Жаңалықтар

Германияда жаңа тіркелген автокөліктердің 29 пайызы электромобиль. Биылғы бірінші тоқсанда ай сайын орта есеппен 82 мың таза электр көлігі сатылып, жалпы құны 3,4 миллиард еуроға жеткен. Мұндай деректі KfW Research зерттеушілері ұсынған.

Экспорт құны импорт құнынан бес есе асып кеткен.

KfW Energy Transition Barometer деректеріне сәйкес, сұралған үй шаруашылықтарының шамамен жартысы (49 пайыз) электр көлігін пайдалануға дайын екенін білдірген. Олардың 10 пайызы қазірдің өзінде электрлі көлік иесі.

Елде тұтынушылардың электр көліктеріне деген көзқарасы қатты өзгергені атап өтілген. Таңдау жасауда ойландыратын негізгі фактор әлі де баға болып отыр. Оның үлесі 59 пайыз шамасында. Ал зарядтау инфрақұрылымына қатысты алаңдаушылық бес жыл...

ChatGPT кеңесін тыңдап, үш ай бойы асына тұздың орнына бромид сепкен адамды АҚШ-та күштеп жындыханаға жатқызған.

Annals of Internal Medicine журналының ақпаратына қарағанда, бұл жайт ауыр улануға әкеп соғып, психозға шалдықтырған.

«Көршім улады»

Науқас паранойямен ауруханаға түскен. Көздеріне әрдеңе елестеп, су ішуден бас тартыпты. Өзінің айтуынша, «оны көршісі улаған».

Медициналық тексеру ол бромидпен уланғанын анықтады. Содан кейін психиатриялық бөлімшеге жатқызылған.

ЖИ кеңесі

Кейін белгілі болғандай, ол тұзды аз тұтынбақ болып, оның орнына не қолдануға болатынын ChatGPT-ден сұраған. Жасанды интеллект оған бромидті қолдануға кеңес беріпті.

Тексеріп көрсе, ChatGPT шын мәнінде де қауіпті екенін ескертпестен тұзды...

Бұрынғы мәдениет вице-министрі Ерлан Қожағапановтың адвокаты Нұрлан Бейсекеев қылмыстық істі бірінші сатыдағы сотқа қайтаруды сұрады. Бұл туралы адвокат істі апелляциялық сатыда қарау барысында айтты, деп хабарлайды KursivMedia.

Адвокаттың айтуынша, сот отырысы хаттамасына қатысты ескертулері бірінші сотта қаралмаған. Соған байланысты апелляциялық сатыдағы сотқа шағым беру құқығв бар.

«Сот отырысының қысқаша хаттамасына айтылған ескертулерді толық қарау үшін апелляциялық сатыдан осы қылмыстық істі толықтай бірінші сатыдағы сотқа қайтаруды сұраймын. Себебі апелляциялық сот бұл ескертулерді қарай алмайды, бұл бірінші сатыдағы соттың міндеті», – дейді Бейсекеев.

Адвокат қылмыстық-процестік кодекстің 10-бабы 1-бөлігі талаптарына сәйкес қылмыстық істі сотқа қайтаруды сұрады.

Айта кетейік...

2025 жылдың ІІ тоқсанындағы дерек бойынша, Қазақстандағы орташа айлық жалақы 448 620 теңгені құрады. Ал медианалық жалақы көлемі 316 мың теңге болды. Бұл былтырғы кезеңмен есептегенде 11,3%-ға өскен.

Жалақы, әсіресе, Астанада (15,4%), Алматыда (15,3%), Алматы облысында (14,6%) және Қарағанды облысында (14,0%) ең көп өскен.

Миллион жалақы алатын мамандықтар

Ай сайынғы ең жоғары жалақысы бар салалар қатарында құбыр арқылы тасымалдау қызметі (1,06 млн теңге), теңіз және жағалау жүк тасымалы (1,13 млн теңге), әуе жолаушылар тасымалы (1,04 млн теңге), компьютерлік бағдарламалау (1,24 млн теңге), сақтандыру (1,33 млн теңге), ірі компанияларға басқару мәселелері бойынша кеңес беру...

Бөкетов атындағы Қарағанды университетіне «ұлттық» мәртебесі берілді. Бұл туралы мәжіліс депутаты Асхат Аймағамбетов жазды.

«Президент жарлығымен Е.А.Бөкетов атындағы Қарағанды университетіне «ұлттық» мәртебе берілді. Бұл – әділетті әрі тарихи шешім. Себебі 1991 жылға дейін Қазақстанда тек екі ғана университет деңгейіндегі жоғары оқу орны болды: ҚазМУ және КарМУ (қазіргі Е.А.Бөкетов атындағы Қарағанды университеті). Бұл факт КарМУ-дың сол кездегі де, бүгінгі де деңгейі мен әлеуетін айқын көрсетеді», – деп жазды Аймағамбетов.

Жаңа мәртебе – бұл университеттің жетістіктерін мойындау ғана емес, сонымен қатар ғылым, білім және кәсіби даму үшін жаңа мүмкіндіктердің бастауы.

«Бұл бюджеттен...

Бүкіләлемдік таеквондо федерациясының басшысы Қазақстан президенті Қасым-Жомарт Тоқаевқа тоғызыншы данды білдіретін қара белбеу табыстады. Мемлекет басшысы, шығыс жекпе-жегі дәстүріне сай, тақтай сындырды. Бұл туралы Ақорда хабарлайды.

12 тамызда мемлекет басшысы Бүкіләлемдік таеквондо федерациясының (WT) президенті Чунгвон Чоуды қабылдады. Қасым-Жомарт Тоқаев осы кездесуді Қазақстанның спорт қауымдастығы үшін маңызды оқиға деп сипаттады.

«Мемлекет басшысы таеквондо олимпиадалық спорт түрі ғана емес, үйлесім, тәртіп және өзара құрмет қағидаттарына негізделген, дүние жүзіндегі миллиондаған адамды біріктіретін философия деп санайды», – деп жазды Ақорда.

Президенттің айтуынша, Астанада G1 санатындағы Kazakhstan Open 2025 халықаралық рейтинг турнирін өткізу отандық спортшылардың кәсіби тұрғыдан шыңдалуына...

Оқу-ағарту министрі Ғани Бейсембаев Қазақстанда оқу жылын 1 маусымға дейін ұзарту мәселесіне қатысты тағы да өз пікірін білдірді.

Бейсембаевтың айтуынша, бұл мәселе әлі ашық күйінде қалып отыр, себебі алдымен инфрақұрылымды дайындау қажет.

«Бұл мәселе әлі ашық. Өйткені ең алдымен білім беру ұйымдарының, олардың инфрақұрылымының барлығын талапқа сай келтіруіміз керек. Өздеріңіз білесіздер, елімізде әлі де мыңнан астам мектеп күрделі жөндеуді, жаңғыртуды қажет етеді. Сондықтан барлық мектепті заманауи оқу кабинеттерімен жабдықтау қажет», – деді ведомство басшысы.

Бейсембаев барлық мектеп инфрақұрылымдық тұрғыдан толық дайын болған жағдайда ғана мұндай жаңашылдықтарға қайта оралуға болатынын атап өтті.

Алматы облыстық №1 балалар үйінің тәрбиеленушілерін Алматыдан Қонаевқа көшіру кезінде шыққан шудан кейін, Алматы облысы әкімінің орынбасары Болат Күреңбеков қызметінен босатылған.

Күреңбеков аталған қызметке былғыр тамызда ғана тағайындалған. Ол бұл лауазымға ҰҚК-ден ауысып келген. Әр жылдары ҰҚК-нің Павлодар, Алматы облыстары, Алматы, Астана, Қостанай қалалары бойынша департаменттерінде қызмет еткен.

Бұған дейін, Бағанашылда орналасқан балалар үйінің айналасындағы шудан кейін, облыстың Ішкі саясат және Білім басқармаларының басшысы қызметінен кеткен.

Жалпы балалар үйінің айналасындағы даулы жағдай биылғы наурыз айында басталған. Орталық тәрбиеленушілері өздерін Алматыныңбаспанасынан шығарып, Қонаевқа көшіргелі жатқанына қарсылық білдіріп, желіде үндеу жолдаған.

Артынша, мәселе Қазақстандағы бала құқықтары жөніндегі уәкіл Динара Закиева мен Алматы облысының әкімдігі деңгейінде...

Өткен жылдан бері мектептерде пәндерді біріктіріп оқыту мәселесі жиі айтылып жүр. Мәселен «Алгебра» мен «Геометрияны» біріктіру, «Химия», «Биология», «Физиканы» «Жаратылыстану» пәніне біріктіріп оқыту тәжірибесін енгізу ұсынылған болатын. Министр Ғани Бейсембаев бұл  ұсыныс қалай жүзеге асатынын түсіндіріп берді.

Министр не дейді

Ғани Бейсенбаев пәндерді біріктіру немесе кіріктіріп оқыту  бағдарламасы 20 өңірде пилоттық жоба ретінде енгізіле бастағанын айтады. Пәндерді біріктіру сарапшылардың ұсынысымен қолға алынған мәселе. Жақын арада қай мектептерді аталмыш жоба жүзеге асатынын белгілі болады.

Көтерілген мәселе пилоттық жоба ретінде енгізіліп жатыр.  Сарапшылардың ұсынысы бойынша әсіресе, алгебра мен геометрияға қатысты әріптестерден көптеген сұрақтар туындаған болатын.  Бұл жаппай ауқымды...

Осыдан он шақты жыл бұрын Ақтөбе облысындағы жергілікті телеарна журналисіне білдірген пікірі түрлі мемге арқау болған Аян Қорқытұлы Шалқар ауданы әкімінің орынбасары болып тағайындалды.

Аян Қорқытұлы – мемлекеттік қызметкер. Осы қызметке тағайындалғанға дейін Шалқар аудандық экономика және бюджеттік жоспарлау бөлімінің басшысы қызметін атқарған.

Шалқар аудандық тұрғын үй-коммуналдық шаруашылық және автомобиль жолдары бөлімінің басшысы болып тұрғанда жол мәселесі жайлы сұраққа берген жауабы желіде кеңінен тарап, қызу талқыланған.

Аян Қорқытұлы журналиске аудандағы жол жасалмайтынын жалпыламай төтелей айтқан.

«Биыл ештеңе жоқ, дым жоқ, ақша жоқ, жол жөнделмейді» деген еді ол сол кезде. Ол тіпті бір-екі көшені жөндеуге ақша...

Алматы қаласында әнші Дженнифер Лопес концертіне жалған билет сатқан күдікті ұсталды. Бұл туралы Ішкі істер министрлігінің сайтында хабарланды.

Құзырлы мекеме мәліметінше, Алматы полициясы эстрада жұлдызы Дженнифер Лопестің 10 тамыздағы концертіне жалған билет сатқан ер азаматты қолға түсірді.

«Тергеу барысында күдіктінің интернет-платформалардың бірінде хабарландыру жариялап, концертке екі жалған билет сатқандығы белгілі болды», – деп хабарлайды polisia.kz.

«Заң мен тәртіп» қағидаты бізден мұндай деректерге жедел әрекет етуді талап етеді. Азаматтардың ақшасын алдау жолымен иемденуге тырысқан адамдар анықталып, жауапкершілікке тартылады», – деді қала полициясының өкілі Еркебұлан Қойшыбаев.

Полиция ауқымда шараларға арналған билеттерд...

12 тамыздан бастап Ақтаудағы «Үшқұю» компаниясының қарапайым акциялары KASE-нің ресми тізімінен алынып тасталды. Бұл жайлы биржа сайтында жазылған.

Қор биржасының дерегінше, делистинг жасауға компанияның өтелмеген берешегі себеп болған.

«KASE қорытындысында аталған акцияларды делистингтеу үшін «Үшқұю» АҚ осы бағалы қағаздар бойынша жыл сайынғы листингілік алымды төлеу бойынша өтелмеген берешектің болуы және KASE-нің «Бағалы қағаздардың рұқсаттама бастамашыларының ақпаратты ашу ережелері» атты ішкі құжатында белгіленген ақпаратты ашу жөніндегі талаптардың сақталмауы болып табылатыны атап өтілді», – деп жазылған биржа мәліметінде.

Компания акциялары биржадағы сауда-саттығын 2016 жылы 14 қаңтарда бастады. Ал 2017 жылы  KASE ресми тізімінің баламалы...

3 жылға сотталған бұрынғы вице-министр Ерлан Қожағапанов пен кәсіпкер Ләззат Көккөзоваға қатысты іс апелляциялық сатыда қаралып жатыр. Алайда Қожағапановтың адвокаты Нұрлан Бейсекеев сот алқасы құрамына қарсылық білдірді, деп хабарлайды KursivMedia.

Адвокат қылмыстық-процестік кодестің 52-бабына сүйенетінін айтты. Бұл бапта «сот құрамы» туралы көрсетілген. Заңға сүйеніп, қорғау тарабы қылмыстық іс бойынша шыққан үкімге қарсы шағымды Астана қалалық сотының қылмыстық істер жөніндегі сот алқасының төрағасы – судья Айсулу Сламбекованың қарауын сұрады.

Іске төрағалық етуші судья Арыстанбеков тараптардың пікірін сұрап, кеңесу бөлмесіне кетті.

Содан кейін сот алқасы судьяға қарсылықты қабылдамады. Істі судья Жарас Арыстанбеков, Әлихан Қасенов, Нұрлан Баяхметов қарап жатыр.

Travelstan дискуссия алаңында сарапшылар Дженнифер Лопестің Астана мен Алматыда өткен концертінің қорытындысын талқылады.

Тревел-блогер Жансая Менлибаева ұйымдастыруға қатысты маңызды жайтқа назар аударды:

«Мен Астанадағы концертке бардым және биотуалеттердің жеткіліксіз екенін байқадым. Адамдар жақын маңдағы дүкендерді, кафелерді, тіпті стоматологиялық клиникаларды шарлап, әжетханаға кіргізуді сұрауға мәжбүр болды. Алайда көп жер туристерді кіргізбеді. Бұл қолайсыздық тудырып, жалпы әсерді бұзды», – деді.

Астанадағы «Kompas» туроператорының директоры Ерали Тілеуов мультипликативті әсердің ауқымына тоқталып: «Барлығы табыс тапты: қонақүйлер, транспорт компаниялары, мейрамханалар, кейтеринг қызметтері. Тіпті елдің әуе кеңістігі де пайда әкелді — Дженнифер Лопес командасы Қазақстан үстімен ұшу үшін 7–7,5 мың доллар төледі. Экономиканың әр сегменті пайда...

Жаңа оқу жылынан бастап мектептерде тамақтандырудың жаңа стандарты бекітіледі. Енді мектеп асханаларындағы ас мәзірінің қауіпсіздік талаптарын Денсаулық сақтау басқармалары қадағалайтын болады. Бұл жайында Оқу-ағарту министрі Ғани Бейсембаев Үкімет отырысында мәлімдеді.

Ведомство басшысы  оқушыларды тамақтандыруға қатысты өзгерістер қабылданғанын атап өтті.

«Жаңа оқу жылынан бастап бірқатар оң өзгерістер қабылданды. Мәселен, білім ұйымдарында тамақтандыруды ұйымдастырудың жаңа стандарты бекітілді, мәзір әзірлеу құзыреті білім басқармаларынан денсаулық сақтау басқармаларына өтті, тағамды дайындау барысын қадағалау міндеті мектептердегі медицина қызметкеріне жүктелді»,– деп мәлімдеді министр.

Денсаулық сақтау министрі Ақмарал Әлназарова да 1 қыркүйектен бастап мектептерде ас мәзірінің жасалуы мен тамақ дайындау үдерісіне медициналық қызметкерлер бақылау...

Қытайда өткен роботтар сайысында Шымкент пен Түркістанда салынған «Келешек мектептерінің» оқушылары топ жарды.

Оқу-ағарту министрлігінің хабарлауынша, Қытайдың Бейжің қаласында 2025 жылы 8–12 тамыз аралығында Дүниежүзілік робот конференциясы – World Robot Conference 2025 және World Robot Contest жарысы өтті.

Шымкент пен Түркістан облысынан келген өрендер ерекше көзге түскен.

Шымкент қаласындағы ұлттық жоба «Келешек мектептері» аясында салынған №149 мектептің YASSI тобы қола жүлдені жеңіп алды. Бұл топтың құрамында Талас Нұрғаным, Есенгелді Талғат бар.

Сондай-ақ, Түркістан облысындағы ұлттық жоба «Келешек мектептері» аясында салынған №33 мектептің AquaBots тобы да марапатқа ие болды. Бұл топтың мүшелері – Боханов Сүйінбай, Ишанхан Маруан.  

Әбдікаримов Ердоc...

12 тамызда Алматы облысындағы Сорбұлақта, су асты іздестіру жұмыстары барысында тікұшақ экипажының үшінші мүшесінің денесі табылды. Бұл туралы Қорғаныс министрлігі хабарлайды.

Министрліктің мәліметінше, сейсенбі, 12 тамыз күні экипаж командирінің көмекшісі капитан Аман Амангелдінің денесі табылды.

Естеріңізге сала кетейік, 9 тамызда экипаж командирі майор Нұржігіт Үйсінбаевтың, ал ертесіне авиациялық эскадрилья авиациялық буынының борт технигі капитан Бақтияр Ержігітовтің мәйіті су астынан шығарылған. 10 тамызда Үйсінбаев Түркістан облысы Төле би ауданы Сұлтанрабат ауылына жерленді.

Тікұшақ апатынан қаза тапқан офицерлер

Қаза тапқан ұшқыштардың үшеуі де Әуе қорғанысы күштері әскери институтының түлегі. Қорғаныс министрлігі марқұмдардың әрқайсына қысқаша сипаттама беріп өтті.

Нұржігіт...

Bereke Bank 2025 жылдың алғашқы алты айында 25,8 млрд теңге тауып, жарты жылда пайдасын 56%-ға арттырды. Былтыр дәл осы кезеңде банк 16,5 млрд теңге пайда тапқан еді. Бұл жайлы қаржы ұйымы жариялаған есепте жазылған.

Жарты жылда банктің жалпы активі 6,7%-ға өсіп, 2,6 трлн теңгеге жетті.

Банктің капиталы 198 млрд теңгені құрады. Былтырғы есептік кезеңде 182 млрд теңге болған еді. Бір жыл ішінде 8,5%-ға артқан.

Бірақ міндеттемелері де өсе түсті. 2025 жылдың бірінші жартыжылдығында 6,5%-ға...

Бүгін 12 тамыз күні, сағат 23:15-те алматылық «Қайрат» сырт алаңда Словакияның «Слован» командасына қарсы ойнайды. Бұл кездесу Чемпиондар Лигасының үшінші іріктеу кезеңіндегі жауап матчы болмақ.

Словокияның астанасы Братиславада өтетін ойынды тікелей эфирден Qazsport телеарнасынан тамашалауға болады.

Еске салайық, алғашқы ойын 6 тамыз күні Алматыда өткен болатын. «Қайрат» өз алаңында 1:0 есебімен жеңіске жетті. Жеңіс голын 90-минутта Дастан Сәтбаев пенальтиден соқты. Бұл нәтиже қазақстандық клубқа жауап ойында бір голдық артықшылықпен шығуға мүмкіндік беріп отыр.

Егер «Қайрат» «Слованнан» өте алса, плей-офф кезеңінде Шотландияның «Селтик» клубымен кездеседі. Бұған дейін алматылықтар турнир барысында Словенияның «Олимпиясын» (3:1) және Финляндияның КуПС клубын (3:2) жеңген еді.

Нұртас Адамбай Mercedes-Benz GLE Coupe 53 AMG көлігін сатуға шығарды. Актер оның бағасын 58 000 000 теңге деп көрсеткен.  

Cатылымға шығарылған автокөліктің жылы – 2021. Жарнамасы Қазақстанда көлік саудасын қыздырып отырған kolesa.kz сайтына жарияланды.

«Көлік мінсіз техникалық және эстетикалық жағдайда. 2022 жылы Германиядан жаңа күйінде әкелінген. Бір ғана иесі болған. Жүрісі – 8 500 шақырым», – деп Нұртас Адамбай Mercedes-Benz көлігінің жай-күйіне сипаттама қалдырған.

Mercedes-Benz ең толық комплектацияда. Барлық көмекші жүйелер мен ассистенттер орнатылған. Кеңейтілген былғары пакетті. Яғни, есіктерінің карталары, панель түгел былғарымен қапталған. Төбесі –  алькантара.

AMG тежеу жүйесі бар...

Биыл негізгі конкурс қорытындысы бойынша 77 мыңнан астам талапкер мемлекеттік білім грантына ие болды. Алайда грантқа қол жеткізбеген түлектер үшін де жоғары білім алудың жолдары бар.

Бұл туралы Жоғары және жоғары оқу орнынан кейінгі білім комитеті төрағасының орынбасары Жанна Есінбаева Jibek Joly телеарнасының «Бүгін LIVE» бағдарламасында мәлімдеді.

«Жергілікті атқарушы органдар тарапынан да гранттар қарастырылған. Биыл олардың саны 1 700-ден асты. Әрбір әкімдік өңірлік қажеттілікке байланысты өз гранттарын бөледі. Талапкерлерге осы конкурстарға құжат тапсыруға кеңес айтамыз», — деді Жанна Есінбаева.

Оның айтуынша, жергілікті гранттарға құжат қабылдау 15 тамызға дейін жалғасады. Ақпарат әр әкімдіктің ресми сайтында...

2025 жылғы шілде айында Қазақстанның жеті азаматы «террористік қылмыс жасағаны үшін» сотталды. Бұл туралы Ұлттық қауіпсіздік комитетінің (ҰҚК) баспасөз қызметі хабарлайды.

Комитет мәліметінше, Түркістан қаласының соты жергілікті бір тұрғынды 8 жылға соттау жөнінде шешім шығарды. Ол «шетелдегі террористік ұйымның қызметіне қатысты» деп айыпталды.

«Бұған дейін ол шетел аумағында ұсталып, арнайы күзетпен Қазақстанға депортацияланған», – деп хабарлайды ҰҚК.

Сонымен бірге, Алматы облысының түзеу мекемесінде жазасын өтеп жатқан бір азамат 9 жылға бас бостандығынан айрылған. Комитет оны «радикалды идеологияның жақтаушысы» деп сипаттады. Ол «кісі өлтіруге әрекеттенгені және терроризмді насихаттағаны үшін» сотталған.

Бұған қоса, Алматы, Жамбыл, Батыс...

Түркияның солтүстік-батысындағы Чаннаққала өңірінде желдің күшеюіне байланысты орман өрті одан сайын өршіді. Соған байланысты жүздеген адам қауіпсіз жерге көшірілді. Елу шақты адам зардап шекті. Бұл туралы Reuters хабарлайды.

Өңір орталығының губернаторы Омер Тораманның айтуынша, 770 құтқарушы орман өртін сөндіруге талпынып жатыр. Ұшақ, тікұшақ және басқа да техника тартылған.

Билік аса қауіпті аймақтарды тұрғындарды эвакуациялап жатыр. Олардың арасында университет кампусы, әскерилер мен тұрғындар бар. Бұған қоса, жергілікті билік азаматтарға орман өртеніп жатқан өңірге келмеуге кеңес берді.

Қала әуежайы, Дарданелла бұғазы, сонымен бірге алты тас жол дүйсенбі күні бірнеше сағатқа жабылды. Содан кейін таң атқанда қайта ашылды.

Түркия метеорология...

Жоғары аудиторлық палата мемлекеттік-жекеменшік әріптестіктегі (МЖӘ) жобалардың тиімділігіне тексеру жүргізді. Аудит жеке серіктестер салған инвестицияға қарағанда мемлекеттік міндеттемелері әлдеқайда көбірек екенін анықтады деп хабарлайды ұйымның баспасөз қызметі.

Палатаның дерегінше, осы уақытқа дейін жеке сектор 1,4 трлн теңге салғанмен мемлекет оны 2 трлн теңге етіп қайтаруы керек.

«ЖАП мемлекеттік-жекеменшік әріптестік (МЖӘ) және концессиялық жобалардың тиімділігіне мемлекеттік аудит жүргізді. Нәтижесінде, бұл жобалар бойынша мемлекеттік міндеттемелердің көлемі жеке серіктестердің міндеттемелерінен айтарлықтай жоғары екені анықталды. Бұл жекелеген жобалардың құнының жоғары болуымен, сондай-ақ валюталық тәуекелдерді өтеу, несиелерді инвестиция құрамына енгізу сияқты қолдау тетіктерімен байланысты. Жобалардың күрт қымбаттауына жол бермеу...