Жаңалықтар

Түркістан облысы Жетісай ауданы Алғабас ауылында 12 адамның өмірін қиған өрттен аман қалған 3 адамның жағдайы әлі де ауыр. Олар жансақтау бөлімінде ем қабылдап жатыр.

Облыстық денсаулық сақтау басқармасының дерегінше, науқастарға интенсивті терапияның толық кешені жүргізіліп жатыр, жағдайы салалық мамандардың толық бақылауында.

«Құтқарушылар келген сәтте зардап шеккендердің бірі 1986 жылы туған азамат үйден өз бетімен шығып үлгерген. Қазір оның жағдайы ауыр, денесінің 12% күйік шалған. Ал 1991 жылы туған тұрғынның денесінің 30% , 2018 жылы туған баланың денесінің 11% күйік шалған. Оларды мамандар шұғыл түрде ауруханаға жеткізген. Қазір екеуі де арнайы аппаратқа қосылған. Жедел көмек көрсету...

Қазақстандағы ең ірі банк – Halyk Bank акцияларының бір бөлігін халықаралық және отандық инвесторларға сатуға шығарады. Мәлімет Халық банкінің сайтында жарияланды.

Құнды қағаздарды Halyk Bank-тің өзі емес, банктің ірі акционері – ALMEX Holding Group сатады. Кем дегенде 12 млн жаһандық депозитарлық қолхат (ЖДҚ) AIX пен KASE, сонымен бірге Лондон қор биржасында сатылады.

«Банк ұсыныстан ешқандай түсім алмайды», – деп жазылған Қазақстан қор биржасында (KASE) да жарияланған мәліметте.

Әр ЖДҚ 40 акцияға тең екенін ескерсек, холдинг кемінде 480 млн қарапайым акцияны сатуды көздеп отыр. Бұл – банк шығарған акциялардың шамамен 4%-на тең.

Премьер-министрдің орынбасары – Ұлттық экономика министрі Серік Жұманғарин Үкіметтегі брифинг барысында Қазақстан азаматтарының жеке сектордағы жалақы деңгейіне қатысты сұраққа жауап берді

Ол Үкіметтің жеке секторға тікелей ықпал ете алмайтынын нақтылады.

«Шынын айтсақ, 9 айдың қорытындысы бойынша жалақының номиналды өсімі 10% болды. Нақты өсім – минус. Өздеріңіз білесіздер, бұл ең алдымен инфляцияның өсуіне байланысты болып отыр. Бірақ жыл әлі аяқталған жоқ. Халықтың табысы дегенде біз тек жалақыны ғана айтып отырған жоқпыз. Жыл соңында 13-ші жалақы берілетінін жақсы білесіздер. Бұл ұжымға басшылықтың премия беруіне, қосымша төлемдерге және басқа да факторларға байланысты», – деді Жұманғарин.

Оның сөзінше, қазір...

Мәжілістің жалпы отырысында «AMANAT» партиясы фракциясының мүшесі, депутат Асхат Аймағамбетов қауіпсіз еңбек жағдайларын жетілдіру және жұмыскерлердің еңбек құқықтарын қорғау мәселелері бойынша заң жобасына енгізілген өзгерістер туралы баяндады.

Депутаттың айтуынша, заң жобасында тек еңбек қауіпсіздігі ғана емес, әлеуметтік әділеттілікті қамтамасыз ететін маңызды нормалар қарастырылған.

«Атап айтқанда, біз бұл заң арқылы әкелердің де құқығын қорғап отырмыз. Қазіргі қолданыстағы жүйеде, егер жұмыссыз ана үш жасқа дейінгі бала күтімімен үйде отырса, бұл кезең оның еңбек өтіліне есептеледі. Алайда дәл осы құқық әкелерге берілмеген. Біз бұл теңсіздікті жоюды ұсынамыз», – деді Асхат Аймағамбетов.

Заң қабылданған жағдайда, егер бала күтіміне...

Ұлттық банк төрағасы Тимур Сүлейменов Үкіметте халықтың әл-ауқатын арттыру бойынша 2026-2028 жылдарға арналған бірлескен іс-қимыл бағдарламасы аясында қандай шараларды қабылдайтынын айтып берді.

Ақша-кредит саясаты

Сүлейменов ең біріншіден ұстамды қатаң ақша-кредит саясатын жүргізу жайлы айтты. Сөзінше, ақша-кредит саясаты инфляцияны төмендетуге, инфляциялық күтулерді тұрақтандыруға және теңгеге деген сенімді нығайтуға бағытталады. Базалық мөлшерлеме бойынша шешім қабылдағанда тәуекелдер балансы, сыртқы конъюнктура мен ішкі сұраныс, жұмыспен қамту және басқа да экономикалық факторлар жан-жақты талданып, есепке алынады.

«Биыл қыркүйектен бастап минималды резервтік талаптардың жаңартылған нормативтері күшіне енді. Бірінші кезеңнің қорытындысы бойынша өтімділік профициті 7,7 трлн теңгеден 5,8 трлн теңгеге дейін қысқарды...

Соңғы аптада Қазақстанда 183 мың адам ЖРВИ-мен ауырған. Былтырғы эпидемиялық маусыммен салыстырғанда, аурушаңдық 16% артқан. Бұл жайлы Үкімет отырысында Денсаулық сақтау министрі Ақмарал Әлназарова айтты.

Биыл тұмаудың айналымы 41 аптада, яғни қазан айының бірінші жартысында, өткен эпидемиологиялық маусымнан сәл ертерек анықталды. Бұрын Қазақстан аумағында айналымда болмаған тұмаудың жаңа түрлері анықталған жоқ. ЖРВИ және тұмау белгілері бар пациенттер тұмауға қарсы емес вирустарға да тексеріледі. Республика бойынша риновирус, парагрипп, аденовирус, бокавирус, коронавирус, РС вирусы, метапневмовирустердің айналымда жүргені байқалады. ЖРВИ-дің 66%-ы 14 жасқа дейінгі балалар арасында таралған», – деді ол.

Денсаулық сақтау министрлігінің мәліметінше, соңғы аптада республикада...

Сауд Арабиясының «Әль-Наср» клубында өнер көрсететін әлемге танымал футболшы Криштиану Роналду АҚШ президенті Дональд Трамп ұйымдастырған Ақ үйдегі ресми кешкі асқа қатысты. Бұл туралы REUTERS хабарлады.

Кешкі ас Сауд Арабиясының тақ мұрагері Мұхаммед бин Салманның ресми сапарына байланысты арнайы ұйымдастырылған.

Кешкі асқа Роналду ғана емес, сондай-ақ FIFA президенті Джанни Инфантино, кәсіпкер Илон Маск, АҚШ мемлекеттік хатшысы Марко Рубио, қаржы министрі Скотт Бессент және Пентагон басшысы Пит Хегсет те қатысты.

Дональд Трамп шара барысында Роналдуға алғысын білдіріп, футболшының қатысуы оның отбасы үшін де ерекше мәнге ие екенін атап өтті. АҚШ президенті өз сөзінде 19 жастағы ұлы Бэррон көп жылдан...

Үкіметтегі баспасөз мәслихаты барысында журналистердің бірі Ұлттық банк басшысы Тимур Сүлейменовтен сыйақысы жайлы сұрады. Алайда сұрақ жауапсыз қалды.

Ұлттық банк төрағасы Тимур Сүлейменовтен журналист алатын сыйақысы туралы сұрады.

«2024 жылы ҰБ басшысы сіз бастап, топ-менеджерлер және директорлар кеңесі өзіне 1,7 млрд теңге премия жазып алған деген ақпарат шықты. Дәл сол кезде Ұлттық банк 355 млрд теңге шығынға батып жатты. Осындай жағдайда миллиардтаған сыйақы жазып алудың қажеттігі неде болды?», – деп сұрады журналист.

Үкіметте баспасөз мәслихатын жүргізіп отырған модератор «Күн тәртібіне байланысты емес» деп сұрақты алып тастады. Алайда журналист халықтың әл-ауқатына қатысты мәселе бұл тақырыпқа жақын...

Орал қаласы әкімдігіне қарасты Зашаған кентінде оқушы қызды зорлау оқиғасы 29 қыркүйекте № 20 орта мектеп орналасқан ауданда болған. Полиция қылмыстық іс қозғаған. Енді ауыл әкімі істі болғаны мәлім болып отыр. Бұл туралы «Қазақпарат» хабарлады.

Орал қаласының прокуроры Мейірхан Ізімовтің айтуынша, қылмыс қарсаңында ата-аналар мектепке баратын жолға жарық жүргізіп, ағаштарды қырқуды қайта-қайта сұраған.

«Алайда Зашаған әкімдігі оған салғырт қараған. Зорлық оқиғасынан кейін ғана жол бойындағы ағаштар кесілді», – деп таратты агенттік.

Прокурордың айтуынша, Зашаған кенті әкімдігіндегі шенеуніктердің салғырттығына байланысты қылмыстық іс қозғалды. Тергеу нәтижесінде процессуалдық шешім қабылданады.

Батыс Қазақстан облысының полициясы жергілікті атқарушы органға...

Премьер-Министр орынбасары Қанат Бозымбаев Алғабас ауылындағы жеке тұрғын үйде шыққан өрт оқиғасында қылмыстық құрам жоқ екенін мәлімдеді.

«Кеше сағат 05.36-да Түркістан облысы Жетісай ауданының Алғабас ауылында жеке тұрғын үйде өрт шықты. Екі қабатты үй толығымен өртке оранды, шатырдың ішінара құлауы болды. ТЖМ күштері мен құралдары дереу жіберілді (20 қызметкер және 5 бірлік техника), өрт сағат 07.22-де жойылды. Өкінішке орай, өрт орнында 12 адам қаза тапты, олардың 9-ы балалар. 3 адам зардап шекті, олар қазір Жетісай аудандық орталық ауруханасының реанимациясында», – деді Бозымбаев Үкімет отырысында.

Вице-премьер оқиға орнында тергеу шаралары жүргізіліп, өрттің себеб...

Премьер-Министрдің орынбасары – Ұлттық экономика министрі Серік Жұманғарин Үкімет отырысында 2026-2028 жылдары экономика жылына орта есеппен 5% деңгейінде өсетінін мәлімдеді.

Жұманғарин өсімнің сапасы туралы айта келе, Үкімет тек жалпы ішкі өнім құрылымы салаларындағы өсуді ғана мақсат етпейтінін жеткізді. Өсімді қамтамасыз етуде адами капитал, негізгі капитал, табиғи ресурстар, еңбек өнімділігі және технологиялар сияқты маңызды факторлардың үлесі ескерілетінін атап өтті.

«Осыған байланысты әлеуетті жалпы ішкі өнім бойынша экономикалық өсудің декомпозициялануы өзекті болып отыр. Өсудің ең маңызды факторы «жиынтық өнімділік» болып саналады. Ол экономикалық өнімді құру процесінде еңбек пен капитал сияқты барлық өндіріс факторларын пайдалану тиімділігін өлшейді. Жиынтық өнімділікт...

Қазақстанның экономикалық өсуін жеделдету және инвестиция тарту қажеттілігі аясында «Бәйтерек» Ұлттық басқарушы холдингінің рөлі түбегейлі күшейеді. Ұлттық экономика министрі Серік Жұманғарин баяндамасында осылай деп мәлімдеді.

Ведомство басшысы енді холдинг қызметі бөлуден стратегиялық инвестициялық қызметке көшетінін, елдің негізгі инвестициялық холдингіне айналғанын айтты.

«Холдингтің бөлу қызметінен стратегиялық инвестициялық қызметіне көшу жоспарлануда. Бүгінде ол еліміздің Инвестициялық холдингіне айналды. Холдинг ұлттық экономика үшін барынша мультипликативтік әсерді қамтамасыз ететін 15-20 жүйе құраушы жобаны іске асыруға шоғырланады», – деді ол.

Бұл жобалардың ішінде тау-металлургиялық кешеніне, машина жасауға, энергетикаға, инфрақұрылымға, туризмге, агроөнеркәсіптік кешенге, тамақ өнеркәсібіне, химия, мұнай-газ химиясына, агрохимияға, құрылыс материалдарын өндіруге басымдық беріледі.

Үкімет 2026 жылғы бірінші тоқсанның аяғына дейін коммуналды тарифтерді өсіруді тоқтатады. Премьер-министрдің орынбасары, ұлттық экономика министрі Серік Жұманғарин осылай айтты.

Вице-премьер үкіметтің 19 қарашадағы отырысында халықтың әл-ауқатын арттыру жөніндегі үш жылдық бағдарламасы туралы баяндама жасады. Онда коммуналды тарифтер туралы да сөз болды.

«2026 жылғы бірінші тоқсанның аяғына дейін барлық тұтынушы топтары үшін коммуналды тарифтердің өсуі тоқтатылды», – деді Жұманғарин.

Министрдің айтуынша, тарифтерді көтеруге мораторий жарияланған уақытта табиғи монополия субъектілерін кешенді тексеру жүргізіледі.

Дегенмен мұндай мораторий көпке созылмайтыны мәлім болып отыр.

«2026 жылғы екінші тоқсаннан бастап тарифтерді көтеру инфляцияны...

Қазақстан премьер-министрі Олжас Бектенов Мәскеуге барып, Шанхай ынтымақтастық ұйымына (ШЫҰ) мүше елдердің үкімет басшыларының отырысына қатысты. Сол жиында ШЫҰ Даму банкін құруды ұсынды.

Бектенов ШЫҰ Даму банкін өнеркәсіп кооперациясы шеңберінде құруды және инвестициялық жобаларды сүйемелдеу тетігін енгізуді ұсынды. Жаңа жобаларды жүзеге асыру үшін «Астана» халықаралық қаржы орталығының мүмкіндіктерін пайдалануға болады.

Одан бөлек жиында көлік-транзиттік ынтымақтастықты дамыту жайлы айтты. Қазір Қазақстан Еуразияның негізгі хабтарының бірі ретінде теміржол, автожол, авиация және порт инфрақұрылымын жаңғырту арқылы транзиттік қуатын арттырып жатыр. Еліміздің үстімен 5 теміржол дәлізі өтеді. Жалпы, соңғы 5 жылда Қазақстан арқылы транзиттік тасымал көлемі 2 есеге жуық артып, өткен...

Белгілі әнші Айдана Меденова сахнаға оралатынын жариялады. Әнші әуелі тыңдармандарына бірнеше жыл сахнаға шықпай кетуінің себебін түсіндірді. Сөзінше, кейінгі жылдар отбасына оңай тимеген, әртүрлі өзгерістер болған.

«Білім алу, тәжірибе жинау – бәрі қатар жүрді. Балам Хани өмірге келді. Мен толыққанды ана ретінде декретте отырдым. Ал Әлихан мен Әмина туғаннан кейін, үнемі гастрөлдерде жүрген едім. Сол кезде өз балаларым қалай өсіп жатқанын көрмейтінмін. Кейінгі үш жылда көп нәрсеге көзім жетті. Кімнің кім екенін көрсетті. Өмірімде кездескен әр адамға рақмет айтамын!», – дейді әнші.

Сондай-ақ ол жолдасы Әлішер екеуі шоу-бизнестен кеткеннен кейін, басқа салада бақ сынап көргенін...

Қазақстанның 34 жастағы азаматы Ресейде бұзақылық жасағаны үшін ұсталды. Ол Сочи қаласындағы «Квартал» сауда кешенінде әуеге оқ атып, жұртты дүрліктірген. Бұл туралы «Коммерсантъ» басылымы хабарлады.

Сауда кешеніндегі дабыл тетігін басқаннан кейін, оқиға орнына Ресей ұланының қызметкерлері мен кезекшіліктегі тәртіп сақшылары жеткен. Олар қоғамдық орында тәртіп бұзған адамды ұстап, полицияға тапсырған.

Кейін сауда үйіндегі дүйім жұртты шошытқан адам Қазақстан азаматы екені анықталды. Ол Retey PM тапаншасымен әуеге атқан, бірақ қару оқталмаған болып шықты. Күдікті уақытша тергеу изоляторына түсті. Қару тәркіленді. «Бұзақылық» бабы негізінде қылмыстық іс қозғалды.

Көрші елде ұсталған қазақстандықтың аты-жөні аталмады.

Қазақстанның U-19 жасөспірімдер құрамасы Еуро-2026 іріктеуіндегі шешуші ойында Кипрмен тең ойнап, өз тарихындағы ең ірі жетістіктердің біріне қол жеткізді.

Кирилл Кекер жаттықтыратын құрама «B» дивизионының 1-тобын екінші орынмен аяқтап, алғаш рет элиталық кезеңге өтті. Енді жасөспірімдер 2026 жылдың көктемінде Еуропа чемпионатының финалдық кезеңіне жолдама үшін таласады.

Кипрмен ойында қақпаны қорғаған «Қайраттың» жұлдызды қақпашысы Шерхан Қалмырза матчтан кейін барша қазақ жанкүйерлерін құттықтады

«Алдымен барша жанкүйерлерді құттықтаймын. Матч өте тартысты, қиын болды. Алайда, алдымызға қойған мақсатқа жеттік. Намысты қолдан бермедік», – деді Шерхан.

Америкалық Exxon Mobil мұнай компаниясы санкцияға іліккен «Лукойлдың» Қазақстандағы активтерін сатып алғысы келеді. Бұл туралы Reuters дереккөздер мәліметіне сүйене отырып хабарлады.

Агенттік дереккөздері мұнай гигантының нақты қай активтерге қызығып отырғанын айтпады. Бірақ басылым Exxon-ның да, «Лукойлдың» да Қазақстанда Қарашығанақ және Теңіз кен орындарында үлесі бар екенін атап өтті.

Осы екеуінің аталған кен орындарын игерудегі серіктесі – тағы бір америкалық Chevron компаниясы да Қазақстанның батысындағы мұнай активін ұлғайту жолдарын қарастырып жатыр, деп жазды Reuters.

Естеріңізге сала кетейік, 2025 жылғы 15 қазанда Ұлыбритания, ал 23 қазанда АҚШ Ресейдің «Лукойл» және «Роснефть» компанияларына санкция салған. Артынша «Лукойл» шетелдегі мұнай активтерін сататыны мәлім...

Қазақстандық шенеуніктердің арасында аксессуар таққанды жақсы көретіндер бар. Үкімет отырысы немесе кулуарда олардың қол сағаттарына көзіміз түсіп жатады. Депутаттар мен министрлер қандай модельді жиі таңдайды? Қарапайым смарт-сағат па әлде швейцариялық люкс брендтер ме? Біз ЖИ арқылы мемлекеттік қызметкерлер қандай сағат тағатынын зерттеп көрдік.

Мәжілістегі белсенді депутаттардың бірі – Еділ Жаңбыршин. Оның қолындағы сағаттың моделі Casio G-Shock MR моделіне ұқсайды. Сағат 2024 жылы шыққан. Аксессуар авторлары, жапон самурайларының қылышынан шабыт алған. Шынысы – сапфир, ал корпусы мен бауы титаннан дайындалған. Бұл сағат бренді танымал, бірақ люкс санат деуге келмейді. MR-G моделінің ең арзаны 1300-1500 доллар, ал қымбаты 5000-8000 доллар аралығында...

Қазақстан ұлттық құрамасы 18 қараша күні өткен халықаралық жолдастық ойында Фарер аралдарына 0:1 есебімен есе жіберді. Кездесу Хорватияда бейтарап алаңда өтті.

Ойынның жалғыз голы бірінші таймда соғылды. 25-минутта алаң иелері сапынан Кнудсен дәл соққысымен есепті ашты.

Екінші таймда екі команда бірқатар ауысым жасады. Қазақстан сапынан 63-минутта Оразов пен Өміртаев ойынға кірді. Ойын қарқыны артқанымен, гол соғуға мүмкіндік болмады. Матч соңына қарай тағы бірнеше тактикалық ауысым орын алды, алайда нәтижеге әсер еткен жоқ. Осылайша кездесу 1:0 есебімен Фарер аралдарының пайдасына аяқталды.

Бұл ойын жаңа құрамды сынау әрі тактикалық шешімдерді тексеру мақсатында ұйымдастырылған жолдастық матч болғанымен, Қазақстан үшін саба...

Қазақстандағы ішкі миграция – бұл тек адамдардың бір аймақтан екінші аймаққа көшуі ғана емес, сонымен қатар еліміздің әлеуметтік және экономикалық бейнесінің өзгеруін сипаттайтын маңызды процесс. Бұл үрдіс көптеген факторларға, соның ішінде жұмыс орындарының орналасуына, әлеуметтік инфрақұрылымның даму деңгейіне, білім беру және денсаулық сақтау жүйелерінің қолжетімділігіне, сондай-ақ тұрғын үй мәселелеріне байланысты қалыптасады. Аймақтар арасындағы бұл көші-қон көрсеткіштерін талдай отырып, біз Қазақстандағы ішкі миграцияның бағыттарын, қауіпті тұстарын және өзге елдермен салыстырғанда қандай ерекшеліктер бар екенін қарастырамыз.

Қазақстанда ішкі миграция қай бағытқа бет алуда?

Қазіргі таңда Қазақстанның ішкі миграциясы негізінен ірі қалаларға, яғни Астана, Алматы және Шымкентке бағытталып отыр. Мұндай көші-қонның себептері айқын...

Астана әкімдігі қызмет кезінде қаза тапқан жедел жәрдем фельдшері Ұлдана Қалдарханқызының отбасына материалдық көмек көрсетеді.

Қала әкімдігі қайтыс болған фельдшердің туыстарына көңіл айтып, отбасына жан-жақты қолдау көрсетілетінін атап өтті. Материалдық көмек төленеді, жерлеу рәсімін ұйымдастыруға жұмсалатын шығындарды өтейді және сақтандыру төлемін белгіленген тәртіппен рәсімдейді.

«Қаза тапқан жанның отбасына материалдық көмекті қоса алғанда, жан-жақты қолдау көрсету, сондай-ақ жерлеу рәсімін ұйымдастыруға байланысты шығындарды жабу жоспарлануда. Сондай-ақ белгіленген тәртіппен сақтандыру төлемі көзделетін болады», – делінген хабарламада.

Еске салайық, 8 қараша күні Астанадағы тұрғын үйдің қасбеті құлаған. Сол кезде көмекке келген екі фельдшердің басына кондиционер құлап, жалпы 5 адам...

Қазақстан қор биржасындағы сауда-саттық 18 қарашада бір АҚШ доллары үшін 519,81 теңге (күніне -2,39 теңге) белгісімен аяқталды, деп хабарлайды KASE.

Бір күнде ең жоғары бағам бір доллар үшін 522,99 теңгені, ал орташа алынған бағам – 520,88 теңгені құрады. Барлығы 243,9 млн теңгеге (- $18,6 млн) 754 мәміле жасалды.

Ұлттық валютаны нығайту қыркүйек айының соңындағы бағам бір доллар үшін 549 теңгені құраған кезден бері жалғасып жатыр. Айта кетейік, осыған дейін Ұлттық банк төрағасы Тимур Сүлейменов теңге бағамының неліктен тұрақты болып тұрғанын айтқан еді.

Биыл қыркүйекте доллар «псохологиялық меже» – 550 теңгеден асты. Осы ретте Halyk Finance сарапшылары 2025 жылдың соңына қарай доллар...

Қазақстандық ұлттық суперкомпьютер «Alem.Cloud» әлемдегі ең қуатты есептеу жүйелерінің халықаралық рейтингі TOP-500 тізімінде 86 орынға кірді. Рейтингке тек HPL (High-Performance Linpack) стандарты бойынша тәуелсіз тестілеуден өткен.

«Alem.Cloud» суперкомпьютерін президент Қасым-Жомарт Тоқаевтың тапсырмасымен «Ұлттық ақпараттық технологиялар» компаниясы құрған. Кластер жоғары тығыздықтағы бірыңғай GPU-кешеніне біріктірілген 64 HPE Cray серверінің базасында іске қосылған. Әрбір есептеу торабы жоғары жылдамдықты қамтамасыз ететін NVIDIA H200-бен жабдықталған.

«Alem.Cloud суперкомпьютері жобасы Біріккен Араб Әмірліктеріндегі G42 тобына кіретін Presight халықаралық технологиялық компаниясымен бірлесіп жүзеге асырылды. Presight жоғары өнімді есептеу кластерлерін жобалау мен AI экожүйесін дамытуға техникалық қолдау көрсетіп, әлемдік үздік тәжірибелерді Қазақстанның қажеттіліктеріне бейімдеуге мүмкіндік...