Жаңалықтар

Apple биыл қатарынан төртінші жыл әлемдегі ең қымбат брендтер рейтингінде бірінші орынға шықты. Бұл жөнінде BrandZ Top 100 Most Valuable Global Brands-тың жыл сайынғы есебінде жазылған. Компания құны бір жыл ішінде 28%-ға өсіп, 1,3 трлн долларды құрады.

Екінші орында – Google (Alphabet Inc. холдингі). Оның құны 25%-ға өсіп, 944,1 млрд долларға жетті. Microsoft Corp. құны 24%-ға өсіп, 884,8 млрд долларды, ал Amazon.com Inc. 50%-ға өсіп, 866,1 млрд долларды құрады.

Бесінші орынға Nvidia Corp. көтерілді. Оның құны 2,5 есе артып, 509,4 млрд долларға жеткен. Одан кейін Facebook пен Instagram орналасқан. Олардың құны сәйкесінше 300,7 млрд және 229 млрд долларды құрады...

Жалпы ұзындығы 22,4 шақырым болатын LRT негізгі желісінде рельстерді төсеу жұмыстары аяқталды. Бұл елорданың стратегиялық көлік жобасы құрылысындағы негізгі кезеңдердің бірі, деп хабарлады City Transportation Systems компаниясы.

Жұмыс аясында барлығы №101–118 бекеті аралығында 89 600 погондық метр рельс төселген. Қазіргі уақытта рельстерді дәнекерлеу жүргізіліп жатыр, одан кейін олардың соңғы бекітуі басталмақ.

«Құрылыс барысында құрамында темір мөлшері жоғары көміртекті болаттан жасалған рельстер қолданылды. Олар жіксіз төсеу технологиясы тәсілімен алдын ала кернелген шпалдарға заманауи DTVII2-1 бекіту жүйесі арқылы орнатылды. Айтылған технология жылжымалы құрамның қозғалысы кезінде шу мен діріл деңгейін едәуір төмендетуге мүмкіндік береді. Бұл өз кезегінде жолаушылар...

Адвокат Мейірман Шекеев бүгін Шерзат Полаттың өлтіргені үшін сотталған 8 сотталушының аппелляциялық шағымы қаралатынын мәлімдеді.

Сот отырысы өтетін мекенжайды да нақты атап көрсетті.

«Командамызбен сотқа дайындалып жатырмыз.  Ақпарат ретінде барлықтарыңызға жеткізгім келетіні – 8 сотталушылардың аппелляциялық шағымы Алматы облысы сотының ғимаратында, Қонаев көшесі 5 мекенжайында қаралатын болады», – деді Мейірман Шекеев.

Сонымен қатар, адвокаттың айтуынша, Шерзат ісінде куәгер болған екі қызға, Юлдаш  Розыбакиев пен Арлан Қазекенов қатысты шыққан 1 сатының жеке қаулысында келтіріліген Дана Жақсыгелдінің де жеке шағымы қаралмақ.

«Бізді қолдап қойыңыздар. Баршаңызға рахмет», – деді Мейірман Шекеев.

Көпшілік адвокатқа сәттілік тілеп, әділдік...

Subaru Forester-дің жаңа үлгісінің еліміздегі ресми таныстырылымы әлі өткен жоқ, дегенмен марка өкілдері көліктің бағасын, жиынтықтарын жариялап, тапсырыс қабылдауға дайын екендерін мәлімдеді.

Зауыттық индексі SL9 болатын бұл автомобильдің ұзындығы 4655 мм, ал дөңгелек базасы — 2670 мм. Ол тек әдеттегі 2,5 литрлік бензинді атмосфералық қозғалтқышпен (FB25) ұсынылады. Қозғалтқыш қуаты 185 ат күші, айналу моменті 247 Нм. Бұрынғыдай ол Lineartronic вариаторы және тұрақты толық жетек жүйесімен жұмыс істейді.

Көліктің барлық нұсқасында EyeSight жүйесі бар. Бұдан бөлек кең бұрышты камерасы бар, жеті қауіпсіздік жастығынан тұратын кешен орнатылған. Алайда қымбатырақ модификацияларда EyeSight жүйесі автотежелу артқа жүру кезінде және жүргізушінің күйін бақылау функцияларымен...

Астана қаласында тұрғындарды мемлекеттік грантқа оқуға түсірем деп алдаған күдікті ұсталды. Бұл туралы Ішкі істер министрлігінің сайтында хабарланды.

Полиция мәліметінше, 33 жастағы әйел «оқу тағдырын шешіп беремін» деп сендіріп, бірнеше студент пен олардың ата-анасын алдаған.

Тергеу деректеріне қарағанда, күдікті өзін жоғары оқу орнында беделді байланысы бар адам ретінде таныстырған. Ол ақылы бөлімде оқып жүрген студенттерге мемлекеттік грантқа ауыстырып беремін деп уәде еткен.

«Бар болғаны ақшасын берсеңдер болды, қалғанын өзім реттеймін» деп сендірген. Ата-аналар балаларын грантқа түсіру үшін соңғы тиынына дейін жинап берген. Бірі қарыз алған, бірі тұрмыстық техникасын сатқан. Алайда грант та жоқ, ақша да...

26 тамыз күні сағат 21:45-те Алматының Орталық стадионында УЕФА Чемпиондар лигасының плей-офф кезеңіндегі қарымта матч өтеді. Алматылық «Қайрат» шотландиялық «Селтикке» қарсы алаңға шығады.

Бұл кеште Алматыда тұңғыш рет УЕФА Чемпиондар лигасының әнұраны шырқалмақ.

Билеттер қашан сатылады?

Билеттер сатылымға 19 тамызда күні шығады. «Қайрат» футбол клубы жанкүйерлерге Qairat SuperApp қосымшасын жүктеп алуды ұсынады. Билет сатылымға шыққан бойда пайдаланушыларға push-хабарлама жіберіледі.

Бұрынғыдай маусымдық абонемент иелері өз орнын тиімді бағамен бірінші болып сатып алу құқығына ие. Бұл үшін Ticketon командасы әр абонемент иесіне жеке хабарласып, мәліметтерді нақтылап жатыр.

Сондай-ақ, ұйымдастырушылар билетті тек ресми сатылымнан алуға кеңес береді. Өйткені алыпсатардан...

Шымкент қалалық сотында өтіп жатқан Ернар Жиембайдың ісінде жәбірленуші деп танылған қала әкімінің орынбасары Руслан Берденов онлайн жауап беріп жатыр.

Әуелі сотта жәбірленушінің заңды өкілі Жеңіс Тыныбек сотқа Берденовтің денсаулығына қатысты анықтамалар мен рентгендерін ұсынды. Судья Абинұр Қарабаев Берденовке өз құқықтарын түсіндіріп, Берденов оқиғаның қалай басталғанын айтып берді.

«Жиембайды өмірімде үш рет көрдім. Екі рет жиналыста, үшінші рет атқан кезде», – деді ол.

Берденовтің сөзінше, ол Жиембайды жұмысына қатысты кабинетіне шақырған. Бірақ Жиембайдың қолында ешбір есеп болмаған. Жұмысы туралы ешбір ақпарат бермеген. Ол қала әкімдігіне сәулет және құрылыс бөлімінің инспекторы Асанбай Ахментаевпен бірге келіп, олар...

Қазақстанда жылжымайтын мүлікті табиғи апаттардан міндетті сақтандыру жүйесі енгізілуі мүмкін. Жыл сайынғы жарна мөлшері 20 мың теңгеге дейін болады деп жоспарлануда. Бұл туралы Kursiv.media LS баслымына сілтеме жасап хабарлайды.   

Жаңа сақтандыру жүйесі 

Қаржы нарығын реттеу және дамыту агенттігінің (ҚНРДА) хабарлауынша, елімізде тұрғын үйді міндетті сақтандыру туралы заң жобасы дайындалып жатыр. Бірінші кезеңде бұл жүйе су тасқыны, сел, жер сілкінісі және орман өрттері салдарынан келген шығынды өтейді.

«Бұл табиғи сипаттағы төтенше жағдайлар кезінде азаматтардың мүлкіне келетін залалдан халықтың қаржылық қорғалу деңгейін арттыруға мүмкіндік береді», – деп атап өтті агенттік.

Жарнаны...

«Даму» қоры биыл шағын және орта бизнесті қаржыландыру үшін 271,1 млрд теңге бөледі. Бұл жайлы үкіметтің баспасөз қызметінен хабарлайды.

Осы жылдан бастап «Даму қоры» ірі инвестициялық жобалар мен ШОБ несиелеуге арналған екі кепілдік тетігін іске қосты. Ірі бастамаларға арналған кепілдік қоры 7 млрд теңгеден басталатын жобаларды қамтиды. Ол өнеркәсіп, энергетика, инфрақұрылым және экспортқа бағдарланған өндірістерді қолдауға бағытталған.

Ал шағын және орта бизнес қоры 7 млрд теңгеге дейінгі жобаларды қамтиды және бизнестің мемлекет қаражатына тәуелділігін төмендетуды көздейді.

Биыл қор арқылы 170,2 млрд теңгеге 1 069 жоба қолдау тапты. Оның 92,16 млрд теңгесіне кепілдік берілген. Кепілдіктер жеңілдетілген рәсім бойынша екі жұмыс...

Украина президенті Владимир Зеленский АҚШ астанасы Вашингтонға жетіп, 18 тамыз күні америкалық әріптесі Дональд Трамппен кездесетінін мәлімдеді.

«Вашингтонға жеттім. Ертең АҚШ президентімен кездесу өтеді. Сондай-ақ еуропалық лидерлермен де сөйлесеміз. АҚШ президентіне шақырғаны үшін ризашылығымды білдіремін», – деп жазды Зеленский.

Зеленский Украина ұзақ мерзімді бейбітшілікті талап ететінін атап өтті.

«Біздің Америкамен және еуропалық достарымызбен біріккен күшіміз Ресейді шынайы бейбітшілікке алып келеді деп сенемін», – деді Зеленский.

Бұған дейін, Украина президенті Владимир Зеленский Еуропа басшыларымен бірге Вашингтонда АҚШ президенті Дональд Трамппен кездесу өткізетінін жазған едік.

Израиль халқы Газа секторын көшіріп, аумақты оккупациялауға қарсы. Мыңдаған израильдіктер билік ұсынысына қарсылығын білдіріп, көшеге шықты. Тель-Авив пен Иерусалимдегі көптеген кәсіпорындар жабылған, негізгі көшелердегі транспорт қозғалысы тоқтаған. Шерушілер Газа секторындағы тұтқындарды босатуын талап етіп, тұрғындарға сары ленталар таратып жатыр деп жазады ВВС.

Ереуілді «Қазан кеңесі» ұйымдастырды. Ол ұйым кепілге алынғандардың туыстары мен ХАМАС-тың Израильдің оңтүстігіне жасаған шабуылы кезінде қаза тапқандар мен хабар-ошарсыз кеткендердің жақындарынан құрылған. Шеру ұйымдастырушыларының хабарлауынша, Тель-Авивте шамамен бір миллион адам, ал Израильдің жүздеген қалаларында он мыңдаған адам акцияларға қосылады деген болжам бар.

Айта кетейік, бір апта бұрын Израильдің әскери кабинеті БҰҰ Қауіпсіздік кеңесінің наразылығына қарамастан...

«Қазгидромет» мәліметінше, 18 тамыз күні еліміздің басым бөлігінде жаңбыр жауып, найзағай ойнайды. Шығыс аймақтарда қатты жауын-шашын күтіледі, кей жерлерде бұршақ түсуі ықтимал. Тек республиканың батысында жауын-шашынсыз ауа райы болжанған.

Ел бойынша жел күшейеді, солтүстік пен шығыста түнде және таңертең тұман түсуі ықтимал.

Астана

18 тамыз: ауыспалы бұлттылық, кей уақытта жаңбыр, найзағай. Ауа температурасы: түнде +11…+13°C, күндіз +19…+21°C.

Алматы

18 тамыз: ауыспалы бұлттылық, қысқа мерзімді жаңбыр, найзағай. Ауа температурасы: түнде +17…+19°C, күндіз +23…+25°C.

Жоғары өрт қаупі: Алматы облысының батысы мен оңтүстік-шығысы, Жетісу облысының батысы, Атырау облысының батысы, Батыс Қазақстан облысының оңтүстік-батысы, Қызылорда облысының орталығы, Жамбыл облысының оңтүстіг...

17 тамызда Ақмола облысында жеңіл моторлы Aerostar R40F UP-LA229 әуе кемесі апатқа ұшырады. Бұл туралы Көлік министрлігі хабарлады. Ұшақ жалпы авиация желісі бойынша жоспарлы әуе рейсін орындап келе жатқан. Құлау кезінде әуе кемесі өртенген жоқ.

Авиациялық оқиғаларды тергеу ережелеріне сәйкес комиссия құрылды. ҚР Көлік министрлігінің оқиғаларды тергейтін департаментінің қызметкерлері апат орнына аттанды, — делінген министрлік мәлімдемесінде.

Ал Ақмола облыстық денсаулық сақтау басқармасының баспасөз қызметі жедел жәрдем шақырту туралы да мәлімет берді.

Сағат 17:08-де қоңырау түсті. Алғашқы бригада 17:15-те, екіншісі 17:17-де жетті. Өкінішке қарай, ер адам мен әйел адам оқиға орнында алған...

АҚШ нарығы – инфляция мен ФРС күтулерінің «ойыны»

Өткен аптада АҚШ-тың негізгі индекстері айтарлықтай серпін көрсетті.

Аптаның басты драйвері – инфляция деректері. Шілде айындағы жылдық ИПЦ 2,7% болып, күтілген 2,8%-дан төмен шықты. Бұл нарық қатысушыларына ФРС қыркүйекте ақша-кредит саясатын жұмсарта алады деген үміт сыйлады.

Қазақстандағы балалар футболының басты демеушісі – Тимур Турлов. Кәсіпкер біраздан бері спортқа миллиардтаған қаражат салып жүр. Енді ол Қарағанды облысы футбол қауымдастығын басқаруы мүмкін.

Турлов және футбол

Көптен бері айтылып жүрген осы ақпарат расталса, бұл Турловтың спорттағы белсенділігінің тағы қадамына айналмақ. Кәсіпкер осы салаға өз ақшасын салып жүр. Оның үстіне, спортпен шұғылданатын балаларға жиі қолдау жасайды.

Кәсіпкер не себепті футболға назар аударды? Жасөспірім футболы кәсіпкерге не береді? Осы екі сауалға Тимур Турлов жауап берді. Кәсіпкердің айтуынша, ол спорттың осы түрінің әлеуметтік маңызын түсінеді. Спортқа көбірек көңіл бөлу Қаңтар оқиғасынан кейін басталғанын айтты. Сол кезде президент Қасым-Жомарт Тоқаев

Алматы облысында жүгері алқабының арасында жарысын есірткі өсірген тұрғын ұсталды. Бұл туралы Ішкі істер министрлігі хабарлайды.

Мекеме мәліметінше, өңір полициясы 15 тамызда Еңбекшіқазақ ауданында арнайы операция жүргізді. Соның нәтижесінде 36 жастағы жергілікті тұрғын ұсталып, полиция бөліміне жеткізілді.

«Тексеру барысында жалпы аумағы 4,5 га шаруа қожалығының жерінен жасырын плантация анықталды. Жүгері алқабының арасында 233 түп қарасора егілгені белгілі болды. Сонымен қатар арнайы жасырылған жерден марихуана тұқымдары салынған 58 пробирка тәркіленді», – деп хабарлайды polisia.kz.

Олардың жалпы салмағы 49 келіден асқан.

Ішкі істер министрлігі есірткі айналымына қатысты кез келген заңсыз әрекеттің қатаң қылмыстық жауапкершілікке әкелетінін қата...

Қазақстан президенті Қасым-Жомарт Тоқаев пен Ресей Президенті Владимир Путинмен телефон арқылы сөйлесті. Бұл туралы президенттің баспасөз қызметі хабарлайды.

Ақорданың ресми мәліметінше, мемлекет басшысы әріптесін АҚШ Президенті Дональд Трамппен Аляскада өткен кездесу қорытындысымен құттықтады.

«Президенттің пікірінше, келіссөздер Ресейдің Украина жөніндегі ұстанымын америкалық тараптың жақсы түсінуіне септігін тигізді. Бұл күрделі мәселенің шешімін іздеуде ортақ тіл табысуға көмектеседі».

Ресми мәліметте «Тоқаев Аляскадағы саммитті Ресейдің халықаралық позициясын және әлемдік аренадағы өзара түсіністікті нығайту тұрғысынан айтулы кездесу болды деп санайтыны» айтылған.

Мемлекет басшысы сапардың сәтті ұйымдастырылғанын атап өтті. Қазіргідей күрделі жағдайда мұның саяси мәні зор, деп жазды Ақорда.

Еуропаның бірқатар лидері Украина президенті Владимир Зеленскиймен бірге Вашингтонға барады. Трамппен кездесу үшін жолға шығатын саясаткерлер арасында Еуропа комиссиясының төрайымы Урсула фон дер Ляйен, НАТО Бас хатшысы Марк Рютте, Финляндия президенті Александр Стубб бар. Бұл туралы Bloomberg агенттігі дереккөздер мәліметіне сүйене отырып хабарлайды.

Зеленский жалғыз емес

АҚШ президенті Дональд Трамп пен Владимир Зеленский Ақ үйде дүйсенбі күні кездеседі деп жоспарланған. Ал жексенбі күні Еуропа елдерінің жетекшілері жабық жиналыс өткізді. Олар Украинаны қолдау, Трамп пен Зеленский кездесуіне дайындық мәселелерін талқылады.

Дереккөздер мәліметінше, жоспар әлі толық бекітілген жоқ. Ол соңғы сәтте өзгеріп кетуі де мүмкін. Бұған дейін Politico Рютте...

Петропавл қаласында нөсер жаңбырдан кейін бірнеше үй мен аурухананы су басып қалды. Өңірдің төтенше жағдайлар жөніндегі басқармасына 100-ден аса өтініш келіп түсті.

Солтүстік Қазақстан орталығындағы нөсер жаңбыр салдары әлеуметтік желілерде де хабарланып жатыр. Видеодан байқағанымыз, қалалық вокзал орналасқан аудандағы көшелерді су басқан.

Тағы бір видеодан судың Семашко көшесінде орналасқан аурухананы да басып қалғанын көруге болады. Видео авторы судың осы маңдағы тұрғын үйлерге де кіргенін айтты.

Пәкістанның Карачи қаласында тұрып жатқан 300 қазақ көмек сұрап, бейнеүндеу жолдады. Олар Қазақстан президенті Қасым-Жомарт Тоқаевтан көмек сұрады. Үндеуді депутат Ерлан Сайыров Instagram парағына жариялады.

Шетелдегі қазақтар үні

Видеодан Қазақстан туы ілінген бөлмеде ондаған адам отырғанын көруге болады. Үндеуді көпшілік алдында тұрған бір ер азамат оқып шықты.

«Құрметті Қазақ елі. Біз тарыдай шашылған қазақтың бір бөлшегіміз. Біз бес жыл бұрын Ауғанстаннан ауып, Пәкістанға келгенбіз. Қырық отбасы – 300 қазақ бармыз. 180-нен аса бала-шаға бар. Қолымызда ешқандай куәлік, паспорт жоқ. Пәкістан үкіметі осы айда бізді жер аудармақшы. Не істерімізді білмей отырмыз», – дейді Пәкістанны...

Қытайдың солтүстігіндегі су тасқынынан кем дегенде тоғыз адам қаза тапты. Бұл туралы Reuters хабарлайды.

Агенттік мәліметінше, тағы үш адам табылмай жатыр.

Сенбі күні түнде Ішкі Моңғолия өңіріндегі өзен арнасынан асып, Баян-Нұр қаласының шетіндегі қосынды шайып кеткен. Он үш адам суға аққан.

Шығыс Азия муссоны әлемнің екінші экономикасы саналатын Қытайды әбігерге салып қойды. Елдің әр өңірінде су тасып, адам шығыны болып жатыр.

Баян-Нұр – Қытайдың солтүстігіндегі ірі ауыл шаруашылығы орталығы.

Бұған дейін Kursiv.Media Қытайдың Іле Қазақ өлкесінде аспалы көпір үзіліп, бес адам қаза тапқаны туралы жазған.

Индонезияның Сулавеси аралында жексенбі күні таңертең қуаты 6 балдық жер сілкінісі болды. Табиғат апатынан ондаған адам зардап шекті. Бұл туралы Reuters хабарлайды.

Жерасты дүмпу ошағы 10 км тереңдікте орналасқан. Жер сілкінісі Сулавесидің орталығындағы Посо аймағында болып, көршілес аудандарда да сезілді. 29 адам жараланған. Оның екеуінің жағдайы ауыр екені хабарланды.

Индозения «Тынық мұхит отты шеңберінде» орналасқан. Сейсмикалық белсенді аймаққа жатады. Дәл осы жерде жер қыртысының түрлі тақталары бір-біріне үйкеліп, жерасты дүмпуін туғызады.

Жиырма жылдан астам уақыт бұрын, 2004 жылы Индонезияда қуаты 9,3 балдық зілзала болды. Жерасты дүмпуі цунами туғызып, жүздеген мың адам қаза тапқан.

Естеріңізге сала кетейік, 30 шілдеде Ресейд...

АҚШ-тың бірінші ханымы Мелания Трамп Ресей президенті Владимир Путинге хат жазды. Оның мәтінін Fox News жариялады.

Мелания «бейбітшілік хатында» Путиннен балаларды қорғауды сұраған.

«Құрметті президент Путин. Ауылда немесе ғажап мегаполисте дүниеге келген әр баланың арманы бір. Олар махаббат, мүмкіндік және қауіпсіздікті аңсайды», – деп бастайды бірінші ханым.

«Ата-ана ретінде, бәріміз өскелең ұрпақтың үмітін ақтауымыз керек. Ел басшысы ретінде, біздің міндетіміз – балаларды қорғау».

АҚШ-тың бірінші ханымы қараңғы түнекте өмір сүруге мәжбүр болған балалардың күлкісі жарқын емес екенін айтып өтті.

«Путин мырза, жалғыз өзіңіз ғана оларды...

Қазақстанда Starlink спутниктік интернеті ресми түрде іске қосылды. Қызметтің айлық тарифі 23 мың теңгеден басталса, терминал бағасы шамамен 104 мың теңге. Бұл туралы Цифрлық даму, инновациялар және аэроғарыш өнеркәсібі вице-министрі Досжан Мұсалиев Jibek Joly телеарнасының «Бүгін LIVE» бағдарламасында мәлімдеді.

«Тарифтер мен құрылғы бағасы қолдану түріне байланысты өзгереді. Starlink қызметі жеке тұлғалармен қатар бизнес үшін де қолжетімді», — деді ол.

Сондай-ақ вице-министр ел аумағының үлкен болуына байланысты барлық өңірді кабельдік интернетпен қамту қиын екенін, сондықтан спутниктік шешім қажет екенін айтты. Қазіргі таңда бүкіл Қазақстан Starlink желісімен қамтылғанымен, шекара маңындағы кей жерлерде сигнал әлсіз болуы мүмкін.

Бұған...