Жаңалықтар

«Jibek Joly» арнасындағы «Бүгін.Live» бағдарламасына әнші Индира Елемес сұхбат берді. Ол шығармашылығы жайлы айта отырып, сыр ақтарды. Әншінің жанр ауыстыруына қатысты сұраққа да жауап берді.

«Рэп оқу табиғатыма келмейді, мүлде жараспайды шынымен. Түсінбей қалады. Рэперлермен айта аламын, өз жанрымды жоғалтпаймын, мен оған берікпін. Соңғысы бізде АZ, Азамат Зенкаев екеуміздің дуэтіміз шықты. Халық сұрады екеумізден тағы дуэт. Қазір жақсы өтіп жатыр деп айтуға болады. Әннің аты – «Обалым жоқ». Оның авторы – ZAQ пен Азамат Зенкаев»,- деді ол.

Индира Елемес кіммен дуэт болып айту арманы екенін де жасырмады. Ол Димашпен дуэт айтуды армандап қана қоймай, мақсат еткен.

Жаркентте қаза тапқан әскери Дархан Дәулеттің сотына қайғылы оқиға күні батальон кезекшісі болған Инабат Әбимолда куә ретінде қатысты. Істегі прокурор куәнің соттағы жауабы мен тергеу барысында айтқаны бір-біріне сәйкес келмейтінін айтты, деп хабарлайды KursivMedia.

Куә Әбимолда сотқа адвокатымен бірге қатысты.

Істің мән-жайы

Марқұм Дархан Дәулет Жамбыл облысы Қордай ауданы Отар ауылында 5 жыл қызмет еткен. 2024 жылдың қыркүйегінде Жаркентке инженерлік бөлімнің бастығы болып ауысқан. 2024 жылдың 13 қарашасынан 14 қарашасына қараған түні тәуліктік кезекшілікке түскен. 26 жастағы әскери сол түні қайтыс болған.

Сотталушылар қатарында 4 адам бар: майор Дархан Қазтай 1988 жылы туған, ал үш сарбаз – Нұрман Әбсадық, Бақберген Рустамұлы, Аят Шакир 19-20 жаста.

13 маусымда Израильдің бүкіл әлемдегі дипломатиялық миссиялары уақытша жабылды. Оның Астанадағы елшілігі де уақытша қызмет көрсетпейді.

Осыған байланысты Израильдің Қазақстандағы елшілігі сайтында бір сөйлемнен тұратын ескерту жарияланды. Айта кетейік, Астанадағы елшілік Қазақстан ғана емес, Қырғыз Республикасына да дипломатиялық қызмет көрсетеді.

«Кейінгі оқиғаларға байланысты Израильдің бүкіл әлемдегі миссиялары жабылады, бұған қоса консулдық қызмет көрсетілмейді», – деп жазылған Астанадағы елшілік сайтында.

Бұл шектеу қанша уақытқа созылатыны, елшілік қайтадан қашан ашылатыны туралы мәлімет жоқ.

Сонымен бірге, дипломатиялық миссия сайтында Израильдің шетелде жүрген азаматтарына қатысты ақпарат жарияланған. Олар нақты қай елде жүргенін, қазіргі жағдайын онлайн-форма көмегімен толтыруы...

Қызылорда облысындағы «Созақ» мұнай-газ кен орнын Қазақстан Қытаймен бірге игереді. Бұл туралы премьер-министр Олжас Бектеновтің Geo-Jade Petroleum басшысы Ван Вэньтаомен кездесуі кезінде айтылды.

Кездесу барысында тараптар мұнай-газ саласындағы ынтымақтастық және күрделі жолмен алынатын газды өндіру жобасын жүзеге асыру мәселелерін талқылаған. Екі ел Қызылорда облысында орналасқан «Созақ» кен орнын бірлесіп жүзеге асырып жатыр.

Жиында Бектенов Қазақстанның энергетикалық қауіпсіздікті нығайтуға, елдің экономикалық өсуін қамтамасыз етуге мүдделі екенін жеткізген. Сонымен бірге үкімет өзара тиімді шарттарда ынтымақтастықты жалғастыруға және дәстүрлі емес ресурстардың әлеуетін ашуға ниетті.

Айта кетсек, Geo-Jade Petroleum – Қазақстанда 10 жылдан астам уақыт бойы жұмыс істеп келеді. Компания негізінен мұнай...

Ұлттық банк цифрлық активтерді ерекше реттеу режимін қоспақ. Бұл режимді «реттеуші құмсалғыш» деп атаған. Қаулы жобасының сипаттама бөлігі Ашық НҚА порталына орналастырылған.

«Реттеуші құмсалғыш» — бұл стартаптар, финтех-компаниялар мен банктер жаңа қаржы қызметтерді қауіпсіз, оқшауланған ортада сынап көре алатын арнайы режим. «Реттеуші құмсалғыш» – бұл нақты жағдайда жүргізілетін сынақ режимі. Бұл режим арқылы, мысалы, заң өзгерістерін күтпей-ақ, stаblecoin-әмиянды сынап көруге болады.

Мұндай режимге қатысушылар:

Сынақ аяқталған со...

Еуроодақ Украинаға 1 млрд еуро аударды. Қаражат Ресейдің шетелдегі бұғатталған шоттарынан алынды. Бұл туралы украин премьер-министрі Денис Шмыгаль хабарлады.

Украина үкімет басшысының айтуынша, Еуроодақ, ERA бастамасы аясында, Киевке осымен бесінші мәрте қаржылай көмек аударып отыр.

«Қаражат мемлекет бюджетінің маңызды салаларына жұмсалады. Украина, ERA бастамасы аясында, Еуропа одағынан осымен 7 млрд еуро алды. Қаражат Ресейдің бұғатталған активтері есебінен аударылды», – деп жазды Шмыгаль Telegram-арнасына.

Киевке тағы бір миллиард еуро бөлінгенін Еуроодақтың экономика жөніндегі комиссары Валдис Домбровскис растады.

«ЕО Украинаны табанды түрде қолдайды. Бүгін біз ERA аясында тағы 1 млрд...

Қазақ әйелдері мен жастарына қаржылай және цифрлық сауатты үйрететін АqylTech/ІТ-Aiel онлайн оқыту бағдарламаларына тіркеу басталды. Жастарға арналған жоба 10 мың адамға дейін қамтуды жоспарлап отыр.

Бағдарлама қатысушылары қаржы сауаты, промт-инжиниринг, чат-боттарды құру, ЖИ көмегімен графика сияқты жаңа цифрлық дағдыларды үйрене алады. 100-ден аса маман арнайы платформада білім береді. Барлық оқу онлайн өтеді, қатысушылар өзіне ыңғайлы уақытта қатыса алады. Оқу бір аптадан бірнеше айға дейін созылады

Жоба авторлары заманауи цифрлық платформалар, сондай-ақ жасанды интеллект қазақстандықтарға табысын арттырып, жаңа кәсіп меңгеруге мүмкіндік береді деп есептейді.

«AqylTech – бұл тікелей жастарға, әсіресе, ауыл жастарына бағытталған жаңа жоба...

Шымкентте көпқабатты тұрғын үйлердің біріндегі лифтіде ер адамды соққыға жыққан үш жігіт сотты болды. Сот оларды «Бұзақылық» бабымен кінәлі деп танып, әрбірінің бас бостандығын 3 жылға шектеп, жылына 100 сағаттан мәжбүрлі жұмыс істеуге міндеттеді. Сотталушылар кінәсін толық мойындаған, жәбірленуші оларға кешірім берген.

Осы жылдың ақпан айында Шымкенттегі көпқабатты тұрғын үйлердің біріндегі лифтіде ер адамды бірнеше жігіт соққыға жыққан видеосы әлеуметтік желіге тарап кетті. Онда лифтіге кірген жігіттің артынан бірнеше жігіттің бірінен соң бірі кіре сала, ер адамды жабылып таяқтың астына алғанын көруге болады. Артынша соққыға жығылғын жігіттің пышақталғаны туралы бейресми ақпарат тараған. Бұған оның қарызын өтемей жүргені себеп болғаны жазылған...

Президент Қасым-Жомарт Тоқаев ExxonMobil корпорациясының басқарма төрағасы және бас директоры Даррен Вудспен кездесті.

Кездесу барысында энергетика мен мұнай-газ саласындағы инвестициялық жобалардың қазіргі жағдайы мен болашағы талқыланды.

Президент ExxonMobil-дің Қазақстан экономикасына қосқан үлесін жоғары бағалап, бұл компанияны еліміздің сенімді серіктесі деп атады.

Ол мұнай-газ саласында көмірсутек өндіру көлемін арттыруға бағытталған бірлескен жобалардың маңыздылығына тоқталып, Қазақстанның ынтымақтастықты одан әрі тереңдетуге және өндірістің тиімділігін арттыруға мүдделі екенін айтты.

Өз кезегінде Даррен Вудс Қазақстанда Теңіз, Қашаған және Каспий құбыр консорциумы жобаларын жүзеге асыруға жасалған қолайлы жағдай үшін алғысын білдірген.

Бұған дейін ExxonMobil сынды компаниялар жаңа кен орындарын барлауға қатысуы мүмкін екен...

Қазақстанда әлемнің үздік 38 жоғарғы оқу орнының филиалы ашылған. Осыған орай Ғылымы және жоғары білім министрі Саясат Нұрбек талапкерлердің мамандық таңдауда елде ашылған шетел университеттерін де ескеруі тиіс екенін айтты.

Қазақстанда ашылған 38 үздік шетелдік университеттер бұрын елде болмаған жаңа мамандықтар бойынша оқытады.

«Ұлыбританияда үздік атанған Cardiff, Coventry, Queen’s University Belfast, Exeter университеттерінің филиалы Қазақстанда ашылды. Сондай-ақ Аризона штатының (АҚШ) екі университетін елге әкелдік. Олар Шымкенттегі М.Әуезов университетінің негізінде ашылды. Бұдан бөлек, Америка, Франция, Италия, Германия, Түркия, Корея, Қытай университеттерінің филиалдары бар. Мысалы, Сеул ұлттық ғылым және технология университетінің филиалы Қызылордада ашылды. Кореяның Вусонг университетін...

Қырғызстандағы Ұлттық қауіпсіздік мемлекеттік комитеті (ҰҚМК) 2GIS-тің Бішкектегі кеңсесін мөрлеп, жауып тастады. Бұл жайлы  Kaktus.media басылымы жазады.

Басылымның мәліметінше, Қырғызстан Бас прокуратурасы Қылмыстық Кодекстегі «алдын ала сөз байласу арқылы адамдар тобының бюджетке салық төлеуден аса ірі мөлшерде жалтаруы» деген баппен қылмыстық іс қозғаған.

Алдын-ала мәлімет бойынша, компания 2018 жылдың 1 қаңтары мен 2024 жылдың 31 желтоқсаны аралығында салықтан жалтарған. 57 млн сом салық төлемеген деген күдік бар.

2GIS (кейде DoubleGIS) – 1999 жылы Новосибирскіде негізі қаланған ресейлік компания. Локалдық іздеу қызметі және цифрлық картография қызметін ұсынады. Әлемнің 12 еліне таралған. Қазақстанда Алматы, Астана, Семей, Қызылорда және басқа...

Мәжіліс депутаты Дәулет Тұрлыхановтың ұлы Нұрасыл Болат қалған түрме мерзімін айыппұлмен алмастыруды сұрап, сотқа өтініш түсірген.

Бұл ақпаратты зардап шеккен тарап – заңгер Анна Чернова растады.

Нұрасыл Болат не үшін айыпты болды?

2023 жылғы ақпанда Алматыда Дәулет Тұрлыхановтың ұлы Нұрасыл Болат көңіл көтеру орнында Олег және Анна Черновтарға шабуыл жасаған болатын. Ерлі-зайыптылар Нұрасыл соққыға жыққан қызды қорғап қалмақ болған. Салдарынан Олегтің қабырғасы сынған. Ал Анна жақ тұсынан соққы алған. Бастапқыда Жоғарғы сот Болатқа бостандықты шектеу жазасын тағайындады.

Пробациялық бақылауды үш рет бұзған

Десе де, 2024 жылдың күзіне қарай пробациялық бақылауды үш рет бұзғаннан кейін, Дәулет...

АҚШ Қазақстандағы ірі газ-химия жобаларына қатысуы ықтимал. QazaqGaz ұлттық компаниясының кеңсесінде америкалық Air Products компаниясының басшыларымен кездесу өтті.

Тараптар елімізде заманауи газ-химия кешендерін салу мүмкіндіктерін қарастырған.

Кездесуге Air Products компаниясының Еуропа мен Африка бойынша президенті Иво Болс, Орталық Еуропа мен Орталық Азия бойынша вице-президенті Вацлав Харрант, бизнесті дамыту жөніндегі директоры Артур Ғазизянов және қазақстандық серіктестер қатысты.

Air Products – энергетика, металлургия және экологиялық химия салаларында технологиялық шешімдер ұсынатын әлемдік жетекші компаниялардың бірі.

1940 жылы АҚШ-та құрылған бұл компания бүгінде әлемнің 50 елінде жұмыс істейді. Fortune 500 рейтингісінде Air Products 350-орында тұр.

Бұған дейін Қазақстан Түрікменстаннан газ...

Ғылым және жоғары білім министрлігі абитуриенттерге арнап, «Жаңа мамандықтар атласын» енгізді. Аталмыш құрал арқылы жастар елдегі жаңа мамандықтар туралы толық ақпарат біле алады. Бұл туралы Ғылым және жоғары білім министрі Саясат Нұрбек айтты.

Мамандық таңдауда жаңылатын жастар көп

Министр жастар көбінде мамандық таңдауда жаңылысып жататынын айтады. Өйткені балалар мен ата-аналардың баста мақсаты – грантқа түсу болады.

«Жастардың негізгі мақсаты – грантқа іліну. Көп жағдайда олардың ата-аналары да бұған әсер етеді. Мамандық таңдау емес, болашақты да ойлау да емес, тек грантқа ілініп кету. Бірнеше жылдан бері бұл жағдай қайталана береді. Біз...

Ілияс есімді 6-сынып оқушысы инстаграм парақшасын жүргізіп, онда футбол жаңалықтарын бөліседі. Блогын бір жыл бұрын бастап, қазіргі таңда 3000-ға жуық жазылушы жинаған.

Біз одан футболға қызуғышылығының қайдан туғанын, блог жүргізуге не әсер еткенін, болашақта кім болғысы келетінін сұрап білдік.

Мақтарал ауданының тумасына ағасының футбол көретіні әсер еткен. Бір жыл бұрын Германияда өткен Euro 2024 додасы қарсаңында видео салып көрген, бірақ ол аса таралмаған. Кейінгі видеолары кеңінен таралып, блогқа кіріскен. 

Ақсудағы ферроқорытпа зауыты атмосфераны ластаушы заттарды шамадан тыс шығарғаны үшін жауапкершілікке тартылды. Экологтар мен табиғатты қорғау прокуратурасы 855 миллион теңге айыппұл салды.

Облыстық экология департаментінің баспасөз қызметінің хабарлауынша, зауыт 2025 жылдың бірінші тоқсанында атмосфераға 663,67 тонна көлемінде ластаушы заттар шығарған. Бұл белгіленген нормадан әлдеқайда артық.

«Тексеру нәтижесінде зауыт Әкімшілік құқықбұзушылық туралы кодекстің 328-бабы, 1-бөлігі бойынша әкімшілік жауапкершілікке тартылып, айыппұл 855 миллион теңге көлемінде мемлекеттік бюджетке өндіріп алынды», – деп жазылған хабарламада.

Осыған дейін QAZAQGAZ AIMAQ компаниясының Қызылордадағы бөлімшесіне 18,3 млн теңге айыппұл  салғанын жазған едік. Оған компанияның тұтынушылардан газға қосылу үшін...

Мамырда Қазақстанның халықаралық резерві 112,3 млрд долларды құрап, бір айда 1,7% өсті. Бұл туралы Ұлттық банктің статистикасында жазылған.

Салыстырмалы түрде алсақ, сәуір айында бұл көрсеткіш 110,4 млрд доллар болса, жыл басында – 104,7 млрд доллар болған. Яғни, жыл басынан бері елдің халықаралық резервтері 7,3%-ға артты.

2025 жылдың мамыр айының соңында Ұлттық қордағы активтер көлемі 59,7 млрд долларға жетті. Бұл бір ай ішінде активтердің 2,91%-ға өскенін көрсетеді. Мұндай өсім, негізінен, мұнай мен басқа да шикізат түсімдерінің артуымен байланысты.

Ал Ұлттық банктің алтын-валюта резервтері мамыр айының соңында 52,6 млрд долларды құрап, сәуір айымен салыстырғанда 0,43%-ға көбейді.

Алтын мен...

Израиль Иранға 13 маусымдағы шабуылды бірнеше жыл бойы дайындалған. Барлау қызметі Тегеран маңында құпия дрондар базасын орналастырған. Бұл туралы Ynet басылымы хабарлады.

Израиль басылымы әскери операция туралы мәліметті қауіпсіздік күштеріндегі дереккөздерге сүйене отырып таратты.

Ynet мәліметінше, Израильдің Моссад сыртқы барлау қызметі, Иранға қарсы операция басталмай тұрып, осы ел аумағында дрондар базасын құрған. Ал қашықтан басқарылатын ұшу аппараттарының ішін жарылғышпен толтырған.

Құпия база Иран астанасына жақын маңда орналасқан. 13 маусымға қараған түні Израиль әскері сол дрондарды іске қосқан. Қашықтан басқарылатын ұшу аппараттары Тегеран маңындағы «жер-жер» санатына жататын зымырандарды жойған. Дереккөздердің айтуынша, дәл осы әскери нысандар Израильге қауіп төндірген.

Шымкенттік тәуіп Таңшолпан Ұзақова сот кезінде судьяны сиқырлап тастап, сот шешімін клиентінің пайдасына шығаруға көмектескенін айтты.

Таңшолпан Ұзақова өзін халық емшісі деп атайды.  Қобыз арқылы адамдарды емдеп, жолын ашуға жәрдем береді.

Ол әлеуметтік желіде бір клиентінің пайдасына тылсым күштің құдыреті арқылы сотқа ықпал еткенін баяндап берді.

Шымкенттік тәуіп айтқан сөзге сенсек, ол қобыздың үні арқылы істі қарау барысында судья мен қарсы тараптың пікірін қатты өзгертіп жіберген.

«Үш күн бұрын бір адам келіп, мәселесін айтты. Бәрін тастап, сол іспен айналыстым. Содан — бау! — шешім соның пайдасына шықты», – дейді Таңшолпан.

Әзірге сот органдары бұл жағдайға...

Президент Қасым-Жомарт Тоқаев медицина саласының қызметкерлерін марапаттады. Бұл туралы Ақорда хабарлады.

Президент дәрігерлерді төл мерекесімен құттықтап, олардың адам өмірін құтқарудағы еңбегін жоғары бағалады. Президент елде денсаулық сақтау саласында 380 мыңға жуық адам жұмыс істейтінін, әр маманның еңбегі орасан зор екенін айтты. Сонымен бірге елде медицинаның қарқынды дамып, халықтың өмір сүру сапасы жақсарғанын атап өтті.

«Қазір ұлттық медицина саласы қарқынды дамып келе жатыр. Жетістіктеріміз аз емес. Елімізде орташа өмір сүру ұзақтығы 75,4 жасқа жетті. Ана мен бала өлімі шамамен 12 пайызға азайды. Бес жылда 800-ге жуық денсаулық сақтау нысаны, яғни, көптеген емхана мен аурухана салынды. Бұл...

Астана әкімдігі сотталған Ұлттық қауіпсіздік комитетінің бұрынғы төрағасы Кәрім Мәсімовтің үйін муниципалдық меншікке қабылдамайды. Бұл туралы Bes.media басылымы хабарлады. Бұған дейін құны 1,6 миллиард теңгеге бағаланған зәулім сарайды қаланың әлеуметтік қажеттіліктерге пайдаланылатыны айтылған болатын.

Бұл ақпаратты KursivMedia басылымына Астана әкімдігі де растады.

«Астана қаласының Активтер және мемлекеттік сатып алулар басқармасының қазіргі уақытта жоғарыда аталған ғимаратты коммуналдық меншікке қабылдау жоспары жоқ», – делінген әкімдік жауабында.

Бұған дейін «Қайтарылған активтерді басқару компаниясы» (КУВА) Мәсімовтің үйін үлкен жер телімімен бірге қалалық әкімдік балансына өткізетінін хабарлаған болатын.

«Қайтарылған активтерді басқару компаниясы» бұған дейін экс-шенеуніктің үйін...

«Додо Пицца» пиццерия және «Дринкит» кофеханалар желісіне иелік ететін ресейлік Dodo Brands компаниясы ресми түрде Қазақстанға көшті. Бұған дейін компания Виргин аралдарында тіркелген. Енді компания өз жұмысын Астана халықаралық қаржы орталығында (АХҚО) жалғастырады.

Бұл процесс редомициляция деп аталады — яғни компания тіркелген елін ауыстырып, барлық заңды құжаттары мен міндеттемелерін сақтай отырып, жаңа елге көшеді.

Dodo Brands — әлемнің 26 елінде 1300-ден астам пиццерия мен кофехананы басқаратын халықаралық компания. Тек Қазақстанның өзінде 100-ден астам «Додо Пицца» мен 14 «Дринкит» жұмыс істейді.

2024 жылы компанияның табысы 1 млрд доллардан асты. Dodo-ның көп бөлігі франшиза арқылы жұмыс істейді (яғни, жергілікті кәсіпкерлер өз атынан...

3  шілдеден бастап «Тоқты мен Серке» толықметрлі анимациялық фильмі кинопрокатқа шығады. Балаларға арналған туындыны «Қазақстан» телерадиокорпорациясы шығарған.

«2022 жылдан бері «Balapan» телеарнасынан үздіксіз шығып келе жатқан мультхикаяның алты маусымы да жоғары рейтинг көрсетті. Осыған орай, арнаның 15 жылдығы аясында анимациялық мультхикаяның толықметрлі нұсқасы әзірленіп отыр. Кинопрокатқа арналған жобаның жаңа маусымы жаңа оқиғаларға құрылған. Сондықтан, бұл отбасылық туынды тек балалардың емес, ересектердің де көңілінен шығады деген ойдамыз. Фильм жазғы демалыс бойы еліміздің 28 қаласындағы 80-ге жуық кинотеатрда көрсетіледі», – деді Басқарма төрайымы Ләззат Танысбай.

«Тоқты мен Серкенің» режиссері және сценарий авторы – Батырхан Дәуренбековтың шығармашылық тобы...

Қазақстандағы екі әуе компаниясы – Air Astana мен FlyArystan ұшақтары Иран мен Ирак әуе кеңістігін айналып өтеді. Бұл туралы әуе компаниялары хабарлады.

Air Astana Таяу Шығыстағы жағдайды жіті бақылап отырғанын мәлімдеді. Иран мен Ирак әуе кеңестігі жабық тұр. Сол себепті компаниялардың Шарм-әл-Шейх, Дубай, Доха және Мәдина қалаларына рейс орындайтын ұшақтары екі елдің әуе кеңістігін айналып ұшады.

Компаниялар жолаушыларға рейс мәртебесін тексеріп отыруды сұрады. Себебі ұшақтардың ұшу және әуежайға қону уақыты өзгеруі мүмкін.

Естеріңізге сала кетейік, 13 маусымда таңертең Израиль Иранның ядролық және әскери нысандарына соққы жасады. Тегеран Израиль мен АҚШ-тан кек алуға уәде берді.

Көп кешікпей Иран бірден қарымта...