Жаңалықтар

Астанада BIG Шанхай базарындағы өрт салдарынан 300-ден астам кәсіпкер зардап шекті. Сауда министрі Арман Шаққалиевтің айтуынша, шығынның нақты көлемі әлі анықталып жатыр. Кәсіпкерлер уақытша басқа базарға көшірілді.

Министрдің айтуынша, қазір шығын мөлшерін есептеу жұмыстары жүргізіліп жатыр, ол үшін арнайы топ құрылған.

«Арнайы топ ішінде бізден басқа да органдар бар. Тергеу шаралары жүргізіліп жатыр. Қазірге дейін өрттің нақты себептері анықталған жоқ. Өрттің неден шыққанына қарай азаматтық-құқықтық жауапкершілік, кінәлі тұлғалардың қылмыстық жауапкершілігі де айқындалады», – деді Шаққалиев.

Министр сондай-ақ тамыздың соңында өрт қауіпсіздігіне қатысты заңнамаға жаңа нормалар күшіне енетінін айтты.

«Міндетті түрде...

1 тамыздан бастап Қазақстанда Geely маркасының екі моделі айтарлықтай арзандағаны байқалады. Танымал Emgrand седаны мен шағын Coolray кроссовері тиісінше 2,6 млн және 3,8 млн теңгеге арзандады. Бағалар барлық жиынтықтарға қатысты төмендегенін брендтің ресми дистрибьюторы растады.

Дистрибьютор директоры Регина Амерханова бағаның түзетілуі дистрибьютор мен автозауыттың бірлескен бағдарламасы аясында қабылданғанын айтады.

«Қазіргі нарықтық жағдайда көптеген автоконцерндер бағаларын көтеріп жатқанда, біз керісінше, заманауи әрі технологиялық Geely көліктерін барынша көп адамға қолжетімді етуді көздеп отырмыз», – деді ол.

Енді 2025 жылғы Emgrand бағасы 7,7 млн-нан 9,8 млн теңге аралығында болады. Ал жаңа Coolray 9,9-дан бастап 12,2 млн теңге дейін

Әйгерім Қалаубаева Нұрлан Әлімжановпен қандай қарым-қатынаста екенін айтты. Бұған жұлдыздарды жұрттың айыптай бастауы түрткі болды.

Тіпті, жұлдыздардың отбасына, балаларына аяушылық білдіргендер де табылып жатыр.

Әйгерім Нұрланға ғашық па?

Бұған екі әншінің әлеуметтік желідегі бірге түскен бейнежазбалары мен фотоларын жиі жариялауы түрткі болды. Ресми парақшаларындағы бейнежазбаларға қарағанда, Әйгерім Қалаубаева өзін әнші әрі актер Нұрлан Әлімжановқа ғашық секілді көрсетеді.

Актермен бірге түскен фотоларын жариялап, астына «күнім», «алтыным», «шапағатым», «махаббатым» деген сөздерді жазады.

Тіпті, жұрттың көбі екі жұлдыздың жарасымды жұп екенін айтып, бақыт тілеп жатқандар аз емес.

«Не ойларымызды білмей қалдық»

Десе де, Әйгерім Қалаубаева мен Нұрлан Әлімжановты...

Цифрлық даму, инновациялар және аэроғарыш өнеркәсібі вице-министрі Дмитрий Мун министрлік не себепті ұялы байланыс операторларының тарифтерінің өсуіне шектеу қоя алмайтынын түсіндірді.

Оның айтуынша, 2017 жылдан бері байланыс қызметтері бойынша тарифтер реттелмейді, сондықтан олар бәсекелі нарық жағдайында қалыптасады.

«Біз білетіндей, Бәсекелестікті қорғау және дамыту агенттігі операторларға тарифтерінің құрамын көрсету жөнінде хабарламалар жіберді – бұл ретте қоғамдық тыңдаулар мен тиісті рәсімдер ережелерге сәйкес өткізілуі тиіс. Ал министрлік тарапынан қазіргі таңда біздің құзыретіміз шеңберінде тарифтердің өсуіне шектеу қою мүмкін емес. Тарифтерді реттеу функциясы Бәсекелестікті қорғау және дамыту агенттігінің құзыретіне кіреді», – деді Дмитрий Мун.

Дмитрий Мун байланыс сапасын...

Қазақстан үшін құрлық арқылы байланыс орнатудың маңызы арта түседі. Бұл туралы президент Қасым-Жомарт Тоқаев Теңізге шығар жолы жоқ дамушы елдерге арналған Біріккен Ұлттар Ұйымының үшінші конференциясында айтты, деп хабарлады Ақорда.

«Қазір теңізге шығар жолымыз болмағанымен, келешекте амалын табамыз. Яғни құрлық арқылы байланыс орнатудың маңызы арта түседі. Біздің өңірдің әлеуметтік-экономикалық дамуы орнықты. Саяси ерік-жігер, стратегиялық инвестиция мен халықаралық серіктестік болса, теңізге шығатын жолдың жоқтығы кедергі емес, керісінше, өсімге ынталандырады. Орталық Азия өзара тиімді ықпалдастық қанат жайған аймаққа айналғанына куә болып отырмыз. Өңірдің сауда, инвестиция, көлік, байланыс және ресурстарды орнықты басқару салаларында даму әлеуеті жоғары», – дед...

2026 жылдан бастан 1-2 теңге әлеуметтік қарыз бен бес тиын өсіппұл үшін есепшот бұғатталмайды. Келер жылдан күшіне енетін Салық кодексінде осындай өзгеріс енгізілген. Мемлекеттік кірістер комитеті Аудит департаментінің Берешекпен жұмыс басқарма басшысы Қайсар Арынның айтуынша, бұрын Әлеуметтік кодекс бойынша 1 теңге қарызы болса да, есепшоты жабыла беретін.

2026 жылдан төлегенбеген әлеуметтік қарыз 6 АЕК, яғни 23 592 теңгеден асса ғана есепшот бұғатталады. Әлеуметтік қарыз деген – міндетті зейнетақы жарнасы мен әлеуметтік сақтандыру, медициналық сақтандыру үшін төленбеген ақша. Бұл өзгеріс Әлеуметтік кодекске енгізілген.

Ал жаңа Салық кодексіне сәйкес, салық берешегі 20 АЕК-тен (78 640 теңге) аспаса, өсімпұлмен бірге ескерту жіберіледі. Ал...

Камчатка түбегі қуатты жер сілкінісі салдарынан 2 метрге ойысты. Бұл туралы РБК басылымы Ресей ғылым академиясының геофизика қызметінің мәліметіне сүйене отырып хабарлайды.

«Жердің айтарлықтай сейсмикалық ойысуы 30 шілдеде түбектің оңтүстік бөлігінде байқалды», – деп мәлімдеді ғалымдар.

Ресей ғылым академиясы (РҒА) геодинамика бақылауы нәтижесінде осындай қорытындыға келіп отыр.

«Бәріміз оңтүстік-шығысқа қарай әжептәуір жерге көшіппіз», – дейді РҒА өкілдері

Естеріңізге сала кетейік, 30 шілдеде Ресейдің Камчатка түбегі жағалауында магнитудасы 8,8 балл жер сілкінісі болды. Қуатты дүмпу биіктігі 4 метрге жететін цунами туғызды. Тынық мұхитқа шектесетін елдер мыңдаған адамды эвакуациялады.

Жер сілкінісі одан...

Қазақстанда тауарларға міндетті таңбалау жүйесі кеңейтіледі. Енді бұл талап мотор майлары, сыра, зергерлік бұйымдар мен биологиялық белсенді қоспаларға (ББҚ) да қолданылмақ. Бұл шаралар елге контрафакт өнімдердің әкелінуіне жол бермеу мақсатында қолға алынып отыр.

Сауданы цифрландыруға арналған Үкімет отырысында Сауда және интеграция министрі Арман Шаққалиев көлеңкелі экономикамен күресу қажеттігін атап өтті. Оның айтуынша, көлеңкелі айналым адал бәсекеге кедергі келтіріп, кәсіпкерлерді табысынан айырады. Осыған байланысты таңбалануға тиіс тауарлар тізімі кеңейтілетін болды.

2025 жылдың соңына дейін Қазақстанда мотор майлары міндетті түрде таңбаланады. 2026 жылдың ақпанына дейін  сыра, наурызға дейін жеңіл өнеркәсіп тауарлары, ал желтоқсанына дейін зергерлік бұйымдар таңбаланатын болады. Ал 2027 жылдан бастап...

Қазақтар Ресей мен Қытайды құрып кетуден сақтап қалған. Қазақтар қарсы тұрмағанда, қуатты Жоңғар империясы Еділ бойына жетер еді.

Ресейлік тарихшы Саврамат осындай пікір айтты. Оның айтуынша, Шығыс Еуропа тарихы онда мүлде басқаша өрбуі мүмкін еді.

Савромат әлеуметтік желіде түрлі тарихқа қатысты пікірлерін айтып жүр.

«Жоңғарларды кеудесін тосып тоқтатты»

«Егер жоңғарлар бүкіл қазақ даласын бағындырса, көлемі жағынан Шыңғысханның империясына пара-пар, Еділден моңғол Алтайына дейін созылып жатқан империя пайда болушы еді. Шығыс Еуропаның, тіпті Қытайдың да тарихы қатты өзгерер еді. Бұлай болмады. Өйткені, қазақтар қаптаған жоңғарларды кеудесін тосып тоқтатты», – дейді тарихшы.

Қылмыстық-процестік кодексте қорғалуға құқығы бар куәнің құқығына қатысты өзгерістер енгізілді. Бұл туралы Конституциялық сот хабарлады.

Заңға сәйкес, қорғалуға құқығы бар куә – қылмыстық құқық бұзушылық туралы арызда және хабарда оны жасаған адам ретінде көрсетілген, қылмыстық процеске қатысатын куә оған қарсы айғақ берген, бірақ күдікті деп тану туралы қаулы шығарылмаған адам. Демек, кей жағдайда қорғалуға құқығы бар куә күдіктіге айналуы мүмкін.

Конституциялық сот бұған дейін қорғалуға құқығы бар куәлар мемлекет кепілдік берген заң көмегін алуға құқығы бар адамдар тізіміне қосылмағанына назар аударған. Сондай-ақ олардан жауап алу нормасы қарастырылған Қылмыстық-процестік кодексінің 217-бабын талдаған. Нәтижесінде қорғалуға құқығы бар куәге қатысты...

Сауда және интеграция министрі Арман Шаққалиев АҚШ президенті Дональд Трамптың Ресейдің сауда әріптестеріне де санкция салатыны туралы мәлімдемесіне жауап берді.

5 шілдеде Астанада үкімет отырысынан кейінгі баспасөз конференциясында сауда министрі Арман Шаққалиев журналистермен тілдесті. Брифингте шенеунікке Трамп мәлімдемесі туралы да сауал қойылды.

«Ресей біздің ірі сауда серіктесіміз. Онымен әрі қарай жұмыс істей береміз. Ал енді санкцияларды айналып өтетін схемалар бар болса, бізге қатысты сауал туындайды. Ондай мәселе жоқ. Еуроодақпен де, АҚШ-пен де диалог орнатып отырмыз», – деп мәлімдеді Шаққалиев.

Министрдің айтуынша, Қазақстан саудаға қатысты халықаралық міндеттерін толық орындап отыр. Республиканың мақсатымыз – осы міндеттерді бұзбай сақтау.

Алтай таулары– пантысы және марал шаруашылығымен аты шыққан өңір. Соңғы жылдары бұл салаға қызығушылық еліміздің оңтүстік өңірлерінде де артып келеді. Соның жарқын мысалы Алматы облысы, Қаскелең аңғарындағы «Алатау-Маралы» шаруашылығы. Бұл – Іле-Алатау ұлттық паркінің Қасымбек сайында орналасқан, еліміздегі оңтүстік аймақтарда марал өсірумен айналысатын жалғыз кешен.

Шаруашылықты 2003 жылы кәсіпкер Кеңес Қайырханұлы құрған. Ол уақытта 60 бас маралды Шығыс Қазақстандағы Катонқарағай мен Зайсан өңірлерінен арнайы КамАЗ жүк көлігімен Алатауға жеткізген. Сол кезде марқұм Заманбек Нұрқаділовтің қолдауымен ұлттық парктен жер жалға алынып, Қаскелең шатқалында марал өсіру ісі басталды. Бүгінде марал саны 150-ге жетіп отыр. Шаруашылықта маралдардың табиғи жағдайы сақталған, олар таулы, орманды...

Қолданыстағы Салық кодексінде кәсіпкердің салық және кеден берешегін – дебитор, яғни өзіне қарыз компания есебінен өтеуі қарастырылған. Ол үшін салық төлеуші салық органына өзіне қандай компания қанша қарыз екенін толтырып өтініш тапсыруы керек. Соның негізінде салық органдары дебиторға хабарлама жібереді.

Дебитор деген әр салық төлеушінің контрагенті. Мемлекет алдында салық берешегі бар бизнес өкілі қызмет көрсетсе немесе тауар жеткізсе, сол қызметі үшін ақысын алмаса, екінші тарап дебитор саналады.

Мемлекеттік кірістер комитетінің Аудит департаменті Берешекпен жұмыс басқармасының басшысы Қайсар Арынның түсіндіруінше, салық органдары тек салық берешегіне тең соманы ғана өндіріп бере алады.

«Мысалға, сізге бір...

Енді ауыр босанған әйелдер пансионатқа барып, толық күтіне алады. Сол үшін елімізде оңалтуға арналған «Салауатты Ана» пансионаттары ашылып жатыр. Бұл туралы  Денсаулық сақтау министрі Ақмарал Әлназарова айтты.

«Шалғайдағы ауылдық мекендердегі  тәуекелі жоғары қауіп тобындағы жүкті әйелдерді алдын ала емдеуге  жатқызу, сондай-ақ асқынған босанудан кейінгі кезеңде әйелдерді оңалтуға арналған «Салауатты Ана» пансионаттары ашылуда»,–деп мәлімдеді министр Үкімет отырысында.

Әлназарова пансионаттар қазірдің өзінде Түркістан, Шығыс Қазақстан, Ақмола облыстарында ашылып, жүктілерге қызмет көрсетіп жатқанын айтады. Министр басқа өңірлердің әкімдеріне де жыл соңына дейін облыс орталықтарында осындай пансионат ашу мәселесін шешуді сұрады.

Сондай-ақ министр Қазақстанда ана мен нәресте өлімі азайып келе жатқанын айтты...

«City Transportation Systems» ЖШС Астана қаласындағы жеңіл рельсті көлік желісінде жұмыс істейтін пойыз операторларына (машинист) қосымша қабылдау басталғанын хабарлады.

Машинистердің негізгі міндеті:

Жұмыс жағдайы:

Оқу нәтижесі бойынша LRT басқаруға арналған халықаралық үлгідегі сертификат беріледі. Оқу Астана қаласында жүргізіледі. Мерзімі – 8 ай.

Бағдарлама мамандандырылған компанияларды жұмысқа...

Қазақстанда ана мен нәресте өлімі азайып келе жатыр. Қайғылы жағдайлардың төмендеуіне Дүниежүзілік денсаулық сақтау ұйымы (ДДҰ) мен ЮНИСЕФ-тің перинаталдық көмекті өңірлендіру және ана қауіпсіздігін қамтамасыз етуге бағытталған тиімді технологиялары бойынша ұсыныстарын енгізу себеп болып отыр.

Денсаулық сақтау министрі Ақмарал Әлназарованың мәліметінше, 2024 жылы ана өлімінің көрсеткіші 12%-ға төмендеген (100 мың тірі туған нәрестеге шаққанда 10,1 жағдайды құрады). Ал нәресте өлімі 11%-ға азайды (1000 тірі туған сәбиге шаққанда 6,88 жағдай).

2025 жылдың алғашқы алты айының қорытындысы да жағымды. Осы кезеңде ана өлімінің көрсеткіші тағы 10%-ға, ал нәресте өлімі бірден 26%-ға төмендеген.

Айта кетейік елімізде кесар тілігі арқылы бала туу көбейді. Мәселен...

Елімізде бір жыл бұрын балаларға буллинг жасағандарға жаза енгізілді, алайда кінәлілерге айыппұл салу жағдайы сирек кездеседі. Көп жағдайда іс ескерту жасаумен аяқталады, ал кінәлілер мен олардың ата-анасы жазадан жалтарып кетеді.

Ескертумен шектеліп жатыр

Бас прокуратураның құқықтық статистика және арнайы есепке алу жөніндегі комитетінің мәліметінше, 2024 жылдың маусымынан желтоқсанына дейін елде әкімшілік құқық бұзушылық туралы кодекстің 127-2-бабы «кәмелетке толмағанды жәбірлеу» бойынша 184 әкімшілік құқық бұзушылық тіркелген. Ал 2025 жылдың алты айында мұндай 202 құқық бұзушылық анықталған.

Ranking.kz сарапшыларының мәліметінше, балаларға жасалған буллингте айыпталушының кінәсі дәлелдене бермейді, әкімшілік іс бойынша жаза тағайындалмайды.

«2025 жылдың қаңтар-маусымы...

Әлемдік жұлдыз Дженнифер Лопес Астанадағы киген сахналық образдарын отандық дизайнерлер дайындады. Бұл жаңалықты дизайнер Зияда Бекбасова мен Алтынай Ракишева Jibek Joly арнасындағы «Бүгін LIVE» бағдарламасында айтты.

Концерт ұйымдастырушылары бізге Джей Ло командасымен жұмыс істеуді ұсынды. Бұл біз үшін үлкен мәртебе. Ұсынысты бірден қабылдадық, – деді Зияда Бекбасова.

Джей Ло командасы қазақстандықтардың кәсібилігіне көз жеткізген соң, тек бишілер мен музыканттарға ғана емес, әншінің өзіне арналған сахналық костюмдерді де сеніп тапсырған.

Барлық образдарды толықтай дайындадық. Бэк-вокалистер, бишілер мен музыканттарда әрқайсысында 5–6 костюм болды. Кейін олар бізге Джей Лоның костюмдерін де сеніп тапсырды...

Атыраулық ардагер ұстаз 14 жыл бұрын өзіне берілген пәтерді сот арқылы жекешелендіру құқығына ие болды. Бұл туралы Жоғарғы соттың баспасөз қызметі хабарлады.

Оқиғаның мән-жайы

2011 жылы педагогке мемлекеттік тұрғын үй қорынан көлемі 68,3 шаршы метр болатын екі бөлмелі пәтер жалға берілген. Кейін пәтерді жекешелендіру кезінде Тұрғын үй инспекциясы бөлімі оның бұрын басқа тұлғаға аударылған мүлкі болғанын алға тартып, пәтерді жекешелендіруден бас тартқан.

Балалар үйінің түлегі болып саналатын педагог Тұрғын үй инспекциясының бұл шешіміне шағымданып, сотқа жүгінген. Белгілі болғандай, оған бұрын жер телімі беріліп, ол жерге 20 шаршы метр болатын шағын үй салған. Бірақ үйді салып бітіруге ақшасы...

2025 жылғы 1 тамыздан бастап Қазақстанда сұйытылған мұнай газының (автогаз) бөлшек саудадағы төменгі бағасы қымбаттады. Бұл туралы Энергетика министрлігінің бұйрығында айтылды. Құжат Үкіметтің заңнама банкінде жарияланды.

Энергетика министрі Ерлан Ақкенженов қол қойған құжатқа сәйкес, автогаз бағасы Астана мен Алматы қалалары үшін 9,8%-ға қымбаттап, бір литрі 102 теңгеден 112 теңгеге дейін көтерілді. Шымкент қаласы үшін 13,3%-ға артып, 102 теңге болды. Ақтөбе, Атырау және Батыс Қазақстанда автогаздың литрі 85 теңге тұрады. Ең арзан баға Маңғыстау облысында – 72 теңге.

Қазақстанның ірі қалалары мен өңірлеріндегі автогаз бағасы қалай өзгергенін төмендегі кестеден біліңіз:

Сонымен бірге Энергетика министрлігі сұйытылған мұнай газының көтерме бағасын...

Қазақстанда шағын және орта бизнестің (ШОБ) тауарды шетелден көтерме бағамен сатып алуын жеңілдететін жаңа онлайн-платформа іске қосылады. Бұл туралы Үкімет отырысында Сауда және интеграция министрі Арман Шаққалиев мәлімдеді.

Министрдің айтуынша, жаңа платформа шетелдік ірі жеткізушілермен, соның ішінде JD.com мен Alibaba Group компанияларымен тікелей байланыс орнатуға мүмкіндік бермек. Сол үшін цифрлық шешімдер енгізіледі.

Жобаны толық іске асыру үшін Қазақстан мен Қытай үкіметтері арасындағы келісімге өзгерістер енгізу мәселесі қаралып жатыр. Сонымен қатар, шетелден әкелінетін тауарларды сертификаттауға байланысты техникалық кедергілерді жою жоспарланған.

«Платформаны толық іске асыру үшін сертификаттау рәсімдеріндегі техникалық кедергілерді жою мәселесі пысықталуда және Қазақстан мен...

Түркістан облысы әкімдігіне қарайтын Түркістан халықаралық әуежайының жылдық шығыны – 3 млрд теңге болса, кірісі 1,4 млрд теңге. Әуежай әзірге өз шығынын өзі өтей алмай тұр. Әкімдік әуежайды дамыту мен табысын арттыру мақсатында сенімгерлік басқаруға компания іздеп жатыр. Бұған дейінгі вьетнамдық «Sovico Group» компаниясы өз еркімен басқарудан бас тартқан.

Түркістан облыстық жолаушылар көлігі және автомобиль жолдары басқармасы қоғамдық тасымалды дамыту бөлімінің басшысы Байдәулет Байкөзиевтің айтуынша, Kursiv.Media вьетнамдық «Sovico Group» компаниясы әкімдікке өз компаниясын дамытатынын, Түркістан халықаралық әуежайын сенімгерлік басқаруға алудан өз еркімен бас тартатыны туралы хабарлама берген. Қазір қосымша сенімгерлік басқаруға беру үшін бірнеше компаниялармен келіссөздер жүргізіліп жатыр. Олардың ішінде...

Маңғыстау облысының орталығы – Ақтау қаласында халықаралық стандартқа сай жаңа стадион салынады. Бұған қоса, Кендірліде әуежай пайда болады. Премьер-министрі Олжас Бектенов өңірде туризмді дамытуды көздейдін қаулыға қол қойды.

Үкімет «Маңғыстау» туристік аймағын дамытудың 2025–2029 жылдарға арналған кешенді жоспарын бекітті.

Құжатта 9 бағыт бойынша салалық мәселелерді жүйелі шешу қарастырылған. Оның ішінде: инфрақұрылымды дамыту, логистика, цифрландыру, қауіпсіздікті қамтамасыз ету, кадр даярлау, инвестициялық жобаларды ілгерілету және басқа да бағыттар бар. Жоспарды жүзеге асыру кезеңінде жүзден астам іс-шара ұйымдастырылады.

Кендірліде әуежай салынады

Болашағы зор 12 нысанның ішінде өңірдегі туризмді дамытудың негізгі бағыттарының бірі деп Кендірлі аймағы белгіленді. Инфрақұрылым мәселелерін шешу...

Алматы полициясы 83 жастағы Амантай қажыға қатысты қылмыстық іс қозғады, деп хабарлайды KursivMedia.

Бұған дейін әлеуметтік желіде Амантай қажы Асылбековтің әйелді баспалдақтан итеріп жіберген видеосы тарады.

Сол жағдай бойынша Алмалы ауданы полиция басқармасы қылмыстық кодекстің 107-бабы (денсаулыққа қасақана ауырлығы орташа зиян келтiру) бойынша қылмыстық іс жүргізіп жатыр.

Дене жарақаттарының ауырлық дәрежесін анықтау мақсатында сот-медициналық сараптама тағайындалды.

Қылмыстық іс бойынша тергеу шаралары жүргізілгеннен кейін процессуалдық шешім қабылданады.

Айта кетейік, күдіктінің кінәсі дәлелденсе, оған 1000 АЕК-ке дейін айыппұл салады не 2 жылға дейінгі мерзімге бас бостандығынан айырылады.