Жаңалықтар

2025 жылдың маусым айында қазақстандықтардың зейнетақы жинағы 23,5 трлн теңгеден асты. Бұл қаражат босқа жатқан жоқ: оны сенімгерлік басқаруға алған ұйымдар оны түрлі қаржы құралдарына орналастырып, табыс табуға тырысып жатыр. Бірыңғай жинақтаушы зейнетақы қоры (БЖЗҚ) маусым айындағы инвестициялық қызметінің есебін жариялады. Осы құжатқа сүйене отырып, әр басқарушы компанияның зейнетақы ақшасына қалай қарап отырғанын шолып өтсек.

Ұлттық банк басқаратын активтер

Ең ірі басқарушы – Қазақстан Республикасының Ұлттық банкі. Оның қарамағында зейнетақы активтерінің басым бөлігі 23,47 трлн теңге шоғырланған. Бұл – бүкіл портфельдің 99 пайызынан астамы. Жыл басынан бері бас банк басқаруындағы активтер 371 млрд теңге инвесттабыс...

Шымкент қаласының қылмыстық істер жөніндегі мамандандырылған ауданаралық сотында жәбірленуші қала әкімінің орынбасары Руслан Берденов денсаулығына байланысты сот отырысына қатыса алмайды. Бұл туралы бүгін басталған басты сот талқылауынша жәбірленушінің заңды өкілі хабарлады.

«Берденов алған жарақатының нәтижесінде және денсаулық жағдайына байланысты емханаға жатқызылып, стационарлық тексеруге, оңалтуға емдеуге жатқызылған. Сондықтан сот отырысына қатыса алмайды. Қатыса алмауына байланысты тергеуде берген жауаптарды қолдайды»,– деді судья жәбірленуші ұсынған құжатты оқып.

Айыпталушыны сотта үш қорғаушы қорғап жатыр. Оның бірі «Ем қабылдау кезінде не стационарлық ем алу кезінде жәбірленуші сот алдында жауап беруге мүмкіндігі бар ма, жоқ па? Жәбірленушінің өкілі ұсынған құжатта оның денсаулығына байланысты сот алдында жауап...

Абай облысы бойынша Қылмыстық-атқару жүйесі департаментінің №21 мекемесінде ақындар айтысы өтті. Өнер сайысы кемеңгер ақын Абайдың 180 жылдық мерейтойы аясында ұйымдастырылды. Бұл туралы Ішкі істер министрлігінің сайты хабарлайды.

Министрліктің мәліметінше, мекеме қызметкерлері арасында өткен айтыс «көпшіліктің көңілінен шығып, ұлттық өнерге деген құрметтің биік екенін тағы бір дәлелдеді».

«Домбыраның құлағында ойнаған, сөз саптауы көркем, шешендігімен ерекшеленген қызметкерлер «әу, демейтін қазақ жоқ» деген нақылды шынайы әрекеттерімен дәлелдеп берді. Айтыс Абай Құнанбайұлының 180 жылдық мерейтойына орай ұйымдастырылды», – деп жазды polisia.kz.

Сайтта жарияланған ақпаратқа қарағанда, айтысқа қатысқан қызметкерлер өнерін ғана емес, парасат-пайымын, ұлттық болмысқа деген жанашырлығын көрсете...

Балқаш қаласында 8 жастағы баланы ұрып-соғуға қатысты қылмыстық іс қозғалды. Қарағанды облысы полициясының хабарлауынша, кәмелетке толмаған балаға дене жарақатын келтіру фактісі бойынша сотқа дейінгі тергеп-тексеру амалдары жүргізіліп жатыр.

Күдікті ұсталып, уақытша ұстау изоляторына қамалды.

Оқиғаның мән-жайы

Балқаш тұрғыны Мәдина Досымбекова ұлын «Қазақмыс корпорациясы» қызметкері аяусыз ұрып-соққанын мәлімдеді.

«Бұл жай ғана ұрып-соғу емес, азаптау: саусақтарын сындырып, басынан ұрған, денесін күйдірген. Мұның бәрін ересек ер адам жасаған», – деді әйел.

Күдіктінің шағымы тіркелді

Полицияның ақпаратына сәйкес күдікті 8 жастағы баланың әрекетіне қатысты шағым түсірген.

Полиция 8 жастағы баланың 4 жастағы қызға (күдіктінің қызы...

Қазақстан қор биржасының (KASE) мәліметінше, 6 тамыздағы күндізгі сауда нәтижесінде 1 АҚШ доллары 536,58 теңге болды. Ұлттық валюта бір аптадан бері үздіксіз нығайып келеді.

Теңгенің күш алуы өткен айдың аяғында Ұлттық банк интервенциясынан кейін басталды. Тамыз айында доллар бір тәулік болса да жоғары көтерілген жоқ.

6 тамыз, сәрсенбі күні төл валюта тағы 0,97 теңгеге нығайды. Доллар бірден құлдырап кетпесе де, валюта нарығында оң үрдіс қалыптасуының өзі маңызды.

Сағат 16.05-тегі мәлімет бойынша, KASE-де бүгін 88 млрд теңгеге, яғни 164 млн долларға валюта саудасы жасалды. Қазақстан үшін қалыпты көрсеткіш. Соған қарағанда, Ұлттық банк валюта нарығына араласып жатқан жоқ.

Екінші деңгейл...

Шымкент қаласы әкімінің орынбасары Руслан Берденовті жаралаған қалалық тұрғын үй басқармасына қарасты «Тұрғын үй Шымкент» ЖШС-ның бұрынғы директоры 31 жастағы Ернар Жиембай сотта жауап беріп жатыр. Оның айтуынша, Берденовті қорқыту мақсатында оқ атқан, өлтіру ниеті болмаған.

Айыпталушы Ернар Жиембайдың сотта айтуынша, қала әкімінің орынбасары Руслан Берденовтің ар-намысына тиетін сөздері мен «соттатамын» деп қорқытуын ұмыта бастағанда, әйелімен арасында отбасылық ұрыс-керіс болып, ажырасуға арызданған. Мұның бәрі оны күйзеліске алып келген. Осы кезде достарымен аңшылыққа баруға келіскен. 21 сәуір күні әйелімен ұрыс жалғасқан. Әйелі Астанаға кетемін деп, киім-кешегін жинап, буып-түйіп кетпек болған. Оны Жиембай тоқтатқан. Түстен кейін жұмыстан шығып бара жатқанда қалалық құрылыс...

Олжас Бектенов Мемлекеттік кірістер комитеті мен Автомобиль жолдары комитетінің төрағаларын жауапкершілікке тартуды тапсырды. Бұған олардың жұмыстарын тиісті деңгейде ұйымдастырмағаны себеп болған. Бұл туралы Үкіметтің баспасөз қызметі хабарлады.

Премьер-министр өткізу пункттерін жаңғырту жөнінде жиын өткізген.

Қаржы министрлігі мәліметінше, жоспарда Еуразиялық экономикалық одақтың сыртқы шекараларындағы (ҚХР, Өзбекстан Республикасы, Түрікменстан) 9 өткізу пунктін реконструкциялау жұмыстары тұр. Қазір оның төртеуінде – Қапланбек, Атамекен, Қалжат және Алакөл пункттерінде жұмыстар аяқталды.

Бес нысанды жаңғырту жұмыстары жыл соңына дейін аяқталады. «Жібек жолы» жолаушылар өткізу пунктін реконструкциялау жоспардан тыс жүріп жатыр, 2026 жылдың бірінші жартыжылдығында аяқталады.

Бектенов кеден қызметінің, сондай-ақ Ресей Федерациясы мен Қырғызстан Республикасы шекараларындағы...

Баян Алагөзова «тәңіршілдікті қолдады» деген сынға қалды. Жамағат Тұрсынғали Алагөзовтің бизнесіне бойкот жариялап жатыр.

Имам Данияр Кенжеұлы бойкот жариялауының себебін тағы да түсіндіріп өтті.

«Мың жылдан аса дәуірді жоққа шығарды»

«Қазақ мұсылман болмаған» деген сөздің салмағын түсінетіндер бар, түсінгісі келмейтіндер де бар. Тарихты жалаң айтып, ұлттың рухани тамырын бір кезеңнің үстімен өлшеуге тырысып жатқанын халық неге түсінбейді? Егер 7 ғасырға дейін қазақ мұсылман болмаса, содан бергі мың жылдан аса дәуір не үшін жоққа шығарылуы керек?», – дейді ол.

«Тәңіршілердің сөзі»

Данияр Кенжеұлы Баян Алагөзованың сөзінен тәңіршілердің сөзі байқалатынын айтып қалды.

«Үш-төрт миллион тәңірші ғана ақиқатты, қалғандары...

Өскемен қаласында Ғайса Аязбаев көшесінде жолаушылар автобусы өртенді. Бұл туралы Төтенше жағдайлар министрлігі хабарлайды.

Министрлік мәліметінше, өрт сөндірушілер оқиға орнына келген уақытта автобус салонында адам болған жоқ. Жолаушылар от тұтанған уақытта көліктен түсіп кеткен.

Құтқарушылардың жедел іс-қимылының арқасында 12 шаршы метрге жайылған өрт толығымен сөндірілді. Төтенше оқиғадан ешкім зардап шекпеді.

Естеріңізге сала кетейік, шілденің аяғында Алматыда үлкен мейрамханалардың бірі өртенген.

Ал оның алдында кәсіпкер Марғұлан Сейсембаевтың Алматы облысы Ащыбұлақтағы құс фабрикасы өртеніп кеткен.

Шавкат Рахмоновтың әйелі Гүлайым Рахмоновадан екі адам қайтыс болған қылмыстық істе қорғалуға құқығы бар куә ретінде жауап алынған. Ақпаратты Жамбыл облысы полиция департаменті растады, деп хабарлайды KursivMedia.

Айта кетейік, бұған дейін 27 шілде сағат 08:50-де Алматы – Екатеринбург тас жолының 299-шақырымында жол апаты болды. Toyota Land Cruiser 200 автокөлігінің жүргізушісі рөлге ие бола алмай, көлік аударылып кеткен. Апат салдарынан екі адам көз жұмды, Шавкат Рахмоновтың әйелі мен баласы түрлі жарақатпен ауруханаға жеткізілген. 

«Жол апатын тергеу барысында оқиғаның мән-жайын анықтау үшін қажетті процессуалдық шаралар жүргізіліп жатыр. Тиісті сараптамалар тағайындалған. Гүлайым Рахмоновадан қорғануға құқығы бар куә ретінде жауап алынған. Ол...

Шымкент қалалық сотында қала әкімінің орынбасары Руслан Берденовті жаралаған күдікті Ернар Жиембайдан жауап алу жалғасып жатыр.

Бұған дейін Жиембай Руслан Берденовпен болған алғашқы кездесуі қалай басталғанын айтқан еді. Жиембайдың пікірінше, осы бірінші кездесуде Берденов оның әр сөзіне шүйліккен. Ар-намысына тиетін сөздер айтқан.

«Сенің түрің қандай қандай өзі? Шаштарың түсіп қалған. Қайдан келгенсің өзің» деді. Көңіліме тиіп кетті. Бірақ ол кісіге артық сөз айтпадым. «Жұмыста осылай киінесіңдер ме сендер» деді. Жағдайды түсіндірейін деп едім, уын шашып жібереді. Қабылдамай жатты. Мен сөйлеймін, ол жерге кіргізеді. Жұмысымды көрсетейін десем, «сен өзі қандай адамсың» деп балағаттады. Кабинетінен шығып кеттім...

Әлеуметтік желі қолданушылары мен кей пабликтер «16 қыркүйектен бастап ажырасу рәсімі жеңілдейді» деген ақпарат таратып жатыр.

Онда енді тараптар бір жақты ажыраса алатыны, бұл сот жүйесіне түсетін жүктемені жеңілдететіні айтылады.

Алайда бұл олай емес. Әңгіме «Неке және отбасы туралы» кодекске енген өзгерістен шыққан. Жуырда президент «Қазақстан Республикасының кейбір заңнамалық актілеріне Қазақстан Республикасының қылмыстық заңнамасын оңтайландыру мәселелері бойынша өзгерістер мен толықтырулар енгізу туралы» заңға қол қойған. Оның аясындағы түзетулер жоғарыда айтқан кодексті де қамтиды.

Атап айтқанда, 2011 жылғы 26 желтоқсандағы Қазақстан Республикасының «Неке (ерлі-зайыптылық) және отбасы туралы» Кодексінің 17-бабы 2-тармағы «5» тармақшамен толықты. Тармақшада сөзбе-cөз «қылмыстық қудалау органы...

Жаңа жылдан бастап қант диабеті бар науқастарды дәрі-дәрмекпен қамтамасыз ету МӘМС жүйесі арқылы жүзеге асырылады. Денсаулық сақтау министрлігінің хабарлауынша, бұл өзгеріс науқастардың басым бөлігіне әсер етпейді.

Не өзгереді?

Енді қант диабеті МӘМС пакеті аясында қаржыландырылады. Яғни, диабетпен ауыратын науқастарға көмек енді тегін медициналық көмектің кепілдік берілген көлемі арқылы емес, сақтандыру бойынша көрсетіледі.

Науқастардың 96 пайызы сақтандырылған

«Қант диабетіне шалдыққан науқастар үшін ештеңе өзгермейді. Науқастардың 96 пайызы сақтандырылған. Қалған 1 500 адам сақтандырылмаған. Олар жұмыс істесе, жарна төленеді. Жұмыссыз болса, биржаға барып тіркелуі керек. Сонда «жеңілдігі бар азаматтар санатына» кіргізіледі», – дейді МӘМС...

Шешенстан басшысының анасы Аймани Қадырова Украинаның Херсон облысына сіңірген еңбегі үшін орден алды. Бұл туралы шешен үкіметінің басшысы Магомед Даудов хабарлады.

Оның айтуынша, Рамзан Қадыровтың анасына орденді Херсон облысының Ресей тағайындаған губернаторы тапсырған. 72 жастағы Аймани мұндай марапатты «өңір аумағындағы әскери операция кезінде әскери бірлікті нығайтуға қосқан үлесі үшін» алған.

РБК мәліметінше, 2022 жылы Ресей президенті Владимир Путин Қадыроваға «қоғамдық белсенді жұмысы үшін» орден таққан. Сол жылы шешен президентінің анасы әлемдік қауымдастық мойындамаған ДХР-дің «Достық» орденімен марапатталған.

Ресей әскері Украинаның Херсон облысы аумағына 2022 жылғы ақпанда басып кіріп, наурызда Херсон қаласын алған. Алайда украин күштері сол жылы күзде қаланы...

Банк ЦентрКредит т (БЦК) мемлекеттен алған көмегін толық қайтармақ. Банк 2017 жылы банк секторын қолдау бағдарламасы аясында мемлекетттен жалпы 60 млрд теңге қарыз алған. Соның 30 млрд теңгесін қаржы ұйымы бұған дейін өтеді. Енді қалған 30 млрд теңге қарызды толық жаппақ. Бұл туралы Қазақстан қор биржасындағы хабарламада жазылған.

Ол үшін БЦК 2017 жылы шығарылған 30 млн облигацияны мерзімінен бұрын кері сатып алады. БЦК-ның директорлар кеңесі бұл шешімді мақұлдап, арнайы сауда-саттық 11 тамызда өтеді.

Бұған дейін банк акционері Бақытбек Байсейітов мемлекеттен алғани көмекті 2026 жылға дейін қайтаратынын мәлімдеген.

Осылайша, БЦК мемлекет алдындағы қарызын толық өтеген...

Бүгін 6 шілде күні сағат 20:00-де Алматының орталық стадионында «Қайрат» футбол клубы Чемпиондар лигасының үшінші іріктеу кезеңіндегі алғашқы матчында Словакияның «Слован» командасын қабылдайды.

Кездесу Qazsport телеарнасынан тікелей эфирде көрсетіледі, сондай-ақ трансляция телеарнаның ресми сайтында қолжетімді болады.

Жауапты ойын 12 тамызда Словакияда өтеді. Егер «Қайрат» екі ойынның қорытындысы бойынша жеңіске жетсе, келесі раундтағы қарсыласы шотландиялық Селтик болады. Ал егер жеңіліп қалса, алматылықтар Еуропа лигасының плей-офф кезеңінде өнер көрсетуді жалғастырады бұл турнирде де қарсылас анықталып қойған еді.

«Қайраттың» Еурокубоктағы биылғы жолы сәтті басталды. Бірінші іріктеу кезеңінде олар Словенияның «Олимпия» командасын қос ойынның қорытындысы бойынша 3:1 есебімен жеңген болатын. Ал...

Шымкент қалалық сотында қала әкімінің орынбасары Руслан Берденовке қастандық жасау туралы іс жалғасуда. Сот күдікті Ернар Жиембайдан жауап ала бастады.

Жиембай сотта жауап беруден алдын осы оқиғаның болғанына қатты өкінетінін жеткізді. 2024 жылдың 1 шілдесіне дейін «Сауап» мүгедектер қоғамын басқарғанын, осы жылы 1 шілдеден бастап қалалық тұрғын үй басқармасына қарасты «Тұрғын үй Шымкент» ЖШС-ның дирокторы болғанын жеткізді.

«Бұрын сотты болмағанмын. Жұмыстан ешбір сөгіс алмағам, ескерту болмаған. Әйеліммен 6-сыныптан бері біргеміз. Адал жарым, оны өте қатты жақсы көремін. Екі балам бар. Осы күнге дейін әйелімнің біреумен сөйлесіп, өзгемен көңіл қосып, әлеуметтік желілерде жазып жатқандай жыныстық қудалау болды...

11 тамыздан бастап электрондық цифрлық қолтаңбаны (ЭЦҚ) алу тәртібі өзгереді. Енді бұл қызмет толық онлайн форматқа ауыстырылды. Бұл туралы цифрлық даму, инновациялар және аэроғарыш өнеркәсібі министрлігі хабарлады.

«Бұл шешім азаматтардың дербес деректерін қорғау деңгейін арттыру және жеке цифрлық деректердің қауіпсіздігін қамтамасыз етуге бағытталған. Ол электрондық қолтаңбаны бөгде тұлғаларға алу жағдайының алдын алады», – делінген ресми ақпаратта.

Айта кетейік, бұрын ЭЦҚ кілтін онлайн да, ХҚКО-да да алуға болатын.

ЭЦҚ қалай онлайн алуға болады?

Электрондық цифрлық қолтаңбаны онлайн алу үшін қажет:

Қазақстанда инвесторлар мен мемлекет арасындағы сот даулары көбейіп барады. Соңғы 3 жылда бизнес пен мемлекеттік органдар арасындағы сот істерінің саны 8 есе көбейген.

Ranking.kz деректеріне сүйенсек, соттар бизнес мүддесіне жиі шешім шығара бастаған. Жалпы елдегі сот тәжірибесінде инвесторлар бастамашы болатын істердің саны артып қана қоймай, олар жиі жеңіске жетіп жүр.

Соттар енді шенеуніктер жағында емес

«Бірнеше жыл бұрын мұндай істердің саны саусақпен санарлық болса, 2024 жылы бірінші инстанциядағы соттарға инвестициялық даулар бойынша 157 әкімшілік талап арыз түсті. Салыстырар болсақ, 2021 жылы  бұл небәрі 20 ғана болған. Өсім — 8 есеге жуық», — деп...

Қазгидромет оңтүстік өңірлерге қайтадан ыстық келетінін хабарлады.

Синоптиктер ыстықтан аз ғана үзіліс берген салқын ауа массалары ұзаққа созылмайтынын атап өткен.

8 тамыздан бастап Иран аймақтарынан Қазақстанның оңтүстігіне қайтадан жылы әрі құрғақ ауа массалары келе бастайды. Бұл күндізгі ауа температурасының +35…+41°С дейін көтерілуіне әкеледі деп күтіліп отыр.

Ал солтүстік өңірлерде керісінше, суық ауа массаларының ықпалы сақталады. Сондықтан жаңбыр, найзағай, кей жерлерде қатты жаңбыр жауып, бұршақ түсуі мүмкін.

Бұған дейін, тамыз айында қай өңірде құрғақшылық болатыны туралы жазғанбыз.

«КМЕ (КМФ)» микроқаржы ұйымы» АҚ «KMF Банк» АҚ болып қайтадан мемлекеттік тіркеуден өтті. Мәлімет Қазақстан қор биржасында (KASE) жарияланды.

Мәліметке қарағанда, заңды тұлға «Азаматтарға арналған мемлекеттік корпорациясының» Алматы қаласы бойынша филиалында қайта тіркелген. Құжат 1 тамызда рәсімделген.

Естеріңізге сала кетейік, шілденің аяғында қаржы мекемесі 2025 жылғы тамыздан бастап азаматтарға банк қызметін ұсынатынын хабарлады. Соған байланысты KMF 30 шілдеден бастап 3 тамызға дейін қаржы операцияларының барлық түрін тоқтатты.

Қаржы мекемесіндегілер осы уақытқа жоспарланған төлемдерді 4-8 тамыз аралығында ешқандай комиссиясыз, айыппұлсыз және өсімпұлсыз төлеуге болатынын ескертті. Төлемді кассалар мен KMF терминалдарында жүзеге асыруға болады.

Шағын несие беруші ұйым 2025 жылғы...

Ішкі істер министрлігі криминалдық полиция департаменті мен Алматы облысының полиция департаменті бірлесіп ауқымды операция барысында заңсыз көші-қон арнасын ұйымдастырған қылмыстық топтың жолын кескенін хабарлады.

Заңсыз арнаны шетел азаматтары ұйымдастырған. Олар Қазақстан Республикасының аумағына шетел азаматтарын заңсыз кіргізу, транзитпен өткізу және заңдастырумен айналысқан. Топ мүшелері бұл «қызметтері» үшін әр мигранттан 150 мыңнан 700 мың теңгеге дейін сыйақы алып отырған.

Арнайы іс-шаралар барысында ұсталғандардан ондаған шетелдік төлқұжат, медициналық сақтандыру, жалған құжаттар, сондай-ақ есірткі заттары мен діни әдебиеттер тәркіленген. Қылмыстық топтың барлық мүшелері ұсталып, уақытша ұстау изоляторына қамалған.

Аталған факті бойынша заңсыз көші-қонды ұйымдастыру, алаяқтық және есірткі құралдарын заңсыз сақтауға қатысты алты...

Белгілі қазақстандық экономист Алмас Чукин өткен аптада теңгенің әлсіреу себебін түсіндіріп берді. Оның жазуынша, доллардың қымбаттауына негізінен инфляция мен ақша көлемінің артуы себеп.

Чукин қазіргі 540–560 теңге аралығындағы доллар бағамын «жаңа шындық» деп атады. Оның болжауынша, 2026 жылдың соңына дейін доллардың бағамы 600 теңгеге дейін жетуі мүмкін. Бұл жыл сайын теңге шамамен 6–8%-ға құнсызданады деген сөз.

Ақша массасы артқанымен, тауар аз

Чукиннің айтуынша, 2024 жылы экономика айналымындағы ақша 19%-ға көбейіп, 45 триллион теңгеге жеткен. Бұл ақшаның басым бөлігі Ұлттық қордан бөлінген. Яғни, бұл ақша – нақты өнімнен түскен жоқ, мұнай сынды табиғи ресурстарды сатқаннан түскен табыс.

АҚШ-тың NASA агенттігі 2030 жылға дейін Ай бетінде ядролық реактор орнатуды жоспарлап отыр. Мақсат – Айда адам тұратын база жасау.

BBC ақпаратына қарағанда, бұл бастама Айда тұрақты түрде адам өмір сүруге қолайлы база құруға бағытталған кең ауқымды жобаның бір бөлігі.

Неліктен ядролық реактор қажет?

NASA-ның мәліметінше, Айдағы энергия мәселесін шешудің ең тиімді жолы – ядролық қуат көзі. Себебі бір айлық күн циклінде екі апта жарық, екі апта қараңғы болады. Бұл күн панельдерін толыққанды пайдалануға кедергі келтіреді.

«Ядролық энергетика – бұл қажеттілік. Ол жай ғана балама емес, міндетті жол», – дейді Суррей университетінің ғалымы доктор Сангву Лим.