Жаңалықтар

Алматыда 14–15 наурыз күндері ауыл шаруашылығы жәрмеңкесі өтеді. Қазақстанның бес өңірінен келген шаруалар өз өнімдерін ұсынады. Бұл туралы қаланың Кәсіпкерлік және инвестициялар басқармасы хабарлады.

Жәрмеңке Алатау дәстүрлі өнер театры алдында, Алатау ауданындағы Нұркент ықшамауданы, 6-үй мекенжайында ұйымдастырылады. Мұнда Алматы, Жетісу, Жамбыл, Түркістан және Шығыс Қазақстан облыстарының ауыл шаруашылығы өндірушілері өз өнімдерін ұсынады.

Қала тұрғындары мен қонақтары ет және сүт өнімдерін, көкөніс пен жеміс-жидекті, бакалея тауарларын және басқа да ауыл шаруашылығы өнімдерін тікелей өндірушілерден тиімді бағамен сатып ала алады.

15 наурызда қосымша жәрмеңке алаңдары ашылады

15 наурыз күні қосымша жәрмеңке алаңдары сайлау учаскелерінің жанында, Алмалы ауданы мен Әуезов ауданы аумақтарында...

Елордада жедел жәрдем бригадасының фельдшеріне шабуыл жасаған ер адам ұсталды. Бұл туралы kursiv.media Polisia.kz-ке сілтеме жасап хабарлайды.

Қазіргі уақытта медициналық қызметкерге қатысты күш қолдану дерегі бойынша қылмыстық іс қозғалды.

Анықталғандай, жедел жәрдем бригадасы сауда орталығына шақырту бойынша барған. Онда мас күйде болған екі ер адам болған. Олардың бірі өзін нашар сезінетінін айтып шағымданған.

Медициналық қызметкерлер қажетті медициналық көмекті көрсетіп, оқиға орнынан кетпек болған кезде ер адамдардың бірі агрессивті мінез танытып, фельдшерге соққы жасаған.

Оқиға куәгерлері полиция қызметкерлерін шақырған. Күдікті оқиға орнында ұсталып, уақытша ұстау изоляторына қамалды.

«Маңызды әлеуметтік міндет атқарып жүрген жедел қызмет өкілдеріне...

Канада, Германия және Норвегия басшылары АҚШ президенті Дональд Трампты Ресей мұнайына қатысты санкцияларды уақытша жеңілдету туралы шешімді қайта қарауға шақырды. Бұл туралы Euronews хабарлады.

Германия канцлері Фридрих Мерцтің айтуынша, Үлкен жетілік құрамындағы жеті елдің алтауы Вашингтонның Ресей мұнай экспортына қойылған шектеулерді уақытша жеңілдету туралы шешіміне қарсы шыққан.

Мерцтің түсіндіруінше, АҚШ бұл қадамға әлемдік мұнай нарығындағы ұсынысты арттыру үшін барған. Мұнай бағасының күрт өсуі Иран төңірегіндегі жағдайдың ушығуына байланысты болған. Бұл шиеленіс 28 ақпанда басталған АҚШ пен Израильдің әскери операциясынан кейін күшейген.

Канцлердің айтуынша, Канада, Германия және Норвегия басшылары Ақ үймен тікелей байланыс арналары арқылы Трампты өз шешімін қайта...

Алматы-1 теміржол станциясында оқыс оқиға орын алды – пойыз локомотиві рельстен шығып кетті. Бұл туралы ақпарат фотосуреттермен бірге әлеуметтік желілерде пайда болды.

«Қазақстан темір жолы» АҚ баспасөз қызметінің хабарлауынша, 13 наурыз күні сағат 15:20-да Алматы-1 станциясының тракциялық жолдарында маневр жасау кезінде ВЛ80С электровозының дөңгелектері рельстен шығып кеткен.

Компания мәліметінше, ешкім зардап шекпеген. Теміржол инфрақұрылымына зақым келмеген, пойыздар қозғалысы штаттық режимде жүзеге асырылып жатыр.

«Қазіргі уақытта қалпына келтіру жұмыстары жүргізілуде және арнайы комиссия оқиғаның себептерін тергеп жатыр», – деп нақтылады ҚТЖ-дан.

Бұған дейін локомотивтерге қатысты осындай жағдай Жамбыл облысындағы Жаңатас станциясында да орын алған болатын.

Қазақстанның солтүстік өңірлерінде төмен температура сақталып, екпінді жел жалғасады. «Қазгидромет» 14 ақпанға ауа райы болжамын ұсынды.

Қазақстандық Паралимпиада чемпионы Ербол Хамитов Италиядан оралғаннан кейін, оған автокөлік сыйға тартылады. Бұл туралы Nege.Aqsha Telegram-арнасы хабарлайды.

Дереккөздің мәліметінше, бизнесмен Нұрлан Смағұлов спортшыға Chery Tiggo 7 автокөлігінің кілтін табыстауды ниет етіп отыр. Сыйлық чемпион елге оралғаннан кейін беріледі.

Еске сала кетейік, Ербол Хамитов Италияда өткен қысқы Паралимпиада ойындарында отырып жарысатын спортшылар арасында парабиатлоннан 4,5 шақырымдық «ілесу жарысы» тәртібінде алтын медаль жеңіп алған болатын. Бұған дейін Ербол Хамитовты жеңісімен президент Қасым-Жомарт Тоқаевтың құттықтағаны туралы жазған едік.

Атырау қаласындағы мектептердің бірінде оқушылар арасындағы кикілжің бірінің жарақат алуымен аяқталды. Оқиғаның мән-жайы туралы қалалық білім бөлімі мен полиция департаменті ресми мәлімет таратты.

Оқиға Атырау қаласындағы №21 орта мектепте сабақ үзілісі кезінде болған. 9- сыныпта оқитын ер бала мен 8-сыныптағы қыздың арасында жанжал туындаған. Жанжал барысында жасөспірім қыз баланы «өткір затпен» (кейбір деректерде кеңсе пышағы немесе ұқсас зат екені айтылады) жарақаттаған.

Қыз бала дереу мектептегі медициналық пунктке жеткізіліп, кейін қалалық балалар ауруханасына жөнелтілген. Дәрігерлердің айтуынша, жарақаты өміріне қауіп төндірмеген, қажетті медициналық көмек көрсетілген.

Полиция аталған факті бойынша қылмыстық іс қозғады. Көмекке ювеналды полиция инспекторлары мен психологтар тартылды.

Білім бөлім...

Павлодар облысының Баянауыл ауданында жергілікті ауқымдағы табиғи сипаттағы төтенше жағдай жарияланды. «Ашық НҚА» порталында жарияланған құжатқа сәйкес, бұл шешім ауа райының қолайсыздығынан туындаған салдарды жедел жою мақсатында қабылданған. Қалпына келтіру жұмыстарын 2026 жылдың наурыз-сәуір айларында аяқтау жоспарлануда.

Апат салдарын жою жұмыстарын жергілікті атқарушы органдар үйлестіреді. Ресми мәлімет бойынша, қажет болған жағдайда жөндеу-қалпына келтіру шараларына аудан тұрығындары да тартылуы мүмкін. Бұл қадам стихиялық апаттан бүлінген нысандарды тезірек қалпына келтіруге бағытталған.

Осы аптада Павлодар облысында ауа райы күрт бұзылып, екпінді жел, қалың қар мен боран соқты. Жолдарда көрініс нашарлап, құтқарушылар қар құрсауында қалған жүргізушілерге көмек көрсетуге мәжбүр болды. Төтенше жағдайлар департаменті күрдел...

Президент Қасым-Жомарт Тоқаев биатлоншы Ербол Хамитовты Италияда өтіп жатқан қысқы Паралимпиада ойындарында жеңімпаз атануымен құттықтады. Президент спортшының жетістігі табанды еңбек пен мықты ерік-жігердің нәтижесі екенін атап өтті.

Құттықтауында Мемлекет басшысы Ербол Хамитовтың қиын жолды еңсеріп, жоғары нәтижеге қол жеткізгенін айтып, бұл жеңіс шынайы құрметке лайық екенін жеткізді. Оның айтуынша, мұндай табыс ел спортының дамуына және жас спортшыларға үлгі болары сөзсіз.

Мемлекет басшысы құттықтауында спортшыға алдағы уақытта да жаңа жетістіктер тіледі. Сонымен қатар оған мықты денсаулық, қажымас қайрат және жарқын жеңістер тілеп, ел мерейін үстем ете беруіне тілектестік білдірді.

Бұған дейін Қазақстандық спортшы Ербол Хамитов Италияда өтіп жатқан 2026 жылғы Паралимпиада ойындарында...

Алматы қаласында Қарулы күштер мен ұлттық қауіпсіздік жүйесіне арналған инновациялық шешімдерді дамытуға бағытталған Defense Tech IT Park қорғаныс технологиялары орталығының таныстырылымы өтті.

Жаңа орталықты Қазақстан Республикасының Қорғаныс министрі, авиация генерал-лейтенанты Дәурен Қосанов Армия үйі базасында ашты. Бұл алаң отандық технологиялық жобаларды әзірлеу мен оларды қорғаныс саласына енгізуді жеделдетуді көздейді.

Жобаны Freedom Holding Corp. компаниясының қолдауымен жүзеге асыру жоспарланған. Таныстырылымға Жасанды интеллект және цифрлық даму вице-министрі Дмитрий Мун, Freedom Holding Corp. бас атқарушы директоры Тимур Турлов, сондай-ақ IT-индустрия мен ғылыми қауымдастық өкілдері қатысты. Жиын барысында жаңа орталықтың мүмкіндіктері мен қорғаныс саласына арналған технологиялық бастамалар талқыланды.

Defense Tech IT Park – Қорғаныс министрлігін...

Танымал комик Нұрлан Сабуров Астанадағы отбасылық салтанатты жиынға келді. Іс-шарадан түсірілген кадрларға қарағанда, әртіс Иман Әли және Мұхаммед Әли есімді балалардың бір жасқа толу мерекесінің құрметті қонағы болған.

Мерекеден видеоны Дүниежүзілік көкпар қауымдастығының вице-президенті Әлібек Мұқатаев сторисінде жариялады.

Кадрдан Сабуровтың қонақтардың қошеметімен және серпінді музыканың сүйемелдеуімен банкет залына шығып келе жатқанын көруге болады. Костюм киген ер адам комиктің иығына салтанатты түрде шапан жабады.

Осы сәтте асаба сахнадан қонақтарды: «Қош келдіңіздер! Добро пожаловать! Добро пожаловать домой! Қош келдіңіз!» – деген сөздермен қарсы алады.

Рәсімнен кейін Сабуров пен той иесі жылы құшақтасып, жүздеріне күлкі үйірілді.

Еске...

Қазақстанда заңсыз иемденілген активтерді мемлекетке қайтару процесі аясында электронды сауда алаңдарында сирек кездесетін люкс бұйымдар пайда бола бастады. Қазіргі таңда Астанада жалпы құны 372,5 млн теңгені құрайтын ерекше екі лот – әлемдік деңгейдегі брендтік сағат пен бриллиант сырғалар жұртшылық назарын аударып отыр.

214 миллион теңгелік сағат иесін таппады

Тізімдегі ең қымбат жәдігер – Ulysse Nardin Classic 789-80 қол сағаты. Бұл модельдің әлем бойынша небәрі 30 данасы ғана бар. Сағаттың бағасы 214 453 194 теңгеге бағаланғанымен, алғашқы сауда-саттықта өтпей қалды.

Сағаттың ерекшелігі – оның 42 мм корпусы таза платинадан құйылған. Циферблатында 18 караттық алтыннан қолмен қашалған жауынгерлердің мүсіндері бейнеленген. Вестминстерлік қоңырау жүйесі іске қосылғанда, бұл...

Forbes тізіміндегі долларлық миллионер Марат Жұманның компаниясы Қазақстанның Даму Банкіне логистикалық орталықтарды сатып алу жобасын қаржыландыруға өтінім жолдады.

«Қазақстан Республикасының аумағында төрт көліктік-логистикалық орталықты салу, кеңейту және сатып алу бойынша инвестициялық жоба», – делінген өтінімде.

Қазіргі уақытта жоба құжаттарды жинау сатысында тұр. Қарыз алушы ретінде бенефициары Марат Жұман болған Atasu Group of Companies көрсетілген.

Әңгіме нақты қай орталықтар туралы болып жатқаны әзірге белгісіз. Алайда өткен жазда Forbes басылымы Atasu Group холдингі Астанадан 20 шақырым жердегі Бабатай станциясында, Aqmola индустриялық аймағында жаңа көліктік-логистикалық орталық салуды жоспарлап отырғанын жазған болатын.

Жобаның құны 25 млрд теңгеге бағаланды. Құрылысты...

Қазақстан қор биржасындағы (KASE) соңғы сауда-саттық аптасының қорытындысы ұлттық валютаның айтарлықтай құбылмалылығын көрсетті. Kursiv Media теңгенің апта ішінде қалай құбылғанын саралап көрді.

Құбылмалы теңге

Аптаның басында, яғни 9 наурызда АҚШ долларының бағамы ең жоғарғы 494,00 теңге деңгейіне жеткенімен, кейінгі күндері трендтің өзгеруі байқалды. Сейсенбі, 10 наурызда бағам бірден 487,75 теңгеге дейін төмендеп, апта соңына қарай 489,80 теңге маңында тұрақталды. Бұл динамика тікелей әлемдік энергия ресурстары нарығындағы жағдаймен және геосаяси факторлармен тығыз байланысты болып отыр.

Мұнай бағасы да құбылмалы

Осы аптада мұнай нарығында нағыз «бум» байқалып, Brent маркалы шикізат бағасы бір апта ішінде 17,20%-ға қымбаттап, барреліне 100,2 ддоллар...

Алматы қалалық полиция департаментінің баспасөз қызметі хабарлағандай, ірі жол апаты Жандосов пен Әуезов көшелерінің қиылысында орын алды.

«Фотон» автобусының жүргізушісі Жандосов көшесімен шығыс бағытта, Манас көшесінен батысқа қарай келе жатып, арақашықтықты сақтамау салдарынан алдында келе жатқан көліктермен соқтығысқан», – деп түсіндірді ведомствоның баспасөз қызметінен.

Апаттан бір адам зардап шеккені нақтыланды, ол көмек сұрап дәрігерлерге өзі жүгінген. Бостандық ауданының полициясы тексеру жүргізіп жатыр.

Еске салар болсақ, 2023 жылғы 22 желтоқсанда Алматыда жантүршігерлік жол-көлік оқиғасы болған. 18 сағат 15 минутта 47-бағыттағы қоғамдық көліктің жолаушысы жүргізушімен жанжалдасып, жүргізушіні ұрып есінен тандырған. Осының салдарынан жүргізуші көлікті басқара алмай қалған. 

Ауыл шаруашылығы министрлігі елде қайта өңдеуге арналған 100 мың тоннаға дейін шикі қантты импорттауға рұқсат беруді ұсынды. Жоба «Ашық НҚА» порталына жарияланып, 17 наурызға дейін қоғамдық талқылауға шығарылды.

Жобаның мәні

Заң жобасын Ауыл шаруашылығы министрлігі әзірледі. Жоба бойынша, елге әкелінетін шикі қант басқа мақсатқа емес, тек қайта өңдеуге ғана жұмсалатынын қалай тексеру керегін көрсетеді. Бұл тексеруді агроөнеркәсіп саласын бақылау құзыреті бар уәкілетті орган жүргізеді.

Сондай-ақ, құжат жобасында импорт көлемінің шегі белгіленген. Ұсынылып отырған нормаларға сәйкес, Қазақстанға 100 мың тоннадан аспайтын шикі қантты әкелуге рұқсат беріледі.

Бұл шара Қазақстандағы қант өндірушілерінің үздіксіз жұмысын қамтамасыз етуге бағытталғаны атап көрсетілген...

Қасым-Жомарт Тоқаев қаржы саласын реттеуші органдарға Үкіметпен және құқық қорғау органдарымен бірлесіп, цифрлық активтер саласын дамыту жөніндегі кешенді жоспар әзірлеуді тапсырды.

Құжатта қаржы тұрақтылығына зиян келтірмеу, алаяқтыққа және капиталды заңсыз шығаруға қарсы тиімді күрес шаралары ескерілуге тиіс.

Одан бөлек криптоиндустрияны дамыту мәселесін де көтерді. Оның сөзінше, саланы реттейтін заңнамалық өзгерістер биыл мамыр айында күшіне енуі керек.

Дербес деректерді қорғау күшейтіледі

Президент деректерді басқару жүйесін де жетілдіру қажет екенін айтты. Тоқаев пікірінше, деректердің сапасына мемлекеттік органдардың бірінші басшылары жауап беруі тиіс, ал деректерді басқарудың толық мемлекеттік жүйесін қалыптастыру оны экономикалық актив ретінде қарастыруға мүмкіндік береді.

Қазақстандық спортшы Ербол Хамитов Италияда өтіп жатқан 2026 жылғы Паралимпиада ойындарында отырып жарысатын биатлонның 4,5 км спринт-пасьют жарысында алтын медаль жеңіп алды.

Хамитов қашықтықты 9:39,0 уақытта жүріп өтіп, екінші атыс кезеңінде бір рет мүлт кеткеніне қарамастан бірінші орын алды.

Күміс жүлдені украиналық Тарас Радь иеленді. Ол қазақстандық спортшыдан 21,5 секундқа қалып қойды. Қола медаль қытайлық Лю Цзысюйге бұйырды (+32,5).

Бұл жарыста тағы бір қазақстандық Юрий Березин екі рет мүлт кетіп, 19-орынға тұрақтады (+3:30,4). Сергей Усольцев бес қателік жіберіп, 23-орын алды (+4:43,9).

10 наурызда Хамитов қысқы Паралимпиада ойындарының классикалық спринт жарысында қола жүлдесін иеленген. Сол кезде алтынды қытайлық Лю...

Президент Қасым-Жомарт Тоқаев «Digital Qazaqstan» жобасын талқылау үшін Ақордада министрлерді жинады. Онда президент банкаралық QR-төлемдер жүйесі заң жүзінде міндеттелгеніне қарамастан, кейбір қаржы ұйымдары талапты орындауға асығар емес екенін, бюрократияның тежеп отырғанын айтты.

«Азаматтарға арналған банк қызметтеріне айрықша тоқталғым келеді. Менің тапсырмаммен Ұлттық банк цифрлық қаржы инфрақұрылымын жасады. Оның аясында банкаралық QR-төлемдер және аударымдар, цифрлық теңгемен есеп айырысу қызметтері пайда болды. Бұл төлем тізбегіндегі делдалдар санын қысқарту арқылы шығынды айтарлықтай азайтуға мүмкіндік береді. Банктер заң жүзінде аталған инфрақұрылымға қосылуға міндеттелді. Алайда ірі банктер бұл талапты созбалаңға салып, орындамай отыр, – деді президент.

Тоқаев отандық IT-бизнестің көкжиегін...

«Қазпошта» қытай және еуропалық компаниялармен серіктестікті нығайтып, елге жаңа ірі сауда платформасын алып келмек. «Қазпошта» АҚ басқарма төрағасы Бекежан Жәкеевтің айтуынша, жақын арада Қазақстан нарығына атақты JD.com маркетплейсі шығады.

«Қазпошта» осы платформамен жұмыс істейтін негізгі оператор болмақ. Жоба нұсқасы мен маркетингтік стратегиясы биылғы наурыз айында іске қосылмақ.

Қытаймен арадағы сауда-саттықты жеңілдету үшін логистикалық инфрақұрылым белсенді түрде дамып келеді.

Атап айтқанда, Қытайдағы үздік ондықтың қатарына кіретін халықаралық логистикалық оператор YTO компаниясымен бірлескен кәсіпорын құрылды.

Қазір бұл компания Алматы облысында үлкен хабтың құрылысын бастап кетті. Сонымен қатар Ақтөбе қаласында аумағы 15 000 шаршы метр болатын заманауи...

Астанада ерлі-зайыпты блогер Жанабыловтарға қатысты істе алдын ала сот тыңдауы өтіп жатыр. Ерболат Жанабылов пен Эльмира Төлегенова сот залына келді. Оларға қылмыстық кодекстің 214 және 218-бабында көрсетілген қылмыстық жасады деген айып тағылған.

Блогерлердің адвокаты Гаухар Айтжанова сот залында істі прокурорға қайтаруды сұрады.

«Істе қылмыстық-процессуалдық құқық нормаларының бұзылуына байланысты және қылмыстық істі әрі қарай тоқтату үшін алдын ала сот тыңдауы сатысында қылмыстық істі прокурорға қайтаруыңызды сұраймын», – деді Гаухар Айтжанова.

Қылмыстық істегі прокурор Карина Аманжолованың айтуынша, адвокаттың уәжі қылмыстық істі прокурорға қайтаруға негіз бола алмайды.

«Іс бойынша жиналған дәлелдер жиынтығы...

Автокөлікті сатқан кезде оның бағасы иесі күткеннен әлдеқайда төмен болуы мүмкін. Көбіне бұл көлікті пайдалану мен күтім жасауда жіберілген қарапайым қателіктердің салдарынан болады. Көптеген жүргізуші мәміле жасалмай тұрып-ақ өз көлігінің құнын төмендетіп қояды. Бұл туралы Fit Service автосервистер желісінің оқу орталығының техникалық тренері Сергей Пономарев айтып берді.

Қызмет көрсетуге үнемдеу

Ең жиі кездесетін қателік – техникалық қызмет көрсетуге үнемдеу. Жүргізушілер көбіне майды, сүзгілерді және басқа да шығын материалдарын уақытында ауыстырмайды немесе ақауы бар болса да ұзақ уақыт жүре береді. Нәтижесінде көлікті сату кезінде сатып алушы бағаны едәуір түсіруге тырысады.

«Кез келген тәжірибелі сатып алушы көлікт...

Жайық жағасында орналасқан «Атырау» шипажайы 2025 жылы бас директорына 9 млн теңге төлеген. Бұл туралы ақпарат қаржы есептілігі депозитарийінде жарияланды.

Санаторийдің бас директоры қызметін 2021 жылдан бері Венера Өтеғалиева атқарады. 2024 және 2023 жылдары төленген сыйақымен салыстырсақ, былтыр бас директордың табысы артқаны байқалады.

Бұған дейін Kursiv.Media экс-премьердің немере інісі Жайық жағасындағы шипажайдың ірі акционері атанғанын жазған.

20 ақпаннан бастап шипажайдың 10% және одан жоғары акциясына иелік ететін ірі акционерлер қатарында Марат Балғымбаев пен «ДАН-Ис-Сервис» компаниясы көрсетілген. Бұған дейін тек «ДАН-Ис-Сервис» қана ірі акционер болып келген еді.

Марат Балғымбаевтың ағасы...

Нью-Йорк қаласының әкімшілік ғимаратында тарихта тұңғыш рет ресми ауызашар өтті. Қала мэрі Зохран Мамдани ұйымдастырған ауызашарға мұсылман қауымдастығының өкілдері, белсенділер мен қалалық шенеуніктер қатысты.

Бұл бастама Нью-Йорк тарихындағы елеулі сәт ретінде тіркелгенімен, қала тұрғындары мен қоғам белсенділерінің арасында қызу пікірталас тудырды. Оқиғаға қатысты қоғамның пікірі екіге жарылды.

Бір топ қала тұрғындары мэрдің бұл қадамын жоғары бағалап, қолдау білдірді. Олардың пікірінше, мэрия қабырғасындағы ауызашар Нью-Йорктің көпұлтты және көпконфессиялы сипатын айқын көрсетеді. Қолдаушылар мұндай шаралар түрлі мәдениеттер арасындағы түсіністікті нығайтып, мұсылман қауымының қала өміріндегі маңызды рөлін айшықтайтынын алға тартты.

Дегенмен, бұл бастамаға қарсы шыққандар да табылды. Оппоненттер діни жоралғының мемлекеттік...