Жаңалықтар

2025 жылы Қазақстанның экономикалық өсімі 5%-дан асады. Бұл туралы Түркі мемлекеттері Парламенттік ассамблеясына мүше елдер парламенттерінің спикерлерімен кездесу кезінде президент Қасым-Жомарт Тоқаев мәлімдеді.

Жиында президент Қазақстан экономикасының жағдайын тоқталған. Тоқаев ел экономикасын дамытуға қатысты нақты реформалар жүргізіліп жатқанын атап өткен. Сонымен бірге әлемдегі ахуалдың күрделене түскеніне қарамастан, елде инфрқұрылым мен көліктік-логистикалық әлеуетін арттыру бойынша шаралар қолға алынғанын тілге тиек еткен.

«2024 жылы еліміздің жалпы ішкі өнімінің көлемі шамамен 290 миллиард долларға жетті. Бұл бір адамның басына шаққанда 14 мың доллар деген сөз. Бірақ алдымызда тұрған түйткілдер аз емес. Оларды ойдағыдай шешу үшін бірқатар маңызды іс-шараларды...

Жаркенттегі әскери гарнизонда қаза тапқан капитан Дархан Дәулет қазасы бойынша сот отырысы жалғасып жатыр. 2025 жылдың 11 маусымында сотта жәбірленушілерден жауап алынды. Сотта марқұмның ата-анасы мен қарындасы сөйледі, деп хабарлайды KursivMedia тілшісі сот залынан.

Істің мән-жайы

Марқұм Дархан Дәулет Жамбыл облысы Қордай ауданы Отар ауылында 5 жыл қызмет еткен. 2024 жылдың қыркүйегінде Жаркентке инженерлік бөлімнің бастығы болып ауысқан.

2024 жылдың 13 қарашасынан 14 қарашасына қараған түні тәуліктік кезекшілікке түскен. 26 жастағы әскери сол түні қайтыс болған.

Іс Астанадағы қылмыстық істер жөніндегі мамандандырылған ауданаралық әскери сотта қаралып жатыр.

Сотталушылар қатарында 4 адам бар: майор Дархан Қазтай 1988 жылы туған, ал үш сарбаз – Нұрман Әбсады...

Қазақстанның Даму Банкі (ҚДБ) енді теңгемен берілетін инвестициялық жобалар бойынша бірыңғай пайыздық мөлшерлемені – жылына 12,6% етіп бекітті. Бұл шешім кәсіпкерлер үшін несиелеу шарттарын түсінікті етуге бағытталған.

Бұған дейін мөлшерлеме жобаның саласына, орналасқан аймағына немесе банк тарапынан тартылған қаражат көзіне байланысты өзгеріп отыратын. Енді қай салада болмасын, бүкіл жаңа жобаларға бірдей шарт қолданылады.

Жаңа ережеге сәйкес, жоба тек құрылыс кезінде емес, пайдалану кезеңінде де қазақстандық тауарлар мен қызметтерді қолдануға міндеттейді. Яғни, кәсіпкерлер өз жобаларын жүзеге асыруда отандық өндірушілерден сатып алуға басымдық беруге тиіс.

Егер кәсіпкердің кепілге қоятын мүлкі жетпесе, ҚДБ енді «Даму» қорының арнайы кепілдігін пайдалана отырып қаржыландырады. Бұл...

Жаз келе Қазақстанның мыңдаған студенті АҚШ-қа тек жұмыс істеуге емес, өмірлік тәжірибе жинауға, әлем көруге аттанады. Олар Work and Travel бағдарламасы арқылы жаз бойы ақша тауып қана қоймай, саяхаттап, жаңа мәдениетпен танысып үлгереді. Бұл мүмкіндікке жол ашатын — АҚШ Мемлекеттік департаменті ұйымдастыратын Summer Work Travel бағдарламасы. ТМД елдерінде ол көбіне Work and Travel деген атаумен кеңінен танымал.

Summer Work Travel – АҚШ-та орналаспаған ЖОО студенттерінің жазда Америкаға барып, жұмыс жасап, саяхаттауына бағытталған бағдарлама. Мұны АҚШ мемлекеттік департаменті ұйымдастырады. Жыл сайын әлемнің түкпір-түкпірінен 300 мыңға жуық студент осы бағдарлама арқылы АҚШ-қа барып қайтады.

Биыл Америкаға аттанған қазақстандық студенттерден бағдарламаға қалай қатысқанын...

Соңғы кездері түркі жұртының халықаралық беделі мен ықпалы да арта түсіп, түркі елдерінің арасындағы ынтымақтастық арта түскен Бұл туралы Түркі мемлекеттері Парламенттік ассамблеясына мүше елдер парламенттерінің спикерлерімен кездесу кезінде президент Қасым-Жомарт Тоқаев айтты.

Маңызды саяси құрылым

Президент бірінші кезекте парламенттік ассамблеяның маңыздылығына тоқталған.

«Парламенттік Ассамблея – өте маңызды саяси құрылым. Қазақстан бұл Ұйымды барынша қолдайды. Қазір Парламенттік Ассамблея аясындағы бірлескен күш-жігеріміздің арқасында түркі ынтымақтастығы жылдан жылға нығайып келе жатыр. Бұл – өте жақсы үдеріс, себебі тұтас түркі жұртының халықаралық беделі мен ықпалы да арта түсуде. Ең бастысы, елдеріміздің арасында өзара жақындасуға...

Жыл басынан бергі үш айда 23 бала қайтыс болған. Оның 12-сі өрт кезінде қайтыс болса, 11-і ыстық кезең басталғалы суға батып кеткен. Бұл туралы Сенат кулуарында Төтенше жағдайлар вице-министрі Кеген Тұрсынбаев айтты.

«Жыл басына бері 23 бала қайтыс болды. 12-сі өрттен, 11-і суға кетіп қатыс болды. Жаз басталды, күн ыстық. Мұндай жағдайлар жиілеуі мүмкін. Сол үшін біз күшейту жұмыстарын өткізіп жатырмыз», – деді ТЖМ өкілі.

Еске сала кетсек, жақында ғана Батыс Қазақстанның Жымпиты ауылында жер үй өртеніп, бір үйдің бес баласы иіс тиіп қайтыс болған болатын. Вице-министр балалардың ата-анасы жұмыста өздері қалып...

Жаркенттегі әскери гарнизонда кісі қолынан қаза тапқан капитан Дархан Дәулеттің қазасы бойынша сот отырысы жалғасып жатыр. 2025 жылдың 10 маусымында сотта айыпталушылардан жауап алынды.

Істі Астанадағы қылмыстық істер жөніндегі мамандандырылған ауданаралық әскери сот қарап жатыр. Сотталушылар қатарында 4 адам бар.

Бір майор мен үш сарбазға қылмыстық кодекстің 439-бабы 3-бөлігі (алдын ала ұйымдасқан қылмыс, адамдар тобы немесе алдын ала сөз байласу арқылы адамдар тобы жасаған күш қолдану әрекеттерi адам өліміне әкеп соққан жағдай) негізінде айып тағылған.

«Қалтасына жіп салып дайындалған»

Марқұмның қарындасы Тоғжан Дәулет сотталушылардың жауаптары бір-біріне сәйкес келмейтінін айтты.

«Дархан Қазтай сотта жауап берді. Оған «әскери...

Биыл күзге қарай Қазақстанда Starlink спутник терминалы заңды түрде сатыла бастайды. Бұл туралы ҚР Цифрлық даму, инновациялар және аэроғарыш өнеркәсібі министрлігі мен SpaceX компаниясы арасында қол қойылған келісім аясында хабарланды.

Келісімге сәйкес, Starlink Қазақстан аумағында қызмет көрсету барысында елдің ақпараттық қауіпсіздік талаптарын, лицензиялау және құрылғыларды тіркеу нормаларын сақтауға міндетті.

Осылайша, бұған дейін тек пилоттық режимде және мемлекеттік мекемелерде (ауыл мектептері мен медициналық пункттерде) қолданылған спутниктік интернетті бүкіл халық пайдалана алады.

Бұған дейін Цифрлық даму министрлігі Starlink, Thuraya, Iridium және Inmarsat құрылғыларын елге кіргізуге тыйым салу бастамасын көтерген болатын. Министрлік мұндай құрылғылар ұлттық қауіпсіздікке қатер төндіруі мүмкін деп...

Астанадағы автобус апатынан зардап шеккен 8 жасар Алуа Бекен мен оның бауырларының «өмір бойғы күтімін мойнымызға аламыз» деген автобус паркі уәдесінен айнып қалды.

Алдымен Алуаны қолдауға арналған арнайы парақшада адамдар берген уәдесінен айнып қалып жатқанын туралы жазба жарияланды. Алайда онда ешкімнің аты аталмады Бірақ жазбадағы әңгіме ауанынан сөз автопарк уәдесі туралы болып отырғанын ұғу қиын емес.

«Құлыншағым қазір оның жайлы болашағы үшін қандай күрес жүріп жатқанын, жоғары лауазымды мырзалар бірінші әдемі уәде беріп, 12 сағаттан кейін сөздерінен толықтай айнып қалып жатқанын білмейді», – делінген парақшадағы жазбада.

Парақшада барлығын екінші тарап жария хабарлағаннан кейін жайып салатыны айтылған.

2025 жылы сұраныс төмендеген соң, тұрғын үй бағасы арзандауы ықтимал. Бұндай болжамды Halyk Finance сарапшылары жасап отыр. Олардың пікірінше, жыл басынан бері жылжымайтын мүлік бағасы мен жалдау ақысы инфляция қарқынынан баяу өсіп келеді, бұл сұраныстың біртіндеп төмендеп жатқанын білдіреді

Баға өсімі инфляциядан төмен

Halyk Finance сарапшыларының шолуына сүйенсек, 2025 жылдың алғашқы бес айында пәтер бағасы жаңа үйлерде 4,3%-ға, ал қайталама нарықта 2,9%-ға өскен.
Бұл көрсеткіштер инфляция деңгейінен төмен, демек, тұрғын үйге деген белсенді сұраныс баяулаған. Сарапшылар бұл жағдайды нарықтағы ұсыныстың жоғары болуымен байланыстырады. Жаңа үйлер көптеп салынып жатыр, ал сатып алушылар бұрынғыдай белсенді емес.

Жалға...

«Тұрғын үй құрылысына үлестік қатысу туралы» Заңы бойынша үлескерлердің қатысуымен тұрғын-үй салуға қатысты нормалар өзгереді. Оған сәйкес, құрылыс компанияларына салынып жатқан үйлерден пәтер сатып алуға алдын ала шарт жасауға тыйым салынады. Сенат заңды бірінші оқылымда мақұлдады.

«Заңның негізі нормаларының бірі – салынып жатқан үйлерде тұрғын үй сатып алуға алдын ала шарттар жасасуға тыйым салу. Өйткені алдын ала шарттар арқылы құрылыс салушылар азаматтардың қаражатын рұқсатсыз тартып, үлескерлердің алдану қаупін туғызады», – дедң сенатор Бибігүл Аққожина.  

Депутат қазіргі таңда республикада 41 проблемалық объект бар екенін, оларға ақша құйған 4000-ға жуық үлескер зардап шеккенін айтты...

«Алтыналмас» 2024 жылы «Майқайыңалтын» компаниясын 6,6 млрд теңгеге сатып алған. Бұл туралы компания есебінде жазылған. «Майқайыңалтын» – Павлодар облысында орналасқан алтын кен орындарын игерумен айналысатын кәсіпорын.

«Майқайыңалтынды» сатып алу кезінде оның таза активтері 17,9 млрд теңге деп бағаланған. Ал нақты есепке алынған таза активтер құны 17,6 млрд теңге болған. Сонымен қатар жаңа еншілес компаниямен бірге 6,6 млрд теңге көлеміндегі қарыз да «Алтыналмас» компаниясына өткен.

Алайда бұл келісімнен кейін «Алтыналмас» 11,8 млрд теңге шығынға ұшыраған. Бұл шығын сатып алу құны мен алынған активтердің арасындағы айырмашылықпен байланысты.

Таза пайдасы қанша?

Былтыр компания салық салынғанға дейінгі таза пайдасын 170,4 млрд...

Ерке Есмахан үшінші сәбиін өмірге әкелді. Қазақ эстрадасы жұлдызының босанғаны туралы қуанышты жаңалықты оның жары – танымал әнші RaiM айтты.

Райымбек Бақтыгерей сүйінші жаңалықты әлеуметтік желіде бөлісті.

RaiM жаңа туған ұлын қолына алған суретті жариялап: «Қош келдің, ұлым. Райымбек Батыр», – деп жазды.

Жұлдызды жұпты жанкүйерлер құттықтап, игі тілектерін жаудырды. Олардың арасында отандық шоу-бизнес өкілдері де бар.

Айта кетейік, 38 жастағы Ерке Есмахан мен...

Астанадағы автобус апатынан зардап шеккен 8 жасар Алуа Бекен мен оның бауырларының өмір бойғы күтімін автобус паркі өз мойнына алды. Бұл туралы Алуаға арнап ашылған help.aluabeken парақшасында хабарланды.

Парақшада жарияланған ақпаратқа қарағанда жәбірленушілер мен автопарк басшысы Мадияр Тоқпатов арасында болған әңгіме эмоционалды тұрғыда ауыр болған. Өйткені автопарк басшысы оқиға үшін жауапкершіліктен жалтармастан, отбасының қайғысына адамгершілікпен қараған.

Мадияр Тоқпатов жол апатына кінәлі автобусқа иелік ететін №1 автопарк Алуа мен оның төрт бауырына өмір бойына лайықты өмір сүруі үшін жағдай жасайтынына кепілдік берген.

Қазіргі уақытта жол апатынан зардап шеккен отбасы заңгерлер мен экономистерді тартып, Алуа мен анасы Махаббаттың өміріне жететіндей шығынды...

Қазақстан Еуразиялық тұрақтандыру және даму қорынан осы күнге дейін ақша алмаған. Енді Еуразиялық тұрақтандыру және даму қорын құру туралы шартқа өзгерістер енгізу көзделіп отыр. Бұл өзгеріске сәйкес, қор Қазақстандағы жобаларды қаржыландырып, жеңілдетілген несие беріп отырады. Бұл туралы Сенатта Қаржы вице-министрі Дәурен Кеңбейіл айтты.

Қор донорлары

Өзгерістерге сәйкес, Еуразиялық тұрақтандыру және даму қоры (ЕТДҚ) Еуразиялық даму банкінен (ЕДБ) бөлініп шығып, жеке ұйым ретінде жұмыс істей бастайды. Ал қордың штаб пәтері Астанада ашылады. Қаржы вице-министрі Дәурен Кеңбейілдің айтуынша, қорға Қазақстан тек донор ретінде қатысқан. Қор 2009 жылы құрылғанда, Ресей мен Қазақстан донор ретінде қатысып, Ресей...

2025 жылдың қаңтар-мамыр аралығында Қазақстанның ЖІӨ-сі 6%-ға өсті. Бұл туралы Ұлттық статистика бюросынан хабарлайды.
 
Ұлттық статистика бюросының алдын ала деректеріне сәйкес, 2025 жылдың алғашқы бес айында елдің ЖІӨ-сі былтырғы осы кезеңмен салыстырғанда 6%-ға өскен.
Мұндай нәтижеге өнеркәсіп пен құрылыс салаларынан бастап сауда, көлік және байланысқа дейінгі негізгі салалардағы өсім қарқынының жеделдеуі ықпал етті.

Өнеркәсіп өндірісі 6,4%-ға артты. Елдің 17 өңірінде өсім байқалды: ең жоғары өсім +22,9% көрсеткішімен кен өндіру, тыңайтқыштар, портландцемент пен қант өндірісінің белсенді дамуының нәтижесінде Жамбыл облысында тіркелді.

Ауыл шаруашылығындағы өсім 4,0%-ды құрады (қаңтар-сәуір айларындағы 3,9%-бен салыстырғанда). Ең айқын өсім Атырау облысында (+10,4%), Солтүстік Қазақстан облысында (+7,5%) және Ақмола...

Мемлекет басшысы Қасым-Жомарт Тоқаев Владимир Путинге құттықтау жеделхатын жолдады деп жазады Ақорда. Тоқаев Кремль басшысын елдің мемлекеттік мерекесі – Ресей күнімен құттықтады.

– Елдеріміздің арасындағы достық және тату көршілік қатынастардың деңгейі жоғары. Бұл стратегиялық серіктестік және одақтастық рухына толықтай сай келеді, – деп жазылған жеделхатта.

12 маусым – Ресей Федерациясының ресми ұлттық мерекесі. Оны Ресей күні ретінде атап өтеді. 1990 жылы Мемлекеттік Думадағы халық депутаттарының алғашқы отырысында кеңес одағынан мемлекеттің егемендігі туралы декларация қабылдаған. 2002 жылы 12 маусым Ресейдің Еңбек кодексіне ресми түрде мереке ретінде енгізілді.

Еске салайық, 16 маусымда Қытай Халық Республикасының төрағасы Си...

12 маусымға қараған түні Алматы көшелерінің бірінде өрт шыққан жерге асығып бара жатқан өрт сөндіру көлігі аудырылып кетті. Бұл туралы жергілікті пабликтер хабарлады.

Алдын ала мәлімет бойынша оқиға түнгі сағат 12-лер шамасында Сейфуллин көшесінің бойында болған.

Мәмеленің мән-жайын қалалық Төтенше жағдайлар департаменті түсіндірген.

Құтқарушыларға 12 маусым күні түнгі 12:00-де Түрксіб ауданында қызғылт разрядты өрт тіркеліп, Международное көшесінде екі үйдің қатар өртеніп жатқаны туралы хабарланған. От шарпыған аудан 500 шаршы метрден асқан.

«Өрт сөндіруге бара жатқан көліктердің бірі қырына қарай аударылып кеткен», – делінген ТЖД хабарламасында.

Шымкенттегі А.Асқаров атындағы дендрологиялық саябақта кітапхана құрылысы жүріп жатыр. Саябақ әкімшілігі бұл үшін бюджеттен бір тиын ақша бөлінбейді, бір түп ағаш та кесілмейді деп сендіреді. Кітапхана демеушілердің есебінен салынғанымен, мемлекет меншігіне өтеді.

Қаланың жүрегіне айналған саябақта заманауи әмбебап кітапхана мен шахматшылар үйі құрылысының басталғанына екі айдан асты. Дендрологиялық саябақ директоры Есдәулет Достиярдың айтуынша, кітапхана орнында онда тозығы жеткен ескі ғимарат пен субұрқақ болған. Бұл кітапхана саябаққа келушілерден бөлек саябақ қызметкерлері үшін де маңызды. Себебі дендрологиялық саябақ ғылыми бағытта жұмыс істейтін мекеме.

«Жоба демеушілердің есебінен орындалады. Саябаққа зиян келмейді. Бір түп ағаш кеспейміз. Қазіргі таңда металл құралыстырылым...

Филабуси – Зимбабве еліндегі шағын ауылдық қала. Ол елдің оңтүстік-шығысында, Матабелеленд аймағында орналасқан. Бұрын ауыл шаруашылығымен ғана күн көріп келген бұл өңір соңғы жылдары алтын өндірісінің арқасында қарқынды дамып келеді. 5 жыл бұрын қарапайым ғана елдімекен болған бұл аймақ бүгінде Land Rover Defender мен BMW X5 көліктері жүйткіген, екі қабатты зәулім үйлері мен сәнді кафелері бар кентке айналған. Мұның бәрі аяқ астынан басталған алтын өндірісінің нәтижесі, деп хабарлады Bloomberg.

Жарқын болашаққа жол

2024-2025 жылдардағы геосаяси тұрақсыздық пен экономикалық күйзелістер аясында әлемде алтынға деген сұраныс күрт өсті. Табиғи ресурстарға бай Африка елдері, соның ішінде Зимбабве, инвесторлардың және жергілікт...

Алматының төріндегі Royal Tulip-те әнші Сәкен Майғазиев тұңғышының үйлену тойын өткізді. Қазақ шоу-бизнесінің ығай мен сығайы жиналған тойға 800 қонақ шақырылды. Оның үш жүзге жуығы – эстрада жұлдыздары. Ал тікелей эфирден көру үшін тоғыз мыңға жуық адам тіркелді. Ай бойы жұрт талқысынан түспеген той қалай өтті? Қандай қызық тұсы болды? Kursiv Media материалында ұсынамыз.

Той қалай басталды?

Тойдың онлайн көрсетілімі 17:00-де басталды. Журналист Анна Данченко мен асаба Әзімбек Байлин қонақтарды қарсы алды. Алғаш болып келгендер қатарында Кенжебек Жанәбілов, Нұрлан Еспанов, Лұқпан Жолдасов та болды. Келген қонақтар тікелей эфирде құттықтау айтып, той иелеріне жылы лебізін білдірді.

Жас жұпты...

Алматыдағы Royal Tulip салтанат сарайында Сәкен Майғазиевтің ұлы Әділет пен келіні Әдияның үйлену тойы өтіп жатыр. Тойға 800-ге жуық адам шақырылған, оның жартысына жуығы – эстрада жұлдыздары, танымал актер-актриса, әншілер.

Тойға келгендердің арасында Алтынбек Қоразбаев, Досхан Жолжақсынов, Нұрғали Нүсіпжанов, Нағима Есқалиева, Мақпал Жүнісова, Тамара Асар, Құдайберген Бекіш, Рахман Омаров, Медеу Арынбаев тәрізді аға буын өнерпаздар бар. Қонақтар үшін мейрамханада 56 үстелге дастархан жайылған.

Тойға келе алмаған қонақтар

Бірақ жұлдызды тойға келе алмаған қонақтар да бар. Дастархан басынан Тұрсынбек Қабатовтың жары Мөлдір Мұқанова жалғыз болды. Әртістің өзі келе алмаған тәрізді.

Әнші Ерке Есмахан инстаграмдағы сторисінде жұбайымен...

Маңғыстау тұрғыны балаларына 6 млн теңге алимент төлемегені үшін бас бостандығынан айырылды. Азаматқа сот үкімі шықты.

Ақша төлеуден жалтарған

Lada ақпаратына қарағанда, ол екі баласының қажеттілігі үшін төленуі тиіс ақшаны бұрынғы жұбайынан бермей келген.

Маңғыстау облысының кәмелетке толмағандар ісі жөніндегі мамандандырылған ауданаралық соты жергілікті тұрғын М. есімді азаматқа қатысты қылмыстық істі қарады.

Қанша қарыз?

Сот материалдарына сәйкес, ер адам бұрынғы әйелі С.-ға екі кәмелетке толмаған балаға алимент ретінде табысынан үштен бір бөлігін төлеуі тиіс болған.

Алайда ол міндетін ұзақ уақыт бойы орындамаған. 2024 жылғы 31 желтоқсандағы жағдай бойынша қарызы 6,4 млн теңгеден асқан.

Үйінді астынан адамдарды іздеу жүйесі «Северный» шахтасына енгізілді. Бұл шахта қауіпсіздігін арттыруға бағытталған жаңа технология.

Өнеркәсіп және құрылыс министрлігінің ақпаратына қарағанда, ол көмір өндіру саласындағы апаттар қаупін азайтуға және адам өмірін қорғауға бағытталған.

Технологияны кім жасады?

Жүйені Д.А. Қонаев атындағы Тау-кен істері институтының ғалымдары әзірледі. Бұл жоба «Северный» көмір разрезінің дренаждық шахтасында іске қосылды. Инновациялық жүйе жұмысшылардың нақты орналасуын онлайн режимде анықтап, апат болған жағдайда жедел құтқару шараларын жүргізуге мүмкіндік береді.

Жүйенің мүмкіндіктері

Қызметкердің нақты орналасқан жерін бақылайды. Үйінді астында қалғандарды жедел анықтауға жәрдемдеседі. Жерасты дауыс байланысы болады. Жарылысқа төзімді құрылғылар орнатылады. Диспетчермен тұрақты байланыс...