Жаңалықтар

Мәжіліс депутаты Бақытжан Базарбек қазақстандық Aitu мессенджерін орнатудан бас тартатынын айтты. Оның сөзінше, депутаттарды ешкім мұндай қосымшаны пайдалануға міндеттей алмайды.

«Әзірге депутаттарды Aitu қосымшасын қолдануға ешкім міндеттеген жоқ. Ешкім ешкімді осы қосымшаны қолдануға міндеттей алмайды. Біз – халықтың таңдауы арқылы келген өкілдерміз. Бізді тек халық пен Мәжіліс спикері ғана міндеттей алады», – деді ол Мәжіліс кулуарында.

Депутаттың айтуынша, бұл қосымша мемлекеттік қызметкерлер үшін әзірленген, сондықтан оны үкімет мүшелері мен министрлік өкілдері қолдана алады.

«Ал біз депутаттар тек халыққа есеп береміз. Үкімет бізге талап қоя алмайды», – деп атап өтті Базарбек.

Қытай компаниясы Қазақстанның солтүстігінен оңтүстігіне дейін электр желілерінің құрылысын жүргізуге ниет білдіріп отыр. Бұл туралы Ақорда хабарлады.

Ақорда мәліметінше, Бейжіңде презижент Қасым-Жомарт Тоқаев China Energy Engineering Group компаниясының бас директоры Ни Чжэнмен кездескен.

Тараптар екі ел арасында бірлескен жобаларды дамыту мәселесін талқылаған.

Сонымен бірге кездесу барысында электр желілері инфрақұрылымын жаңғырту мен кеңейту мәселесі, дата-орталық салу, қалдықтарды қайта өңдеу арқылы электр қуатын өндіру салаларын дамыту мәселелері талқыланған. Компания елде электр желілерінің құрылысын жүргізуге қызығушылық білдірген.

«Energy China компаниясы Қазақстанның солтүстігі мен оңтүстігін жалғайтын тұрақты электр желілерінің құрылысын жүргізуге ниет танытып отыр. Сондай-а...

АҚШ билігі 1 қазаннан бастап жаңа visa integrity fee деп аталатын визалық алымды енгізуі мүмкін, деп хабарлайды Reuters. Бұл жағдайда туристік, студенттік, жұмыс және өзге де иммиграциялық емес виза құны $185-тен $435-ке дейін өседі.

Жаңа алым енгізілетіні туралы АҚШ билігі шілдеде хабарлаған. B1/B2 (туризм және іскерлік сапарлар), F-1 (оқу), J-1 (алмасып оқу бағдарламары) және H-1B (жұмыс) визаларына өтініш берушілерге $250 көлемінде visa integrity fee төлеу міндеттелмек. Егер виза талаптары толық сақталса, төленген қаражатты қайтарып беру қарастырылған.

Қазір АҚШ визасы үшін тек $185 консулдық алым төленеді. Жаңа алым енгізілгеннен кейін виза бағасы $435-ке жетіп, әлемдегі ең қымбат визалардың біріне айналма...

Алматыда екі жасөспірім самокатпен бала арбасына соқтығысты. Бұл туралы Алматы қалалық полициясы хабарлады.

Жасөспірімдер мінген самокат арбаны қатты соққан. Нәрестені арбаның күшейтілген қаңқасы қорғап қалды. Дәрігерлердің айтуынша, сәбидің денсаулығына ешқандай қауіп жоқ.

Куәгерлердің сөзінше, оқиғадан кейін жасөспірімдер оқиға орнынан қашпақ болған, алайда жүргіншілер оларды ұстап, полицияға тапсырған.

Алғашқыда құқық қорғаушылар тек профилактикалық әңгіме жүргізгені хабарланған еді. Алайда Алматы қалалық Полиция департаменті кейін жасөспірімдерге жеке мобильді құралдарды пайдалану ережесін бұзғаны үшін әкімшілік жауапкершілік жүктелгенін нақтылады. Сонымен қатар олардың ата-аналары балаларын дұрыс қадағаламағаны үшін жауапқа тартылды.

Еске сала кетейік, бұған дейін Алматы полициясы самокаттармен рейдке шыққан еді.

Freedom Bank қытайлық UnionPay Business-пен серіктес болуға келісті. Құжатқа Қасым-Жомарт Тоқаевтың Бейжіңге сапары аясында екі тараптың Іскерлік кеңесінің кезекті отырысында қол қойылды.

Freedom Bank пен UnionPay Business Қазақстан мен Қытай арасындағы трансшекаралық электронды коммерцияны көтерме сауда саласында дамытуға, сондай-ақ екі ел арасындағы экономикалық және сауда байланыстарын нығайтуға ниетті.

Ынтымақтастық туралы меморандум үшжақты сипатқа ие: Freedom Bank, UnionPay Business және жеке Verum Payments Limited компаниясы арасында. Құжатқа Freedom Bank директорлар кеңесінің мүшесі Айдос Жұмағұлов, UnionPay Business Payment Co., ltd Hebei Branch бас директоры Го Гуансин және Verum Payments Limited ЖШС бас директоры Ринат Берікболов қол қойды.

Тараптар электронды коммерция мен цифрлы...

«Қайрат» футбол клубының қақпашысы Темірлан Анарбеков атынан әлеуметтік желіде жалған аккаунт ашылды.

anarbekoᴠ_temirlan.77 атты парақшада өзін футболшы ретінде таныстырып, «Реал Мадридпен болатын матчқа 2 VIP билет береміз» деген хабарлама жарияланған. Жалған аккаунт иесі жазылушыларды репост жасап, жеке хабарламаға жазылуға шақырып отыр.

Алайда бұл ақпарат шындыққа жанаспайды. Футболшының ресми аккаунты — anarbekoᴠ_temirlan77, жалған парақшаны түпнұсқадан ажыратудың бір белгісі 77 санының алдында тұрған қосымша нүкте.

Еске сала кетейік, алматылық «Қайрат» Чемпиондар лигасының іріктеу турнирінің плей-офф кезеңінде шотландиялық «Селтикпен» өткен қарымта ойында тарихи жеңіске жетті.

Матч тағдырын пенальти сериясы шешті. Қақпашы Темірлан Анарбеков үш бірдей соққыны қайтарып, командасына жеңіс сыйлады.

Алматыдан 319 шақырым жерде жер сілкінді. Төтенше жағдайлар министрлігі сейсмикалық станциялар желісінің хабарлауынша, дүмпу 2 қыркүйек сағат 12:58-де тіркелді.

Жер сілкінісінің эпицентрі Алматы қаласынан оңтүстік-шығысқа қарай 319 шақырым қашықтықта, Қытай аумағында орналасқан.

Тереңдігі – 5 км.

Жер сілкінісінің энергетикалық класы – 12.3.

MPV магнитудасы – 5.7.

Алматы қаласында 2 балл сезілді.

Арақ ішіп, темекі шегетін мұғалімдер енді Қырғызстанда жұмысқа тұра алмауы мүмкін. Ұстаздардың білімді және тәрбиелі болуы шарт.

Қырғызстанның ҰҚМК басшысы Қамшыбек Ташиев мектеп директорларына осындай тапсырма берді.

Қырғызстанның арнайы қызмет басшысы Қамшыбек Ташиев бұл пікірін Джалал-Абадқа келіп, жаңа мектептің ашылу салтанатында айтты.

«Балаларды тәрбиелемес бұрын өзімізді тәрбиелеуіміз керек. Мұғалімдердің бір жерде отырып, темекі тартып, арақ ішкенін көрмеуіміз қажет. Мұны да қадағалау дұрыс болады. Мектепте ғана емес, басқа жерлерде де мұғалім арақ ішіп, темекі шекпеуі, жаман жолда жүрмеуі тиіс. Осының бәрін тексеру – сіздің қолыңызда», – деді ол мектеп директорына.

Қамшыбек Ташиевтің пікірінше, кадр жетпей...

10 көлікті ұтысқа қойған Ерболат Жанәбілов пен Эльмира Төлегенованың ісі сотқа кеткен. Бұл туралы Спорт және туризм министрі Ербол Мырзабосынов мәлімдеді.

Министрдің айтуынша, блогерлердің әрекетіне байланысты шағым түскен. Соның негізінде тексеріс жүргізіліп, материалдар сотқа жолданған.

«Қазіргі таңда толық тексеріс жүріп жатыр, іс сотқа берілді. Бұл мәселені сот шешеді», — деді Мырзабосынов.

Басқа блогерлерге қатысты тексеріс

Журналистер министрден басқа да блогерлердің осындай ұтыс ойындары тексеріліп жатқан-жатпағанын сұрады. Мырзабосынов бұл жұмыстарды тиісті комитет жүргізіп жатқанын айтқанымен, блогерлердің нақты есімін атамады.

Даудың мәні

18–21 тамыз аралығында  «Zhanabylov_e» және «elt6i» аккаунттарымен танымал блогерлер...

Ақмола облысында 348 азаматты ұрлап, олардың атынан несие алған ұйымдасқан қылмыстық топ анықталды. Прокуратураның хабарлауынша, тергеу аяқталып, іс материалдары тараптарға берілді.

Ұйымдасқан қылмыстық топ құрамына еліміздің түрлі өңірінен 25 адам кірген. Олардың арасында елдегі 4 банктің қызметкерлері болған. Олардың қатысуымен 5 жылдан астам уақыт бойы алаяқтық әрекеттер жасалған.

«Қылмыс құрбаны болғандар – 348 азамат. Келтірілген шығын көлемі 3,7 млрд теңге. Тергеу барысында қылмыстық жолмен табылған мүліктер анықталды: Алматы қаласындағы пәтерлер мен жер телімдері, қымбат автокөліктер, ірі көлемдегі қолма-қол ақша. Тәркіленген мүліктің жалпы құны – 2,7 млрд теңге», – деп хабарлады прокуратура.

Қылмыстық топтың барлы...

Инфляция күн санап қарқын алып келеді. Сәйкесінше, барлық тауар түрлері қымабаттап жатыр. Жанармай бағасы да өсе түсуі мүмкін деген болжамдар айтылып қалады. Бұл мәселеге қатысты БАҚ өкілдері депутат Бақытжан Базарбектің пікірін сұрап көрді.

«Жанармай күн сайын 1-2 теңгеге қымбаттап жатыр. Болашақта оның бағасы 380 теңгеге дейін көтерілуі мүмкін деген болжам бар. Бұл қаншалықты рас?» – деп сұрады журналист.

Бақытжан Базарбек мемлекеттің инфляциямен күрес жүргізіп жатқанын, бірақ одан еш нәтиже шығара алмағанын айтты.

«Міне, 20 жыл болды мемлекет инфляцияның соңынан ілесе алмай келеді. Мемлекет күресуге тырысып жатыр. Бірақ одан нақты...

Руслан Берденов өзіне оқ атқан жағдайдан кейін саясатқа қайта оралуды әзірге жоспарлап отырған жоқ. Ол денсаулығы мен отбасына көңіл бөлуді ұйғарған. Бұл жайында Мәжіліс депутаты Айдарбек Қожаназаров мәлім етті.

Денсаулығына, отбасына көңіл бөледі…

Қожаназаров Руслан Берденовтың Шымкент әкімінің орынбасары қызметінен өз еркімен кеткенін еске салды. Ал партияның тең төрағалығына қайтып келу, келмеуін уақыт көрсететінін айтады.

«Ол денсаулығына, отбасына көңіл бөлуді жөн көрді. Сондықтан емделіп шыққан соң өзі қайда және қашан оралатынын айтатын болады», — деді депутат.

Мәжілісменнің айтуынша, Берденов басқа біреуге орнын босатып беруді жөн санаған. Себебі, жұмысты жалғастыру қажет, өйткені мемлекеттік қызметте...

Әскерде жарақат алып, сал болып қалған Ербаян Мұқтар емінің екінші курсын алу үшін ата-анасымен Ыстанбұлға ұшып кетті. Бұл туралы оның заңды өкілі Инга Иманбай мәлім етті.

Заңгердің сөзінше, ем шараларының екінші кезеңіне мемлекет үлкен көмек көрсеткен. Портал арқылы үш айлық қымбат әрі аса маңызды оңалтуға қаржы бөлген. Рейсті Ішкі істер министрлігі мен Қорғаныс министрлігі бірлесіп ұйымдастырған.

Инга Иманбай Ербаянның ата-анасының атынан Денсаулық сақтау министрі Ақмарал Әлназарова мен ҚР ІІМ Ұлттық ұланы Бас қолбасшысының тәрбие және әлеуметтік-құқықтық жұмыстар жөніндегі орынбасары Қайрат Үмбетовке көрсеткен қолдауы үшін алғыс айтқан.

«Ербаянға қатысты мемлекеттік құрылымдар дұрыс шешім қабылдап, көмек қолын...

Елімізде тұрмысы жақсы көпбалалы отбасыларға мемлекеттен қосымша көмек көрсетілмеуі мүмкін. Бұл туралы Еңбек және халықты әлеуметтік қорғау министрі Светлана Жақыпова айтты.

Министр республикалық бюджеттен төленетін барлық төлем – зейнетақы, мүгедектік бойынша жәрдемақы, асыраушысынан айырылуына байланысты төленетін жәрдемақы, көпбалалы отбасыларға берілетін жәрдемақы, «Батыр ана» атағын алған, басқа да ордендермен марапатталған әйелдерге төленетін жәрдемақы өзгермейтінін айтты.

Ал жергілікті атқарушы органның бюджеті есебінен көрсетілетін қолдау қайта қаралады.

«Ел бойынша жағдайды қарастырғанда, астанадан алыстаған сайын стандарт төмен екенін көреміз. Мысалы, Астанада кейбір санаттағы азаматтарға төлемдер жоғары көлемде жасалса, өңірлерде жергілікті атқарушы органдар тек республикалық бюджетпен шектеліп, қосымша қолдау көрсетпейді. Тек...

Мәжіліс депутаты Еркін Әбіл Астанадағы көлік кептелісін азайтудың екі жолын ұсынды. Бірі жұмыс пен оқу кестесін өзгерту керек немесе троллейбус пен трамвайға көшу қажет.

«Әрине бізге жағдай түсінікті, адамдар жұмысқа барады, қаланың шет аймақтарынан келетіндер бар, оның үстіне автобустар лық толы. Мүмкіндігі барлар такси шақырады, өз көлігі барлар көлігімен жүреді. Содан кептеліс пайда болатыны айдан анық», – деді ол.

Депутаттың айтуынша, Астана мен Алматыдағы кептелістердің  бірден-бір себебі, қарбалас уақыттарда жолдарда шамадан тыс кептеліс орнайды, қоғамдық көлік жүйесінің әлсіздігі тағы бар. Оның үстіне таксиде жүретіндер қозғалысты одан сайын қиындатып отырғанын айтады.

Сондай-ақ, Еркін Әбіл Астана үшін...

Қазақстан мен Қытайдың China State Construction Engineering Corporation компаниясы Alatau City жаңа қаласын салу аясында келісімге қол қойды. Қасым-Жомарт Тоқаев бұл жобаны инновациялар мен технологиялық кәсіпкерлікті дамытуға жасалған маңызды қадам деп атады.

Президенттің айтуынша, Alatau City жаңа қаласының құрылысына ерекше мән беру керек. Жоба инновация, криптоөндіріс және технологиялық кәсіпкерлікті дамытуда өңірлік деңгейдегі ірі орталыққа айналуы тиіс. Бұл мәселеде Астана қытайлық компаниялармен тығыз әріптестікке үміт артады.

Біз бүгін Қазақстан мен China State Construction Engineering Corporation арасында қол қойылған келісімді толық қолдаймыз. Құрылысты кешіктірмей бастау қажет деп санаймын. Жақын уақытта Alatau City дербес экожүйе мәртебесіне ие болады...

Алматыдағы орталық алаң әлемдегі ең мықты клубтардың бірі Реал Мадридті қабылдауға сақадай-сай тұр. Бұл туралы Мәжіліс кулуарында Спорт және туризм министрі Ербол Мырзабосынов айтты.

«Матчқа ең мықты команда – Реал Мадрид келеді. Расымен, бұл оқиғалық спорттық туризм. Біздің инфрқұрылымымыз осындай масштабтағы шараларды жүзеге асыруға дайын. Шараға шамамен 4-5 мың турист келеді деп жоспарланып отыр. Қала инфрақұрылымы барлық стандарттарға сай. Алаңымыз да дайын тұр. Стадион УЕФА-ның 4 категориялы стандартына сәйкес келеді», – деді министр.

Сонымен бірге министр, елдің әр өңірінде халықаралық стдандарттарға сай келетін үлкен стадиондар салынатынын айтты. Мәселен, Алматыда 30 мың орындық жаңа стадион...

Тамыз қорытындысы бойынша, теңге бағамы бір доллар үшін 538,60 теңгеге яғни 0,4%-ға нығайды. Қор биржасындағы сауда-саттықтың бір айлық көлемі 260 млн доллардан 217 млн долларға дейін төмендеді. Жалпы сауда-саттық көлемі 4,6 млрд долларға тең. Бұл туралы Ұлттық банктен хабарлайды.

Реттеушінің есебінше, Ұлттық қордан 420 млн доллар сатылған. Одан түскен қаржы «Талдықорған-Үшарал» магистральдық газ құбырын салуға қатысты жобаларды қаржыландырады.

Одан бөлек республикалық бюджетке трансферт бөлуге мүмкіндік береді. Үкіметтің алдын ала болжамды өтінімі бойынша, қыркүйекте Ұлттық қордан 400-500 млн доллар сатады деген жоспар бар.

Реттеушінің «айна» операциясының аясында тамызда нарықтан 290 млрд теңге алынды. Қыркүйекте дәл осы мақсатта шамамен...

Өзбек шекарашылары екі қырғыз азаматын атып тастады. Оқиға екі елдің шекарасында болған. Қырғызстандықтар талапқа бағынбаған көрінеді.

24.kg ақпаратына қарағанда, өзбек-қырғыз шекарасында Қырғызстанның екі азаматы қаза тапты. Оқиғаға байланысты екі ел шекара қызметтері бірлескен тексеру жүргізбек.

Оқиғаға қатысты мәліметтерге сүйенсек, 25 тамызда милицияға Жалал-Абад облысы Чатқал ауданы Айгыр-Джал ауылының екі тұрғынының жоғалып кеткені жөнінде хабар түскен.

28 тамызда өткен жұмыс кездесуінде өзбек тарапы қырғыз шекарашыларына 15 тамыз күні Өзбекстан аумағында, Қырғызстан, Өзбекстан және Қазақстан шекаралары түйісетін жерде екі белгісіз адамның табылғанын жеткізген. Өзбекстанның дерегі бойынша, олар өзбек шекарашылары талаптарына бағынбаған. Оларды ұстау кезінде қару қолданылған. Екеуі де оқ тиіп...

Ұлттық банк төрағасы Тимур Сүлейменов биыл доллар бағамы 1000 теңгеге жетпейді деп тұжырымдайды. Ол бұл туралы Мәжіліс кулуарында журналистердің сұрағына жауап бере отырып айтты.

Журналист ҰБ басшысынан «биыл, 2025 жылы доллар 1000 теңгеге жетуі мүмкін бе» деп сұрады.

«Жоқ, мүмкін емес», – деді Сүлейменов.

Бас банкирдің айтуынша, сыртқы сауда және төлем балансы, ішкі инвестициялық даму мүмкіндіктерін ескере отырып, ел экономикасы тұрақты деуге келеді.

«Биыл экономикада ешқандай ірі дағдарыс орын алмайды деген үміттеміз, сол кезде валюта бағамы да тұрақты болмақ», – деді ол.

Өткен аптада теңге тағы...

VIII сайланған Қазақстан Республикасы парламентінің 4-сессиясы ашылды. Сессияны Мәжіліс төрағасы Ерлан Қошанов ашты.

«Осы күндері президентіміз Қасым-Жомарт Тоқаевтың Қытай халық республикасында ресми сапары өтіп жатыр. Осыған байланысты Қазақстан республикасының парламенті және оның депутаттарының мәртебесі туралы Конституциялық заңның 6-бабының, 5-тармағына сәйкес, маған Парламент Мәжілісінің төрағасы ретінде ҚР президентінің тапсырмасы бойынша 8-ші сайланған ҚР парламентінің 4-сессиясын ашық деп жариялауға рұқсат етіңіздер», – деді Қошанов.

Енді қос палатаның бірлескен отырысы 8 қыркүйек күні өтеді. Бұл күні президент Қасым-Жомарт Тоқаев халыққа жолдауын жариялайды.

Айта кетейік, парламенттің ІII сессиясы 30 маусым күні аяқталып, депутаттар каникулға жіберілген болатын...

Ресейлік «Газпром» мен қытайлық CNPC стратегиялық серіктес болу туралы жаңа меморандумға қол қояды. Оның аясында «Сібір күші – 2» және «Моңғолия арқылы өтетін «Одақ-Шығыс» атты транзитті газ құбырының құрылысына келісті. Бұл туралы ресейлік компанияның басшысы Алексей Миллер хабарлаған.

Жаңа құжатқа сәйкес, аталған газ құбырлары арқылы 30 жыл бойы жылына 50 млрд текше метр газ жіберіледі. Сондай-ақ «Сібір күші» арқылы өтетін көгілді отын көлемін жылына 44 млрд текше метрге, ал «Шығыс маршрут» арқылы өтетін газды 12 текше метрге көбейту туралы келісімге қол қойды.

«Сібір күші-2» газ құбырын жобалау 2020 жылы басталған еді. Шамамен ұзындығы 6,7 мың шақырым. Оны...

Қазақстан мен Қытай 70-тен астам коммерциялық келісімшарт жасап, 15 млрд доллар көлемінде жаңа жобаларды іске асыруға уағдаласты.

Ақорданың мәліметінше, екі ел жалпы құны 15 млрд доллар болатын 70-тен астам коммерциялық келісімге қол қойды.

Келісімдер энергетика, цифрландыру, құрылыс, металлургия, телекоммуникация, көлік және логистика салаларын қамтиды.

«Бұл – өте жақсы көрсеткіш. Ол алдағы уақытта тек арта түсетініне сенімдімін. Қазақстанда қытайлық капиталдың қатысуымен 6 мыңнан астам кәсіпорын табысты жұмыс істеп жатыр», – деп мәлімдеді Президент Қасым-Жомарт Тоқаев.  

Олардың қатарында CNPC, CITIC, SINOPEC, Huawei секілді әлемдік деңгейдегі ірі корпорациялар бар. Президенттің сөзіне қарағанда, ірі бизнес қана емес...

Таразда екі оқушы арасында жанжал шығып, бірі қайтыс болды. Ақпаратты Жамбыл облысы полициясы растады.

Полиция бұл дерек бойынша қылмыстық кодекстің 99-бабы «кісі өлтіру» бойынша қылмыстық іс қозғады.

«Жедел-іздестіру шараларының нәтижесінде кәмелетке толмаған күдікті қолға түсіп, уақытша ұстау изоляторына қамалды», – делінген ақпаратта.

Қазір оқиғаның мән-жайын анықтауға бағытталған жедел-тергеу іс-шаралары жүргізіліп жатыр.

Тергеу мүддесіне байланысты өзге ақпарат жарияланбайды.

Айта кетейік, тамызда Ақмола облысы Біржан сал ауданының Үлгі ауылында екі баланың үстіне найзағай түсіп, бір бала қайтыс болды.