Жаңалықтар

Исламабад АҚШ президенті Дональд Трампты Пәкістан мен Үндістанды татуластырғаны үшін Нобель бейбітшілік сыйлығына ұсынды. Үкімет мәлімдемесі X әлеуметтік желісінде жарияланды.

«Пәкістан үкіметі президент Дональд Трампты 2026 жылы Нобель бейбітшілік сыйлығына үміткерлер қатарына ұсыну туралы шешім қабылдады. Исламабад оның Үндістан-Пәкістан дағдарысы кезінде дауды дипломатиялық жолмен шешуге басшылық еткенін мойындайды», – деп жазылған мәлімдемеде.

Бұған қоса, Исламабад Құрама Штаттар президентінің аймақтағы тұрақсыздыққа себеп болып отырған Джамму мен Кашмирге қатысты дауды шешу туралы ұсыныстарын жоғары бағалады.

«БҰҰ Қауіпсіздік кеңесінің Джамму мен Кашмирге қатысты қарары орындалмайынша, Оңтүстік Азияда мызғымаз бейбітшілік орнамайды», – деп...

Қазақстан спортшысы Елена Рыбакина Берлинде өтіп жатқан ірі турнирде әлемнің бірінші теннисшісі Арина Сабаленкаға есе жіберді.

Тартысты өткен матч үш сетке созылды. Жеңімпаз ойын соңындағы тайбрейкте ғана анықталды. Рыбакина төрт бірдей матчболды жүзеге асыра алған жоқ. Есеп 7:6, 3:6, 7:6.

Осылайша, Қазақстанның бірінші теннисшісі жарысты ширек финалда аяқтады. Енді ол Үлкен дулыға санатына жататын Уимблдон турниріне дайындалады. Рыбакина бір мәрте Лондондағы осы жарыстың жеңімпазы атанған.

Естеріңізге сала кетейік, осының алдында Қазақстанның бірінші теннисшісі Александр Бублик Германияның Галле қаласында өтіп жатқан ірі турнирдің жартылай финалына шықты. Ол чех теннисшісі Томаш Махачты екі сетте жеңді. Матч 7:6, 7:3 есебімен аяқталды.

Жартылай финал ойындары...

Алматыда полиция мас күйде көлік тізгіндеген автобус жүргізушісін ұстады, деп хабарлады Polisia.kz.

Оқиға Әл-Фараби даңғылында болған. Полиция қызметкерлері аталған деректі Алматы облысындағы лагерьге балаларды тасымалдап бара жатқан шағын автобустар колоннасының қозғалысын бақылау кезінде анықтаған.

Наркологиялық сараптама балалар отырған көлікті басқарған жүргізушілердің бірінде алкогольдік масаңдықты растаған.

Полиция қызметкерлері жүргізушіні көлік құралын басқарудан шеттетіп, автобус мамандандырылған айыппұл тұрағына орналастырылған. Материалдар заң аясында шешім қабылдау үшін Алматы қаласының ауданаралық мамандандырылған әкімшілік сотына жіберілген.

– Балаларды тасымалдау – ерекше жауапкершілікті қажет ететін сала. Мас жүргізушінің көлік құралын басқаруы – кәмелетке толмағандардың өмірі мен денсаулығына тікелей қауіп төндіреді. Мұндай...

Қазақстанның бірінші теннисшісі Александр Бублик Германияның Галле қаласында өтіп жатқан ірі турнирдің жартылай финалына өтті.

Ол чех теннисшісі Томаш Махачты екі сетте жеңді. Матч 7:6, 7:3 есебімен аяқталды. Бублик 19 мәрте эйс орындап, үш рет брейк жасады. Ол жартылай финалда Томас Мартин Этчеверри мен Карен Хачанов матчының жеңімпазымен кездеседі. Тағы бір жартылай финалда Александр Зверев пен Даниил Медведев кездеседі. Финалға шығатын екі теннисші сенбі күні анықталады.

Естеріңізге сала кетейік, бір күн бұрын Бублик әлемнің бірінші теннисшісі Янник Синнерді үш сетте жеңген.

Ал екі апта бұрын Қазақстанның бірінші теннисшісі Роланд Гаррос турнирінің ширек финалына дейін жеткен.

АҚШ-та жаңа көліктің орташа бағасы 48 мың долларға (шамамен 24,9 млн теңге) жетті. Бұл Қазақстандағыдан 9 млн теңгеге жоғары. Қазақстан автобизнес қауымдастығының (ҚАҚ) мәліметінше, 2025 жылдың қаңтар-мамыр айларында елде жаңа автокөлік сатып алуға кеткен орташа сома 15,9 млн теңгені құраған. Осы ретте Курсив Авто АҚШ пен Қазақстандағы ең арзан модельдердің бағасын салыстырып көрді

АҚШ пен Қазақстандағы ең арзан көліктер

Visual Capitalist деректеріне сәйкес, АҚШ-тағы 20 мың долларға дейінгі көліктер саны онға да жетпейді. Ең арзан модельдер – Mitsubishi Mirage пен Nissan Versa, олар америкалықтарға 18 мың және 18,4 мың доллардан сатылады (шамамен 9,35–9,52 млн теңге). Бұл модельдер Қазақстанда сирек кездеседі, тек арнайы...

Еуропаның үш елі – Германия, Франция және Ұлыбританияның сыртқы істер министрлері Иранмен Израиль арасындағы шиеленісті азайту жөнінде келіссөз жүргізуді жоспарлап отыр. Алайда Иран тарапы қазіргі жағдайда дипломатияның уақыты келмегенін мәлімдеді.

«Израиль шабуылдарын тоқтатпайынша, ешқандай келіссөз де, дипломатиялық байланыс та болуы мүмкін емес. Біз ешкіммен диалог жүргізуге дайын емеспіз. Америкалықтармен де ешқандай байланыс жоқ», – деді Иранның сыртқы істер министрі Аббас Арагчи 20 маусым күні ирандық SNN порталына берген сұхбатында.

Израиль мен Иран арасындағы қарулы қақтығыс екінші аптаға жалғасып жатқан тұста, Еуропа елдері бұл шиеленісті бейбіт жолмен реттеуге күш салып отыр. Германия, Франция және Ұлыбритания...

«Қазақстан қор биржасы» АҚ Басқармасының құрамына өзгерістер енгізілді. Бұл туралы KASE хабарламасында айтылады.

KASE мәліметінше, өзгеріс басқару командасын нығайту және ағымдағы стратегиялық даму міндеттерін орындау мақсатында іске асқан.

Басқарма құрамындағы өзгерістер төмендегідей:

23 маусымнан бастап KASE Басқармасы өкілеттік мерзімі 2026 жылғы 1 шілдеге дейінгі бес адамнан тұрады: 

1) Басқарма төрағасы Мұхамеджанов Әділ Нұрланұлы;

2) Басқарма төрағасының орынбасары Саржақов Жайнар Наурызбайұлы;

3) Басқарма төрағасыны...

Павлодар облыстық төтенше жағдайлар жөніндегі комиссия дауыл салдарынан облыстың Павлодар, Ақсу, Екібастұз қалалары мен Баянауыл, Павлодар, Май аудандарында ТЖ режимі жарияланатынын хабарлады.

Әкімдік таратқан ақпаратқа қарағанда жергілікті атқарушы органдар өңірдің бірқатар елді мекендерінде соққан дауыл салдарынан келген залалды бағалау бойынша жұмыстар жүргізіп жатыр. Комиссиялар залал келтірілген орындарға барып, зардап шеккен азаматтардан өтініштер қабылдауды жүзеге асыруда.

«Облыстық төтенше жағдайлар жөніндегі комиссия отырысының қорытындысы бойынша облыстың үш қаласында және бірқатар ауданында ТЖ режимі жарияланады. 20-30 маусым аралығында апаттың салдарын жою бойынша өтініштер қабылданатын болады. Павлодарда өтінімдер келесі телефон нөмірлері арқылы қабылданады: 109, 112, 32-36-92», – делінген ақпаратты...

2025 жылдың алғашқы тоқсанында қазақстандықтардың табысы да, шығыны да орта есеппен 10%-ға өсті. Бірақ бұл өсім халықтың тұрмысын жақсартты деуге келмейді. Себебі инфляция 9,4% деңгейінде болып, табыстың шын мәніндегі өсімін «жеп қойды». Halyk finance сарапшылары қазақстандықтар бес жылдан бері өз табысының жартысын азық-түлікке жұмсап келе жатқанын айтады.

Ұлттық статистика бюросының дерегінше, 2025 жылдың I тоқсанында елдегі әр тұрғынның орташа айлық табысы 350 мың теңгеден асқан. Бұл өткен жылдың дәл осы кезеңімен салыстырғанда 10,1%-ға көп. Бірақ бұл өсімнің басым бөлігін инфляция «жұтып қойған».

Оның үстіне, өңірлер арасында айтарлықтай айырмашылық бар: Астана тұрғындарының айлығы 494 мың теңге болса, Түркістан облысының тұрғындары...

2024 жыл үшін «Халық Банк» басқарма мүшелеріне 4,056 млрд теңге төлейді. Бұл жайлы Қазақстан қор биржасындағы хабарламадан белгілі болды.

«Қазақстан Халық Банкі» АҚ (бұдан әрі – Банк) 2024 жылдың қорытындысы бойынша Банктің атқарушы органының мүшелеріне төленген жалпы сыйақы мөлшері туралы ақпаратты ұсынады. Оған еңбекақы мен ақшалай түрдегі барлық ынталандыру төлемдерінің жиынтық сомасы кіріп, 4 056 620 635,74 теңгені құрады», – деп жазылған хабарламада.

2023 жылы банк топ-менеджерлеріне 3,2 млрд теңге төлеген еді.

Халық Банк сайтындағы дерек бойынша, басқарма кеңесінде тоғыз адам, ал директорлар кеңесінде алты адам бар. Басқарма төрайымы – Үміт...

Jeep көлігімен танымал Stellantis компаниясы люкс санатындағы Maserati брендін сатқысы келеді. Бұл туралы Reuters екі дереккөздің мәліметіне сүйене отырып хабарлады.

Агенттік дерегінше, кейінгі уақытта Maserati саудасы мәз емес, сол себепті компания 14 брендтен тұратын ауқымды портфелін қайта ұйымдастыруды қалайды. Сол үшін автоөндіруші McKinsey қызметіне жүгінген.

«Қаншалықты жақсы көлік болса да, Maserati сатылып жатқан жоқ», – дейді Stellantis компаниясының өкілі.

Stellantis 2024 жылғы наурызда құнының үштен екісінен айрылып қалған. Былтыр Maserati саудасы екі есе төмендеген – бар болғаны 11 300 көлік сатылған. Люкс брендін өндіретін бөлім 260 млн еуро (298 млн доллар) шығынға батқан.

Қазір...

Түрік актері Озан Гювен бұрынғы сүйіктісін соққыға жыққаны үшін 2,3 жылға бас бостандығынан айырылды. Гювен «Сүлеймен сұлтан» телехикаясында Рүстем пашаның рөлін сомдаған.

Сот отырысы Ыстанбұлда өтті. Сот Озан Гювенді тұрмыстық зорлық-зомбылық әрекетіне барғаны үшін кінәлі деп таныды. Жәбірленуші – оның бұрынғы сүйіктісі Дениз Булутсуз.

Дениз Булутсуз полицияға 2020 жылы арызданған. Оның денесінде жарақат барын дәрігерлер растаған. Ол кезде Гювен өз кінәсін мойындамай, керісінше Денизді бірінші болып агрессия танытты деп қарсы арыз берген. Бірақ бес жылдан кейін сот Дениздің жағына шығып, актердің қарсы арызын қабылдамады. Енді Гювеннің адвокаттары үкімге шағымданғалы жатыр.

50 жастағы Озан Гювен – Түркияның танымал актерлерінің бір...

Бірыңғай жинақтаушы зейнетақы қорында салымшылар тарапынан талап етілмеген 37,3 млрд теңге жатыр. Бұл қаражат зейнет жасына жеткенімен, түрлі себептермен қордан алмаған 264 695 азаматтың жеке шоттарында жинақталған.

БЖЗҚ дерегінше:

Салымшының өзі немесе мұрагерлер талап еткенге дейін, ол зейнетақы жинақтары инвестицияланып, шотта сақтала береді.

Атап өтейік, 2025 жылғы 1 сәуірдегі жағдай бойынша қазақстандықтарды...

Астананың Экономикалық тергеп-тексеру департаменті «Фридом Финанс» компаниясының бұрынғы қызметкері Темірлан Бековке қарсы алаяқтық бойынша қозғалған қылмыстық істі тоқтатты. Бұл іс брокер клиентінің арызы негізінде қозғалған болатын. Тергеу барысында Бековтің әрекетінен қылмыс құрамы анықталмаған. Осы ақпаратты қалалық прокуратура да растады.

Бұл іс ақпараттық кеңістікте «Фридом Финанс» компаниясына қарсы бағытталған кампанияның басты эпизодтарының біріне айналды. Компания өкілдері қазіргі кезде іскерлік беделін заңмен қорғауға ниетттеніп отыр.

Тергеу қалай басталды?

Темірлан Бековке қатысты қылмыстық іс 2023 жылдың қазан айында зейнеткер Қарлығаш Қапарованың арызы негізінде қозғалған. Зейнеткер қор нарығына салған ақшасын брокер Темірлан Беков иемденіп кетті деп шағымданған. Алайда тергеу барысында Қапарова

Сыртқы істер министрлігі Израильден 66 (Мысыр аумағы арқылы), Ираннан 78 азаматты (Армения арқылы – 73, Әзербайжан – 2, Түрікменстан – 3) елге алып келді.

Министрліктің мәліметінше, Иран және Израильдегі қазақстандық дипломаттар азаматтарға қажетті консулдық-құқықтық көмекті қамтамасыз ету бойынша жұмысты жалғастырып жатыр.

«ҚР СІМ Израиль, Мысыр және Армения билігіне өз ризашылығын білдіреді, сондай-ақ қазақстандықтарды эвакуациялауға қолдау көрсетіп жүрген ирандық, әзербайжан және түрікмен әріптестеріне қайта алғыс айтады. Бірлескен күш-жігердің арқасында азаматтарымыз үйлеріне аман-есен оралуға мүмкіндік алуда», – делінген СІМ хабарламасында.

Бұған дейін, СІМ қысқа уақыт ішінде 200-ден астам қазақстандық Таяу Шығыстан кеткісі келетінін айтып хабарласқанын жариялаған.

Оны...

Қазақстандық продюсер, тележүргізуші және актер Нұрлан Қоянбаев тіл мәселесін шешудің ең оңай жолын ұсынды. Танымал әзілкеш Зamandas подкастына қонаққа барды.

Шамамен 2 жарым сағатқа созылған еркін әңгіме барысында қазақ әзілі, киносы, өмір салты туралы айтылды. Қазақ тілі мәселесіне айтарлықтай көп көңіл бөлінді.

«Қазақ тілді парақшаларға жарнама беру трендке айналу керек. Өз елімде, өз аудиторияма жұмыс істеп келе жатқанына біраз жыл болды. Біздің жағдай өте қиын еді: қазақ киносы алынбады, телеарналарда қазақша бағдарламалар аз көрсетілді. Соның бәрінен үндемей өттік.

Тіл мәселесін шешу үшін бір ғана нәрсе айтайын: бәріміз қазақ тілін үйренуіміз керек. Болды. Мәселе сол кезде...

«Теңіз» кен орнын кеңейту жобасы толық қуатына жетті. Бұл туралы «ҚазМұнайГаз» ҰҚ» АҚ басқарма басшысының орынбасары Әсет Мағауов мәлімдеді деп жазады «ҚазАқпарат».

2025 жылдың алғашқы бес айының қорытындысы бойынша, «Теңіз» жобасынан 10,8 млн тонна мұнай өндірілген. Бұл белгіленген жоспардан 5%-ға, 535 мың тонна артық.

«Өндіру көлемінің артуы 2025 жылғы қаңтарда ТШО-ның Болашақ кеңейту жобасының іске қосылуының арқасында қамтамасыз етілді. Қазіргі уақытта жоба толық қуатында жұмыс істеп тұр», – деді Әсет Мағауов.

Бес ай нәтижесінде, газ өндіріс көлемі 4,76 млн тоннаны құрады, бұл жоспардан 9% немесе 385 млн-ға артық. Осы жылы Шығыс және...

I тоқсанның қорытындысы бойынша, денсаулыққа жұмсалатын жан басына шаққандағы орташа шығын 3,6 мың теңгеден 4,6 мың теңгеге дейін өсті. Бұл – жалпы номиналды ақшалай шығындардың жылдық өсімінен үш есе көп әрі соңғы екі жылдағы рекорд. Бұл деректерді бірінші кредиттік бюро мәлім етті.

Нақты мәнде көрсеткіш 14,9%-ға артқан. Есептеуге денсаулық сақтау тауарлары мен қызметтеріне арналған баға индексі пайдаланылған.

Жан басына шаққандағы денсаулық сақтау қызметтеріне жұмсалатын орташа шығынның негізгі бөлігін стоматологиялық қызметтер құрайды – 2,4 мың теңге.

Бюро мұндағы сандар аз көрінуі мүмкін, бірақ есеп елдегі барлық тұрғындар бойынша жүргізілетінін есте сақтау керектігін атап өткен. Ал есеп беру кезеңінде олардың бәрі бірдей...

Қазақстандық кәсіпкер Қайрат Боранбаевтың бауыры Мұрат Боранбаев ұсталды. Бұл туралы Tengrinews.kz қаржы мониторингі агенттігіне сілтеме жасап хабарлады.

Айта кетейік, Мұрат Боранбаевқа 2022 жылы іздеу жарияланған. Бұл ақпарат құқықтық статистика органдарының порталында жарияланды.

«Қаржы мониторингі агенттігі Мұрат Боранбаевты іздеу жұмыстарын 2024 жылдың 24 желтоқсанында оның ұсталуына байланысты тоқтатты», – деп жазды редакция.

Оның Алматыдағы ақылы автотұрақтарға қатысты қылмыстық істе басты күдікті екені айтылды. Мемлекеттік сатып алу сайтындағы ақпаратқа сәйкес, Мұрат Боранбаев 2017 жылы «AlanParking» ЖШС-нің басшысы болған. 2022 жылы AlanParking компаниясының директоры Мұхтар Базарбаев қамауға алынған.

Қайрат Боранбаев 2023 жылы қылмыстық кодекстің 28-бабы 5-бөлігі және...

Соңғы уақытта Freedom Bank клиенттері арасында инвестициялық валюта түрінде берілетін кешбэкке салық төлеу қажет пе деген сұрақ жиілеп кетті. Freedom Bank өкілдерінің айтуынша, түскен кэшбек үшін салық төленбейді, тек салық декларациясын тапсыру қажет.

Инвестициялық кешбэк деген не?

Freedom Bank клиенттері сауда-саттық жасаған кезде, оларға Freedom валютасы түрінде кешбэк беріледі. Бұл кәдімгі ақша емес, арнайы биржада тіркелген ETN (Exchange Traded Note) деп аталатын қаржы құралы болып саналады.

ETN – бұл құнды қағаздың бір түрі. Freedom валютасы Астана халықаралық биржасында (AIX) саудаланады және Астана халықаралық қаржы орталығының (АХҚО) ережелерімен реттеледі.

Салық төлеу керек пе?

Жоқ, төлемейсіз. Қазақстан заңнамасына...

Қазақстандық теннисші Елена Рыбакина Берлиндегі WTA 500 турнирінің ширек финалында әлемнің бірінші ракеткасы Арина Соболенкомен ойнайды.

Ойын Қазақстан уақыты бойынша сағат 19:00-де басталады.

Ойынның тікелей трансляциясын Sports.kz сайты көрсетеді. Сондай-ақ ойын барысынан үзінділер WTA YouTube каналында жарияланады.

Бұған дейін қазақстандық теннисші Катерина Синяковадан 6:4, 7:6(5) есебімен басым түсті.

Айта кетейік, қазақстандық теннисші Александр Бублик Германияның Галле қаласында өтіп жатқан ірі турнирде әлемнің бірінші теннисшісі Янник Синнерді жеңді.

«Алтыналмас» АҚ 2024 жылғы дивидендтердің бір бөлігін төлейді. Акционерлер жиналысында осындай шешім қабылданған.

Компанияның мәліметінше, 2025 жылғы 11 маусымда акционерлерге 33,2 млрд теңге аударылған. Бір қарапайым акцияға төленетін дивиденд құны – 7 921 теңге. 2024 жылдың қорытындысы бойынша жалпы дивиденд сомасы 77 млрд теңгеден асады.

«Алтыналмас» АҚ – Қазақстандағы алтын өндіруші ірі үш компанияның бірі. Ол бағалы металл өндірісі мен ресурс базасының көлемі бойынша жетекші орында. Компания активтері Жамбыл, Павлодар, Қарағанды, Абай және Ақмола облыстарында орналасқан.

Былтыр «Алтыналмас» 6,6 млрд теңгеге «Майқайыңалтын» компаниясын сатып алған еді.

1964 жылы туған алматылық келіншек 20 жыл бойы құжатсыз жүрген. Оған Кеңес дәуірінде алған төлқұжатын жоғалтып алуы себеп болған.

Келіншек 1974 жылғы үлгідегі төлқұжаттын жоғалтып алып, жеке басын куәландыратын құжатсыз 20 жыл жүрген. Соның салдарынан зейнетақы рәсімдей алмай, заңды баспанаға қол жеткізе алмаған.

Қалалық көші-қон қызметі мамандары зейнет жасындағы әйел адамға қажетті анықтамаларды жинауға көмектесіп, барлық рәсімдеу процесін бақылауға алып, әйелге Қазақстан Республикасының азаматы ретінде жеке куәлік берілген.

Қазіргі таңда көші-қон қызметі құжат алған әйелге зейнетақы мен басқа да әлеуметтік жеңілдіктерді рәсімдеуге көмектесіп жатқаны хабарланды.

Бұған дейін, полиция ЖИ адамдардың сөзіндегі қарама-қайшылықты анықтап, тергеушілерге көмектесетіні хабарланған.

Назарбаев зияткерлік мектебінен шығарылған оқушы басқа мектепте аттестат алды. Бұл туралы әлеуметтік желіде заңгер Женгелді Сүлейманов жазды.

«НЗМ Сұңқарды 11-сыныптан 23 мамыр күні шығарып жіберген еді. Оған енді 1 қыркүйектен бастап қарапайым мектепке барып, тағы бір жыл оқу керек болды. Бірақ біз – қоғамның шамамен 20%-ы оның құқығын қорғап, заң жағында болдық. Нәтижесінде Сұңқарға емтихан тапсыруға рұқсат берілді және ол аттестат алды», – деп жазды Сүлейманов.

Айта кетейік, Назарбаев мектебінің оқушысын емтиханға телефон алып кіріп, артынан оны алып қойған мұғалімді балағаттаған үшін оқудан шығарып жіберген еді. Бұл іске қатысты министрлік мәлімдеме жасап, педагогке құрмет көрсетілуі керек...