Жаңалықтар

Қазақстан мен Ресей шекарасында жүк көліктерінің кептелісі пайда болған. Бұл туралы Ресей басылымдары жазып жатыр.

Қай елге өту қиын?

Ресейлік БАҚ-тардың хабарлауынша, Қазақстан шекарасынан Ресей аумағына кіру қиындаған. Сондай-ақ Қазақстанға өтетін бағатты да кептеліс пайда болған. Мәселен, «Теплое» автомобиль өткізу пунктінде көлік аз болғанымен, бір сағатта тек 9 көлік өтіп үлгеріп жатқаны айтылады. Ал «Маштаково» өткізу бекетінде – ұзын көлік кезегі. Мұнда Ресейден Қазақстанға өте алмай тұрған көліктер көп.

Әсіресе, Орск – Әлімбек өткізу бекетінде Қазақстаннан Ресейге өте алмай тұрғандар көп. Бұл өткізу бекетінен тек жүк көліктері ғана емес, қарапайым жеңіл көліктег...

Ресейде әзілкеш Ньургун Атаковқа қатысты әкімшілік іс қозғалғаны туралы ақпарат тарады. Оның қазір Қазақстанда тұратыны ретінде белгілі. Оған қатысты Ресейдің әкімшілік құқық бұзушылық туралы кодексінің 20.3.1-бабына сәйкес ұлтаралық араздықты қоздыру және адам қадір-қасиетін қорлау фактісі бойынша іс қозғалған. Бұл туралы Якутия.инфо хабарлады.

Редакция таратқан ақпаратқа сәйкес, іс маусымда екі рет Якутск қалалық сотына түскен, алайда сот процестік құқық бұзушылықтар бар екенін көрсетіп, полицияға екі рет қайтарған.

Атаков сахнада орыс тілі мен орыс халқына, басқа да ұлттарға қатысты дөрекі сөйлеген.

Алайда әзілкеш бұл жағдайға қатысты пікір білдірмеді.

Айта кетейік, Атаков үш жыл бұрын Алматыға көшіп келген. Мұнда стендап-артист ретінде шығармашылы...

Көлік министрі қызметіне Нұрлан Сауранбаев тағайындалды. Жарлыққа Қазақстан президенті қол қойды.

Айта кетейік, 2025 жылдың 8 маусымынан бері бұл қызмет бос тұрды. Сол күні Қасым-Жомарт Тоқаевтың жарлығымен Марат Қарабаев Көлік министрі лауазымынан босатылды.

Нұрлан Сауранбаев туралы не белгілі

Нұрлан Сауранбаев 1967 жылы Жамбыл қаласында туған. Киров атындағы Қазақ мемлекеттік университетін, Мұнай өнеркәсібін оқыту орталығын (Италия) бітірген. Мамандығы бойынша экономист, мұнай әкімшілендіру магистрі.

Ол 2010-2011 жылдары «Самұрық-Қазына» ҰӘҚ» АҚ басқарма төрағасы орынбасарының кеңесшісі; басқарушы директоры болды.

2011-2014 жж. – индустрия және жаңа технологиялар вице-министрі.

2014-2016 жж. – қорғаныс министрінің орынбасары.

2016-2017 жж. – ЭКСПО-2017 халықаралық мамандандырылған көрмесін дайындау және...

АҚШ президенті Дональд Трамп TikTok-тың америкалық сегментін сату бойынша келісімге келгенін хабарлады. Оның сөзінше, оны ірі инвесторлар тобы сатып алмақшы деп жазады Deutche Welle.

Ол инвесторлар тобына әлі кімдер кіретіні белгісіз. Fox News-қа берген сұхбатында олардың есімін алдағы екі апта ішінде айтуға уәде берді. Трамптың түсіндіруінше, мәміле толық аяқталуы үшін ҚХР төрағасы Си Цзиньпиннің келісімі керек және ол мәселеде оң шешім болатынына сенімді екенін де атап өтті.

Еске салайық, Трамп президенттікке келгелі бері TikTok-ты қытайлық ByteDance компаниясынан сатып алу туралы уәде берген еді. TikTok-тың америкалық бөлімшесін сатуға міндеттейтін заң жобасы Джо Байденнің кезінде басталған. Ақ үй әкімшілігі америкалы...

Бұрынғы Қорғаныс министрі Руслан Жақсылықов Қауіпсіздік Кеңесіне жаңа қызметке тағайындалды. Бұл туралы Ақорда хабарлады.

«Мемлекет басшысының өкімімен Руслан Фатихұлы Жақсылықов Қазақстан Республикасы Қауіпсіздік Кеңесі Хатшысының бірінші орынбасары лауазымына тағайындалды», – делінген Ақорда хабарламасында.

Еске сала кетсек, 10 маусым күні экс-министрдің қамауға алынғаны туралы ақпарат тарап кетті. Телеграм арналары Жақсылықовтың тергеу изоляторына қамалғаны туралы жарыса жазды. Алайда ақпаратты ешбір құзырлы орган растамады.

Бұдан кейін БАҚ өкілдері шенеуніктің жеке телефонына хабарласып, Жақсылықовтың үйде отырғанына көз жеткізді. Бұрынғы министрі еңбек демалысын алғанын айтып, өзі үйінде демалып жатқанын растады. Ал өзіне қатысты жалған ақпарат...

Біз күнделікті ірілі-ұсақ көп зат сатып аламыз. Кейбірін тіпті елемейміз. Әбден қалыпты жағдай қылып алғанбыз. Ал енді сол әдеттен бірнеше күнге тыйылып көрсе қалай болады? Мысалы бір апта ештеңе сатып алмайсыз. Одан не өзгереді деп ойлауыңыз мүмкін. Бірақ осы жеке тәжірибеден соң менде біршама өзгеріс болды. Иә, керемет үнемдеп, байып кетпедім. Дегенмен түсінгенім көп. Ойланбай зат ала салу, шопиң жасаудан тыйылған бір апта туралы толығырақ айтайын.

Неге мен no-buy days жасап көргім келді?

Ойлап қарасам, кейінгі кезде өмірім картамен төлеуден тұратын болып кетіпті. Бітпейтін төлем, жеткізу, акциялар деп тым беріліп кеткен екем. Бұрын айына бір жасайтын шопиң саны...

АҚШ-та автокөліктерге салынатын импорттық баждарға байланысты әлемдік автоөнеркәсіп алаңдаушылық білдіріп жатқан тұста, Toyota Motor Corp. керісінше, өсім көрсетті. 2025 жылғы мамырда компания қатарынан үшінші рет айлық сатылым рекордын жаңартты. Бұған АҚШ, Жапония және Қытайдағы гибрид көліктерге деген жоғары сұраныс себеп болды.

Авто алпауыттың мәліметінше, Daihatsu Motor Co. және Hino Motors Ltd. еншілес компанияларын қоса алғанда, компанияның жаһандық сатылымы 955 532 көлікке жеткен. Бұл өткен жылдың осы айымен салыстырғанда 8%-ға артық. Ал әлем бойынша өндіріс көлемі 906 984 көлікті құрады.

Саяси тәуекелдерге қарамастан өсу қарқыны сақталып отыр

Toyota-ның бұл жетістігі әлемдік автонарықтағы белгісіздіктер жағдайында ерекше назар аудартады. АҚШ президенті Дональд Трамп...

Өткен апта жаһандық және жергілікті нарықтар үшін салыстырмалы тұрақтылық пен бір мезетте қайта бағдар алу кезеңі болды. Геосаяси тәуекелдердің уақытша әлсіреуі, мұнай бағасының күрт құлдырауы және АҚШ қор нарығындағы рекордтық өсім — барлығы да инвесторлар үшін жаңа бағыттарды айқындап берді.

Мұнай нарығы: Геосаясаттың көлеңкесінде қалыптасқан құлдырау

Brent маркалы мұнай бағасы өткен аптаның басты тақырыбына айналды. Апта барысында баға 11,53%-ға құлдырап, $67,70 деңгейінде бекіді. Бұл қарапайым техникалық түзету емес — әлемдік сұраныстың әлсіреуімен қатар, геосаяси үстеме бағалардың біртіндеп жойылуының көрінісі.

Бағаның күрт құлдырауына әсер еткен бірнеше фактор бар:

Әзербайжанның Мәдениет министрлігі Ресейдің мемлекеттік және жекеменшік құрылымдары ұйымдастырған барлық мәдени іс-шараларды өткізуді тоқтататынын мәлімдеді. Бұл туралы министрлік ресми мәлімдемені X әлеуметтік желісінде жариялады.

Концерттерге, театр қойылымдарына, фестивальдерге, көрмелер мен басқа да мәдени жобаларға қатысты. Министрліктің хабарлауынша, мұндай шешім Ресейдің Екатеринбург қаласында орын алған оқиғаларға байланысты қабылданған.

27 маусымда Ресей құқық қорғау органдары Екатеринбургте рейд жүргізген. Әзербайжан Сыртқы істер министрлігінің мәліметінше, сол рейд кезінде екі әзербайжан азаматы көз жұмып, бірнеше адам ауыр жарақат алған, тоғыз адам ұсталған.

Кейбір ақпарат көздері бұл шаралар қылмыстық топтың жолын кесуге бағытталған деп хабарлайды. Ал Ресей тарапы әзірге қаза тапқандар туралы мәліметті ресми растамады.

Свердлов...

Отызға келгенде кей адамдардың ішінде қарсылық пайда болады. Осы кезге дейін істеп келген жұмысы ұнамайды. Басқа салаға ауысқысы келеді. Бірақ жұрттың сынына қаламын деп қорқады. «Жасың болса отызға келді. Бәрін басынан бастап не көрінді?» деп түсінбеуі мүмкін. Мансап жолын қайтадан нөлден бастауға батпай жүргендердің бірі болсаңыз, онда сізге арнап нұсқаулық дайындадық.

Неге отыздан асқанда әлденені өзгертуге құлшыныс пайда болады?

30+ деген жас — шынымен өткен-кеткенді саралайтын, жан-жаққа қарайтын жас. Бұрынғыдай елегізіп бос қиялдың соңынан жүре бергіңіз келмейді. Өзіңізге ұнамайтын, токсик ортада жүруге болмайтынын түсінесіз. Өмірдің мәнін іздеп кететін жас та осы кезеңге тап келеді. Құндылықтарыңызға, өмір...

1 шілдеден бастап Алматы қаласында балабақшаларды ваучерлік қаржыландыру жүйесі іске қосылады. Бұл жүйе Оқу-ағарту министрлігінің 2024 жылғы 30 желтоқсандағы бұйрығына сәйкес енгізілмек.

Жаңа жүйенің басты мақсаты — мектепке дейінгі білімді қолжетімді ету, сапасын арттыру және ата-аналарға балабақша таңдауда еркіндік беру. Ваучер арқылы ата-аналар мемлекеттік және жекеменшік балабақшаға ақы төлеуге мүмкіндік алады.

Бағдарламаға Алматы қаласындағы 988 мектепке дейінгі ұйым қатысады. Оның ішінде 196 мемлекеттік балабақша болса, ал 792-сі жекеменшік. Ата-аналар балабақшаны бос орынға қарай таңдай алады.

Ваучерді алу үшін ата-аналар https://balabaqsha.snation.kz электронды порталы арқылы өтініш береді. Ваучер балабақшаға төленетін ақы мөлшерінің бір бөлігін жабады. Қаржыландыру тек бала балабақшаға барғаны расталғаннан...

Ұлттық банк жанынан мемлекеттік криптоактив резервін құру жоспарланып отыр. Бұл туралы Ұлттық банк төрағасы Тимур Сүлейменов депутаттық сауалға берген жауабында айтқан.

Халықаралық тәжірибеге сәйкес, мұндай резервтің негізгі көздері — тәркіленген криптоактивтер мен мемлекет қатысатын майнингтен алынған криптовалюта болуы мүмкін. Сонымен қатар крипторезервті қауіпсіз сақтау үшін арнайы басқарушы ұйым құру қарастырылып отыр. Сүлейменовтің айтуынша, криптоактивтерді сақтау мен пайдалануда ашықтық пен тұрақтылық басты талап болады.

Ұлттық банк крипторезервті тиімді басқару үшін халықаралық егемен қорларды басқару тәжірибесін негізге алмақ. Алдағы уақытта резервті толықтыру мен цифрлық активтерді пайдалану тәртібін заңмен бекіту жоспарлануда. Бұл үшін Ұлттық банк Мәжіліс депутаттарымен бірге заңға түзетулер енгізуді талқылауға...

Қытайдың жетекші электромобиль өндірушісі – BYD компаниясы 2025 жылдың соңына дейін Венгрияда өз зауытын іске қосатынын ресми түрде растады. Бұл кәсіпорын елдің оңтүстігіндегі Сегед қаласында салынып жатыр және BYD-дің Еуропадағы алғашқы өндірістік орталығы болмақ. Аталған қадам BYD-дің Еуропадағы орнын күшейтуге және Еуроодақтың қытайлық автоөндірушілерге қатысты сауда шектеулерін айналып өтуге деген стратегиялық ұмтылысының айғағы.

Неліктен Венгрия таңдалды?

BYD Венгрияны таңдауы кездейсоқ емес. Бұл ел соңғы жылдары шетелдік инвесторлар үшін маңызды өндірістік алаңға айналды. Мұнда BMW, SK On және қытайлық аккумулятор өндіруші CATL өз зауыттарын салып жатыр. Венгрия үкіметі инвесторларға мол субсидиялар ұсынып, салықтық жеңілдіктер мен тиімді логистиканы қамтамасыз...

Алакөл жағажайын Түркия мен Мысырдың үлгісімен кеңейтіп, дамыту жоспарланып отыр. Көл жағасына халықаралық қонақүй, эко-үйлер мен демалыс кешендерін салу үшін қытайлық инвесторлар тартылмақ. Бұл туралы Абай облысының әкімдігі хабарлады.

Облыс әкімі Берік Уәли Мақаншы ауданына жұмыс сапарында Алакөлді дамытуға арналған жаңа Бас жоспардың тұжырымдамасымен танысқан.

Қазіргі кезде көл жағасында 300 гектар жағажай аймағы бар. Сарапшылар оң жағалаудағы жердің саз екенін анықтап, енді сол жағалауды ұзарту жоспарда бар. Осылайша жағажай аумағы кеңейеді.

Жаңа жоспарды дайындау кезінде Түркия мен Мысырдың жағажай туризмін дамыту тәжірибесі үлгі ретінде алынбақ. Халықаралық стандарттарға сәйкес, су шетінен 100 метр жерде тек құм жабыны болуы керек.

Қазақстандық теннисші Анна Данилина Ұлыбританияның Истборн қаласында өткен WTA 250 турнирінде жеңіске жетті. Бұл туралы Қазақстан теннис федерациясы хабарлады.

Анна Данилина бұл турнирде чехиялық Мария Боузковамен жұптық сында өнер көрсетті. Финалда олар Тайвань өкілі Се Шувэй мен Австралиялық Майя Джойнтты 6:4, 7:5 есебімен жеңді.

Федерация мәліметінше, Аннаның еншісінде жұптық разрядта WTA турнирлерінің 13 титулы бар. Оның ішінде бір WTA 1000, екі WTA 500, жеті WTA 250 және үш WTA 125 турнирінің чемпионы атанған.

Сондай-ақ 2023 жылы Данилина фин спортшысы Харри Хелиеваарамен бірге US Open турнирін аралас жұптық сында жеңіп алған.

Бұған дейін 24 жастағы қазақстандық теннисші Бейбіт Жұқаев...

Балқашқа саяхаттайтындардың көпшілігі Қарағанды және Жамбыл облысы жағындағы жағалауға барады. Алайда Шығыс Балқашты біреу білсе, біреу білмес. Жетісу облысындағы Сарқан ауданындағы жағалау жаңа дестинация ретінде енді танылып келеді. Алдағы жылдары ауқымды рекреациялық жобаға айналып, Жетісу облысына келетін туристер санына 9 есеге арттыруы мүмкін. Kursiv.Media тілшісі шығыс Балқашқа апаратын жол мен инфрақұрылымын өз көзімен көріп қайтты.

Суы тұзды, жағасы – құм  

Балқаш көлі жағажай туризмін ұнататындар үшін таптырмас жер. Көлдің  бірегейлігі батыс жақ бөлігінің суы тұщы болса, шығыс жағы тұзды. Шығыс жағында жазғы демалу кезеңі маусымның ортасынан басталып тамыздың соңына дейін созылады. Жаз бойы ауа температурасы 28-30 градус шамасында...

Жетісу облысында екі полицей қызметтік міндетін атқару кезінде қаза тапты. Ішкі істер министрі Ержан Сәденов олардың отбасына көңіл айтты.

Жол-көлік оқиғасы салдарынан полиция департаментінің майоры Арнұр Алханов пен ДП-ның аға лейтенанты Шыңғыс Әсілбеков қайтыс болған.

«Қызметтік міндеттерін атқару кезінде жол-көлік оқиғасында қаза тапқан Жетісу облысы Полиция департаменті қызметкерлері – полиция майоры Арнұр Алханов пен полиция аға лейтенанты Шыңғыс Асылбековтың туыстары мен жақындарына көңіл айтамын», делінген хабарламада.

Бұған дейін Алматыда полицей жанармай бекетіндегі жарылыстың алдын алған.

АҚШ Конгресінің cенаты президент Дональд Трамп ұсынған «The Big Beautiful Bill)» деп аталатын ірі бюджет және салық заң жобасын мақұлдады. Құжат федералдық салықтарды азайту, Пентагон мен шекара қауіпсіздігіне қаржыны көбейту және Medicaid сияқты әлеуметтік бағдарламаларды қысқартуға бағытталған.

Сенаттағы дауыс беру барысында құжатты 51 сенатор қолдап, 49-ы қарсы шықты. Қарсы болғандардың арасында республикашыл Том Тиллис пен Рэнд Пол да бар. Бұған дейін заң жобасын Өкілдер палатасы мамырда қабылдаған, онда 215 депутат қолдап, 214-і қарсы дауыс берді.

Заң жобасы 2017 жылы енгізілген салық жеңілдігін ұзартуды, шайпұл мен артық жұмыс уақытынан түсетін табысқа салынатын салықты алып тастау және отбасыларға арналған шегерімдерді көбейтуд...

Қазір дижитал-мамандардың дені үйден яки онлайн істейді. Сондықтан әріптестерін тек call арасында көріп, үйден шықпай істегеннен тез жалығып кетіп жатады. Жұмыс та бастан асып, дедлайн тіреліп тұрады. Егер осындай сезім таныс болса, онда цифрлық қажу һәм tech-burnout әлеміне есік ашылды деген сөз. Неге көбіне осы дижитал салада істейтіндер бұған көп шалдығады? Мұндайда қалай қалыпқа келуге болады? Осы туралы айтайық.

Tech-burnout деген не?

Бәрі әдеттегідей өтіп жатқан сияқты болады. Ай сайын айлық тұрақты түсіп тұрады. Жұмыста істейтін тапсырмалар да көңіліңізден шығады. Бірақ сонда да бірдеңе жетпей тұратын сияқты сезіледі. Ешқандай мотивация, шабыт, жалын жоқ. Тіпті еңбек демалысын алып, шетелге...

27 маусым күні Netflix платформасында әлемдік феноменге айналған оңтүстіккореялық «Кальмар ойыны» сериалінің үшінші маусымы жарық көрді. 2021 жылы алғаш рет шыққаннан бастап сериал әлеуметтік теңсіздік, адамгершілік пен өмірдің құны сынды күрделі тақырыптарды көтеріп, жаһандық мәдениеттің бір бөлшегіне айналды.

Ескерту: Бұл материалда «Кальмар ойыны» сериалындағы 3-маусым финалына қатысты СПОЙЛЕРЛЕР бар

Сюжетке қысқаша шолу

«Кальмар ойыны» – үмітсіздікке ұшыраған адамдардың өмір үшін күресін бейнелейтін, балалық шақтағы ойындарды қатыгез сынақтарға айналдырған әлеуметтік эксперимент. Бұл маусымда сериал соңғы шегіне жетіп, бұрынғыдан да терең философиялық әрі эмоционалды сипат алды.

Ки-хунның тағдыры

Сериалдың басты кейіпкері Ки-хун соңғы ойынға қатысып, өз...

Президент Қасым-Жомарт Тоқаев Астана қаласында өтіп жатқан Уолтер Эдуард Денди атындағы нейрохирургия қоғамдастығының дүниежүзілік X конгресіне келген халықаралық сарапшыларды қабылдады.

Тоқаев бұл беделді форумның елімізде ұйымдастырылуын отандық нейрохирургия саласының жетістіктері мен кәсіби әлеуетінің халықаралық деңгейде мойындалғанының айқын дәлелі екенін атап өтті.

Ұлт саулығы – кез келген елдің тұрақты дамуының негізі. Сол себепті денсаулық сақтау саласын жан-жақты дамыту мемлекеттік саясатымыздың басым бағыты болып қала береді. Қазақстан медициналық инфрақұрылымды жаңғыртуға, білікті маман даярлауға, цифрландыру мен инновациялық шешімдерді енгізуге қомақты қаржы бөліп келеді, – деді Қасым-Жомарт Тоқаев.

Президент өз сөзінде жасанды интеллект пен цифрлық технологиялардың нейрохирургияда...

27 маусым, жұма күні Италияның Венеция қаласында Amazon компаниясының негізін қалаушысы әрі миллиардер Джефф Безос сүйіктісі Лорен Санчеспен заңды некеге отырды. Үш күнге созылған салтанатты шара сән-салтанатымен, ауқымымен және ұйымдастыру ерекшелігімен көпшіліктің назарын аударды.

Той сәні мен стиль

Күйеу жігіт пен қалыңдық сән әлемінің ең жоғары деңгейіне сай киінген. Лорен Санчес Dolce & Gabbana бренді тіккен классикалық «русалка» үлгісіндегі италиялық шілтерден жасалған көйлек киді. Оның үстіне нәзік тюль мен шілтерден тігілген фата тағылды.

«Бұл жай көйлек емес — бұл нағыз поэзия», — деп жазды Санчес өз Instagram парақшасында, енді есімі ресми Лорен...

2025 жылғы Бұқаралық ақпарат құралдары қызметкерлері күніне орай, Dara Президенттік бастамалар қоры елдің жетекші медиа ұйымдарының өкілдеріне Қасым-Жомарт Тоқаевтың атынан пәтер сертификаттарын табыстады.

Салтанатты шара барысында Президенттің баспасөз хатшысы Руслан Желдібай журналистер қауымын кәсіби мерекелерімен құттықтап, Президент Тоқаевтың ақпарат саласына ерекше көңіл бөлетінін атап өтті.

«Президенттің тапсырмасымен бұл игі шара үшінші жыл қатарынан ұйымдастырылып келеді. Бұл – Мемлекет басшысының отандық БАҚ өкілдеріне үнемі қолдау көрсетіп келе жатқанының дәлелі. Биыл тек журналистер ғана емес, режиссерлер, операторлар, корректорлар секілді медиасаладағы түрлі маман иелері де баспаналы болды. Әсіресе, әлеуметтік жағынан осал санаттарға – көпбалалы отбасылар мен мүмкіндігі шектеул...

2025 жылы автоиндустрия бұрынғыдан да жылдам цифрланып, электромобильдер негізгі көлік түріне айнала бастады. Connected car, жасанды интеллект, цифрлық егіз немесе көліктің виртуалды көшірмесі секілді шешімдер жаппай енгізіліп жатыр. Сарапшылар бұл жылды бүкіл автоиндустрия үшін шешуші кезең деп бағалап отыр.

Биыл электромобильдер бұрын-соңды болмаған серпінмен дамып жатыр. Жаңа модельдер саны артып, жеке көліктермен қатар электр жүк көліктері мен автобустар да жолға шықты. Халықаралық энергетикалық агенттік (IEA) болжамы бойынша, жаһандық нарықтағы электромобильдердің үлесі 18-20%-ға жетпек.

Аталған салада инфрақұрылым да маңызды рөл атқарады. Bloomberg New Energy Finance есебіне сәйкес, 2025 жылға қарай әлем бойынша зарядтау стансаларының саны 25 млн-нан асады. Бұл жанармаймен...