үшін өткізілетін тестілеудің жаңа ережелері күшіне енеді. Бұл туралы Ғылым және жоғары білім министрі Саясат Нұрбектің бұйрығында көрсетілген.

Бұрын азаматтық беру үшін адамның қазақ тілін қаншалықты білетініне назар аударылса, енді Конституция негіздерін түсінуге көбірек мән беріледі.

Азаматтық алу үшін үміткер кемі 50 балл жинауға тиіс. Жаңа ережеде жергілікті құқық негіздері мен Қазақстан тарихын білу деңгейіне көңіл бөлінген. Мәселен, бұрын мемлекеттік тіл бойынша 36 балл жинау қажет болса, енді 15 балл жеткілікті. Ал Конституцияны білу бойынша бұрынғы 9 балл орнына 20 балл жинау талап етіледі. Қазақстан тарихынан кемі 15 балл алуға тиіс.

Жалпы...