Жаңалықтар

Таяу Шығыстағы жағдайдың шиеленісуіне қазақстандық әуе компаниялары рейстерін уақытша тоқтатты. Қазақстанның авиациялық әкімшілігінің мәліметінше, бірқатар елге ұшуға ресми түрде шектеу енгізілді.

Соңғы мәліметке сәйкес, шектеулер келесі елдерде қолданылады:

«Қазақстандық авиакомпаниялардың Парсы шығанағы елдеріне ұшуға бағытталған рейстерді тоқтата тұруы аймақтағы әскери-саяси жағдайдың күрт шиеленісуіне негізделген мәжбүрлі шара. Әуе компаниялары қабылдаған шешім халықаралы...

АҚШ президенті Дональд Трамп Израиль мен Иранның атысты тоқтататыны мәлімдеді. Алайда бітімге келгеннен кейін Израиль Иранның келісімді бұзғанын алға тартып, шабуыл жасайтынын мәлімдеді.

Трамп әлеуметтік желіде Израильге шабуылды дереу тоқтатып, ұшақтарын кері қайтаруды талап етті.

«Израиль. Бұл бомбаларды тастамаңдар! Егер тастасаңдар – бұл келісімді бұзу болып саналады. Өз ұшқыштарыңды дереу қайтарыңдар!», – деп жазды Трамп Truth Social әлеуметтік желісінде.

Талабы орындалмаған соң, АҚШ президенті Нетаньяхуға телефон арқылы хабарласқан. Сөйлесіп болған соң, Трамп Израильдің Иранға шабуыл жасамайтынын мәлімдеп, Изарильдің шабуылдауға жіберген ұшақтары кері қайтатынын жеткізген. Сонымен бірге Трамп келісім бойынша Иранның енді ядролық нысандарын қалпына келтірмейтінін атап...

Шымкенттегі Шәмші Қалдаяқов атындағы облыстық филармония директоры Ғалымжан Ерназаров филармония қызметкері Наркенже Серікбаеваны сотқа бермейтін болды. Бұл туралы ол бүгін түсте мәлімдеді.

«Кешеден бері әлеуметтік желіде тарап жатқан видеоға байланысты көптеген резонанстар туындады. Осы бойынша Түркістан облысы әкімдігінен, облыстық мәдениет басқармасынан комиссия құрылды. Комиссия келіп, екіжақты тыңдады. Ұжыммен бізсіз (Наркенже Серікбаеваны айтады – ред.) кездесті. Кімнің қаншалықты, қандай деңгейде ауыр сөйледік пе, шекарадан асып сөйледік пе деген мәселелерді көтеріп, комиссия шешім шығарды. Мен де жеке комиссияға кірдім. Наркенже Серікбаева да жеке кірді. Соңынан екітараптама сөйлесіп, бір-бірімізге өкпе-ренішіміз жоқ екенін айтып, екеуміз де стористарымыздан, әлеуметтік желіге салған...

«АвтоВАЗ» компаниясы 2026 жылдың бірінші жартысында өзінің жаңа флагмандық моделі — LADA Azimut кроссоверінің сериялық өндірісін бастайтынын ресми түрде жариялады. Бұл – LADA бренді тарихындағы алғашқы кроссоверлердің бірі және модельдік қатардағы ең қымбат көлік болмақ.

Үш жылдық жұмыстың нәтижесі

«АвтоВАЗ» мамандарының айтуынша, LADA Azimut жобасы толығымен ресейлік инженерлердің күшімен үш жыл бойы жасалды. Концепция мен дизайннан бастап, құрылымын жобалау, өндіру және барлық жүйелердің, функциялардың, жүріс сапасының баптауларына дейінгі жұмыстар жергілікті мамандар тарапынан атқарылған.

Көлік үшін арнайы 996 жаңа және жетілдірілген бөлшек әзірленді. Олардың қатарында – шанақ панельдері, жарықтандыру жүйелері, интерьер элементтері және мүлде жаңа артқы аспа жүйесі бар.

Израиль мен Иран арасындағы атысты тоқтату туралы келісім әлемдік қаржы нарығына бірден әсер етті. Бір жағынан – қор индекстері өсіп, туристік және технологиялық компаниялар акциялары қымбаттаса, екінші жағынан – мұнай бағасы күрт құлдырады. Инвесторлар геосаяси тәуекелдің уақытша болса да азайғанын оң қабылдады.

4 маусым күні АҚШ президенті Дональд Трамп Иран мен Израиль атысты толық тоқтатуға келіскенін мәлімдегеннен кейін, Еуропаның негізгі қор индекстері бірден өсті.

Stoxx Europe 600 индексі 1,33%-ға көтеріліп, 542,16 пунктке жетті – бұл соңғы апталардағы ең жоғары көрсеткіштердің бірі. Сонымен қатар:

Нидерланды билігі Украинаға 175 млн еуро көлемінде әскери көмек береді. Бұл жайлы елдің қорғаныс министрі Рубен Брекелманс хабарлады.

«Радар жүйелері, ұшқышсыз көліктер мен дрондарды қамтитын жаңа 175 миллион еуро көлеміндегі қолдау пакетін жариялаймын» , – деп жазды ол парақшасында.

Оның түсіндіруінше, украиналық компаниялармен 600 мың дрон шығаратын, жалпы құны 500 млн еуроны қамтитын келісім-шарт жасалған.

Осыған дейін Амстердам билігі Украинаға 24 F-16 жойғыш ұшақтарын беретінін хабарлады. Әскери техниканы жеткізіп қана қоймай, украиналық ұшқыштарды оқытумен айналыспақшы. Ал 2026 жылы Киевті қолдау үшін 3,5 млрд еуро көлемінде қор құруды жоспарлап отыр.

Осыған...

Мысыр тарапы Шарм-эш-Шейх әуежайында жарнама тақтасы құлап, қайтыс болған жолаушыға қатысты прокуратураға сұрау салмаған. Бұл туралы «ҚазАқпарат» басылымына Бас прокуратура хабарлаған.

«Мысыр Араб Республикасында 2025 жылғы 17 мамырда қаза болған Қазақстан азаматы А.Мұқановаға қатысты жағдай осы іс бойынша тергеу жүргізетін Мысыр елінің құзыретті органдарының қарауында. Бұл оқиғаға қатысты Мысыр құқық қорғау органдарынан Қазақстан Республикасының Бас прокуратурасына сұраныс түскен жоқ», – делінген прокуратура жауабында.

Бас прокуратура «Қазақстан Республикасының дипломатиялық қызметі туралы» Заңының 5-бабына сәйкес, шетелдегі Қазақстан азаматтарының құқығы мен мүддесін қорғау дипломатиялық қызмет органдарының құзыретіне кіретінін хабарлайды. Яғни бұл істі Қазақстан Республикасының Мысыр Араб...

Төтенше жағдайлар министрлігі «Ақжайық» резерватындағы өрттің толығымен өшірілгенін хабарлады. Бұл туралы министрліктің баспасөз қызметі хабарлады.

«2025 жылғы 24 сәуір күні сағат 14:00-де «Ақжайық» мемлекеттік табиғи резерватының аумағында орын алған өрт толықтай сөндірілді», – делінген министрлік хабарламасында.

Тілсіз жаумен күреске Төтенше жағдайлар министрлігінің 150 қызметкері және 35 техника бірлігі жұмылдырылған.

Өрт себебі әлі нақтыланбаған. Министрлік мәліметінше, ТЖМ қызметкерлері қазіргі таңда өрттің шығу себептерін анықтап жатыр.

Еске сала кетсек, 31 мамырда  «Ақжайық» мемлекеттік табиғи резерватында қамыс өртеніп, Атырау қаласын көк түтін басқан болатын.

Төтенше жағдайлар министрлігі 280 гектар жердің отқа...

Қазақстандағы ең бай әйелдер кімдер? Әдетте, миллиардер не миллионерлер десе, көз алдымызға ер адамдар келеді.

Десе де, «шіріген байлардың» тізімінде қазақ әйелдері аз емес. Forbes Kazakhstan-ның соңғы рейтингі бойынша, оған үш әйел ілігіп отыр.

Жалпы, ірі капиталымен көзге түскен 7 әйел әр кезде осы тізімнен көрінген.

Әрине, олардың кейбірі елге кеңінен танымал. Таныстырып жатудың өзі артық. Мәселен:

Динара Құлыбаева

Динара Құлыбаева бұл тізімінде көш бастап тұр. Тіпті, жалпы рейтингте 4-орынға шықты. Күйеуі Тимур Құлыбаевпен бірге әлемдегі ең ірі миллиардерлердің тізімінде 673-орында.

Капиталы – 5 300 000 000 АҚШ доллары. 2013 жылы оның байлығы 1,3 млрд АҚШ доллары деп...

Еуразиялық даму банкі (ЕАДБ) сарапшыларының болжамына сәйкес, 2025 жылдың соңына қарай АҚШ долларының бағамы 515 теңгені құрайды Ал 2026-2027 жылға қарай доллар 536 теңгеге жетуі мүмкін. Бұл туралы банктің аймақтық талдау орталығының сарапшысы Айгүл Бердіғұлова халықаралық қаржы институтының баяндамасын таныстыру барысында мәлімдеді.

Сарапшының айтуынша, теңге бағамының алдағы жылдардағы бағытына бірнеше негізгі факторлар әсер етеді. Біріншіден, әлемдік мұнай бағасының төмендеуі — бұл экспорттық кірістерге ықпал етіп, ұлттық валютаның әлсіреуіне себеп болуы мүмкін. Екіншіден, мұнай экспортының артуы теңгенің тұрақтылығын қолдауы мүмкін.

Сонымен қатар, квазимемлекеттік сектор валюта түсімінің 50%-ын міндетті түрде ішкі нарықта сату талабын енгізу теңгеге қосымша сұраныс тудырып отыр. Бұдан бөлек...

19–22 маусым аралығында ең көп касса жинаған фильмдер белгілі болды. Freedom Ticketon ұсынған деректерге сүйенсек, апта көшбасшысы – «Айдаһар мінген шабандоздар» мультфильмі. Үшінші апта қатарынан көрсетіліп жатқан бұл туынды 163 млн теңгеден астам табыс жинады.

Апта үздіктері:

1. «Айдаһар мінген шабандоздар» – 163 429 332 теңге (3-апта)

Классикалық анимацияның жаңа нұсқасы көрермендердің көңілінен шығып, үздіксіз табыс әкеліп жатыр.

2. «Элио» – 83 869 396 теңге (1-апта)

Pixar студиясының жаңа анимациялық фильмі алғашқы аптасында-ақ екінші орынға табан тіреп, жоғары нәтиже көрсетті.

3. «Биік сезім» – 80 163 889 теңге (1-апта)

Қазақстандық комедиялық мелодрама бағыттағы бұл фильм алғашқы аптасында-ақ үздік үштікке...

Танымал тележүргізуші Ләйлә Сұлтанқызы Оксфорд университетінің Азия және Таяу Шығыс зерттеулері факультетінен шақырту алды. Бұл жайлы ол өзінің парақшасына хабарлады.

«Осыдан бірнеше күн бұрын Оксфорд университетінің Азия және Таяу Шығыс зерттеулері факультетінің BIRSoz ұйымынан шақырту алдым. Бұйырса шетелдік студенттермен түрлі зерттеулер өткізіп, қазақ тілінің ауқымын арттырып, дәрежесін көтеруге атсалысу ойымда. Арнайы speaking club Speaking Club та ашсақ деймін», – деп жазды ол парақшасында.

BIRSoz (Oxford Birsoz Initiative CIC) — Оксфорд университетінде құрылған тәуелсіз қоғамдық ұйым, Түркітану және Орта Азияны зерттеуді қолдау мақсатында қызмет етеді.

Тележүргізушінің түсіндіруінше, Oxford Birsöz Initiative Ахмет Байтұрсынұлы атындағы...

Президент Wabtec және Philip Morris International компанияларының басшыларымен кездесті. Бұл туралы Ақорда хабарлады.

Қасым-Жомарт Тоқаев Шетелдік инвесторлар кеңесінің отырысы аясында Қазастанда жұмыс істеп жатқан бірқатар халықаралық компанилардың өкілдерімен кездесу өткізген.

Президент Wabtec компаниясының президенті және бас атқарушы директоры Рафаэль Сантанамен кездескен. Америкалық Wabtec корпорациясы көлік технологиясы бойынша көшбасшы компания саналады. Екі жақты кездесу барысында компанияның ұзақ жылдан бері Қазақстанның теміржол саласындағы сенімі серіктесіне айналғаны айтылды.Копорация елдегі жобаларға 230 млн доллардан аса инвестиция құйған.

«Қасым-Жомарт Тоқаев еліміз локомотивтің жаңа түрлерін шығару, сервистік орталықтарды кеңейту, біліктілік орталықтарын құру және өндіріс локализациясын арттыру бағыттары бойынша компаниямен...

LRT пойыздарының 29 операторы қытайлық Тяньцзинь қаласында дайындықтан өтеді. Мамандар тереңдетілген теориялық курс, симуляторда төтенше жағдайларды сынап көру және тәжірибелік сабақтар деген үш модуль бойынша білім алады. Бұл туралы «City Transportation Systems» компаниясынан хабарлайды.

Қытайда білім алу – дайындықтың екінші кезеңі. Бұған дейін операторлар Астанада теориялық курс оқыған еді. Дайындықтың соңғы, қорытынды кезеңі де Астанада өтеді. Мамандар LRT пойыздарында тәжірибеден өтіп, тікелей жұмысқа кіріспекші.

«Бұл бағдарламаның мақсаты – поездарды қауіпсіз және тиімді басқара алатын, LRT жүйелеріндегі ақауларды жоя алатын білікті мамандар дайындау», – деп атап өтеді компаниядан.

Астанадағы оқуда Тяньцзинь метрополитені және Чжэнчжоу...

Мұнаймен байыған аймақтың мүмкіндігі мен мызғымас беріктігі

Таяу Шығыс – ежелгі өркениеттердің бесігі, діндердің тоғысқан мекені ғана емес, бүгінде жаһандық экономика мен геосаясаттың маңызды тіректерінің бірі. Бұл аймақтың өзектілігі көбінесе жер қойнауындағы байлықпен – дәлірек айтқанда, мұнаймен байланысты. Соңғы онжылдықтарда Таяу Шығыс елдері әлемдік энергетикалық нарықтағы басты ойыншыларға айналды. Бірақ олардың қуаты тек шикі мұнаймен шектелмейді – экономика, әскери күш және геосаяси позиция тұрғысынан да оларды айналып өту мүмкін емес. Осы материалдар негізінде Таяу Шығыс елдерінің қазіргі ахуалына тереңірек үңіліп көрелік.

Шикі мұнай – аймақтың басты капиталы

OPEC-тің статистикалық бюллетеніне сүйенсек, Таяу Шығыс елдер...

Иранның Жоғары ұлттық қауіпсіздік кеңесі Израильмен атысты тоқтату туралы қауіпсіздік режимі күшіне енгенін хабарлады, деп жазды ВВС.

Кеңестің хатшылығы таратқан мәлімдемеде 12 күнге созылған соғыс барысында «әрбір жаулық әрекетке жойқын жауап берілгені» және «халық бұрын-соңды болмаған бірліг көрсеткені» атап өтілген.

Мәлімдемеде, егер бітім бұзылатын болса, Иран кез келген келесі басқыншылыққа қатаң жауап беруге дайын екені айтылған.

Бұған дейін, АҚШ президенті Дональд Трамп Израиль мен Иран арасындағы атыс тоқтайтынын мәлімдеген.

Ол атысты тоқтату режимін Иран бірінші болып бастайтынын, 12 сағат өткеннен кейін Израиль оған қосылатынын айтқан.

Қақтығыс қалай басталды?

13 маусым күні таңертең Израиль Иран аумағындағы ядролы...

Президент Қасым-Жомарт Тоқаев Астана қаласында Еуропалық қайта құру және даму банкінің (ЕҚДБ) президенті Одиль Рено-Бассомен кездесті. Бұл туралы Ақорда хабарлады.

Тоқаев ЕҚДБ-мен арадағы әріптестіктің ел экономикасының түрлі салаларына, соның ішінде шағын және орта бизнеске, энергетика мен ауыл шаруашылығына елеулі серпін бергенін атап өтті.

Мемлекет басшысы банк тарапынан «жасыл экономика» бағдарламаларын жүзеге асыруға бағытталған инвестициялық қолдауды құптайтынын жеткізді.

Өз кезегінде Одиль Рено-Бассо Қазақстанның инвестициялық әлеуетін жоғары бағалап, ЕҚДБ инфрақұрылымдық жобаларға қолдау көрсетуге дайын екенін мәлімдеді. Оның айтуынша, жақында ұзындығы 234 шақырымды құрайтын Ақтөбе – Ұлғайсын автожолын жаңғыртуға қаржы бөлу туралы шешім қабылданған. Бұл бағыт ішкі және халықаралық көлік тасымалын...

1 шілдеден бастап Қазақстанда Kia K8 бизнес-класты седанының сатылымы басталады. Автокөліктің бағасы әзірге жарияланбады.

Allur Motor Qazaqstan компаниясының мәліметінше, жаңартылған модельдің дизайны мен салоны және техникалық сипаттамасы жағынан ерекшеленетін тұстары көп.

Премиум санаттағы Kia K8 несімен ерекшеленеді

Kia K8 Smartstream топтамасы 300 ат күшіне ие 3,5 литрлік атмосфералық бензинді GDI қозғалтқышымен жабдықталған. Ол тиімділігі мен жылдам ауыстыру қабілеті жақсартылған сегіз сатылы автоматты беріліс қорабымен жұмыс істейді. Бизнес-седан мәртебесін айқын көрсететін өлшемдері (5 050 × 1 880 × 1 465 мм) мен спорттық диск дизайн да назар аудартады.

Ішкі салоны премиум материалдармен көмкерілген. Панорамалық дисплей екі 12,3 дюймдік...

Қазақстандық опера әншісі Әйгерім Алтынбек әлемнің ең беделді театрларының бірі — Италиядағы «Ла Скала» академиясына қабылданып, Андреа Бочеллимен дуэт айтады. Бұл туралы Мәдениет және ақпарат министрлігі хабарлады.

Алдын ала іріктеу кезеңіне 400-ден астам үміткер қатысып, олардың арасынан небәрі 12 үздік орындаушы таңдалған. Сол таңдаулылардың қатарында Қазақстанның атынан шыққан Әйгерім Алтынбек те бар.

Әйгерім — халықаралық вокалдық байқаулардың бірнеше дүркін жүлдегері. Соның ішінде әйгілі композитор Джакомо Пуччинидің 100 жылдығына арналған байқауда жеңімпаз атанып, Италияның Модена қаласында өткен Николай Гяуров атындағы жарыста үшінші орын иеленді. Сонымен қатар, әлемнің 470 өнерпазы бақ сынаған Рената Тебальди атындағы халықаралық вокал конкурсында екінші орын алған...

Қазақстан мен бүкіл ТМД кеңістігіндегі кальций карбидін шығаратын жалғыз зауыт – «Теміртау электрметаллургиялық комбинаты» (ТЭМК) биыл наурыз айынан бастап жұмысын уақытша тоқтатты. «Интерфакс-Қазақстан» агенттігінің жазуынша, себеп– электр энергиясының қымбаттауы мен өндірістің шығынға батуы.

Кальций карбиді – ацетилен, синтетикалық каучук және басқа да өндірісте қажет материалдарды алуда қолданылатын негізгі өнім. ТЭМК оны 80 жылдан астам уақыт бойы шығарып келген.

Бұған дейін зауыт өз кен орыннан алынатын марганец пен әктасты пайдаланып ферроқорытпа мен кальций карбидін өндірсе, кейін шикізатты сатып алуға көшкен.

Алайда басты мәселе – электр энергиясы бағасының тым жоғары болуы. Кәсіпорын басшысы Арыстанбек Түпеевтің айтуынша, энергия құны өнімнің өзіндік...

Қазақстанда ұлттық мейрамдар қатары тағы  бір мерекемен толығуы мүмкін. Премьер-Министр Олжас Бектенов Мәжіліс депутаттарының елімізде «Тұлпар күні» арнайы мерекесін бекітуге қатысты ұсынысына жауап берді.

Үкімет басшысы  Қазақстанда маусым айының екінші жексенбісі Малшылар күні ретінде кәсіби мереке болып белгіленгенін еске салып, оның мал шаруашылығы саласының барлық қызметкерлерін, оның ішінде жылқышыларды да қамтитынын алға тартты.

«Ағымдағы жылы осы мереке аясында саланың шамамен 200 қызметкері, оның ішінде жылқы шаруашылығының 30 маманы марапатталды. Сонымен қатар, Біріккен Ұлттар Ұйымы Бас Ассамблеясының шешіміне сәйкес 11 шілде күні ұйымға мүше мемлекеттерде Дүниежүзілік жылқы күні атап өтіледі. Осыған байланысты «Тұлпар күні» арнайы ұлтты...

Президент Қасым-Жомарт Тоқаев әзірленіп жатқан Салық кодексінде инвесторларға көптеген жеңілдіктер қарастырылатынын айтты. Бұл туралы президент Шетелдік инвесторлар кеңесінің 37-ші пленарлық отырысында айтты.

«Прокурорлық сүзгі»

Тоқаев Қазақстанда инвесторлар құқығы қорғалатынын, бұл мақсатта арнайы «прокурорлық сүзгі» механизмі енгізілгенін атап өтті.

Оған сәйкес, 2025 жылдан бастап, мемлекеттік органдар Бас прокуратураның алдын ала келісімінсіз инвесторларға қатысты тексеру жүргізуге, әкімшілік іс қозғауға, талап-арыз беруге немесе қандай да бір шектеу енгізуге құқығы жоқ.

«Біз Ұлттық цифрлық инвестициялық платформаны іске қостық. Ол инвестицияларға қатысты мемлекеттік қызметтерді «бір терезе» қағидаты бойынша біріктіріп, кеңес беруден бастап рұқсат алуға дейінгі барлы...

Президент Қасым-Жомарт Тоқаев Шетелдік инвесторлар кеңесінің 37-ші пленарлық отырысында Қазақстан экономикасының жаһандық дағдарысқа төтеп бере алғанын айтты.

Тоқаев шетелдік инвесторлар кеңесін мемлекет пен оның халықаралық серіктестері арасындағы стратегиялық ынтымақтастықтың берік әрі сенімді алаңы ретінде сипаттап, бұл кеңестің алдағы уақытта да өз миссиясын табысты жалғастыратынын атап өтті. Өз сөзінде әлемде болып жатқан сын-қатерлердің жаһандық экономикаға әсер туралы да айтты.

Сарапшылар болжамына сәйкес, таяу жылдары жаһандық ЖІӨ шамамен 2,9 пайызға дейін баяулайды. Бұл жағдай барлық елдерде экономикалық қысымды арттырады.

«Бүгінде инфляциялық қысымның күшейгені, жаһандық жеткізу тізбегіндегі кедергілердің және іскерлік ортадағы бағдарсыздықтың артқаны байқалады. Мұндай...

Энергетика министрлігі, «ҚазМұнайГаз» және Қытайдың ірі мұнай-газ корпорациясы CNOOC («China National Offshore Oil Corporation») «Жылыой» учаскесінде мұнай іздеу туралы келісімге қол қойды. Бұл кен орны Каспий теңізінің солтүстік-шығыс жағында орналасқан.

«ҚазМұнайгаз» компаниясының хабарлауынша, бұл CNOOC-тың Қазақстанға салған алғашқы инвестициясы.

Келісімге Қазақстан тарапынан Энергетика вице-министрі Құдайберген Арымбек, ҚМГ басшысының бірінші орынбасары Құрманғазы Есқазиев және CNOOC атынан вице-президент Лю Юнцзе қол қойды. Жобаның географиялық орналасуы — Каспий теңізінің солтүстік-шығысындағы транзиттік аймақ.

Бұл келісім Қазақстан мен Қытай арасындағы мұнай-газ саласындағы стратегиялық әріптестіктің жаңа кезеңін білдіреді. Ең бастысы — барлау кезеңін толықтай CNOOC қаржыландырады, ал жобаны екі тарап 50/50 үлеспен бірлесіп жүзеге...