Жаңалықтар

Жетісу қаласының әкімі Бейбіт Исабаевтың Орталық коммуникациялар қызметінде өткен брифингте журналистер Қаратал өзенінің жағасындағы көрікті жердегі резиденцияның тағдырын сұрады.

Ол туралы бұрын 23 гектарға жуық аумақта шамамен 15 қызметкер жұмыс істейтін алты ғимарат бар деп жазылған. Әкімнің резиденциясында үш аспаз, екі даяшы, үш тазалаушы және от жағушы жұмыс істейді. Сондай-ақ, бұл жерде орналасқан ат қора да әңгіме болған.

Исабаев резиденцияда өзі тұратынын, тіпті коммуналдық қызметтерге ақы төлейтінін растады.

«Біріншіден, бұл менің резиденциям емес. Ол мемлекеттік мәртебеге ие. Бізге шетелдік қонақтар, ресми күзетілетін қонақтар, басшылар келеді. Онда басшылықтың рұқсатымен тұрамын, бірақ мен өз қалтамнан жалдау ақысын және...

Алматыда әлеуметтік желілерде мектеп атына қауіп төндірген жасөспірім ұсталды. Оның ата-анасы тәрбие міндеттерін тиісінше орындамағаны үшін жауапқа тартылады, деп хабарлады Polisia.kz.

10 желтоқсанда Алматы полиция департаментіне мектепке қатысты қауіпті жазбалар жарияланғаны туралы хабарлама келіп түсті. Белгісіз адамның аккаунтында қару-жарақ бейнеленген және мектептерге қатысты ықтимал зорлық-зомбылық туралы айтылған қауіпті сипаттағы жазба жазылған.

Киберқылмысқа қарсы іс-қимыл басқармасының қызметкерлері авторды жедел анықтады. Ол Наурызбай ауданының №207 мектебінің 8-сынып оқушысы болып шықты.

Жасөспірім полицияға түсіп, онымен профилактикалық әңгіме жүргізілді, заңсыз әрекеттердің салдары түсіндірілді. Ата-аналар тәрбие міндеттерін тиісінше орындамағаны үшін жауапқа тартылды.

«Полицияның ұстанымы айқын: кез-келген қауіп-қатер қатаң және дереу...

Қытайлық әйгілі актер Джеки Чанның «Құдай сауыты: Ультиматум» фильмі Қазақстаннфң Маңғыстау өңірінде түсірілетін болды. Бұл туралы шешімді фильм режиссері қазақстандық Роберт Кун қабылдаған.

Маңғыстау облысының қоғамдық коммуникациялар орталығының ақпаратына сүйенсек, өңірге сапар барысында киножоба өкілдері табиғи және инфрақұрылымдық мүмкіндіктерімен танысып, ондаған әлеуетті орындарды аралап, негізгі табиғи объектілерді егжей-тегжейлі қарап шыққан. Ұзақ келіссөздердің нәтижесінде Маңғыстау өңірдің бірегей ландшафттары, ауқымды панорамалары мен табиғи бірегейлігі арқасында «Құдай сауыты» фильмінің түсірілім орны ретінде таңдалған.

«Маңғыстауда әйгілі фильмді түсіру қазақстандық киноиндустрия үшін маңызды оқиға ретінде қарастырылуда. Жобаны іске асыру Қазақстанның халықаралық кинематографиялық картадағы позициясын нығайтуға, өңірге инвестициялар тартуға мүмкіндік беред...

Мерекелік күндер қарсаңында қоғамдық қауіпсіздік деңгейін арттыру үшін Алматы полициясы күшейтілген режимге қосты, деп хабарлайды қалалық полиция департаменті.

Алматыда қалалық полиция департаментінің бастығы, полиция генерал-майоры Арыстанғани Заппаровтың төрағалығымен кешенді полиция күштері бірауыздан жиналды. Жеке құрамның алдына құқықтық тәртіпті қамтамасыз ету, профилактикалық жұмысты күшейту және кез келген құқық бұзушылықтарға жедел ден қою сияқты негізгі міндеттерді қойды.

«Мереке күндері қала тұрғындарының тыныштығына кепілдік беру үшін қызмет көрсетудің күшейтілген нұсқасына көшеміз. Полицияның міндеттері: заң және тәртіп. Әрбір қызметкер жауапкершілікпен, мұқият және принципті түрде жұмыс істеуі керек. Адамдардың қауіпсіздігі сіздің қызметіңізге байланысты және кез келген құқық бұзушылықтар уақтылы анықталып...

QazaqGaz компаниясы «Өзтрансгаз» компаниясымен Өзбекстан аумағы арқылы газ тасымалдауға келісімшартқа қол қойды. Келісім өңірлік газ инфрақұрылымының сенімділігін қамтамасыз етуі тиіс, деп хабарлады компания.

QazaqGaz және «Өзтрансгаз» Өзбекстан аумағы арқылы газ тасымалдауға келісімшарт жасады. Өзбекстан тарапынан құжатқа өзбек компаниясының басқарма төрағасының м.а. Асқар Исаков, ал Қазақстан тарапынан QazaqGaz басшысы Әлібек Жамауов қол қойды.

Жаңа келісім бұрын қол жеткізілген уағдаластықтарды белгілейді және күзгі-қысқы кезеңде тұрақты жеткізілімдерді қамтамасыз етуге, ынтымақтастықты күшейтуге және өңірлік газ тасымалдау инфрақұрылымының сенімділігін арттыруға бағытталған.

Бұған дейін президент Қасым-Жомарт Тоқаев бірлескен күш-жігермен Қазақстан, Ресей және Өзбекстан газ транзитінің көлемін ұлғайтуға ниетті екенін атап өтті. Тоқаев Ресей – Қазақстан...

Түркістан облысы Арыс қаласындағы әлеуметтік жағдайы төмен отбасыларға берілген үйден ши шықты. Бірдей қаздай тізілген үйлердің бірде бірінде жылу жоқ. Онда үй кезегінде тұрған 70 отбасы тұрады. Олардың ішінде әлеуметтік осал топтар мен көпбалалы отбасылар да бар. Дегенмен жаңа үйге жыл толмай қабырғасы көгеріп, сыз тартқан. Тұрғындар қыстың суығында дірдектеп жатқандарын айтады.

«Үйді наурыз айында алдық. Мамыр айында көшіп келдік. Бірінші келгенімізде бұл жақта жарық та, су да жоқ болатын. Әкімшілікке барып жүріп, су, жарық жалғаттық. Үйді бізге әкімдік 100 жылға жалға берген. Ай сайын 13 мың теңге төлейміз. Үйдің тех парпортында жылу газ пешпен берілед...

Талдықорғанның орталығында 20 жылдан бері тұрғындар мен саудагерлер тарапынан шағым мен наразылық туғызып келген жабайы сауда орны жабылды. Бұл туралы Жетісу облысының әкімі Бейбіт Исабаев ОКҚ-де өткен брифингте мәлімдеді.

Әкімнің айтуынша, заңсыз сауданың көпжылдық мәселесі толық шешімін тапқан. Жергілікті билік бейберекет сауда орнының иесіне жақын маңнан әмбебап базар салуға жер телімін берген.

«Ол келісім беріп, жаңа базар салып шықты. Заңсыз сауда жасағандардың басым көпшілігі сол жаққа көшіп, жұмысын жалғастырып жатыр. Ал бұрынғы орында жаяу жүргіншілерге арналған аумақ жергілікті «Арбат» пайда болды. Айналаны абаттандырдық, жарық орнаттық, орындықтар қойып, гүл ектік. Жұмыс әлі де жалғасуда...

Walt Disney компаниясы OpenAI-ға 1 миллиард доллар инвестициялау жоспарын жариялады. Бұл келісім OpenAI-дың Sora нейрожелісіне анимациялық студияның кейіпкерлері, соның ішінде Disney, Marvel, Pixar және Star Wars кейіпкерлері қатысатын видеолар жасауға мүмкіндік береді.

Келісім шарттарына сәйкес, Sora нейрожелісі пайдаланушылардың сұраныстарына жауап ретінде анимациялық студияның кейіпкерлерімен видеолар жасайды. Ал Disney оларды өзінің Disney+ платформасында көрсете алады. Бұл 2026 жылдың басында жүзеге асады деп жоспарланған. Сонымен қатар, келісім студия актерлерінің сыртқы келбеті мен дауыстарын пайдалануға қатысты емес.

«Disney – бұл әлемдік сторителлингтің (әңгіме айтудың) алтын стандарты, және біз Sora мен ChatGPT Images-тің керемет контент жасау мен қабылдау мүмкіндіктерін кеңейту үшін ынтымақтасуға қуаныштымыз», — деп келтірілген релизде...

Күләш Байсейітова атындағы Қазақ ұлттық өнер университетінің («Шабыт») студенттері оқу орнының жағдайына байланысты шағымдарын жаппай әлеуметтік желіге жазып жатыр.

«Жаңа ғимаратта ештеңе өзгермеді»

Студенттердің бірі 2023 жылы университет толық жөндеуге жабылғаннан кейін екі жыл бойы «Рома» отелінде оқығанын айтады. Олардың айтуынша, аудитория ретінде отель нөмірлері қолданылып, лифт жиі істен шығып, студенттер мен мұғалімдер ішінде қалып қойған жағдайлар болған.

Студенттердің сөзінше, жаңа оқу жылында жаңа ғимаратқа көшкенімен, жағдай жақсармаған. Аудиториялар өте суық, сондықтан сырт киіммен сабақ оқуға мәжбүр. Сонымен қатар қабырғаларды да өз қаржыларымен бояған. Олар аппаратураға қол жеткізу қиын екенін айтады.

«Шабытқа түсуге кеңес бермеймін...

Доллар ай басынан бері үздіксіз қымбаттап жатыр. 12 желтоқсанда Қазақстан қор биржасындағы (KASE) сағат 15:30-ға дейінгі валюта саудасында 1 АҚШ доллары 522,38 теңге болды.Бұл – демалыс күндерге арналған ресми бағам.

Көк ақша бір тәулікте тағы 2,16 теңгеге күшейді. Он күн бұрын ғана 500 теңгеден төмен түскен доллар қайтадан нығайды. Құрама Штаттар валютасы бір жарым аптаның ішінде шамамен 23 теңгеге күшейді.

Соған қарағанда, осыған дейін теңгені нығайту үшін қыруар ақша жұмсаған Ұлттық банк (ҰБ) валюта саудасына бұрынғыдай белсенді түрде араласып жатпағанға ұқсайды. Оны KASE-де валюта саудасы көлемінен біртіндеп азайып келе жатқанынан да аңғаруға болады.

Елдегі валюта айырбастау мекемелерінде де...

Жетісуда «Қорғас» арнайы экономикалық аймағында 32 жоба іске асырылып, 2 мыңнан астам жұмыс орны ашылды.

ҚазАқпарат хабарлауынша, бұл туралы облыс әкімі Бейбіт Исабаев айтып берді. 

Іске асырылған негізгі жобалар ішінде KTZE – Khorgos Gateway құрғақ портын кеңейту жұмыстары аяқталды. Соның нәтижесінде терминалдың өткізу қабілеті 1,5 есеге артқан. Жылына 540 мыңнан 800 мың контейнерге дейін өткізе алады. Сол сияқты күн панельдерін өндіретін «Miami Solar», металл конструкцияларын шығаратын «Standart Steel KZ» зауыттар да бар. 

Арнайы экономикалық аймақта тағы 32 жоба жүзеге асырылып жатыр.

«Қорғас» ШЫХА жұмыс тиімділігін арттыру үшін жаңғырту жүргізіліп, екінші багаж терминалы іске қосылды. Face...

Бастапқыда күйеуі атпен сүйреп өлтірді делінген 32 жастағы Айзат Жұманованың ісі Талдықорған сотында қаралып жатыр.

Айзаттың қазасы

Қайғылы жағдай Жетісу облысы Баласаз ауылында болған.

Тергеу дерегінше, 2025 жылдың 21 маусымы сағат 05:00 шамасында Айбар Жанболат тауға атпен мал бағуға кетіп, 16:30 шамасында үйіне келген. Сол кезде Жұманованың табалдырықта біреумен сөйлесіп тұрғанын көріп, кіммен әңгімелескенін сұраған. Жұманова жауап бермей, үйге кіріп кеткен. Ашуланған Айбар Жанболат мотоциклге отырып, Суықсай ауылындағы дүкенге барып, 7-8 бөтелке сыра сатып алған. Жол бойы сатып алған сыраны ішкен.

Үйге келген соң Жұманованың белгісіз біреумен телефон арқылы сөйлесіп жүргені есіне түсіп, қызғаныш сезім...

Жетісу облысының әкімі Бейбіт Исабаев өңір азаматтарының орташа айлық жалақысын атады.

Аймақ әкімі келтірген мәліметке сенсек, орташа айлық жалақы мөлшері 18%-ға өсіп, 331 мың теңгеге жеткен (бұрын – 280,5 мың теңге). Облыс басшысы өңірде жұмыссыздық деңгейі де төмендеді деп сендірді.

Өңірімізде2023-2025 жылдары 108,5 мың жұмыс орны құрылды, оның ішінде 70 мыңнан астам адам тұрақты жұмысқа орналастырылды.  Нәтижесінде, жұмыссыздық деңгейі – 4,7%-ға төмендеді (2023 ж. – 4,9%), атаулы әлеуметтік көмек алушылар саны екі есе азайды. 

Облыста жан басына шаққандағы орташа табыс 19%-ға ұлғайып, 172 мың теңгеге жеткен(144 мың тг.). 

Айта кетейік, ұлытаулықтардың орташа жалақысы

15 жыл бұрын 45 адамның өмірін қиған «Қызылағаш оқиғасы» қайталанып жүрмей ме?  Қайта жаңғыртудан өткен Қызылағаш су қоймасының сапасы сын көтере ме? Бұл сұрақтарға Жетісу облысының әкімі Бейбіт Исабаев жауап берді.

Өңір әкімі үлкен трагедияға алып келген оқиғаны ұмытылмайтынын және болашақта мұндай жағдайға жол берілмейтінін айтты.

«Иә ол трагедия барлығымыздың есімізде. Мұндай жағдай қайталанбас үшін 4,5 жыл сыйымдылығы 42 млн куб су баратын Қызылағаш қоймасына күрделі жөндеу жүргізілді. Былтыр көктемде біз сынақтан өткіздік. 44,5 млн кубқа дейін тексердік, бір ай тұрды, шыдады», – деп мәлімдеді аймақ басщысы ОКҚ брифингінде.

Шымкентте жыл сайын шамамен 500 адам қатерлі ісік ауруынан көз жұмады. Ал 1500 адам дәл осы ауруға шалдығып, тіркеледі. Жалпы қазір қалада 9 мыңға жуық науқас тіркелген. Олардың басым бөлігі сүт безі, өкпе, асқазан және жатыр мойны ісігімен емделіп жүр.

«3 рет ота жасалды»

Зейнеткер Шахризада Молдабекова соңғы 10 жылдан бері Шымкент қалалық онкологиялық орталықта тіркеуде тұрады. Айтуынша, осы уақыт аралығында 3 рет ота жасалған. Әуелі сүт бегі ісігі диагнозы қойылған. Екі рет ота жасалған. Тіркеуде тұрғаннан соң жарты жылда бір рет толық тексеруден өтуді әдетке айналдырған. Соңғы рет емхана дәрігерлері дереу онкологиялық орталыққа баруын сұранған. Орталықта сүт безінен бөлек...

Денсаулық сақтау министрінің орынбасары Тимур Сұлтанғазиев бір күн бұрын Алматыда пойызда уланып, ауруханаға түскен науқастардың жағдайы туралы мәлімет берді.

«11 адам ауруханаға, соның ішінде екі бала жақсақтау бөліміне түскен. Қазір олардың бәрінің жағдайы жақсы. Жансақтау бөлімінде ешкім қалмады – бәрі жалпы палатаға ауыстырылды», – деп жауап берді вице-министр Сенаттағы журналистер сауалына.

Естеріңізге сала кетейік, 11 желтоқсанда түстен кейін Алматы-2 вокзалында бір топ жолаушы табиғи газбен ауланып, соның салдарынан 52 адам зардап шеккен. 13 жедел жәрдем бригадасы оларды ауруханаға жеткізген. Бейсенбіде екі бала жансақтау бөлімінде жатқаны мәлім болған.

«Қазақстан темір жолы» ондаған адам көміртек тотығынан уланғанын...

TIME журналы 2025 жылдың «Жыл адамы» болып жасанды интеллект (ЖИ) жасаушыларын атады.

«2025 жыл жасанды интеллекттің әлеуеті толықтай ашылып, артқа жол жоқ екені айқын болған жыл болды. Ойлайтын машиналар дәуірін бастағаны үшін, адамзатты таңғалдырып, алаңдатқаны үшін, қазіргі уақытты өзгертіп, мүмкін болатын шектен шыққаны үшін, ЖИ жасаушылары TIME журналының 2025 жылғы «Жыл адамы» болып танылды, — делінген журналдың X әлеуметтік желісіндегі аккаунтында.

Мұқабалардың бірінде ЖИ жасаушылары бейнеленген: Meta басшысы...

СКО-да сабақ кезінде жарылыс болып, химия пәні мұғалімі күйіп қалды. Алайда, ауруханадан шыққан соң ол техника қауіпсіздігін бұзғаны үшін жазаланады.

Orda.kz хабарлауынша, Солтүстік Қазақстан облысының Сергеевка қаласында химия пәні мұғалімі 9-сыныптағы демонстрациялық тәжірибе кезінде беті, мойны, қолы және кеудесінен термикалық күйік алған. Тәжірибе барысында оның киімі жанып кеткен. Ал өртті оқушылардың бірі сөндірген. Балалар аман.

«Нәтижесінде мектеп директорының міндетін атқарушы әкімшілік жауапкершілікке тартылды. Мұғалім еңбекке оралғаннан кейін қауіпсіздік ережелерін бұзғаны үшін тәртіптік жазаға тартылады», – деп хабарлады СҚО білім басқармасы.

Оқиғадан кейін өңірдегі барлық мектепте техника қауіпсіздігі мен өрт қауіпсіздігі бойынша жоспардан тыс...

Астана қаласының мәслихаты отырысында әкім Жеңіс Қасымбек елорда халқы қалай өсіп жатқанын мәлімдеді. Оның сөзінше, қазір Астанада 1,6 млн адам тұрады.

Отырыста сөз сөйлеген қала басшысы жергілікті кірістіліктің есебінен келесі жылы қала бюджеті 1,1 трлн теңге болатынын айтты.

«Сол ақшаға қалада бәрін салып тастау мүмкін емес. Сонда да жыл ішінде кейбір жобаларды нақтылауға болады. Көп мәселе бар. Екі жыл бойы бізге «Жайлы мектеп» жобасы жақсы көмектесті. Енді одан кейін өз күшімізге сенуге тура келеді. Денсаулық сақтау саласында да сондай мәселелер бар. Бізге Мемлекет басшысы, Үкімет пен Самұрық-Қазына қоры перзентхана мен көпбейінді аурухана бойынша қолдау білдіріп отыр...

Тоқаев бүгін Ашхабадтағы халықаралық форумға қатысты. Өз сөзінде Украина мен Ауғанстандағы жағдайға тоқталып өтті.

Президент Украинадағы қақтығысты реттеу бойынша келіссөздер жалғасуы керек деп есептейді. Ол мұндай сәтте ірі державалардың саяси ерік-жігер көрсетуі өте маңызды деп санайды.

«Қазірдің өзінде жаһан жік-жікке бөлінуден, тіпті ядролық соғыстан бас тартып, бейбітшілік, сенім, ынтымақ секілді құндылықтарды басшылыққа алған кезде әлемде әділетті және орнықты тәртіп орнатуға болатыны белгілі болды. Осы орайда еліміз Украинадағы қақтығысты реттеу бойынша келіссөз процесінің жандануына қолдау білдіреді. Ресей мен АҚШ президенттерінің Анкоридждегі кездесуінен кейін бейбітшілік пактісінің негізгі ережелері белсенді талқылана бастады. Бұл көптен күткен бітімге келу...

Қазақстанда тексерілмеген етті сату үшін жазаны қатаңдату жоспарланып отыр. Ветеринария туралы заң осыны көздейді.

Informburo ақпаратына қарағанда, бұл туралы Ауыл шаруашылығы вице-министрі Аманғали Бердалин мәлімдеді.

Оның айтуынша, кейбір кәсіпкерлер етті жалған мөрлермен немесе рұқсат құжаттарсыз сатып жатыр. Сондықтан министрлік мұндай заңсыз өнімдерді өткізуге қатысты жазаны күшейтетін нормалар әзірлеген. Тиісті түзетулер ветеринария туралы заңға енгізілген.

«Біз ветеринария туралы заңды дайындап жатырмыз. Ол келесі жылдан бастап парламентте талқыланады деп ойлаймын. Осы заңда біз айыппұлдарды күшейттік және мұндай іспен айналысатындарға қылмыстық жауапкершілік енгізгіміз келеді», – деді Бердалин сенаттағы брифингте.

Оның пікірінше, қазіргі заң бойынша ветеринарлық-санитарлық сараптамадан

Алматы қаласында бір-біріне өте жақын орналасқан, аумағы тым тар тұрғын үй салуға тыйым салады. Мегаполис Бас жоспарына осындай өзгеріс енгізу туралы ұсыныс бар. Бұл туралы Kursiv.Media шаһар әкімдігі мәліметіне сүйене отырып хабарлады.

Халық талқылайды

Алматы қалалық мәслихат депутаттары мен Қоғамдық кеңес мүшелері бірлескен кеңейтілген отырыс өткізді. Жиналыста мегаполистің 2040 жылға дейінгі Бас жоспарына түзету енгізу мәселесі қаралды.

Әкім орынбасары Бейбіт Шаханов соны өзгерістер жыл аяғына қарай қоғам талқысына ұсынылады.

«Жобаның қоғамдық талқылауы биыл 24–26 желтоқсан аралығында өтеді. Ортақ міндетіміз — қала дамуының мүддесі мен стратегиялық бағыттарын айқын көрсететін, жан-жақты әрі сапалы...

Қазақстандық актриса, продюсер Дариға Бадықова Forbes журналына енді. Бұл жаңалықты өнер иесі өзі әлеуметтік желідегі парақшасында бөлісіп, жетістігін сабырлы қабылдағанын жасырмады.

Актрисаның айтуынша, Forbes секілді беделді басылымға шығу еңбегінің нәтижесі. Алайда бұл оқиға оның ішкі күйіне де, өмірлік ұстанымына да айтарлықтай әсер етпеген.

«Forbes-ке шықтым, құттықтап қойсаңыздар болады еңбегім ғой. Бірақ ішімде де, сыртымда да өзгеріс жоқ. Фотоға түскенде де «курица» болғым келген жоқ», – деп жазды Бадықова.

Өзінің табиғи болмысын, қарапайым қалпын сақтауды маңызды санайтынын атап өтті. Актрисаның сөзінше, тіпті бұл жаңалыққа байланысты салтанатты түрде тойлау немесе жұртты жинап, шампан атқылау да...

Кеше кешке Шымкенттегі ескі жатақханалардың бірінен өрт шығып, ондаған отбасын үрейге салды. Ресми мәлімет бойынша, зардап шеккендер жоқ.

12 желтоқсанға қараған түні Шымкент қаласы Тассай ықшам ауданындағы 5 қабатты жатақхананың 3-ші қабатынан өрт шыққан. Әбүйір болғанда жалын шарпығанын тұрғындар байқап, көмекке шақырған. Тұрғындардың сөзінше, өрт электр желісінен басталған. Жатақхананың 5-қабатында отбасымен тұратын әйелдің сөзінше, әуелі жарық сөніп қалған. Дәліздегі жарықты сөндіретін автоматқа барғанда 3-қабаттан өрт шыққанын байқаған. Сол сәтте айқай салып, көрші-қолаңына дабыл қаққан.

«Жан дауысым шығып жүгірдім. Сол сәтте тұйықталу басталған еді. Өрт, өрт деп айқайладым. Бүкілі сыртқа шығып үлгерді. Шыны керек, өміріміз қыл үстінде...