Жаңалықтар

Қарбыз – жаз мезгілінің сүйікті жемісі. Алайда бұл өнімді таңдауда және тұтынуда сақ болған жөн. Біреулер тәуекелге барып, қарбыздың дәмін қазірдің өзінде татып көрсе, енді бірі жаздың бел ортасын күтуді жөн көреді. Маусым айында сатылатын алғашқы қарбыздарды жеуге бола ма деген сұрақ жиі туындайды. Осыған байланысты Kursiv LifeStyle мамандардың кеңесіне шолу жасап көрді.

Қарбыздарды таңдағанда нені ескеру керек

Диетологтардың айтуынша, қарбыздың өзі пайдалы өнім болғанымен, оны таңдауда және тұтынуда бірнеше ережені сақтау маңызды.

Диетолог Марият Мухина қарбыздың құрамында су мөлшері көп, сондықтан ол ағзадағы су теңгерімін сақтауға көмектесетінін айтады. Сонымен қатар қарбызда калий, магний және антиоксидант қасиет...

Белгілі эстрада әншісі Нұрлан Өнербаевтың отбасында орны толмас ауыр қаза болды. Өнер иесінің анасы өмірден озды. Бұл туралы әнші әлеуметтік желідегі парақшасында мәлімдеді.

«Анасы бар адамдар ешқашан қартаймайды» деп ән шырқап, бүкіл қазақ даласын елжіреткен Нұрлан Өнербаев өз жазбасында анасының жүз жасайтынына үміттенгенін жеткізді.

«Жалғандағы жарығым сөнді. Анам 100 жасайды деуші едім, Алланың есебі басқа екен ғой. Амал нешік. Алдың жарық болсын анашым», – деп жазды Өнербаев.

Нұрлан Өнербаев – Қазақстанның еңбек сіңірген қайраткері, халықтың сүйікті әншісі. Әр жылдары Мұхтар Әуезов атындағы қазақ мемлекеттік академиялық драма театрында қызмет етіп, телерадио саласында жауапты басқарушылық лауазымдарды атқарған.

Ауыл шаруашылығы министрлігі шетелден келетін азық-түліктің 39 түріне шектеу енгізуді жоспарлап отыр. Салалық ведомствоның inbusiness.kz сайтына берген жауабында шектеу азық-түліктің 39 түріне қатысты болмақ.

Олардың қатарында ұн, ет және ет өнімдері, сүт өнімдері, жұмыртқа, көкөніс, қант, сусындар және тағы басқа да тауарлар бар.

Министрлік мемлекеттік сатып алу жүйесі арқылы отандық азық-түлік өндірушілерді қолдау аясын кеңейтуді ұсынды. Қазіргі уақытта шетелден келетін өнімдерді сатып алуды шектеуді көздейтін қаулы жобасы көпшіліктің талқылауына шығарылды.

Ауыл шаруашылығы министрлігінің түсіндіруінше, шетелдік өнімдерді сатып алуға толықтай тыйым салынбайды. Егер отандық өндірушілер конкурсқа қатыспаса немесе тендер өтпей қалса, мемлекеттік ұйымдар импорттық тауарларды сатып ала алады...

АҚШ пен Иран арасындағы жоғары деңгейдегі келіссөздердің алғашқы раунды Швейцарияда аяқталды. Reuters мәліметінше, бұл туралы араағайын елдер – Қатар мен Пәкістан хабарлаған.

Келіссөз оңай басталмаған. Оған дейін Тегеран Ормұз бұғазы арқылы теңіз қозғалысын қайта тоқтататынын мәлімдесе, АҚШ президенті Дональд Трамп Иранға қарсы шабуылдар қайта басталуы мүмкін екенін ескерткен.

Соған қарамастан тараптар келіссөз үстелінен нақты нәтиже де жоқ емес. Қатар Сыртқы істер министрлігі жариялаған мәлімдемеге сәйкес, АҚШ пен Иран алдағы 60 күн ішінде түпкілікті келісімге келуге арналған жол картасын мақұлдаған.

Техникалық деңгейдегі келіссөздер апта соңына дейін жалғасады. Олар Швейцариядағы Қатарға тиесілі Бюргеншток тау курортында өтеді.

Келіссөзге АҚШ тарапынан вице-президент...

China Construction қытай холдингі Түркістан облысындағы Қасқасу тау курортына 172 млрд теңге инвестиция құюды көздеп отыр. Бұл туралы өңір әкімдігі таратқан мәліметте айтылды.

Қытай алпауыты Қасқасуда

Қытайдың ірі корпорациясы Түркістан облысындағы туризм кластеріне қызығушылық танытып жатқанын Kursiv.Media бұған дейін де жазған. Өткен аптада көрші елден келген кәсіпкерлер инвестициялық жобаны таныстырған. Бірақ ол кезде инвестиция көлемі айтылмаған.

China Construction Sixth Engineering Bureau Corp. LTD – алпауыт холдингтің алтыншы бөлімі шамамен 172 млрд теңге (шамамен 350 млн доллар) инвестициямен кіргелі жатыр. Бұл туралы Түркістан облысының әкімі Нұрлыбек Нәлібаевтың Қасқасуға сапары барысында айтылды.

Әкім «Сайрам-Өгем» ұлттық табиғи паркінде...

Каспий теңізінде мұнай құбыры жарылып, суға мұнай жайылды. Қазір шикізат тасымалдау тоқтатылды деп жазады Report.

19 маусымда «Азнефть» кәсіпорнының орталық аппаратына Дюбенди жағалауы аймағында мұнай жайылғаны туралы ақпарат түскен. Мұны Әзербайжанның мемлекеттік мұнай компаниясы (SOCAR) растады.

Кейін тікұшақпен барлау кезінде Дюбенди жағалауы мен Пираллаха аралы арасындағы су айдынында мұнай дағы байқалған. Сараптама қорытындысы бойынша, шикізат жайылуына «Азнефтьке» тиесілі мұнай құбырларының біреуінің жарылуы себеп болған.

Сүңгуірлер құбыр айналысын тексеріп, әлденеден зақымдалғанын анықтады. Құбыр кеменің зәкірімен жанасып, тесілуі мүмкін. Осыдан кейін бірден аталған құбырдан мұнай тасымалдау тоқтатылды. Апатты жою үшін арнайы штаб құрылды.

Қазір апаттың салдарын жою...

Өзбекстан Ұлттық Олимпиада комитеті төрағасының бірінші орынбасары, Азия Олимпиадалық кеңесінің вице-президенті Отабек Умаров АҚШ-та әлемдегі ең ірі аралас жекпе-жек ұйымы UFC президенті Дана Уайтпен кездесу өткізді.

Кездесу барысында тараптар спорт индустриясының заманауи даму тенденциялары, кәсіби жекпе-жекті дәріптеу және халықаралық ынтымақтастықтың болашағы туралы пікір алмасты. Дана Уайт UFC-дің қызметі, ұйымның инфрақұрылымы және алдағы жоспарлары туралы егжей-тегжейлі айтып берді.

Ташкенттегі UFC турнирі

Өзбек бокс мектебінің халықаралық деңгейдегі жоғары беделі мен әлемдік спорт элитасындағы орны ескеріле келе, Өзбекстанда UFC аясында ZUFFA Boxing жарыстарын өткізу туралы бастама көтерілді.

UFC турнирлеріне тұрақты түрде қатысып жүрген өзбек спортшыларының саны артып келе жатқанын және елдегі бұл...

Қаржылық мониторинг агенттігінің Ақмола облысы бойынша департаменті вейптерді есірткі тәрізді сатқан қылмыстық топтың қызметін әшкереледі. Олар вейптерден бөлек хош иістендіргіштер мен сұйықтықтарды заңсыз сатумен айналысқан.

Агенттік мәліметінше, өнімдер әлеуметтік желілердегі интернет-дүкендер арқылы сатылған. Курьер жеткізіп тұрған.

«Схеманы жасыру үшін күдіктілер дропперлердің қызметін пайдаланған. Ақша солардың шоттары арқылы қабылданып, қолма-қол ақшаға айналдырылып отырған», – деп жазылған агенттік ақпаратында.

Тергеу нұсқасы бойынша, заңсыз қызметтен түскен табыс көлемі 221 миллион теңгеден асып жығылған.

Сот санкциясымен күдіктілердің пәтері мен автокөлігіне тыйым салынды. Қылмыстық топтың ұйымдастырушысы қамауға алынды.

Жыл басынан бері агенттік вейптерді заңсыз сатуға қатысты ...

Chery Қазақстанда жаңартылған Arrizo 8 седанының сатылымын бастады. Модель Көлік құралдары типін мақұлдау (ОТТС) тізіміне енгеннен кейін брендтің ресми дистрибьюторы рестайлингтен өткен нұсқа туралы мәліметтерді жариялады. Сондай-ақ ресми сайтында модельдің қолжетімді нұсқалары мен бағасы жарияланды.

Жаңа қозғалтқыш пен автоматты беріліс қорабы

Бұған дейін Arrizo 8 тек 1,6 литрлік турбоқозғалтқышпен ұсынылса, жаңартылған седан енді екі түрлі күштік қондырғымен қолжетімді.

Бастапқы және орта деңгейдегі комплектациялар 150 ат күшін (275 Нм) өндіретін 1.6 TGDI қозғалтқышымен жабдықталған. Қозғалтқыш жеті сатылы роботтандырылған беріліс қорабымен жұмыс істейді.

Ал жоғары деңгейдегі нұсқа 197 ат күші бар 2 литрлік турбоқозғалтқышпен және сегіз сатылы автоматты беріліс қорабымен ұсынылады.

VIII шақырылымдағы мәжіліс құрамы бірнеше рет өзгеріске ұшырады. 2023 жылдан бері төменгі палатадан бірнеше депутат кетті, бір бөлігі атқарушы билікке ауысса, бір бөлігі өз еркімен мандатын тапсырды, тағы бірінің өкілеттігі партия шешімімен тоқтатылды.

Алғашқылардың бірі болып Мәжілістен Ғалымжан Елеуов кетті. AMANAT партиясынан сайланған депутаттың өкілеттігі 2023 жылғы 31 тамызда тоқтатылды. Кейін ол Ақтөбе облысы әкімінің орынбасары болып тағайындалды. Оның орнына партиялық тізім бойынша Вера Ким Мәжіліске келді.

Таиландта жоғалып кеткен Кисло-Сладкий лақап атымен танымал қазақстандық рэпер Дархан Жұмабекке қатысты тың дерек шықты. 

Кәсіпкер Салауат Instagram парақшасында Дарханның қазір ауруханада дәрігерлердің бақылауында жатқанын хабарлады.

«Хабар келген бойда Парасат екеуміз жетіп келдік. Керек-жарақтарының бәрін беріп жібердік. Не болып жатқанын білмеймін. Бізді әлі кіргізген жоқ», – деді кәсіпкер.

Оның айтуынша, рэпер тағы бір тәулік ем қабылдап, жағдайы жақсарған соң өзі тікелей эфирге шығып, болған оқиғаның мән-жайы туралы айтып бермек.

«Іздеген, алаңдаған және көмектескен барша адамға рақмет. Ең бастысы – Дархан табылды және қауіпсіз жерде. Адам болған соң түрлі жағдай болады, маңыздысы – бәрі жақсы аяқталды», – деді Салауат.

Әнші Бақыт...

Алакөлде туристік маусым басталды. Демалыс күндері көл жағалауындағы фестивальге жүздеген адам жиналды.

Маусым ашылды

«Алакөл алаулары – 2026» фестивалінде биылғы туристік маусым ресми түрде ашылды. Абай облысының әкімі Берік Уәли тұрғындар мен демалушылар алдында сөз сөйледі.

«Баршаңызды еліміздің інжу-маржаны, ауасы бал, суы ем қасиетті Алакөлдегі биылғы жазғы демалу маусымы басталуымен шын жүректен құттықтаймын», – деді өңір басшысы.

Уәлидің айтуынша, Алакөлде концерттік бағдарламалар тамыз айына дейін жалғасады. Аптасына екі рет, сәрсенбі, сенбі күндері демалыс аймағына әнші, биші, күйшілер келіп, көпшілікке көңіл-күй сыйлайды.

Жексенбідегі фестивальде күйші-композитор Секен Тұрысбек, дәстүрлі ән өнерінің өкілі Дінисламбек Жайлаубай, сонымен бірге...

Шығыс Қазақстан облысында алкоголь өнімдерін тұтынудан бас тартқан ауылдар саны 28-ге жетті.

ШҚО Полиция департаментінің мәліметінше, Тарбағатай ауданындағы Қамысты ауылы тұрғындары алкоголь өнімдерін тұтынудан бас тарту туралы шешім қабылдады.

«Бүгінде ауылда 22 үй бар, онда 89 адам тұрады. Тұрғындар санының аздығына қарамастан, ауыл халқы қоғамдық өмірге белсенді араласып, өскелең ұрпақты тәрбиелеуге, отбасылық құндылықтарды сақтауға және қоғамдағы қолайлы ахуалды нығайтуға ерекше көңіл бөледі. «Алкогольсіз ауыл» бастамасына қосылу туралы шешімді жергілікті жұрт ерікті түрде және бірауыздан қабылдады, – делінген ақпаратта.

Ауыл халқы алкогольден бас тарту денсаулықты нығайтуға, жауапкершілікті арттыруға және балалар мен жастарды тәрбиелеуге қолайлы жағдай...

Қазақстандық ERG компаниясы Ауғанстанда хром кен орындарын барлап, дамытуға қатысады.

Премьер-министрдің орынбасары – Ұлттық экономика министрі Серік Жұманғарин Кабулға барып, Ауғанстан басшылығымен маңызды келіссөздер жүргізді. Бұл соңғы төрт жылдағы алғашқы жоғары деңгейдегі кездесу.

Қазақстан Орталық Азиядағы металлургия өнеркәсібінің негізгі орталығы саналады. Енді отандық алып компаниялар Ауғанстанның бай табиғи ресурстарын игеруге атсалыспақ.

Хром кенінің әлемдік қоры бойынша көшбасшы және феррохром өндіруден алдыңғы қатардағы ERG компаниясы Ауғанстандағы хром кен орындарын барлап, дамытуға қатысады.

Ал «Тау-Кен Самұрық» мамандары Бамиан провинциясындағы «Пами-Какрак» кен орнынан сынамалар алған. «Қазмырыш» сарапшылары бұл кенді Қазақстан зауыттарында өңдеуге әбден болатынын растады. Қазақстан тарапы Ауғанстаннан...

21 маусымда Астана уақытымен түнгі сағат 22:58-де Қытай аумағында жер сілкінісі болды. Бұл туралы Kursiv.Media Қазақ ұлттық деректер орталығы мәліметіне сүйене отырып хабарлайды.

Мәліметтерге қарағанда, жерасты дүмпуінің магнитудасы 4,9 балл болған. Ол 19 км тереңдікте анықталған. Жер сілкінісі қазақ-қытай шекарасынан бар болғаны 25 км жерде тіркелген.

Дүмпу ошағына Жаркент, Шонжы қалалары жақын орналасқан. Дүмпу ошағының өзі Қытайдың Шыңжаң Ұйғыр автономиялы облысы аумағында жатыр.

Айта кетейік, дүмпуді Алматы қаласының тұрғындары да сезді. Бұл туралы тұрғындар әлеуметтік желіде жазды. Дүмпу орнынан мегаполиске дейін – 315 км.

Қазақстанның бірнеше өңірінде осы аптада 42 градусқа дейін аптап ыстық болатынын «Қазгидромет» ескертті. Оңтүстікте ғана емес, солтүстік өңірлерде де ауа температурасы қатты көтеріледі.

Мәліметтерге қарағанда, 22-30 маусымда Алматы облысының солтүстігінде, ал 22-23 маусымда Қарағанды, Павлодар облыстарының оңтүстігінде 41 градус ыстық болады. Оңтүстіктегі өңірлердің кейбірінде ауа температурасы 42 градусқа дейін көтеріледі.

Оңтүстік өңірлер

22 маусымда күндіз Қызылорда облысының солтүстігінде, орталығында жаңбыр жауып, найзағай ойнайды. Дауыл тұрады. Күндіз облыс бойынша 40-42 градус ыстық болады. Өрт қаупі жоғары.

Дүйсенбі күні Түркістан облысының батысында, солтүстігінде, таулы және тау бөктерлі аудандарында өткінші жаңбыр жауып, найзағай ойнайды. Солтүстік-батыстан соғатын жел екпіні 15-20 м/с дейін жетеді. Облыстың батысында...

Аты аңызға айналған америкалық теннисші Серена Уильямс «Үлкен дулыға» турнирлерінің жекелей сынына қайта оралады. «Уимблдон» турнирінің ұйымдастырушылары 44 жастағы спортшыға әйелдер арасындағы негізгі кестеге соңғы, сегізінші wild card (арнайы шақырту) жолдамасын берді.

Уильямс төрт жылдық үзілістен кейін, 2026 жылдың маусым айында үлкен тенниске қайта оралды. Бұған дейінгі соңғы ресми жарысы 2022 жылдың қыркүйегіндегі АҚШ ашық чемпионаты (US Open) еді. Ол кезде Серена үшінші айналымда Айла Томляновичке есе жіберді.

Әпкелі-сіңлілі Уильямстар жұптық сында да бақ сынайды

Серена Уильямс жекелей сында ғана емес, сонымен қатар жұптық бәсекеде де бой көрсетпек. Ол өзінің әпкесі – 46 жастағы Винус Уильямспен бірге кортқа шығады...

Ақмола облысында жол апаты болып, бірден үш көлік соқтығысты. Екі көлік сол мезетте жанып кеткен деп жазады жергілікті Nayza_kokshe басылымы.

Астана – Қорғалжын тасжолындағы Оразақ және Өтеміс ауылдарының арасында Toyota Land Cruiser, Toyota Fortuner және KIA RIO автокөліктері қақтығысты. Соққы салдарынан KIA RIO жол жиегіндегі орға ұшып кеткен. Ал жол-көлік оқиғасынан бес адам қаза тапты. Тағы бес адам түрлі жарақаттармен елорда ауруханаларына жеткізілді.

Басылымның атап өтуінше, апат кезінде жаңбыр жаумаған, қолайсыз ауа райы тіркелмеген. Сондықтан соқтығысуға адами фактор себеп болуы әбден мүмкін.

Өңірлік полиция департаменті бес адамның қаза тапқаны туралы ақпаратты растады. Қазіргі уақытта тергеушілер оқиғаны...

АҚШ-тың Майами қаласындағы «Хард Рок» стадионында футболдан 2026 жылғы Әлем чемпионатының Н тобындағы 2-тур матчы аяқталды. Халқының саны жарты миллионнан әрең асатын Кабо-Верде аралдары бұл турда да сенсация жасап, Уругвай құрамасымен 2:2 есебімен тең ойнады.

Ойынға норвегиялық төреші Эспен Эскос төрелік етті. Матчтың алғашқы голын 21-минутта Кабо-Верде құрамасы мен «Краснодар» клубының жартылай қорғаушысы Кевин Ленини соғып, аралдықтарды алға шығарды. Уругвайлықтар бірінші таймның соңына қарай жауап қатты: 44-минутта қорғаушы Максимилиано Араухо есепті теңестірсе, 45+6-минутта Агустин Каноббио Уругвайды алға шығарды.

Дегенмен Кабо-Верде берілген жоқ. Ойынның 61-минутында шабуылшы Элио Варела таразы басын теңестіріп, құрамасына маңызды 1 ұпай сыйлады.

Н тобындағы жағдай

Кабо-Верде...

Футболдан Әлем чемпионатының 2-туры аясында G тобындағы маңызды кездесу өтті. Жаңа Зеландия мен Мысыр құрамалары арасындағы матч жанкүйерлерге тартысты әрі голға толы ойын сыйлады.

Бірінші тайм: Жаңа Зеландияның басымдығы

Кездесуді Жаңа Зеландия құрамасы белсенді бастады. Ойынның 15-минутында Пейннің асырған бұрыштама добынан Сурман есеп ашып, Океания өкілдерін алға шығарды. Алғашқы 45 минут 1:0 есебімен Жаңа Зеландияның пайдасына аяқталды.

Екінші тайм: Мысырдың камбэгі

Екінші таймда мысырлықтар қарқынды үдетті. Ойын ағымын өзгертуге көшкен «перғауындар» бірінен соң бірі гол соқты:

58-минутта Зико таразы басын теңестірді – 1:1. Араға он минут салып, Мысырдың басты жұлдызы Мұхаммед Салах Зиконың ассистін голға айналдырып, құрамасын...

Мемлекет басшысы Қасым-Жомарт Тоқаев Өзбекстан Президенті Әкімшілігінің басшысы Саида Мирзиёеваны қабылдады. Кездесуде Қазақстан мен Өзбекстан арасындағы стратегиялық серіктестікті одан әрі дамыту, сауда-экономикалық және мәдени-гуманитарлық байланыстарды кеңейту мәселелері талқыланды. Бұл туралы Ақорда хабарлады.

Президент Саида Мирзиёеваның Астанаға сапары екі ел арасындағы ынтымақтастықты ілгерілету тұрғысынан маңызды екенін атап өтті. Оның айтуынша, Қазақстан мен Өзбекстан президент әкімшіліктері арасындағы тұрақты жұмыс байланыстары өңірлік ықпалдастықты күшейтуге ықпал етеді.

«Біздің саяси жүйелерімізде президент әкімшіліктері айрықша рөл атқарады. Мен әкімшіліктер арасындағы жұмыс қатынастарының жанданғанын әрдайым қолдаймын. Бір-бірімізбен байланыстарымыз артқан сайын Орталық Азиядағы тұрақтылық, өңірлік ықпалдастық нығая түседі», – деді Қасым-Жомарт Тоқаев.

Мемлекет басшысы Қазақстан мен Өзбекстанның Орталы...

Мемлекет басшысы Қасым-Жомарт Тоқаев 22-23 маусым күндері Брюссельге ресми сапармен барады. Ақорданың мәліметінше, сапар Еуропалық Кеңес Президенті Антониу Коштаның шақыруымен өтеді.

Сапар аясында Қазақстан Президенті Еуропалық Кеңес Президенті Антониу Коштамен және Еуропалық комиссия Президенті Урсула фон дер Ляйенмен келіссөз жүргізеді. Кездесулерде Қазақстан мен Еуропалық Одақ арасындағы кеңейтілген серіктестік пен ынтымақтастықты одан әрі нығайту мәселелері талқыланады.

Сонымен қатар Бельгия Премьер-министрі Барт де Вевермен кездесу де қарастырылған. Бұл кездесу Қазақстан мен Бельгия арасындағы екіжақты байланысты дамытуға, соның ішінде сауда, инвестиция және іскерлік әріптестікті кеңейтуге арналмақ.

Қасым-Жомарт Тоқаев ірі еуропалық компаниялар жетекшілерінің қатысуымен өтетін «Қазақстан – ЕО» дөңгелек үстелінде сөз сөйлейд...

Kursiv.Media зерттеуінше, 2026 жылдың І жартыжылдығында Қазақстанда қыздарға ең көп қойылған есім – Айлин, ал ұлдар арасында көш басында Алан тұр. ҚР Ұлттық статистика бюросының мәліметіне сүйенсек, алты айда 2026 қызға Айлин есімі берілген. Екінші орында тұрған есім – Асылым. 1726 баланың ата-анасы осы есімді таңдаған. Үштікті 1373 қыз балаға қойылған Медина есімі түйіндейді.

Ал Томирис, Айша, Аяла, Мариям, Сафия, Айым және Адия деген есімдер рейтингтің соңына жайғасқан. Тізімге қарасақ, ата-аналар арасында қысқа, әуезді әрі қазақы ортада да, халықаралық ортада да жеңіл айтылатын есімдер сұранысқа ие болып тұр.

Ұлдар арасында ең танымал есім – Алан. 2026 жылдың алғашқы...

Reuters мәліметінше, АҚШ Иранның Ормұз бұғазын жаптық деген мәлімдемесімен келіспей отыр. Вашингтонның айтуынша, бұл маңызды теңіз жолында сауда кемелері бұрынғыдай қатынап жатыр.

АҚШ пен Иран өкілдері жексенбі күні Швейцарияда бейбіт келіссөздерді бастауға тиіс. Иран делегациясы елге жетіп қойған, ал АҚШ атынан вице-президент Джей Ди Вэнс бастаған топ қатысады.

Бұған дейін тараптар 60 күндік атысты тоқтату режиміне келіскен. Бірақ сенбі күні Иранның Ислам революциясы сақшылары корпусы Ормұз бұғазы жабылғанын мәлімдеді. АҚШ Орталық қолбасшылығы мұны жоққа шығарып, сенбі күні бұғаз арқылы 55 сауда кемесі өткенін хабарлады. Бұл кемелер әлемдік нарыққа 17 млн баррельден астам мұнай жеткізген.

АҚШ президент...