Жаңалықтар

Алматы халықаралық әуежайында Uzbekistan Airlines авиакомпаниясының әуе кемесіне Jet A-1 маркалы отыны алғаш рет құйылды. Жұмысты «ҚазМұнайГаздың» еншілес компаниясы – «ҚазМұнайГаз-Агро» ЖШС жүргізді.

«Бұл оқиға Қазақстанның авиациялық жанармай нарығын әртараптандыру мен отандық авиация инфрақұрылымының мүмкіндіктерін кеңейту бағытындағы маңызды қадам болды», – делінген хабарламада.

Бұған дейін «ҚазМұнайГаз-Аэро» компаниясы PetroChina және қазақстандық логистикалық кәсіпорынмен бірлесіп, Қытайдың Душаньцзы мұнай өңдеу зауытынан Jet A-1 жанармайын жеткізуді ұйымдастырған болатын.

«ҚазМұнайГаз» мәліметінше, авиаотын жеткізу көздерін көбейту Қазақстан әуежайларын жанармаймен үзіліссіз қамтамасыз етуге және халықаралық әуе компаниялары үшін жаңа мүмкіндіктер ашуға тиіс.

Айта кетейік, 2024 жылдың қазан айында Алматы әуежайы Jet...

Ақтауда 24 маусым күні 20 жастағы мотоцикл жүргізушісі жеңіл көлікпен соқтығысып, қаза тапты.

Lada.kz жазуынша, жол-көлік оқиғасы қаладағы шағын аудандар арасындағы жолда болған.

Алдын ала ақпарат бойынша, «ВАЗ» маркалы жеңіл көлік пен мотоцикл соқтығысқан. Қатты соққы салдарынан жас мотоциклші оқиға орнында қаза тапты.

Маңғыстау облысы полиция департаментінің мәліметінше, аталған дерек бойынша қылмыстық іс қозғалды. Көлік айып тұрағына қойылды. Оқиғаның мән-жайы анықталып жатыр.

Айта кетейік, 23 маусымда Алматы – Қорғас тасжолында көлік апатынан үш адам қаза тапты. Кейінірек қарсы бағытқа шығып кеткен көлікті мас күйде полиция қызметкері басқарғаны анықталды.

Бұқаралық ақпарат құралдары қызметкерлерінің мерекесі қарсаңында Тоқаев Ақордада арнайы жиын өткізіп, журналистерді құттықтады. Президент ұзақ жылдан бері телевизия саласында жұмыс істеген ардагер қызметкерлерді атап өтіп, кейбірін мемлекеттік наградаға ұсынды.

Соның ішінде қазақ тілінде тұңғыш эфирде жүргізген диктор Зұлқия Жұматова бар. Бүгінде 106-ға келген ардагерге «Құрмет» ордені табысталды. Сондай-ақ мемлекет басшысы бүгін қатарда жүрген тәжірибелі мамандарды ерекше атап өтті.

«Қазір ортамызда отандық медианың мәртебесін арттырып жүрген тәжірибелі азаматтар отыр. Олардың қатарында Ертай Ашықбаев, Татьяна Корецкая, Қайрат Мұсақұлов, Қымбат Досжан сынды танымал журналистер бар. Тілшілердің жас буыны сіздерге қарап бой түзейді, – деді ол.

Тоқаевты...

Айқын Төлепберген неге шашын алмай жүргенін түсіндірді. Оның айтуынша, шаш қою үлгісін өзгерту үшін әдейі өсіріп жатыр.

Десе де, Айқынның шашының өсіп кеткені оқырмандарына ұнамаған. Олар әншіге шашын реттеу керектігін ескерткен.

Айқын Төлепберген әлеуметтік желі арқылы бұл сынға жауап берді.

«Біреулер шашымды көріп, «шашыңды алмайсың ба» дейді. Шаш деген біздің жасымызда – байлық. Біреуде бар, біреуде жоқ нәрсе. Бар нәрсені көрсету керек», – деді әнші.

Айтуынша, ол қазір шашын өсіріп жүр. Өйткені ұзын әрі қалың етіп, шаш қоюдың сәнді үлгісін жасатпақ.

Десе де, артынша көпшіліктің пікірін ескеріп, шашының самай тұсын аздап қысқартып келгенін көрсетті.

Алматы халықаралық әуежайы 670 млн долларға дейін несие алуды жоспарлап отыр. Bloomberg агенттігінің жазуынша қаржының басым бөлігі бұрынғы қарызды жабу мен жөндеуге жұмсалады.

Бұл қомақты қаражаттың 478 млн доллары бұрынғы несиелерді тиімді шарттармен қайта қаржыландыруға, 172 млн доллары әуежайды кеңейту мен жаңа құрылыс жұмыстарына, ал 20 млн доллары ағымдағы шұғыл шығындарды жабатын қосымша несие желісіне бағытталады

Bank of America несиені 7 жылдық мерзіммен ұйымдастыруды қолға алған. Қазіргі уақытта әуежайдың 85% акциясы түріктің танымал TAV Havalimanlari Holding компаниясына, ал 15%-ы Қазақстанның инфрақұрылымдық қорына тиесілі.

Жаңа жоба аясында үш ұшу-қону жолағынан тұратын жаңа жүйе жасалып, қазіргі негізгі ұшу...

Экономист Меруерт Махмұтованың пікірінше, Қазақстанда бензин бағасы алдағы уақытта да үздіксіз қымбаттай береді. Өйткені оған сыртқы өте күрделі факторлар әсер етіп отыр.

Шекараны жаба алмаймыз

Беделді экономист жанармай құнының неліктен тоқтаусыз көтеріле беретінінің бірнеше себебін атады. Солардың бірі – Қазақстандағы бағаны көрші елдермен теңестіру саясаты.

Республикада бензин Ресей мен Қырғызстанға қарағанда әлдеқайда арзан. Баға айырмашылығы салдарынан жанармайды көрші елдерге заңсыз тасымалдау тыйылмай тұр. Үкімет шекараны толық жаба алмайтындықтан, елдегі бағаны Ресей мен Қырғызстан деңгейіне дейін көтеруге мәжбүр. Баға теңескенде ғана бензинді сыртқа тасу тиімсіз болады.

«Бағаны ұстап тұру үшін шекараны жабу керек еді, бірақ біз...

Алматы-Қорғас тас жолындағы үш адам қайтыс болған апатқа себепші – полицей қызметкері, ол мас күйінде рөлде отырған. Марқұмдардың туыстары осылай деп Kursiv Media тілшісіне сұхбат берді.

Мәселенің мән-жайы

23 маусымда Алматы – Шелек – Қорғас автожолының 132-шақырымында жол апаты болды.  Audi 100 мен қарама-қарсы бағытқа шыққан Haval машиналары соқтығысқан. Audi көлігінде отырған жүргізуші, жұбайы және олардың үлкен қызы, жиырма жастағы келіншек сол жерде қайтыс болды. Одан бөлек көлікте 14 және 18 жастағы екі бала және келіншектің 10 айлық сәбиі де отырған. Олар да түрлі жарақатпен ауруханаға жатқызылды. Ал 24 маусымда марқұмдар жер қойнауына тапсырылды...

Еңбек және халықты әлеуметтік қорғау вице-министрі Ербол Тұяқбаев Сенат кулуарында Қазақстанда тұрмысы нашар 1 миллион адам тұратынын айтты.

Журналистер вице-министрден елдегі кедей адамдардың санына байланысты соңғы статистиканы айтып беруді сұрады.

«Қазақстанда тұрмысы төмен 1 миллионға жуық адам бар. Бірақ бұл олар нан таба алмай, аштан өліп жатыр деген сөз емес», – деді ол.

Айтуынша, кейбір жұмыс берушілер әлеуметтік аударымдарды төлемеу үшін жалақыны қолма-қол береді. Немесе қызметкерлердің өзі есепшоты бұғатталғандықтан, ақшаны қолма-қол беруді сұрайды.

«Келесі жылы Парламентке кіреміз. Барлық жұмыс берушіден қызметкерлердің айлығы мен штаттық кестесін көрсетуді талап ететін боламыз...

Solidcore Resources акционерлері биыл да дивиденд алмайды. Компания 2025 жылдың қорытындысы бойынша дивиденд төлемейтін болып шешім қабылдады.

Solidcore соңғы рет дивидендті 2021 жылдың бірінші жартыжылдығы қорытындысы бойынша төлеген: ол кезде бір акцияға 0,45 доллар бөлініп, жалпы төлем шамамен 213 млн доллар болған.

Компанияның қазіргі ұстанымы түсінікті: ақша акционерлерге емес, даму жобаларына кетеді. Негізгі себептің бірі – Ертіс гидрометаллургия комбинатының құрылысы. Бұл жоба Solidcore үшін стратегиялық маңызы бар актив саналады, бірақ оны іске асыру үлкен капитал шығынын талап етеді.

Компания 2025 жылы қаржылық нәтижесін жақсартқанымен, дивиденд төлеуге асықпай отыр. Solidcore түсімі бір жылда 13% өсіп, 1,5 млрд доллар болды...

Астанада 27-28 маусым күндері кезекті қалалық ауыл шаруашылығы жәрмеңкесі өтеді. Бұл туралы Астана әкімдігі хабарлады.

Жәрмеңкеде Қазақстанның түрлі өңірлерінен келген фермерлер мен отандық өндірушілердің өнімдері ұсынылады.

«Қала тұрғындары мен қонақтары көкөніс, жеміс-жидек, ет, ұн және сүт өнімдерін, нан-тоқаш, табиғи шырындар, тосап, джем және басқа да тағамдарды тиімді бағамен сатып ала алады«, –  делінген хабарламада.

Жәрмеңке сағат 10:00-ден 19:00-ге дейін Keryen Joly сауда орталығы аумағында (Алаш тасжолы, 35Б) өтеді.

Келушілердің ыңғайы үшін жәрмеңке өтетін орынға №7, 11, 39, 41, 45, 53, 59, 81, 307, 317 автобус маршруттары қатынайды.

Зейнетақы аннуитеті зейнетақы жинағының жеткілікті шегін айналып өтіп, қордан қаржы алудың жолы емес. Аннуитетті тиімді рәсімдеу үшін зейнетақы қорына жекілікті қаржы, еңбек өтілі мен нақты талаптарға сай келуің керек.

Еңбек және халықты әлеуметтік қорғау бірінші вице-министрі Ербол Тұяқбаевтың айтуынша, бұл заңдағы «саңылау» емес, көптен бері тұрақты жұмыс істеп келе жатқан ресми тетік. Алайда оны кез келген адам пайдалана алмайды. Себебі аннуитетті рәсімдеу үшін азаматтың белгілі бір еңбек өтілі (стажы) және зейнетақы шотында қомақты жинағы болуы шарт.

Осы ретте Еңбек министрлігі Ұлттық банкпен бірлесе отырып, осы мәселені жіті зерттеген. Қазіргі уақытта зейнетақы аннуитетіне қатысты қандай да бір қосымша шектеу енгізу...

Танымал әнші Заттыбек Көпбосынұлы бірін-бірі танымай кеткен ағайындарының басын қосты.

Ондағы мақсат – әулет адамдарының саяқ жүрмей, бауырлардың бірін-бірін тануы. Ағайын болып араласуы.

«Айында көрмесе, ағайын жат, жылында көрмесе, жекжат жат» деген. Артымда тұрғандардың бәрі өзімнің інілерім. Бір әулет, бір ағайын. Бәрі жастай үйленіп, жан-жақта, отбасы – ошақ қасымен, тұрымтай тұсы, балапан басымен, бір-бірін танымай, бір-бірін көрмей жүргендерін білемін. Солардың бастарын қосып, таныстырып, ағайын екенімізді, бауыр екенімізді білдіріп, бас қосуға шақырған дастархан», – деді Заттыбек Көпбосынұлы.

Үлкен отбасылық бас қосу көңілді өтті. Көптен көрмей кеткен ағайын-туыстар арқа-жарқа болып табысып, танысып, би билеп, той тойлап қайтты.

Қайрат Нұртас әлемдік рекорд орнатуға қатыспақ. Айтуынша, Қазақстан қоғамы есірткіден бас тартуда бұған қол жеткізе алады.

Танымал әнші Астанада өтетін есірткіге қарсы күреске арналған шараға өз үлесін қосатынын жария етті.

«26 маусым – халықаралық нашақорлыққа қарсы күрес күні. Осыған орай Ішкі істер министрлігінің қолдауымен, заң мен тәртіп тұжырымдамасының аясында Елордада ауқымды шара өтеді. Біз есірткіге «жоқ» деп бірлікте әлемдік рекорд орнатамыз. Мен Қайрат Нұртас осы игі істерді қолдау үшін арнайы барамын. Тарихи сәттің бір бөлшегі бол!» – деп мәлімдеді Қайрат Нұртас.

Айта кететін жайт, 4 мамыр күні Almaty Arena-да отандық эстрада жұлдызы Қайрат Нұртастың концерт...

2025 жылы елімізде электр самокаттары жүргізушілерінің кінәсінен 139 жол-көлік оқиғасы тіркеліп, оның салдарынан 149 адам жарақат алған. Мұндай жағдайлардың алдын алу үшін елімізде электр самокаттарының тротуарлармен жүруіне тыйым салынды. Тиісті заңға Президент Қасым-Жомарт Тоқаев қол қойды.

Ішкі істер министрлігінің мәліметінше, енгізілген өзгерістер жол жүру қауіпсіздігін арттыруға, жүргізушілерді даярлаудың сапалы жүйесін қалыптастыруға және осы саладағы мемлекеттік бақылауды күшейтуге бағытталған.

«Электр самокаттарының тротуарлармен және жаяу жүргіншілер жолдарымен жүруіне тыйым салынады. Себебі олар жаяу жүргіншілердің, әсіресе балалардың қауіпсіздігіне нақты қауіп төндіреді», – деп хабарлады министрлік.

Енгізілген түзетулерге сәйкес, «Жол жүрісі туралы» Заңнан елдімекендерде қозғалтқышы жұмыс...

Қазақстан Қытайдан жанар-жағармай сатып алмақ. Өйткені дрон шабуылының салдарынан Ресейден келетін бензин көлемі азайған.

Сауда және интеграция вице-министрі Жанель Күшікованың айтуынша, үкімет елде жанармай тапшылығын болдырмас үшін үшінші елдерден, нақты айтқанда, Қытайдан бензин сатып алу туралы шешім шығарған. Қытайдан келетін бензинге кедендік баж салығы да салынбайды.

«Біз үшінші елдерден, ең алдымен, Қытайдан отын импортын ынталандыру үшін Еуразиялық экономикалық комиссия аясында кедендік алымдарды төмендету туралы шешім қабылдап жатырмыз»,– деді вице-министр.

Яғни Қазақстанға Қытайдан келетін бензинге уақытша кедендік баж салығы салынбайды. Оған қоса ішкі нарыққа қанша бензин керек болса, сонша көлемде тасымалданады. Сырттан келетін тауардың салығы азайғандықтан...

Актер Нұрлан Әлімжанов әнші Әйгерім Қалаубаеваны айға теңеп, қатты сағынатынын айтып, сезімін жеткізді.

Екі әнші бір-біріне деген көзқарастары мен арасындағы үйлесімнің сыры неде екенін ашық айтты.

«Сен боянбашы деймін. Боянбасаң да, сен – айсың… Алты сағат қатты сағындым. «Айкош, қалай маған жетіспей тұр» деп ше», – деді актер.

Әйгерім Қалаубаева Нұрлан Әлімжановқа мұның себептерін ашып көрсетіп берді.

«Өйткені мен саған бағынамын. Тыңдаймын. Сенің не сөйлеп тұрғаныңды аңдып тұрамын. Сенен алға шығып кетпеуге тырысамын. Сенен көп сөйлеп қоймауға тырысамын», – деп жауап берді Әйгерім Қалаубаева.

Нұржан Әлімжанов әріптесінің бұл сөзіне разы болып, өзге әйелдерге кеңес берді.

Баласын көтеріп, курьер болып жүрген ана Шымкентке қайта көшіп кеткен. Бұл туралы Сенат кулуарында еңбек және халықты әлеуметтік қорғау вице-министрі Ербол Тұяқбаев айтты.

«Себебін білмейміз, отбасылық келісімдер болуы мүмкін. Бәлкім, ата-анасы қайта шақырған шығар, ол жағын нақтыламадық. Бірақ білетінім, кеше ғана Алматы мен Шымкент әкімдіктерінен сұрадым, олар бұл ақпаратты растады», – деді ол тілшілерге.

Жас отбасының ондай шешім қабылдауына министрлік тарапынан еш ықпал болмағанын да атап өтті.

«Мемлекет ұйымдары тарапынан еш қысым болған жоқ», – деді вице-министр.

Мәселенің мән-жайы

Осы айда  қолына 4 айлық сәбиін ұстап, арқасына курьерлік сөмке...

Сенат депутаттары Қазақстан мен Өзбекстан арасындағы трансшекаралық су нысандарын бірлесіп басқару және ұтымды пайдалану туралы келісімді ратификациялады.

Сенат депутаты Әли Бектаев атап өткендей, Қазақстандағы су ресурстарының едәуір бөлігі трансшекаралық өзендер арқылы қалыптасады. Сондықтан көрші елдермен өзара сенім мен тең әріптестік қағидаттарына негізделген су дипломатиясын дамыту және трансшекаралық су нысандарын тиімді пайдалану мемлекеттік саясаттың басым бағыттарының бірі саналады.

Оның айтуынша, келісімнің негізгі мақсаты – трансшекаралық су ресурстарын басқарудың тұрақты әрі тиімді тетіктерін қалыптастыру, мемлекетаралық су шаруашылығы нысандарының қауіпсіз жұмысын қамтамасыз ету, сондай-ақ су ресурстарын әділ әрі ұтымды бөлу.

Депутат бұл құжаттың еліміздің оңтүстік өңірлері үшін маңызы ерекше екенін айтты. Өйткені Түркістан...

Егер бала көру қабілетінде қиындық барын айтпаса, бұл оның көзінде мәселе жоқ дегенді білдірмейді. Кейде баланың көзі нашар көретінін ата-анасы ұзаққа дейін байқамайды, бірақ ол баланың дамуына, оқу үлгеріміне және жалпы өмір сапасына әсер етуі мүмкін. Жоспарлы тексерулер кезінде қандай аурулар жиі анықталады және балалар үшін көру қабілетін тұрақты тексеріп тұру неліктен маңызды екенін Prime Green Clinic офтальмолог дәрігері Аделя Асықбаева түсіндіреді.

Балалардың офтальмологқа қаралуы мен көру қабілетін тұрақты тексеріп тұруы қаншалықты маңызды?

Профилактикалық тексерулер кестесіне сәйкес, балалар әртүрлі жас кезеңдерінде офтальмологқа бірнеше рет қаралуы тиіс. Себебі көру қабілетінде бұзылысы бар балалардың көпшілігі бұл туралы өздері шағым айтпайды. Бала қалыпты көру деңгейін...

7,5 балдық зілзаладан кем дегенде 32 адам қаза тауып, жүздеген адам жараланған. Венесуэла басшысы апат құрбандарының саны өсетінін ескертті.

25 маусым, бейсенбі күні таңертең Венесуэлада болған жойқын зілзаладан кем дегенде 32 адам қаза тауып, 700 адам жараланған. Мәліметті президент міндетін атқарушы Дельси Родригес жариялады. Ол табиғи апат құрбандарының саны өсетінін ескертіп отыр.

Бұған дейін АҚШ геологиялық қызметі (USGS) санаулы минуттың ішінде болған екі ірі дүмпуден 10 мыңнан 100 мыңға дейін адам зардап шегуі мүмкін екенін ескерткен. Америкалық қызмет осы зілзала Венесуэла тарихында бір ғасырдан астам уақытта тіркелген ең қуатты дүмпу екенін анықтаған. 1900 жылы Каракас қаласына жақын маңда магнитудасы...

Қытай АҚШ-ты басып озып, 2017 жылдан бері алғаш рет әлемдегі ең қуатты суперкомпьютерлер рейтингінде көш бастады.

The New York Times басылымының мәліметінше, Шэньчжэньде жасалған LineShine суперкомпьютері ресми түрде әлемдегі ең жылдам есептеуіш жүйе ретінде танылды.

Жүйе қазіргі уақытта ең қуатты суперкомпьютерлер мен жасанды интеллект жүйелерінің негізі саналып жүрген дәстүрлі графикалық процессорлардан бас тартты. Оның орнына LineShine өздерінің жеке архитектурасына негізделген стандартты микропроцессорларды қолданады. Бұл жүйенің басты ерекшелігі.

Сынақ нәтижесі бойынша, қытайлық жүйенің өнімділігі америкалық El Capitan компьютерінен 20%-дан астам асып түсті. Ал АҚШ машинасы 2024 жылдың соңынан бері Top500 әлемдік рейтингінде бірінші орынды ешкімге бермей келген еді.

Алматы облысында күйген мәйіті таудан табылған 37 жастағы аға жедел уәкіл Аслан Әлсеровтің өліміне қатысты жаңа мәліметтер белгілі болды.

Тергеу мәліметінше, қылмысқа күдікті жұбайы да бұрын құқық қорғау органдарында қызмет еткен.

КТК телеарнасының хабарлауынша, ерлі-зайыптылар 15 жыл бірге өмір сүріп, жеті бала тәрбиелеген. Көршілері оларды үлгілі отбасы ретінде сипаттап, ұлдарының тәрбиелі әрі спортпен айналысқанын, ал ата-анасының сыпайы жандар болғанын айтады.

Алайда тергеу нұсқасы бойынша, қанды оқиға олардың Алматыдағы пәтерінде болған. Полицей өлтірілгеннен кейін оның мәйіті көлікке тиеліп, Алматыдан шамамен 300 шақырым жердегі тауға жеткізіліп өртелген. Адам сүйегі жатқан орынның қалдығын мал іздеп жүрген жергілікті шопан байқап қалған.

24 маусым кешке атышулы блогер Жузефинаны полиция бөлімшесіне алып кеткен. Бұл туралы өзі инстаграм парақшасында хабарлады.

Сторисінде ол анасы арыз жазғанын айтады. Кейін сол бойынша полиция қызметкерлері алып кеткен.

«Кешкі сағат 18:00 үйімнен досымды шығарып салып жатқанда полиция қызметкерлері күтіп алды. Есікті жаптырмай Бостандық бөлімшесіне алып кетті. Анам маған арыз жазды», – деп жазған блогер сторисінде.

Одан кейін байланысқа шықпаған.

Соңғы күндері Жузефина тікелей эфирге шығып, бірнеше даулы мәлімдемелер жасады. Соның бірінде өзін 8 жыл бойы әкесі зорлағанын айтқан. Кейін ата-анасы қызының сөзін теріске шығарып, шындыққа сәйкес келмейтінін мәлімдеген. Қазір қыздарымен араласпайтын...

Бибісара Асаубаева үш күннен бері Ташкентте жүр. Футболдан әлем біріншілігінде Өзбекстан құрамасына жақтасқан қазақ шахматшысы енді өзбек жанкүйерлерімен кездесуді ойластыра бастады.

Синдаров еліне сапар

Жақында Гонконгтағы шахмат командалары арасындағы әлем чемпионатына қатысқан Бибісара Асаубаева 22 маусымда кешке Шанхай арқылы Өзбекстан астанасына ұшып келді. Оны әуежайда Мия Муратта лақап атымен танымал өзбек блогері әрі кәсіпкері Ясмина Ибрагимова үлкен гүл шоғымен күтіп алды.

«Сегіз ай көрмеген адамымды күтіп алуға шықтым. Бізді Ташкенттегі сауық-сайран күтіп тұр», – деген Мия Муратта Telegram-арнасында.

Girls Trip және Fan Meet

Ертесіне-ақ құрбы қыздар Ташкенттегі сауда орындарын, дәмханаларын аралады...