Жаңалықтар

Батыс Қазақстан облысы Сырым ауданына қарасты Жымпиты ауылындағы өртте бес баласынан айрылған отбасына көмек беріледі. Өңір басшысы Нариман Төреғалиұлы қаза тапқан балалардың ата-аналары мен жақындарына көңіл айтты.

Облыс басшысының айтуынша, өңір әкімінің орынбасары, аудан әкімі оқиға болған орынға барып, барлық қызметтің жұмысын үйлестіріп жүр.

«Әкімдік тарапынан барлық қажетті көмек көрсетіледі: жерлеу рәсімін ұйымдастыру, психологиялық көмек көрсету, баспанамен қамтамасыз ету және өзге де әлеуметтік қолдау шаралары», – деп жазды Төреғалиұлы.

Оның айтуынша, қазір бұл ауылда ТЖД мамандары, полиция департаментінің қызметкерлері, медицина қызметкерлері және басқа да тиісті қызмет өкілдері жұмыс істеп жүр. «Жағдай менің жіті бақылауымда...

Украинадағы соғыста 1 миллионға жуық ресейлік сарбаз қаза тапқан немесе жараланған. CSIS ұйымының жаңа зерттеуін CNN телеарнасы таратты.

Стратегиялық және халықаралық зерттеулер орталығының (CSIS) мәліметінше, Ресейдің 950 мың азаматы осы соғыста зардап шеккен. Олардың 250 мыңға жуығы қаза тапқан. CSIS бас кеңсесі Вашингтонда орналасқан.

«Совет заманында немесе Ресейде болған соғыстардың ешқайсында мұндай шығын тіркелген емес», – деп жазылған зерттеуде.

Зерттеу орталығы жазға қарай соғыстан зардап шеккендер саны 1 миллионға жетеді деп болжады.

Жаңа есепте Украина шығыны шамамен 400 мың адам екені айтылған. Қаза тапқандар саны 60 мыңнан 100 мыңның аралығында.

Киев соғыс шығыны...

Батыс Қазақстан облысы Сырым ауданына қарасты Жымпиты ауылында шағын үй өртеніп, бір отбасының бес баласы қаза тапты. Бұл туралы жергілікті төтенше жағдайлар қызметі хабарлады.

Мекеменің мәліметінше, ауылдағы жекеменшік үйлердің бірі өртеніп жатқаны туралы мәлімет 4 маусымда күндіз түскен. Өрт сөндірушілер ол жерге бес минутта жеткенін айтты.

«Құтқарушылар ес-түссіз бес баланы алып шықты. Өкінішке қарай, олар ауруханада қайтыс болды», – деп хабарлады төтенше жағдайлар қызметі.

Мәліметтерге қарағанда, олардың бәрі бір отбасының балалары. Қаза тапқандардың ең үлкені бес жаста болған.

Жергілікті «Мой город» басылымының мәліметінше, бұл отбасы жалдамалы үйде тұрған. Әкесі — жергілікті Мәдениет үйінде, ал...

Цифрлық даму, инновациялар және аэроғарыш өнеркәсібі министрі Жаслан Мәдиев криптовалюта нарығына қызығушыларға бірнеше кеңес берді. Бұл туралы Kursiv.Media хабарлайды.

4 маусымда Астанада өткен брифингте Жаслан Мәдиев елдегі криптовалюта өндірісі қалай дамып жатқаны туралы айтып берді.

«Елімізді криптовалюта нарығы қарқынды дамып келе жатыр. Оны реттейтін жүйе қалыптасып келеді. Қаржы орталықтарында оннан астам криптобиржа пайда болды. Олар ресми түрде тіркеуден өтті. Лицензиясы бар криптобиржалардың екінші деңгейдегі банктермен интеграция орнатуға мүмкіндігі бар. Сол жерде олар крип фиат арналарын аша алады.

Мұндай биржалар мен банктер криптокарталар шығара алады. Біздің министрлік осы істі қолдайды. Біз әуелбастан осындай реформа жүргізуді ұсынғанбыз...

Кремль Ресей әскери аэродромдарына дрон шабуылын жасаған күдікті жөнінде осындай пікір білдірді. Оны ұстап беру үшін Қазақстанға жүгіну мүмкін.

RBC ақпаратына қарағанда, Ресей президентінің баспасөз хатшысы Дмитрий Песков Мәскеудің осы шабуылдарды тергеу үшін барлық амалды жасайтынын мәлімдеген.

Песковқа қойылған сауал

Оның сөзінше, Ресейдегі әскери нысандарға жасалған шабуылды арнайы қызмет тексеріп жатыр.

Ресейлік журналистердің бірі «Ресей шабуыл ұйымдастырушыларының бірі Артем Тимофеевті Қазақстаннан экстрадициялауды талап ете ме?» деп сауал қойған.

Песковтың пікірінше, Тимофеевтің Қазақстанға кеткені жөніндегі ақпарат әзірге ресми расталмаған.

Барлық амал жасалады

«Бұл – арнайы қызметтердің құзырындағы мәселе. Әлбетте, бұл қылмысты ашу...

Депутаттар Қазақстан Конституциясының 30 жылдығына байланысты рақымшылық жасау туралы заң жобасын қарауға кірісті. Олардың айтуынша, рақымшылық 15 мыңға жуық адамға қатысты болуы мүмкін. Алайда адвокаттар заң жобасының кемшін тұстары бар екенін, жан-жақты талдау жүргізілмегенін айтады.

KursivMedia тілшісі депуаттар мен адвокаттардың пікірін білді, сондай-ақ заң жобасы кімдерге бағытталғанын топтастырды.

15 мың адам рақымшылыққа ілігеді

Мәжіліс депутаты Үнзила Шапақтың сөзінше, алдын ала есеп бойынша қылмыстық-атқару жүйесі мекемелерінде отырған шамамен 632 адам, пробациялық есепте тұрған 3,5 мың адам рақымшылыққа ілігеді.

«Бас бостандығынан айыру орындарындағы 5,4 сотталған адамға және пробация есебінде тұрған 5,5 адамға жазаның өтелмеген...

Экс-премьер-министр Әлихан Смайылов өзінің ізбасары Олжас Бектеновтің жұмысына қатысты пікір білдірді. Бұл туралы Смайылов Мәжіліс кулуарында айтты.

«Сіздің премьер-министр Бектеновпен араңыздан қандай да бір түсініспеушілік бар ма?», – деп сұрады журналист кулуарда.

Смайылов қазіргі үкімет басшысымен арада ешқандай түсініспеушілік жоқ екенін, кәсіби және адамгершілік тұрғыдан алғанда, қарым-қатынастары өте жақсы екенін жеткізді.

«Біздің арамызда ешқандай келіспеушілік жоқ. Арада кәсіби және адамгершілік тұрғыдан алғанда, өте жақсы қарым-қатынас қалыптасқан. Мен оның жұмысына қолдау көрсетемін. Себебі екеуміз де бір жұмыспен айналысамыз. Жоғары аудиторлық палата үкіметтің сыншысы емес. Жоғары аудиторлық палата үкіметтің серіктесі. Біз кемшіліктерді анықтап, үкіметпен бірге соны түзетуге...

ҚМДМ құрбан айтқа орай, құрбан шалуға тапсырыс беріп, оны бақылауға болатын арнайы сайтты іске қосты. Соның негізінде өңірлер бойынша қой бағасына шолу жасап көрдік.

Ең қымбат қой

Құрбандыққа арналған ең қымбат қой оңтүстік облыстарда. Шымкент қаласы, Түркістан мен Қызылорда облыстарында қой бағасы 100 мың теңгеден сатылып жатыр.

Мұнан кейін тізімде Жамбыл облысы жайғасқан. Онда құрбандық малы 5 мың теңгеге арзан, анығын айтқанда 95 мың теңге.

Атырау облысында мүфтият ұсынған баға бойынша қойды 90 мың теңгеге сатып алуға болады.

Ең жиі кездесетін баға

6 өңірде қой бір бағада – 85 мың теңгеден сатылып жатыр. Олардың қатарында...

Сенат төрағасы Мәулен Әшімбаев әлем үлкен өзгерістер қарсаңында тұрғанын, Қазақстан одан қалмауы керек екенін мәлімдеді. Саясаткер бұл ойын Taldau Talks подкастының кезекті санында айтты.

Бұл жолы сенат спикеріне қонаққа цифрлы даму министрі Жаслан Мәдиев, «Қазпошта» басшысы Әсел Жанасова, inDrive бас директоры Арсен Томский келді. Олар цифрлы даму, жасанды интеллект және басқа да тақырыптарды талқылады.

«Әлем үлкен өзгерістер қарсаңында тұр. Еліміз осы өзгерістерден қалып қоймауы керек. Инфрақұрылымды, қоғам институттары ортасын, заңнаманы дамыту қажет. Мамандар дайындау керек.

Шынымен әлемде үлкен революция басталды. Технологиялық, инновациялық эволюция. ЖИ маңызы одан сайын арта түседі. Ол да кезінде Интернет секілді үлкен...

2024 жылы Жоғары аудиторлық палата 27 аудит жүргізді. Оның нәтижесі бойынша 175 заңды тұлға әкімшілік жауапкершілікке тартылды. Арасында лауазымды тұлғалар да бар. Бұл туралы палата басшысы Әлихан Смайылов айтты.

«Өткен жылдың қорытындысы бойынша 175 заңды тұлға әкімшілік жауапқа тартылды. Айыппұлдар салынды. Тағы 55 адам тәртіптік жауапкершілікке тартылды. Айыппұл түрінде әкімшілікке жауапқа тартылған арасында вице-министрлер, комитет, әлеуметтік-кәсіпкерлік корпорация жетекшілері, түрлі бөлімшелердің бірінші басшылары бар», – деді ол журналистерге.

Лауазымды тұлғалар арасында қылмыстық жауапкершілікке тартылып, бас бостандығынан айырылғандар да болған.

«Өзіме белгілі мысалдарды айта кетейін. Ұлттық аккредитация орталығының басшысы қылмыстық жауапкершілікке...

Жоғары аудиторлық палата (ЖАП) биыл «Самұрық-Қазына», «Қазатомөнеркәсіп» және KEGOC ұлттық компанияларында аудит жүргізеді Аудиторлық палата төрағасы Әлихан Смайылов тексеріс барысында қаржы тиімсіз жұмсалғаны топ-менеджерлері негізсіз сыйақы алғаны анықталса, іс қозғалатынын айтты.

Журналистер Мәжіліс кулуарында палата төрағасынан ұлттық компания менеджерлері сыйақыны артығымен алғаны анықталса, қаржы мемлекет қазынасына қайтарыла ма деп сұрады.

«Егер осындай деректер анықталса, ол туралы компания басшылығына ескерту жібереміз», – деді Смайылов.

ЖАП дерегінше, 2024 жылы мемлекеттік аудиттерден кейін бірнеше қылмыстық іс қозғалған.

Жақында «Қазатомөнеркәсіп» компаниясының коммерция бойынша бұрынғы бас директоры 4,5 жылға сотталды. Ол мемлекетке 16,5 млрд теңге шығын...

Емханаларға халықты тегін емдеу үшін берілетін дәрілер нарықтың бағадан 633%-қымбатқа сатып алынады. Кейін дәрілерді есептен шығарып, қарапайым дәріханаларда айтарлықтай арзанға сатылады. Бұл мәселе бүгін, 4 маусымда Мәжілісте талқыланды.

600%-ға қымбат

Депутат Марат Башимов неге СК «Фармация» дәрілерді нарықтық бағасынан қымбатқа сатып алатынын сұрап, аудиторлардың деректеріне сүйене отырып, бірнеше мысалдар келтірді.

«Аудиторлардың мәліметінше, СК «Фармация» емханаларға сатып алатын 115 түрлі дәрі 30%-дан артық қымбатқа сатып алынған. Мәселен «Стелара» дәрісінің 1 дана ерітіндісін компания 1 008 000 теңгеге сатып алған. Ал дәріханалардағы бұл препараттың бағасы 137 500 теңгені құрайды. Баға 633%-ға өсіп отыр. Бұл...

Forbes тізімінде тұрған Александр Клебанов пен Сергей Канға тиесілі «Павлодарэнерго» компаниясы 2024 жылға қарапайым акциялары үшін дивиденд төлемейді. Акционердің шешімі қор биржасында жарияланған.

«2024 жылдың қорытындысы бойынша қоғамның қарапайым акциялары бойынша дивиденд есептелмейді», – делінген хабарламада.

Компанияның 10 пайыз акциясы «Орталық Азия электр энергетикалық корпорациясына» тиесілі. Ал бұл мекеменің  47% акциясы Александр Клебановқа тиесілі болса, 47%-ы Сергей Канның иелігінде.

Олар ОАЭК арқылы «Павлодарэнерго» АҚ, «Павлодар Солтүстік су каналы» ЖШС, «СевКазЭнерго» және «Ақмола РЭК» компанияларына да иелік етеді. Олар Forbes нұсқасы бойынша ең бай қазақстандықтар тізіміне енген.

Ең үздік жапон көліктері анықталып отыр. Алғашқы ондыққа 1990-2000-жылдар аралығындағы шыққан машиналар кірген.

BBC TopGeas нұсқасы бойынша, Honda Type R, Nissan GT-R, Mitsubishi Evo, Toyota MR2, Mazda RX, Toyota Supra, Subaru Impreza, Honda NSX, Nissan Z,

Mazda MX-5 үздік жапон көліктері ондығына кірген.

Жаңа брендтерден гөрі, жүрілген жапон көліктерін ұнататын қазақстандықтар үшін бұл тізім таңдау жасауда көп көмек болары анық.  

Honda Type R (1998–2001)

Бұл тізімнің басында Honda Integra Type R DC2  көлігі тұр.

Басылымның сипаттауынша, жапон пышақ шеберлері немесе рёкан қонақүйінің иелері ыждаһаттылығымен таңырқатады. Дәл солар секілді Type R моделін жасаушылар да жүргізу дәлдігін жетілдіруге...

Алматыда Хәрри Поттер фильміндегі Хогуартс қорғанына ұқсайтын төрт қабатты үй жалға беріледі. Жалға алу құны айына 5 млн теңге деп жазады digitalbusiness.kz

Зәулім үй Наурызбай ауданында орналасқан. Аумағы 812 шаршы метр. Газ, электр мен кәріз жүйесі тартылған. Тек ішіне әрлеу жасау қажет. Бұл үйді алматылық Ольга Шин күйеуімен бірге салған. Ертегі стилінде қорған салу оның бала кезіненн бергі арманы екен.

«Бұл менің авторлық жобам, балалық арманым. Бала кезімнен ертегі оқығанды жақсы көремін. Ертегідей өмір сүргім келді. Үйленген соң, сол арманымды іске асыруға кірістік. Жер телімін 1998 жылы сатып алдық, ол кезде жай қоқыс алаңы ед...

Қытайдың сирек кездесетін минералдар мен магниттердің экспортына енгізген шектеуі халықаралық алаңдаушылық тудырды, деп хабарлады Reuters.

Басылым шектеу автокөлік, әуе-ғарыш, жартылай өткізгіштер және әскери өнеркәсіп салаларына қажетті өнімдердің жеткізілімін қиындатып отырғанын жазды.

Германиялық автоконцерндер Қытай шектеуінің салдарынан өндіріс тоқтауы мүмкін екенін мәлімдеді. Бұған дейін үнділік Bajaj Auto компаниясы да электромобильдер өндірісінің тежелу қаупі туралы ескерткен болатын.

Сарапшылардың айтуынша, Қытайдың бұл қадамы АҚШ-пен жалғасып жатқан сауда текетіресіндегі ықпал ету тетігі ретінде қарастырылады. Дональд Трамп әкімшілігі Қытайға жоғары кедендік тарифтер енгізген болатын, ал Қытай өз кезегінде сирек кездесетін элементтерді шектеу арқылы жауап қайтарды.

Қазір көптеген елдердің дипломаттары мен ірі автоконцерн...

2024 жылы «Қазақстан темір жолы» компаниясының қарызы 851,9 млрд теңгеден 1,36 трлн теңгеге дейін жетті. Сонымен қатар облигациялық қарыздың құны 1,29 трлн теңгені құрады. Осылайша, «ҚТЖ»-ның жалпы қарызы 2,65 трлн теңге болып, алдыңғы жылғы 2,1 трлн теңгемен салыстырғанда, айтарлықтай артқан. Бұл туралы компанияның Қазақстан қор биржасында (KASE) жарияланған қаржы есебінде жазылған.

Десе де былтыр «Қазақстан темір жолы» ұлттық компаниясы 160,8 млрд теңге көлемінде таза пайда тапқан. Бұл көрсеткіш 2023 жылғы нәтижеден 17,5%-ға жоғары. Компанияның 2023 жылғы пайдасы 136,7 млрд теңгені құраған. ҚТЖ-ның қаржы есебі Қазақстан қор биржасында (KASE) жарияланды.

Компанияның жылдық түсімі 2,16 трлн теңгеге жеткен Оны...

Еуроодақ комиссиясы 4 маусым күні сирек кездесетін металдар өндіруге қатысты 13 жаңа жобаны жариялады. Олардың арасында Қазақстан да бар. Бұл туралы Reuters хабарлады.

Сирек кездесетін металдар қорғаныс, ғарыш және технология салаларында қолданылады. Өндірістің 90%-ы Қытай бақылауында. 2025 жылғы сәуірде Бейжің сирек кездесетін металл экспортын шектеген. Соған байланысты әлемнің басқа да елдері шикізат тәуелділігінен арылғысы келеді. Еуроодақ та 2030 жылға қарай ішкі сұранысты өтеуге ұмтылып жатыр.

Сирек кездесетін металдар қоры Қазақстанда бар. Билік әлем елдеріне оны өндіруге инвестиция құюды ұсынып отыр.

Еурокомиссия қабылдаған жаңа 13 жобаның арасында Қазақстан да бар. Бұдан бөлек, ұйым елдері Ұлыбритания, Канада, Гренландия, Норвегия, Сербия, Украина...

Мәжілісте халықты және денсаулық сақтау объектілерін дәрілік заттармен және медициналық мақсаттағы бұйымдармен қамтамасыз етуге қатысты жиын өтті. Жиында депутат Ринат Зайытов Денсаулық сақтау министрлігінің өкіліне қазақ тілінде сұрақ қойып, орыс тілінде жауап алды.

Депутат алғашында Денсаулық сақтау вице-министрі Ержан Нұрлыбаевқа елде дәрілік заттарды тіркеуге қатысты бірнеше сұрақ қойды. Депутат кейбір компанияларға дәрілік заттарды тіркеу куәлігі бірнеше жыл қатарынан берілмейтінін, енді кейбіріне бірнеше күнде берілетінін айтып, мұның себебін сұрады.

Бірақ вице-министр сұраққа орыс тілінде жауап берді. Бұл депутатқа ұнамай, сұрағын орысша қоюға мәжбүр болды.

«Жалпы президентіміз «кім қандай тілде сұрақ қойса, сондай тілде...

Құрбандыққа шалынған малдың етін үшке бөліп таратуға болады. Бұл туралы Алматы қаласы өңірлік коммуникациялар қызметінде өткен брифингте Орталық мешіттің наиб-имамы Тимур Алиев айтты.

Дін қызметкерінің сөзінше, құрбандық малының бір бөлігін өз отбасына, екінші бөлігін туыстарына, үшінші бөлігін көршілеріне немесе мұқтаж жандарға берсе болады.

«Біз мына нәрсені білуіміз керек. Бұл жердегі мақсат – қан шығару. Алла тағала құранда «құрбандықтың еті де, қаны да керек емес, тек сендердің жүректеріңдегі ниетттерің керек» деп айтады. Ал ниет амалдармен көрінеді. Осы ретте басқа дін өкілдеріне ет беруге рұқсат етіледі. Ол құпталған нәрсе», – деді ол.

Аталған жиында Тимур Алиев...

«ҚазМұнайГаз» АҚ алғаш рет юаньмен облигация шығармақшы. Бұл туралы басқарма төрағасы Асхат Хасенов айтты деп жазады Bloomberg.

«Нарықтағы жағдайға байланысты қарыз алуымыз мүмкін. Біз барлық нұсқаларды қарастырдық. Қазіргі уақытта дим сам, панда облигацияларын немесе араб елдеріндегі қарыз құралдарын сату мүмкіндігі бар», – деді Хасенов.

Компания бірінші рет юаньмен облигация шығармақшы. Бірақ одан түскен қаражатты АҚШ долларына айырбастайды.

Хасенов айтқан дим сам облигациялары – Қытай құрлығынан тыс жерлерде шығарылатын қарыз құралдары. Ал панда облигациялары – Қытайдың ішкі нарығында шетелдік эмитенттер юаньмен шығаратын құнды қағаздар. «ҚазМұнайГаз» топ-менеджерінің сөзінше, қазір осы дим-сам және панда облигациялары...

2024 жылы Қазақстан фармацевтика нарығына 1,2 трлн теңге қаржы жұмсады. Алайда  дәрілік заттардың 84%-ы шетелдік өнім. Жоғарғы аудиторлық палата төрағасы Әлихан Смайылов дәрі-дәрмекпен қамтамасыз ету жүйесіне жүргізілген аудит барысында осындай кемшіліктер анықталғанын айтты.

Аудит қорытындысы денсаулық сақтау саласындағы дәрі-дәрмекпен қамтамасыз ету жүйесінде кешенді проблемалардың барын көрсетті. Мәселелер ғылымнан бастап, өндіріс, реттеу және таратылымға дейінгі барлық деңгейде тіркелген.

Негізгі проблемалар:

Маңғыстау облысы, Мұнайлы ауданында тұратын Ақмоншақ Жақсылықова 35 жасында 12 баланы дүниеге әкелген ана, деп хабарлайды Lada.kz.

Салмағы 3 900 грамм, бойы 53 см болатын қыз бала 29 мамыр күні таңғы сағат 07:40-та Маңғыстау облыстық «Ана мен бала» перинаталдық орталығында табиғи жолмен дүниеге келген.

Ақмоншақ Жақсылықованың айтуынша, алғашында үш қыз туған, кейін екі ұл дүниеге келген, одан кейінгі балалары қайтадан қыздар болған. Балалардың ең салмақтысы — 4 500 грамм болып туған екен.

Аталған орталықтың директоры Жапырақ Епенованың мәліметінше, босану еш қиындықсыз өткен. Ана мен нәрестенің жағдайы жақсы, олар перзентханадан үйіне шығарылған.

Көпбалалы ана...

Мамыр айында Қазақстанның қызмет көрсету саласы соңғы үш жылдағы ең жоғары өсім қарқынын көрсетті. Алайда бизнес арасындағы сенім төмендеп, жұмыс орындары қысқарған.

Freedom Holding Corp. және S&P Global компаниялары бірлесіп дайындаған PMI® индексіне сәйкес, мамырда қызмет көрсету секторының іскери белсенділік индексі 54,3-ке жетті. Бұл 2022 жылдың шілдесінен бергі ең жоғары көрсеткіш және іскерлік айтарлықтай жанданғанын білдіреді (Индекс 50-ден асса, өсім бар деген сөз).

Жаңа тапсырыстар өскен

Саладағы өсімнің негізгі драйвері – жаңа тапсырыс көлемінің артуы. Жеті ай қатарынан ұлғайған бұл көрсеткіш, сауалнама тарихындағы ең жоғары нәтижелердің бірі болды. Компаниялар өсімді маркетинг және туристер ағынымен байланыстырып...