Жаңалықтар

13 қазан, дүйсенбі күні әлем нарығында алтын да, күміс те жаңа тарихи межені еңсерді. Қымбат металдар құнының артуына АҚШ пен Қытай арасындағы сауда соғысының қайтадан өршуі себеп болды.

Астана уақытымен сағат 10.30-дағы мәлімет бойынша, алтын шамамен 4070 доллардан саудаланып жатыр. Ол бір тәулікте шамамен 50 долларға қымбаттады. Ал күміс 51,64 доллар тұрады. Оның құны шамамен 3%-ға көтерілді.

Естеріңізде болса, өткен аптаның аяғында ғана алтын 4 мың долларды еңсеріп, күміс тарихи межені жаңартқан.

АҚШ президенті Дональд Трамп жұма күні қытай тауарларына 100% баж салығын енгізді. Дегенмен Қытай америкалық тауарларға қосымша кеден салығын енгізген жоқ.

Әлемнің екі ірі экономикасы арасындағы...

Қазақстандық оқушылар бірінші тоқсанды аяқтап, күзгі демалысқа шығады. Оқу-ағарту министрлігінің мәліметінше, каникул биыл 2025 жылдың 25 қазанында басталып, 2 қарашаға дейін созылады.

Бірінші тоқсанның оқу мерзімі – 8 апта. Балалар 25 қазанға дейін сабақ оқиды, ал демалыс ресми түрде 27 қазанда басталып, 3 қарашада аяқталады.

Айта кетейік, 25 қазан Республика күні мерекесі биыл сенбіге түседі, сондықтан демалыс дүйсенбі – 27 қазанға ауыстырылады.

«ҚазМұнайГаз» ұлттық компаниясы (ҚМГ) Маңғыстау облысындағы Солтүстік Өзен учаскесінде алғашқы іздеу ұңғымасын бұрғылауға кірісті. Бұл туралы компания баспасөз қызметі хабарлайды.

Биыл маусым айында ҚМГ Маңғыстау өңіріндегі осы күрделі жобаны игеру үшін жер қойнауын пайдалануға келісімшарт алған болатын. Құжатқа сәйкес, компания тереңдігі 2000 және 1650 метр болатын екі іздеу ұңғымасын бұрғылауы тиіс.

Жобаның операторы – ҚМГ-ның еншілес компаниясы «KMG Barlau» ЖШС. Бұған дейін аталған компания Солтүстік Өзен учаскесінде 400 шаршы шақырым аумақта толық көлемді 3D сейсмикалық барлау жұмыстарын жүргізген.

ҚМГ мәліметінше, алғашқы іздеу ұңғымасының нәтижелері учаскенің геологиялық құрылымын нақтылауға және мұнай мен газ қорының әлеуетін анықтауға мүмкіндік береді. Бұл...

Мальтаның астанасы, шағын Валлетта қаласы Condé Nast Traveller журналының нұсқасы бойынша әлемнің ең әдемі астанасы деп танылды.

Қала Readers’ Choice Awards 2025 рейтингісінде Париж, Афины және Лиссабон сияқты әйгілі туристік орталықтарды басып озып, бірінші орынға ие болды. Марапатқа 182 мыңнан астам оқырман қатысып, қалаларды мәдениет, тағам және қонақжайлық деген санат бойынша бағалаған.

Валлетта 100 балдың 97,33-ын жинап, Еуропадағы ең үздік бағыт қана емес, саяхатшылар үшін әлемнің басты қаласы атанды.

«Бұл марапат – саяхатшылардың біздің мәдени мұрамыз бен мальталықтардың қонақжайлығына деген шынайы құрметінің көрінісі», – деді Мальта туризм министрі Ян Борг

Аумағы бір шаршы шақырымға...

Қасым-Жомарт Тоқаев сыртқы саясатта ауыс-түйіс жасады. Бұл туралы Ақорда хабарлады.

Президент өкімімен Ақан Рахметуллин Сыртқы істер министрінің бірінші орынбасары лауазымынан босатылды. Оның орнына Ержан Ашықбаев тағайындалды.

Данияр Сарекенов Қазақстанның Словениядағы елшісі лауазымынан босатылды. Бұл қызметке Алтай Әбибуллаев барды.

Хорватиядағы елші Дәулет Батырашев енді Қазақстанның Босния және Герцеговинадағы, Черногориядағы елшісі қызметін қоса атқарады.

Қазақстанның Алжир халық демократиялық республикасындағы елшісі Әнуарбек Ахметов енді Тунистегі елшісі қызметін қоса атқарушы болды.

2026 жылғы футболдан әлем чемпионатына іріктеу турнирі аясында Қазақстан құрамасы Солтүстік Македония командасымен кездеседі. Ойын 13 қазаннан 14 қазанға қараған түні Скопье қаласында өтеді.

Матчтың тікелей трансляциясы 23:45-те Qazaqstan және Qazsport телеарналарында көрсетіледі.

Қазір Қазақстан құрамасы алты ойыннан кейін, 6 ұпай жинап, J тобының турнирлік кестесінде төртінші орында тұр. Алдыңғы кездесуде қазақстандықтар Астанада Лихтенштейн құрамасын 4:0 есебімен ойсырата жеңді.

Бұл Қазақстан құрамасының іріктеу кезеңіндегі екінші жеңісі. Бұған дейінгі алғашқы үш ұпай да Лихтенштейнмен өткен сырттағы кездесуде (2:0) тіркелген болатын.

Ал Солтүстік Македония құрамасы өз тобында көш бастап келеді. 6 ойында 12 ұпай жинаған. Соңғы матчта македондықтар сенсациялық нәтиже...

«Самұрық Қазына» әл-ауқат қоры Қоғамдық кеңесінің мүшесі, мұнай сарапшысы Олжас Байділденов Астана мен Алматыда жолақысын 500 теңгеге дейін көтеру туралы ұсынысынан кейін қоғам сынына ұшырады.

«Астана мен Алматыда жолақы 500 теңге тұруы керек (бұған дейін Мәслихат сессияларында 450 теңгеге көтеру мәселесі айтылған). Алматыда ғана былтыр автобуспен жолаушы тасушыларға 200 млн долларға субсидия бөлінді. Сапаның артқанын байқаған адам бар ма?» – деп жазған сарапшы өткен аптада ғана.

Оның пікірінше, бұл саладағы бағаны да нарық анықтауы тиіс, ал жолаушылар ақыны жолдың қашықтығына қарай төлеуі керек.

Байділденовтің осы ұсынысы әлеуметтік желілерде әлі талқыланып жатыр. Белсінділердің кейбірі оны қызметтен...

Қазақстанда дүйсенбі, 13 қазан күні ауа райы тұрақсыз болмақ. «Қазгидромет» мәліметінше, елдің солтүстігінде және шығысында қар аралас жаңбыр мен тұман, кей жерлерде көктайғақ болады.

Астанада күн бұлтты, бірақ жауын-шашынсыз өтеді. Шығыс және солтүстік-шығыс бағыттағы жел 9–14 м/с жылдамдықпен соғады. Түнде ауа температурасы –5…–7°С, күндіз +3…+5°С шамасында.

Қостанай облысының батысы мен солтүстік-батысында жаңбыр мен қар аралас жауын күтіледі. Түнде –2…–7°С суық болса, күндіз +3…+8°С, оңтүстікте +13°С дейін жылынады.

Солтүстік Қазақстан облысында түнде 4–9 градус аяз, күндіз +5°С жылы. Павлодар облысында көктайғақ пен тұман байқалады. Түнде –10°С дейін суытады, күндіз 0…+2°С.

Қарағанды облысының солтүстігі мен шығысында қар аралас жаңбыр жауады. Кей жолдарда...

11 қазан, жұма күні, АҚШ қор нарығы күрт құлдырады. Себебі Дональд Трамп Қытаймен сауда соғысын эскалациялау туралы шешім қабылдады. Бұл шешім Қытайдың сирек кездесетін жер металдарын саудаға бақылауды күшейтуіне жауап ретінде қабылданды. Трамп кешкі уақытта Қытайдан қосымша импортқа 100%-дық баж салығын енгізу және маңызды америкалық бағдарламалық қамтамасыз етуді экспорттық бақылауға алу туралы мәлімдеді. Бұл мәлімдеме технологиялық алып саналатын Nvidia, Tesla, Amazon және Advanced Micro Devices компанияларының акцияларының 2%-ға төмендеуіне себеп болды.

Сонымен қатар, бұл құлдырау жұма күні ертерек басталған нарықтың құлдырауын одан әрі тереңдетті. Трамп «масштабты» баж салығының көтерілуі туралы ескертіп, Си Цзиньпинмен кездесу өткізуден бас тартқанын мәлімдед...

Әркімнің сериалға қатысты талғамы әртүрлі. Біреу Сүлеймен сұлтан туралы мың шақты сериядан тұратын туындыны күн демей, түн демей көруге бар. Енді бірінің шыдамы бірнеше серияға ғана жетеді. Болмаса, ұзақтығы 15-20 минуттық түрлерін көргенді құп көретіндер бар. Осы ретте оңтүстіккореялық мини-дорамалар топтамасын оқырман назарына ұсынғанды жөн көрдік.

Всплеск любви (Pongdangpongdang love)

Жанры: фэнтези, мелодрама
Шыққан жылы: 2015
Режиссері: Ким Джи-хён
Сценариін жазған: Ким Джи-хён
Актерлер: Ким Сыл-ги, Иун Ду-жун, Чин Ги-жу, Ли Дэ-ион, Ан Хио-соп, Чон Гу-су, Ко Гу-пхил
Ұзақтығы: 60 минуттан 2 серия
Сюжеті. Мектеп бітіретін жасқа келген Тан-би жаратылыстану-математика сияқты бағытқа нашар болады. Содан емтихан тапсырсам құлап қаламын деп қорқып жүреді. Сынақ тапсырудан қашып кеткен ол батпақтан секірмек болып жатқанда ойламаған жерден Чосон дәуірінен бір-ақ шығады. Сол жақта Ли До деген жас патшамен кездесіп қалады. Өз...

Ерлер арасындағы шаш түсу — ең кең таралған мәселелердің бірі. Статистика бойынша, 35 жасқа дейінгі ерлердің үштен екісі, ал 50 жастағылардың 85%-ы шаштың сиреуін байқайды. Кейбір ер-азаматтарда бұл процесс тіпті 21 жасқа дейін басталуы мүмкін.

Бүгінде нарықта жүздеген «шешім» ұсынылғанымен, олардың аз бөлігі ғана ғылыми тұрғыда дәлелденген. Төменде ерлер не себепті шашынан айрылатынын, нақты не көмектесетінін және неге сенбеу керектігін талдап көрейік.

Ер адамдарың шашының түсуіне не себеп болуы мүмкін

Басты себеп — гормондар мен тұқым қуалаушылық. Ерлердің көпшілігінде тестостеронның бір бөлігі дигидротестостеронға (ДГТ) айналып, шаш түбіндегі фолликулаларды әлсіретеді. Уақыт өте келе шаш жұқарып, өсу циклі қысқарады...

Көлік министрлігі авиакомпания Vietjet Qazaqstan (бұрынғы Qazaq Air) басшылығына ұшқыштардың шағымын заңға сәйкес қарастыруды міндеттеді. Бұл туралы министрліктің баспасөз қызметі хабарлады.

Бұған дейін авиакомпанияның бір топ ұшқышы басшылыққа ресми түрде жүгініп, еңбек жағдайларын жақсартуды және жалақыны қайта қарауды талап еткен.

Олардың негізгі талаптары мыналар:

«Көлік министрлігі авиакомпаниядан бұл өтінішті қолданыстағы заңнамаға сәйкес қарауды талап етеді», — делінген ведомство хабарламасында.

Сонымен қатар министрлік Vietjet Qazaqstan компаниясының құрылтайшылары туралы да еске салды: 49% акциясы...

Алматы облысының Іле ауданындағы Құрты ауылында өткен ерекше шара барысында мың түйеден құралған керуен ресми түрде Гиннестің рекордтар кітабына енді. Бұл туралы облыс әкімдігі хабарлады.

20 қыркүйекте бір өркешті түйелер бір шақырымдық қашықтықты жүріп өтті. Оқиғаны Гиннестің рекордтар кітабының ресми өкілі Ричард-Уильям Стэннинг тіркеді. Оның айтуынша, бұл рекордтың ерекшелігі керуендегі барлық түйе бір ғана иелікке тиесілі, ал өзге елдерде мұндай шаралар көбіне бірнеше меншік иелерінің қатысуымен өтеді.

«Қазақстан мені қатты таңғалдырды. Енді мен бұл елге жұмыс бабымен ғана емес, турист ретінде де қайта оралғым келеді», — деді Стэннинг.

Керуеннің иесі әрі бастамашысы, «Даулет-Бекет» ЖШС...

Авиакомпания Vietjet Qazaqstan (бұрынғы Qazaq Air) Қостанай – Астана бағытындағы рейс кезінде ұшақ шассиінен шыққан түтінге байланысты орын алған оқиғаға түсініктеме берді.

Компанияның хабарлауынша, 2025 жылғы 11 қазанда IQ368 рейсі Қостанай әуежайында ұшуға дайындық кезінде техникалық ақау анықталған. Осыған байланысты ұшақтың ұшуы тоқтатылып, әуе кемесі перронға өз күшімен қайта оралған. Кейін жолаушылар терминалға жеткізілді.

Авиакомпания өкілдері мәлім еткендей, барлық жолаушыға қажетті қолдау көрсетілді, қонақүйге орналастыру, билет құнын толық қайтару немесе басқа рейстерге ауыстыру мүмкіндігі ұсынылды.

Алайда, URA.RU агенттігінің мәліметінше, сол күні Астана бағытына бос рейстер болмаған, сондықтан Вьетнам мен Қытайға транзитпен ұшатын жолаушылар билеттерін өз қаражаты есебінен Алматы арқылы сатып...

2025 жылы косметика индустриясында өзгеріс көп болды. Тіпті биыл жаңа кезең басталды деген де пікір бар. Олай дейтін себебі бьюьти-салада назар бұрынғыдай құрамы мен формулаларына ғана емес, адамға сыйлайтын әсеріне де көбірек аударылатын болды. Былайша айтқанда, қазір сенсорлық косметика тренд болып отыр. Ол дегеніміз – эмоция бере алатын өнімдер. Яғни қышырлаған дауыс шығатын, езіп жібергенде жарылып кететін, жаққан бойда теріні салқындататын немесе еритін дегендей басқаша әсер сыйлайтын косметика туралы айтып отырмыз. Kursiv.Media тілшісі күнделікті күтім жасаған кезде құдды медитация сияқты сезілетін косметика түрлеріне шолу дайындады.

1. Капсула түріндегі косметика

Осыдан бірер жыл бұрын шыны ампуладағы сарысулар трендке...

Оңтүстік Кореяның Вонджу қаласында өткен беделді ITF Juniors J300 турнирінде қазақстандық теннисші Заңғар Нұрланұлы жеңіске жетіп, жекелей сында жетінші титулын иеленді.

Финалда Нұрланұлы Қытай Тайбэйінің өкілі Куан Чеу Ченді 6:2, 6:1 есебімен сенімді түрде ұтты. Бұл жеңіс Заңғардың соңғы айларда көрсетіп жүрген жоғары нәтижелерінің жалғасы болды. Заңғар қатарынан екінші титулын жеңіп алып, 11-матчтық жеңіс сериясын жалғастырды.

Еске сала кетейік, бұған дейін Уханьда өтіп жатқан турнирде Арина Соболенко қазақстандық теннисші Елена Рыбакинаны ұтып, әлемдік рекордты қайталады.

Ауғанстанның «Талибан» үкіметі Пәкістан армиясына қарсы шекара маңындағы бірнеше тау аймағында соққы бергенін растады. Бұл туралы BBC хабарлады.

Кабул таратқан мәлімдемеде бұл әрекет «жауаптық операция» деп сипатталған. «Талибанның» айтуынша, бұған дейін Пәкістан әскерилері Ауғанстан аумағына кіріп, бейсенбі, 10 қазан күні Пактика провинциясындағы базарды бомбалаған.

Пәкістанның ішкі істер министрі Мохсин Накви бұл шабуылдарды «ешқандай арандатусыз жасалған агрессия» деп атап, Ауғанстанды бейбіт тұрғындарға оқ атты деп айыптады. Ол сондай-ақ Пәкістан өз азаматтарын қорғау үшін қажетті шаралар қабылдайтынын мәлімдеді.

Пәкістан тарапы «Талибанды» өз елінде лаңкестерді паналатып отыр деп айыптайды, ал Ауғанстан бұл айыптауларды үзілді-кесілді жоққа шығарады.

BBC дерегінше, екі тарап оқ атқыш...

Шығыс Қазақстан облысында ауа райының қолайсыздығына байланысты қысқы дөңгелегі жоқ көліктердің қозғалысына уақытша шектеу қойылды. Бұл шешім «Өскемен — Тарғын — Самарское» бағытындағы облыстық маңызы бар автожолға қатысты қабылданды.

«Қазавтожол» және «Кажсервис» мекемелерінің өңірлік бөлімшелері хабарлағандай, алдағы сағаттарда республикалық жолдарда қар жауып, көктайғақ болуы мүмкін. Осыған байланысты жол қызметтері күшейтілген тәртіпте жұмыс істеуде, арнайы техника жол бойында кезекшілікте тұр.

Бұған дейін Павлодар облысында қалың қар жауған және осындай ауа райы Шығыс Қазақстан аймағына да таралуы ықтимал екені ескертілді.

Жүргізушілер барынша сақ болуы керек: жылдамдықты азайтып, арақашықтықты сақтау қажет. Қажет болмаған жағдайда елді мекендерден шықпаған жөн...

«Қайрат» футбол клубының және Қазақстан құрамасының шабуылшысы Дастан Сәтпаев Қатар астанасы Дохаға қосымша медициналық тексерістен өту үшін жол тартты.

Бұл туралы ақпаратты клубтың ресми Instagram парақшасы жариялады.

«Қайраттың» шабуылшысы бүгін түнде Дохаға ұшып шығып, дәрігерлердің ұсынымы бойынша қосымша медициналық тексеруден өтеді», — делінген хабарламада.

Еске салайық, бұған дейін клубтың баспасөз қызметі ойыншының жарақатына қатысты түсініктеме берген еді.

Матчтан кейін Сәтпаевтың ауырсынуы күшейіп, медициналық штабқа жүгінуге мәжбүр болған. Тексеру нәтижесінде футболшының сол жақ жамбас бұлшықетінде шамамен төрт сантиметрге жуық ісіну, сіңірдің созылуы мен микрожарықтар анықталған.

Президент Қасым-Жомарт Тоқаев Испания Королі Фелипе VI мен Испания халқын Ұлт күнімен құттықтап, арнайы жеделхат жолдады.

Мемлекет басшысы өз құттықтауында Қазақстан мен Испания арасындағы достық, өзара түсіністік және сенімге негізделген тұрақты қарым-қатынастардың дамып келе жатқанын атап өтті.

Ортақ күш-жігердің арқасында Қазақстан мен Испания арасындағы ынтымақтастық халықтарымыздың игілігі үшін табысты дами беретініне сенімдімін, — делінген Президенттің жеделхатында.

Қасым-Жомарт Тоқаев Король Фелипе VI-ға қызметінде зор табыс, ал Испания халқына бақыт, береке және өркендеу тіледі.

12 қазан күні таңғы сағат 7.00-де Семей қаласында еліміздегі алғашқы облыс орталығы деңгейіндегі әкім сайлауы басталды. Бұл туралы Семей әкімдігі хабарлады.

Қала бойынша барлығы 128 сайлау учаскесі жұмыс істеп тұр. Оның ішінде 110 ашық, ал 18 жабық учаске әскер бөлімдері мен медицина және түзету мекемелерінде орналасқан.

Ресми дерек бойынша, Семей қаласында 314,3 мың тұрғын бар, олардың 220 761-і дауыс беруге құқылы.

Сайлау учаскелерінде барлық қажетті жағдай жасалған: жасырын дауыс беру кабиналары, бюллетень салатын жәшіктер мен ақпараттық стендтер дайындалған.

Барлық учаске уақытында ашылып, штаттық режимде жұмыс істеп жатыр. Бұл Семей мен бүкіл Қазақстан үшін маңызды кезе...

Кәсіпкер Түрсен Алагөзов «Қайрат» футбол клубына екі жаңа шағын автобус сыйлады. Бұл туралы продюсер әрі актриса Баян Алагөзова Instagram парақшасында хабарлады.

«Жігіттер, барлығыңызға үлкен рақмет айтқым келеді. Футбол – бір адамның емес, командалық ойын. Сіздер үлкен жұмыс атқардыңыздар. Сондықтан мен, Maxi Чай компаниясының басшысы ретінде, сіздерге екі автобус сыйлағым келеді. Жолдарыңыз болсын, мықты командамыз «Қайрат» жүлделі орындардан көріне берсін», – деді Алагөзов.

Айта кетейік, бұған дейін кәсіпкер егер «Қайрат» «Реал Мадридті» жеңсе, әр футболшыға шетелдік көлік сыйлайтынын айтқан еді. Матч сенсациямен аяқталмаса да, бизнесмен уәдесін іспен дәлелдеп, клубқа қолдау көрсетуді жөн көрді.

 Ал көктемде...

Әзербайжан президенті Ильхам Әлиев өзінің әпкесі, белгілі композитор әрі қоғам қайраткері Севиль Әлиеваны «Шараф» («Құрмет») орденімен марапаттау туралы жарлыққа қол қойды. Бұл туралы ақпаратты Әзербайжан мемлекеттік ақпарат агенттігі жариялады.

«Әзербайжан Республикасының Конституциясының 109-бабының 23-тармағына сәйкес, әзербайжан музыкалық өнерінің дамуына қосқан еңбегі үшін Севиль Гейдар қызы Әлиева «Шараф» орденімен марапатталсын», – деп жазылған президент жарлығында.

Севиль Әлиева – композитор, қоғам қайраткері, Space TV телеарнасының негізін қалаушы. Ол бұл арнаны 1990-жылдары әзербайжан мәдениеті мен музыкасын насихаттау мақсатында ашқан. Әлиева классикалық және заманауи музыкалық бағыттарда шығармалар жазып, түрлі мәдени жобаларды жүзеге асырып келеді. Ертең ол 70-ке келеді.

«Шараф...

Жыл басынан бері 9 айда елде 6 мыңнан астам есірткіге қатысты қылмыстық құқықбұзушылық анықталды. Оның ішінде шамамен 3 мың қылмыс тіркелсе, оның 1 700-сі есірткі сату фактісі деп хабарлайды Polisia.kz.

Жалпы құзырлы органдар 26 тонна есірткі тәркілеген, оның ішінде бір тоннадан астамы – синтетикалық заттар. Бұл 11 миллионнан астам бір реттік дозаға тең.

«Мақсатты жедел-іздестіру іс-шараларының нәтижесінде 16 ұйымдасқан қылмыстық топ жойылды, оның бесеуі трансұлттық сипаттағы топқа жатады. Осы топтардың басшылары мен белсенді қатысушылары ұсталып, 950 келіден астам есірткі тәркіленді. 12 синтетикалық есірткі өндіретін зертхананың және 93 каннабис өсірілетін фитозертхананың қызметі тоқтатылды. Есірткі өндіруге пайдаланылған...