Жаңалықтар

Оңтүстік Африка полициясы алтын кен орны астында қалып қойған 289 кеншіні құтқаруға тырысып жатыр. Олар кешелі бері жер астында көмік күтіп отырған болуы мүмкін. Бұл туралы Reuters хабарлады.

Алтын өндіретін кеніш Йоханнесбург қаласына жақын маңдағы Клоф деп аталатын өңірде орналасқан. Өндіріс Sibanye Stillwater компаниясына тиесілі.

«Клуф 7 шахтасында оқыс оқиға болғанын растаймыз. Қазір біз шахтаны тексеріп, оның қауіпсіздігін бағалаумен айналысып жатырмыз. Содан кейін қызметкерлерді жер бетіне шығарамыз», – дейді Sibanye өкілі.

Компания мәліметінше, жұмысшылардың бәрі қауіпсіз жерде отыр. Компания оларға азық-түлік жеткізіп беріп тұр.

Бұған дейін Ұлттық кеншілер кәсіподағы бейсенбі күні сағат 22.00 шамасында...

Шамамен он жылдан кейін робот-таксимен қатынайтын заман туады. Сарапшылар осылай деп болжайды. Қазірдің өзінде осы нарыққа бірнеше автогигант таласып жатыр. Олардың арасында Tesla мен BYD бар.

Осы айда Goldman Sachs мамандары бір ғана Қытайдың робот-такси нарығы 2035 жылға қарай 47 млрд долларға дейін ұлғаятынын болжады. 2025 жылдағы бұл көрсеткіш бар болғаны 54 млн доллар.

Қазір жасанды интеллект көмегімен басқарылатын көлік 44 мың доллар тұрса, он жылдан кейін оның бағасы 32 мың долларға дейін арзандайды. Қаржы ұйымы болжамына сенсек, 2035 жылға қарай әлемде робот-таксилер көбейеді.

Қазірдің өзінде осы нарыққа бірнеше ірі автокомпания таласып жатыр. Tesla қожайыны Илон Маск та робот-таксилер қызметін...

«Samruk-Kazyna Construction» компаниясының бұрынғы басқарушы директорына халықаралық іздеуге жарияланды. Оған Астанадағы «Көк-Төбе» тұрғын үй кешенінің құрылысына бөлінген мемлекеттік ақшаны жымқырды деген айып тағылған. Бұл туралы Қаржы мониторингі агенттігі хабарлады.

2022 жылы мемлекеттік компания «Дорстройтрест» деп аталатын құрылыс компаниясымен келісімшарт жасап, үй салуға 2,6 млрд теңге аванс берген. Бірақ құрылыс уақтылы аяқталмаған, ал жұмыстар көп кемшілікпен жүргізілген.

Тергеу мәліметінше, бұл ақшаның бір бөлігі құрылысқа емес, басқа мақсатқа: қарыз өтеуге, автокөлік сатып алуға жұмсалған. Сонымен қатар 650 млн теңге жалған келісімдер арқылы қолма-қол ақшаға айналдырылған.

Ақшаны қалай жасырып қалмақ болған?

Тергеу барысында 23 млн теңгеге екі қымбат көлік...

Қазақстанда тамыр-таныс арқылы жұмысқа орналасу қиындай түспек. Жұмыс берушілерге қойылатын талап күшейтілді.

Еңбек және халықты әлеуметтік қорғау министрлігінің хабарлауынша,  жұмыс берушілерге қойылатын талаптарды қатаңдату жұмысы жүргізіліп жатыр. Мақсат – жемқорлықты азайтып, адами факторларды болдырмау.

«Жұмыс берушілерді іріктеу процесі 7 міндетті талаптарға негізделеді және толық автоматтандырылады. Бұл ретте мемлекеттік субсидиялар алған ұйымдар алдағы уақытта жұмысқа орналастырылған жұмыссыздардың кемінде 10%-ын тұрақты жұмыспен қамтуы тиіс», – делінген министрліктің ақпаратында.

Еңбек және халықты әлеуметтік қорғау министрлігінің Халықты жұмыспен қамту департаментінің директоры Қанат Абдулла жұмыс орындарын сату деректері туралы пікір білдірді.

 «Жұмыс берушілер тізімін қалыптастыру...

Павлодар қаласының қылмыстық істер жөніндегі ауданаралық сотында кәсіптік міндеттерін тиісінше орындамау фактісі (ҚК 317-бабының 2-бөлігі) бойынша хирургке қатысты қозғалған іс қаралды.

Мән-жайы

2023 жылғы 23 тамызда хирург-дәрігер жас баланы сүндетке отырғызу кезінде абайсызда баланың денсаулығына ауыр зиян келтіріп алған.

Тараптардың ұстанымы

Прокурор дәрігерді 1 жылға бас бостандығынан айыру жазасын беруді сұраған. Кәмелетке толмаған жәбірленушінің заңды өкілі мен өкілі одан да ең ауыр жаза тағайындауды сұрады. Ал хирург кінәсін мойындамай, өзін ақтауды сұраған.

Сот шешімі

Жасалған әрекет (ҚК 317-б. 2-б.) онша ауыр емес қылмыстар санатына жатқандықтан, оны жасағаны үшін айыппұл, түзеу жұмыстары, 2 жылға...

Президент Қасым-Жомарт Тоқаев Атом энергиясы жөніндегі агенттігі төрағасы Алмасадам Сәтқалиевтің тағы бір орынбасарын тағайындады. Бұл туралы Ақорда хабарлады.

«Мемлекет басшысының өкімімен Василий Сергеевич Лавренов Қазақстан Республикасының Атом энергиясы жөніндегі агенттігі төрағасының орынбасары лауазымына тағайындалды», – делінген Ақорда хабарламасында.

Айта кетейік, президент сәуірдің аяғында Сәтқалиевтің орынбасары етіп, Ғұмар Екпінұлы Серғазинді тағайындаған болатын.

Экс-министр жаңадан құрылған Атом энергиясы жөніндегі агенттікке бұл қызметке наурыз айында келген еді.

Алматыда жаз мезгілі фестиваль мен мәдени оқиғаларға толы. Биыл қалада бірнеше музыкалық фестиваль өтпек: Солардың арасында OYU Fest пен Beu Fest. Екеуінің де бағдарламасы қарқынды, жұлдызды қонақтарға толы. Бірақ алматылықтар қайсысына баруды таңдарын білмей дал.

OYU Fest

2022 жылдан бері өткізіліп келе жатқан OYU Fest – өзіндік атмосферасы бар, әртістер мен көрерменнің еркін араласуына мүмкіндік беретін ашық алаң. Биылғы фестиваль 24 мамырда Алматыдағы Первомай тоғандарында өтеді.

Бұл жолы сахнаға Kezeń, ALPHA, Dudeontheguitar, Орынхан, Yenlik, 6ELLUCCI, Jeltoksan, Shiza, Alem шығады. Ал басты хедлайнер – аты аңызға айналған «Дос-Мұқасан» тобы.

OYU фестің бір ерекшелігі алаңда ойын-сауық бағдарламалары, жәрмеңке...

Geely компаниясы 2025 жылғы Galaxy M9 кроссоверінің ресми фотосуреттерін жариялады. Автокөліктің әлемдік тұсаукесері Италияның Милан қаласында өтті. Жаңа модель алты орынды салонымен, Qianli Haohan деп аталатын жүргізушіге көмек беру жүйесімен жабдықталып, Geely Galaxy брендінің флагмандық үлгісіне айналмақ. Кроссовер 2025 жылдың соңына дейін сатылымға шығарылады деп күтілуде.

Көліктің сыртқы дизайны жайлы

Автомобильдің дизайнына келер болсақ, алдыңғы бөлігінде жабық радиатор торы мен шеңбер түріндегі жарық элементтері орналасқан. Кроссовер жарық шымылдықтарымен, салқындату торларымен және лазерлік радармен жабдықталған.

Жанынан қарағанда, Geely Galaxy M9 дәстүрлі есік тұтқаларымен, сәл көтеріңкі доңғалақ доғаларымен және ерекше көп спицалы дискілерімен ерекшеленеді. Төбесі түзу болғандықтан, салон кең әрі жайлы болатыны...

«Қазақстанның орнықтылық қоры» 10,9 млрд теңгеге облигация орналастырды. Бұл турал Қазақстан қор биржасында жазылған. Облигациялар жылдық 16,45% орташа табыстылықпен сатылды.

Саудаға 3 қатысушы белсенді өтінім беріп, сұраныс 92,7% деңгейінде болды. Қатысушылардың 72,5%-ы – банктер, ал 27,5%-ы – басқа институционалдық инвесторлар. Облигациялардың өтелу мерзімі – 340 күн, жылдық купон мөлшерлемесі – 12,5%.

Орналастырушы агент ретінде «Еуразиялық Капитал» АҚ қызмет көрсетті.

Осыған дейін былтыр күзде  «Қазақстанның орнықтылық қоры» АҚ қор биржасына 446 млрд теңгеге облигация шығарған еді.

«Қазақстанның орнықтылық қоры» – Ұлттық Банк еншілес ұйымының міндеті. Ипотекалық тұрғын үй заемін жүзеге асыру, несиелеу механизміне қатысу мақсатында жұмыс істейді.

Ақтөбе облысында мұнай өндіретін «КМК Мұнай» компаниясы 2024 жыл үшін акционерлеріне дивиденд төлемейді. Бұл шешім 12 мамырда өткен акционерлердің жылдық жиналысында қабылданды.

Компания өткен жылы 3,4 млрд теңге таза пайда тапқан. Бұл алдыңғы жылмен салыстырғанда екі есе аз – 2023 жылы компанияның табысы 6,6 млрд теңге болған еді. Осыған байланысты акционерлер пайданы бөлмеу және қарапайым акциялар бойынша дивиденд төлемеуді жөн көрді.

Таза табыстың азаюына не себеп?

Қаржы есебіне қарағанда, компанияның салық салынғанға дейінгі пайдасы бір жыл ішінде 11,2 млрд теңгеден 4,9 млрд теңгеге дейін қысқарған. Бұл – 55 пайызға төмендеу.
Сатудан түскен жалпы табыс аса өзгермеген...

Президент бірқатар елдердегі Қазақстан елшілерін ауыстырды. Бұл туралы Ақорда хабарлады.

Енді Қазақстан Республикасының Түркия Республикасындағы Төтенше және Өкілетті Елшісі Еркебұлан Оңалбекұлы Сәпиев Қазақстан Республикасының Түркі мемлекеттері ұйымы жанындағы Тұрақты өкілі қызметін қатар атқаратын болады.

Дәл осылайша Қазақстан Республикасының Кения Республикасындағы Төтенше және Өкілетті Елшісі қызметін атқаратын Барлыбай Кәрімұлы Садықов Найроби қаласындағы Біріккен Ұлттар Ұйымының бөлімшесі жанындағы Қазақстан Республикасының Тұрақты өкілі қызметін қоса атқарады. Садықов Қазақстан Республикасының Эфиопия Федеративтік Демократиялық Республикасындағы Төтенше және Өкілетті Елшісі лауазымынан босатылған.

Оның орнына Қазақстан Республикасының Эфиопия Федеративтік Демократиялық Республикасындағы Төтенше және Өкілетті Елшісі болып, Жалғас Жұмаұлы Әділбаев тағайындалған.

Ал Қазақстан...

OnlyFans қожайыны Fenix ​​International Ltd порно өндірісіне қатысы бар платформаны сату жөнінде келіссөз жүргізіп жатыр. Reuters мәліметінше, компания инвесторлар тобына шамамен 8 млрд долларға сатылуы мүмкін.

Мәліметті агенттіктің келіссөздерге қатысы бар үш дереккөзі айтты. Инвесторлар тобын Лос-Анджелестегі инвестициялық фирма басқарады. Reuters олардың нақты қай инвестор екенін анықтай алмады.

OnlyFans 2019 жылы коронавирус індеті кезінде танымал онлайн-платформаға айналды. Порно-платформа ашық видео түсірушілерге қызметті қолданушылардан ақы алуға мүмкіндік береді. Ал OnlyFans түскен табыстың 20%-ын өзіне қалдырып отырады.

Мәліметтерге қарағанда, компания 2023 жылы 6,6 млрд доллар табыс тапқан. Оның таза табысы бірден 375 млн долларға артқан. Инвесторлар соған қызығып отыр. Кейінгі бірнеше...

Ұлыбританияда зорлық жасаған қылмыскерлер химиялық жолмен піштіру жазасы қолданылмақ. Бұл үшін түрлі дәрі-дәрмек қолданылады.

CNN ақпаратына қарағанда, елдің билігі осы арқылы қылмыстың қайталануына жол бермеуді көздеп отыр.

Оның үстіне, түрмелерде орын жетіспей жатыр. Англия мен Уэльсте соңғы отыз жылда түрмеде отырған адамдардың саны екі есе артқан. 90 мың адамға жетіп отыр.

Ұлыбританияның әділет министрі Шабан Махмұд екі аймақтағы 20 түрмеде химиялық піштіру қолданылатыны туралы хабарлады. Сонымен қатар, бұдан былай ол міндетті шара болуы да ықтимал.

Шабан Махмұдтың айтуынша, химиялық піштіру қылмыстардың қайталануын 60 пайызға дейін төмендетеді.

Айта кететін жайт, Германия мен Данияда мұндай амал ерікті түрде қолданылады. Яғни...

Жазғы демалыс кезеңі басталып жатыр, бұл уақытта шетелге шығу жоспарланған болса, келеңсіз жағдайға тап болмас үшін қазақстандықтар ең алдымен паспорттарының қолданылу мерзімін тексеріп алғаны абзал. Өйткені кейбір елдерге кіру үшін паспорт қолданылу мерзімінің бітуінен кемі 6 ай бұрын ауыстырылуы керек. Ал алғаш рет шетелге шығатындар үшін төлқұжат алу – маңызды қадам. Төлқұжат жасату қанша теңге тұрады және оған қандай құжаттар қажет? Kursiv.media осы сауалдарға жауап іздеп көрді.  

Төлқұжаттың жарамдылық мерзімін алдын ала тексеріңіз

Сапарға шығар алдында шетелдік паспортыңыздың мерзімі кемінде 6 айға жарамды екеніне көз жеткізіңіз. Егер мерзімі аяқталуға жақын болса, құжатты алдын ала ауыстырған дұрыс. Айта...

Apple 2026 жылы «ақылды» көзілдірік шығаруды жоспарлап отыр. Бұл туралы дереккөздеріне сілтеме жасаған Bloomberg хабарлайды.

Оларда камера, микрофон және динамика да болады. Сол құрылғылар арқылы сыртқы ортаны талдап, Siri дыбыстық көмекшісінен сауал қабылдайды. Девайс телефон қоңырауларын қабылдап, музыка ойнатып, тіпті аударма жасай алады.

Bloomberg дерегінше, Apple-дің жаңа гаджеті Meta компаниясының Ray-Ban смарт-көзілдіріктеріне ұқсас болады, бірақ «одан да жақсы» шығады деген болжам бар.

Осыған дейін Apple екі бүктелетін алғашқы iPhone смартфонын шығаратыны жайлы хабарлаған еді. Одан бөлек қаңқасы әйнектен жасалған жаңа смартфонды да таныстырмақшы.

Бүгін таңертең әлемдік нарықта мұнай бағасы тағы да төмендеді. Бұған мұнай экспорттаушы елдер ұйымы – ОПЕК+ өндірісті шілде айында қайтадан көбейтеді деген ақпарат себеп болды.

Лондонда Brent маркалы мұнай баррелі $63,99 болса, Нью-Йорктағы саудада америкалық WTI маркасы $60,74-ке түсті. Екі брендтің де бағасы бір күн бұрынғыдан шамамен 0,7%-ға төмендеген.

ОПЕК+ не істемек?

штеледік ақпарат көздерінің жазуынша, ОПЕК+ елдері шілдеде мұнай өндіруді үшінші рет қатарынан жеделдетіп арттыру жағын қарастырып жатыр. Бұған дейін, яғни мамыр мен маусым айларында, олар өндіріс көлемін жоспардан үш есе көп арттырған болатын.

Сарапшылар бұл жағдай нарыққа қатты әсер етуі мүмкін дейді.

Шымкент қаласының қылмыстық істер жөніндегі ауданаралық соты қаладағы №133 мектеп директоры Әсел Байдосова мен бас есепшісі Ұлан Дадабековті Қылмыстық кодекстің 189-бабы, яғни «Сенiп тапсырылған бөтен мүлiктi иемденiп алу немесе талан-таражға салу» бабымен кінәлі деп танып, 8 жылға бас бостандығынан айырды, деп хабарлайды Kursiv.Media. Оларға мемлекеттің 71 миллион теңгеден аса ақшасын заңсыз иемденіп, қолды қылды деген айып тағылған. Сотталушылар жазасын қауіпсіздігі орташа түзеу мекемесінде өтейтін болды.

Сот кабинеті жүйесінде жарияланған үкімге қарағанда, 34 жастағы бас есепші мен 42 жастағы мектеп директоры қызмет бабын пайдаланып алдын ала сөз байласу арқылы мемлекет мүлкін аса ірі мөлшерде иемденіп алған. Мектептің 69 мұғалімнің жалақысы...

Осы жылдағы ең танымал ойыншықтың бірі – Labubu жұмсақ фигуралар. Чикаго, Амстердам сияқты ірі қалаларда Labubu-ды алғысы келетіндер дүкендер алдына кезекке тұрған. Ал Ұлыбритания үлкен кезектен тіпті ойыншық сатылымын тоқтатқан.

Лабубу ойыншықтары — соңғы жылдары TikTok пен Instagram-да вирусқа айналған коллекциялық фигуралар. Оларды Toy City мен POP MART сияқты танымал дизайнерлік ойыншық өндірушілері шығарған.

«Біз жақсы көретін Labubu-ларға деген сұраныс артуына байланысты дүкендер мен Roboshop автоматтарының алдында ұзын-сонар кезектер пайда болды. Келушілердің қауіпсіздігі мен жайлылығын қамтамасыз ету үшін жұмсақ ойыншықтар сатуды уақытша тоқтатып отырмыз», – деп жазды компания өзінің Instagram парақшасында.

Labubu...

Талдықорғанда марқұм Шерзат Полаттың қазасынан кейін қамалғандарға қатысты сот процесі жалғасып жатыр. Сотталушылар қатарында 9 адам бар. Бұған дейін олардан сотта жауап алу аяқталды. Сот 21 мамырдан бастап іс құжаттарын зерттеп жатыр.

Сот залында алдымен сотталушы Нұрқияс Ілиясов пен жәбірленуші Нұрқанат Ғайыпбаевты беттестіру кезінде түсірілген видео көрсетілді. Ол жерде Ілиясов оқиға болған күні мылтықты Нұрқанаттан тартып алғанын, қолында пышақ болмағанын айтқан. Ал Ғайыпбаев Ілиясовтың «мылтықты Нұрқанат атты» деген мәлімдемесін жоққа шығарған.

Одан кейін жәбірленуші Қаржаубай Нұрымов, Гүлбара Бишембиева мен (сол кезде) күдікті Нұрқияс Ілиясовты беттестіру кезіндегі видео көрсетілді.

Кәмелет жасына толмаған сотталушы Думан Ысқақ тергеу барысында төбелес басталған...

Ұлытау облысы, Сәтбаев қаласында ер адам тұрғын үйдің кіреберісінде жас қызға шабуыл жасады. Оқиға сәті бейнебақылау камерасына түсіп қалған.

Бейнежазбада қыздың кіреберіске кіріп бара жатқаны, артынан ер адамның жүгіріп кіріп, қызды ұстап алып, баспалдақтан итеріп жібергені анық көрінеді. Қыз айқайлай бастаған соң, күдікті оқиға орнынан қашып кеткен.

Шудың әсерінен бірінші қабаттағы пәтер тұрғыны сыртқа шығып, күдіктінің артынан далаға жүгіріп қуа жөнеліді.

Ұлытау облысының полиция департаментінің мәліметінше, күдікті жедел іздестіру барысында ұсталып, уақытша ұстау изоляторына қамалды.

Аталған факті бойынша қылмыстық іс қозғалды. Қазіргі таңда тергеу амалдары жүргізіліп отыр, — делінген полиция департаментінің хабарламасында.

Louis Vuitton және Christian Dior брендтеріне иелік ететін люкс сегментіндегі LVMH холдингі Еуропадағы ең қымбат компаниялар қатарынан шығып қалды. Жыл басынан бері бұл компания акцияларының құны 25%-ға төмендеген.

Бұл – 2008 жылғы жаһандық қаржы дағдарысынан бергі ең нашар динамика. Ал LVMH-ті Hermès және Richemont (Cartier иесі) озып жатыр. Hermès акциясы биыл 5%-ға, ал Richemont құнды қағаздары 16%-ға өскен.

Бұған Қытайдағы сұраныстың төмендеуі мен сауда соғысына қатысты алаңдаушылық себеп болып отыр. Бірақ Wall Street-тің сарапшылары LVMH акцияларын сату керек деген кеңес беріп отырған жоқ.

2023 жылы LVMH әлемдегі ең қымбат 10 компания қатарына кіріп, капитал жағынан Meta Platforms...

Белгілі қазақстандық блогер Дарья Александрова жас нәрестесі Кияраның аллергиялық реакциядан тұншығып қала жаздағаны туралы оқиғасымен бөлісті. Алматы облысында жедел жәрдем оларға 27 минутта ғана жеткен.

Дарьяның айтуынша, ол екі айлық қызына іш кебуін басу үшін «Эспумизан» дәрісін берген. Алайда көп ұзамай сәбиде аллергиялық реакция басталған.

«Аузының айналасы қызарып кетті, ол қатты тыныс ала бастады», – деп жазды блогер Instagram парақшасында.

Қатты үрейге бой алдырған Дарья жедел жәрдем шақырып, дәрігерлер келгенге дейін «Фенистил» дәрісін берген. Бұл дәрі симптомдарды тез басыпты. Ол дәрігерлерге еш шағымы жоқ екенін айтты, себебі олардың әдейі кешікпегеніне сенеді.

Ресей eKapusta микроқаржы ұйымы Қазақстан нарығына кіріп, Алматыдан филиал директорын іздестіріп жатыр. Жұмыс іздеуге арналған HeadHunter платформасында осындай хабарландыру пайда болды.

Платформада жарияланған шағын ақпаратта қаржы ұйымы Испения мен Мексикада жұмыс істейтіні айтылған. Енді ол тағы бірнеше нарыққа кіруді көздеп отыр.

«Бізбен бірге Қазақстанда бизнес құруға қосылып, одан соң кәсіпті әрі қарай басқарып алып кететін мамандар іздейміз», — деп жазылған хабарландыруда.

eKapusta — Ресейде 2012 жылдан бері eKapusta брендімен жұмыс істейтін микроқаржы ұйымы. Басты қызметі — жеке тұлғаларға қысқа және ұзақ мерзімге онлайн-займ ұсыну. Компания тек қана онлайн-форматта жұмыс істейді.

Ресей орталық банкінің мәліметінше...

АҚШ-тың Калифорния штатының Сан-Диего қаласында жеке ұшақ тұрғын үйлердің үстіне құлады. Апттан қанша адамның қаза тапқаны туралы ақпарат әлі нақтыланбады.

Десе де, жергілікті Sound Talent Group музыкалық компаниясы Cessna 550 жеке ұшағында музыкалық агент Дэйв Шапиро мен оның екі әріптесі болғанын хабарлады.

Ал АҚШ федералдық авиация басқармасы ұшақта алты адам болғанын мәлімдеген.

Апат себебі

Сан Диего полициясы жерде адам шығыны жоқ екенін хабарлаған. Бірақ бір адамның жарақат алғаны айтылады. Апаттан 10 үй зардап шегіп, біреуі толығымен қираған. Көшеде тұрған біраз көлік отқа оранған.

Билік қаза тапқандардың нақты саны мен аты-жөнін әлі атамаған.