Жаңалықтар

25 мамыр күні Алматыдағы Ұлттық кітапханада ерекше рухани мәнге ие, швейцариялық жанкүйер Эстер Ульманның «Димаш және Қазақстан: менің өмірімді қалай өзгертті» атты кітабының тұсаукесері өтті. Бұл туынды – әлемге әйгілі әнші Димаш Құдайбергеннің шығармашылығы арқылы Қазақстанды танып, ұлттық мәдениет пен руханиятқа терең бойлаған автордың шынайы естеліктер жинағы.

Тұсаукесер рәсіміне Димаш Құдайбергеннің анасы Света Айтбаева, әншінің «Тау ішінде» бейнебаянына түскен Азат Сейтметов пен Данагүл Темірсұлтанова, сондай-ақ Ұлттық кітапхананың директоры Ғазиза Құдайбергенқызы қатысты. Света Айтбаева өз сөзінде авторға алғысын білдіріп, қазақтың дәстүрі бойынша шапан жауып, алтын бұйым тарту етті.

Эстер Ульман өз кезегінде Ұлттық кітапханаға 5 дана кітабын сыйға тартты...

25 мамыр күні Шымкенттегі Қажымұқан Мұңайтпасов атындағы Орталық стадионда футбол ойнап жүрген балаға жебе тиіп, жарақат алды. Оны оқиға орнынан жедел жәрдем қызметі алып кеткен.

Әлеуметтік желіде садақ тиген баланы жедел жәрдем қызметі қалай алып кетіп жатқанын көруге болады. Онда шамамен 11 жасар баланың арқасына оң жақ қабырға тұсына садақтың жебесі қадалғанын көруге болады.

Шымкент қалалық полиция департаментінің Курсивке хабарлауынша, жебе стадиондағы мүгедектерге арналған садақ ату секциясынан шыққан. Жебе садақ ату секциясы траекториясынан ауытқып, стадионда жүрген балаға тиген.

«Осы факт бойынша Қылмыстық кодекстің 306-бабы, яғни «Қауiпсiздiк талаптарына сай келмейтін тауарларды шығару немесе сату, жұмыстарды орындау не...

Кәсіпкер Тұрсынғали Алагөзов 2024 жылдың ақпан айында кәсіпкер Тимур Жаңабаевтан Шымкент сыра зауытын 8 млрд теңгеге сатып алған. Бизнесмен Kursiv.Media сайтына берген эксклюзивті сұхбатында затты қандай шарттармен сатып алғанын егжей-тегжей айтып берді.

Шымкент сыра зауытына салынған инвестиция көлемі 40 млн долларға жетті

Содан бері Алагөзов Шымкент сыра зауытына $40 млн инвестиция салған. Бұл соманың шамамен 15 млн доллары 20 мың шаршы метрлік жаңа нысан: қойма мен жабдықтар орналасқан ғимарат салуға, сондай-ақ инженерлік коммуникация тартуға жұмсалған.

Тағы 7 млн доллар Galanz Bottlers компаниясына тиесілі брендтер – «Maxi Чай» және басқа да алкогольсіз сусындар өндірісі бойынша жаңа...

Жөндеу жұмыстарына байланысты орнынан алынған Кенесары ханның ескерткіші қайта қойылды. Бұл туралы мемлекеттік кеңесші Ерлан Карин instagram парақшасында мәлім етті.

Ерлан Карин ескерткіш алынған кезде енді қайтып қойылмайтыны туралы жалған ақпарат, қате пікір тарағанын атап өтіп, шын мәнінде ескерткішке жөндеу қажет болғанын жеткізді.

«Жөндеу жұмыстарына сай, керісінше оның биіктігі ұзартатын болды. Енді міне, бүгін жөндеу жұмыстары аяқталып, ескерткіш орнына қойылды», – деді ол

Астанадағы Есіл өзенінің жағасында тұрған Кенесары ханның ескерткішін 2023 жылы орнынан алынған еді.

Кенесары ханның ескерткіші – Астанадағы Есілдің жаңалауында орын тепкен. Ескерткіштің ресми ашылуы 2001 жылдың 11 мамырында өтті. Оны...

Газа тұрғыны Хамди Әл-Наджар Израиль әуе соққысы басталған уақытта он баласымен бірге Хан-Юнистегі үйде отырған. Шабуылдан тоғыз бала қаза тапты. Жалғыз баласы ғана қалған әке Сектордағы аурухананың жансақтау бөлімінде жатыр деп жазды Reuters.

Газа секторының оңтүстігіндегі Насер ауруханасында Хамдиге екі хирургиялық ота жасалды. Ол іші, кеудесі және басынан жараланған.

Израиль әскері 23 мамырда Хан-Юниске шабуыл жасалғанын растады, бірақ ғимарат ішіндегі күдіктілер нысанаға алынғанын мәлімдеді. Олар әскери операция қарсаңында бейбіт тұрғындарды көшірдік деп отыр.

Дәрігерлердің айтуынша, қаза тапқан тоғыз баланың ең үлкені 12, ал кіші бір жаста. Тірі қалған бала да ауруханада жатыр. Дәрігерлер оның жағдайын тұрақты ауыр деп бағалайды...

Алдағы уақытта бірден екі шахматшы – 14 жастағы Эдгар Мамедов пен 21 жастағы Бибісара Асаубаева халықаралық шахмат федерациясы (FIDE) тарапынан гроссмейстер (GM) атағына ресми түрде ие болмақ.

Бұл жаңалық 2025 жылы Шарджада (БАӘ) өткен Sharjah Masters International Chess Championship турнирінен кейін белгілі болды. Аталған жарыс әлемнің таңдаулы шахматшыларын жинаған аса беделді дода болды. Турнирге 64 гроссмейстер мен 17 халықаралық шебер, рейтингтері 2453 пен 2771 аралығындағы ойыншылар қатысты.

Қазақстандық шахматшылар арасында бұл турнирде Эдгар Мамедов (2492), Бибісара Асаубаева (2494) және гроссмейстер Ринат Жұмабаев (2551) лайықты өнер көрсетті. Сәйкесінше 24, 28 және 29-орындарға ие болды. Мамедов пен Асаубаева 9 мүмкін ұпайдың 5-ін...

2025 жылдың 7 сәуірінен бастап Қазақстанда автокөлікті міндетті сақтандыру жүйесі жаңартылды. Жаңа тарифтер енді жүргізушінің тәжірибесі мен жасына ғана емес, оның жолдағы тәртібіне де қарай есептеледі. Бұл өзгеріс халық арасында түсініспеушілік тудырып, әртүрлі аңыздардың таралуына себеп болды.

Осы ретте Freedom Insurance басқарма төрағасы Азамат Керімбаевпен бірге .сақтандыруға қатысты ең көп таралған 5 мифті қарастырып, нақты шындықпен салыстырамыз.

Миф 1: Сақтандыру бағасы қатты қымбаттады

Кейбіреулер сақтандыру полисінің бағасы бірден 112 мың теңгеге көтерілді деп ойлайды. Бұл дұрыс емес.

Шындық:
Негізгі сақтандыру жарнасы – 1,9 АЕК (2025 жылы 7471 теңге). Бұл сома 2007 жылдан бері өзгермеген. Бағаның өзгеру себеб...

Түркістан облысы Жетісай ауданының сотында жанар-жағармай бекетінде қауіпсіздік талаптарын сақтамау салдарынан адам өліміне соқтырған оқиғаға қатысты сот үкімі шықты.

Мән-жайы

Автогаз құятын бекетте өрт қауіпсіздігі ережелерін сақтамау салдарынан шыққан өрттен екі адам күйіп, қаза тапқан.

Сот шешімі

Сот өрт қауіпсіздік ережелерін сақтамай, екі адамның өмірін қиған қылмысқа «JOL YRYSY» ЖШС-нің жүргізушісі және оның басқарушы директорын кінәлі деп тауып, әрқайсысына 5 жылдан бас бостандығынан айыру жазасын кескен.
 
Келтірілген моральдық және материалдық шығын ішінара өтелді.
 
Сот үкімі заңды күшіне енген жоқ.

Бұған дейін, Павлодарда бес жасар баланы сүндеттеу кезінде абайсызда қателескен хирург істі болғанын жазғанбыз.

Ішкі істер министрлігі «Алтын орда» базарының бұрынғы жетекшілері, Болат Назарбаевтың серіктестерін іздестіріп жатыр. Іздеуде жүрген 41 жастағы Қанат Алмабек пен 43 жастағы Данияр Әбдіғаппаровты БАҚ Болат Назарбаевқа тиесілі болған «Алтын орда» базарымен байланыстырады.

Ашық деректерге сенсек, Қанат Алмабек – «Ush Qonyr City» ЖШС құрылтайшысы деп көрсетілген. Компания жылжымайтын мүлік басқару және жалға берумен айналысады. Ал Данияр Әбдіғаппаров – «Altyn Orda Qaztrade Ltd» ЖШС құрылтайшысы және директоры. Ол да жылжымайтын мүлікті жалға беру саласында жұмыс істейді.

Алматыдағы ең ірі базардың бірі «Алтын Орда» «KURYLYS LTD» ЖШС меншігінде болған. Бұл компанияны 2013 жылы наурыз бен 2022 жыл...

Ағылшын премьер-лигасының 2024/25 жылғы маусымы өз мәресіне жетті. Қызыққа толы әрі тартысты жарыста «Ливерпуль» клубы мерзімінен бұрын чемпион атанып, Англияның басты футбол тәжін тағы бір мәрте иеленді. Команданың жеңісіндегі басты себепкердің бірі – Мохаммед Салах, маусымда 29 гол соғып, төртінші рет Премьер-лиганың үздік сұрмергені атанды.

Ал Лондонның «Челси» клубы маусым барысында бірнеше қайта құрылымдау мен тұрақсыз ойындарға қарамастан, соңғы турда Чемпиондар лигасына жолдама алды. Екі жылдық үзілістен кейін бұл еурокубоктағы беделді орынға қайта оралу – жанкүйерлер үшін үлкен қуаныш.

Маусым қорытындысы бойынша:

Павлодарда мүгедектігі бар әйел туысымен пәтер үшін соттасып, тек Жоғарғы сотта жеңіп шықты. Іс материалдарына сәйкес, пәтерге байланысты дау 2022 жылы қол қойылған сатып алу-сату шарты негізінде туған.

Ол жерде ер адам туысынан екі бөлмелі пәтер сатып алған. Ал пәтерді «сатқан» әйел 2017 жылдан жалпы ауруға байланысты екінші топтағы мүгедектігі бар, 2001 жылдан психиатр есебінде тұрған.

Мәміле жасалғаннан кейін әйел бұл пәтерді 6 айға жалға алған. Жалдау мерзімі аяқталғаннан кейін сатып алушы оған пәтерді босату қажет екенін хабарлаған, бірақ ол үш адамнан тұратын отбасымен сонда тұруды жалғастырған. Оларды шығару үшін сатып алушы пәтердің иесі екенін көрсетіп, сотқа жүгінген.

Әйел...

Еуроодақ Ресейге қарсы тағы жаңа санкциялар пакетін дайындап жатыр. Оның аясында жиырмаға жуық ресейлік банкті халықаралық SWIFT жүйесінен ажыратып, мұнай бағасын арзандатпақшы. Бұл туралы дереккөздеріне сілтеме жасаған Bloomberg жазады.

Еуроодақ осы жолғы шектеулерді барынша қатаңдатпақшы. Шектеулер банк және мұнай секторына қатысты. Ресейлік 20 банкті халықаралық жүйеден алып тастап, шамамен 2,5 млрд еуроға дейін сауда шектеуін салуды көздеп отыр.

«Солтүстік ағын» газ құбырын пайдалануға тыйым салмақ және ресейлік мұнай бағасын арзандатуды көздеп отыр. Bloomberg дереккөздерінің айтуынша, Еуроодақ «Үлкен жетілікке» ресейлік қара алтын бағасын 60 доллардан 45 долларға дейін төмендетуді ұсынады.

Бұл санкциялар мақсаты – Украинадағы соғысты...

Құрама Штаттар құрамасы хоккейден әлем чемпионатының финалында 1:0 есебімен Швейцарияны жеңді. Осылайша америкалық хоккейшілер кейінгі 92 жылда алғаш рет әлем чемпионы атанды.

Швеция мен Данияда өткен әлем біріншілігінің жеңімпазы овертаймда анықталды. Швейцариялық хоккейшілер осымен қатарынан екінші мәрте финалда жеңіліп отыр.

Кейінгі жылдары жақсы ойнап жүрген Швейцария ешқашан әлем чемпионы болған емес. Ал америкалықтар біріншілік алтынын соңғы мәрте 1933 жылы алған. 1960 жылы АҚШ Олимпиада ойындарында жеңіске жетіп, оны әлем чемпионы деп те таныды. АҚШ құрамасы біріншіліктің күмісін де соңғы рет 1950 жылы жеңіп алған.

Қола жүлде үшін Швеция мен Дания таласты. Шведтер 6:2 есебімен басым түсті.

Әлем чемпионатында...

«Реал Мадрид» шабуылшысы Килиан Мбаппе 2024/25 маусымда Еуропаның ең үздік сұрмергеніне берілетін «Алтын бутсы» марапатына ие болды. Француз футболшысы Ла Лигадағы алғашқы маусымында бірден 31 гол соғып, тізімнің көшін бастады.

Португалия чемпионатында 39 гол соққан «Спортинг» ойыншысы Виктор Дьёкереш Мбаппеден озды. Алайда Португалия лигасының коэффиценті төмен болғандықтан (1,5), швед футболшысының ұпайы аз болды – 58,5. Ал Мбаппенің 31 голы Испания чемпионатының 2,0 коэффицентімен есептеліп, 62 ұпай жинауына мүмкіндік берді.

Килиан соңғы 20 жылда «Алтын бутсы» алған алғашқы француз болды. Оған дейін бұл марапатты 2004/05 маусымда Тьерри Анри жеңіп алған еді. Сонымен қатар Мбаппе «Реал» сапында бұл жүлдені алған Криштиану...

Францияда Канн кинофестивалі осымен 78-мәрте ұйымдастырылды. Бұл жолы Азия киносының мерейі үстем болды. Бас жүлде иран режиссерінің шығармасына бұйырды.

Канн фестивалінің «Алтын пальма бұтағы» сыйлығын Иран кинематографшысы Жафар Панахи алды. Оның «Қарапайым кездейсоқтық» деп аталатын фильмі заң тәртібі қатаң елде заңсыз түсірілген. Шығарма кешірім мен кек алу туралы.

Панахидің өзі 2023 жылы түрмеден босап шыққан. 22 жыл бойы елден шыға алмаған ол фестивалдің бас жүлдесін алды.

Шамамен екі аптаға созылған Канн кино байқауында саяси туынды аз болған жоқ. Иран ғана емес, Ирак, Газа секторы мен Израиль, сонымен бірге Украина туралы фильмдер көрсетілді.

Қазылар алқасының арнайы сыйлығы қытай режиссері

Мавритания — жылына 5760 турист

Мавритания — Африканың солтүстік-батысында орналасқан, құрлықтағы ең аз турист баратын елдердің бірі. Бүкіл әлемде құлдық жүйесінен ең соңғы болып бас тартқан мемлекет. Бірақ халқының 2 пайызы әлі күнге құлдықта өмір сүреді. Заң жүзінде құлдыққа тыйым салынғанымен, көзін ашқаннан құл болған адамдар қайда барарын білмей, қожайындарына қайта оралған. 

Мавритания территориясының 90 пайызын шөл алып жатыр. Ел аумағының 0,5 пайызы ғана ауыл шаруашылығына жарамды. Мавританияда «Сахара көзі» немесе «Африканың көгілдір көзі» деп аталатын ерекше кратер бар. Бұл кратер 100 миллион жыл бұрын пайда болған, шығу тарихы белгісіз, диаметрі — 40 километрлік кратер төбеден қарағанда шөл...

Астана орталығында, Keruencity ғимаратына қарсы орналасқан картодромда, жергілікті тұрғындардың есін шығарған бейәдеп оқиға болды. Халық көп жүретін аудандағы LED-экранда анайы жарнама көрсетілді.

Тұрғындар түсірген видеороликтер әлеуметтік желілерде жарияланып, көпшілік сынына ұшырады. Халық: «әкімшілік қайда қарап отыр?», «полиция неге айыппұл салмайды?» деп сұрап жатыр.

Астана полиция департаменті Kursiv.Media тілшісіне жұрттыз мазасын алған жарнаманың үлкен экранға қалай шығып кеткенін түсіндірді.

«Әлеуметтік желілерді тексеру барысында LED-экрандардың бірінде анайы жарнама көрсетілгені мәлім болды. Тіркелген оқиға бойынша компания өкілдерінің қатысуымен тексеру жүргізілді. Фирма басшылының айтуынша, заң бұзушылық Wi-Fi желісін бұзып кіру арқылы жасаған», – деп түсіндірді полиция.

25 мамырда Астана уақытымен сағат 15.08-де тағы бір мәрте жер сілкінді. Оны Жамбыл облысының тұрғындары сезді. Бұл туралы Төтенше жағдайлар министрлігі «Сейсмологиялык зерттеу институты» хабарлайды.

Сейсмикалық станциялар тіркеген жер сілкінісінің ошағы Қазақстан аумағында – Алматы қаласынан оңтүстік-батысқа қарай 338 шақырым жерде орналасқан.

Жерасты дүмпуін Жамбыл облысындағы Құлан (3 балл) және Меркі (2 балл) елдімекендерінің тұрғындары сезді.

Министрлік мәліметінше, жер сілкінісінен ешкім зардап шекпеді.

Таңертең жер сілкінді

Естеріңізге сала кетейік, бүгін таңертең Шығыс Қазақстан облысы аумағында жер сілкінді. Сейсмикалық станциялар оны Астана уақытымен сағат 07.35-те тіркеді. Жерасты дүмпуінің ошағы Ресей шекарасында, Алматы қаласынан солтүстік-шығысқа қарай 1162 км...

Әлемге әйгілі Михаэль Шумахер мінген Ferrari автомобилі аукционда 18,17 млн долларға сатылды. Бұл туралы The New York Times жазды.

Шумахер саудаға шығарылған болидпен 2001 жылы әлем чемпионы атағын жеңіп алған. Бұған қоса, спортшы дәл осы жарыс көлігімен «Формула-1» аясында Монако мен Венгрия Гран-при жарыстарында топ жарған.

Бұған дейін де неміс спортшысы мінген бірнеше автомобиль сатылған, бірақ осы жолғысы ең қымбатқа бағаланды. Ол RM Sotheby’s  аукционында саудаланды. Осы мекеме Шумахердің 250-ден аса затын аукционға қойған. Олардың арасында 1 млн доллардан қымбат сағаттар да болды.

Онлайн-аукционда сатылған заттардың ішінде атақты спортшының киімдері, қолтаңбалары, мінген көліктерінің бөлшектері, тіпті жеңістен со...

Қазақша ым-ишара тілі ресми мәртебеге ие болуы мүмкін. Үкімет тіл мәселесіне қатысты халықаралық тәжірибені зерттеп жатыр. Бұл туралы премьер-министрдің орынбасары Ермек Көшербаевтың депутат сауалына жауабында айтылды.

Вице-премьердің мәлімдеуінше, Ұлыбритания, Исландия, Австралия, Жаңа Зеландия, Норвегия, Австрия, Испания, Швеция және Оңтүстік Африка Республикасында ым-ишара тілі ресми мойындалған.

«Болашақта, Қазақстанның шетелдегі мекемелерін тарта отырып, әлемдегі ым-ишара тілдері мен дактиль әліпбилерінің ресми бекітілуіне (мойындалуына) қатысты халықаралық тәжірибе зерделенеді», – дейді Көшербаев.

Оның айтуынша, қазақ ым-ишара тілі мен дактиль әліпбиін қабылдау мәселесі пысықталады. Вице-премьер тіл мәселесіне қатысты атқарылған жұмыстарды тізіп шықты.

Қазақ әліпбиінің дактилі алғаш рет 1998 жылы...

Адам баласының жылдамдыққа деген құштарлығы тоқтаған емес. Біреулер үшін бұл – адреналин, басқалар үшін – технология жетістігінің дәлелі. Бірақ гиперкарлар әлемінде жылдамдық жай қызығушылық емес, нағыз бәсеке.

Kursiv.media тілшісі санаулы данасы ғана өндірілген әлемдегі ең жүйрік 10 көлікті шолып шығып, олардың несімен таңғалдыратынын, қандай әлсіз тұстары бар екенін және басқа көліктерден қалай ерекшеленетінін анықтады.

Эксклюзивті гиперкар және аэродинамикалық дизайн

McLaren Speedtail нарыққа 2020 жылы шығарылды. Максималды жылдамдығы сағатына 403 шақырым.Жылдамдығын сағатына 100 шақырымға дейін 3,0 секундта арттырады. Қозғалтқышы – 4.0 литрлі гибрид V8 және электрмотор, жалпы 1050 а.к. тең. 

Ерекшелігі: Speedtail бұл McLaren тарихындағы ең жылдам автокөлік. Жүргізуші орындығы F1 моделіндегі сияқты орталықта орналасқан...

Германия билігі елге көшіп келгісі келетін адамдар үшін тосын ұсыныс жасады. Енді астанаға жақын Айзенхюттенштадт қаласында тұрғысы келетіндер үшін сынақ ретінде тегін баспана беріледі. Олар жергілікті тіршілікпен жақынырақ таныса алады.

2025 жылғы 6-20 қыркүйек аралығында Jetzt Pläne schmieden жобасына қатысушылар тегін баспанамен қамтамасыз етіледі. Бұған қоса оларға экскурсия ұйымдастырылады. Ал билік жаңа тұрғындар үшін жұмыс іздестіреді. Бағдарлама бәріне ашық. Оған Германия тұрғындары ғана емес, шетелдіктер де қатыса алады. Мәселен, Қазақстан азаматтары да бағын сынап көрсе болады.

Айзенхюттенштадт — Германияның шығыс бөлігіндегі шағын қала. Берлинге дейін бар болғаны 1 сағатта жетуге болады. Ол Польша шекарасына жақын орналасқан. Қала 1950-жылдары...

Маңғыстауда жаңа туған баласын тастап кеткен ана жиырма күннен бері табылмай жатыр. Бұл туралы жергілікті Lada басылымы хабарлайды.

Маңғыстау облысы полиция департаментінің мәліметінше, нәрестенің анасының кім екені әлі анықталған жоқ. Оны іздестіру жұмыстары жүріп жатыр.

Естеріңізге сала кетейік, 5 мамырда таңертең сағат 9.30 шамасында өңірдегі Мұнайлы ауданы Бесшоқы ауылында жаңа туған нәресте табылды. Оны осы ауылдағы үйлердің бірінің терезесінің алдына тастап кеткен.

Жергілікті құқық қорғау органдары осы оқиғаға байланысты қылмыстық іс қозғады.

Кейін Бесшоқыда табылған нәрестенің қыз бала екені анықталды. «Ана мен бала» орталығындағы дәрігерлер оның денсаулығын жақсы деп бағалады. Нәресте салмағы – 2467 грамм. Ол салмақ жинап келед...

Roland Garros – теннистен Франция ашық біріншілігі бүгін Париж қаласында басталады. Үлкен Дулыға санатындағы ірі турнирге Қазақстанның төрт спортшысы қатысады.

Жарыс жексенбі күні Астана уақытымен сағат 14.00-де басталады. Қазақстаннан Елена Рыбакина, Александр Бублик, Юлия Путинцева және Александр Шевченко қатысады. Қазақстанның үздік теннисші қызы Рыбакина алғашқы ойынын дүйсенбі, 26 мамырда өткізеді. Қалған үш спортшы жарысты сейсенбіде бастайды.

Кеше ғана Страсбургте өткен ірі турнирде топ жарған Елена Рыбакина Париждегі чемпионаттың бірінші раундында аргентиналық Хулия Риерамен ойнайды. Матч 14-кортта Астана уақытымен сағат 14.00-де басталады. Ал ертесіне Юлия Путинцева Аргентинаның тағы бір теннисшісі Солана Сьеррамен кездеседі. Матч уақыты кейін мәлім болады.