Жаңалықтар

Мәжіліс кулуарында «Самұрық-Қазына» қорының басшысы Нұрлан Жақыпов жаңа бюджет кодексіне сәйкес қор бюджетке аударатын әлеуметтік төлемдерді азайтатынын мәлімдеді.

Жақыпов 2025 жылы қор жаңа бюджет кодексіне сай жұмыс істеп жатқанын айтты.

«Соған сай дивиденд ретінде біз еншілес компаниялардан алынған дивиденттердің 50 пайызын бюджетке төлеуіміз керек. Былтыр бұл көрсеткіш 556 млрд теңгені құрады. Бірақ біз сондай-ақ еншілес компаниялардан 556 млрд теңгені алғанымызбен, мемлекетке әлеуметтік төлемдер ретінде 600 млрд теңгеден астам төлем жасадық. Биыл дивиденд төлерлік көлеміміз жоқ», – дейді ол.

Нұрлан Жақыповтың айтуынша, 2025-2027 жылдары қордың CAPEX бағдарламасы 18 трлн теңгені құрайтынын, оның ішінде 12 трлн теңге...

Инфляция болжамы 2026 жылы 9%-11%, 2027 жылы және 2028 жылы орташа 6% деңгейінде болады. Үкімет отырысында баяндама жасаған Ұлттық экономика министрі Серік Жұманғарин осылай деп мәлімдеді.

Ал ЖІӨ өсімі 2026 жылы 5,4%, үш жыл ішіндегі орташа өсімі 5,3 % құрайды деген болжам бар. Номиналды жалпы ішкі өнім 2026 жылғы 183,8 трлн теңгеден 2028 жылы 229,8 трлн теңгеге дейін өседі. 

Болжам бойынша, өңдеу өнеркәсібі инвестициялық жобалардың арқасында 2026 жылғы 6,2%-дан 2028 жылы 6,6%-ға дейін өседі.
Алдағы үш жылда орташа өсім:

Экспорт көлемі 2026 жылғы 77,1 млрд...

«Самұрық-Қазына» қорының басқарма төрағасы Нұрлан Жақыпов Астанада ұялы байланыс жақсы ұстағанымен, алыс жол бойында байланыс сапасы да, интернет жылдамдығы да нашар екенін мойындады. Бұл ретте ол Қазақстан жер көлемі үлкен екенін әлемде 9-орында тұрғанын атап өтті.

Жақыпов ұялы байланыс жүйесіндегі инфрақұрылымжы үнемі жаңартып, жаңғыртып, қаржы құйып тұру керек екенін айтты. Инфрақұрылымға кеткен шығынды байланыс операторлары тарифке қосып, оны халық өз қалтасынан төлейді.

«Билайн, Теле2 сынды жекенің қолындағы байланыс операторларының тарифі туралы айта алмаймын. Ал үлесі «Қазақтелекомға» тиесілі Kcell-ге келер болсақ, инфрақұрылымға кететін шығын бар. Қазір жаңғырту жұмысы жүріп жатыр», – деді

Оның айтуынша жыл соңына...

UEFA Чемпиондар лигасының кезекті турында қазақстандық қақпашы Темірлан Анарбеков Sofascore нұсқасы бойынша 10/10 рейтинг алып, «Қайрат» пен «Пафос» арасындағы кездесуде үздік ойыншы атанды.

Алматылық клуб өз алаңында 0:0 есебімен тең ойнап, Чемпиондар лигасындағы алғашқы тарихи ұпайына қол жеткізді.

Темірлан Анарбековтың матчтағы көрсеткіштері:

Осы көрсеткіштердің арқасында Темірлан Чемпиондар лигасы тарихында 10 балл алған алғашқы қазақстандық ойыншы атанды.

Құрама Штаттар президенті Дональд Трамп бастаған топ Қазақстанда вольфрам өндірісі төңірегіндегі келіссөздерге қатысып жатыр. Кен орындағы байлық миллиардтаған долларға бағаланады. Бірақ оған қазақ үкіметінің қолдауына ие бір қытай компаниясы да таласып жатыр. Бұл туралы Bloomberg жазды.

Келіссөздерге Ақ үй араласты

Басылымның мәліметінше, Трамп әкімшілігі әлемдегі ең ірі вольфрам қорларының бірін америкалық компанияға алып беруге күш салып жатыр. Пентагон вольфрамды қару-жарақ жасау үшін пайдаланады.

Bloomberg дереккөздерінің айтуынша, АҚШ сауда министрі Говард Лютник америкалық Cove Kaz Capital Group LLC пен «Самұрық-Қазына» ұлттық әл-ауқат қорының келіссөз жүргізуіне көмектескен. Дереккөздер АҚШ үкіметі осы келіссөздерде арағайындық қызмет атқарып жүргенін жеткізді. Оның үстіне...

Қазақстан халықаралық қаржы нарығына еурооблигация шығарып, 1,5 млрд доллар болатын қарыз алды. Қарызды өтеу мерзімі – 5 жыл, ал кірістілік мөлшері 4,41% болып бекітілді. Бұл – ел еурооблигациялар нарығына шыққан кезеңіндегі ең төмен мөлшерлеме.

Қаржы министрлігінің мәліметінше, жаңа шығарылымға сұраныс ұсыныстан шамамен үш есе жоғары болды. Инвесторлар жалпы көлемі 4,4 млрд доллар болатын өтінім берген. Еуропа мен АҚШ-тың ірі институционалдық инвесторлары қатысып қана қоймай, Азия мен Таяу Шығыс қаржы орталықтарынан да жаңа инвесторлар тартылды.

Еурооблигациялардың табыстылығы АҚШ қазынашылық облигацияларынан небәрі 85 базистік тармаққа жоғары болып белгіленді. Бұл көрсеткіш инвестициялық рейтингі бар мемлекеттер арасындағы ең төмендердің бірі саналады. Тіпті Польша...

OpenAI жасанды интеллекті бар ChatGPT Atlas деп аталатын веб-браузерін таныстырды. Ол ChatGPT чат-боты негізінде әзірленген.

Atlas-тың басты ерекшелігі – ChatGPT бар бүйірлік панель. Оның көмегімен пайдаланушы сайт мазмұнына қатысты сұрақ қоя алады, тауарларды салыстырады немесе чат-боттан ақпаратты өңдеп беруді сұрайды. Қолданушының хатын ресми, кәсіби редактура жасауға да мүмкіндігі бар.

OpenAI кейбір премиум-аккаунттар үшін Agent Mode атты сынақ режимін іске қосты. Ол виртуалды көмекші ретінде іссапарға билет брондау, ыңғайлы маршруттар құрастыру сияқты тапсырмаларды орындайды.

Компанияның мәліметінше, браузерде пайдаланушылар өз деректерін толық бақылай алады. Іздеу тарихын немесе браузердің «есте сақтау» функциясын өшіруге болады.

Қазір браузер macOS қолданушыларына қолжетімді, ал жақын уақытта Windows, iOS және Android жүйелерінде де пайда болады.

Дональд Трамп пен Владимир Путин арасындағы жоспарланған саммит кейінге қалды. Бұл туралы Ақ үйдің жоғары лауазымды өкіліне сілтеме жасаған Reuters жазды.

Кездесудің кейінге қалуына Мәскеудің Украинадағы атысты тоқтату талабын қабылдамауы себеп болған көрінеді.

«Қазіргі уақытта президент Трамптың президент Путинмен жақын арада кездесу жоспары жоқ», – деді Reuters спикері.

Бұл шешім АҚШ мемлекеттік хатшысы Марко Рубио мен Ресей сыртқы істер министрі Сергей Лавровтың «телефон әңгімесінен» кейін қабылданған. Дегенмен Путиннің инвестициялар жөніндегі өкілі Кирилл Дмитриев әлеуметтік желіде «саммитке дайындық жалғасып жатыр» деп жазды.

Өткен аптада Трамп Венгрияда Путинмен кездесіп, Украинадағы соғысты тоқтату жолдарын...

Кейінгі бірнеше айда құны артқан алтын мен күміс бағасының жоғарыға өрлеуі аяқталды. Енді бағалы металдар арзандап жатыр. Мәселен, алтын бір тәулікте шамамен 230 долларға арзандады.

Астана уақытымен сағат 8:30-дағы жағдай бойынша, алтынның бір унциясы 4 113,05 доллар тұрады. Ол бір тәулікте 5.28%-ға, яғни бірден 229.30 долларға арзандады.

Күміс те құнын жоғалтып жатыр. Қазір оның бір унциясы 48,8 доллар тұрады. Күміс бір тәулікте 6,63%-ға, яғни 3.46 долларға арзандады.

Инвесторлар алтынның бағасы тым қатты көтеріліп кеткенін түсінді. Оның үстіне АҚШ пен Қытай арасы жыли бастағандай көрінді. Бұған қоса алтынды көптеп сатып алып отырған Үндістанда Дивали мерекесі басталып, жергілікті нарық жабылды. Сұраныстың аздап...

Чемпиондар лигасының үшінші турында лондондық «Арсенал» мен миландық «Интер» өз қарсыластарын 4:0 есебімен ойсырата жеңді. Екі клуб та турнир кестесінде 9 ұпаймен алғашқы үштікке енді.

Арсенал – Атлетико Мадрид

«Арсенал» Лондонда «Атлетикоға» еш мүмкіндік бермеді. Екінші таймда Габриэл, Мартинелли және екі мәрте Гюкерес қарсыластың қақпасын дәл көздеп, командасына сенімді жеңіс сыйлады. Испандық ұжым бірде-бір cәтті шабуыл ұйымдастыра алмады.

Юнион – Интер

Ал «Интер» Бельгияда «Роял Юнион СЖ»-мен кездесіп, дәл сондай 4:0 есебімен үстем түсті. Голдарды Дамфрис, Мартинес, Чалханоглу және Эспозито енгізді. Осылайша, миландықтар үш ойынның бәрінде жеңіске жетіп, өз қақпасына бір де бір гол жіберген...

Қазақ кино өндірісінде қазір ренессанс дәуірі жүріп жатыр деуге болады. Өйткені прокатқа шыққан отандық фильмдерге халық ағылып барады, рекорд касса жинайды. Демек, қазақстандық жобалар басқаларын басып озып жатыр деген сөз. Қазір де кинотеатр кестесін қарасаңыз, қазақша туындыны көптеп көресіз. Оған қоса, онлайн-платформаларда да айтарлықтай рейтиң жинап жатыр. Kursiv.Media тілшісі «Кинопоиск» платформасындағы ТОП-ұсыныстар ішінен қазақша түсірілген, рейтиңі жоғары фильмдерді іріктеп назарыңызға ұсынады.

Qazaq Alemi

Жанры: комедия

Тілі: қазақша

Режиссері: Әбілқайыр Асар

Рөлдерде: Нұрлан Қоянбаев, Жалғас Елеусінов, Бағжан Данай, Рахат Ақнұр, Хаджиметова Зарина, Карлығаш Мұхамеджанова, Рамазан Амантай, Жан Байжанбаев

Кинопоисктегі рейтиңі: 7,9

Шыққан жылы: 2024

Ұзақтығы: 1 сағат...

21 қазан күні Алматыда өткен Чемпиондар лигасының топтық кезеңіндегі тартысты матчта «Қайрат» пен кипрлік «Пафос» командалары 0:0 есебімен тең түсті.

Ойынның алғашқы минуттарынан-ақ матч тартысты болды. 4-минутта қонақтардың ойыншысы Араухо Корреа алаңнан қуылып, «Пафос» бір ойыншымен кем ойнады. Соған қарамастан, кипрлік команда сауатты қорғанып, қарсы шабуылдармен қауіп төндіріп отырды.

Екінші таймда «Пафос» есеп ашқандай болды. Доп «Қайрат» қақпасына кіргенімен, VAR жүйесі офсайд тіркеп, гол есептелмеді.

«Қайрат» қақпашысы Темірлан Анарбеков бірнеше қауіпті соққыларды қайтара отырып, қақпасын құрғақ сақтап қалды. Айта кетейік, Анарбеков жақында ғана ауыр жарақатынан айығып алаңға оралған еді.

Freedom Superapp пайдаланушылары Freedom Media платформасы арқылы тікелей банктік қосымша арқылы сериал, спорт және теледидар көре алады.

Бұл туралы Freedom Holding Corp. негізгі акционері әрі басшысы Тимур Турлов Фейсбук парақшасында жазды.

«Біздің Freedom Media медиаплатформамыз SuperApp қосымшасынан ашылады. Суперап экожүйесіне толыққанды стримингтік сервисті қосу бізге дейін әлемде ешкім істемеген іс болар. Бұл өте қиын жұмыс, бірақ біздің команда экожүйенің мақсаты осы, яғни сапалы контент пен көңіл көтеру деп түсіндік. Енді 3 миллионнан астам SuperАpp қолданушылары біздің түпнұсқа сериалдарымызға, телехабарларға, спорттық шараларға, соның ішінде әлемдегі ең жақсы футбол лигалары мен Формула 1-ге қол жеткізе алады...

Елдің оңтүстігінде ауа райы күндіз +25 градусқа дейін ысып, батыста кей жерлерде қатты жаңбыр жаууы мүмкін. Қазгидромет 22 қазанға ауа райы болжамын ұсынды.

Испанияның Барселона қаласында қазақстандық әнші Димаш Құдайбергеннің концертіне арналған ерекше жарнамалық науқан басталды. Қала көшелеріне Димаш бейнеленген автобустар шықты.

Димаштың ресми сайты хабарлағандай, концерт 8 қарашада Бадалон олимпиадалық аренасында өтеді. Жарнама B24 және B25 маршруттарының автобустарында орналастырылған. Бұл Барселонаның ең көп жүретін қоғамдық көліктері. Автобустардың бірі концерт өтетін аренаның дәл жанынан өтеді, ал екіншісі танымал Мagic сауда орталығында жүреді.

Осылайша, мыңдаған тұрғындар мен туристер күн сайын қазақстандық әртістің портреті бар жарқын баннерлерді көре алады.

«Бұл жай ғана керемет! Біз қазір Димаштың Барселона көшелерімен «өтіп бара жатқанына» өте қуаныштымыз. Бұл идеяны жүзеге асыруға көмектескендердің барлығына рақмет...

Құжат Қазақстан азаматтарының Қатарда жұмысқа орналасуының құқықтық және ұйымдастырушылық жағдайын, сондай-ақ, тараптардың оларды әлеуметтік және құқықтық қорғауды қамтамасыз ету жөніндегі міндеттерін айқындайды, деп хабарлайды Kursiv.Media.

Қазақстан президенті Қасым-Жомарт Тоқаев Қазақстан мен Қатар үкіметтері арасындағы Қазақстан азаматтарын жұмысқа орналастыру тәртібін реттейтін келісімді ратификациялау туралы Заңға қол қойды. Құжат жұмысшылардың құқығын қорғауға және оларды жалдаудың заңды тетігін құруға бағытталған.

Келісім не жайында

Құжатқа сәйкес, қызметкерлерді жалдау қатарлық жұмыс берушілердің ресми өтініштері бойынша жүзеге асырылады. ҚР Еңбек және халықты әлеуметтік қорғау министрлігі Қазақстан тарапынан келісімді іске асыру жөніндегі уәкілетті орган болып тағайындалды.

Қатардағы жұмыс берушілер міндетті:

Петропавлда полиция террористік акт туралы жалған хабарлау фактісі бойынша сотқа дейінгі тергеу жүргізуде. Бомба туралы «қалжыңдаған» 14 жастағы мектеп оқушысы дабыл қағып кеткені белгілі болды, деп хабарлайды Kursiv.Media.

Солтүстік Қазақстан облысы полиция баспасөз қызметінің хабарлауынша, 20 қазанда кезекші бөлімге қала мектептерінің бірінде жарылғыш қондырғы бар деген хабарлама келіп түсті. Оқиға орнына барлық шұғыл қызметтер — полиция қызметкерлері, қызметтік иттері және жарылғыш заттар залалсыздандырғыш адамдар келді. Мұқият тексеруден кейін ешқандай қауіп жоқ екені анықталды.

Полиция тез арада жалған қоңырау авторын анықтап, ұстады. Ол мектеп оқушысы болып шықты. Алдын ала мәліметтер бойынша, бала көңіл көтеру үшін полицияға қоңырау шалған.

Атақты қытайлық актер әрі режиссер Джеки Чанның жаңа фильмін қазақстандық режиссер Роберт Кун түсіретін болды, деп хабарлайды Kursiv.Lifestyle.

Salem Entertainment компаниясының хабарлауынша, «Құдай сауыты: Ультиматум» фильмінің режиссері Роберт Кун болады. Оның кандидатурасын Джеки Чан жеке өзі таңдаған.

Роберт 20 жылдан астам уақыт бойы экшн-сахналардың режиссері болды. Ол Disney, Paramount, 20th Century Fox, Universal, MGM студияларының жобаларында, «Күндізгі күзет», «Аса қауіпті», «Президент Линкольн: вампир аңшысы», «Бен-Гур», «Ол айдаһар» және т.б. фильмдерде жұмыс істеген.

Сонымен қатар Роберт қазақстандық Аction Studio Kun-do компаниясының басшысы. «Құдай сауыты: Ультиматум» түсірілімі 2026 жылдың көктемінде басталады.

Айта кетейік, қазан айының басында Джеки Чанға Қазақстанға келіп...

Түркістан облысында 71 жастағы шалдан жүкті болған жасөспірімнің ісін қараған өңірлік полицейлердің үстінен қызметтік тексеру жүргізіледі, деп хабарлайды Kursiv.Media.

Бала құқықтары жөніндегі уәкіл Динара Закиеваның сөзінше, Түркістан облысында 71 жастағы шалдан жүкті болған жасөспірімнің ісін Келес ауданының полициясы номенклатуралық түрде есептен шығарған. ІІМ мен облыс прокуратурасы осы іске байланысты тексеру жүргізетін болады.

«Түркістан облысында қыздың жыныстық тиіспеушілігіне қарсы қылмыс фактісі бойынша ІІМ және облыс прокуратурасымен жұмыс істейміз», – деп жазды уәкіл.

Оның сөзіне сүйенсек, қыз бала қаңтар айында босанып, анасы полицияға шағымды қазан айында түсірген. Дегенмен қыз бала Астана қаласында босанған кезде аурухана...

Қазақстан президенті Қасым-Жомарт Тоқаев Жапонияның жаңа премьер-министрі Санаэ Такаичиге құттықтау жеделхатын жолдады, деп хабарлайды Kursiv.Media.

«Қасым-Жомарт Тоқаев Санаэ Такаичиді Премьер-министр лауазымына сайлануымен құттықтап, Жапонияның игілігі жолындағы бастамаларына сәттілік тіледі», – делінген Ақорда хабарламасында.

Бұған қоса, Тоқаев Қазақстан мен Жапония арасындағы қарым-қатынасты одан әрі нығайтып, стратегиялық серіктестікті жаңа деңгейге көтеру үшін бірлесе күш-жігер жұмылдыруға дайын екенін жеткізген.

Айта кетейік, осыған дейін Жапония тарихында алғаш рет әйел адам премьер-министр болып сайланғанын жазған едік. Жапония парламенті Либерал-демократиялық партиясының (ЛДП) жетекшісі Санаэ Такаитиді елдің жаңа премьер-министрі ретінде бекіткен. Бұл шешім ЛДП мен Жапонияның инновациялар партиясы арасындағы...

Сотталған ҰҚК экс-басшысы Кәрім Мәсімовтің коллекциясындағы барлық дерлік суық қаруы аукционда сатылды, деп хабарлайды Kursiv.Media.

Қайтарылған активтерді басқару компаниясы хабарлағандай, антикварлық және кәдесый қылыштары, балталар мен қанжарлар бастапқы бағадан 2,2 млн теңгеге қымбатқа сатылды.

Астанадағы Мәсімов сарайынан алынған суық қару топтамасында 25 зат болған. Ең қымбат зат екі қылыш болды: оның бірі қынаптағы 930 мың теңгелік, екіншісі сары металдан жасалған 837 мың теңге тұрады. Ал ең арзан мүлік әрқайсысы 38,4 мың теңге тұратын «Айбалта».

«2025 жылы компанияның аукциондарында жалпы сомасы 6,5 млн теңгеге 24 бірлік суық және кәдесый қаруы (қылыштар, қанжарлар, балталар) сатылды, бастапқы құны...

Aeka.posh лақап атымен танымал қазақстандық блогер Айым Алтынбекова төрт жылдан кейін хиджабты шешуге шешім қабылдады, деп хабарлайды Kursiv.Lifestyle.

Алтынбекова шешімін 11 миллион жазылушысы бар Instagram-парақшасында жария етті. Оның айтуынша, ол төрт жыл бойы оранып, бірнеше рет умраға сапар шеккен.

«Кейде көзқарас сенім жоғалғаннан емес, іште тыныштық орнағандықтан өзгереді. Мен қолымнан келгеннің бәрін жасадым, іздедім, оқыдым, оған толықтай енуге тырыстым, бірақ уақыт өте келе шаршау пайда болды», – деді Аeka.posh.

Алтынбекованың айтуынша, екінші баласы дүниеге келгеннен кейін оның өмірінде көп нәрсе өзгерді. Оның айтуынша, ол сенімнен емес, айналадағы тұрақты шудан және әр қадамды «мұқият...

Шымкентте зорлық көрді деп хабарланған колледж оқушысының ісі қылмыс құрамының болмауына байланысты тоқтады. Дегенмен бұған жәбірленуші тарап қарсы. Оқиға қалай болды, іс неге тоқтады?

Шымкент полициясы Түркістан қаласының тұрғыны, 16 жастағы қызға қатысты қылмыстық істің қысқарғанын мәлімдеді. Бұдан бұрын «Не молчи» қоры 2 жыл бұрын 16 жасар қызды Түркістан облысы Иқан ауылының 20 жастағы тұрғыны зорлап, артынан алып қашқанын хабарлаған еді. Бұл некеге қыздың ата-анасы қарсы болған.

«Ата-анасы қызын бірден іздеп ауылға барған. 70 жастағы әкесі шу шығарып, қызын алып кеткен. Ізінше полицияға арызданған. Тергеуші, прокурор және тергеу бөлімінің орынбасары әкесіне қыздың ерікті түрде келін...

Отбасы банк «Aqyl» депозитіне байланысты шарттар жаңартылғанын хабарлады.

2025 жылдың 13 қазанынан бастап «Aqyl» білім беру депозиттік шотының мөлшерлемесі жылдық 14,9 пайыз (ЖТСМ – 16%-дан бастап) болады.
Жаңа мөлшерлеме келесі жағдайларға қолданылады:
– 2025 жылдың 13 қазанынан бастап ашылған жаңа салымдарға;
– Сол күннен бастап ұзартылған салымдарға.

Қолданыстағы шарттар салым мерзімі аяқталғанға дейін өзгеріссіз қалады.

Отбасы банктің хабарлауынша, «Aqyl» – Ұлттық қор қаржысын баланың болашағына жинауға және көбейтуге арналған тиімді депозит. Білім беру шығындарының өсуі мен валюта бағамдарының ауытқуы аясында Aqyl салымы ұзақмерзімді жинақ үшін ең тиімді әрі қорғалған құралдардың бірі болып қала береді.