Жаңалықтар

Сауда және интеграция министрлігі АҚШ-тың қосымша тарифтерін енгізуіне қатысты түсініктеме берді. Ведомствоның хабарлауынша, Қазақстан АҚШ тарапынан қосымша тарифтер енгізу мәселесіне байланысты келіссөздерді жалғастырып жатыр.

«Осы үдеріс аясында биыл маусым айында Сауда министрлігі өкілдері АҚШ тарапымен екіжақты кездесу өткізді. Қазақстан АҚШ-қа өзара тиімді сауда ынтымақтастығын дамыту, тауар жеткізу тізбектерін тұрақты сақтау және нарыққа әділ қол жеткізу шарттарын қамтамасыз ету мәселелерін қамтитын ресми ұсыныс жолдады. Бұл ұсыныс АҚШ Президенті Д. Трамптың 2025 жылғы 2 сәуірдегі Жарлығы мен оған енгізілген кейінгі өзгерістерді ескере отырып әзірленген», – делінген ақпаратта.

Келіссөздер барысында тараптар сауда-экономикалық қатынастар бойынша кеңейтілген екіжақты диалог...

Мемлекеттік білім беру гранттарын тағайындау жөніндегі республикалық комиссия өз жұмысын бастады. Бұл туралы ғылым және жоғары білім министрлігі хабарлады.

Ал грант иегерлерінің тізімі 10 тамызға дейін жарияланады.

Комиссия құрамында Парламент депутаттары, мемлекеттік органдар, бiлiм саласы кәсiподақтарының, «Атамекен» ұлттық кәсiпкерлер палатасының, жоғарғы оқу орындары қауымдастығының, қоғамдық ұйымдардың өкілдері бар. Олар үміткерлердің өтініштерін қарастырады. Әрі қарай талапкерлердің ҰБТ-да жинаған балдарына және бекітілген ережелерге сәйкес конкурстық негізде білім беру гранттары тағайындалады.

«Білім беру гранттарын тағайындау конкурсына қатысуға 113 мыңға жуық өтінім берілді. Талапкерлердің басым бөлігінің таңдауы «Педагогикалық ғылымдар», «Инженерлік, өңдеу және құрылыс салалары» және «Ақпараттық-коммуникациялық технологиялар» бағыттарындағы мамандықтарға...

Аштыққа ұрынған Газа тұрғындарына әуеден гуманитарлық көмек тасталып жатыр. 31 шілдеде Израиль 43 тонна жүк лақтырса, 1 тамызда неміс армиясы тағы 14 тонна азық-түлік түсірді. Араб елдері де көмектесіп жатыр.

Жұма күні АҚШ президенті Дональд Трамптың Таяу Шығыстағы арнайы өкілі  Стив Виткофф сектордың оңтүстігіндегі Рафахтағы гуманитарлық көмек бөлу орталығына барды. Саясаткер кеше Иерусалимде Израиль премьер-министрі Биньямин Нетаньяхумен кездескен.

Газа тұрғындары Израиль билігінің 43 тонна азық-түлікті әуеден тастағанын «теңізге тамған бір тамшы ғана» деп бағалады. Өйткені секторда мыңдаған адам ашығып жатыр.

Сектордың қарапайым тұрғындары америкалық шенеунікке ашығып жатқан халықтың алдына шығып, қасіретті өз көзімен көруге кеңес берді.

Дженнифер Лопестің жанкүйерлері әнші тұрып жатқан қонақүй маңына жиналды. Әлеуметтік желіде тараған видеоға сәйкес, азаматтар Джейломен бірге фотоға түсіп, тіпті «Қазақстан» шоколадын беріп үлгерген.

«Жанкүйерлер әншіні кіреберісте қол соғып күтіп алды. Әркім сол сәтті есте сақтап қалуға тырысты: бірі видео түсірді, бірі селфи жасауға тырысты», – делінген Астана – Что? Где? Когда? арнасында.

Айта кетейік, Дженнифер Лопес 1 шілдеге қараған түні Астанаға ұшып келді. Жұма күні ол Astana Arena стадионында концерт береді. Шоу J.Lo On The Floor туры аясында ұйымдастырылады.

Қазақстандықтардың депозитінде 44 трлн теңге жатыр. 2025 жылдың 6 айында жеке және заңды тұлғалардың банктердегі депозиті 3,8%-ға өскен.

Соның ішінде мерзімде салымдардың үлесі басым. Жыл басында бұл көрсеткіш 28,7 трлн теңге болса, шілде айында 29,6 трлн теңгеге жетті. Яғни, жарты жылда 848 млрд теңгеге өсті.

Жинақ салымдары да айтарлықтай көбейді. Қаңтарда 3 трлн теңге болған жинақ салымдар шілде айында 3,77 трлн теңгеге жеткен. Бұл – 771 млрд теңге өсім. Пайыздық көрсеткішпен алғанда, ең көп өсім осы салым түрінде байқалады.

Ағымдағы шоттардағы қаражат керісінше, сәл азайды. Жыл басында 9,85 трлн теңге болса, шілдеде 9,75 трлн теңгеге түскен. Бұл күнделікті пайдалануға...

Ұлттық тестілеу орталығы 2025 жылғы 5-7 тамыз аралығында педагогтердің білімін бағалауға арналған тестілеуге құжат қабылдау басталатынын хабарлады.

Өтінім app.testcenter.kz сайты арқылы қабылданады.

Педагогтердің білімін бағалау тесті 8-9 тамыз аралығында өтеді.

Тестілеуге кім қатыса алады:

Бұған дейін, Жоғары аудиторлық палата жоғары білім беру жүйесінің қазіргі жай-күйін бағалау және проблемаларды анықтау мақсатында кешенді сауалнама...

Toyota сатылымы рекорд орнатты. Toyota Motor Corporation 2025 жылдың алғашқы жартысындағы сатылым, өндіріс нәтижелерін жария етті.  

Сонымен бірге Daihatsu Motor Co., Ltd. және Hino Motors, Ltd атты еншілес компанияларын қоса алғанда қаңтар айы мен маусым аралығындағы жиынтық қорытындысы туралы ақпарат берген.

Компанияның мәліметінше, алғашқы алты айда әлемде 5 440 880 көлік сатылған. Оның ішінде Toyota, Lexus, Daihatsu және Hino үлгілері де бар.

Жылдық нәтиже бойынша, Toyota сатылымы артқан. Нақты айтқанда, +7,4%-ға дейін сатылым өсім көрсетіп отыр. Соңғы алты ай концерн тарихында сатылым қарқыны бойынша рекордты деңгейге шыққан.  

Осы уақыт ішінде Toyota зауыттарында 5 523 039 көлік жасалыпты. Алдыңғы кезеңмен...

Шілдеде жылдық инфляция екінші ай қатарынан 11,8%-ды құрады. Бұл туралы Ұлттық статистика бюросы хабарлады.

Ресми дерек бойынша шілдеді айлық инфляция бәсеңдеп, бір баға 0,7%-ға өсті. Маусымда бұл көрсеткіш 0,8%-ды құраған еді.

Жылдық инфляция құрылымына көз жүгіртсек, ең алдымен, азық-түлік өнімдерінің бағасы 11,2%-ға көтерілген. Маусымда бұл көрсеткіш 10,6% болған. Бұл ретте, әсіресе, май мен тоң майдың (20,3%), жеміс-жидек пен көкөністің (19,4%), сондай-ақ ет және ет өнімдерінің (13,2%) бағасы қатты қымбаттаған.

Қызмет түрлерінің бағасы да жалпы инфляцияға едәуір үлес қосып отыр. Бір жылда бұл саладағы баға өсімі 14,9%-ды құрады. Алайда маусыммен салыстырғанда, бұл көрсеткіш біршама төмендеген: бір ай бұрын қызметтер...

Елдегі зейнеткерлер WhatsApp мессенджері арқылы жаппай хабарлама ала бастады. Онда «енді олар 30 АЕК (117 мың теңге) мөлшерінде санаторлық-курорттық емделуге құқылы» деген хабарлама  жазылған. Яғни, жолдама ақысын өздері төлеп, барлық чек пен құжатты сақтап қойса, мемлекет бұл ақшаны міндетті түрде қайтарады делінген. Бұл туралы Kursiv.Media «Мой город» порталына сілтеме жасап хабарлайды.

«Құрметті зейнеткерлер! Санаторлық-курорттық емдеуге арналған жеңілдіктер ережесі бекітілді. Енді сіздер Қазақстанның кез келген санаториясына бара аласыздар. Жолдаманың толық құнын төлеп, ол жерден түбіртек, төлем шоты, жеке куәліктің көшірмесін алып, банк немесе пошта арқылы шот ашып, барлық құжатты әлеуметтік қорғау бөліміне тапсыру қажет. Олар сізге...

Президент Қорғаныс министрі Дәурен Қосановты қабылдады. Бұл туралы Ақорда хабарлады.

Қасым-Жомарт Тоқаевқа қорғаныс ведомствосының 2025 жылдың бірінші жартыжылдығында атқарған қызметі туралы баяндалды.

Дәурен Қосанов армияның жауынгерлік дайындығы, көктемгі әскер қатарына шақыру науқанының нәтижелері жөнінде ақпарат берді.

Сондай-ақ әскери-патриоттық тәрбие жүйесін жетілдіру, әскери қызметшілерді әлеуметтік тұрғыдан қамсыздандыру шаралары жөнінде мәлімет берді.

Ақорданың хабарлауынша, президент тапсырмаларының орындалуы туралы да айтқан.

Оның ішінде әскердің ұтқырлық деңгейін арттыру, әуе шабуылына қарсы қорғанысты күшейту, аумақтық әскер мен ұшқышсыз ұшатын аппараттар бөлімшесін, әскери инфрақұрылымды дамыту, қорғаныс саласындағы мемлекеттік тапсырысты орналастыру мәселелері жөнінде ақпарат берген.

Қасым-Жомарт Тоқаев министрге Қарулы күштердің әскери әлеуетін одан әрі арттыру жөнінде...

Жоғары аудиторлық палата жоғары білім беру жүйесінің қазіргі жай-күйін бағалау және проблемаларды анықтау мақсатында кешенді сауалнама басталғанын хабарлады.

Палата мұндай сауалнаманы жоғары білім сапасын арттыру мен дамытуға бөлінген қаражатты пайдалану тиімділігіне жүргізілетін аудит аясында іске асырмақ.

Сауалнама үш топқа арналған:

Студенттер үшін 13, оқытушыларға 9, түлектерге 6 сұрақ қойылған.

Студенттерге «алып жатқан жоғары білімнің сапасына қаншалықты көңіліңіз толады, университет оқытушыларының біліктілік деңгейі жоғары ма, оқытушылар заманауи оқыту әдістері мен технологияларын қолдана ма» деген сияқты сұрақтар қойылса, оқытушыларға «жұмыс істейтін жоғары оқу орныңыздағы жағдайға қаншалықты көңіліңіз толады, оқу жүктемесін бөлу жүйесі қаншалықты ашық және әділ»

Ұлттық банк теңгенің құнсыздануын тежеуге 125,6 млн доллар жұмсағанымен, 1 шілдеде доллар қайтадан көтеріліп жатыр. Қазақстан қор биржасында (KASE) 1 АҚШ доллары 543,24 теңге тұрады. Ақша айырбастау мекемелерінде көк қағаз 548-549 теңгеден сатылып жатыр.

Доллар мен теңге бағамы

Екі күн бұрын, 30 шілдеде доллар 550 теңгеден жоғары көтерілген уақытта, Ұлттық банк валюта саудасына аралысып, 125,6 млн долларға инвервенция жүргізген. Соның арқасында ұлттық валюта бірден 10 теңгеге нығайып, бір доллар шамамен 540 теңгеге түскен.

Алайда бүгін, 1 шілдеде Құрама Штаттар валютасы қайтадан көтеріліп жатқанын көріп отырмыз. KASE-дегі күндізгі сауда нәтижесінде, АҚШ валютасы 2,52 теңгеге...

Ел экономикасының былтырғы өсіміне қатысты деректер қайта қаралды. 2024 жылы елдің жалпы ішкі өнімі (ЖІӨ) 5%-ға өскен. Бұған дейін көрсеткіш 4,8 болған. Жаңа деректі Ұлттық статистика бюросы ұсынды.

Экономиканың өсуіне негізінен мұнайға қатысы жоқ салалар әсер еткен. Тауар өндірісі 6,3%-ға артса, қызмет көрсету саласы 4,6%-ға өсті. Өңдеу өнеркәсібі 6,8%-ға өсіп, бұл 2011 жылдан бергі ең жоғары көрсеткіш болды.

Сондай-ақ құрылыс салу 15,3% (бұрын – 13,1%), ауыл шаруашылығы 13,7%-ға (бұрын – 13,3%) артты. Ішкі сауда көлемі 8,9%, көлік және қоймалау қызметі 9,4%-ға өсті.

Мұндай нәтижеге нақты секторды қолдау, көлік және логистика инфрақұрылымын дамыту, инвестицияны ынталандыру және қаржы құралдарына қолжетімділікті арттыру...

Әзілкеш жастар әйел мен ер, қыз бен жігіт қарым-қатынасын талқылайтын Youtube желісіндегі «СЫР» жобасында бет сүйіп амандасуға деген көзқарасты сөз етті.

Жобаның кезекті шығарылымына Ninety one тобының мүшесі, Ace лақап атымен өнер көрсететін әртіс Азамат Ашмақын келген.

Жастар әңгіме барысында туыстар арасында, әсіресе келін мен қайынағалардың, жеңге мен қайныларының бет сүйіп амандасуы ерсі көрінетінін айтты.

Жобадағы жүргізушінің бірі, стендапер Жансая Мұратбекова келін ретінде қайынағалары бетінен сүйсе өзін жайсыз сезінетінін, ондайда жасының үлкендігін сыйлап қарсы ештеңе айта алмайтынын жеткізді.

Жастар алдыңғы буынды бет сүйіп амандасатыны үшін сөкпейді, бұл әдет бұрыннан орнығып қалғанын, оған түсінікпен қарайтынын айтады. Алайда біртіндеп «осыны доғару...

2025 жылдың алғашқы жартысында Қазақстан уран өндірісін 13%-ға арттырған. Бұл туралы «Қазатомөнеркәсіп» ұлттық атом компаниясы өндірістік есебінде хабарлады.

Компанияның дерегінше, 6 айда 12 242 тонна уран өндірілген Ал бірлескен кәсіпорындардағы үлесі бойынша есептелген өндіріс көлемі 11%-ға өсіп, 6 430 тоннаны құрады.

Сонымен қатар шілде айында «Казатомөнеркәсіп» пен француз Orano-ның бірлескен кәсіпорны – «Катко» уран өңдейтін жаңа зауытты іске қосты. Жылдық қуаты 2 000 тонна болатын кәсіпорын Төртқұдық кен орнының оңтүстік бөлігінен алынатын уранды өңдейді. Бұл өндіріс қазіргі кен орындарын кезең-кезеңімен алмастыруға тиіс.

Алайда өндірістегі өсімге қарамастан, сатылым көлемі төмендеді. 2025 жылдың алғашқы алты айында топ бойынша уран сату көлем...

Ресейде шетелдік ұйымдармен ынтымақтастық жасағандар азаматтықтан айырылмақ. Халықаралық ұйымдар мен елдер де осы қара тізімде.

Мәскеу ақпаратына қарағанда, Ресей президенті Владимир Путин РФ азаматтығынан айыруға негіз болатын кеңейтілген тізбе көрсетілген заңға қол қойды.

Жаңа заңда адам өлтіру, балаға зорлық көрсету қылмыстары да осы тізбеге кірген. Содан кейін терроризмді жария түрде насихаттау, ақтау және шақыру да азаматтықтан айыруға түрткі болмақ.

Осы қылмыстар кірген тізбеде «Ресейдің қауіпсіздігіне нұқсан келтіру үшін және басқа да бірқатар негіздер  бойынша басқа мемлекетпен, халықаралық немесе шетелдік ұйымдармен құпия ынтымақтастық» та көрсетіліпті.

Мұның алдында Ресей қауіпсіздік қызметі шетелдік танкерлерге Қара теңізге кіруге рұқсат берген еді.

Жамбыл облысы әкімі Ербол Қарашөкеев Мойынқұм ауданындағы атысқа байланысты пікір білдірді.

Айта кетейік, 29 шілдеде Жамбыл облысында атыс болып, 4 адам ауруханаға түсті. Содан кейін ішінде екі адамның жағдайы ауыр екені хабарланды.

«Жастар арасында болған құқықбұзушылыққа байланысты тиісті органдар шұғыл әрекет етіп жатыр. Мемлекет басшысы тап өткендей, заң үстемдігі мен қоғамдық тәртіпті сақтау – мемлекеттің басты міндеттерінің бірі. Бұл істе ешқандай кешірім болмайды – күдіктілер заң аясында жауапқа тартылады», – деді облыс әкімі әлеуметтік желідегі парақшасында.

Сондай-ақ Қарашөкеев жастарды тәртіпті болуға, бір-біріне сыйластықпен, түсіністікпен қарауға, арандатушылықтан аулақ болуға шақырды.

Қазақстанда өндіріске тапсырыс азайып, соған байланысты өнім өндіру азайды. Бұған қоса, жұмыс күшін қысқарту жүріп жатыр. Нарықтағы тығырыққа орай өнім өтпей, көп қор жиналып қалды. Осының бәрі Freedom Holding Corp. пен S&P Global бірлесіп дайындаған 2025 жылғы шілдеге арналған зерттеуінде айтылды.

Іскерлік белсенділік индексі (PMI) республикадағы 250-ге жуық өндіруші компания мәліметі негізінде дайындалды. Зерттеуге сәйкес, 2025 жылғы шілде айында елдегі өңдеу өнеркәсібінде іскерлік ахуалы әлсіз күйінде қалды. Сұраныс азайып, өндіріске қажет заттар мен дайын өнімдер қоймада қалып қойды.

Шілдеде PMI көрсеткіші 49,9 болды. Бұл – маусым айындағы көрсеткіштен (49,7) сәл ғана жоғары. Индекс 50-ден төмен болғандықтан, жағдай өзгерді деуге келмей...

Мемлекет басшысы Қасым-Жомарт Тоқаев көлік саласының қызметкерлерін марапаттады. Сондай-ақ көлік саласы бойынша атқарылып жатқан жұмыстар мен мәселелерді тізіп шықты.

Президент, ең алдымен, көлік саласы қызметкерлерін кәсіби мерекесімен құттықтап, оларды ел дамуына елеулі үлес қосып жатқан нағыз еңбек адамдары деп атады.  Сондай-ақ көлік саласының стратегиялық маңызына тоқталды.

«Көлік құралдары – экономиканың қозғаушы күші, өсіп-өркендеу кепілі десек, артық болмайды. Еліміздің осы саладағы мүмкіндіктері мол, тіпті, бірегей деуге болады. Қазақстан – Еуразиядағы негізгі транзиттік хабтың бірі. Біз қазір Транскаспий халықаралық көлік бағдарын белсенді түрде дамытып жатырмыз. Бұл – Қытай, Орталық Азия және Еуропа арасында тауар жеткізудің төте...

2025 жылғы 30 маусымда «Тұрғын үй құрылысына үлестік қатысу туралы» Заңға өзгерістер енгізілді. «Бәйтерек» ұлттық басқарушы холдингі» баспасөз қызметінің басшысы Перизат Шакенованың айтуынша, бұл өзгерістер екі негізгі бағытты қамтиды: үлескерлердің құқығын қорғау және құрылыс салушыларға қойылатын талапты күшейту. Олардың біразы 1 қыркүйектен күшіне енсе, бірқатары 2026 жылдан қолданылады.

Бірінші маңызды жаңалық – салынып жатқан үйге ипотека тек құрылыс ресми түрде мақұлданғаннан кейін ғана беріледі. Құрылыс салушы халықтың ақшасын тарту үшін міндетті түрде Қазақстан тұрғын үй компаниясының кепілдігін немесе әкімдіктің рұқсатын алуға тиіс. Сонымен қатар үлестік қатысу шарты міндетті түрде «Қазреестр» жүйесінде тіркелуі керек.

Қазақстан тұрғын үй компаниясының дерегінше...

Сенбі, 2 тамыз күні, 02:00-ден сағат 06:00-ге дейін Қазақстанда бірқатар цифрлық мемлекеттік қызметтер уақытша қолжетімсіз болады.  

Жоспарлы техникалық жұмыстарға байланысты уақытша тоқтайтын қызметтер туралы ақпарат «Ұлттық ақпараттық технологиялар» АҚ сайтында жарияланды.

Аталған уақыт ішінде келесі мемлекеттік электрондық сервистер уақытша қолжетімсіз болады:

Мамандар азаматтардың күнделікті істеріне кедергі келтірмес үшін техникалы...

Бас прокуратура жағдайы бола тұра әдейі алимент төлемей жүрген ер адамдар қылмыстық жауапкершілікке тартылғаны туралы хабарлады.

Алматы қаласының Алмалы ауданында жеке сот орындаушысы жүргізген істерде алимент бойынша берешек сомасы 1,5 млрд теңгеден асқан.
 
Тексеріс көптеген борышкерлер автокөлігі мен жылжымайтын мүлігі болғанына қарамастан, сот шешімін орындаудан саналы түрде жалтаратынын көрсеткен.
 
Осыған байланысты прокуратураның бастамасымен қаланың Полиция департаментімен бірлескен жұмыс ұйымдастырылған.
 
Қабылданған шаралардың нәтижесінде борышкерлерден 22 автокөлік алынып, айыппұл тұрағына қойылған. Бес іс бойынша мүлік алынғаннан кейін 7 миллион теңгеден астам қарыз толығымен өтелген. Өндірілген қаржының жалпы сомасы 74 млн теңгеден асқан.
 
Алименттен қасақана жалтарғандардың кейбірі қылмыстық жауапкершілікке тартылған. Олардың біреуі Қылмыстық кодекстің 139-бабына сәйкес...

АҚШ президенті Дональд Трамп 2025 жылғы 31 шілдеде жаңа жарлыққа қол қойып, бірқатар елдерден келетін тауарларға қосымша баж салығын енгізді. Бұл қадам 2025 жылғы 2 сәуірде жарияланған сауда теңсіздігіне байланысты қабылданған шаралардың жалғасы саналады.

Жарлықта нақты көрсетілгендей, АҚШ-тың көпжылдық сауда тапшылығы, яғни импорттың экспорттан басым болуы елдің ұлттық қауіпсіздігі мен экономикалық мүдделеріне қауіп төндіреді деп бағаланған.

Қазақстанға 25% баж салығы енгізіледі

АҚШ билігінің тізімінде Қазақстан да бар. Жаңа жарлыққа сәйкес, Қазақстаннан АҚШ-қа импортталатын тауарларға қосымша 25% тариф енгізіледі. Бұл шешім мынадай себептерге негізделген:

Мемлекеттен үй алуға бола ма? Тегін бе? Кімдердің жеңілдікпен үй алуға құқығы бар? Баспаналы болуға мемлекет тарапынан қандай жәрдем беріледі?

«Отбасы банктің» тұрғын үймен қамтамасыз ету орталығы осындай жиі қойылатын сауалдарға нақты жауап беріп отыр. Онда үй алуға үміткерлерге қойылатын талаптар мен шарттар көрсетілген.

Әрине, мемлекет тегін үй беруді қарастырмайды. Десе де, «Тұрғын үй қатынасы туралы» заңда азаматтардың баспаналы болуы үшін қолдау шаралары көрсетілген.

Қандай көмек беріледі?

Баспаналы болғысы келетіндерге мемлекеттің төрт түрлі көмегі бар. Санамалап шықсақ, алғашқысы – мұқтаж адамдарға кейінірек сатып алуға болатын жалға берілетін тұрғын үй. Бұған барлық санаттағы адамдар қатыса алады.

Сонымен қатар тұрғын...