Жаңалықтар

Қыркүйекте республика аумағында ауа райы салқын болады. Синоптиктердің болжамына сәйкес, ауа температурасы төмендеп, республиканың оңтүстік-шығысы мен шығысындағы таулы аудандарда жауын-шашын жаууы мүмкін.

Алғашқы онкүндікте Қазақстанның басым бөлігінде ауа райы құбылады. Жаңбыр жауып, кей жерде қатты жаңбыр жаууы мүмкін. Найзағай ойнап, бұршақ жауады, жел соғады.

Солтүстік, орталық және шығыс өңірде үсік жүруі ықтимал. Түнде және таңертең тұман түседі деп болжанған.

Айдың басында еліміздің батысында ауа температурасының түнде +15…+20°С, оңтүстікте +23°-тан +8…+15°С-қа дейін, күндіз +32…+37°С-тан +18…+25°С-қа дейін төмендейді,

Содан кейін ауа температурасы түнде +12…+18°С, күндіз +25…+30°С, оңтүстікте +35°С-қа дейін жоғарылайды.

Республиканың оңтүстік-батысында ауа температурасы күндіз +32…+40°С дейін көтеріледі.  Онкүндіктің ортасына қарай +25…+30°С-қа дейін түсед...

Әлеуметтік желіде Air Astana ұшағы ішінде болған жағдайдың видеосы тарады. Ол жерде жолаушылар ұшақ әуеге көтерілген сәтте ішінде түсініксіз дыбыс естілгенін айтқан. Араға 30-40 минут салып, ұшақ төмендей бастаған.

Әуекомпанияның баспасөз қызметі ұшаққа тексеріс жүргізіліп жатқанын мәлімдеді.

«31 тамызда КС 859 рейсін орындаған экипаж Алматыдан Ақтауға жақындаған кезде техникалық ақау туралы хабарлап, нұсқаулыққа сәйкес қонуға рұқсат сұраған. Осыдан кейін ұшақ қауіпсіз биіктікке төмендеп, Ақтау әуежайына...

Ересектердегі гипербелсенділік пен зейін жетіспеушілігі синдромы (синдром дефицита внимания и гиперактивности) жүйке дамуының бұзылғанын көрсетеді. Көп жағдайда бұл бала кезден байқалады, сондықтан оны көбіне «балалар арасындағы проблема» деп есептейді. Алайда бұл синдром көп жағдайда адам бойында өмір бойы қалады. Медициналық статистика бойынша, дүние жүзінде ересектердің шамамен 5%-ы, сондай-ақ балалардың да осынша пайызына гипербелсенділік пен зейін жетіспеушілігі синдромы қойылған.

Бұл қандай синдром?

Гипербелсенділік пен зейін жетіспеушілігі синдромы адамның мінезі жаман екенін, не болмаса тәрбиеде жіберілген қателікті білдірмейді. Бұл жағдайда адамның миы қалыпты жағдайдан басқаша жұмыс істейді, оны ерік-жігерді қосып өзгерту мүмкін емес. Қазірге дейін ғалымдар бұл...

Қасым-Жомарт Тоқаев Өзбекстан президентіне құттықтау жеделхатын жолдады. Мемлекет басшысы Шавкат Мирзиёев пен бауырлас халықты Өзбекстан Республикасының Тәуелсіздік күнімен құттықтаған.

Ақорданың хабарлауынша, президент Шавкат Мирзиёевтің қуатты әрі беделді басшылығымен Өзбекстан әлеуметтік-экономикалық дамуда, азаматтардың әл-ауқатын арттыруда және халықаралық аренада ұлттық мүддесін ілгерілетуде таңғаларлық табысқа жеткенін атап өтті.

«Қазақстан Өзбекстанның стратегиялық серіктесі және сенімді одақтасы ретінде Сіздің еліңізбен сан қырлы мемлекетаралық байланысты одан әрі тереңдетуге баса мән береді. Қазақ-өзбек қарым-қатынасы ғасырлар бойы жалғасқан достық, тату көршілік және өзара қолдау рухында дами беретініне сенімдімін. Бұл бауырлас халықтарымыздың игілігіне қызмет етіп, сондай-ақ Орталық Азиядағы тұрақтылық пен қауіпсіздікті қамтамасыз етуге септігін...

Қаржы мониторингі агенттігі Сұлтан Махмадовқа қатысты іс қозғалғанын растады.

Агенттіктің хабарлауынша, «БМ» ЖШС мен онымен байланысы бар өзге де компаниялар басшылығына қатысты тергеу жүргізіліп жатыр.

Олар қылмыстық топ құрып, заңсыз кәсіпкерлік қызметпен айналысқан деген күдікке ілінген.

Тергеу дерегіне сай, Махмадов Сұлтанның басшылығымен әрекет еткен ұйымдасқан қылмыстық топ міндетті лицензиясыз Жамбыл облысы аумағында акцизделетін өнім – этил спиртін жаппай өндіру, сақтау, тасымалдау және өткізу қызметін жүргізген.

Айта кету керек, Махмадов 2010 жылы дәл осындай қылмысы үшін сотталған.

Заңсыз әрекетті жасыру мақсатында күдіктілер өз жұмысын биоэтанол мен мал азығына арналған қоспаларды заңды түрде өндіру ретінде көрсеткен. Алайда іс жүзінде серіктестік аумағында...

Ауғанстанның шығысында болған жер сілкінісі салдарынан жүздеген адам қаза тапты, мыңнан аса адам жарақат алды. Бұл туралы AP жазды.

Редакцияның хабарлауынша, жер сілкінісінен 610 адам қаза тапқан, тағы 1300 адам жараланды.

Магнитудасы 6,0 жер сілкінісі жексенбі кешке Кунар провинциясындағы қалаларда, көршілес Нангархар провинциясындағы Джелалабад қаласының маңында болған. Салдарынан көптеген ауыл қираған.

Дүмпу сағат 23:47-де болған.

Ауғанстанның ішкі істер министрлігінің өкілі Associated Press агенттігіне Кунар провинциясында 610 адамның қаза тапқанын, 1300 адамның жарақат алғанын растаған.

Бұған дейін Қасым-Жомарт Тоқаев Шанхай ынтымақтастық ұйымы елдерін Ауғанстанға гуманитарлық, техникалық көмек көрсетуді жалғастыруға шақырды. 

Павлодарда ер адам өзін өртемек болған. Бұл туралы жергілікті Pavlodatnews.kz хабарлады.

Редакция бұл жағдайға қатысты полицияның қылмыстық іс қозғағанын жазды.

«31 тамызда Павлодар қаласындағы «Жайлау» базарында жалға алушы ер адам өзін-өзі өртеуге тырысқан. Алдын ала мәліметтер бойынша, бұған жалдау ақысына байланысты мәселе себеп болған», – делінген ақпаратта.

Полиция ер адамның жағдайы қазір тұрақты екенін мәлімдеген.

Айта кетейік, 25 тамызда «Т-1» терминалында ер адам өзін өртемек болған. Оқиға орнына жедел жеткен полиция мен қауіпсіздік қызметі өртті сөндіріп, ер адамға алғашқы көмек көрсеткен.

АҚШ президенті Дональд Трамптың соғысып жатқан Ресей мен Украинаны бітістіру жолындағы әрекетін жақында кейбір сарапшылар «көзін тарс жұма ұшып бара жатқанның» қылығына теңеп баға берген. Олардың айтуынша, Трамп осынау күрделі істе сарапшылар мен барлаушылардың ақыл-кеңесін керек қылмай, кәсіби мамандардың талдауын елемей, «бәрін өзім қатырамын» деген ұстаныммен баса-көктеп қимылдап бара жатыр. 

Дәстүрді бұзған

Қалыптасқан дәстүрді, тәртіпті бұзу, аяқасты ету – Трамптың бұрыннан, бизнесте жүрген кезінде-ақ қалыптасқан қолтаңбасы.

Қолтаңба демекші, оның ресми құжаттарға қолды әдеттегідей сиялы қаламмен емес, жуан қара маркермен қоятынын байқаған шығарсыз. Бұны кезінде өзі: «Бұрын сиялы қалам менде де болған, өзі удай қымбат, біра...

Қазақстан президенті Қасым-Жомарт Тоқаев Шанхай ынтымақтастық ұйымы елдерін Ауғанстанға гуманитарлық, техникалық көмек көрсетуді жалғастыруға шақырды. Сол арқылы бұл мемлекетті қалпына келтіріп, өңірлік және экономикалық процестерге қатыстыруға болады.

«Халықаралық қауіпсіздікке төнген мұндай сын-қатерлерге, соның ішінде «үш зұлымдыққа» қарсы бірлесіп қана күресе аламыз. Сондықтан Қазақстан ШЫҰ-ның қауіпсіздік сын-қатерлерімен күрес жөнінде төрт орталық құру бастамасын қолдайды. Шанхай ынтымақтастық ұйымы мен Азиядағы өзара сенім шаралары жөніндегі кеңес арасында іскерлік байланыстарды күшейту маңызды деп ойлаймыз.

ШЫҰ елдерін Ауғанстанға гуманитарлық, техникалық көмек көрсетуді жалғастыруға шақырамын», – деді Тоқаев.

Айтуынша, Қазақстан Ауғанстанның бірқатар инфрақұрылымдық және логистикалық жобаларының құрылысына кірісті. Бұл ШЫ...

Қазақстанның бірінші, әлемнің 24-ракеткасы Александр Бублик АҚШ ашық чемпионатының төртінші айналымына шықты. Бұл туралы Қазақстанның теннис федерациясы хабарлады.

Қазақстандық теннисші үшінші айналымда әлемнің 14-ракеткасы, америкалық Томми Полға қарсы келді.

Бірінші партияда тай-брейкте Бублик шеберлік танытты. Екіншісінде Пол есе қайырды – 7:6 (7:4). Үшінші сетте қазақстандық теннисші брейк жасап, сол басымдылықты сақтап қалды –  6:3. Төртінші сетте тай-брейкте Пол табандылық көрсетті –  7:6 (7:5). Бесінші, шешуші партияда Бублик есепті 6:1 етті.

Үш сағат 37 минутқа созылған тартысты бәсекеде Бублик 22 эйспен бірге 9 брейк-пойнттың үшеуін құр жібермеді.

Қазақстандық теннисші ширек финалға шығу үшін әлемнің 1-ракеткасы, италиялық Янник Синнермен кортқа шығады. Бұған дейін екі теннисш...

Өткен аптада әлемдік нарықтарда негізінен оң динамика байқалды. АҚШ-тың басты индекстері — S&P 500 (+1,19%) және Dow Jones (+1,32%) өсіп, жаңа тарихи максимумдарға жақындады. Бұл өсімге екі негізгі фактор ықпал етті:

Техникалық тұрғыдан S&P 500 фьючерстері 6496 пунктке жетіп, 6500–6520 деңгейіндегі қарсылыққа таяды. Егер осы шектен өтсе, келесі мақсат 6600–6620, ал орта мерзімде экстремалды таргет 6850–6950 пункт болуы мүмкін.

Еуропадағы FTSE 100 (-1,31%) теріс...

Қазақстан президенті Қасым-Жомарт Тоқаев Шанхай ынтымақтастық ұйымына мүше мемлекеттер басшылары кеңесінің отырысында сөз сөйледі. Ақорданың хабарлауынша, мемлекет басшысы экология саласындағы ықпалдастықты маңызды міндет деп атады.

«Климат өзгерісі шекара таңдамай, әлемнің көптеген елі мен өңіріне қауіп төндіріп отыр. Нақты қатерлерге, мәселен, шөлейттенуге, құрғақшылыққа, су қоймаларының тартылуына, мұздықтардың еруіне және басқа да экологиялық мәселелерге қарсы күрес стратегиясын бірлесе әзірлеу өзекті. Сондықтан Қазақстанда Шанхай ынтымақтастық ұйымының Су мәселелерін зерттеу орталығын ашуды қолдаймыз», – деді Қасым-Жомарт Тоқаев.

Президент келесі жылы Шанхай ынтымақтастық ұйымының құрылғанына 25 жыл толатынын еске салды.

«Халықтарымыздың игілігі жолында шын мәнінде...

1 қыркүйек – Білім күні. Соған орай оқу-ағарту министрі Ғани Бейсембаев ұстаздар мен оқушыларды құттықтады.

Айтуынша, Қазақстанның түкпір-түкпіріндегі 8 мыңнан астам мектеп 4 миллион оқушыға өз есігін айқара ашады. Оның ішінде бірінші сыныпқа 360 мыңнан астам бала барады.

«Оқушылар мен олардың ата-аналарын осы маңызды күнмен шын жүректен құттықтаймын! Өткен оқу жылы ұстаздарымыз бен оқушыларымыз үшін толағай табыстарға толы болды. Ел мектептерінде еңбек етіп жүрген 600 мыңға жуық мұғалімнің тынымсыз еңбегінің арқасында біз биік белестерді бағындырдық. Қазақстандық оқушылар халықаралық білім сайыстарында мыңнан аса медаль иеленді, оның ішінде 193 алтын бар. Әрбір екінші қатысушы елге жеңіспен оралды...

Президент Қасым-Жомарт Тоқаев ШЫҰ саммитіне қатысушы елдердің делегация басшыларымен кездесіп, суретке түсті.

Бұл туралы Ақорданың баспасөз қызметі хабарлады.

Тоқаев ШЫҰ саммитіне қатысушы елдердің делегация басшылары құрметіне ұйымдастырылған салтанатты қабылдау рәсіміне қатысу үшін Тяньцзиндегі «Мэйцзян» конференц-орталығында болды.

Қазақстан президентін Мемлекет басшысын ҚХР Төрағасы Си Цзиньпин мен оның зайыбы Пэн Лиюань күтіп алды.

Мұның алдында ШЫҰ саммиті алдында Бейжіңде Тоқаев пен Қытай көшбасшысы Си Цзиньпин келіссөз жүргізген болатын.

Алматы-Көкпек-Көктал тас жолында микроавтобус өртеніп кетті. 30 тамызда болған оқиғаның бейнежазбасы енді тарап жатыр.  

Өрттің неден шыққаны белгісіз. Әлі анықталу үстінде.

Десе де, бейнежазбадағы жайт көп сұрақ туғызып отыр. Өрт салдарынан кептеліс болғанын, жолаушылардың бәрі өртті сөндіруге ұмтылмай, жай ғана тамашалап тұрғанын көруге болады.

«Шопырлардың көбінде не су болмайды,не өрт сөндіргіш құрал жоқ. Не дәрі салынған құтысы жоқ. Оны ешкім тексермейді. Бұрын айыппұл салушы еді. Айналайын-ау, шопырдың өзіне керек заттар. Жолда не болатынын ешкім білмейді», – деп наразылық білдіріп жатқан оқырмандар аз емес.

«Адамдарда мейірім жоқ қазір» деп айыптаушылар да табылып отыр.

Мұның алдында

«Қайрат» футбол клубы Алматыда тарихи жетістікке жетіп, Чемпиондар лигасының негізгі кезеңіне жолдама алды. Jibek Joly арнасының «Бүгін LIVE» бағдарламасына сұхбат берген спорт коментаторлары ел футболындағы елеулі оқиға туралы айтып, ойыннан алған әсерімен бөлісті.

Ойынды 120 минут бойы тамашаладық. Кешегі түн қазақ футболының жанкүйерлері мен жанашырлары үшін мәңгі есте қалады. Өйткені көптен күткен триумфқа қол жеткіздік. 2015 жылы «Астана» футбол клубы Чемпиондар лигасының топтық кезеңіне жолдама алған еді. Міне, араға 10 жыл салып «Қайрат» бізге осындай қуанышты қайта сыйлады. Алматылық клубқа тілеулес болдық. Бірақ үмітпен қатар күдік те жүрді. Қарсыластардың гол соғатын 1-2 мүмкіндігі болды. Сол сәтте...

Қаздан қашқан бала бір күннің ішінде жұлдызға айналып шыға келді. Әлемге мәшһүр Америкалық рэпер Snoop Dogg-ті сүйсіндірді.

 Енді ол «Отбасы банкінің» жарнамасына түсіп, депозиттерін жарнамалай бастады.

Оның аты-жөні – Руслан Керей Махамбетұлы. Ақтөбелік бүлдіршін. Вирусқа айналған видеоны әкесі түсіріп алған. Бұл бейнежазба бүгін 168 000 000 қаралым жинаған.

Ол жақында 3 жасқа толады. Отбасымен бірге Ақтөбедегі Күншуақ ауданында тұрады. Әкесі — Ермек Махамбет, 30 жаста. Ол дене шынықтыру пәнінің мұғалімі болып жұмыс істейді. Жылқыларды жалға беріп, қосымша қаражат табады.

Керейдің Расул мен Тайыр атты інілері бар екен. Оның қаздан қашып бара жатқан видеосын әйгілі рэпер Snoop Dogg өзі парақшасында жариялаған...

Танымал автоблогер әрі интернет-сериал жұлдызы Артём Карокозян көпшілікке «Каха» есімімен белгілі. Ол Toyota Camry-дің артықшылығын атады.

Ол жаңа Toyota Camry XV80 үлгісінің басты артықшылықтарын атап өтті. Көп блогерлер бұл седанды бұрынғы «жетпісінші буынмен» (XV70) салыстырып, үлкен айырмашылық жоқ дейді. Бірақ Карокозян бұл пікірмен келіспейді.

Жаңа Camry: гибридті қозғалтқыштар және үнемділік

Каха пікірінше, Camry XV80-нің басты жетістігі — гибридті моторлар. Оның айтуынша, 2.0 литрлік гибрид бұрынғы 2.5 литрлік бензин қозғалтқышынан да шапшаң.

Ал 2.5 литрлік гибрид тіпті бұрынғы 3.5 литрлік мотордан да жылдам. Сондай-ақ, танымал автоблогер отын шығыны да азайғанын дәйек етіп келтіреді.

2.0 гибрид қалада...

Алматыда электроавтобустар жүретін жаңа бағыт ашылады. Қыркүйек айының 2-сінен бастап алматылықтар экологиялық көліктерге отырмақ.

Алматыда қоғамдық көлікті жаңарту және экологиялық жағдайды жақсарту жұмыстары жалғасып жатыр деп хабарлады қала әкімдігі.

Баспасөз қызметінің ақпаратына қарағанда, қалалық мобильділік басқармасы жаңа бағыт ашты. Ол электроавтобустармен қамтамасыз етілмек.

Соның бірі – №90 бағыттағы автобус Абай даңғылы бойымен жүреді. К.Медеубеков көшесінен Республика сарайына дейінгі аралықта қатынайды. Бұл жаңа бағыт Наурызбай ауданындағы Қалқаман және Шұғыла шағынаудандары тұрғындарының қатынасын жеңілдетеді.

«Бағытта ұзындығы 12 метрлік «Golden Dragon» маркалы электроавтобустар қызмет көрсетпеді. Олар дыбыссыз жүріп, салқындатқыштармен, бейнебақылау камераларымен, USB-ұяшықтарымен, жүргізушіні қадағалау жүйелерімен және өзге де заманауи құралдармен жабдықталған...

Илон Маск Еуропаның жойылып кететінін болжады. Ол Еуропадағы халық санының азаюына байланысты тағы да алаңдаушылық білдірді.

Танымал кәсіпкер және SpaceX компаниясының негізін қалаушы Илон Масктің пікірінше, туу көрсеткіші халықтың табиғи өсім деңгейіне жетпесе, құрлықтың «жойылу» қаупі бар.

«Туу көрсеткіші халықтың өзін-өзі жаңғырту деңгейіне жетпесе, Еуропа жойылады», – деп жазды Илон Маск X (бұрынғы Twitter) әлеуметтік желісінде.

Маск бұл сөздерін АҚШ сенаторы Майк Ли жариялаған статистикаға жауап ретінде айтқан. Сенатор Шотландиядағы демографиялық жағдайды мысалға келтірген. Оған сүйенсек, 2025 жылдың қаңтарынан шілдесіне дейін бұл елде 26,3 мың нәресте дүниеге келсе, 35,2 мың адам көз жұмған екен...

Мұғалімдердің жалақысы соңғы жылдары 2 есеге артты. Мектепке дейінгі білім беру ұйымдарының ұстаздарының айлығы тағы 30%-ға өскен.

Бұл туралы Оқу-ағарту министрлігінің 2024-2025 оқу жылының қорытындысы мен жаңа 2025–2026 оқу жылына қойылған міндеттерінде көрсетілді.

Қосымша үстемеақылар

Аттестация нәтижесі бойынша біліктілік санаты үшін қосымша үстемақылар төленеді. Айталық, педагог-шебер – 50%, педагог-зерттеуші – 40%, педагог-эксперт – 35%, педагог-модератор – 30%. Мектептер қағазбастылықтан арылып жатыр. Апталық оқу жүктемесі 18 сағаттан 16 сағатқа дейін азайған.

Қомақты сыйақы

Сонымен қатар, халықаралық пәндік олимпиадалар жеңімпаздарын дайындаған ұстаздарға қомақты сыйақы беріледі. «Үздік педагог» байқауының жеңімпаздарына 1000 АЕК сыйақы тағайындалады. Қазір кезде үздік ұстаздардың саны 800-ден

Сәкен Майғазиев жол апатына түсті. Оқиға Сарығаш тас жолында болған. Десе де, әнші дін аман екенін жеткізіп, алаңдаушыларды сабырға шақырды.

Бұл туралы әншінің өзі әлеуметтік желі арқылы хабарлады.

«Жол апатына болғаны рас. Сарыағашқа кетіп бара жатып кезде, үлкен жылдамдықта, қатты асығып келе жатып, бір машинемен соқтығыстық. Екі автокөлік те трассадан шығып кетті. Ең бастысы, дін аманбыз. Ешкім зардап шеккен жоқ. Адам шығыны болмады. Соған шүкіршілік етіп, тарқастық», – деді Сәкен Майғазиев.

Оның айтуынша, елді дүрліктіру үшін оқиғаны лентаға салмаған.  Жолда жүрген жолаушыларға абай болуға шақырғысы келген. Мұндай оқиға әркімнің де тап  болуы мүмкін...

«Қайрат» – «Реал Мадрид» ойынына сатылатын билеттерге қатысты маңызды мәлімдеме жасады. Билеттердің брондалып жатқаны жалған болып шықты.

«Қайрат» футбол клубы Мадридтің «Реалына» қарсы ойынның билеттеріне қатысты тарап жатқан сыбыстырды терістеді.

«Әлеуметтік желілерде тарап жатқан УЕФА Чемпиондар лигасының «Қайрат» – «Реал Мадрид» матчының билеттерін сату немесе брондау туралы ақпарат шындыққа сәйкес келмейді және адастыратын сипатқа ие», – деп хабарлады алматылық клуб.

Клуб тек ресми дереккөздерге – клубтың ресми сайты мен әлеуметтік желілеріне сенуге шақырады және билеттерді бейресми арналар арқылы сатып алмауға кеңес береді.

«Билеттерді сату басталатын күн мен баға саясаты әлі анықталған жоқ», – делінген...

Әлемдегі ең ірі Blackrock инвестициялық компаниясы Тимур Турлов иелік ететін Freedom Holding-ке 89 млн доллар көлемінде инвестиция құйды. Осылайша, америкалық алпауыт қазақстандық кәсіпкерге тиесілі компанияның екінші ірі акционері атанды.

Әлемдегі ең ірі басқарушы компания саналатын BlackRock соңғы есептік кезеңде Freedom Holding Corp.-тағы үлесін 0,85%-ға дейін ұлғайтқан. Bloomberg басылымының мәліметінше, компания шамамен 89 млн доллар көлемінде инвестиция құйған. Солайша BlackRock бір тоқсан ішінде позициясын 443 965 акцияға өсірген. (Солайша жалпы акцияларының саны 520 565-ке жеткен)

BlackRock-пен қатар холдингтің ірі акционерлері қатарында жаһандық инвестициялық алпауыттар да бар. Оның бірі корпорацияға 31,9 миллион доллар инвестиция салған State Street Corp. Аталмыш компанияның акциясы...