Жаңалықтар

Президент Қасым-Жомарт Тоқаев ҚХР төрағасы Си Цзиньпинмен келіссөз жүргізді. Бұл туралы Ақорда хабарлады.

Кездесу барысында Тоқаев тарихи шаһар Тяньцзиньде қонақжайлық танытқан үшін Қытай елінің басшысының алғысын жеткізген.

«Біз Сіздің еліңіздің осы ұйымға төрағалық етуін толық қолдаймыз. Ұйымның күн тәртібінде тұрған мәселелерді талқылау жұмысына белсене атсалысып жатырмыз. Сондай-ақ Сізді Екінші дүниежүзілік соғыстағы Жеңіс пен Қытайдың жапон басқыншылығына қарсы соғыстағы жеңісінің 80 жылдығымен құттықтаймын. Сіздің еліңіз фашизмді жеңуге өлшеусіз үлес қосты. Қытай халқы соғыс жылдарында нағыз батылдық, шынайы отаншылдық, қайтпас қайсарлықтың озық үлгісін көрсетті. Мұны бәрі жақсы біледі және жоғары бағалайды», – деді президент.

Фондық музыканың адам денсаулығына әсері — ғылыми дәлелденген факт

Фондық музыка адамның психикалық және физикалық жағдайына ықпал етеді. Бұл жай айтылған сөз емес – бұл ғылыми тұрғыдан дәлелденген факт. Сондықтан фондық әуендерді аса мұқият таңдау керек.

Адам миы музыканы қалай қабылдайды?

Адам құлағы сырттағы әрбір дыбысты, әр толқынды қабылдап, оларды жүйке импульстарына айналдырады. Ал бұл импульстар есту жүйкесі арқылы ми қабығындағы есту аймағына жеткізіледі. Ол жерде дыбыстың тембрі, дауысы және тональдылығы ажыратылады. Ал музыканы тұтас бір композиция ретінде қабылдау үшін орталық жүйке-жүйесінде күрделі процесс жүруі керек.

Мидың музыканы қабылдауында оның ырғағы ерекше рөл атқарады...

«Қайрат» пен «Реал Мадрид» матчы қай күні өтетіні белгілі болды.

«Қайрат» – «Реал Мадрид» кездесуі бір айдан кейін, 30 қыркүйек күні Алматыда өтеді. Ал «Интермен» кездесу 5 қараша күні Миланда өтеді. «Арсеналмен» кездесу 2026 жылдың 28 қаңтарына жоспарланған. Ойындардың толық кестесі төменде берілген.

Еске сала кетсек, 26 тамызда өткен матч кезінде «Қайрат» Шотландияның «Селтик» футбол командасын пенальтилер сериясында жеңіп, Чемпиондар лигасына шыққан болатын.

Бұл жеңіс Қазақстанның УЕФА кестесіндегі рейтингін жоғарылатып, 34 орынға шығарды.

Қыркүйек айының басында Алматыда «Келешек мектептері» жобасы аясында 12 мың орындық 7 мектеп ашылады. Бұл туралы Алматы әкімдігінің баспасөз қызметі хабарлады.

Жалпы, 2025–2026 оқу жылында Алматы қаласында 353 білім беретін ұйым жұмыс істейді. Ал ашылатын жаңа мектептер Теректі, Самғау, Қарасу, Ақбұлақ, Нұрлы Дала сынды Алматының бірқатар шағын аудандарында ашылады.

Ал қыркүйек айының соңында тағы 5 мектеп пайдалануға беріледі деп жоспарланып отыр. Ол жерде жалпы – 10,5 мың оқушы білім алады.

Қала мектептеріне жаңа оқу жылында 1 сыныпқа 29 240 бала барады. Ал 11-сыныпқа 19 765 оқушы оқиды.

Айта кетейік, Астана қаласында биыл 1 сыныпқа 31 мы...

Тоқаев Шанхай ынтымақтастық ұйымының саммитіне қатысу үшін Қытайдың Тяньцзинь қаласына келді. Бұл туралы Ақорда хабарлады.

«Президент Қасым-Жомарт Тоқаев Шанхай ынтымақтастық ұйымының саммитіне қатысу үшін Тяньцзинь қаласына барды», – делінген Ақорда хабарламасында.

Ақорда мәліметінше, «Инбингуань» мемлекеттік резиденциясында президент Қасым-Жомарт Тоқаев пен Қытай Халық Республикасының төрағасы Си Цзиньпин келіссөз жүргізеді. Келіссөз барысында екі ел басшылары қазақ-қытай арасында стратегиялық серіктестікті нығайту перспективаларын талқылайды.

Айта кетейік, бүгін Қытайдың Сhina Daily газетіне президенттің «Қазақстан мен Қытайдың берік қарым-қатынасы – табысты ынтымақтастық кепілі» атты мақаласы жарияланды.

«Самұрық-Энергоның» Өндіріс жөніндегі басқарушы директоры Руслан Тұрғамбаев дүниеден озды. Бұл туралы компанияның баспасөз қызметі хабарлады.

«Самұрық-Энерго» АҚ Өндіріс және активтерді басқару жөніндегі басқарушы директор Тұрғамбаев Руслан Елубайұлының мезгілсіз дүниеден өткені туралы өкінішпен хабарлайды. Руслан Елубайұлы өзінің кәсіби жолында зор біліктілік танытып, «Самұрық-Энерго» АҚ-ның дамуына және еліміздің электр энергетикасы саласына айрықша үлес қосты», – делінген баспасөз хабарламасында.

Марқұм өзінің еңбек жолын «Қазақмыс корпорациясы» ЖШС Жезқазған ЖЭО турбина цехының машинисінен бастаған. Әр жылдары Алматының, үркістан облысының энергетика және коммуналдық салалары мен жекеменшік компанияларда түрлі лауазымдар атқарған. Ал «Самұрық-Энерго» АҚ Өндіріс және активтерді басқару жөніндегі басқарушы...

АҚШ аппеляциялық соты Дональд Трамп тарифтерінің басым бөлігін заңсыз деп тапты. Бұл туралы Reuters басылымы хабарлады.

Басылым хабарлауынша, жұма күні АҚШ-тың апелляциялық соты Дональд Трамптың тарифтерінің көпшілігін заңсыз деп танып, президенттің тарифтерді халықаралық экономикалық саясаттың негізгі құралы ретінде пайдалануына нұқсан келтіргенін мәлімдеген.

Трамп тарифтерді көтеру арқылы саяси қысым көрсетіп, АҚШ-қа тауар экспорттайтын елдермен сауда келісімдері қайта жасала бастады. Бұл жағдай әлемдік қаржы нарығының құбылуына әкеп соқты.

Трамп тарифтер арқылы Американың экономикалық жағдайын жақсартуды көздейтінін мәлімдеді.

Айта кетейік, екінші рет сайланған АҚШ президент Дональ Трамп кедендік тарифтерді көтерді. Трамптың тарифтері Қазақстанды да айналып өтпеді. 2025 жылды...

Абай облысында 2026 жылы жаңа су қоймасы салынады. Бұл туралы Су ресурстары және ирригация министрлігінің баспасөз қызметі хабарлады.

Су қоймасы Абай облысының Ақсуат ауданындағы Қарғыба өзенінің бойында салынады. Қазіргі таңда қойманың жобалау-сметалық құжаты әзірленіп жатыр.

«Қазсушар» РМК-ның жергілікті филиалы Ақсуат ауданы әкімдігінің қызметкерлерімен бірігіп арнайы комиссия құрып, құрылыс жүретін жерлерді тексерген.

«Тексеру барысында тараптар жобаны жан-жақты талқылап, өз ұсыныстарын ортаға салды. Аудан әкімдігімен бірлесіп ішкі каналдар да қаралды. Жергілікті атқарушы органдар олардың реконструкциясына қатысты жобалау-сметалық құжатты әзірлеумен айналысады. Жаңа су қоймасы мен магистральді каналдар аудандағы ирригациялық жүйелердің толыққанды әрі тиімді жұмысын қамтамасыз етед...

Жамбыл облыстық полиция департаменті басшысының экс-орынбасары қамауға алынды. Бұл ақпаратты ІІМ баспасөз қызметі растаған.

«Ішкі істер министрлігінің Ішкі қауіпсіздік басқармасы Жамбыл облыстық полиция департаменті бастығының бұрынғы орынбасарын ұстады. 2025 жылдың 29 тамызында теріс себептермен қызметінен босатылды», – делінген министрліктің ресми хабарламасында.

Халықтың қатаң сынынан кейін Алматы әкімі Дархан Сатыбалды әл-Фараби даңғылындағы жөндеу жұмыстарын тоқтатып тастады. Бұл туралы Bes.media басылымы хабарлады.

Алматы қаласы әкімінің байланыс және БАҚ-пен жұмыс жөніндегі кеңесшісі Ильзат Акчуриннің айтуынша, «QazaGaz Aimaq» АҚ әл-Фараби даңғылындағы жерасты газ құбырларын жаңартуы керек болған. Жөндеу жұмыстары Луганского және Армянская көшелерінен Esentai Mall автотұрағына дейінгі учаскеде, сондай-ақ Меңдіқұлова бульварының бойында жаз айларында жүргізілуі керек болған.

Алайда жөндеу жұмыстары кешіктірілген. Ал жаңа оқу жылының басталып кететініне байланысты бұл жұмыстар тоқтатылған. Себебі қаланың дәл осы бөлігінде мектептер мен мектепке дейінгі ұйымдардың көп болғанына байланысты жол қозғалысының жағдайын нашарлатпау үшін әкім тапсырмасымен бұл жұмыстарды...

Ұлттық ұлан әскерилері Конституцияның 30 жылдығына арнап ерекша акция өткізді. Бұл туралы Ұлттық ұланның баспасөз қызметі хабарлады.

Қазақстан Республикасы Конституциясының 30 жылдығына орай Ұлттық ұланның Құрмет қарауылы ротасы айтулы күнге орай «30» санын бейнелеп сап түзеген.

«Әрбір әскери қызметші үшін Конституцияға адалдық – парыз ғана емес, үлкен абырой. Ұландықтар мерейтой құрметіне осындай көрініс ұйымдастырып, құқықтық тәртіпті, азаматтардың конституциялық құқықтарын және ел қауіпсіздігін қорғауға әрдайым дайын екенін көрсетті», – дейді Ұлттық ұланның ресми өкілі Әлібек Әбділов.

Ұландықтардың бастамасын құқықтық тәртіп әскерінің өзге әскери бөлімдері де қолдап, дәл осындай акция өткізген.

Айта кетейік...

Жетісу облысының Панфилов ауданына қарасты Талды ауылында Конституция күні қарсаңында 300 орындық жаңа мектеп ашылды. Бұл туралы Жетісу облысы әкімінің баспасөз қызметі хабарлады.

«Бұл нысан Білім беру инфрақұрылымын қолдау қорының қаражаты есебінен салынды», – делінген баспасөз хабарламасында.

Аталмыш мектепте шамамен 400 бала білім алады. Жаңа мектеп қажетті құралдармен қамтамасыз етілген. Атап айтқанда, пәндік кабинеттер, IT-сыныптар, спорт және акт залдары, кітапхана мен зертханалар бар.

Сонымен бірге мектеп пен ауылдың денсаулық сақтау, ауылшаруашылығы салаларына білікті мамандарды тарту үшін ауылда меценаттар көмегімен 19 жаңа үй салынған.

Әкімдік мәліметінше, 2022-2025 жылдар аралығында Жетісу облысында...

«Қайрат» жеңісі Қазақстанның УЕФА рейтингінде жоғарылауына жол ашты. Жеңістен кейін УЕФА-ның коэффициенттер кестесінде Қазақстан 34-ші орынға көтерілген.

«Қайрат» футболы клубының жеңісінен кейін еліміз бірден бес позицияға жоғарылаған. Нәтижесінде футбол бойынша Қазақстан Армения, Латвия, Финляндия, Косово және Босния-Герцеговина сынды елдерді артта қалдырған.

Еске сала кетсек, 26 тамызда өткен ойында «Қайрат» футбол клубы шотландиялық «Селтикті» пенальтилер сериясында жеңіп, Чемпиондар лигасына жолдама алған болатын.

Бұл жеңіс «Қайратқа» қомақты табыс әкелді. Мұндай жетісіктер үшін УЕФА тарапынан командаға 18,62 млн еуро сыйақы (11,6 млрд теңге) қарастырылған.

«Қайрат» ойындарынан бюджетке де түсетін табыс аз емес. Kazakh Tourism болжамына сәйкес...

Қазақстан президенті Қасым-Жомарт Тоқаевтың Қытайдың ағылшын тілді танымал Сhina Daily газетінде «Қазақстан мен Қытайдың берік қарым-қатынасы – табысты ынтымақтастық кепілі» атты мақаласы жарық көрді. Бұл туралы президенттің баспасөз қызметі хабарлады.

«Бүгін Қытайдың ағылшын тілді танымал Сhina Daily газетінде Президент Қасым-Жомарт Тоқаевтың «Strong Kazakh-Sino ties key to successful cooperation» («Қазақстан мен Қытайдың берік қарым-қатынасы – табысты ынтымақтастық кепілі») атты мақаласы жарық көрді. Мақалада Қазақстан мен ҚХР арасындағы жан-жақты стратегиялық серіктестікті дамыту, сондай-ақ Шанхай ынтымақтастық ұйымының әлеуетін нығайту тақырыптары қозғалған», – делінген Ақордда хабарламасында.

Ақорда хабарлауынша, бұл гзеттің дүниежүзілік таралымы – 700 000 дананы...

Жаңа көлік алғаннан тізгінделген көлік алғанның тәуекелі жоғары. Бір көліктің сапасы 300 мың шақырымнан асса да сыр бермейді, ал екіншісі 80 мыңнан кейін-ақ жөндеуді қажет етеді. Сонда қай межені «қалыпты жүріс» деп есептеу керек?

Орташа жылдық көрсеткіш

Автонарықта қалыптасқан есеп бойынша жеңіл көлік орта есеппен жылына 15-20 мың шақырым жүреді. Осы көрсеткіш басты бағдар деуге болады. Мысалы, зауыттан шығарылғанына үш жыл болған көліктің қалыпты жүрісі шамамен 45-60 мың шақырым, бес жыл өткен көлікте ол 75-100 мың аралығында болуы тиіс. Ал он жыл пайдаланылған көліктің қалыпты жүрісі 150-200 мың шақырымды құрайды. Егер одометрдегі сан осыдан әлдеқайда аз болса...

Президент Қасым-Жомарт Тоқаев Қазақстандықтарды Конституция күнімен құттықтады. Бұл туралы Ақорда хабарлады.

«Құрметті отандастар! Баршаңызды Конституция күнімен құттықтаймын! Осыдан 30 жыл бұрын өткен референдумда халқымыз Ата заңын қабылдап, тарихи таңдауын жасады. Конституциямыз Қазақстан Республикасы тәуелсіздігінің, қазақ мемлекеттілігінің берік тұғырына айналды. Онда ұлтымыздың бүгінін және болашағын айқындайтын мызғымас құндылықтар мен қағидаттар нақты көрініс тапты», – деді президент.

Сонымен бірге Конституцияның ұлтқа, дінге бөлмей барлық азаматтардың құқын қорғайтын елдің негізгі құжаты екенін де атап өткен.

«Ата заң Қазақстанның барлық азаматының мүддесін ұлтына, дініне қарамастан бірдей қорғайтын әлеуметтік мемлекет ретіндегі құқықтық іргетасын қалыптастырды...

Алматы халықаралық әуежайында жолаушы өзін жарақаттап, әжетханада суицид жасауға әрекеттенді.

Оқиға ішкі рейстер терминалында болғанын әуежайдың баспасөз қызметі хабарлады. Әлеуметтік желілерде қанға боялған әжетхана мен сынған шыны бөтелкенің суреттері тарады.

«Жағдайды әуежай қызметкерлері дер кезінде байқап, бірден медициналық қызметті шақырды. Жедел жәрдем бригадасы келгенше алғашқы медициналық көмек көрсетілді. Қазір жолаушының өміріне қауіп жоқ, дәрігерлердің бақылауында», – делінген ресми хабарламада.

Әуежай әкімшілігі әуе айлағының қалыпты режимде жұмыс істеп жатқанын атап өтті.

Айта кетейік, бұл – соңғы аптадағы екінші осындай оқиға. 25 тамызда «Т-1» терминалында ер адам өзін өртемек болған. Оқиға орнына жедел жеткен полиция мен...

Шымкент қаласы әкімінің орынбасары Руслан Берденов өз еркімен қызметінен босатылды. Бұл туралы қалалық әкімдіктің баспасөз қызметі хабарлады.

40 жастағы шенеунік әкім орынбасары лауазымын 2025 жылдың ақпанынан бері атқарып келген. Бұған дейін Мәжіліс депутаты болған. Соңғы уақытта ол денсаулығына байланысты еңбек демалысында жүрген.

Берденов көпшілікке биыл сәуір айында орын алған қайғылы оқиғадан кейін кеңінен таныс болды. Әкімдік ғимаратының алдында оған «Тұрғын үй Шымкент» ЖШС директоры Ернар Жиембай бес рет мылтықтан оқ атқан. Шенеунік жамбасынан және иығынан жарақат алып, жедел ота жасалған еді. Қазір ол әлі де оңалту кезеңінен өтуде.

Ал сот үкімімен Ернар Жиембай 9 жылға бас бостандығынан айырылды.

Сот барысында...

Алматы қаласының әкімі Дархан Сатыбалды жұмыс сапары барысында қаладағы коммуналдық инфрақұрылым нысандарын аралап, инженерлік желілердің құрылысы мен қайта жаңғырту жұмыстарының барысымен танысты.

«Достық» шағынауданындағы су және кәріз желілері

Әуезов ауданындағы «Достық» шағынауданында ауызсу және кәріз жүйелерін салу жобасы жасалынып жатыр. Жалпы ұзындығы 15,7 шақырым болатын инженерлік желілер 800 үйді немесе 3,5 мыңға жуық тұрғынды қамтиды. Бүгінгі күнге дейін жұмыстың 75%-ы орындалған.

«Жұмысты қысты күтпей, қысқа мерзімде аяқтау қажет. Ең бастысы – қауіпсіздік, сапа және уақыт. Біз қазан айының соңына дейін бітіруді тапсырдық», – деді қала әкімі.

Алмалы ауданындағы жылу желілері

Әкім...

Қазақстан Республикасы Конституциясының 30 жылдығына орай Энергетика министрлігінде салтанатты жиын өтіп, энергетика саласының үздік қызметкерлері марапатталды.

Энергетика министрі Ерлан Ақкенженов құттықтау сөзінде Ата заңның тәуелсіз Қазақстанның мемлекеттік құрылымының ғана емес, экономикалық қуатының да берік іргетасы екенін атап өтті.

«Конституция – біздің мемлекетіміздің және экономикалық қуатымыздың негізі. Энергетика саласы – осы экономиканың тірегі. Өнеркәсіптің дамуы, әлеуметтік сала, халықтың әл-ауқаты – барлығы энергетикаға байланысты. Әрбір көрсеткіштің артында біздің мамандардың күнделікті еңбегі тұр. Бүгін біз олардың ел дамуына қосқан зор үлесін құрметтейміз», – деді министр.

Мемлекет басшысының Жарлығы бойынша мемлекеттік қызмет пен экономиканы дамытуға қосқан үлесі үшін бірқатар...

Алматыда елдегі алғашқы энергетикалық қалдықтарды кәдеге жарату зауыты салынады. Бұған Экология және табиғи ресурстар министрлігі мен қытайлық инвестордың заңды өкілі «Junxin Environmental Protection (Almaty)» ЖШС арасындағы келісім аясында қол жеткен.

Зауыт тәулігіне 60 МВт электр энергиясын өндіріп, кемінде 1600 тонна қалдықты өңдеуге қауқарлы, ал инвестицияның жалпы көлемі 145 млрд теңге.

«Жобаны іске асыру кезінде шығарындылар бойынша еуропалық стандарттарға сәйкес келетін қалдықтарды энергетикалық кәдеге жарату жөніндегі озық технология пайдаланылмақ, сондай-ақ қоршаған ортаға эмиссиялар мониторингінің автоматтандырылған жүйесін орнату көзделген. Құрылыс кезеңінде кемінде 700 уақытша жұмыс орнын және жергілікті кадрларды тұрақты оқытып, ҚХР-ға іссапарға бар мүмкіндігімен кемінде 120 тұрақты...

Алматылық «Қайрат» футбол клубының бас бапкері Рафаэль Уразбахтинге жаңа Hyundai Palisade автокөлігінің кілті табысталды. Автокөліктің бағасы 33,8 млн теңгеден басталады.

«Astana Motors» компаниясының негізін қалаушы Нұрлан Смағұлов клубтың Чемпиондар лигасының топтық кезеңіне шығуына орай бапкерді осылайша марапаттады.

«Біз «Қайраттың» Еуропаны таңғалдыра алатынына сенеміз. Алда Алматыда өтетін мадридтік «Реалға» қарсы тарихи матч бар. Бұл – әлемдік деңгейдегі оқиға. Сіздерге жанкүйер боламыз», – деді Смағұлов.

Клуб президенті Қайрат Боранбаев команда жетістігін Уразбахтиннің еңбегімен байланыстырды.

Анарбеков те назардан тыс қалмады

«Селтикке» қарсы матчтың қаһарманы атанған қақпашы Темірлан Анарбеков те марапатталды. Оған Нұрлан Смағұлов Apple MacBook сыйлап...

Қарақат Әбілдина Air Astana әуекомпаниясынан өтемақы талап етпек. Өйткені, Қыдырәлі Болманов екеуі Алматыдағы шараға жете алмай қалған.

Айтуларынша, олар ұшақтың ұшу уақытын бірнеше мәрте ауыстырғандықтан, ақысы төленген, алдын ала жоспарланған іс-шарадан қалып қойған. Жұлдызды жұп Астана әуежайында бір күн өткізгенін мәлімдеді.  

«Уайымдап күні бойы босқа отырған жоқпыз. Басқа әуе желісі арқылы ұшып кетейін десек, билет таппадық. Бізге кешігуге болмайды деп өздеріне айтып жатырмыз. «Басқа қандай нұсқалар, амалдар бар» дегенде қам жеген, беті бүлк еткен адамды көрмедік. Бұл – жолаушыларға деген қарым-қатынас. Жауапкершіліктің жоқтығы», – деп сын айтты Қарақат Әбілдина.

Мұның кесірінен әнші қаржылық мәселе туындағанын да жасырмады. Қарсы...

«Жаңа Қазақстан жаңа көшеден, жаңа оқу жылының қарсаңында бастады», «Оларға айтыңдаршы, Шыңғысқан алтынын мұнда тықпады», «Жаз бойы не істеді сонда». Бұл Алматы көшелерінде жүріп жатқан жөндеу жұмыстарына қатысты қала тұрғындарының әлеуметті желіде жазғанының бір парасы ғана. Пікір жазушылар арасында ремонтты қолдап жатқаны жоқтың қасы. Ал нақты жөнделіп жатқан учаскелердегі жұрттың пікірі қандай, қай көшелер жабық әрі олар қашан ашылады, жөндеу жұмыстары көлік қозғалысына қалай әсер етеді, осы және өзге де сұрақтардың жауабын табу үшін KursivMedia түсірілім тобы жөнделіп жатқан қала көшелерін аралады.