Жаңалықтар

Маңғыстау облысы бойынша Қаржылық мониторинг агенттігі Рантик Бахтияр Оглына қатысты тергеу жүргізіп жатыр.

Оған заңсыз онлайн-казино түрінде ойын бизнесін ұйымдастырды деген күдік келтіріліп отыр.

Мыңнан астам құмар ойыны

Платформаның жұмысы үшін мыңнан астам құмар ойын түріне қолжетімділік беретін «bingo37.pro» сервисі пайдаланылған. Олардың қатарында «Crazy Monkey», «Keno», «Euro Game» және басқа да танымал ойындар бар.

Ойыншыларды тарту Telegram және WhatsApp мессенджерлері арқылы жүзеге асырылған. Онда жарнамалар, фото және бейнематериалдар, акциялар мен бонустық бағдарламаларға қатысу туралы ұсыныстар таратылған.

«Пайдаланушыларда оңай әрі жылдам ұтысқа ие болу мүмкіндігі бар деген түсінік қалыптастырылған. Ақша аударылғаннан кейін ойыншыларға ойын платформасына...

Астана соты бұрынғы сенатор және кәсіпкер Ерлан Нығматулиннің бірнеше ірі компаниядағы үлесіне шектеу қойған. Мұны Shishkin_like телеграм-арнасының редакциясы анықтаған.

Бұл шешім Нығматулиндер әулетінің өкілдеріне қатысты жүріп жатқан ауқымды тергеу амалдары аясында қабылданды.

Ерлан Нығматулиннің бұғатталған активтері

Астана қаласының азаматтық істер жөніндегі ауданаралық соты былтыр жыл соңында кәсіпкердің төрт бірдей компаниядағы үлесіне шектеу қойған. Олардың қатарында мына кәсіпорындар бар:

Жаркентте баласын батареяға байлап қойып ұрған әйел қылмыстық жауапкершіліктен босатылды. Сот шешімімен әйел мәжбүрлі емдеуге жіберіледі.

Оқиғаның мән-жайы

2026 жылдың қаңтарында әлеуметтік желіде әйелдің баласын байлап, ұрып-соғып жатқан сәті түсірілген видео тарады. Тексеру барысында 28 жастағы әйелдің екі баласы бары, оларды аяусыз ұрғаны анықталған.

Содан кейін балалардың анасы Жаркенттегі уақытша тергеу изоляторына түсіп, екі бала бүлдіршіндер тәрбиеленетін орталыққа қабылданды.

19 қаңтарда қамқоршы мекеме әйелді ата-ана құқығынан айыру туралы шешім шығарған.

Балалардың әкесі жұмыссыз, үшінші топтағы мүгедектігі бар.

Сот шешімі

Сотта 18 қаңтарда шамамен сағат 16:00-де кәмелетке толмаған бала жуынатын бөлмеде суды ашық қалдырғаны, салдарынан бөлмені су...

Алдағы уақытта «Бурабай мемлекеттік ұлттық табиғи паркі» аумағында автокөліктердің қозғалысын шектеу жоспарланып отыр. Мұндай тыйым енгізілмес бұрын, туристерге жеке көліксіз де қолайлы жағдай жасау үшін тиісті инфрақұрылым құрылады. Бұл туралы Ұлттық парктің баспасөз қызметінің «Курсивке» берген ресми жауабында айтылған.

Көліктердің кіруіне шектеу кезең-кезеңімен енгізіледі. Алдымен парк аумағында көліктерді қалдыруға арналған арнайы тұрақтар салынып, шаттл-маршруттар іске қосылады. Туристерге балама демалыс орындар ретінде Үлкен Шабақты, Щучье және Қатаркөл көлдері ұсынылады. Бұдан бөлек, өзен трамвайларын іске қосу да жоспарланған.

Ұлттық парк өкілдерінің айтуынша, мұндай шаралар табиғатты қорғау мақсатында қолға алынбақ.

«Жағалау аймағында көліктердің көп болуы топырақтың тығыздалуына, ағаш тамырларыны...

Италиядағы қысқы олимпиадада мәнерлеп сырғанаушы Михаил Шайдоров жеңіске жеткеннен кейін, Қазақстанда чемпионның елге қашан оралатыны туралы сұрақтар көбейіп кетті.

Михаил Шайдоров елге 21 ақпаннан кейін оралады. Олимпиада чемпионы атанған қазақстандық мәнерлеп сырғанаушы жарыстан кейін бірқатар шараларға қатысады. Бұл туралы журналист Аслан Қаженов мәлімдеді. Оның айтуынша, Михаил 21 ақпан күні Миланда өтетін гала-концертте өнер көрсетеді.

«Қазір Олимпиада чемпионы арнайы шоу бағдарламасын дайындап жатыр. Гала-концерттен кейін спортшы Қазақстанға оралады», – деді Қаженов.

Еске сала кетейік, бұған дейін Шайдоровтың сәуір айында Алматыда өнер көрсететінін жазған едік.

Оқу-ағарту министрі Жұлдыз Сүлейменова меншік нысанына қарамастан сапалы білім беретін мектептердің тізімі жасалып жатқанын мәлімдеді.

Министрдің айтуынша, енді мемлекеттік және жекеменшік мектептер үшін талап бірдей болады. Сөзінше, 2025 жылы жекеменшік мектептер цифрландырудан өткен. Қазір бұл үдеріс мемлекеттік мектептерді де қамтып жатыр. Негізгі мақсат – ашықтықты қамтамасыз етіп, меншік нысанына қарамастан сапалы білім беретін мектептерді анықтау.

Сондай-ақ Сүлейменова жекеменшік мектептерде оқу стандарты толық орындалмай отырғанын жеткізді. Оның айтуынша, тек пәндердің оқытылмауы ғана емес, өзге де өрескел заңбұзушылықтар тіркелген.

«Негізгі мәселеге тоқталғым келеді. Сабақ берілмеген, бірақ тіркелген балалар бар. Сонымен қатар оқу стандартын толық орындамаған, әскери...

Қырғыз МҰҚК-нің бұрынғы төрағасы Қамшыбек Тәшиевтің жақтаушысы Нұрғазы Анаркулов Бішкектің уақытша ұстау изоляторына қамалды.

Kaktus.media хабарлауынша, күштік құрылым қызметкерлері Анаркуловты 17 ақпанда Қырғызстан шекарасында ұстаған. Алайда басқа деректерде оның Ыстанбұл қаласында ұсталғаны айтылып жатыр.

Сондай-ақ Анаркуловтың үйінде тінту жүргізілген. Содан кейін ол Бішкек қалалық ішкі істер басқармасының уақытша ұстау изоляторына қамалған.

2021 жылдың қаңтарында Анаркулов Қырғызстан президенті аппаратының ақпараттық саясат бөлімінің меңгерушісі қызметін атқарып жүрген кезінде арнайы қызмет тарапынан аса ірі көлемде пара бопсалады деген күдікпен ұсталған болатын.

Тергеу нұсқасына сәйкес, ол қызметтік өкілеттігін пайдаланып, тағайындауға жәрдемдескені үшін жоғары мемлекеттік лауазымға үміткерден ақша талап еткен. Кейін ол атқарып...

Еңбек және халықты әлеуметтік қорғау министрлігінің мәліметінше, биылғы жылдың басынан бастап елімізде зейнетақы төлемдерінің мөлшері 10%-ға артты. Осы кезең ішінде республикалық бюджеттен зейнетақы төлеуге жалпы 395,2 млрд теңге бөлінді.

Бұл қаражаттың 263,9 млрд теңгесі ынтымақты зейнетақы төлеуге бағытталса, қалған 131,3 млрд теңгесі базалық зейнетақы үлесіне тиесілі болды.

2026 жылғы 1 ақпандағы жағдай бойынша Қазақстандағы зейнеткерлердің жалпы саны 2 млн 538 мың адамға жетті. Осыған байланысты жиынтық зейнетақының орташа мөлшері 157 843 теңгені құрап отыр.

Бұл көрсеткіштің ішінде ынтымақты бөлігінің орташа сомасы 103 931 теңге болса, базалық зейнетақының орташа мөлшері 53 912 теңгеге тең.

Мемлекеттік базалық зейнетақы төлем...

YouTube сервисінен ақау шығып, пайдаланушылар жаппай шағымдануда. Бүгін, 18 ақпан таңертеңге дейін видеосервис жұмысына қатысты 329 мыңнан астам шағым тіркелді. Бұл туралы Downdetector деректері хабарлады.

Статистика бойынша шағымдардың:

Қазіргі уақытта YouTube ресми пікір білдірген жоқ.

Қазақстандық кәсіпқой боксшы Жанқош Тұраров әлеуметтік желідегі парақшасында рухани даму тақырыбында жазба жариялап, Нұрсұлтан Назарбаевтың жиені Нұралы Әлиевпен тәжірибе алмасып жүргенін айтты.

Спортшы өз жазбасында:

«Сана биігінде өсу мен жан деңгейінде сырласып, сұхбаттасудың жөні бөлек. Нұрекең екеумізді байланыстыратын үлкен трансформациялық ортақ тәжірибеміз бар. Рухани өсу – нағыз жетістік екенін түсініп келем, Альхамдулиллях», – деп жазды Тұраров.

Айта кетейік, бұған дейін Қазақстанның тұңғыш президенті Нұрсұлтан Назарбаевтың жиені Нұралы Әлиевтің рухани ағартушылық бағытқа бет бұрғаны туралы жазған едік. Дариға Назарбаеваның ұлы қазіргі уақытта психология, рухани даму және сананы кеңейту тақырыптарында дәрістер өткізіп жүр.

Қытай инвесторлары Қазақстанда жабылып қалған ескі өндіріс орындарына қызығады. Бас кеңсесі Бейжіңде орналасқан Ca Long компаниясының өкілдері Түркістан облысына келді.

Өңір әкімдігінің хабарлауынша, Төлеби ауданында қытай инвесторларымен кездесу өтті. Делегация өкілдері аудан әкімі Еркеғали Әлімқұловпен жүздесті.

«Қытайлық инвесторлар ауданда Кеңес өкіметі кезеңінде жұмыс істеп, қазіргі таңда жұмысын тоқтатқан бірқатар өндіріс орындарына қызығушылық танытты. Аталған нысандарды қайта іске қосу, жаңғырту және жаңа өндірістер ашу мүмкіндіктері талқыланды», – деп таратты облыс әкімдігінің баспасөз қызметі.

Келіссөз барысында ауданның инвестициялық әлеуеті, экономикалық мүмкіндіктері және басым бағыттары жан-жақты таныстырылды. Атап айтқанда, ауыл шаруашылығы, туризм, өндіріс және қайта өңдеу...

Ұлттық қауіпсіздік комитеті Шығыс Қазақстан облысы әкімінің бірінші орынбасары Жақсылық Омардың ұсталғанын растады.

Комитет Жақсылық Омарға қатысты сотқа дейінгі тергеп-тексеру жүргізіп жатыр.

«Сотқа дейінгі тергеу жүргізіліп жатыр. Басқа ақпарат жарияланбайды», – делінген ҰҚК жауабында.

Бұған дейін әлеуметтік желіде Жақсылық Омардың ұсталғаны жөнінде ақпарат тарады. Облыс әкімдігі шенеуніктің еңбек демалысында екенін мәлімдеді.

«Шығыс Қазақстан облысы әкімдігінде аталған лауазымды тұлғаға қатысты қандай да бір мәлімет жоқ. Қолда бар мәліметке сәйкес, лауазымды тұлға денсаулығына байланысты уақытша еңбек демалысын алған», – деп хабарлады Шығыс Қазақстан облысы әкімдігінің баспасөз қызметі.

Айта кетейік, Жақсылық Омар Өскемен қаласын...

Түрікменстанның «ақылды» Аркадаг қаласында «халықты тазарту» науқаны жүріп жатыр. Жұмыссыздар мен тіркеуі жоқтар дереу кетуі тиіс.

Бұл қала Ұлттық көшбасшысы Гурбангулы Бердымухамедов бастамасымен салынған.

The Times of Central Asia хабарлауынша, жергілікті билік қалада ресми жұмысы жоқ тұрғындарды анықтау үшін пәтерлерді тексеріп жатыр.

Бейресми ережелерге сәйкес, Аркадагтың «тиісті» тұрғыны ресми түрде жұмыспен қамтылып, нақты тұратын жері бойынша тіркелуі тиіс. Бірге тұруға тек ең жақын туыстарға – жұбайларға, балаларға және ата-аналарға ғана рұқсат етіледі. Ағайын-туыс, соның ішінде аға-інілер, әпке-сіңлілер және алыс туыстар бір пәтерде тұрса, оларды көшіруі мүмкін.

Қалада жұмысқа орналасқан, бірақ уақытша ағасы немесе әпкесінің үйінде тұратын адам тұрақты...

Apple компаниясы жасанды интеллект (AI) мүмкіндіктерін кеңейту үшін жаңа киілетін құрылғылардың әзірлемесін жеделдетті. Bloomberg агенттігінің хабарлауынша, компания 2026-2027 жылдары нарыққа үш бірдей инновациялық өнім шығаруды жоспарлап отыр.

AirPods пен ақылды алқа

2026 жылдың соңына қарай Apple компаниясы екі бірдей құрылғыны таныстыруға дайындалып жатыр. Олардың басты ерекшелігі – қоршаған ортаны көру және тану қабілеті.

Камерасы бар AirPods төмен ажыратымдылықтағы камералармен жабдықталады. Олар фото түсіру үшін емес, жасанды интеллектінің айналаны көруі үшін қажет. Осы арқылы Siri сіздің қайда тұрғаныңызды немесе алдыңызда не тұрғанын түсініп, кеңес бере алады.

AI-алқа (Pendant) – Apple-дің жаңа форматтағы аксессуары. Ол киімге тағылады...

Жамбыл облысында 13 жастағы оқушы қызды аялдамада ұрлауға әрекеттенген күдіктілер ұсталды. Бұл туралы облыстық полиция департаменті хабарлады.

Ведомствоның мәліметінше, полицияға екі белгісіз ер адамның автокөлікпен аялдамада тұрған жасөспірімді күштеп алып кетпек болғаны жөнінде хабарлама түскен.

«Аталған дерек бойынша сотқа дейінгі тергеп-тексеру басталды. Оқиға орнына полиция қызметкерлері шұғыл жетті. Күдіктілер ұсталып, уақытша ұстау изоляторына қамаққа алынды»,  – делінген хабарламада.

Тергеу амалдары жүргізіліп жатыр.

Украина президенті Владимир Зеленский Ресейдің соғысты аяқтауға мүдделі екенін мәлімдеді. Бұл туралы ол Axios басылымына берген сұхбатында айтты. Сұхбат Ресей, Украина және АҚШ арасында Женевада өтіп жатқан күшжақты келіссөздердің үшінші кезеңінен кейін жарияланды.

АҚШ-тың арнайы өкілдері Стив Уиткофф пен Джаред Кушнер Зеленскийге Мәскеудің соғысты тоқтатуға ниетті екенін жеткізіп, келіссөздерге дайындық барысында осы жайтты ескеруге шақырған.

Алайда Украина басшысы мұндай бағалауларға сақтықпен қарайтынын айтып, ресейлік делегация тарапынан нақты іс-қимылдар күтетінін атап өтті.

Негізгі келіспеушілік

Екі ел арасындағы негізгі келіспеушілік – Донбасс мәселесі. АҚШ өкілдері Украина күштері қазіргі бақылауындағы жерлерден шегініп, ол аумақта әскери күштер орналастырылмайтын (демилитаризацияланған) арнайы айма...

Туризм және спорт министрлігі Италияда өтіп жатқан 2026 жылғы Қысқы Олимпиада ойындары аясында 18 ақпан күні қазақстандық спортшылар қатысатын жарыстардың кестесін жариялады.

Бүгін, Қазақстан құрамасы бірден төрт спорт түрі бойынша сынға түседі.

Астана уақытымен 13:45-те шаңғы жарысынан әйелдер арасындағы командалық спринттің іріктеу кезеңі басталады. Қазақстан намысын Дарья Ряжко мен Надежда Степашкина қорғайды.

Сағат 14:00-де тау шаңғысы спортынан әйелдер арасындағы слалом жарысының алғашқы кезеңі өтеді. Жарыс жолына Александра Скороходова шығады.

Осы уақытта әйелдер арасындағы фристайл-акробатика бойынша іріктеу кезеңі де басталады. Финалға жолдама үшін Аяна Жолдас бақ сынайды. Бұл дисциплинадағы финалдық жарыстар 17:00-ге белгіленген.

Ал 14:15-те ерлер арасындағы шаңғы командалық спринт іріктеуіне...

Қазақстандық видеограф Дастан Мұхамедрахим әлемнің үздік саяхатшы блогері атанды.

Айтуынша, Cannas WIBA Awards 2026 марапаттау кешіне шақырту алған. Ол жерде Дастанның әлем бойынша үздік travel blogger атанғаны көрсетілген.

«Францияда Канн кинофестивалімен қатар өтетін WIBA Awards деген жерге мені шақырып жатыр. Белгілі бір саладағы үздіктерді марапаттайды екен», – дейді Дастан.

Ол өзінің 22 мамырда Францияға баратынын айтты.

Айта кетейік, бұған дейін Дастан Мұхамедрахим түсірген видео...

Қазақстандық мәнерлеп сырғанаушы Софья Самоделкина журналистердің Олимпиада ойындары қарсаңында азаматтық ауыстыруына қатысты сауалдарына жауап берді.

Италияда өтіп жатқан қысқы Олимпиада ойындарында норвег телеарнасының журналисі Софья Самоделкинадан сұхбат алып, шамамен үш жыл бұрын Қазақстан азаматтығын қабылдаған спортшыдан соның себебін сұрады.

«Әбден жауыр болған тақырып. Қазақстан атынан мұзға шығып жүргеніме екі жыл болды. Менің елім деп есептеймін. Олимпиада ойындарына қатысуға мүмкіндік берген ел. Сол үшін де елге алғысым шексіз«, – деп жауап берді спортшы.

Қазақстандық мәнерлеп сырғанаушы Софья Самоделкина Италияда өтіп жатқан 2026 жылғы Қысқы Олимпиада ойындарында қысқа бағдарлама бойынша өнер көрсетті.

Самоделкина қысқа бағдарлама қорытындысы бойынша төрешілер шешімімен 68.47 ұпай жинап, аралық есепте 12-орынға тұрақтады. Самоделкина өз бағдарламасын сенімді орындап, еркін бағдарлама алдында жүлде үшін күресті жалғастыру мүмкіндігін сақтап қалды.

Ал жапониялық спортшы Ами Накаи қысқа бағдарламадан кейін 78.71 ұпай жинап, аралық есепте көш бастады.

Енді спортшылар медаль тағдырын шешетін еркін бағдарламада бақ сынайды.

Еске сала кетейік, ерлер арасында мәнерлеп сырғанаудан қазақстандық Михаил Шайдоров олимпиада чемпионы атанып, ел мерейін үстем қылды.

Әнші Мархаба Сәби ана атанбақ. Қуанышты жаңалықты өнер иесі өзінің Instagram парақшасында бөлісті.

Мархаба желідегі оқырмандарына аяғы ауыр кезіндегі суреттерін жариялап, шығармашылықтан қол үзбегенін айтты. Жазбасында:

«Өнердің құдіреті-ай, қарным шартиып жүрсе де ән шығаруды тоқтата алмай жатырмын» деп бөліскен.

Сонымен қатар, Мархаба тыңдармандарына жаңа туындысын да ұсынды. «Мама болма алаң» атты жаңа әнін жариялап, бұл кезеңнің өміріндегі ерекше әрі шабытты сәт екенін жеткізді.

Еске сала кетейік, былтыр ата-ана атанған жұлдыздар туралы жазған едік.

Соңғы екі апта ішінде Қазақстанда балаларды ұрып-соқты, терезеден лақтырды деген тәрізді жаңалықтар ақпарат кеңістігінде бірінен кейін бірі шықты. Бұл бір мезетте болған құбылыс па? Не себеп? Осы туралы Kursiv Media тілшісі Қазақстандағы Психоанализ қауымдастығы президенті Гүлжан Қалиқызымен сөйлескен еді. Психологияда 20 жылға жуық тәжірибесі бар маман балалармен, ересектерге де психологиялық көмек көрсетеді. Оның ішінде балалар зорлығы, педофилия мәселелерімен көп жұмыс істеген.

– Гүлжан Қалиқызы, соңғы уақытта балаларға қатысты зорлық-зомбылық туралы жаңалықтар жиілеп кеткендей. Бұл расында жағдайдың ушығуы ма, әлде бұрын да бар, тек қазір ашық айтыла бастаған құбылыс па?

– Екеуі де деуге болады. Балаға зорлық-зомбылық көрсету әрдайым болған...

Ресейде Ганвест бүркеншік атымен белгілі қазақстандық рэпер Руслан Гоминовқа қарсы есірткі заттарын насихаттау туралы әкімшілік іс қозғалды.

Бұл туралы «Қауіпсіз интернет лигасының» басшысы Екатерина Мизулина Telegram-да хабарлады. Петербор полициясы Мизулинаның өтінішіне ресми жауап берген.

«Ән мәтіндері психологиялық-лингвистикалық сараптама жүргізуге, сондай-ақ мамандардың түсіндірмелеріне бағытталған», – делінген жарияланған құжатта.

Рэпер Ганвест 1992 жылы Ақтауда дүниеге келген. Музыкалық мансабын 2008 жылы бастаған. Оның 2018 жылы шыққан «Датура» және «Никотин» композициялары кеңінен танымал болды. 2020 жылы ол тиктокта танымал болған ресейлік рэпер Натанмен бірге «Ананас сиропы» бірлескен трегін жазды.

2025 жылдың күзінде сахналық образын өзгертіп, бетіне ақ бояу...

Айнұр Тұрсынбаева, Жандарбек Бұлғақов пен Сырым Әуезхан ақын Жүрсін Ерманды үйіне іздеп барып, 75 жылдық мерейтойымен құттықтады. Бұл туралы желіде Айнұр Тұрсынбаева жазды.

«Бүгін қазақ айтысының қара нары, бәрімізді әкеміздей қамқорлығына алып, сахнаға шығарған Жүрсін ағамызды 75 жылдық мерейтойымен арнайы құттықтап қайттық. Ертеңгі дүбірлі тойдың басын өзінің ақын ұл-қыздары бастап бергеніне Бақытжамал апамыз екеуі бір марқайып қалды», – деп жазды Тұрсынбаева.

Тұрсынбаеваның жазуынша, Жүрсін Ерман олардың жақында өткен «Қазақи шоу» айтыстарына жоғары баға берген.