Жаңалықтар

Өнеркәсіп және құрылыс министрі Ерсайын Нағаспаев қызмет ету мерзімі ұзартылған вагондарды пайдалануға шектеу енгізілетінін айтты.

«Осы шара отандық темржол көлік өндірушілерін қосымша тапсырыстармен қамтамасыз етуге мүмкіндік береді. Екіншіден, бүгінде отандық өндірушілерден ҚТЖ үшін жүк вагондарын сатып алуға проценттік ставканы субсидиялауға бөлінген қаражат көлемі төмен. Осыған байланысты, аталған жұмыстарды жүзеге асыру үшін жеткілікті қаржыландыруды қамтамасыз ету мәселесін пысықтау қажет»,– деп мәлімдеді министр үкімет отырысында.

Ведомство басшысы өндірістерді тапсырыспен қамтамасыз ету мақсатында ұзақ мерзімді перспективада оффтейк-келісімшарттар жасау мәселесін пысықтау қажет дейді.

«Мәселен, биыл Қазақстан вагон құрастыру компаниясының ҚТЖ-ға жүк вагондарын жеткізу келісімшарты аяқталды...

”Freedom Insurance” СК“ АҚ басқарма төрағасының орынбасары Александр Түлешов Қазақстандық сақтандыру форумында цифрлық шешімдердің мүмкіндіктері туралы айтып берді.

Ол DTP.kz цифрлық сервисінің нәтижелерін таныстырды. Айтуынша, атаулы сервис ішкі үдерістерді оңтайландырып, сақтандыру жағдайларын реттеуде ашықтықты арттыруға көмектесе түскен.

Делдал түсінігі жойылады

«Цифрлық шешімдер сақтандыру төлемдерін рәсімдеу мен қызмет көрсету тізбегіндегі делдалдарды жоюға мүмкіндік береді. Онлайн-модельге көшу арқылы «көмекшілердің» – көлікті қарап шығушылардың, апаттық комиссарлардың және тағы басқа қызметкерлердің саны азайды. Бұл біздің компанияға сыбайлас жемқорлық тәуекелдерінен арылуға және әкімшілік шығындарды азайтуға көмектесті», – деді ол.

Оның сөзінше, 2024 жылы компания шамамен 1,5 млрд...

Tesla компаниясы алты орындық, жол талғамайтын YL автокөлігі қанша тұратынын жариялады. Автогигант жаңа өнімін табысы орташа отбасыларға көбірек сатуды көздеп отыр.

19 тамыз, сейсенбі күні Tesla компаниясы Қытайдың Weibo әлеуметтік желісінде YL үлгісіндегі жаңа автокөліктің бағасы қанша тұратын жариялады. Ол бар болғаны 339 мың юань (шамамен 25 млн теңге) тұрады. Доллардың қазіргі бағамымен есептесек, 47 мың доллар шығады.

Алты орындық, жол талғамайтын электромобиль 2025 жылғы қыркүйекте саудаға шығады деп жоспарланған.

YL үлгісі, бұған дейінгі Y үлгісіне қарағанда, шамамен 15 сантиметрге ұзын. Себебі мұнда үшінші қатарға орындық қойылған. Электрокарды бір мәрте қуаттағанда, ол 751 шақырымға дейін жетеді.

Bloomberg мәліметінше...

Нұрлан Байжігітов тікелей эфирде депутат Ринат Зайытовтың «намаз оқитындардың 80 пайызы алаяқ» деген сөзін растады.

Тик-ток имамға бір әйел  күйеуінің үстінен арызданды. Оның айтуынша, отбасында ұрыс-керіс бола қалса, күйеуі оған ұдайы «харамы» деп жекиді екен.

Нұрлан имам бұл туралы мынадай пікір білдірді.

«Иә, намаз оқиды. Бірақ тілдері екі метр. Ринат Зайытов бауырымыз намаз оқитындардың 80 пайызы алаяқ деген кезде өліп қала жаздадық. Бәріміз жабылдық. Жеп қоя жаздадық. Жеті атасын, тұқым тамырымен қазып, өлген атасының сүйегін сүйреп, апарып тастағандар бар», – деді Нұрлан Байжігітов.

Оның пікірінше, намаз оқитындар да боқтайды. Баласын, әйелін ұрып өлтіріп жатқандар да...

Алматы облыстық соты Шерзат ісі бойынша апелляциялық шағымды қарады. Нәтижесінде алғашқы инстанция шығарған үкім күшінде қалды.

Сот тараптардың уәждерін тыңдап, үкімге өзгеріс енгізуге негіз жоқ деген шешім қабылдады.

Бұған дейін іс бойынша сотталған сегіз адам үкімге шағым түсірген еді.

Сотталғандардың жазасы:

АҚШ президенті Дональд Трамп әкімшілігі Intel Corp. компаниясының 10% үлесін сатып алу жөнінде келіссөздер жүргізіп жатыр. Бұл туралы дереккөзіне сілтеме жасаған Bloomberg хабарлайды.

Осылайша, үкімет қиындықтарға тап болған чип өндіруші компанияның ең ірі акционерлерінің біріне айналуы мүмкін. Компанияның нарықтық капиталы шамамен 107,5 млрд доллар құрайды. Демек, мәміле көлемі 10,5 млрд доллар шамасында болуы ықтимал дейді сарапшылар.

Бұған дейін Ақ үй аталған үлесті сатып алу үшін US Chips Act аясында бөлінген қаражатты пайдалануы мүмкін екені хабарланған. Оған сәйкес Intel шамамен 10,9 млрд доллар көлемінде қолдау алған, бұл компанияның нарықтық құнының шамамен 10%-ына сәйкес келеді.

Биыл көктемде Intel бағдарламаланатын микросхемалар шығаратын Altera бөлімшесін...

Үкімет отырысында көлік министрі Нұрлан Сауранбаев теміржол инфрақұрылымын дамыту мақсатында жүзеге асырылып жатқан жұмыстардың барысы туралы баяндады.

Министрдің мәліметінше, теміржол желісінің жалпы пайдалану ұзындығы 16 мың шақырым. 2029 жылға дейін 5 мың шақырым жаңа жол құрылысын салу және жаңғырту жоспарланып отыр. 11 мың шақырым жолға жөндеу жұмыстары жүргізілуде.

Қазіргі кезде 5 жоба бойынша жаңадан құрылыс жұмыстары жүріп жатыр. Олар – «Достық – Мойынты», «Дарбаза – Мақтаарал», «Мойынты – Қызылжар» «Бақты – Аягөз» учаскелері және «Алматы айналма теміржолы». Биыл мерзімінен бұрын екі ірі жоба аяқталмақ. Олар «Достық – Мойынты» учаскесі және «Алматы айналма теміржолы». Келесі жылы «Мойынты – Қызылжар» және...

Қазақстанда мұғалімдердің қаржылық сауаттылығын нығайтуға бағытталған жаңа бастама қолға алынды. Жобаны Оқу-ағарту министрлігіне қарасты «Өрлеу» біліктілікті арттыру ұлттық орталығы Ұлттық банкпен бірлесіп жүзеге асырады.

Бағдарлама бірнеше кезеңнен тұрады. Алғашқы кезеңде «Өрлеу» мамандары Ұлттық банктің 100 аумақтық бөлімшесінің өкілдеріне оқыту жүргізеді. Курстарда заманауи оқыту әдістері – коучинг, фасилитация, топтық динамика қолданылады. Сондай-ақ Қазақстанның қаржылық инфрақұрылымы, инвестиция қағидаттары мен жеке активтерді тиімді басқару стратегиялары қарастырылады. Бұл мұғалімдерге заманауи білімді оқушыларға дұрыс жеткізуге мүмкіндік береді.

2025 жылғы қыркүйектен бастап негізгі кезең басталады. Онда жалпы білім беретін мектептер мен колледждерде шамамен 6 мың мұғалім арнайы дайындықтан өтеді. 2026 жылы тағы 4 мың педагог қамтылма...

Қазақстан мұсылмандары діни басқармасы (Мүфтият) 2026 жылы қажылық пен ұмраға апаратын туристік фирмаларға байқау жариялады. Конкурс талаптары діни басқарма сайтында жарияланды.

Мүфтияттың үміткер турфирмаларға қажылық орындарын бөлудің ережесі алты талаптан тұрады:

Жоғарғы аудиторлық палата ғылымды дамытуға бөлінген бюджет қаражатының қаншалықты тиімді пайдаланып жатқанын тексерді. Аудиторлар Ғылым және жоғары білім министрлігінен бастап, оған қарасты барлық ұйымдардың қызметін тексеру жұмысын жүргізді. Нәтижесінде 1,7 млрд теңгеге қаржылық бұзушылықтар, 24,2 млрд теңгеге тиімсіз жоспарлау және 42,5 млрд теңгеге тиімсіз жұмсалған қаражат анықталды.

Қандай заң бұзушылықтар анықталды

Шығын көлемі кей жағдайда қаржыландырудан асып кеткен

Ғылымды қаржыландыру жалпы көлемі 219 млрд теңгеге дейін өскеніне қарамастан, ғылыми-зерттеу және тәжірибелік-конструкторлық жұмыстарға бөлінетін нақты шығын үлесі әлі де оңтайлы деңгейден төмен. Аудиторлар ғылыми әзірлемелерді нақты сектордың сұранысын қанағаттандыру мақсатында тәжірибеге енгізуді күшейту қажет екенін атап өтті.

Ұлттық экономика министрлігінің Табиғи монополияларды реттеу комитеті жылу энергиясын есепке алу құралы жоқ тұтынушылар үшін жылумен жабдықтау қызметінің құнын қайта есептеу аяқталғанын хабарлады.

Қайта есептеу қорытындысы бойынша азаматтарға 1 млрд 554,7 млн теңгеден астам (ҚҚС есебімен) қаражат қайтарылатын болады. Қаражат дербес шоттарда жеке жолмен – 2024-2025 жылдардағы жаңа жылыту маусымында аванс (сальдо) түрінде не 2025 жылдың соңына дейін күнтізбелік жыл ішінде көрсетіледі.

Қаражатты қайтару барлық өңір бойынша іске асады. Атап айтқанда, Астанада тұтынушыларға 224,5 млн теңге, Алматыда – 74,2 млн теңге, Қарағанды облысында – 457,0 млн теңге, Шығыс Қазақстан облысында – 257,2 млн теңге, Маңғыстау облысында – 176,7 млн теңге, Қостанай облысында – 106,9 млн теңге, Солтүстік Қазақстан облысында – 74,8 млн теңге, Ақмола облысында...

Тайланд билігі шетелдік туристерге криптовалютаны пайдалану мүмкіндігін бермекші деп жазады Bangkok Post. Енді ол елге барған туристер криптовалютаны тай баттарына айырбастай алады.

Жаңа жүйе шетел азаматтарына лицензияланған операторлар арқылы криптовалютаны тай баттарына ауыстыруға мүмкіндік береді. Дегенмен, цифрлық активтерді тікелей төлем құралы ретінде қолдануға болмайды. Айырбасталған баттар реттелетін электронды ақша платформалары арқылы жұмсалады.

Алғашында жоба тек Пхукет аралында сынақтан өтпек болған. Енді туристер бүкіл Тайланд аумағында криптовалютаны батқа ауыстырып, тауарлар мен қызметтер үшін QR-код арқылы төлем жасай алады.

Тайландта ресми түрде криптовалютаны төлем құралы ретінде қолдануға тыйым салынған. Алайда инвестиция және биржалық сауда үшін алты цифрлық активке рұқсат берілген: стейблкоиндер...

Шымкент қалалық сотында өтіп жатқан сот ісінде қала әкімінің орынбасары Руслан Берденовтің өкілі Жеңіс Тыныбек айыпталушы Ернар Жиембайға прокурордың таққан айыбы мен сұраған жазасына түбегейлі келіспейтінін мәлімдеді.

Жәбірленушінің заңды өкілі Жеңіс Тыныбектің жарыссөзде айтуынша, айыпталушы Ернар Жиембайдың кінәсі толығымен дәлелденді. Берденов Ернар Жиембайдың жұбайына «Руслан ұнады» деп лүпіл қойды, «ұнадың» деп пікір жазды дегені негізсіз, шындыққа жанаспайды. Бұл Берденовтің абыройына нұқсан келтірудің амалы. Сотталушының сот тергеуіне айтқан жауабы дәлелін таппады.

«Қорғаушылардың позициясы Руслан Берденовке жасалған қысым деп санаймын», – деді Берденовтің заңды өкілі.

Жеңіс Тыныбек прокуратура таққан айыппен де, жазамен де толығымен келіспейтінін айтып, оқиға...

Шымкент қаласы әкімінің орынбасары Руслан Берденовтің ісі бойынша соттан ақпарат таратып жүрген журналист Ботагөз Омарова соттағы судья Абинұр Қарабаев өзіне тілін көрсеткенін хабарлады.

Журналист судьяның бұл әрекетін видеоға түсіріп алған.

«Бүгін Шымкент қаласы әкімінің орынбасары Руслан Берденовке қастандық жасау ісі бойынша өткен сот процесінде төрағалық етіп отырған судья Абинұр Қарабаев маған күтпеген жерден тілін көрсетті! Ашық айтқанда, таңғалып қалдым.
Сақтық үшін сол сәтті видеоға түсіріп, сіздермен бөлісуді жөн көрдім», – дейді ол.

Ботагөз Омарова судьяның оғаш қылығы өзін алаңдатып қойғанын айтып, оның бұл әрекетін әзілмен түсіндіруге тырысқан.

«Қарабаев мырзаға не болды...

18 тамызда Украина президенті Владимир Зеленский мен Еуропаның жеті елінің жетекшісі Вашингтонда АҚШ президенті Дональд Трамппен кездесті. Ақ үйдегі келіссөздер барысында Құрама Штаттардың Украина қауіпсіздігіне кепіл болу мәселесі талқыланды.

Келіссөздерге кімдер қатысты

Зеленскиймен бірге Вашингтонға Еуропаның жеті лидері ере келді. Олар: Еуропа комиссиясының төрайымы Урсула фон дер Ляйен, Германия канцлері Фридрих Мерц, Франция президенті Эмманюэль Макрон, Финляндия президенті Александр Стубб, Ұлыбритания премьер министрі Кир Стармер, Италия премьер-министрі Джорджа Мелони, НАТО бас хатшысы Марк Рютте.

Әуелі Зеленский мен Трамп бетпе-бет кездесді. Содан кейін келіссөздерге Еуропа елдерінің басшылары араласты.

Келіссөз нәтижелері

Қазірдің өзінде Вашингтондағы кездесулерді нәтижелі аяқталды деуге...

Қазақстан 2028 жылға дейін негізгі азық-түлік өнімдері бойынша импортқа тәуелділіктен арылып, толық өзін-өзі қамтамасыз етуге көшеді. Бұл туралы Үкіметтің баспасөз қызметі хабарлады.

18 тамыз күні Премьер-министрдің орынбасары – ұлттық экономика министрі Серік Жұманғариннің төрағалығымен өткен жиында азық-түлік қауіпсіздігін қамтамасыз етудің қазіргі жағдайы қаралды.

Өсім көрсеткіштері

Ауыл шаруашылығы министрлігінің мәліметінше, 2021–2024 жылдары ауыл шаруашылығының жалпы өнім көлемі 11,3%-ға өсіп, 8,3 трлн теңгеге жетті. Оның ішінде өсімдік шаруашылығы – 14%-ға, мал шаруашылығы – 5,6%-ға артқан. 2025 жылдың алғашқы жартыжылдығында да тұрақты өсім байқалып отыр.

Биыл егіс көлемі 23,6 млн гектарға дейін ұлғайды. Әлеуметтік маңызы бар өнімдер – майлы дақылдар...

Қазақ эстрадасының жұлдызы Қайрат Нұртас пен актриса Жұлдыз Әбдікәрімова отбасында қуанышты жаңалық. Жұлдыз бүгін Instagram парақшасында босанғанын жариялап, «Жаңа тынысым» деп жазба қалдырды.

Бұл жаңалықты естіген өнердегі әріптестері мен жақындары әлеуметтік желіде «Бауы берік болсын!» деп жаппай құттықтап жатыр.

Қайрат пен Жұлдыздың төрт баласы бар еді: Сезім, Алау Нарұл және Хан. Енді олардың қатарын тағы бір сәби толықтырды.

Еске сала кетейік, бұған дейін Жұлдыз сәби жынысын анықтауға арналған гендер пати...

18 тамыз күні Астана уақытымен түнгі 22:15-те Дональд Трамп пен Владимир Зеленский кездесуі басталды. АҚШ пен Украина басшылары Ақ үйде жолығып, 25 минут журналистердің сұрағына жауап берді. Содан кейін жабық есік сыртында сөйлесу үшін бөлек кабинетке кетті.

Путинмен тағы бір кездесу өтпек

Журналистердің президенттерге қойған басты сұрағының бірі – бейбіт келісімге қалай қол жеткізеді. Дональд Трамп ол үшін Ресеймен де, Украинамен де жұмыс істеуге дайын екенін айтты.

«Бір мезетте тоқтап, содан соң бұл сұмдық қайта басталатын екі жылдық бейбітшілік қажет емес. Барлығына жақсы болатындай жағдайды қамтамасыз еткіміз келеді. Ресеймен де, Украинамен...

Ұлыбританияның Ливерпуль қаласында өтетін тарихи World Boxing әлем чемпионатына қатысатын Қазақстан құрамасының құрамы жарияланды.

Қазақстан ерлер боксы құрамасының құрамы:

Қазақстан әйелдер боксы құрамасының құрамы:

Президент Қасым-Жомарт Тоқаев «ҚазМұнайГаз» Ұлттық компаниясы» АҚ басқарма төрағасы Асхат Хасеновті қабылдады.

Ақорданың хабарлауынша, кездесуде компанияның 2025 жылдың жеті айындағы қызметі туралы есеп беріліп, ірі инвестициялық жобаларды іске асыру жоспарлары айтылды.

Асхат Хасенов елімізде құны 7,4 млрд доллар болатын полиэтилен өндіретін зауыттың толыққанды құрылысы басталғанын баяндады. Болашақ кәсіпорынның жылдық қуаты 1 млн 250 мың тонна өнім.

«Бұдан бөлек, Маңғыстау облысында Кендірлі зауытынан тұщытылған теңіз суының алғашқы көлемі Жаңаөзенге жеткізілді. Сондай-ақ қуаттылығы 247 МВт болатын гибридті электр станциясының құрылысы жалғасуда», — деді «ҚазМұнайГаз» басшысы.

Хасенов сондай-ақ президентке негізгі көрсеткіштердің өсімі туралы баяндады. 2025 жылдың қаңтар–шілде...

«Қазақстан» телерадиокорпорациясын 6 жылдан астам уақыт басқарған Ләззат Танысбай қызметінен кетті. Бұл туралы телеарнаның баспасөз қызметі хабарлады. 

Ләззат Танысбай басқарма төрайымы ретіндегі қызметін қортындылап, ұжымға алғыс білдірді.

«Алты жылдан астам уақытта ең мықты, кәсіби ұжыммен бірге жауапты кезеңдерді еңсеріп, мақсат етіп қойған жобаларды жүзеге асырдық. Корпорацияның қазіргі уақыттағы жетістіктері әріптестерімнің өз ісіне адалдығы мен тынымсыз еңбегінің жемісі. Осы кезеңде қызметкерлердің әлеуметтік жағдайын жақсартып, кәсіби дамуына қолайлы орта қалыптастыруға тырыстым. Себебі жайлы еңбек – ортасы нәтижелі жұмыстың, тұрақтылық пен табыстың негізі.Қазақ телевизиясының қарашаңырағы саналатын ұйымда бұған дейін талай жетекшілердің өзіне лайық қолтаңбасы қалды. Бұл сабақтастық жалғасын...

Алмасхан Сматлаев Алматы қаласы әкімінің орынбасары болып тағайындалды. Жаңа қызметке тағайындалған шенеунік экология, энергетика, көлік және коммуналдық шаруашылық мәселелеріне жетекшілік ететін болады.

«Дархан Сатыбалдының өкімімен және Қазақстан Республикасы Президенті Әкімшілігінің келісімі бойынша 2025 жылы 18 тамызда Алматы қаласы әкімінің орынбасары болып Алмасхан Сматлаев тағайындалды»,– делінген хабарламада.

Алмасхан Сматлаев кім?

Алмасхан Сматлаев Ресей Федерациясындағы Қаржы университетін «экономика» және «мемлекеттік және муниципалдық басқару» мамандықтары бойынша, сондай-ақ, АҚШ-тағы Блумсберг университетін «халықаралық экономика» мамандығы бойынша тәмамдаған.

Еңбек жолын 2009 жылы бизнес құрылымдарда бастап, кейін Еуразиялық экономикалық комиссияда жұмыс істеді.

2014-2023 жылдар аралығында Шығыс Қазақстан облысында...

Отбасы банк мемлекеттік тұрғын үй алу кезегінде тұрған қазақстандықтардың жаңартылған тізімін жариялады. 31 шілдедегі мәлімет бойынша, кезекте 929 мың адам тіркелген.

Атап айтқанда, Астанада тұрғын үй кезегінде 66 280 адам тұр. Олардың ішінде келесі санаттағы азаматтар бар: мемлекеттік қызметшілер, бюджеттік ұйым қызметкерлері, қандастар, толық емес отбасылар, мүгедек баласы бар немесе тәрбиелеп отырған отбасылар, I және II топтағы мүгедектер, зейнеткерлер, Ұлы Отан соғысына қатысушыларға теңестірілген ардагерлер, көпбалалы отбасылар, жалғыз баспанасы апатты деп танылған азаматтар, ауыр дертке шалдыққандар және басқа да санаттар.

Алматы қаласында тұрғын үй кезегінде – 75 494 адам, Шымкентте – 84 957 адам тұр. 

Ақмола облысында...

Қазақстан мен Қытай авиация саласындағы ынтымақтастықты кеңейтті. Жаңа рейстер ашылып, апталық әуе қатынасы 124-ке дейін ұлғайтылды.

Орталық Азия – Қытай (С5+1) азаматтық авиациядағы ынтымақтастық жөніндегі жұмыс тобының конференциясы шеңберінде Қазақстан Республикасы мен Қытай Халық Республикасының авиациялық билік органдары арасында келіссөздер жүргізілді.

Меморандумға қол қойылды

Келіссөздер барысында елдер арасындағы жолаушылар және жүк тасымалы әуе рейстерін орындау, белгіленген пункттер санын арттыру және тұрақты рейстерді пайдалануға қатысты басқа да мәселелер талқыланды.

Келіссөздер нәтижесінде бағыт желісін кеңейту және екіжақты әуе қатынасын дамыту туралы келісімдерді қамтамасыз ететін өзара түсіністік туралы меморандумға қол қойылды. Екі жақ қазақстандық тасымалдаушылар үшін жаңа бағыт – Құлжа қаласын...