Жаңалықтар

Маңғыстауда мас болып көлік айдаған тұрғын өмір бойына жүргізуші куәлігінен айырылды. Бұл туралы Бас прокуратура хабарлады.

Құзырлы органдардың дерегінше, Н. есімді азамат осы жылы наурызда мас болып, көлік айдаған. Сол кезде ол сот шешімімен 15 тәулік әкімшілік қамаққа алынып, 7 жылға көлік жүргізу құқығынан айырылған. Бірақ тыйым салынғанына қарамастан тұрғын тағы да ішімдік ішіп, көлік жүргізгені анықталды.

«Осыдан кейін Маңғыстау аудандық сотының үкімімен азамат Н. Қылмыстық кодексінің 346-бабы бойынша кінәлі деп танылып, 1 жыл мерзімге бас бостандығынан айыру жазасына сотталды, сондай-ақ өмір бойына көлік жүргізу құқығынан айырылды. Сотталушы сот залынан қамауға алынды...

Қазақстан Халық партиясының (ҚХП) басшылығы ауысты. Астанада өткен кезектен тыс съезде делегаттар ҚХП-ның жаңа төрағасы етіп Нұрсұлтан Шоқановты сайлады. Ал соңғы үш жыл бойы партияны басқарған Ермұхамет Ертісбаев өз лауазымынан кетті.

«Бүгінде Халық партиясы – көмек сұрап келетін орын және біздің жұмысымыздың басты нәтижесі де осы», – деді Ертісбаев төраға ретіндегі соңғы сөзінде.

Оның дерегінше, ҚХП фракциясының депутаттары VIII шақырылым басталғалы бері үкіметке 591 депутаттық сауал жолдаған. Осы уақыт ішінде партия қатарына 43 мыңнан астам жаңа мүше қосылған.

Ертісбаев өз ізбасарын таныстыра отырып, оның партиялық және басқарушылық жұмыстағы тәжірибесін атап өтті.

Нұрсұлтан Шоқанов...

Жетісу облысындағы Алматы – Өскемен тасжолында ірі жол апаты болып, бес адам қаза тапты. Тағы екі адам түрлі жарақаттармен ауруханаға жеткізілді.

Полиция мәліметінше, жол-көлік оқиғасы 26 маусым күні кешке Алматы – Өскемен автожолының 432-шақырымында болған. Екі жеңіл автокөлік соқтығысқан.

Апат салдарынан оқиға орнында екі жүргізуші де, сондай-ақ үш жолаушы көз жұмды.

«Жол-көлік оқиғасы фактісі бойынша қылмыстық іс қозғалды. Қазіргі уақытта сотқа дейінгі тергеу амалдары жүргізіліп жатыр, оның барысында болған қайғылы оқиғаның барлық мән-жайы мен себептері анықталуда», – деп хабарлады ведомстводан.

Бұған дейін Алматы – Қорғас тасжолында көлік апатынан үш адам қаза тапқан

Белгілі кәсіпкер Тұрсын Алагөзовтің ұлы Арсен Алагөзов журналист Динара Сәтжанға сұхбат берді. Шымкенттегі сыра зауытын басқаратын Арсен әкесімен қарым-қатынасы, сегіз жылдық реніші туралы айтып берді.

Арсеннің сөзінше, 8 жыл әкесімен араласпай кеткеннен кейін бірінші рет 2024 жылы 17 сәуірде кездескен.

«Мен бірден айттым, сенің қаржылай мүмкіндіктерің де, билігің де керек емес. Сегіз жылда «әкем бар» деген сезімнен айырылып қалдым, соны қайта сезінгім келді. Ол нәрсе (әкесіз жүру – ред.) өзіңе деген сенімсіздікке әкеледі екен. Осы жерден әкеммен қайта байланысуыма мүмкіндік берген бауырым Әминаға рахмет айтқым келеді», – деді ол Динара Сәтжанға берген сұхбатында.

Павлодарда баланы қасықпен ұрып, денесін көгертіп қойған тәрбиешіге қатысты іс қозғалды. Ата-анасы маманның үстінен полицияға арыз жазған.

Павлодардағы жеке бақшалардың бірінде болған оқиғаның видеосы желіде таралып кетті. Баланың анасы сәбиінің денесі көгергенін байқап, камералардағы жазбаларды қарап шыққан.

Онда тәрбиешінің балаларды ұйықтатып жатқан сәті көрсетілген. Ол бүлдіршінді арқасынан қағып ұйықтатпақ болады, арасында бір-екі рет үстінен басып қалған. Ал екінші кадрда қасығын жерге түсіріп алған балаға келіп, қасықты алып қолынан ұрады. Енді тәрбиешінің әрекетіне құқықтық баға беріледі.

«Бұл факт бойынша қылмыстық іс қозғалды. Оқиғаның мән-жайы мен себептері тергеу барысында анықталады», – деп хабарлады Павлодар облысының полиция департаментінен.

Қазақстандағы кейбір өндіріс салалары уақыт өте келе төрт күндік жұмыс аптасына көше бастауы мүмкін. Бұл туралы еңбек және халықты әлеуметтік қорғау министрі Асқарбек Ертаев Tengrinews.kz сайтына берген сұхбатында мәлімдеді.

Министрдің айтуынша, төрт күндік жұмыс аптасын белгілеу мүмкіндігі заңнамада бұрыннан қарастырылған. Бірақ әдетте жұмыс беруші мен қызметкердің арасындағы келісімге байланысты енгізіледі.

«Егер ұйымның қызметіне қатысты барлық мәселелерді шешуге төрт күн жеткілікті болса, жұмыс беруші мұндай шешімді қабылдай алады. Біз бұған біртіндеп келеміз деп ойлаймын. Қалай болғанда да, жекелеген салалар уақыт өте келе төрт күндік жұмыс аптасына көше бастайды», – деді Асқарбек Ертаев.

Шенеунікт...

Шығыс Қазақстан облысында Риддер және Шемонаиха теміржол вокзалдары пайдалануға берілді деп хабарлайды Көлік министрлігі.

Вокзал ғимараттарының қасбеттері мен ішкі бөлмелері, инженерлік желілер, жолаушылар платформалары және іргелес аумақ толық жаңаланған. Заманауи жабдықтар мен жиһаз орнатылып, қызмет көрсету сапасы артты.

Құрылыс-монтаж жұмыстарын «Финтек-Астана» ЖШС мен «QK SUNQAR» ЖШС жүзеге асырды. Жаңғыртудан кейін Риддер вокзалының жалпы ауданы 471 шаршы метрге, ал Шемонаиха вокзалының ауданы 230 шаршы метрге ұлғайды. Екі вокзал да Шығыс Қазақстан облысының маңызды көлік нысандарының бірі деп саналады.

Жалпы шығыста қазір бағдарлама аясында бес теміржол вокзалы жаңғыртылып жатыр. Биыл 1 шілдеге дейін республика бойынша 30 жаңғыртылған вокзалды...

26 маусым кешке Филиппиннің оңтүстігінде магнитудасы 6,6 балл болатын жер сілкінісі болды. Жер асты дүмпулері Шығыс Давао провинциясында тіркелді, деп хабарлады Филиппин вулканология және сейсмология институты.

Ведомство мәліметінше, жер асты дүмпулері жергілікті уақытпен сағат 19:34-те Балут аралы жағалауынан оңтүстік-батысқа қарай шамамен 90 шақырым жерде тіркелген. Ал оның орталығы 10 шақырым тереңдікте болған.

Әзірге қанша адамның құрбан болғаны немесе зардап шеккені туралы нақты деректер жоқ.

25 маусымда Венесуэлада 7,5 балдық жойқын зілзала болды. Әуелі магнитудасы 7,2 балдық, содан ізін сала 7,5 балдық екі ірі дүмпу тіркелген.

Соңғы мәлімет бойынша, табиғат апатынан кем дегенде 235 адам қаза тауып, 4,5 мың адам...

АҚШ әскерилері Иранға қайта соққы берді. Ормұз бұғазындағы жүк кемесіне Иран дрон шабуылын жасағаннан кейін, Ақ үй осындай жауап қайтарды. Енді екі тарап бір-бірін келісімді бұзды деп айыптап отыр деп жазады Reuters.

АҚШ Орталық қолбасшылығының мәлімдеуінше, авиация Иранның зымырандар мен дрондар сақталатын орындарға, сондай-ақ жағалаудағы радиолокациялық станцияларына соққы берген. Кейінірек осы жарылыстың бұлыңғыр ақ-қара видеосын жариялады.

Ал Иран тарапы елдің оңтүстігіндегі Сирик ауданындағы айлақ маңына снаряд түскенін хабарлады. Осыдан кейін Иранның әскери-теңіз күштері жауап ретінде аймақтағы АҚШ-тың әскери нысандарына соққы бергенін мәлімдеді. Алайда Тегеран нақты қандай нысандардың зақымдалғаны туралы егжей-тегжейлі ақпарат берген жоқ.

Еске салайық, осыдан бес...

Елдің басым бөлігінде көшпелі бұлт, батыс пен солтүстікте найзағай, бұршақ пен қатты жел болады деп күтілуде, оңтүстікте күн – қатты ыстық. «Қазгидромет» 27 маусымға арналған ауа райы болжамы.

Алматыда полицейлер метрода келе жатқан қызға тиісті деген күдікке ілінген ер адамды ұстады.

Қалалық полиция департаментінің хабарлауынша, тексеру әлеуметтік желілерде қыздың жарияланымынан кейін басталған. Оның айтуынша, сапар барысында бейтаныс ер адам оған қатысты заңға қайшы әрекеттер жасаған. Қыздың сөзінше, ол оның денесінен ұстап алған.

Метрополитендегі полиция басқармасының қызметкерлері күдіктінің жеке басын жедел анықтады. Ер адам ұсталып, полиция бөлімшесіне жеткізілді.

Жиналған материалдар сотқа жолданды. Сот шешімімен құқық бұзушы ұсақ бұзақылық жасағаны үшін кінәлі деп танылып, бес тәулікке әкімшілік қамауға алынды.

Бұған дейін жыл басынан бері сталкинг бойынша 11 мыңнан астам адам қамауға алынғанын жазған едік.

АҚШ-тағы федералдық сот Әділет министрлігінен қаржыгер әрі сексуалдық қылмыстары үшін сотталған Джеффри Эпштейннің ісіне қатысты материалдардың бір бөлігін 2 шілдеге дейін ешқандай қысқартусыз жариялауды міндеттеді.

Егер ведомство мұны орындай алмаса, құпиялылықтың не себепті сақталып отырғанын жұртшылық алдында түсіндіруге мәжбүр болады, деп жазады DW.

Мұндай шешімді судья Эммет Салливан журналист Кэти Фанның талап-арызы бойынша шығарды. Ол Әділет министрлігін ақпаратты негізсіз жасырып отыр деп айыптады.

Нені жариялау керек

Сот АҚШ президенті Дональд Трамптың әкімшілігі 2025 жылы қабылданған «Эпштейн файлдарының» ашықтығы туралы заң талаптарын бұзғанын көрсетті. Аталған заң билікке 30 күн ішінде құпия мәртебесі жоқ барлық материалды жариялауды міндеттеген. Тек жәбірленушілерд...

Жамбыл облысында прокуратура тексерісінен кейін ондаған азаматтық қызметкерге көбірек еңбек демалысы және сауықтыру жәрдемақысына қатысты құқықтары қайтарылды.

Т. Рысқұлов ауданының әкімдігі мен оған бағынысты мекемелер 58 қызметкерге 24 күнтізбелік күн ғана демалыс беріп, тиесілі сауықтыру жәрдемақысын төлемей келгені анықталды.

«Бұл еңбек заңнамасының талаптарына қайшы келеді. Еңбек кодексінің 139-бабына сәйкес, азаматтық қызметшілердің 30 күнтізбелік күннен тұратын жыл сайынғы ақылы еңбек демалысына және сауықтыру жәрдемақысына құқығы бар», – деп түсіндірді қадағалау органының баспасөз қызметі.

Прокуратураның араласуынан кейін қызметкерлерге өткен жылдар үшін тиесілі төлемдер қайта есептелді. Нәтижесінде олардың жыл сайынғы еңбек демалыстары 30 күнтізбелік күнге дейін ұзартылып, жалпы...

Кәсіби мереке қарсаңында Астанада журналистерге Қазақстан президенті Қасым-Жомарт Тоқаевтың атынан пәтер кілттері табысталды.

Шараны «Dara» президенттік бастамалар қоры ұйымдастырды.

Президенттің кеңесшісі – баспасөз хатшысы Айбек Смадияров БАҚ өкілдерін мерекемен құттықтап, Мемлекет басшысының бастамасымен қолға алынған бұқаралық ақпарат құралдары қызметкерлерін қолдау бағдарламасы осымен төртінші жыл қатарынан жалғасып жатқанын атап өтті.

Оның айтуынша, биыл бұл жоба алғаш рет елорда шекарасынан тыс шықты. Пәтерлерді тек Астанадағы ғана емес, сонымен қатар еліміздің өңірлеріндегі журналистер де алды.

«Бұл бастаманың мақсаты – журналистерді қолдау және аймақтық журналистиканы дамыту. Биыл еліміздің ең шалғай түкпірлеріндегі әріптестеріміз де өз баспаналарына ие болады. Қостанай облысының Арқалы...

Қазақстандық композитор әрі музыкант Дана Зұлпыхар Netflix-тің «Аватар: Аанг туралы аңыз» сериалының музыкалық сүйемелдеуін жасауға қатысты. Бұл туралы ол әлеуметтік желідегі парақшасында жазды.

Ол саундтрек үшін қазақтың ұлттық аспаптары – домбыра мен қобыздың партияларын жазған. Бұл дыбыстар жобаның музыкалық безендірілуіндегі оркестрлік өңдеуде қолданылған.

«Netflix-тің «Avatar: The Last Airbender» сериалының осындай ғажайып саундтрегіне домбыра мен қобыз үнін жазу – мен үшін үлкен мәртебе», – деп жазды Дана Зұлпыхар.

Бала Жамбыл атымен танылып, біраз уақыт бойы халық алдына шықпаған жас ақын Жамбыл Дүйсенов өзінің сахнаға, эфирге қайта оралғысы келетінін айтты. Бұл туралы Instagram парақшасында жария етті.

Ақынның айтуынша, ол біраз уақыт бойы АҚШ-та болған. Алайда ол елге оқуға бармаған. Америкаға нақты қандай мақсатпен барғанын кейінірек әлеуметтік желіде айтып бермек.

«Халқымды қайтадан қуанқым келеді. Халқымның ықыласынан бөленгім келеді. Халқымның жүрегінен орын тапқым келеді. Халықтың ықыласына бөленсем, мен үшін одан асқан бақыт немесе марапат жоқ деп ойлаймын. Қайтадан жарқ етіп шығамын. Халқыма уәде беремін», – деді ол жария еткен видеода.

Жамбылдың сөзінше, ол алдағы уақытта телеарналардан...

Ғимаратқа жеңіл моторлы Sunward SA60L Aurora ұшағы соғылған, деп жазады CNN.

Кішігірім ұшақ Бейжіңдегі ең биік зәулім ғимарат – CITIC Tower-ға (China Zun) соғылды, деп хабарлайды CNN. Зәулім ғимараттың биіктігі — 109 қабат.

Телеарнаның мәліметінше, ғимараттан адамдар эвакуацияланған. Оқиға орнында жедел қызметтер жұмыс істеп жатыр. CNN жарияланған фотосуреттерге сілтеме жасай отырып, бұл оқиғаға жергілікті авиациялық компанияға тиесілі Sunward SA60L Aurora жеңіл моторлы ұшағы қатысы болуы мүмкін екенін жазады.

The New York Times газетінің хабарлауынша, соққыдан кейін көшеге ғимараттың ірі сынықтары мен ұшақ бөлшектері құлаған. Басылым сөйлескен куәгердің айтуынша, оқиғадан кейін басынан жарақат алған бір әйелді жедел жәрдем көлігімен...

Маусым айындағы нөсер жауыннан кейін Қазақстанның оңтүстігіне қайтадан аптап ыстық оралады. Синоптиктердің болжамы бойынша, шілдеде Шымкент пен Түркістан облысында ауа температурасы климаттық нормадан 2 градусқа жоғары болып, орташа есеппен +29 градусты құрайды. Жауын-шашын мөлшері аз болады, тек сирек күндері найзағай ойнап, екпіні 15-20 м/с-қа жететін күшті жел тұруы мүмкін.

«Казгидромет» РМК мәлімдеуінше, оңтүстік өңірлерде шілде айы әдеттегіден ыстық және құрғақ болады. Алайда бұл консультативтік болжам синоптикалық жағдайдың өзгеруіне қарай онкүндіктер сайын нақтыланып отырмақ.

Шымкентте айдың басында ауа температурасы күндіз +29…+34 градустан +39 градусқа дейін көтеріледі. Шілденің ортасында ыстық күшейіп, күндіз +37…+42 градусқа жетсе, түнде де +25…+30 градустан төмен түспейді. Ал...

Қазақстандық блогер Алексей Лодочников Instagram желісінде жарияланған роликке байланысты үстінен полицияға арыз жазылғанын хабарлады.

Блогердің айтуынша, онымен көмекшісі байланысып, Семей қаласының полиция инспекторы келіп түскен арыз туралы ескерткенін жеткізген. Құжаттарды сұратқаннан кейін Лодочников арыздың мазмұнымен танысқан.

Блогердің сөзіне қарағанда, арызды Людмила есімді Семей тұрғыны жазған. Оның айтуынша, бұған әлгі әйелдің сатушыдан өзімен орыс тілінде сөйлесуді талап еткен жағдайына арналған видео себеп болған. Лодочниковтың мәлімдеуінше, арызданушы бұл роликті қорлау сипатында және қауіп-қатер төндіреді деп есептеген, сондай-ақ бұған дейін жарияланымды өшіруді сұрағанын, бірақ оның орындалмағанын көрсеткен.

Блогер Instagram-дағы жеке хабарламаларынан одан келген хаттарды таппағанын, ал роликтің астында 3 мыңға жуық пікір...

Президент Қасым-Жомарт Тоқаев Ақмола облысына жұмыс сапары аясында Щучинск қаласындағы жаңадан бой көтерген және жаңғыртылған бірнеше нысанның жұмысымен танысты.

Жаңарған экосаябақ пен жас күйшілердің өнері

Мемлекет басшысына ең алдымен Щучинск қаласының бас жоспарына сай жаңартылған экосаябақ таныстырылды. Таяуда ғана модернизациядан өткен бұл қоғамдық кеңістік бүгінде қала тұрғындары мен қонақтарының сүйікті орнына айналған. Мұнда бұқаралық спортпен шұғылдануға және серуендеуге барлық қолайлы жағдай жасалған.

Саябақты аралау барысында Президент жергілікті жас домбырашылардың өнерін тамашалады. Ұлттық домбыра күніне қызу дайындық үстіндегі өнерпаздар Мемлекет басшысына бірнеше күй орындап берді.

Анықтама: Ұлттық домбыра күніне орай өңірде бірнеше мәдени іс-шаралар жоспарланған, жас таланттар соны...

27 маусымда елдің басым бөлігінде найзағай ойнап, жаңбыр жауады. Кей өңірлерде +41 градусқа дейін аптап ыстық сақталады.

Синоптиктердің мәліметінше, күндіз Алматы, Жамбыл, Қызылорда, Павлодар облыстарында, Жетісу, Абай облыстарында және Қарағанды облысының оңтүстігінде +35…+38°C қатты ыстық болады.

Түркістан облысында, Алматы облысының солтүстігі мен орталығында, Жетісу облысының солтүстігінде және Ұлытау облысының оңтүстігінде +40…+41°C градусқа дейін аптап ыстық сақталады.

«Қазақстанның барлық аумағында өткінші жаңбыр жауып, найзағай ойнайды, бұршақ түсіп, дауыл тұрады. Еліміздің батысы мен солтүстігінде нөсер жаңбыр жауады. Республика бойынша жел күшейеді, ал Қазақстанның солтүстігі мен шығысында түнде және таңертең тұман түседі», – деп хабарлады «Қазгидромет...

Қасым-Жомарт Тоқаев Қорғаныс министрлігіне қарасты Шоқан Уәлиханов атындағы әскери колледждің қызметімен танысты. Сондай-ақ әскери колледж бастығы Айбек Ғабдраховқа автобус кілтін тапсырды.

Ақорданың хабарлауынша, президентке халықаралық әскери-патриоттық жиынға қатысушылардың Dubai SWAT Challenge кедергілер жолағының баламасы ретінде жасалған «Айбын» кедергілер жолағымен жүріп өткен сәті және атыс дайындығын пысықтайтын Action Air дайындық алаңы көрсетілді.

Сонымен қатар Aibyn App цифрлық платформасы мен колледж кітапханасы таныстырылды.

Бұдан бөлек, президент оқу-зертхана кешенін аралаған. Мұнда кадеттер елімізде құрастырылған симуляциялық қондырғыларда жаттығады. Қасым-Жомарт Тоқаевқа отандық «Арлан» брондалған көлігі және ұшқышсыз авиация технологиялары секілді заманауи әскери техникалардың үлгілері көрсетілді.

Айта кетейік, қорғаныс министрлігінің кадет корпусы президенттің 1996 жылғы...

Еңбек министрлігі зейнетақы жүйесін реформалау үшін Сингапур моделін зерттеп жатыр. Бұл туралы Еңбек және халықты әлеуметтік қорғау министрі Асқарбек Ертаев айтты.

Айтуынша, үлгіні талқылау келесі аптаға жоспарланып отыр.

«Зейнетақы жүйесін реформалауды әлі де қарастырып жатырмыз. Осы орайда қосымша ұсыныстар пайда болды. Оның бірі зейнетақы жүйесіне Сингапур моделін енгізу болды. Келесі аптада дәл осы үлгіні талқылаймыз. Сингапур моделі де жинақтауды қарастырады, яғни ақша жинау міндетті, бірақ сонымен бірге тұрғын үй сатып алу мүмкіндігі де бар», – деді министр Парламент палаталарының бірлескен отырысынан кейінгі кулуарда.

Қазіргі уақытта министрлік сарапшылардың қорытындысын күтіп отыр, содан кейін ұсыныстар жұмыс...

Шығыс Қазақстанда «Ақ Берел» туристік соқпағы 26 маусымнан бастап қайта ашылды. Бұл туралы «Қатон Қарағай» ұлттық паркі хабарлайды.

«Ақбұлқақ өзеніндегі су деңгейінің тұрақтануына және қауіпсіздік жағдайының қалыпқа келуіне байланысты, бүгіннен бастап «Ақ Берел» туристік соқпағы келушілер үшін қайта ашылғанын хабарлаймыз», – деп таратты ұлттық парктің баспасөз қызметі.

Мекеме туристер қауіпсіздігі үшін барлық жағдай жасалғанын ескертті.

Соқпақ 2026 жылғы 15 маусымда уақытша жабылған. Оған қар суының еруінен...