Жаңалықтар

Премьер-министр Олжас Бектенов Түркістан облысының лауазымды тұлғаларын жауапқа тартуды тапсырды. Үкімет үйінің хабарлауынша, жауапты тұлғалар Түркістан облысында рұқсатсыз ылғалды көп қажет ететін өнімдерді егуге жол берген.

Түркістанда шаруаларды сумен қамту мәселесі күрделене түскенін Су ресурстары және ирригация министрі Нұржан Нұржігітов айтқан.

Түркістан облысындағы су тапшылығы

Министрдің айтуынша, күннің ыстық болуына байланысты Түркістан және Қызылорда облыстарында биыл вегетациялық кезең әдеттегіден 20 күн бұрын басталған. Сондай-ақ ыстық салдарынан топырақтың жоғарғы қабаттарында ылғал төмендеп кеткен. Салдарынан ауыл шаруашылығы дақылдарының су тұтыну көлемі алғашқы кезеңде орта есеппен алғанда 50%-ға бірақ артқан. Нәтижесінде суару көздеріне айтарлықтай ауыртпалық түскен.

Сондай-а...

Euronews телеарнасы Қазақстанның туристік бағыттары туралы түсірілетін Modern Nomads бағдарламасының екі жаңа эпизодының түсірілімін аяқтады. Бұл жолы түсірілім тобы Байқоңыр мен Катон-Қарағай өңірлеріне сапар шекті. Эпизодтар 2025 жылдың қыркүйек айында эфирге шығады деп жоспарланып отыр.

Байқоңырдағы түсірілім кезінде команда ғарыш айлағында өткен зымыран ұшыру сәтінің куәсі болды. Мұндай тарихи оқиғалар Байқоңырда жылына орта есеппен алты-жеті рет өтеді. Бағдарлама барысында көрермендер «Гагарин старты», «Буран» кемесі, Байқоңыр қалалық музейі секілді нысандармен таныса алады. Сонымен қатар, динамикалық сынақтар стенді мен монтажды-отын құю кешені де көрсетіледі.

Euronews тобы Қызылорда облысының киелі жерлеріне де ат басын бұрды. Атап айтқанда, Корқыт ата мемориалдық кешені мен...

Майлин көшесінің бір бөлігінде орташа жөндеу жұмыстары жүргізілуіне байланысты қозғалысқа уақытша шектеу енгізіледі.

1 КЕЗЕҢ: 17 шілде күні сағат 23:00-ден бастап 18 шілде сағат 11:00-ге дейін әуежайдан Бұқтырма көшесіне қарай жол жабылады. Қарсы бағытта кері қозғалыс ұйымдастырылады.

2 КЕЗЕҢ: 18 шілде сағат 23:00-ден бастап 19 шілде сағат 6:00-ге дейін Бұқтырма көшесінен әуежайға қарай жол жабылады. Мұнда да қарсы бағытта кері қозғалыс ұйымдастырылады.

Жөнделетін учаскеде екі жақты қозғалыс туралы ескерту белгілері орнатылып, жолақтар бойынша бөлу конустық шағылыстыратын чиптермен белгіленедітіні айтылды.

Қала әкімлдігі тұрғындардан маршрутты алдын ала жоспарлауды сұрайды.

Естеріңізге сала кетейік, қозғалысты шектеуге қатысты барлық ақпарат @AlmatyJoly Telegram-арнасында, аудан әкімдігін...

Астанада «KAZAKH INVEST» Ұлттық компаниясы» АҚ Басқарма төрағасының орынбасарлары Азамат Қожанов пен Мадияр Сұлтанбек италиялық Unione Coltivatori Italiani (UCI) ұйымының президенті Марио Серпилломен кездесті.

Кездесу барысында тараптар Қазақстанда техникалық қарасора өсіріп, оны терең өңдеу арқылы тоқыма, құрылыс материалдары мен дәрі-дәрмек өндіруге бағытталған инвестициялық жобаны жүзеге асыру мүмкіндігін талқылаған. Бұл бағытта заманауи агротехнологиялар қолдану көзделіп отыр.

Италиялық тарап бұл салада UCI ұйымының Италиядағы табысты тәжірибесін таныстырған. Әсіресе, тұрақты егіншілік технологияларына, тұйық өндірістік тізбектер құруға (май, талшық, биоматериалдар өндірісі), сертификаттау мен лицензиялау жүйесіне және медицина, косметология, тоқыма мен құрылыс салаларына маманданған ғылыми-зерттеу мекемелерімен ынтымақтастыққа ерекше назар аударылған.

Қазақстандық тарап халықаралық ынтымақтастыққа қызығушылы...

Танымал продюсер әрі актриса Баян Алагөзова жаңа киножобадағы рөлімен бөлісіп, желідегі оқырмандарына фильмнің атауын алғаш рет ашық айтты. Бұл жолы көпшілікке үйреншікті болған қалалық әйел бейнесін ауыл дәрігерінің қарапайым болмысына ауыстырды.

Алагөзова Instagram парақшасында түсірілім алаңынан кадрлармен бөлісіп, бұл фильмнің Олжас Ибраевтың режиссерлік жобасы екенін атап өтті. Картинаның атауы – «Қызым». Фильмде Баян басты рөлді сомдайды және бұл кейіпкер үшін образын түбегейлі өзгерткен.

Түсірілім жұмыстары Екібастұз және Павлодар қалаларында өткен. Актрисамен бірге экранда Ерболат Алқожаев пен Әбунасыр Серіков те бой көрсетеді.

Қазақстан үкіметінің 2026 жылға арналған негізгі макроэкономикалық болжамды қайта қараймыз деген ниеті теңгеге бағамына қазірден қысым көрсетуі ықтимал. Қазақстан иқаржыгерлер қауымдастығы осындай болжам жасайды.

Атап айтқанда, үкімет алдағы жылға арналған базалық доллар бағамын 475 теңгеден 540 теңгеге дейін көтеруді жоспарлап отыр. Бұл үкімет теңге алдағы жылы 13 пайызға әлсірейде деп болжам жасап отыр деген сөз. Сонымен қатар мұнай бағасының болжамы $75-тен $60-қа дейін, яғни 20%-ға төмендетілмек. Қаржыгерлер қауымдастығының пікірінше, мұндай өзгерістер ұлттық валютаға деген сенімді төмендетіп, нарықтағы девальвациялық күтулерді күшейтеді.

АФК мәліметінше, доллар сатып алушылар әлі де нарықта басым. Бұл да валюта бағамына қосымша қысым түсіріп отыр. Мұндай...

Алматы облысында жол-көлік оқиғалары жиі тіркелетін қауіпті учаскелерде, соның ішінде Талғар бағыты бойынша жолдарда полицейлер цифрлық технологиялар көмегімен жасырын патрульдеу жүргізуді бастады.

Мұндай рейдтер «Қауіпсіз жол» жедел алдын алу іс-шарасы аясында жүзеге асып жатыр.

Полицияның мәліметінше, 2025 жылдың алғашқы жартыжылдығында облыс аумағында 1447 жол-көлік оқиғасы тіркелген. Осыған байланысты өңірде жол апаттарының алдын алу үшін жүйелі шаралар қабылданып, техникалық мүмкіндіктер белсенді түрде пайдаланылу үстінде.

Талғар тас жолында бірнеше техникалық құралдарды қамтитын жасырын патрульдеу жүйесі енгізілген:

Алматының тау бөктерінде салынған таунхаус сүріліп жатыр. Бұл туралы Алматы қаласы әкімдігінің баспасөз қызметі хабарлады.

«Сот шешімі бойынша Оспанов көшесі, 89/91 мекенжайындағы нысан сүрілетін болды», – делінген Алматы қаласының Қала құрылысын бақылау басқармасының хабарламасында.

Нысанды сүруге жекеменшік иесінің нысанды тиісті құжатсыз салғаны себеп болған. Басқарманың мәліметінше, құрылыс иесі нысанның тірек қабырғасын ешқандай рұқсатсыз тұрғызған. Бұл олқылықтар жоспардан тыс жүргізілген тексеріс аясында анықталған.

Бұдан кейін басқарма қажетті әкімшілік шаралар қабылдап, меншік иесіне нұсқамалар берген. Алайда көрсетілген мерзімде әкімдік нұсқамалары орындалмаған соң, басқарма нысанды бұзу жөнінде сотқа талап арыз жолдаған.

Басқарма талабын...

Қостанайда «Тобыл» көлік-логистикалық кешенінің құрылысы ресми түрде басталды. Жоба – Қазақстанның солтүстігіндегі ең ірі инфрақұрылым жобалардың бірі.

Кешеннің жалпы аумағы – 133,6 гектар. Инвестиция көлемі – 64 млрд теңге. Жоба «Кедентранссервис» АҚ қатысуымен, «Өндірісті дамыту қорының» қолдауымен жүзеге асырылып жатыр.

«Тобыл» кешенінің жылдық өткізу қуаты – 400 мың жиырмафуттық контейнер (немесе 11 млн тонна жүкке дейін). Кешен іске қосылған соң 500 жаңа жұмыс орны ашылады. Жұмысқа логистика, IT, қызмет көрсету салаларындағы мамандар тартылады.

Нысан 2027 жылы толық пайдалануға беріледі. Онда кедендік рәсімдеу, қоймалар, терминалдар, IT және сервис аймақтары шоғырланады. Бәрі «бір терезе» қағидаты бойынша жұмыс істемек.

Кешен...

Changan танымал CS75 Plus кроссоверінің жаңартылған нұсқасы — Smart Excellence жинағын ұсынды. Жаңа модель заманауи функцияларымен, кең салонымен ерекшеленеді.  Бағасы да  қолжетімді. Көліктің бастапқы құны 99,9 мың юаньнан (шамамен 6,5 млн теңге) басталады.

Changan компаниясы Қазақстан мен Қытай нарығындағы позициясын нығайтуды жалғастырып келеді. Бренд өз кроссоверінің жаңа, технологиялық жетілдірілген нұсқасын шығарды.

Жаңа Changan CS75 Plus бұрынғы дизайнын сақтап қалғанымен, электроника мен жайлылық жағынан жаңашылдықтар енгізген.

 Көліктің өлшемдері өзгеріссіз қалды: ұзындығы — 4770 мм, ені — 1910 мм, биіктігі — 1705 мм, ал доңғалақ базасы — 2800 мм. Жүксалғыш көлемі 725 литрді құрайды, ал артқы орындықтар бүктелген кезде бұл көрсеткіш...

Жетісу облысының Баласаз ауылында 32 жастағы Айзат Жұманова ауыр соққы мен азаптау салдарынан көз жұмды. Журналист Сандуғаш Дүйсенованың айтуынша, қайғылы жағдай олардың екі жасар қызының көз алдында болған.

Оның күйеуі күдікті деп танылған. Ол бұған дейін Қапал ауылының әкімі атануға үміткер болған.

Туыстарының айтуынша, Айзаттың денесінде көптеген сүйек сынықтары, бас-ми жарақаты, денесін жерге сүйреген іздер бар. Білегіндегі терісі сүйегіне дейін сыпырылып қалған. Жақындары оны байлап, ат арбамен сүйреген болуы мүмкін деп топшылайды. Өйткені Айзаттың күйеуі бұрыннан жылқы шаруашылығымен айналысқан.

Полиция жағдайға қатысты «Абайсызда өлімге әкеп соққан ауыр дене жарақатын салу» бабы бойынша қылмыстық іс қозғаған. Алайда марқұмның туыстары іст...

Салтанат Нүкенованың қазасынан кейін сотталған Бақытжан Байжанов амнистияға ілігуге өтініш білдірген. Ақпаратты Жоғарғы соттың баспасөз қызметі растады.

«9 шілдеде Бахытжан Байжанов амнистия туралы заңға сәйкес жазаны қысқарту туралы өтінішпен Степногорск аудандық сотына жүгінген. Бұл өтінішті қарау күні әлі белгіленген жоқ», – делінген ақпаратта.

2024 жылдың 13 мамырында бұрынғы Ұлттық экономика министрі Қуандық Бишімбаев пен оның туысы Бақытжан Байжановқа қатысты сот үкімі шықты. Бишімбаев түпкілікті 24 жылға бас бостандығынан айырылды. Байжановты 4 жылға бас бостандығын айыру туралы сот үкімі шықты. 

Конституцияның қабылданғанына 30 жыл толуына орай сотталған 15 мыңнан астам адамға амнистия жарияланды. Бұл туралы президент Қасым-Жомарт Тоқаев мәлімдеді. Ішінде...

2025/26 маусымдағы Еурокубок додасының алғашқы іріктеу кезеңінде екі қазақстандық клуб — «Ақтөбе» мен «Ордабасы» екінші ойындарын өткізеді. Жауап кездесулер 17 шілде, бейсенбі күні өтеді.

«Ақтөбе» — «Легия» (Польша)

«Ақтөбе» клубы — ел Кубогының иегері және Қазақстан Премьер-лигасының қола жүлдегері. Команда Еуропа лигасының бірінші іріктеу кезеңінде Польшаның «Легия» клубымен кездеседі.

Алғашқы матч Польшада 1:0 есебімен варшавалық команданың пайдасына аяқталған. Жеңіс добын армян шабуылшысы Ваган Бичахчян соқты.

Жауап ойыны Ақтөбедегі Орталық стадионда сағат 21:00-де басталады. Тікелей эфирді «Qazaqstan» телеарнасы көрсетеді. Бұл жұптың жеңімпазы Еуропа лигасының екінші іріктеу кезеңіне өтеді, ал жеңілген команда Конференция лигасының келесі кезеңіне ауысады.

Айта кетейік...

Halyk Finance сарапшыларының бағалауынша, алдағы айларда бөлшек сауда секторының өсу қарқыны бәсеңдеуі мүмкін. Бұл үрдіс халықтың нақты табысының баяу өсу және Ұлттық банктің тұтынушылық несиені тежеуге бағытталған шараларымен байланысты.

2025 жылдың алғашқы жартысында Қазақстан экономикасы 6,2%-ға өсті. Бұл өсімге сауда секторы елеулі үлес қосты. оның ЖІӨ-дегі үлесі 16,5%-ды құрады. Алайда бөлшек сауда, 2024 жылы айтарлықтай белсенділік танытқанымен, биыл сәл баяулаған.

Ұлттық статистика бюросының дерегінше, 2025 жылдың қаңтар–маусымында бөлшек сауда көлемі 6,6%-ға артқан. Былтыр осы кезеңде өсім 5,6% болған. Бірақ бұл көрсеткіш көтерме саудадағы өсіммен салыстырғанда әлдеқайда төмен – ол 9,2%-ға жетті.

Сарапшылар бұл айырмашылықты халық табысының төмендеуімен түсіндіред...

ForteBankтің экс-басқарма төрағасы Бекжан Пирматовты KMF микроқаржы ұйымының директорлар кеңесіне кірді. Шешім акционерлердің жалпы жиналысында қабылданды. Бұл жөнінде микроқаржы ұйымы KASE-ге хабарлаған.

«МҚҰ директорлар кеңесінен Қазақстан резиденті еме, Олена Малинска шығарылды. Бұған дейін ол директорлар кеңесінің мүшесі, тәуелсіз директор қызметін атқарған», – делінген хабарламада.

Өзгерістерден кейін де МҚҰ-ның директорлар кеңесі бұрынғыдай алты адамнан тұрады:

Президент Қасым-Жомарт Тоқаев Жоғары аудиторлық палата төрағасы Әлихан Смайыловты қабылдап, мемлекеттік аудит жүйесін кезең-кезеңімен дамытуды тапсырған. Бұл туралы Ақорда хабарлады.

Смайылов 2025 жылдың 1 жарты жылында 20 трлн теңгені қамтитын 12 ірі мемлекеттік аудит жүргізілгенін айтқан. Бұл өткен 2024 жылдың сәйкес кезеңімен салыстырғанда 7,1 есе артық.

Жоғары аудиторлық палата орта білім беру, дәрі-дәрмекпен қамтамасыз ету, цифрлық даму, электр энергетикасы және жоғары жетістіктер спортын қаржыландыру салаларына жіті тексеріс жүргізген. Жүргізілген аудит барысында үкімет пен аудит нысандарына 60-тан астам ұсыным мен 450 тармақтан тұратын ұйғарым берілген. Ал 20 факті бойынша іс материалдары жинақталып, құқық қорғау органдарына тапсырылған.

Бейсенбі, 17 шілдеде, доллар күрт көтерілді. Елдегі ақша айырбастау мекемелері АҚШ валютасын 534-535 теңгеден сатып жатыр.

Валюта бағамына арналған Kurs.kz сайтының мәліметінше, Алматы қаласындағы ақша айырбастау мекемелерінде 1 доллар 534 теңгеден сатылып, 532 теңгеден қабылданып жатыр. Ал Астана қаласында 1 доллар 535 теңгеден сатылып, 528 теңгеден қабылданады.

Бір күн бұрын, 16 шілдеде Қазақстан қор биржасындағы (KASE) валюта саудасы 528 теңгемен жабылған. Ұлттық банк бейсенбіге арналған доллар бағамын 526,50 теңге деп белгілеген еді.

Теңгенің әлсіреуіне бейсенбіде Құрама Штаттар валютасы индексінің айтарлықтай нығаюы да себеп болды. Жалпы алғанда, теңге бір аптадан бері құнын жоғалтып жатыр. Жеті күннің ішінде доллар...

Адам құқықтары жөніндегі уәкіл Артур Ластаев қыз алып қашқаны үшін қылмыстық жауапкершілікті көздейтін жаңа заңға пікір білдірді.

Ол бастаманы қолдайтынын, мәселені 2023 жылдан бері көтеріп келе жатқанын айтады.

«Енді заңнамада мұндай әрекеттерге тыйым салынатыны анық көрсетілген, ал кінәлілер жазасыз қалмайды. Бұл заң тек әйелдерді ғана емес, сондай-ақ олардың әкелері, ағалары мен қыздарын ұрлаған басқа да туыстарын қорғайды. Біздің ойымызша, бұл мәжбүрлі неке тәжірибесінен бас тартуға және гендерлік теңдікті қамтамасыз етуге мүмкіндік береді», – дейді ол.

Алайда арнайы уәкіл көп ғасырлық «алып қашу» дәстүрі мен қыздың еркіне қарсы ұрланып, еркіндігі шектелетін ауыр қылмыстың аражігін ажырата білу қажеттігін атап өтті.

9 елден келген 150 қандас бала Бурабайдағы Jas Qazaq этно-жазғы лагерінде бас қосты.

Бұл жолы лагерьге АҚШ, Түркия, Польша, БАӘ, Ресей, Моңғолия, Қытай, Өзбекстан және Қырғызстаннан келген қазақ диаспорасының балалары қатысып жатыр. Бұл дарынды, ынталы балалар, өздерін оқуда және Ұлттық жобаларда көрсетті. Ең бастысы, туған тамырымен байланысын сақтап қалды.

Балалар 2 апта ішінде домбырада ойнауды үйреніп атқа мінеді, киіз үй құрастырады. Сондай-ақ қазақтың мәдениеті, тарихымен тереңірек танысатын болады.

Jas Qazaq лагер...

Бұған дейін шығыны көп компания саналған «Шұбаркөл премиум» 2024 жылы 5 млрд теңге пайда тапқан. Қызығы 2023 жылы ғана кәсіпорын 2 млрд теңгеден аса шығынға батқан еді. Бұл жайлы Қазақстан қор биржасында жарияланған есепте жазылған.

Мұндай серпіліс жасауына сатылған өнімнің өзіндік құны мен операциялық шығындардың қысқаруы себеп болған. 2023 жылы компаниядағы сатылған өнімнің өзіндік құны 18 млрд теңге болса, 2024-те екі есе қысқарып 9,1 млрд теңге құрады. Әкімшілік шығындар 8 млрд теңгеден (2023) 1 млрд теңгеге дейін (2024) азайды.

Операциялық пайда көлемі де өсіп 2,2 млрд теңгеден 8,7 млрд теңгеге дейін жетті.

Басты қаржылай көрсеткіштердің бірі компанияны...

Еуразиялық ресурстық тобының (ERG) негізін қалаушылардың бірі, 72 жастағы Патох Шодиев Алматының мамандандырылған ауданаралық экономикалық сотына талап арыз түсірген. Ол «Еуразия қаржы компаниясы» директорлар кеңесінің 2 маусымдағы шешімін жарамсыз деп тану және акционерлердің кезектен тыс жалпы жиналысын мәжбүрлі түрде шақыруды» талап еткен.

Алайда компания директорлар кеңесінің 2 маусымдағы шешімінің нақты мазмұны ашық жарияланбаған. Ал Шодиевтің талап-арызы туралы хабарлама Қаржылық есептілік депозитарий сайтында орналастырылған. Шодиев – құрамына «Еуразиялық банк» пен «Евразия» сақтандыру компаниясы кіретін «Еуразия қаржы компаниясының» (ЕФК) 33% акционері.

Шодиевтің талабы қандай?

Шодиев өз талап-арызында акционерлердің кезектен тыс жалпы жиналысын мәжбүрлі түрде шақыруды да талап еткен. Ал...

Сот отырысында Перизат Қайраттың анасы Ғайни Алашбаеваның жағдайы нашарлады. Ол қылмыстық іс бойынша сотталушы деп танылған.

Жәбірленушілерден жауап алу кезінде Ғайни Алашбаева сотқа жүгініп, жағдайының нашарлағанын айтты.

«Қан қысымым көтеріліп кетті немесе басқа…» – деді Ғайни Алашбаева.

Судья Сабыржан Кәрімов қысқа үзіліс жариялады. Осылайша сот отырысы 17 шілде сағат 15:00-де жалғасатын болды.

Айта кетейік, бұған дейін сот отырысына Назарбаев Зияткерлік мектебінің қызметкері Жанерке Сатқанбекова қатысты. Ол жәрмеңкеден түскен ақшаны Перизат Қайрат қорына аударғанын айтты.

Ұлттық қауіпсіздік комитеті Алматы қаласы полиция департаментімен бірлесіп 2025 жылғы мамырда Өскемен қаласының тұрғынын ұрлап өлтірді деген күдікке ілінген топтың екі мүшесін ұстау бойынша операция жүргізгенін хабарлады.

Аталған адамдар 2025 жылғы маусымнан бері іздеуде болған.

Оларға қатысты екі айға қамауға алу бұлтартпау шарасы тағайындалып, уақытша ұстау изоляторына қамалды.

Сондай-ақ іздестіріліп жатқан адамдарды қасақана жасырып жүрген Алматы қаласының тұрғынын қылмыстық жауапкершілікке тарту мәселесі де шешіліп жатқаны хабарланды.

Бұған дейін, ҰҚК Шекара қызметі Жамбыл облысында 466 мың қорап темекі тәркіленгенін мәлімдеген болатын.

Алакөлге құятын өзен басында шошқа асырап, суды ластаған Qaratas шаруа қожалығының экологиялық талаптарды бұзғаны анықталып, аймақтан көшірілген. Бұл туралы Экология министрлігінің баспасөз қызметі хабарлады.

Мәселенің мән-жайы

Әлеуметтік желіде Жетісу облысы Алакөл ауданы Үшбұлақ ауылдық округінің тұрғындарының видеосы тарады. Елдімекен халқы Алакөлге құятын өзен басында шаруа қожалығының жабайы шошқа асырап жатқанын, маңайды сасық иіс басып кеткенін хабарлаған. Сонымен бірге тұрғындар жабайы шошқаның ішек-қарны әр жерде шашылып, өзеннің ластанып жатқанын айтып, биліктен жағдайды реттеуді сұраған.

«Мынау Қарабұлақ өзені, бұл Қызылтауға құяды. Қызылтау Алакөлге құяды. Соның басында, дәл тұмада Qaratas деген шаруа қожалығы...