Жаңалықтар

Аэродромға шабуыл

Украина Ресейдің тағы бір аэродромына дрондармен шабуыл жасап, екі әскери ұшағын жойған. Сонымен бірге украиналық ұшқышсыз басқарылатын құрылғылар арқылы Қазан қаласындағы оқ-дәрі шығаратын зауытқа шабуыл жасалған. Нысан өртке оранып, жұмысын тоқтатқан. Бұл туралы Ресей мен Украина БАҚ-тары жазды.

9 маусым күні таңға жуық Украина дрондары Нижегород облысында орналасқан Саваслейка аэродромына шабуыл жасаған. Нәтижесінде МиГ-31 және Су-30/34 екі әскери ұшағы жойылған. Украиналық бұқаралық ақпарат құралдарының мәліметінше, «Кинжал» аэробаллистикалық зымырандарын таситын әскери ұшақтар дәл осы әуежайдан ұшырылады.

Оқ-дәрі зауыттары өртенді

Сонымен бірге украиналық дрондар Чуваш республикасында орналасқан әскери радиоэлектронды жүйелер мен...

НАТО Бас хатшысы Марк Рютте Ресейден қорғану үшін әуе және зымыранға қарсы қорғаныс мүмкіндіктерін 400%-ға арттыруға шақырды.

 Le Figaro ақпаратына қарағанда, ол бүгін Лондонда өтетін конференцияда сөйлеуі қажет.

«Ресей аспаннан үрей сеуіп отыр»

«Біз ұжымдық қорғанысымызда серпіліс жасауымыз керек (…) Шындығында, Украинадағы соғыс аяқталса да, қауіп жойылмайды», – дейді НАТО Бас хатшысы.  

Марк Рютте НАТО-ның әуе және зымыранға қарсы қорғаныс қабілеттерін 400%-ға арттыруға шақырып отыр. Өйткені, оның пікірінше, бұл «аспаннан үрей сеуіп отырған» Ресейге қарсы тұру үшін қажет. Бұл ұсынысын ол Chatham House сараптамалық орталығында өтетін іс-шарада айтпақ.

Марк Рютте 24-25 маусымда Гаагада өтетін НАТО саммит...

Қазақстанда қорғаныс министрі ауысты. Бұл қызметті 2022 жылдың қаңтарынан бері атқарған Руслан Жақсылықов лауазымынан босатылып, орнына Дәурен Қосанов тағайындалды. KursivMedia қазірге дейін кімдердің қорғаныс министрі болғанын, кімдердің сотталып, кімнің қызметтен қуылғанына шолу жасады.

Серік Ахметов

Сотты болған премьердің бірі – Серік Ахметов. Ол 2006 жылдың қыркүйегінде Көлік және коммуникациялар министрі болып тағайындалған. Содан кейін премьер-министрдің орынбасары болған.

Ахметов 2009 жылы Қарағанды облысының әкімі, араға үш жыл салып, премьер-министрдің бірінші орынбасары болды.

Ал 2012 жылдан 2014 жылдың сәуіріне дейін Үкіметті басқарды. Серік Ахметов сол жылдың қазанында қамауға алынды. Ол кезде қорғаныс министрлігін басқарып тұрды.

2015 жылдың 11 желтоқсанында...

АҚШ президенті Дональд Трамптың үш басты кеңесшісі дүйсенбі күні Лондонда Қытай өкілдерімен кездеседі. Олар әлемнің екі ірі экономикасы арасындағы сауда дауын шешуге тырысады. Бұл туралы Reuters хабарлады.

Басылым мәліметінше, Құрама Штаттардан келіссөздерге қаржы министрі Скотт Бессент, сауда министрі Говард Лютник және сауда өкілі Джеймисон Грир қатысады. Трамп өзінің Truth Social әлеуметтік желісінде осылай деп жазды.

Қытай сыртқы істер министрлігінің мәліметінше, вице-премьер Хэ Лифэн 8-13 маусым аралығында Ұлыбританияда болады. Ол Қытай-АҚШ экономика және сауда кеңесінің алғашқы отырысына қатысады.

5 маусымда Трамп Қытай төрағасы Си Цзиньпинмен телефон арқылы сөйлескен. Олар бір-бірін еліне шақырып, сауда келіссөздерін жүргізуге келіскен.

Вашингтон мен...

Қазақстанда ипотеканың шекті пайыздық мөлшерлемесі 25%-дан 20%-ға дейін төмендеді. Реттеуші органның тиісті қаулысы 2025 жылдың 16 маусымында күшіне енеді.

Қаржы нарығын реттеу және дамыту агенттігі мен Ұлттық банктің бірлескен қаулысына сәйкес, банктер ипотеканың жылдық тиімді сыйақы мөлшерлемесін 20%-дан асыра алмайды.

Бұл өзгеріс тек ипотекаға ғана қатысты. Микроқаржы ұйымдары мен банктер беретін келіпсіз несиенің шекті мөлшерлемесі 46%-дан аспауы тиіс.

Ал банктен кепіл қоя отырып алынатын кредиттің жылдық мөлшерлемесі 35%-ды құрайды.

Ал 45 күнге дейін берілетін жылдам несиенің пайыз күніне 0,3 %-дан басталып, 179% дейін жетеді.

Ипотекамен үй алғысы келетіндерге 2026 жылдан бастап несие рәсімдеудің тәртібі қатаяды.

Енді банктер қарыз алушыларды...

Қазақстан мен Болгария Транскаспий халықаралық көлік дәлізін бірге дамытпақшы. Екі ел президенттері арасындағы келіссөз барысында тараптар халықаралық дәлізді дамыту бойынша өзара түсіністік меморандумына қол қойған. Бұл туралы Ақорда хабарлады.

Ақорданың мәліметінше, екі ел мынадай құжаттармен алмасқан:

Түркістан облысы Ордабасы ауданы Төрткүл ауылында 16 жасар қыздың денесі жол жиегінен табылды. Ауыл тұрғындарының сөзінше, күдікті ретінде ауыл ішіндегі наубайханада жұмыс істеген еңбек мигранты ұсталып қамауға алынған. Артынша ауылда байланыс үзіліп, Төрткүлде жұмыс істеп жүрген барлық еңбек мигранты шығарылған. Қайғылы оқиғадан соң, ауылда күзет күшейтілген. Ауыл әкімдігі оқиға болғанын растады. Полиция оқиғаға қатысты қылмыстық іс қозғалғанын хабарлады.

Қайғылы оқиға 5 маусымнан 6 маусымға қараған түні болған. Ауыл тұрғындарының сөзінше, қыз өз отбасының дүкенінен үйіне шығып, жоғалып кеткен. Үйіне оралмаған оны туыстары мен ауылдастары полициямен бірге түнімен іздеп таппаған. Таңертең полиция оның денесін жол жиегінде орналасқан балабақша қоршауының маңынан тапқан...

L’Oreal тері күтіміне арналған Medik8 ағылшын компаниясын сатып алатынын жариялады. Себебі француз компаниясы өнімдерін әлеуметтік желілер арқылы жарналамауға ұмтылып жүр. Бұл туралы Bloomberg хабарлады.

Басылымның мәліметінше, дүйсенбі күні компания бренд басшылығы өзгермейтінін, ал Inflexion миноритарлы акцияларын сақтап қалатынын жариялады.

L’Oreal әлеуметтік желілердегі инфлюенсерлер қызығатын тері күтіміне арналған өнімдерді ұсынғанды жөн деп шешті. Косметикалық өнімдер TikTok секілді платформаларда көп жарнамаланады. Себебі қарапайым халық арасында «дермокосметикаға» сұраныс жоғары.

Бір апта бұрын Financial Times келісім құны шамамен 1 млрд еуро (1,14 млрд доллар) деп хабарлаған. Ұлыбритания салық қызметінің мәліметінше, 2023 жылы Medik8 компаниясы 15,6 млн фунтов стерлинг табыс тапқан.

Medik8 компаниясы...

Қазақстанда көліктің киесі, жаны бар деп есептейтіндер өте көп. Сондықтан елімізде автомобиль жай ғана қозғалыс құралы болудан қалған.

Қазақ халқында аң-құстың, жануарлардың киесі туралы ұғымды мал мен аңшылықтан ажыраған бүгінгі буын оп-оңай көліктерге таңып жатқандай.

Ырым ба, шындық па?

Қазақстанда көліктің жаны бар, киесі бар деген түсінік кеңінен таралып жатыр. Көліктің ішінде айтылмайтын, жасалмайтын нәрселер – табу мен эвфемизмдер жиі кездеседі.

Мәселен, жаңа көлік алғың келсе, мұны қазір тақымдап жүрген темір тұлпарыңыздың көзінше айтпағаныңыз жөн. Онда иесіне көңілі қалып, жол көлік апатына ұшырауыңыз немесе аяқ астынан бұзылып, шығындалуыңыз ғажап емес.

«Мен де бұрын...

Бір апта бұрын Астанада автобус апатынан зардап шеккен сегіз жастағы Алуа Бекеннің отбасы әкімдіктен пәтер алады. Бұл туралы қала әкімі Жеңіс Қасымбек хабарлады.

Бұған қоса, оқушы қыздың отбасына 29,6 млн теңге көлемінде өтемақы беріледі. Жол апатынан зардап шеккен тағы екі азаматқа да көмек көрсетіледі. Ауруханада жатқан бұл екеуі сақтандыру төлемін алады.

Астана әкімдігі Алуаға көмек көрсететінін бір күн бұрын Бала құқығы жөніндегі уәкіл Динара Зәкиева да жазған. Оның айтуынша, оқушы қыз далаға шығып, ауладағы балалармен ойнағысы келеді. Сол себепті анасының қолына көп сұранады

Естеріңізге сала кетейік, 2 маусымда Астана қаласындағы Республика даңғылында жолаушы автобусы ақпараттық тақта тіреуіне соғылған. Жол апатынан...

ЖОО-ға түсетін талапкерлер қай күні шығармашылық емтихан тапсыратыны белгілі болды. Бұл туралы Ғылым және жоғары білім министрлігінің баспасөз қызметі хабарлады.

Министрлік талапкерлерге арналған күнтізбені жариялаған. Күнтізбеге сәйкес, 16 мамырда басталған ҰБТ 7 шілдеге дейін жалғасады.

Ал ЖОО-ға құжаттарды қабылдау 20 маусым басталып, 25 тамызға дейін созылады.

«Педагогикалық ғылымдар» және «Денсаулық сақтау» мамандықтарын таңдаған абитуриенттердің арнайы емтихандары 20 маусым – 20 тамыз аралығына жоспарланған. Бұл емтиханға қатысу үшін 20 шілдеге дейін конкурс құжаттарын тапсыру қажет.

Ал шығармашылық емтихан тапсыруға өтініш 20 маусым-10 тамыз аралығында қабылданады. Конкурсқа қатысу үшін 7 шілдеге дейін тиісті құжаттарды өткізіп қойған абзал.

Шығармашылық емтихандарды...

«Қазақстан электролиз зауыты» биржаға 51 млн доллар көлемінде облигация орналастырды. Сауда-саттық 30 мамырда Қазақстан қор биржасында (KASE) өткен.

Сауда барысында жалпы көлемі 50,98 млн АҚШ долларын құрайтын өтінім мақұлданып бұл бастапқы жоспарланған 50 млн доллар көлемінен асып түскен.

Облигациялар жылдық 6,5% купондық мөлшерлемемен шығарылып, айналым мерзімі 3 жылды құрайды.

Бұл қаржы құралының ерекшелігі – оған «Қазақстанның даму банкі» (ҚДБ) толық кепілдік берген. Бұл — отандық бағалы қағаздар нарығында ҚДБ берген алғашқы толық әрі қайтарып алынбайтын кепілдік. Яғни, егер эмитент өз міндеттемелерін орындай алмай дефортқа ұшыраса, бұл қарызды банк толық өтейді.

Зауыттың 100% акциясын жалғыз акционері – «EKT Holding» (И-Кей-Ти...

Шерзат Полаттың қазасынан кейін сотталғандардың туыстары үндеу жолдап, марқұмның отбасының әрекетін тексеруді сұрады.

Өзін Бауыржан Әбдірахманов деп таныстырған ер адам сотталғандардың ата-анасы, туыстары және Талғар ауданының бұл жағдайдан хабардар азаматтары атынан видео жариялаған.

«Іс бойынша айып тағылғандар сотталды, алайда біз бәрі дәлелденбеді және барлығы жазаланбады деп санаймыз. Шерзат Полаттың қазасынан кейін жәбірленуші тараптың өз мақсатына жету үшін жоспарланған және жақсы ұйымдастырылған іс-әрекетке барғаны байқалады. Олар әртүрлі құралды, соның ішінде әлеуметтік желіні, тыйым салынған психологиялық тәсілдерді, ашық арандатушылықты пайдаланды», – делінген Egov.Press каналында жарияланған видеода.

Олар осы іс төңірегінде жалған ақпарат тарап, пышақ ұстаған адам...

Атырау облысында мемлекет тапсырмасын орындаған жекеменшік мектептер төрт айдың ақысын маусым айында әзер алды. Кей өңірдегі ұстаздар әлі ақша күтіп жүр. Себебі биылдан бастап ұстаз ақысы бірнеше қолдан өтіп барып мұғалім қалтасына түсетін болған.

Ақпанның айлығы маусымда түсті

Бұған дейін Kursiv.Media Атырау облысындағы білім беру мекемелері 2025 жылғы ақпан айының жалақысын әлі алмағанын жазған. Өңірдегі мектептер төрт айдың айлығын енді ала бастағаны мәлім болды.

«Төрт айдың ақысын 3 маусымда толық алдық. Мәселе келесі оқу жылында қалай шешілері әзірге белгісіз», – деп жауап берді атыраулық мектептердің бірі.

Жекеменшік білім беру ұйымдарының республикалы...

Президент Қасым-Жомарт Тоқаев Астанаға ресми сапармен келген Болгария Президенті Румен Радевті қарсы алды. Бұл туралы Ақорда хабарлады.

Салтанатты қарсы алу рәсімінен кейін, екі ел басшылары келіссөз жүргізген. Қасым-Жомарт Тоқаев Болгарияның Қазақстанның Еуропадағы маңызды серіктестерінің бірі екенін, бұл серіктестік әлі де жалғасын табатынын атап өткен.

«Екі елді тамыры терең саяси және экономикалық ынтымақтастық байланыстырады. Әртүрлі саладағы екіжақты қарым-қатынастарымыз тұрақты дамып келеді. Мұны сенімді саяси диалогтан, парламенттер арасындағы нәтижелі ықпалдастықтан, сауда мен инвестицияның қарқынды өсуінен, халықтарымыздың байланысы мен әлемдік қоғамдастықтағы өзара қолдаудан анық аңғаруға болады», – деді президент.

Сонымен бірге екі елдің арасында сауда...

Қазақстан Болгарияның атом электр станцияларына (АЭС) уран жеткізуді бастауы мүмкін. Бұл туралы «Самұрық-Қазына» ұлттық әл-ауқат қорының басшысы Нұрлан Жақыпов Ақордада журналистерге айтты

Оның айтуынша, Болгарияда қуаты шамамен 1,2 гигаватт болатын екі атом блогы жұмыс істеп тұр. Қазақстанда мұндай станцияларды уран шикізатымен қамтамасыз етуге қажетті ресурстар мен технологиялар жеткілікті.

Алайда Жақыпов жеткізілуі мүмкін уран көлемі туралы нақты ақпарат бермеді. Ол бұл мәліметтің әзірге құпия екенін атап өтті.

«Болгарияда екі блоктан тұратын АЭС жұмыс істеп тұр. Біз бұл нысанға қазақстандық уранды жеткізу арқылы екі ел арасында ынтымақтастық орнатуға мүмкіндік бар деп санаймыз», – деді ол.

Бұған...

Сәкен Майғазиевтің ұлының тойына онлайн қатысуға болады. Әнші Әділет пен келіні Әдияның тойына қонақтар онлайн қатысатынын жариялаған. Бірақ бұл тойға қонақтар тегін қатыса алмайды. Онлайн трансляцияға тіркелу құны 1380 теңге.

Тойға қатысу үшін Сәкен Майғазиевтің парақшасында көрсетілген сілтемеге өту керек. Сілтеме сізді арнайы телеграм-ботқа бағыттайды. Сол жерге аты-жөніңізді енгізіп, ақшасын төлеу керек.

«Майғазиевтер отбасында үлкен қуаныш! Әділет және Әдияның үйлену тойының онлайн трансляциясы! Біз Telegram-да жабық арна құрдық, онда үйлену тойымыздың тікелей трансляциясы, сонымен қатар сахна сыртындағы сәттер, эксклюзив фото және видеолар жарияланады! Осы ерекше күнді бізбен бірге атап өткілеріңіз келгеніне алғысымызды білдіреміз...

Мемлекет Қаржаубай Нұрымовқа үй салуға көмек беретін болды. Бұл туралы Алматы облысы Еңбекшіқазақ ауданы әкімдігі хабарлады.

Әкімдіктің баспасөз қызметінің KursivMedia-ға берген жауабына қарағанда, қазіргі таңда құрылыстың рұқсат құжаттары дайын.

«Жергілікті атқарушы органдар тарапынан түсіндірме жұмыстарынан кейін, өтініш иесі рұқсат құжаттарын рәсімдеу үшін барлық қажетті құжаттарды тапсырды. Қазіргі уақытта барлық құжаттар толық дайындалды», – деп хабарлады Еңбекшіқазақ ауданы әкімдігінің баспасөз қызметі.

Әкімдіктің хабарлауынша, құрылыс жұмыстары алдағы уақытта басталады деп жоспарланып отыр. Мемлекет Қаржаубай Нұрымовқа жәрдемдесуге әзір.

«Аудан әкімдігі құрылыс барысын қадағалап, өз өкілеттігі аясында қажетті қолдау көрсететін болады», – дейді әкімдік...

2025 жылдың алғашқы үш айында Қазақстанда нақты жалақы небәрі 1,2%-ға өсті. Бұл – Еуразиялық экономикалық одаққа (ЕАЭО) мүше бес елдің ішіндегі ең төмен көрсеткіш.

Қаңтар-наурыз аралығында Қазақстанда номиналды жалақы 10,7%-ға өсіп, 423 133 теңгеге ) жетті. Бірақ нақты жалақының өсімі сақталған инфляцияны есепке алғанда бар-жоғы 1,2%-ды құраған

Мысалы, Беларусьте нақты жалақы бір жылда 12,1%-ға, Қырғызстанда 10,7%-ға, ал Ресейде 3,4%-ға артқан. Арменияның өзі Қазақстаннан жоғары көрсеткішке ие – 3,1%.

Орташа айлық жалақы 423 133 теңгеге (шамамен 829 доллар) жеткенімен, инфляция мен бағаның қымбаттауы халықтың сатып алу қабілетін тежеп тұр. Яғни, табыс көбейгенімен, ол ақшаға алуға болатын заттар мен қызметтердің көлемі айтарлықтай...

2025 жылдың 8 маусымында Көлік министрлігін екі жылға жуық уақыт басқарған Марат Қарабаев қызметінен босатылды. Соған байланысты KursivMedia бұған дейін осы министрлікті басқарған шенеуніктерге шолу жасады. Олардың арасында бұрын істі болғандар да, жазасын өтеп жатқандар да бар.

Бұрын сотты болған Көлік министрлері

Бұған дейін Көлік министрлігін басқарған екі адам премьер-министр болды, алайда екеуі де кейін сотталды. Оның бірі – Кәрім Мәсімов. Ол 2000-2001 жылдары Көлік және коммуникациялар министрі қызметін атқарған.

2007-2012, 2014-2016 жылдары премьер-министр болды. 2022 жылғы қаңтар оқиғасынан кейін қамауға алынып, 18 жылға бас бостандығынан айырылды.

Үкім 2023 жылдың сәуірінде шықты. Мәсімов қылмыстық кодекстің 175-бабыны...

Toyota RAV4-ге ұқсайтын дизайны бар жаңа Mazda CX-5 кроссоверінің үшінші буыны жақында нарыққа шыққалы отыр.

Daily-motor ақпаратына қарағанда, жаңа үлгінің сынақ нұсқалары әлемнің түкпір-түкпірінде кездесе бастады.  Жақында мұндай кроссовер Жапония жолдарынан көрінді.

Шырайлы шам

Көліктің түнде тас жолда жүрген сәті автосүйер қауымды таңырқатты. Оның жаңа артқы шамдары ерекше. Бұл шамдар қазіргі CX-5 үлгісіндегі шамдардан, тіпті премиум санатындағы CX-60 үлгісінің шамдарынан аздап өзгешелігі бар.

Алдыңғы жарық жүйесіне келер болсақ, жаңа Mazda CX-5-те тек шамдардың пішіні ғана емес, күндізгі жарық шамдарының ішкі графикасы да өзгергені анық байқалады. Радиатор торының өлшемі мен құрылымы алғашқы буындағы CX-5 үлгісіне ұқсайды.

Мемлекеттік базадан қазақстандықтардың жеке деректерін заңсыз алып, таратумен айналысқан 140 адам ұсталды. Бұл туралы Ішкі істер министрлігінің баспасөз қызметі хабарлады.

«ІІМ-нің киберқылмысқа қарсы іс-қимыл департаменті Ұлттық қауіпсіздік комитетімен бірлесіп, қазақстандықтардың жеке мәліметтерін интернетте заңсыз сатқан қылмыстық топтың жолын кесті», – деп хабарлайды баспасөз қызметі.

Деректер коллекторлық компанияларға берілген

Баспасөз қызметінің мәліметінше, деректер мемлекеттік базалардан заңсыз алынған. Заңсыз жолмен алынған бұл деректер Telegram арналары арқылы таратылып отырған. Ең қызығы, құзырлы органдар тексеру кезінде кейбір коллекторлық компаниялардың осы арналардан азаматтардың жеке деректерін сатып алғанын анықтаған.

Тексеру жұмыстарының нәтижесінде құзырлы органдар 140-тан астам...

Абай облысының тұрғындары Rakhat0425 қаржы пирамидасына 790 млн теңгені салып жіберген. Пирамида ұйымдастырушылар 30 пайыздық дивиденд уәде еткен. Қаржы мониторингі агенттігі қаржы пирамидасының қызметін тоқтатты.

Тергеу мәліметіне сәйкес, ұйымдастырушылар азаматтарға мемлекеттік сатып алуға қатысы бар жалған инвестициялық жобаны ұсынып, 30% көлемінде пайда (дивиденд) уәде еткен. Осы уәдеге сенген 350-ден астам адам жалпы сомасы 790 млн теңгеден астам қаржысын салған.

Оған қоса, күдіктілер кейбір азаматтарды пәтерін нарықтағы құнынан әлдеқайда төмен бағамен беруге көндірген. Кейін бұл жылжымайтын мүлік үшінші тұлғалардың атына рәсімделіп, «инвестициялық жарна» ретінде көрсетілген.

Қазіргі таңда екі күдікті қамауға алынып, тағы бір адамға үйқамақ түрінде бұлтартпау шарасы қолданылды.

Тергеу жалғасып...

2025 жылы елдің аграрлық саласын қолдауға 700 млрд теңге жұмсалған. Бұл туралы Үкіметтің баспасөз қызметі хабарлады.

«Үкімет Мемлекет басшысының тапсырмаларын жүзеге асыру аясында, егіс және орақ жұмыстарын жүргізуге арналған жеңілдетілген несиелеу көлемін арттыру мақсатында 2025 жылға 700 млрд теңге бөлді», – делінген баспасөз хабарламасында.

Бұдан бөлек, ауыл шаруашылығы техникасын жеңілдетілген лизинг арқылы рәсімдеуге 250 млрд теңге бөлінген. Бұл қаражат шаруалардың жылдық 5% мөлшерлемемен қолжетімді несие алуына жағдай жасаған.

Қаражат қандай арналардан берілді?

Қаражат шаруаларға жетуі үшін Үкімет арнайы жүйе қалыптастырған. Қаржы арнайы алты арна арқылы бөлініп отырған. Олар: