Жаңалықтар

Threads желісінде тағы дау шықты. Биыл оқу ордасын бітірген ҚазҰУ түлектері университет ұсынған дипломның сапасына риза емес.

Ол туралы пікірін түлектер әлеуметтік желіде жазған. Кейбірі дипломның қағазы тым жұқа, папкаға ұқсайды дейді. Ал өзгелері дипломның дизайны өзгергеніне, шрифті латынша жазылғанына наразы.

Білім ордасы бакалавр түлектеріне көк және қызыл түсті диплом, ал магистранттарға қою көк түсті диплом ұсынған. Студенттер ренішін желіге жаппай жазғаннан кейін университет бұған қатысты пікір білдіріп, ресми парақшасында арнайы видео жариялады.

«Әлемдік стандарттарға сай, А4 форматта, қалың, жыртылмайды. Көріп тұрғаныңыздай, ішінде ерекше QR-коды бар, ешкім сіздерден қайталай алмайды. Неге альбом форматында болмайды...

Молдова мәдениет министрлігі республика қауіпсіздігіне қауіп төндіруі мүмкін әртістердің тізімін жариялады. Қара тізімде қазақстандық Нұрлан Сабуров та бар.

Тізімде ТМД елдерінің 26 әртісі мен тобы бар. Нұрлан Сабуровтан басқа, оған Леонид Агутин, Диана Арбенина, Morgenshtern, DJ Smash, Basta, «Руки Вверх» (Сергей Жуков), «tATu» және эстраданың басқа да өкілдері енді. Олар Молдова аумағында концерт немесе басқа да мәдени шара ұйымдастыра алмайды.

Мәдениет министрлігі осы құжат кеңес беру мақсатында жарияланғанын, онда ешқандай тыйым қарастырылмағанын ескертті.

Кейінгі уақытта Сабуров есімі геосаяси жанжалдарда жиі аталып жүр. Әлеуметтік желіде оның ресейлік әскери еріктілерге немесе «Вагнер» тобына көліктер мен мотоциклдер жеткізіп, демеушілік жасағаны туралы...

Енді Қазақстан азаматтары жүргізуші куәлігімен Біріккен Араб Әмірліктерінде жүре алады. Абу-Дабиде Ішкі істер министрі Ержан Саденов пен БАӘ премьер-министрінің орынбасары Шейх Саиф бен Заид Әл Нахаян кездесіп, осындай келісімге қол қойды.

«Құжатқа қол қою екі ел азаматтары үшін әкімшілік рәсімдерді жеңілдетуге және қосымша қолайлы жағдайлар жасауға бағытталған. БАӘ аумағында 14 мыңға жуық қазақстандық азамат тұрақты түрде тұрады. Қол қойылған меморандум оларға жүргізуші куәліктерін пайдалану кезінде жеңілдіктер әкелмек», – деп жазылған министрлік хабарламасында.

Меморандум аясында екі ел азаматтары құжатта көзделген жағдайларда оларды жеңілдетілген тәртіппен айырбастай алатыны жазылған.

ІІМ дерегінше, жыл сайын Біріккен...

Президент Қасым-Жомарт Тоқаев қуаты 7,5 балдық жойқын зілзаладан зардап шеккен Венесуэла халқына көңіл айтты.

Ақорданың хабарлауынша, мемлекет басшысы Венесуэла президентінің міндетін атқарушы Делси Родригеске көңіл айту жеделхатын жолдады.

«Осындай ауыр кезеңде қайғы-қасіреттеріңізге ортақтасып, Сізге, жақындарынан айырылған отбасыларға, сондай-ақ достас Венесуэла халқына көңіл айтамын. Табиғи апаттан қайтыс болған жандардың туыстарының сабырға келіп, болаттай берік болуын, ал жарақат алған азаматтардың тез арада сауығып, отбасыларына аман-есен оралуын тілеймін», – делінген жеделхатта.

Естеріңізге сала кетейік, 25 маусымда таңертең Латын Америкасындағы Венесуэлада екі жойқын зілзала болды. Ресми мәлімет бойынша, табиғат апатынан кем дегенде 235 адам қаза...

Reuters мәліметінше, Apple MacBook пен iPad бағасын көтерді. Компания мұны жад пен дерек сақтау чиптерінің күрт қымбаттауымен түсіндіріп отыр. Бағаның өсуіне жасанды интеллектке арналған дата-орталықтар тарапынан сұраныстың артуы әсер еткен.

Apple неге бағаны көтерді?

Apple MacBook пен iPad бағасын өсірді. Компания бұған дейін компоненттер бағасының қымбаттауын тұтынушыға сездірмеуге тырысқанын, бірақ енді бірқатар өнім бойынша бағаны қайта қарауға мәжбүр болғанын мәлімдеді.

Reuters мәліметінше, баға өсімі әзірге Apple-дың негізгі табыс көзі саналатын iPhone-ға әсер етпейді. Дегенмен сарапшылар алдағы айларда iPhone бағасы да көтерілуі мүмкін екенін жоққа шығармайды.

Компанияның ең қолжетімді ноутбугі саналатын MacBook Neo бағасы 599 доллардан 699 долларға

2026 жылғы футболдан әлем чемпионатының топтық кезеңі мәресіне жақындап қалды. F тобындағы шешуші матчтардан кейін 1/8 финалға шыққан командалар белгілі болды.

Нидерланд құрамасы Тунисті сенімді түрде жеңді

Топтың басты фавориті саналған Нидерланд құрамасы Тунис командасымен кездесіп, 3:1 есебімен басым түсті.
Ойын нидерландтықтар үшін өте сәтті басталды:

Небары 3-минутта Тунис құрамасының қорғаушысы Эллиес Скири байқаусызда өз қақпасына гол соғып алды.

7-минутта Нидерланд шабуылшысы Брайан Бробби есепті еселей түсті.

54-минут: Тунис сапынан Хазем Мастури есеп айырмасын қысқартты.

Алайда Нидерланд қорғаушысы Ян Паул ван Хекке матчтың нүктесін қойып, үшінші голды соқты.

Жапония мен Швеция тең түсіп, екеуі де келесі кезеңге өтті

Топты...

Алматы орталығында жер астынан лаулап шыққан өрт қала тұрғындарының зәресін алды. Алматы қалалық полиция департаментінің мәліметінше, 25 маусымда күннің екінші жартысында Алмалы ауданындағы Гагарин және Қабанбай батыр көшелерінің қиылысында куәгерлер жер асты коммуникацияларының тұтанғаны туралы хабарлаған.

«Оқиға орнына дереу полицейлер, өрт сөндірушілер, апаттық қызмет өкілдері мен энергетиктер жетті. Тәртіп сақшылары қауіпті аумақты қоршауға алып, азаматтардың қауіпсіздігін қамтамасыз етті, ал өрт сөндірушілер тілсіз жауды ауыздықтауға кірісті», — деп хабарлады қалалық полициядан.

Мамандардың алдын ала берген ақпараты бойынша, оқиғаға жер асты инженерлік желілеріндегі қысқа тұйықталу себеп болуы мүмкін.

Өрт жедел түрде оқшауланып, сөндірілді. Зардап шеккендер жоқ.

Оқиғаны...

Маңғыстау облысында Каспий теңізінің акваториясында шомылуға жабдықталмаған жерде суға түсу кезінде батып кеткен 1999 жылғы ер адамды іздестіру жұмыстары жалғасуда, деп хабарлайды ҚР ТЖМ.

Ведомствоның мәліметінше, іздестіру-құтқару жұмыстарының жүріп жатқанына төртінші тәулік болды. Күрделі ауа райы жағдайларына және теңіздегі қатты толқынға қарамастан, құтқарушылар мен сүңгуірлер акватория мен жағалау сызығын тексеруді жалғастыруда.

Атап өтілгендей, іздестіру жұмыстары өзгермелі гидрометеорологиялық жағдайлармен, су астындағы көріністің шектеулілігімен, ағыспен және тексерілетін аумақтың үлкендігімен қиындап отыр.

Операцияға жалпы саны 40-тан астам маман, жүзу құралдары, ұшқышсыз ұшу аппараттары, сүңгуірлік жабдықтар, ТЖМ авиациясы, сондай-ақ Маңғыстау облысы ТЖД, ИІМ Ұлттық ұланы, ҰҚК Шекара қызметі, Әскери-теңіз күштері, Полиция департаментінің күштері және...

Қазақстанның басым бөлігінде күн сәл салқындайды. Дегенмен оңтүстік аймақтарда ауа 38-41°C дейін ыстық болуы мүмкін. «Қазгидромет» 26 маусымға арналған ауа райы болжамын ұсынды.

Курчатов пен Балқашта антитеррористік оқу-жаттығулар өтеді, деп хабарлады Абай және Қарағанды облыстарының терроризмге қарсы күрес жөніндегі жедел штабтары.

Курчатовта оқу-жаттығулар 26 маусым күні сағат 08:00-ге жоспарланған. Оны қалалық терроризмге қарсы күрес жөніндегі жедел штаб өткізеді. Шараның мақсаты – құқық қорғау және арнайы органдардың күштері мен құралдарының ықтимал террористік қатерлерге әрекет ету дайындығын тексеру. Оқу-жаттығулар өтетін нысандар аймағында шектеу шаралары қарастырылады.

Балқашта антитеррористік оқу-жаттығу 25 маусымда сағат 22:00-ден 02:00-ге дейінгі аралықта №12 мектеп аумағында өтеді. Бұл уақытта қалада автокөлік қозғалысы мен азаматтардың жүріс-тұрысына уақытша шектеулер қойылуы мүмкін.

Ұйымдастырушылар тұрғындарды сабырлық сақтауға, тек ресми ақпарат көздеріне сенуге және жалған мәліметтер таратпауға шақырды.

Алматыдағы «Тұран» университетінің студенттері оқу бітіруге аз уақыт қалғанда оларға Президенттің тапсырмасымен іске қосылған жасанды интеллект бойынша базалық бағдарлама – AI-Sana курстарынан шұғыл түрде өту қажеттілігі туралы хабарланғанына шағымданды. Студенттердің айтуынша, бұған дейін бұл курстардың міндетті екендігі туралы оларға ескертілмеген.

Студенттердің мәлімдеуінше, хабарламалардың бірінде куратор бұл курсты өтпегендерге дипломдар мен олардың қосымшалары берілмейтінін жазып, оқуды шұғыл түрде бастауға шақырған.

Сондай-ақ, түлектер өздеріне тестілеуден 5000 теңге үшін «дайын маман» арқылы өту ұсынылғанын айтты. Студенттердің сөзіне қарағанда, олардың Ғылым министрлігіне және БАҚ-қа жүгіну ниетінен кейін ЖОО әкімшілігі кешірім сұрап, оларды «дұрыс түсінбей қалғанын» мәлімдеген.

«Ресми түрде кешірім сұраймын...

Жамбыл облысында жылқы иесіне жолда жануармен соқтығысқан автокөлік жүргізушісіне 1,8 миллион теңгеден астам қаражат төлеу міндеттелді, деп хабарлады соттың баспасөз қызметі.

Сотта Toyota Carina автокөлігінің иесі мен жолға шығып кеткен жылқының иесі арасындағы дау қаралды.

Анықталғандай, мал иесі мал жаю ережелерін бұзған. Бұған дейін ол дәл осы құқық бұзушылық үшін айыппұл арқалап, ол кезде әйел 12 975 теңге төлеген екен.

Жүргізуші шығынды және көлікті бағалау шығындарын өтеп беруді сұрады. Жалпы сома 1,8 миллион теңгеден асты. Алайда жылқы иесі талап арызбен келіспеді. Ол жүргізушінің өзін кінәлі деп санап, төлем жасаудан бас тартуды сұрады.

«Талап қоюшы мал...

Атырау облысында бес ай бойы жүргізілген аудит бюджет қаражатын пайдалану және мемлекеттік сатып алу саласында 175,6 миллиард теңгеден астам сомаға заң бұзушылықтардың бар екенін көрсетті.

Өңірдегі ішкі мемлекеттік аудит департаменті хабарлағандай, қаржылық заң бұзушылықтардың көлемі 82 миллиард теңгеден асты. Рәсімдік сипаттағы заң бұзушылықтардың сомасы 93 миллиард 574 миллион теңгеге жетті.

Бұған қоса, мемлекеттік сатып алу саласында камералдық бақылау жүргізіліп, 9 316 рәсім қамтылды. Нәтижесінде жалпы сомасы 22 миллиард 571 миллион теңгені құрайтын 1 092 мемлекеттік сатып алу бойынша заң бұзушылықтар анықталды.

Аталған фактілер бойынша жауапты тараптарға 1 092 нұсқама жіберіліп, барлық нұсқамалар толық көлемде орындалды.

Есепті кезеңде департамент тарапынан...

Шымкентте құтқарушылар Әл-Фараби (Еңбекші) ауданының Испиджаб тұрғын алабындағы жеке қоймалар аумағында орын алған ірі өртті сөндірді, деп хабарлады ТЖМ.

Ведомствоның мәліметінше, тілсіз жау қойма ғимараттарының шатырын шарпыған. Сондай-ақ, нысан аумағында жүк көлігінен төгілген дизель отыны мен резеңке бұйымдар жанған.

Өрт ошағына тікелей жақын жерде дизель отыны толтырылған жүк автокөлігі болған.

Оқиға салдарынан екі адам зардап шекті. Екеуі де әртүрлі дәрежедегі күйік жарақаттарын алып, ауруханаға жатқызылды.

Өртті сөндіруге жеке құрамның 56 адамы мен 30 бірлік техникасы тартылды. Сондай-ақ оқиға орнында ТЖМ Апаттар медицинасы орталығының мамандары жұмыс істеді.

Өрттің мән-жайы мен себептері анықталуда.

ТЖМ азаматтарды өрт қауіпсіздігі талаптарын қатаң сақтауға шақырды.

Айта...

Қазақстан президенті Қасым-Жомарт Тоқаев Словения Республикасының президенті Наташа Пирц-Мусарға құттықтау жеделхатын жолдады, деп хабарлайды Ақорданың баспасөз қызметі.

Мемлекет басшысы Словения басшысын елдің басты ұлттық мейрамы – Мемлекеттілік күнімен ресми түрде құттықтап, ізгі тілегін білдірді.

Өз жеделхатында Қасым-Жомарт Тоқаев екі ел арасындағы қарым-қатынастардың болашағына тоқталып өтті. Президент бірлескен белсенді іс-қимылдардың арқасында екіжақты көпжақты ынтымақтастық бұдан былай да нығая түсетініне сенім білдірді. Сондай-ақ, бұл әріптестік қос мемлекет халқының игілігі мен мүддесіне қызмет ететінін атап өтті.

Сөз соңында Қазақстан президенті Наташа Пирц-Мусардың жауапты мемлекеттік қызметіне толағай табыс, ал достас Словения халқына өсіп-өркендеу мен бақ-береке тіледі.

Айта кетейік Словения елінің басшысы былтыр елімізге ресми...

Ойын кезінде 14 жасар жасөспірім қаза тапқаннан кейін Бұқаралық көкпар федерациясының аккредитациясы тоқтатылды, деп хабарлады премьер-министрдің орынбасары – Мәдениет және ақпарат министрі Аида Балаева. Бұл туралы ол депутаттық сауалға берген жауабында жазған.

«Тергеумен Ақмола облысының полиция департаменті айналысуда. Оның нәтижесі бойынша кінәлілерге қатысты тиісті шаралар қабылданады. Өңірдің дене шынықтыру және спорт департаментіне аймақтағы бұқаралық көкпарды қатаң бақылауға алу тапсырылды», – делінген жауапта.

Бұдан бөлек, Спорт және дене шынықтыру істері комитеті 15 маусымда бұйрық шығарды, оған сәйкес бұқаралық көкпар федерациясының аккредитациялық куәлігі бір айға тоқтатылды.

Айта кетейік, қайғылы оқиға 26 мамырда Рақымжан Қошқарбаев ауылында...

Қазақстан азаматтарына Біріккен Араб Әмірліктеріне барған қазір қауіпсіз бе деген сұраққа ҚР Сыртқы істер министрлігінің ресми өкілі Ерлан Жетібаев жауап берді.

Ведомство бұл өңірдегі бейбітшілік пен қауіпсіздікті қамтамасыз етуге ықпал ететін, өзара тиімді шешімдерге тезірек қол жеткізіледі деп үміттенеді.

«Сонымен бірге, жағдай толық тұрақталғанға дейін сақтық танытуды жөн деп санаймыз. Осыған байланысты азаматтарға мүмкіндігінше аймақ елдеріне аса қажеттілігі жоқ сапарлардан бас тартуды ұсынамыз», – деді Жетібаев брифинг барысында.

Қазақстандық Air Astana әуе компаниясы 20 маусымнан бастап Алматыдан Дубайға, ал 10 шілдеден бастап елордадан тұрақты рейстерді қайта бастады. Иранның әуе кеңістігі жабық болуына байланысты ұшақтар...

Қазақстанда жас ғалымдар үшін жас шектеуі ресми түрде 44 жасқа дейін ұлғайтылды. Бұл туралы өзінің Telegram-арнасында мәжіліс депутаты Асхат Аймағамбетов мәлімдеді.

Дегенмен, маңызды шарт бар: жас ғалым мәртебесі тек ғылыми өтілі 10 жылдан аспайтын адамдарға ғана беріледі (3 жылға дейінгі декреттік демалыс есепке алынбайды).

Бұрын қалай болды?

Аймағамбетовтің айтуынша, қазақстандық зерттеушілердің көпшілігі PhD дәрежесін тек 30–32 жасқа қарай алады, ал оқу мерзімі ұзақ салаларда (мысалы, медицинада) бұл кезең бұдан да кеш келеді. PhD докторы нақты тәжірибе жинақтап, ауқымды зерттеулерді бастауға дайын болған сәтте, ол 35 жасқа толып үлгеретін.

«Нәтижесінде, өздерінің ең өнімді кезеңінде ғалымдар...

Ақтөбе облысында суға батып бара жатқан немересін құтқармақ болған ата немересімен қоса суға кетті. Олардың мәйітін куәгерлер шығарып алған. Бұл туралы облыстық ТЖД хабарлады.

Қайғылы оқиға 19 маусымда Бестамақ ауылының маңындағы Елек өзенінде болған. 17 жастағы қыз судың таяз жерімен өзеннен өтпек болғанда, су астындағы шұңқырға құлап кеткен.

Оған көмекке ұмтылған 61 жастағы атасы суға секіргенімен, оны құтқара алмай, немересімен бірге өзі де суға батып кеткен.

Қайтыс болғандардың мәйітін оқиға куәгерлері судан шығарды. Айта кетерлігі бұл жерде «Шомылуға тыйым салынады» деген белгі орнатылған, мұнда шомылу өте қауіпті.

Еске сала кетейік, 22 маусымда СҚО-да 16 жасар жасөспірім Есіл...

Актриса әрі блогер Жания Джуринская әйелдерге теріге алтын түсті реңк беретіндей күнге күюдің сырымен бөлісті.

Айтуынша, бұған бір затты пайдалану арқылы қол жеткізуге болады екен.

«Сіздерге қалай күнге әдемі күюдің құпиясымен бөліскім келіп тұр. Мен бұл мәселеде бірдеңе білетініме көз жеткізейін», – деп күйген денесін көрсетті.

Десе де, ол денесіндегі алтын түстес реңкті камераның анық көрсетпей тұрғанына қынжылыс білдірді.

«Мен өмірде күнге әдемі күйгенмін. Тек иықбаудың ізі көрінеді. Өйткені, бұл – тренд. Тері сау әрі әдемі болып көрінетіндей күнге күйюді енді ғана үйрендім», – деді актриса.

Оның айтуынша, күнге күймес бұрын алдымен теріге пилинг жасау керек.

Венесуэлада жер сілкінісінен қайтыс болғандар саны 164-ке дейін өсті, тағы 971 адам жарақат алды. Бұл туралы ел президентінің міндетін атқарушы Дельси Родригес хабарлады деп жазады CNN.

Родригестің сөзінше, ең қатты зардап шеккен – ел астанасы Каракастың солтүстігіне қарай орналасқан Ла-Гуайра ауданы. Қазір негізгі құтқару күші сонда жұмылдырылған.

«Ол жақта ондаған ғимараттар қирады. Қазір адамдарды құтқару үшін үздіксіз операциялар жүргізіп жатырмыз», – деді Венесуэла президентінің міндетін атқарушы.

164 құрбан соңғы цифр емес, билік бұдан әрі көбеюі мүмкін деп қауіптенеді. Бұған дейін 32 адам қайтыс болды, 700 адам жараланды деп...

Сыртқы істер министрлігінің ресми өкілі Ерлан Жетібаев АҚШ-та қайтыс болған Қазақстан азаматының мәйіті елге жеткізілгенін айтты.

«25 маусымда Әсет Құралбайдың мәйіті Қазақстанға жеткізілді. Нью-Йорктегі Бас консулдығымыз барлық қажетті консулдық-құқықтық көмекті көрсетті, сондай-ақ марқұмның денесін жақындарына жеткізуге барынша қолғабыс етті», – деді ол брифингте.

Оқиғаның мән-жайы

Шамамен 3 апта бұрын АҚШ-тың  Иллинойс штатында 24 жастағы Қазақстан азаматы Әсет Құралбай жоғалып кеткен. Сыртқы істер министрлігі ақпаратты растаған.

Туыстарының айтуынша, Әсет Құралбай соңғы рет 2 маусым күні байланысқа шыққан. Ал 7 маусымнан бері оның телефоны қолжетімсіз болып қалған. Екі аптадан кейін АҚШ-тағы Иллинойс штатында Әсет Құралбайды...

Қазақстан Еуропадан келген босқындарды қабылдамайды, ондай келіссөздер де жүріп жатқан жоқ. СІМ өкілі Ерлан Жетібаев осылай деп мәлімдеді.

«Қазақстан тарапы Еуропалық Одақпен немесе оған мүше мемлекеттермен ел аумағында ҚР азаматы болып табылмайтын және еуропалық мемлекеттерден қайтарылуға немесе депортациялануға тиіс тұлғаларды қабылдау, ұстау, транзиттеу немесе орналастыру орталықтарын құру бойынша келіссөздер жүргізген жоқ», – деп атап өтті ол бүгін өткен брифингте.

Қазір Қазақстан мен Еуропа виза жеңілдету бойынша келіссөздер жүргізіп жатыр, бірақ бұл Қазақстан аумағына өзге елдерден депортацияланған азаматтарды кіргізе береді деген сөз емес және ондай міндеттеме де алмайды. СІМ өкілі осылай түсіндіреді.

Ақтөбелік мас тұрғын танымал кәсіпкер әйелдің көлігін айдап кетіп, жолынан жаңылып қалған.

Halyqstan ақпаратына қарағанда, оқиға биылғы қаңтар айында болған. Жаңа жылды атап өткен ер адам мейрамханадан шығып, үйіне жаяу қайтпақ болады. Алайда жолда ол Samal Cakes компаниясының аспаздық цехының жанында тұрған көлікті байқап қалады.

Көп ойланбастан есігі ашық, ал кілті оталдыру тетігінде тұрған көлікке отырып алады. Өзінің мас, жүргізуші куәлігінен айырылғанын ескермеген.

Шамамен жарты сағаттан кейін ақтөбелік азамат хром қосындылары зауытының маңындағы шеткері аумақта тоқтап тұрғанын байқайды. Қорқып кеткен ол көлікті тастап қашпақ болғанымен, кәсіпорын күзетшілері ұстап алып, полицияға тапсырған.

Сотта ер адам кінәсін толық мойындап, кешірім...