Жаңалықтар

Ресей Федерациясының спорт министрі Михаил Дегтярев спорттық азаматтығын ауыстырып, басқа елдің намысын қорғап жүрген спортшыларға қатысты шаралар қатаңдауы мүмкін екенін мәлімдеді.

Министрдің айтуынша, болашақта мұндай спортшыларға Ресей аумағына кіруге шектеу қойылып, елдегі спорттық инфрақұрылымды пайдалануға да тыйым салынуы ықтимал.

«Центральный канал» бағдарламасының эфирінде сөйлеген Дегтярев мемлекет спортшыларды даярлауға үлкен қаржы мен ресурстар жұмсайтынын атап өтті. Сондықтан спортшы кейін Ресей атынан бас тартып, басқа ел намысын қорғауды таңдаса, оның салдары да қатаң болуы тиіс деген пікір білдірді.

«Біз оларды тәрбиелейміз, жағдай жасаймыз, ал кейін спортшы азаматтығын ауыстырып кетеді. Мұндай жағдайда спорт нысандарына қолжетімділіктен бастап, елге...

2026 жылдың басынан бері Қазақстанда 1 951 қызылшамен ауырған жағдай тіркелді. Эпидемиологиялық ахуал Үкіметте Премьер-министрдің орынбасары – Мәдениет және ақпарат министрі Аида Балаеваның төрағалығымен өткен кеңесте талқыланды.

Денсаулық сақтау министрлігінің мәліметінше, 2025 жылдың қорытындысы бойынша қызылшаға шалдығу көрсеткіші 2024 жылғы шарықтау кезеңімен салыстырғанда 85%-ға төмендеген.

Қай өңірлерде жиі тіркелуде

Аурушаңдықтың ең жоғары деңгейі Астана және Алматы қалаларында, сондай-ақ Жамбыл және Атырау облыстарында тіркеліп отыр.

Аталған жағдайлардың басым бөлігі 5 жасқа дейінгі балалар арасында тіркелген. Ауруға шалдыққандардың көпшілігі – вакцина алмаған балалар.

Батыс өңірлердегі вакцинация мәселесі

Сондай-ақ профилактикалық екпемен қамту мәселесі жеке қаралды. Премьер-министр орынбасары жоспарлы көрсеткіштерге қол...

Канададағы Тамблер-Ридж мектебінде атыс шығарып, он баланы өлтірді деген күдікті үйінде өз анасы мен бауырына да шабуылдаған болуы мүмкін. Колумбия провинциясындағы полиция ақпаратына сілтеме жасаған ВВС осылай жазады.

Күдікті – 18 жастағы Джесси Ван Рутселаар. Оның үйінде анасы мен он бір жастағы туысы болған, олардың денелері де сол жерден табылды. Құзырлы органдар дерегінше, Джесси алдымен үй ішінде атыс шығарған. Кейін мектепке барып, алты адамды өлтіріп, соңынан өзіне қол жұмсаған.

Құрбан болғандар арасында мектеп мұғалімі және 12-13 жастағы оқушылар да бар. Барлығы 25 адам жарақат алды.

ВВС жазуынша, Ван Рутселаар биологиялық ер адам болып туған, бірақ алты жыл бұрын жынысын...

Қазақстан Республикасының Конституциясының қорытынды жобасы жарияланды. Жоба мәтіні Egemen.kz сайтында шықты.

ҚАЗАҚСТАН РЕСПУБЛИКАСЫНЫҢ КОНСТИТУЦИЯСЫ

Біз, біртұтас Қазақстан халқы, байырғы қазақ жерінде мемлекеттілікті нығайта отырып,

Қазақстан Республикасыны...

Ұлттық банк коммерциялық жылжымайтын мүлікті токендеу бойынша пилоттық жобаны іске қосты.

Жоба шеңберінде коммерциялық жылжымайтын мүлікке кепілдік берілген цифрлық токендер шығарылады. Мұндағы бір токен жылжымайтын мүліктің бір шаршы метрінің бағасына тең.

Осылайша, жылжымайтын мүлік цифрлық үлестер түрінде ұсынылып, блокчейн технологиясы арқылы арнайы платформада операциялар жүргізуге мүмкіндік береді.

Пилоттық кезеңде инвесторлар токендерді сатып алып, коммерциялық жылжымайтын мүлікте үлес алу құқығына ие болады, операциялар жүргізіп, табыстарды пропорционалды түрде бөлуге қатыса алады.

Жобаның артықшылығы неде

Блокчейн технологиясы құқықтардың ашық есебін және операциялар тарихын қамтамасыз етеді.

Пилот шектеулі реттеушілік контексте (реттеушілік құмсалғыш) жүзеге асырылып, технологиялық және операциялық аспектілерд...

Ресейде WhatsApp мессенджерінің жұмысы толығымен шектелді. Егер платформа елдің заңнамасындағы шарттарды орындап, билікпен серіктесуге дайын болса ғана жұмысы жалғасуы мүмкін. РФ президентінің баспасөз хатшысы Дмитрий Песков осылай деп мәлімдеді.

Песковтың сөзінше, бастысы, компания құқықтық талаптарды орындауы керек.

«Егер Meta корпорациясы Ресей заңын орындап, билікпен диалогқа дайын болса, онда келісуге мүмкіндік бар», – деп атап өтті Кремль өкілі.

Ал Meta серіктестікке дайын екенін көрсетпесе, онда платформа жұмысын жалғастырмайды.

Бұған дейін Роскомнадзор WhatsApp мессенджері Ресей заңнамасын бұзғаны үшін кезең-кезеңімен шектеу шаралары енгізіліп жатқанын хабарлаған. Ведомство мәліметінше, мессенджер террористік әрекеттерге, сондай-ақ алаяқтық схемалар мен азаматтардан ақша бопсалауға пайдаланылып келеді.

Айта кетейік, Meta компаниясы...

Әлеуметтік желідегі жарияланымдар арқылы сауда желілерінен ақша талап еткендерді алқабилер соты 7 жылға бас бостандығынан айырды.

Іс материалдарына сәйкес, Солтүстік Қазақстан облысының екі тұрғыны (хабарламада С. және Р. деп көрсетілген) әлеуметтік желілерде парақша ашып, Петропавлдағы сауда нысандарында анықталған заңбұзушылықтарды бейнежазба және фотосуреттер арқылы жариялап отырған. Олар «әшкерелейтін материалдарды әрі қарай таратамыз» деп қорқытқан. Сондай-ақ сауда желілерінің меншік иелерінен жарияланымдарды тоқтату және мемлекеттік бақылаушы органдарға шағым түсірмеу үшін ақша талап еткен.

Тергеу деректеріне сүйенсек, 2023 жылдың маусым-қазан айлары аралығында олар бір супермаркеттер желісінің директорынан бес рет ақша алған. Оның әрқайсысы 200 мың теңгеден болып, жалпы сома 1 млн теңгені құраған. Ал...

Әлеуметтік желіде танымал айтыскер ақындар Жігер Ауыпбаевты әзілмен қағытып, бір-біріне ұйқас жолдар арнаған видео көптің назарын аударды. Instagram желісінде өткен видеоқоңырау барысында ақындар қалжың өлеңмен қағысып, өнердегі әріптестерін жеңіл әзілдің нысанына айналдырды.

Онлайн басқосуға айтыс сахнасында танылған Аспанбек Шұғатай, Дидар Қамиев, Шалқарбай Ізбасаров, Талғат Мықи секілді ақындар қатысып, өлең жолдары арқылы қалжыңды әңгіме өрбітті.

Құрдас деп қалжындап ек өнердегі,
Талап жатыр Жігердің көрермені.
Жігер, құрдас, не болды ашуланып,
Ойың сенің бойыңнан төмен бе еді?

Құрдас боп бізбен қатар жүргенімен,
Тең адам емессің ғой өлеңдегі.
Үлкен сабыр керек-ау, ұстау үшін,
Кішкентай бақытыңды төбеңдегі.

Ұзын-қысқа үйленіп талай адам,
Спальныйда теңескен көлемдері.
Семізді көтеретін пони мықты-ау,
Сөзді көтермейтін...

12 ақпанда Астана уақытымен сағат 13:52-де «Протон-М» зымыран тасығышы Байқоңыр ғарыш айлағынан ұшырылады. Зымыранға улы гептил отынын құюға рұқсат берілді.

Улы отынмен ұшуға рұқсат берді

«Роскосмос» мәліметінше, мемлекеттік комиссия «Протон-М» зымыран тасығышына гептил құюға рұқсат еткен. Мұндай шешім оның шынымен бүгін ұшатынын білдіреді.

Комиссия құрамында Қазақстан өкілдері де бар. Себебі мұндай тәртіп Қазақстан мен Ресей арасында Байқоңыр туралы келісімдерде көрсетілген. Оның үстіне, Байқоңыр ғарыш айлағы Қазақстан аумағында орналасқан. Жергілікті билік «Протон-М» сияқты ауыр зымырандарды ұшыруға дайындық, оған отын құю сияқты маңызды жұмыстардан хабардар болуға тиіс.

Гептил құйылған зымыран

«Роскосмос» телеграм-арнасында зымыранның техникалық сипаттамасы көрсетілді. 12 ақпанда...

Қазақстанның бірінші ракеткасы, әлемнің үшінші нөмірлі теннисшісі Елена Рыбакина Дохада өтіп жатқан WTA-1000 санатындағы турнирдің екінші айналымында Париж-2024 Олимпиадасының чемпионы, қытайлық Чжэн Циньвэньді үш сетке созылған тартысты кездесуде жеңді – 4:6, 6:2, 7:5. Осылайша, қазақстандық спортшы Australian Open-2026 турнирінен басталған жеңісті сериясын тоғыз матчқа дейін ұзартты.

Рыбакина мен Чжэн шамамен жылына бір рет кездесіп тұрады. 2022 және 2023 жылдары қазақстандық теннисші қарсыласын Уимблдон мен Бейжің турнирлерінде жеңсе, 2024 жылы Эр-Риядтағы жарыста қытайлық спортшы басым түскен. Өткен маусымда олардың жолы тоғыспады: Чжэн қорытынды турнирге қатыса алмаған, ал Рыбакина маусым қорытындысында жеңімпаз атанған.

Алғашқы сет

Кездесудің алғашқы сетінде қытайлық теннисші Рыбакинаға...

Қырғызстан президенті Садыр Жапаров президенттік сайлауға қатысты түсініктеме алу үшін елдің Конституциялық сотына жүгінді.

«Өтініш беру қажеттілігі қоғамдық-саяси кеңістікте және сараптамалық ортада қарқынды қоғамдық пікірталастар нәтижесінде Қырғыз Республикасының қазіргі Президентінің өкілеттіктерін жүзеге асыру мерзімдерін, сондай-ақ кезекті не мерзімінен бұрын президенттік сайлауды тағайындау тәртібін реттейтін конституциялық ережелер туралы түбегейлі қарама-қарсы түсінік қалыптасқандығына байланысты», – деп хабарлады Қырғызстанның Конституциялық соты.

Президенттің ұсынысында 2021 жылы референдум қабылдаған «Қырғыз Республикасының Конституциясы туралы» Заңның ережелері, бірқатар сарапшылардың пікірінше, 2010 жылғы 27 маусымдағы редакцияда ел Конституциясына сәйкес сайланған президенттің өкілеттік мерзімінің басталу сәті мен ұзақтығын екіұшты түсіндіруге мүмкіндік береді.

Астанада бірінші ауысымдағы оқушылар бейсенбіде қашықтықтан оқитын болады, деп хабарлады елорданың білім басқармасы.

«Ауа райының нашарлауына байланысты (желдің күшеюі және ауа температурасының одан әрі төмендеуі) 12 ақпанда бірінші ауысымдағы 0-11 (12) сынып оқушылары мен колледждердің 1-2 курс студенттері (9 сынып базасында) қашықтықтан оқыту форматына көшеді», – делінген хабарламада.

«Қазгидрометтің»ақпараты бойынша, 12 ақпанда Астанада жауын-шашынсыз, жел 2-7 м/с болады деп күтілуде, түнде ауа температурасы -24…-26°C, күндіз -16…-18°C.

Алматы облысы Талғар ауданы Талғар қаласының әкімі Арыстанбек Әбілқайырұлы жұмысынан кеткені туралы хабарлады. 42 жастағы әкім Facebook-те қоштасу хабарламасын жазды.

«Мен атқарған қызметімді денсаулығыма байланысты аяқтау туралы шешім қабылдадым. Бұл шешім мен үшін оңай болған жоқ. Денсаулығыма байланысты белгілі бір уақыт еңбек демалысында болдым. Осы жағдай қызметтік міндеттерімді толық әрі сапалы атқаруға кедергі келтірмеуі үшін осындай шешім қабылдауды жөн санадым», – деп түсіндірді Арыстанбек Әбілқайырұлы.

Ол бір жыл бұрын оған дауыс берген қала тұрғындарына, сондай-ақ Талғар ауданының басшысы мен әріптестеріне алғыс білдірді.

«Алдағы уақытта да Талғар қаласының дамуына бейжай қарамай, ел игілігі жолындағы бастамаларға тілектес...

Шығыс аймақтарда күн күрт суытып, оңтүстікте жаңбар жауады. Өзге аймақтарда көктайғақ пен тұман сақталады. «Қазгидромет» 12 ақпанға ауа райы болжамын жария етті.

Шымкенттегі 11-ықшамаудандағы көпқабатты тұрғын үйлердің бірінің ауласынан 10 жастағы баланың денесі табылды. Куәлардың сөзінше, баланың шекесіне сынған ағаш тиіп, басы жарылған. Оқиғаны әуелі аула тазалаушылар көріп, жедел жәрдем қызметін шақырған. Артынан полиция келген. Бала оқиға орнында тіл тартпай кеткен.

«Үйге кіргенім сол еді әріптесім хабарласты. «Аулаңда баланы ағаш басып қалыпты» деді. Жүгіріп шықсам полицейлер жүр екен. Кейін жедел жәрдем келді”, – дейді тұрғын.

Баланың денесін полицейлер оқиға орнынан мәйітханаға алып кеткен.

«Сырттан көрдік. Бала қайтыс болды дегенді естігенде шок болдық. Әлі ес жинай алмай тұрмыз», – дейді тағы бір тұрғын.

Қарағанды облысының Топар кентінде балық аулау кезінде ерлі-зайыптылар мінген көлік мұз астына түсіп кетіп, әйел адам қайтыс болды.

Оқиға 10 ақпанда Шерубайнұр су қоймасында болды. Көлікте 1957 жылы туған ер адам және 1962 жылғы әйелі болған. Алдын ала ақпарат бойынша, мұз көлік салмағын көтере алмай, су астына кеткен.

Ер адам судан өздігінен шыға алған, оған медициналық көмек қажет болмады. Әйелді бір күн бойы іздеген.

11 ақпанда Төтенше жағдайлар департаментінің сүңгуірлері әйелдің денесін тауып, шығарып алды.

«Бүгін таңертең облыс ТЖД сүңгуірлері оның денесін жеті метр тереңдікте автокөлік табылған жерден төрт метр қашықтықта тауып, судан шығарып алды...

Үш қазақстандық спортшы 2026 жылы Олимпиадада могулдың басты финалына шықты. Юлия Галышева қорытынды 14-ші (72,34), Анастасия Городко – 15-ші (72,15), Аяулым Әміренова – 18-ші орынды (68,47) иеленді.

Бір күн бұрын үшеуі де жарыстың келесі кезеңіне өте алмаған еді. Бүгінгі екінші біліктілік кезеңі сәтті болды. Барлық қыздар кешегі нәтижені жақсартты. Галышева 73,08 ұпай жинап (кеше 69,60 болды) бесінші орынға ие болды. Городко 71,52 (70,98) – жетінші, ал Амренова 68,98 (63,50) – оныншы орында болды.

Біраз демалғаннан кейін қазақстандықтар 10 ақпанда іріктелген алғашқы ондыққа қосылды. Жүлделі орындарды бөлуге қатысу үшін біздің фристайлшылар бірінші финалдың топ-8-не кіруі керек еді. Өкінішке қарай, олар...

Президент Қасым-Жомарт Тоқаевтың төрағалығымен азаматтардың заңды мүдделерін қорғау және елдегі қоғамдық тәртіпті нығайтуға арналған жұмыс кеңесі өтті. Іс-шараға Президент әкімшілігінің, Қауіпсіздік кеңесінің және құқық қорғау органдарының жетекші өкілдері қатысты.

Кеңес барысында «Заң мен тәртіп» қағидаттарын жүзеге асыру аясында құқықтық тәртіпті қамтамасыз ету, азаматтардың құқықтары мен бостандықтарын қорғау бағытындағы өзекті мәселелер көтерілді. Мемлекет басшысы бұл саладағы үйлесімді әрі тиімді жұмыстың маңыздылығына назар аударды.

Сондай-ақ, президент жиынға қатысушыларды Қазақстан Республикасының жаңа Конституциясы жобасын әзірлеу бойынша жұмыс жүргізген Конституциялық комиссияның қызмет нәтижелерімен таныстырды.

Осыған дейін президент Қасым-Жомарт Тоқаев жаңа Конституцияны қабылдау бойынша референдум күнін 15 наурызға белгілеген еді.

Президент Қасым-Жомарт Тоқаев жаңа Конституцияны қабылдау бойынша референдум күнін 15 наурызға белгіледі. Осы ретте ел тарихында болған референдумдарды еске түсірейік.

Назарбаевтың өкілеттігін ұзарту бойынша референдум

1995 жылғы 29 сәуірде сол кездегі президент Нұрсұлтан Назарбаевтың өкілеттігін баламасыз түрде ұзарту туралы республикалық референдум өтті. Ресми деректерге сәйкес, референдум нәтижесінде сайлаушылардың 95,46%-ы президентті қолдап дауыс берді. Оған дауыс беруге құқылы азаматтардың 91,21%-ы қатысқан.

Референдумда бір ғана «Сіз 1991 жылғы 1 желтоқсанда бүкілхалықтық дауыс беру арқылы сайланған Қазақстан Республикасының Президенті Н.Ә. Назарбаевтың өкілеттік мерзімін 2000 жылғы 1 желтоқсанға дейін ұзартуға келісесіз бе?» деген сұрақ болды.

Референдум нәтижесінде...

Мәжілістің 59 депутатынан тұратын топ премьер–министрге орта және төменгі буын қызметкерлері үшін әлеуметтік ынталандыруды енгізуді талап етіп жүгінді. Депутаттардың сөзінше, шенеуніктердің жалақысы 180 мың теңгеден басталады, бұл олардың жауапкершілік деңгейіне сәйкес келмейді. Ranking.kz шенеуніктердің жалақысын есептеп көрген.

2025 жылдың үш тоқсанының қорытындысы бойынша Мемлекеттік басқару саласындағы орташа жалақы 357,4 мың теңгені құрады. Бұл бүкіл ел экономикасындағы орташа көрсеткіштен 17,5%-ға аз. Бұл ретте ауылда мемлекеттік қызметшілер одан да аз алады – шамамен 279,4 мың теңге, ал қалада табыс 382,8 мың теңгеге жетеді.

Бұл ретте инфляция кірісті ұлғайту әрекетін іс жүзінде жоққа шығарды. Мемлекеттік қызметкерлердің көпшілігінде бір жылдағы нақты жалақы 3%-ға...

Түркістан облысы Сауран ауданында толассыз жауған жауыннан Жаңақорған өзенінде су деңгейі көтерілген. Кеше демалыс орындарына баратын топырақ жолды шайып кеткенімен бірге ауыл шетіндегі көпірді бұзып өткен.

Нөсер жауын жұртты әлі де әбігерге салып жатыр. Жаңақорған өзенінде су мөлшері шамадан тыс көбейіп, қатты ағыны Абай ауылы маңындағы көпірді шайып кетті. Мамандар жедел әрекет етіп, өзен арнасының жан-жағын қазып тастап, ауылды су басудың алдын алған.

Алайда мамандар арқаны кеңге салуға болмайтынын айтады. Су тасқыны қаупі де жоқ емес. Өзендегі су ағыны күндегідей емес қатты. Мұны ескерген облыс әкімі Нұралхан Көшеров бүгін оқиға орнына барып, тұрғындармен кездескен. Ауыл тұрғыны Қыдырәлі Нұрғараев бастысы шығын...

«Қазақстан темір жолы» (ҚТЖ, «Самұрық-Қазынаның» еншілес компаниясы) 2,22 млрд қытай юанін алады, деп жазылған Ұлттық компанияның директорлар кеңесі қабылдаған шешімде.

Директорлар кеңесі 5 ақпанда шешім қабылдады Ол бойынша ҚТЖ әрқайсысының номиналы 1 мың юань болатын 2,22 млн облигация шығарады. Құжатта ҚТЖ басқарушы директоры Даир Көшеровке бұл үшін барлық қажетті шараларды қабылдау тапсырылған.

Хабарламада бұл ақша қандай шарттармен тартылатыны және не жұмсалатыны көрсетілмеген. Ұлттық Банктің ресми бағамы бойынша (бір юань үшін 71,18 теңге), 2,22 млрд юань жарияланған кезде 158 млрд теңгені құрайды.

ҚТЖ 2024 жылы 2,2 трлн теңге табыс алды, 2023 жылы 1,9 трлн теңгемен салыстырғанда, пайда – 127,7 млрд теңге...

Елде жаңа Конституцияны қабылдауға қатысты республикалық референдум 15 наурызда өтеді. Президент Қасым-Жомарт Тоқаев жарлыққа қол қойды.

Мемлекет басшысы 2026 жылдың 15 наурызында республикалық референдум өткiзу туралы жарлыққа қол қойды, – деп хабарлады Ақорда.

Бұған дейін Қасым-Жомарт Тоқаев Конституциялық комиссия мүшелерін қабылдады. Сол кезде таяу арада референдум өткізу туралы жарлыққа қол қоятынын айтты.

Президенттің пікірінше, жаңа Конституция ережелері мемлекеттің институционалдық негізін трансформациялау үдерісі толығымен аяқталып, мүлде жаңа конституциялық үлгіге көшетінін көрсетеді.

Қаңтардың аяғынан бері онлайн айтысып келген ақындар ақыры бетпе-бет көрісетін болды. Балғынбек Имаш пен Айнұр Тұрсынбаева – бір жақ, Жандарбек Бұлғақов пен Сырым Әуезхан бір жақ болып кездеспек болып ұйғарды. Дегенмен бұл жолы батл көз үйренген хан сарайдай кең жерде емес, жүз адамға жетер-жетпес шағын залда өтеді. 

12 ақпан күні айтыс өтетіні туралы ақпарат осыдан біраз уақыт бұрын шыққан. Онлайн билеттердің де саудасы қызды. Ал енді тікелей эфир емес, реал-тайм режимде көргісі келетіндерге залдан орын алуға мүмкіндік бар деп ақындар парақшаларында жарнамалап, ақпарат беріп жатыр. Жандарбек Бұлғақовтың айтуынша, орын саны 80-90 шамасында ғана.

«Онлайн көрермен...