Жаңалықтар

Қазақстанның басым бөлігінде түнде және таңертең тұман болады. Солтүстік пен шығыс және батыста көктайғақ пен боран күтілуде. «Қазгидромет» 6 желтоқсанға ауа райы болжамын жариялады.

Қазақстан президенті Қасым-Жомарт Тоқаевтың Біріккен Ұлттар Ұйымы Бас Ассамблеясының орнықты даму мақсаттарына орай Халықаралық еріктілер жылын жариялауға арналған сессиясына үндеу жолдады.

Президенті қазіргі қиын кезеңде еріктілер адам өмірін сақтау, қиындыққа душар болған жандарға жәрдемдесу, қоғамдағы сенім мен ынтымақты нығайту жолында үлкен миссия атқарып жүргенін атап өтті. Ол елдегі еріктілер қозғалысында айта кетті. Соның ішінде «Таза Қазақстан» жалпыұлттық акциясы қоршаған ортаны қалпына келтіруге, экологиялық жауапкершілік мәдениетін дәріптеуге үлес қосқысы келетін мыңдаған азаматты біріктіргенін атап өтті.

«Осы орайда Алматы қаласын Біріккен Ұлттар Ұйымының қолдауымен халықаралық ынтымақтастық хабына айналдыру ниетін құптаймыз. Орталық Азия мен Ауғанстанға арналған Орнықты даму мақсаттары...

«Отбасы банк» АҚ басқарма төрағасы Ләззат Ибрагимова өсіп келе жатқан сұраныс аясында ипотеканың қолжетімділігіне қатысты жағдайға түсініктеме берді. Спикердің айтуынша, тұрғын үй бағдарламаларына деген қызығушылық әлі де жоғары. Бұл туралы ол журналистерге Мәжіліс аясында айтты.

Ибрагимова банк тұрғын үйді несиелендіру бағдарламаларына өтініш берушілердің үлкен ағынын тіркейтінін атап өтті. Мысал ретінде 1 қарашада жарияланған «Наурыз» ипотекасын келтірді.

Оның мәліметінше, конкурс аясында 8 мың орынға 32,5 мың өтініш түскен.

«Іс жүзінде конкурс – бір орынға төрт адам», – деп атап өтті банк басшысы.

Бағдарламаға қатысу бастапқы жарнаның 20% болған жағдайда мүмкін болады. Ибрагимова старт үшін ең төменг...

Ақмола облысындағы Екатеринбург-Алматы тас жолында болған жаппай апат салдарынан екі адам жарақат алды, деп хабарлады облыс полиция департаментінің баспасөз қызметі.

Ведомствоның мәліметінше, оқиға 5 желтоқсанда сағат 14:21 шамасында автомобиль жолының 1300-ші шақырымында болған.

«Оқиға орнына келген тәртіп сақшылары Астана қаласы бағытында келе жатқан DAF маркалы жүк көлігінің жүргізушісі тайғақ жолда көлікті басқара алмай жол шарбақтарына соғылғанын анықтады. Артынан келе жатқан Chevrolet Cobalt және Toyota Highlander көліктері де көктайғақтан көлікті басқара алмай жүк көлігіне соғылған», — деп хабарлады полиция.

Апат салдарынан екі жолаушы ауруханаға жеткізілді.

Сондай-ақ, жол оқиғасын көрген Kia K5 жүргізушісі баяулауға тырысып, алайда көлікт...

Қазақстанның жеті өңірінде жекеменшік мектептер көрсеткен қызметтері үшін мемлекеттен шамамен 19 млрд теңге алды. Осыған дейін берілмей келген төлемдер Қаржы министрлігінің OrtaBilim жаңа сервисі арқылы жүзеге асырылды.

Ведомствоның мәліметінше, Ақтөбе облысының мектептері 1,5 млрд теңгеден астам, Маңғыстау – 2 млрд астам, Шымкент – 6,7 млрд астам, тағы Солтүстік Қазақстан, Түркістан, Шығыс Қазақстан және Павлодар облысының мектептері жалпы қосқан 4,8 млрд теңге алды.

«Білім басқармалары мен мектептер арасындағы қаржыландыру туралы шарттарға 60 млрд теңге сомасына қол қойылған – бұл қазірдің өзінде келісімшартқа отырған қаражат. Жергілікті бюджеттен жеке білім беру қызметтерін қаржыландыруға барлығы 79 млрд теңге бөлінд...

«Нұрсұлтан Назарбаев халықаралық әуежайы» «ПВ өнеркәсіптік жүйелері» ЖШС-ні сотқа беріп, жосықсыз жеткізуші компания деп танытуға тырысты. Мемлекеттік сатып алу порталының мәліметінше, компания әуежаймен 2019 жылдан бері серіктес.

23 мамырда әуежай компаниямен 31 желтоқсанға дейін тауарларды мемлекеттік сатып алу туралы шарт жасасты. Шарттың талаптары бойынша ЖШС 30 күн ішінде 14 млн теңге сомаға өнеркәсіптік шыны әкелуге тиіс болған.

«Мемлекеттік сатып алу порталына өтінім беру 2025 жылғы 04 тамызда жүргізілді. Тауарды жеткізудің соңғы күні – 2025 жылғы 03 Қыркүйек болған. Талапкер талабын шарт бойынша міндеттемені бұзуға түрткі бола отырып, жауапкерді мемлекеттік сатып алуға жосықсыз қатысушы деп тану...

Соңғы жылдары Қазақстан автонарығында елге ресми әкелінбеген, тек Қытай ішінде ғана жүруге тиіс көліктер көбейе бастады. Мәселен, Toyota Wildlander көлігінің келе бастауы – соның айқын дәлелі. Toyota RAV4 моделінің Қытай нарығына арналған нұсқасы саналатын бұл көлік ресми түрде Орталық Азия елдеріне жеткізілмесе де, параллель импорттың арқасында елге жеткізілуде.

Қытайлық нарық алпауыт. Сондықтан әлемдік брендтер тек Аспан асты елінің нарығы үшін  құрастырылатын көліктерді көбейте бастаған. Сонымен қатар Қытайдың автонарығында ішкі бәсеке күшті. Сол себепті жапониялық, еуропалық автобрдентер өз «заңдылықтарынан» аттап, ҚХР автонарығының заңдылықтарына бейімделген, тартымды көліктер өндіруге көшкен. Toyota Wildlander де осы заңдылықтың «құрбаны». Аты Toyota болғанымен, Қытайға арнап құрастырылғандықтан...

Шымкентте 133 жекеменшік мектептегі бірінші ауысымда оқитын оқушыларға қаражат аударылды. Ал екінші ауысымда оқитындарға қаражаттың жоқтығына байланысты ақша әлі аударылған жоқ. Бұл туралы қалалық білім басқармасы хабарлады.

«Пилоттық жоба бойынша қалалық білім басқармасы тарапынан 17 қараша күні хабарландыру жарияланды. Хабарландыру арқылы 133 мектептен өтінім келіп түсті. Қазіргі таңда 14,5 млрд теңгеге олармен келісімшарт жасалған. Сол сома барлық мектептің бірінші айналымын толықтай қамтиды. Екінші айналым бойынша қазір қаражаттың жетіспеушілігіне байланысты қалалық эканомика және бюджеттік жоспарлау басқармасына тиісті өтінім берілді. Бұл қаражат қазір қарастырылуда. Жылдың соңына дейін толыққанды өтеледі», – дейді қалалық білім басқармасы басшысының м.у.а Бекжан Тайғашев.

Тайғашевтің сөзінше, жекеменшік мектептерге...

Қаржы вице-министрі Ержан Біржановтың айтуынша, кәсіпкерлер тауарды Ұлттық тауарлар каталогына көтерме сатушылар немесе басқа да сатушылар енгізбеген жағдайда ғана енгізуге тиіс. Ал егер кәсіпкер жаңа тауар жеткізіп, оны бірден каталогқа қоса алмаса, оған ешқандай айыппұл салынбайды.

2025 жылы 1 қаңтардан бастап Қазақстанда Ұлттық тауарлар каталогы (ҰТК) іске қосылады. Елде сатылатын барлық тауар осы жүйеге енгізіліп, әрқайсысына өндірушіден тұтынушыға дейінгі қозғалысын бақылауға мүмкіндік беретін бірегей NTIN коды беріледі. Алайда кәсіпкерлер арасында: «Каталогқа қосылмасақ, жаза қолданыла ма?» деген сұрақ туындаған.

ОКҚ брифингінде Ержан Біржанов қазір каталогта 15 миллионға жуық тауар позициясы барын айтты. Барлық негізгі есеп жүйелерімен интеграция аяқталған. Оның сөзінше, егер...

Мәжілістің қоғамдық палатасында елдегі баспана мәселесі талқыланды. Отырыстан кейін кулуарға шыққан Отбасы банкінің басқарма төрайымы Ләззат Ибрагимова біржолғы зейнетақы төлемдерін қолдануға рұқсат етілген қызмет түрлеріне қатысты сұрақтарға жауап берді.

«Қазір бұл тізімде өте аз қызмет түрі ғана қалды. Ешбір қазақстандық осы тізім бойынша жүгінбесе екен деймін. Оның ішінде сирек кездесетін (орфан) аурулар мен онкологиялық сырқаттарға қатысты жағдайлар бар. Сондықтан өтінімдер өте аз болады деп есептеймін», – деді Ләззат Ибрагимова.

Журналистер төрайымнан «Азаматтар бұл тізімді теріс мақсатта пайдаланып кетуі мүмкін емес пе?» деп сұрады.

«Мен қазақстандықтың зейнетақы төлемін алу үшін өзіне онкологиялы...

Qarmet бизнесінің әлеуметтік жауапкершілігі саласындағы ең маңызды марапаттардың бірі — «Парыз» сыйлығының «Үздік ұжымдық шарт» номинациясында жеңімпаз атанды. Бұл марапат компанияның әлеуметтік саясатының жоғары деңгейін және қызметкерлер алдында алған міндеттемелерін шынайы орындауға ұмтылысын растайды. Марапатты компания атынан басқарма мүшесі — «Qarmet» АҚ басқарма төрағасының орынбасары Зауре Заурбекова қабылдады.

«2024 жылдың соңында компания әлеуметтік серіктестеріміз — „Жақтау“ және „Қорғау“ салалық кәсіподақтарымен өзекті ұжымдық шартқа қол қойды. Құжатта қызметкерлер мен олардың отбасыларын қолдаудан бастап еңбек жағдайларын жақсарту, медициналық қолдау, кадрлық әлеуетті дамыту, әлеуметтік кепілдіктер және тағы басқа көптеген бағыттар қамтылған. Құжатты әзірлеу ұзақ уақыт бойы жүргізілді, және бірлескен еңбектің нәтижесінде біз өзімізд...

Алматы облысының Қолашы ауылында дене шынықтыру пәнінің мұғалімі оқушының шашынан ұстап, иығына жұдырықпен соққы жасаған.

Бұл жайт видеоға түсіп қалып, әлеуметтік желілерде тарады.

Құлағынан тартқан

Tengrinews.kz ақпаратына қарағанда, облыстық білім басқармасы бұл жағдай бойынша тергеу басталғанын хабарлаған.

Желіде жарияланған видеода костюм киген ер адам оқушының үстінен қарап тұр. Ол бірдеңе айтып жатып, баланың шашынан тартады. Сосын иығына жұдырықпен ұрады. Артынша құлағынан тартады. Оқиға сыныптың көз алдында болып жатқанымен, балалар ешқандай реакция білдірмейді.

Білім басқармасының жауабы

Аймақтық білім басқармасы бұл оқиғаға қатысты жедел әрекет етті. Ведомство мәліметінше, басқарма, аудандық білім бөлімі және мектеп өкілдерінің қатысуымен комиссия құрылып...

Мәжілістің қоғамдық палатасы елдегі баспана мәселесін талқылап жатыр. Отырыстан кейін кулуарға шыққан Өнеркәсіп және құрылыс вице-министрі Қуандық Қажкеновке Kursiv.Media тілшісі аз қамтылған азамататарды баспанамен қамту мәселесі жайлы сұрақ қойды.

Вице-министрдің айтуынша, бүгінде жалға берілетін тұрғын үйлер бар және олар үшін бастапқы жарна талап етілмейді. Егер азаматтың табысы ең төменгі күнкөріс деңгейінен төмен болса, ол мұндай жалға берілетін үйді тегін ала алады. Сонымен қатар тұрғындар бұл үйлерде 10–20 жылға дейін ақысыз тұру мүмкіндігіне ие.

«Мысалы, 10 жылдан кейін алғашқы жарнаға жететіндей қаражат жинасаңыз, сол үйді жекешелендіре аласыз. Осындай қосымша механизм енгіздік. Қазір бізде 70 мыңнан астам адам...

Екінші атом электр станциясы (АЭС) салынатын аймақ ресми түрде анықталды. Нысан Алмат облысының Жамбыл ауданында салынатын болды.

Бұл шешім 5 желтоқсанда «Үлкен» ауылында өткен қоғамдық тыңдауда жергілікті тұрғындарға таныстырылды. Жиынға келгендер ұсынысты қолдаған.

Атом энергиясы жөніндегі агенттік мәліметінше, екінші АЭС-тің орнын таңдау үшін «Қазақстан атом электр станциялары» компаниясымен бірлескен жан-жақты талдау жүргізілген.

Энергетикалық жүйедегі қуат қажеттілігі, инфрақұрылымның қолжетімділігі және қауіпсіздік талаптары сияқты көптеген фактор ескерілген. Осы зерттеу нәтижесі арнайы комиссияның отырысында қаралып, Жамбыл ауданын АЭС салуға қолайлы аймақ ретінде бекіту ұсынылды.

Тыңдау барысында мамандар жергілікті халыққа атом реакторының қауіпсіз жұмысын қамтамасыз ететін шаралар кешенін таныстырған. Сондай-ақ станцияның өңірге...

Милицияның патрульдік қызметі басқармасы (МПҚБ)  қызметкерлері Бішкекте екі күн қатарынан бір жүргізушіні мас күйде көлік басқарғаны үшін ұстады.

24.kg ақпаратына қарағанда, бұл туралы ведомствоның баспасөз қызметі хабарлады.

Алғашқы оқиға 3 желтоқсанда болған. Ер адам басқа автокөліктің рөлінде отырған кезде тоқтатылған. Медициналық тексеру оның мас болғанын растады.

Арада бір-ақ күн өткен соң, 4 желтоқсанда сол жүргізуші тағы да мас күйде көлікке отырған. МПҚБ инспекторлары қайта ұстады. Наркология орталығының мәліметінше, оның алкогольдік мас күйі екінші рет расталған.

Тексеру кезінде ер адам өзін дұрыс ұстамай, инспекторға бірнеше рет: «Қай жылы туылғансың?» деп түсініксіз сұрақ қойған.

МПҚБ өкілдерінің айтуынша, профилактикалық шаралар мен рейдтерге...

Әлеуметтік желіде «Құдай салмасын» деген сөз тіркесімен танылған қарапайым блогер Ерсін Есенаман тағы да жұрттың назарын өзіне аудартты. Бұл жолы танымал журналист әрі тележүргізуші Динара Сәтжанмен бірге видео түсіріп, желіде жариялады.

Бұрын үй жағдайында түсірген қарапайым роликтерімен танылған Ерсіннің ірі жобаларға және түрлі шараларға шақырыла бастауы көпшіліктің қызығушылығын тудырып отыр. Желі қолданушылары оның танымал жұлдыздармен бірге контент жасағанына қуанып, қолдау пікірлерін жаудырды.

«Ал керек болса» деп жаңа видеоны желіге жүктеген Ерсіннің Динара Сәтжанмен билеген сәті TikTok-та тез таралып, трендке еніп үлгерді. Көпшілік оның қарапайымдылығын, ашықтығын және еңбегімен танылғанын атап өтті.

Желі қолданушылары: «Осындай балалардың жолы ашылсын...

«Қазгидромет» мамандары алдағы үш күнде Астана мен Алматы қалаларындағы ауа райы қалай құбылатынын болжады. Демалыста елде күн суытып, қар жаууы мүмкін.

Астанада:

6 желтоқсан – күн бұлтты, кей уақытта аздаған қар, тұман, көктайғақ. Жел оңтүстік-батыстан: түнде 3–8 м/с, күндіз 7–12 м/с. Ауа температурасы түнде –2…–4°, күндіз –0…–2°.

7 желтоқсан – күн бұлтты, кей уақытта қар, боран, көктайғақ. Жел оңтүстік-батыстан 9–14 м/с. Температура түнде –3…–5°, күндіз –0…–2°.

8 желтоқсан – бұлтты, кей уақытта қар, боран, көктайғақ. Жел солтүстік-шығыс, шығыстан 9–14 м/с. Ауа температурасы түнде де, күндіз де –3…–5°.

Алматыда:

6 желтоқсан – күн бұлтты, жауын-шашын жоқ. Жел батыстан шығысқа ауысады, 3–8 м/с...

Алматыда Social Impact Awards 2025 қайырымдылық аукционы өтті. Онда Дінмұхамед Қонаевтың галстугі мен Денис Теннің раритет конькиі саудаланды. Kursiv.Media жұртқа жақсы таныс тұлғалардың заттары қаншаға сатылғанын білді.

Аукцион лоттары арасында Қазақстан теннис федерациясы, Д.А. Қонаев қоры, Денис Тен қоры, Лермонтов атындағы театр, Герольд Бельгердің отбасы, суретші Әсел Кенжетаева және басқа да тұлғалардың сирек кездесетін бірегей заттары болды.

Көпшіліктің назары ауған лоттардың бірі – атақты мәнерлеп сырғанаушыға тиесілі коньки. Бастапқы бағасы 500 мың теңге болғанымен, құны сауда барысында бес есеге көтерілді. Ең жоғары бағаны қазақ эстрадасының әншісі Ғалымжан Молданазар ұсынды. Ол конькилерді 2,5 млн теңгеге сатып алды.

Түркістан облысы Арыс қаласындағы №17 колледж студенттері жаппай төбелесіп, бір адам жарақат алған. Студенттердің сөзінше, жоғарғы курста оқитындар әлімжеттік көрсеткен. Үнемі ақша жинатып отырған. Колледж әкімшілігі бұл жайдан хабардар, мәселе шешіліп жатқанын айтты.

«Шәкіртақы түскен сайын ақша жинайды»

27 қараша күні күндіз Түркістан облысы Арыс қаласындағы №17 колледж алдында жаппай төбелес болған. 2-курс студенттерін 1-курс студенттері ұрып тастаған. Бұған олардың әлімжеттік көргені себеп болуы мүмкін.

Төбелесте болған 1-курс студенті Санжар Есімбектің айтуынша, жоғарғы курс студенттері қыркүйек айынан бастап олардан ақша талап еткен. Ақша болмаса таяқтың астына алған.

Оның сөзінше, ертеңіне учаскелік инспектор колледжде төбелеске қатысқан...

Президент Қасым-Жомарт Тоқаев мемлекет басшысы ретінде кәсіпкерлерге шынайы құрметпен қарайтынын, оларды елдің нағыз патриоты деп есептейтінін мәлімдеді. Бұл туралы Ақорда хабарлады.

5 желтоқсанда президент Астанада кәсіпкерлерге арналған байқау жеңімпаздарын марапаттау рәсімінде сөз сөйледі. Ол әлемдегі геоэкономикалық ахуал «өте құбылмалы әрі бұлыңғыр» екенін айтып, кәсіпкерлерге иек артып отырғанын жеткізді.

«Осындай кезеңде бизнес өкілдерінің жасампаздық, отаншылдық қасиеттері айқын көрінеді. Мұндай уақытта кәсіпкерлеріміздің табанды еңбегі және ел болашағына деген зор сенімі аса маңызды екені анық», – дейді мемлекет басшысы.

Түрлі кәсіп өкілдеріне «Алтын сапа», «Парыз» сыйлықтарын тапсырған Тоқаев көпшілік алдында ағынан жарылды.

5 желтоқсан күні сағат 22:00-де Вашингтондағы Джон Кеннеди орталығында 2026 жылғы футболдан Әлем чемпионатының жеребе тарту рәсімі өтеді. Жанкүйерлер жеребе тарту рәсімін Qazaqstan телеарнасынан тікелей эфирде тамашалай алады.

2026 жылғы мундиаль Канада, АҚШ және Мексика елдерінде 11 маусым мен 19 шілде аралығында өтеді. Биылғы турнир жаңа форматта: жалпы саны 48 құрама, 12 топ. Әр топта 4 командадан болады.

Әлем Чемпионаты қай елдер қатысады?

Үш қожайын ел: Канада, Мексика және АҚШ жеребенің бірінші себетіне орналастырылған. Сонымен қатар Испания, Аргентина, Франция, Англия, Бразилия, Португалия, Нидерланд, Бельгия және Германия да үздік құрамалар қатарында.

Екінші себетте: Хорватия, Марокко, Колумбия, Уругвай, Швейцария...

Бішкектің 70 жастағы тұрғыны Маданза Малоэр ұлының ұрып-соққанын айтып шағымданды. Сөзіне қарағанда, милиция қол қусырып қарап отыр.

Kaktus.media хабарлауынша, 2019 жылы ол Лебединовка ауылынан үй сатып алған. Сондай-ақ дәл сол жерде автокөлік техникалық қызмет көрсету станциясын салған.

Әкесіне уәде берген

Үйді сатып алу кезінде оның төлқұжаты болмағандықтан, ол құжаттарды өзінің ұлы – 1986 жылы туған И. М.-нің атына рәсімдеген. Ұлы қартайған шағында әкесіне қолдау көрсетемін деп уәде берген.

«Мен ТБС салдым. Ұлыма сендім. Адал жұмыс істеп, табыс тап деп айттым. Бірақ, өкінішке қарай, ұлым – құмар ойынға әуес. Оның қарыздарын жиі төлеуге тура келд...

Президент Қасым-Жомарт Тоқаев бизнес өкілдерінің жаңа Салық кодексіндегі бірқатар нормаларға қатысты алаңдаушылығын ескеру қажеттігін айтты. Бұл туралы ол «Алтын сапа» және «Парыз» байқауларының жеңімпаздарын марапаттау рәсімінде сөйлеген сөзінде мәлімдеді.

Мемлекет басшысының айтуынша, кәсіпкерлер жаңа кодекстегі кейбір нормаларды іске асыру кезінде туындауы мүмкін мәселелер туралы өтініштерін жолдап жатыр. Ол өтініштердің мазмұны қоғамға белгілі екенін және бұқаралық ақпарат құралдарында жарияланғанын атап өтті.

«Үкімет бұл өтініштерді мұқият саралап, ақылға қонымды шешім табады деп сенемін. Басқа жол жоқ, бұл – мемлекеттік деңгейдегі міндет», – деді Тоқаев.

Президент салықтық әкімшілендіруді жетілдіру қажеттігін ерекше атап өтіп, цифрлы...

Президент Қасым-Жомарт Тоқаев шағын және орта бизнесті дамытуда шешілмеген мәселе көп екенін ашық түрде мойындады. Сол себепті мемлекет басшысы оларды жеке бақылауына алды. Бұл туралы Ақорда хабарлады.

Тоқаевтың айтуынша, үкімет кедергілерді жою үшін нақты шаралар қолданып жатыр, бірақ мәселе әлі де көп.

«Дегенмен әлі де шешімін таппаған өзекті мәселелер мен түйткілдер аз емес, оны біз ашық түрде мойындаймыз», – деді президент Астанада кәсіпкерлерді марапаттау рәсімінде.

Ақорда таратқан ақпаратқа қарағанда, мемлекет басшысы ең түйткіл мәселелерді жеке бақылауына алған.

«Мен Мемлекет басшысы ретінде шағын және орта бизнесті дамытуға айрықша мән беріп...