Жаңалықтар

Мемлекет «Отбасы банк» салымшыларына заңда белгіленген тәртіпке сәйкес жыл сайынғы сыйлықақыны төлеуді жалғастырады. Бұл туралы Қаржы вице-министрі Дәурен Темірбеков мәлімдеді.

Вице-министрдің сөзінше, сыйлықақыны есептеу тәртібіне қатысты ешқандай өзгеріс енгізілген жоқ.

«Мемлекет өз мойнына алған барлық міндеттемелерін орындайды. Наурыз айында сыйлықақыны есептеу тәртібі өзгермейді. Заңға сәйкес, мемлекеттік сыйлықақы бюджет қаражаты есебінен төленеді. 20 пайыз көлеміндегі сыйлықақы 1 наурызда есептеледі», – деді Темірбеков Сенат кулуарында.

Сондай-ақ вице-министр мемлекетке тиесілі дивидендтердің де мемлекеттік қаражат санатына жататынын, сондықтан олар банктің меншікті қаражаты болып есептелмейтінін атап өтті.

Мемлекеттік сыйақы

2025 жылы үшін мемлекеттік сыйақының ең жоғары мөлшері – 157 280 теңге болды. Бұл...

FlyArystan әуе компаниясының ұшаққа отыратын жолаушы қол жүгінің артық мөлшеріне ақы белгілеу тәртібі тексеріліп жатыр. Монополиямен күресетін мекеме компания әрекеті тұтынушылар құқығын шектейді деп есептейді.

Air Astana-ға қарасты лоукостерге қатысты тергеу жүріп жатқаны 12 ақпанда Алматыда өткен брифингте мәлім болды. Бәсекелестікті қорғау және дамыту агенттігі қалалық басқармасының басшысы Нұржан Нұрланұлының айтуынша, мекеме FlyArystan артық мөлшер үшін өте қымбат ақы алғанын анықтаған.

«Мәселен, жүк мөлшері 1 кг асқан адам мен 5 кг асқан жолаушы бірдей ақы төлеуге мәжбүр болған», – дейді шенеунік.

Агенттік мұндай жағдай әуе компаниясы қызметіне жүгінген азаматтар құқығын шектеу деп есептейді.

Астанада демалыс күндері кезекті ауыл шаруашылық жәрмеңкесі өтеді деп хабарлайды қала әкімдігінен.

Шара 14 және 15 ақпанда таңертеңгі оннан кешкі жетіге дейін «Keryen Joly» сауда үйінің жанында болады.

Жәрмеңкеде Қазақстанның әртүрлі өңірлерінен келген жергілікті фермерлер мен өндірушілердің өнімдері ұсынылады. Қала тұрғындары мен қонақтары көкөніс пен жеміс-жидек, ет, ұн және сүт өнімдерін, нан-тоқаш пен кондитерлік тағамдарды, табиғи шырындар, тосаптар, джемдер және өзге де тауарларды тиімді бағамен сатып ала алады.

Жәрмеңкеге № 7, 11, 39, 41, 45, 53, 59, 81, 307, 317 маршруттағы автобустар арқылы баруға болады.

Дәл осындай жарнамалар Алматыда да өтеді. Жалпы биыл қала әкімдігі мұндай сауда шараларын көбейтуді жоспарлап отыр. Алматыда...

«Алматы электр станциялары» компаниясы нарықтағы басым жағдайын пайдалана отырып, индустриялық аймақтағы 118 кәсіпорынға өз қызметін еншілес компаниясы арқылы заңсыз сатқан. Нәтижесінде 400 млрд теңге инвестиция салған резиденттерге қосымша қаржылай жүктеме түсірген.

Бұл туралы Бәсекелестікті қорғау және дамыту агенттігінің Алматы қаласы бойынша департаментінің басшысы Нұржан Нұрланұлы мәлімдеді.

Оның айтуынша, компания жергілікті энергиямен жабдықтаушыны Алматы индустриялық аймағына жеткізілетін электр қуатын қосымша ақылы қызметпен бірге сатып алуға мәжбүрлегені белгілі болды. Яғни электр энергиясы өзіне қарасты компания желілері арқылы беріліп, оған бөлек төлем талап етілген.

Бұл талап индустриялық аймақта қалалық электр желілері жоқ болса...

Сенат Еуразиялық экономикалық одақ пен Моңғолия арасындағы Уақытша сауда келісімін ратификациялады.

Келісім екі ел арасындағы саудадағы техникалық кедергілерді жоюға және жеңілдетуге негізделген.

Негізгі шарттары:

Келісімге сәйкес, Моңғолия ЕАЭО елдерінен, оның ішінде Қазақстаннан келетін жеңіл автокөліктерді, электр көліктерін, самосвалдар, жүк көліктерін, өрт сөндіру машиналарын, тіркемелер мен жартылай тіркемелерді, автоцистерналарды, сондай-ақ кейбір агрегаттар мен қосалқы бөлшектерді толық бажсыз әкелуге міндетті.

Айта...

Бүгін, 12 ақпан көрермендер арасында үлкен қызығушылық тудырған Жандарбек Бұлғақов пен Сырым Әуезхан Айнұр Тұрсынбаева мен Балғынбек Имашев жұбына қарсы айтысады. Онлайн батл форматында өтетін айтыс тікелей эфирде көрсетіледі.

Онлайн айтысты қайдан көруге болады

Тікелей эфир 12 ақпан күні сағат 20:00-де Telegram платформасында өтеді. Көру үшін ұйымдастырушылар ұсынған сілтеме арқылы 990 теңге көлемінде төлем жасап, чекті жіберу қажет. Осыдан кейін жабық арнада эфирге қосылу мүмкіндігі беріледі.

Бұған дейін айтыс офлайн форматында да өтетін жазған едік. Алайда Айнұр Тұрсынбаеваның айтуынша, билеттердің барлығы сатылып кеткен.

Шымкент қалалық полиция департаменті көпқабатты тұрғын үйлердің бірінің ауласында шекесіне сынған ағаш тиіп қайтыс болған бала оқиғасына қатысты қылмыстық іс қозғады.

Полицияның хабарлауынша, аталған факті бойынша адам өліміне әкеп соққан қызметтік міндеттерге салғырт қарау дерегімен қылмыстық іс қозғалған.

«Ойын барысында кәмелетке толмаған бала бұтақтарында қалың қар жиналған ағаштың бұтақтарын өзіне қарай тартқан. Соның салдарынан қар сырғып, кейіннен ағаш құлаған» делінген полиция хабарламасында.

Қазіргі уақытта оқиғаның барлық мән-жайын жан-жақты, толық және объективті анықтауға бағытталған тергеу басталған.

Кеше түнде қала әкімдігі қайғылы оқиғаға қатысты арнайы комиссия құрылғанын мәлімдеді. Қаралы үйге барлық қажетті көмек берілетінін хабарлады.

Кеше, 11 аққан күні, түстен кейін...

Мәжілісте Қазақстанның мұнайын өндіріп, содан пайда тауып отырған мұнай компанияларының Қазақстан тауарларын қаншалықты алып жатқаны жөнінде отырыс өтіп жатыр.

Отырыс барысында «PetroCouncil», «PetroMining», «Buzachi Operating Ltd», «СНПС-Актобемунайгаз» АҚ, «Матен Петролеум» АҚ, «КоЖаН» АҚ сияқты компаниялар басшыларының баяндамасы тыңдалды. Алайда олардың бірде-бірі көпжылдық келісімшарттарын көрсете алмай, депутаттардың сынына ұшырады.

Отырыста төрағалық еткен депутат Еділ Жаңбыршин Қазақстанда жұмыс істейтін шетелдік мұнай компаниялары басшыларын қатаң сынға алды. Оның айтуынша, ірі компаниялар отандық өндірушілерді қолдамай, жабдықтарды Қытайдан сатып алып, қаржыны шетелге шығарып отыр.

«Барлық ақша шетелге шығарылып жатыр. Құрал-жабдықтарды Қытайдан сатып аласыздар. Тіпті қыздыратын пешке дейін әкелінеді. Неге...

2026 жылғы 15 наурызда Қазақстанда кезекті референдум өтеді. Осы жолы халық жаңа Конституцияны қабылдауға қатысты дауыс береді. Бұл – Қасым-Жомарт Тоқаев президент болғалы өткізіліп отырған үшінші референдум.

2022 жылы ел Конституциясына өзгерістер мен толықтырулар енгізу бойынша референдум өтсе, 2024 жылғы 6 қазанда халық атом электр станциясын салуға қатысты дауыс берді.

Жаңа Ата заң қабылдайтын референдумға қанша қаржы бөлінеді

Жаңа Ата заң жобасы дауысқа салынатын шараға бюджеттен қанша қаржы бөлінетіні әлі нақтыланбаған. Қаржы вице-министрі Дәурен Темірбеков референдум өткізуге қаражат үкімет резервінен алынатынын мәлімдеді. Алайда оған 2024 жылғы АЭС референдумынан біршама көп...

Мәжіліс депутаты Мұрат Әбенов конституциялық референдум секілді маңызды саяси оқиға қарсаңында «ту өртеген» Павлодар облысының әкімдігін сынады.

Осы аптада әлеуметтік желіде бір топ адам көк туды өртеп, елбаңбаны бөлшектеген видео тарады. Артынша көпшіліктің сынына ұшырап үлгерген осы оқиға 5 ақпанда Павлодар қаласындағы орта мектептердің бірінде болғаны анықталды.

Білім мекемесінің комиссиясы «талапқа сай емес заттарды» осындай әдіспен жойған. Алайда көпшілік оны қасақана жасалған арандатушылық әрекет деп түсініп қалды.

Әкім Асайын Баханов басқаратын өңір билігі мектеп басшылығын жазалағанымен, келеңсіз жайт парламентке дейін жетіпті. Мәселен, депутат Әбенов осы оқиғаны «көпшіліктің көзінде мемлекеттік рәміздерді қорлау» деп қабылдаған.

Көлемі шамамен 1 шақырымға жуық 162882 (2001 FD58) астероид 14 ақпанда Жерден бірнеше миллион шақырым қашықтықта ұшып өтеді.

Мамандардың бағалауынша, нысанның өлшемі 0,5 пен 1 шақырым аралығында. Ол соңғы бір жыл ішінде Жерді айнала қоршаған 7,5 млн шақырым радиустағы аймақтан өтетін ең ірі астероид саналады.

XRAS ақпаратына қарағанда, мұндай аймаққа кіретін ғарыш денелері қауіпті нысандар қатарына жатады.

Бұған қарамастан, бұл астероид Жер үшін нақты қауіп төндірмейді және тек көлемінің ірілігімен ерекшеленеді. Ғалымдар оның планетамен соқтығысу ықтималдығы нөлге тең екенін айтады.

Еуропалық ғарыш агенттігінің бағалауынша, Жерге құлау ықтималдығы нөлден жоғары деп есептелетін ең жақын ірі нысан – көлемі шамамен ...

Президент Қасым-Жомарт Тоқаев Дубайда өткен терроризмге қарсы бөлімшелер арасындағы UAE SWAT Challenge-2026 халықаралық жарысында үздік нәтиже көрсеткен қазақстандық командаларды құттықтады. Бұл туралы Президентінің кеңесшісі -баспасөз хатшысы Айбек Смадияр өзінің Telegram–парақшасында жазды.

Kazakhstan C командасы беделді турнирдің абсолютті жеңімпазы атанса, Kazakhstan A командасы жалпы есепте екінші орынға ие болды.

Президент Мемлекеттік күзет қызметі, Ішкі істер министрлігі, Ұлттық қауіпсіздік комитеті қызметкерлерінен жасақталған құраманың кәсіби, физикалық, жауынгерлік даярлығы және отаншыл рухы жоғары деңгейде екенін, сондай-ақ сарбаздардың жеңіске деген ерік-жігерін ерекше атап өтті.

Мемлекет басшысы 48 елден 109 команда қатысқан жарыста лайықты өнер көрсеткен арнайы жасақ жауынгерлеріне тиісті құрмет көрсетілетінін айтты.

Алматыда психотроптық заттарды аса ірі көлемде заңсыз дайындап, сатумен айналысқан ұйымдасқан қылмыстық топтың әрекеті әшкереленді.

Алматы прокуратурасының ақпаратына қарағанда, қылмыстық топтың қызметін Медеу аудандық прокуратурасының үйлестіруімен полиция қызметкерлері анықтап тоқтатты.

Прокуратураның мәліметінше, топ ұйымдастырушысы Алматыдағы жеке тұрғын үйлерде орналасқан үш жасырын есірткі зертханасының жұмысын басқарып отырған. Бұл зертханаларда күн сайын кейін сатуға арналған психотроптық заттар дайындалған.

Жедел-іздестіру шаралары барысында наркозертханалардың қызметі тоқтатылып, топтың жеті мүшесі ұсталды. Заңсыз айналымнан психотроптық заттар, оның ішінде мефедрон да тәркіленген.

Сотқа дейінгі тергеу қорытындысы бойынша, ұйымдасқан қылмыстық топтың жетекшісі халықаралық іздеуге жарияланды.

Ал топтың қалған мүшелері сот үкімімен кінәлі деп танылып, әрқайсысы 16 жылға...

Universal студиясы тарихындағы ең табысты франшизаны қайта жаңғыртпақшы. Көпшілікке жақсы таныс, шытырман жанрындағы «Мумия» фильмі тағы да жарыққа шығады.

 The Hollywood Reporter жазуынша, картинада бұрынғы актерлер ойнайды. Яғни Эвелин О’Коннелл рөлінде Рэйчел Вайсты, Рик рөлінде  Брэндан Фрейзерді қайта көреміз. Фильм режиссерлері – Мэтт Беттинелли-Олпин және Тайлер Джиллетт.

«Мумия» алғаш рет 1999 жылы жарыққа шықты. Сол кезде 422 млн доллар касса жинап, ең табысты фильмдер қатарына қосылды. Басты рөлде ойнаған Фрейзер жұлдызды актерлер тізіміне енді. Кейін 2001, 2008 жылдары да жалғасы шықты.

2017 жылы франшизаны қайта жарық көрген. Басты рөлді бұл жолы Том Круз ойнады. Бірақ прокаты өте сәтсіз болып, сыншылар...

Алматыда «Гостиница Жетысу» ЖШС жалға алынған жерде пайдалану құқығынан айырылды. Мәселе Алмалы ауданында орналасқан Абылай хан көшесі, 55 мекенжайындағы 0,24 га (2432 ш.м) жер учаскесіне қатысты болып отыр. Бұл жер телімін қала әкімдігі бірнеше жыл бұрын компанияға абаттандыру және көгалдандыр мақсатында берген.

2022 жылдың қаңтарында Алматы қаласының жер қатынастары басқармасы мен «Гостиница Жетысу» ЖШС арасында жерді 4 жыл 11 айға жалға алу туралы келісім жасалған.

Сотта Алматы қаласының әкімдігі Жер кодексі талабын бұзып, даулы жер учаскесін ЖШС-ға конкурс өткізбей бергені анықталды.

Апелляциялық сотта жер учаскесін жалға алу шарты жарамсыз деп танылды. Осылайша сот шешімі күшіне енген күннен бастап...

Павлодар облысы тұрғыны кепілдік мерзімі бітпей тұрып істен шыққан көлігі үшін сот арқылы 20 млн теңге өндіріп алды. Қозғалтқышы бұзылып, ұзақ уақыт жөндеуде тұрған Chery Tiggo 8 Pro Max автокөлігі сапасыз тауар деп танылып, сатып алу-сату шарты бұзылды. Сот шешімімен автосалон көлік құнын толық қайтаруға міндеттелді.

Оқиғаның мән жайы

Ер адам Chery Tiggo 8 Pro Max автокөлігін 2023 жылы сатып алған. Оны 84 ай немесе 200 мың шақырымға берілген ұзақ мерзімді кепілдікпен алған. 2025 жылдың наурыз айында, кепілдік мерзімі кезінде, автокөліктің қозғалтқышы істен шыққан. Көлік ЖШС-нің қызмет көрсету орталығына тапсырылып, ұзақ уақыт бойы жарамсыз күйде тұрған.

Автокөлік иесі ЖШС-н...

Нарықтық құны 1 млрд доллардан асып, отандық стартаптар ішінде тұңғыш рет unicorn атанған Higgsfield-тің басы дауға қалды. Танымал IT-маман Анил Матча компанияның жұмысына талдау жасап, үлкен мақала жариялаған.

Мәселенің мән-жайы

Матча Higgsfield компания құнын жасанды түрде өсірді, басқа компаниялардың моделін ұрлап, өздеріне пайдаланды деп айыптайды. Мәселен, мереке қарсаңында компания қолданушыларына 80%-ға дейін жеңілдік берген, кейбір тарифті жыл бойына «шексіз» пайдалануға рұқсат етеді. Яғни клиенттер бірнеше генерацияны пайдаланыпы, түрлі видеолар жасай береді. Мыңдаған авторлар Higgsfield жазылымын жаппай сатып ала бастайды, нәтижесінде компания аз уақытта unicorn статусына дейін көтерілді. Бұл жерде платформа иелері жасанды тапшылық (FOMO) және «казино психологиясын» пайдаланды дейд...

Батыс Қазақстан облысында мемлекеттік кәсіпорынның бухгалтері бюджеттен 118 млн теңге жымқырды деген күдікпен уақытша ұстау изоляторына қамалды.

Прокуратураның мәліметінше, ол қаражатты букмекерлік кеңседе бәске тіккен.

«Лудоманияға шалдыққан кәсіпорынның бухгалтері компания қаражатын заңсыз пайдаланып, оларды «1XBet» букмекерлік кеңсесінде бәске тіккен. Сондай-ақ ұрланған ақшаға жаңа автокөлік сатып алған. Мемлекетке келтірілген жалпы залал 118 миллион теңгені құрады», – делінген хабарламада.

Қылмыстық іс қозғалды

Аталған дерек бойынша ҚР Қылмыстық кодексінің 189-бабы 4-бөлігі 2-тармағы («Аса ірі мөлшерде сеніп тапсырылған бөтен мүлікті иемдену немесе талан-таражға салу») бойынша сотқа дейінгі тергеп-тексеру басталды. Істі арнайы прокурорлар жүргізіп жатыр.

Сот санкциясымен күдікті қамауға...

Түркия парламентінде жаңа әділет министрінің ант беру рәсімі кезінде депутаттар арасында жаппай төбелес орын алды. Қақтығыс оппозициялық Республикалық халық партиясы мен биліктегі Әділет және даму партиясы депутаттары арасында шыққан.

Оппозиция өкілдері президент Режеп Тайип Ердоған әділет министрі қызметіне тағайындаған Акин Гюрлектің парламентте ант беруіне қарсылық білдіріп, рәсімді тоқтатуға тырысқан. Соның салдарынан депутаттар арасында айқай-шу туып, бір-бірін итеріп, кейбірі жұдырықтасуға дейін барған.

БАҚ мәліметінше, Акин Гюрлек бұған дейін Ыстанбұлдың бас прокуроры қызметін атқарған. Өткен жылдың наурыз айында қала мэрі Экрем Имамоглуға қатысты қамауға алу ордерін шығарған. Бұл шешім ел ішінде жаппай наразылық акцияларының өтуіне себеп болған еді.

Алматы қаласында 31 магнит жұтып қойған сәбиге шұғыл ота жасалды. Бұл туралы Kursiv.Media қалалық денсаулық сақтау басқармасы мәліметіне сүйене отырып хабарлайды.

Магниттер ішекті тескен

1 жас 9 айлық бала өте ауыр жағдайда Балаларға шұғыл медициналық көмек көрсету орталығына жеткізілген. Тексеру нәтижесінде дәрігерлер «ішектегі бөгде заттар – 31 магнит, жіңішке ішектің бірнеше жерден тесілуі, жайылған нәжістік перитонит» диагнозын қойды.

Баланың өмірін сақтап қалудың жалғыз жолы – шұғыл хирургиялық ота жасау. Дәрігерлер ортаңғы лапаротомия жасап, құрсақ қуысы ағзаларына толық тексеру жүргізді.

Ота барысында магниттер ішектен алынып, жіңішке ішектегі көптеген тесік тігілді. Құрсақ қуысы тазартылып, дренаж орнатылды. Сонымен...

Республикалық референдум өткізуге қаражат Үкімет резервінен алынады. Бұл туралы қаржы вице-министрі Дәурен Темірбеков айтты.

Айтуынша, қаржы министрлігіне әлі қаражат сомасы көрсетілген өтініш түспеген. Сол себепті вице-министр референдумға жұмсалатын қаражат көлемін атай алмады.

«Орталық сайлау комиссиясына хабарластық. Бюджетке сұранымды бүгін немесе ертең жіберетін болды. Қаражат Үкімет резервінен алынады», – деді Темірбеков.

Айта кетейік, жаңа Конституцияны қабылдауға қатысты республикалық референдум 2026 жылдың 15 наурызында өтеді. 

Референдумға шығарылатын Конституция жобасы мәтінін мына жерден оқи аласыздар.

Қырғызстан Жоғарғы кеңесінің (Жогорку Кеңеш) спикері Нұрланбек Тұрғұнбекұлы бүгін қызметінен кететінін мәлімдеді.

kaktus.media жазуынша, елде тұрақтылық болып, саяси реформалар іске асуы керек. Осы шаруа толық аяқталуы үшін Нұрланбек Тұрғұнбекұлы қызметін босататынын мәлім еткен.

Спикердің қызметінен кететіні елдің Мемлекеттік ұлттық қауіпсіздік комитеті төрағасы Қамшыбек Тәшиевтің орнын босатқан соң айтыла бастаған. Комитетті бес жыл басқарған Тәшиевтің үш орынбасары да лауазымдарын босатты. Осы оқиғаның бәрі Тәшиев Германияда емделіп жатқан кезде болған. Көп өтпей комитеттің экс-бастығы елдегі тұрақтылықты сақтау үшін Президенттің пәрменін орындайтынын мәлімдеді.

Мұның алдында бес жыл бойы Қырғызстанның Мемлекеттік ұлттық қауіпсіздік комитетін басқарған Қамшыбек Тәшиев қызметінен босатылғанын хабарлаған едік.

Валентин күні – АҚШ-тағы коммерциялық бағыттағы мерекелердің бірі. Америка ұлттық бөлшек сауда федерациясының деректері бойынша, биыл 14 ақпанда бір адам орта есеппен 200 доллар жұмсаса, жиынтық шығын 29 млрл долларға жетуі мүмкін.

Бұл ретте жұмсалатын шығыс құрылымы аса шоғырланған, тұтыну шығысының негізгі бөлігі бірнеше санатқа тиесілі. Қор нарығы үшін бұл тәуелсіз инвестициялық драйвер емес, бірақ қандай бизнес үлгілерінің эмоционалды сұранысты табысқа айналдыра алатынын және қаржы көрсеткіштерде мерекелік әсердің қаншалықты көрінетінін бағалауға мүмкіндік беретін маңызды іс-әрекетінің триггері.

Осы ретте Freedom Finance Global талдаушысы Турал Алиев дәстүрлі сыйлыққа балама бола алатын үш компания акциясына шолу жасады.

Зергерлік...

Ақтауда дәрігерлер шемішке тыныс жолына кептеліп, қақалып қалған бір жасар сәбиді аман алып қалды.

Эндоскопист Роллан Елеусинов Lada.kz басылымына ота барысы туралы баяндады.

Дәрігер Роллан Елеусіновтің мәліметінше, 9 ақпанда ауруханаға тынысы қырылдап тұрған бір жасар сәби жеткізілген. Анасының айтуынша, бала шемішкеге қақалып қалған. Рентген тексеруінде бөгде зат анықталмағандықтан, сәби бронхоскопияға дайындалған.

Процедура кезінде эндоскопистер Роллан Елеусінов пен Нұржігіт Жансұлтан шемішкені дереу анықтап, оны бронхтардан сәтті алып тастаған.

Қазір сәбидің жағдайы едәуір жақсарған, тынысындағы сырыл толық жойылған. Бұл – анестезиологтер, терапевтер, хирургтер және эндоскопистердің үйлесімді командалық жұмысының нәтижесі.

Дәрігердің сөзінше, ай сайын ауруханаға бөгде зат жұтып немесе тыныс...